რატომ გადაუხადა ზვიად კვაჭანტირაძემ საგარეო საქმეთა სამინისტროს 16 000 დოლარი

gurianews.com

ფინანსები

რატომ გადაუხადა ზვიად კვაჭანტირაძემ საგარეო საქმეთა სამინისტროს 16 000 დოლარი

2018 თებ 8 10:02:34

საპარლამენტო უმრავლესობის წევრმა, ზვიად კვაჭანტირაძემ საქართველოს საგარეო საქმეთა სამინისტროს, გასულ წელს 16 000 დოლარი გადაუხადა.

ამის შესახებ კვაჭანტირაძის ქონებრივ დეკლარაციაში წერია, რომელიც  31 იანვარსაა შევსებული.

დეკლარაციაში განმარტებულია, რომ მას სამინისტროს მიმართ დავალიანება ჰქონდა.

როგორც გვითხრეს,  კვაჭანტირაძეს სამინისტრომ თანხის გადახდა წლების წინ დააკისრა.

უფრო კონკრეტულად კი ზვიად კვაჭანტირაძემ თურქეთში კონსულად მუშაობის დროს, სახელმწიფო ბიუჯეტის თანხით საკონსულოსთვის ახალი ავტომობილი შეიძინა და მალე ავარია მოუხდა.

წყაროს ინფორმაციით, ინფორმაციით კვაჭანტირაძე საჭესთან ნასვამი იჯდა.

„მაშინ ეს ინფორმაცია სამინისტროს არ მიაწოდა და ყველაფერი მას შემდეგ გაირკვა, რაც კონსული შეიცვალა და ინვენტარიზაცია ჩატარდა.

ფაქტი საგარეო საქმეთა სამინისტროს გენერალურმა ინსპექციამ შეისწავლა და კვაჭანტირაძეს თანხის გადახდაც დააკისრა, თუმცა, წლების მანძილზე დეპუტატს თანხა არ გადაუხდია.

მოგვიანებით სამინისტრომ სარჩელი სასამართლოში შეიტანა და 2013 წლის 7 ოქტომბერს გამოტანილი გადაწყვეტილების თანახმად, ზვიად კვაჭანტირაძეს სამინისტროსთვის თანხის გადახდა უკვე სასამართლომ დაავალდებულა“, _ ამბობს „გურია ნიუსის“ წყარო.

ზვიად კვაჭანტირაძე ამ ინფორმაციას „ბინძურ ჭორს“ უწოდებს და აღნიშნავს, რომ ის მიზანმიმართულად ააგორეს:

„ბინძური ჭორია, რომელიც ჯერ კიდევ მაშინდელი ხელისუფლების დროს ააგორეს და ცოცხლობს ისევ. სტამბოლში საქართველოს გენერალური საკონსულოს მძღოლს ნამდვილად შეემთხვა ავტოავარია, რის შედეგადაც დაზიანდა საკონსულოს კუთვნილი მინიბუსი. საჭესთან და საერთოდ იმ მანქანაში იჯდა მხოლოდ მძღოლი, რომელიც დაშავდა.

ეს პოლიციის აქტებით დასტურდება. მე, ოჯახთან ერთად იმ დღეს და იმ პერიოდში საერთოდ შვებულებაში ვიყავი. დამალული არაფერი ყოფილა. ესეც ტყუილია და სწორედ ამის აღიარებას "მტენიდნენ" (უკაცრავად, ჟარგონისთვის) მაშინ. იმ წლის, 2008 წლის ინვენტარიზაციის ჩემს მიერვე ხელმოწერილ ოქმშიც კი ფიქსირდება ამ მანქანის ავარიული მდგომარეობა. მე არც მაშინ და არც დღეს არ მივიჩნევდი თავს ვალდებულად, რომ ასეთ სიტუაციაში დამდგარი ზარალი პირადად ამენაზღაურებინა. მძღოლს, რომელიც თურქეთის მოქალაქე იყო, საერთოდ არ მოთხოვეს პასუხი.

დიდი ხნის ჩემთან ჭიდაობის და ჩემზე ზეწოლების შემდეგ სამინისტროს მაშინდელმა ხელმძღვანელობამ სასამართლოს მიმართა, რათა ზარალი მე ამენაზღაურებინა, როგორც მატერიალურად პასუხისმგებელ ხელმძღვანელ პირს, ანუ გენერალურ კონსულს. სასამართლოს გადაწყვეტილებას არც დღეს ვეთანხმები, მაგრამ სასამართლოს მიერ დაკისრებული 16 000 დოლარი სრულად მაინც გადავიხადე და ეს მოხდა, გასულ 2017 წელს.

მე შემეძლო დავის გაგრძელება და სხვა პირების პასუხისმგებლობების საკითხებიც დამეყენებინა, მაგრამ ჩემი სამსახურებრივი მდგომარეობა ძალიან უხერხულ სიტუაციაში გვაყენებდა, რადგანაც უნდა გამეგრძელებინა დავა იმ უწყების წინააღმდეგ, რომლის ზედამხედველიც, 2012 წლიდან უკვე თავად ვიყავი საქართველოს პარლამენტში. ათი წელი გავიდა მას შემდეგ რაც ეს ინცინდენტი მოხდა და აწი ფილმს თუ გადაიღებს ვინმე ამ თემაზე, თუნდაც დოკუმენტურს, თორემ იმ წელს, 2008 წელს, ხელისუფლებამ ლამის ქვეყანა ჩამოგვაქცია თავზე და პოლიტიკურ- მატერიალური ზარალი იმდენად დიდი დაგვიდგა ყველას, რომ ამაზე პასუხისმგებელი პირები დღესაც დაუსჯელები და ყელმოღერებული დადიან და მათზე თითქმის აღარ ლაპარაკობენ“, _ მოგვწერა ზვიად კვაჭანტრიაძემ.

რაც შეეხება დეპუტატის სხვა გასავლებს _ დეკლარაციის მიხედვით უმრავლესობის დეპუტატმა გასულ წელს შვილის, გიორგი კვაჭანტირაძის სწავლისთვის 3 500 ლარი გადაიხადა; 30 000 დოლარი აქვს გადახდილი მეორე ვაჟის _ დავით კვაჭანტირაძის სწავლისთვის და  1 740 ლარი _ ბინის ქირისთვის.

დეპუტატმა გასულ წელს 6 020 ლარი ღირებულების ავეჯი შეიძინა და 1 749 ლარის ბილეთები, რომელზეც მითითებულია, რომ „უკან დაბრუნდა რამდენიმე მცირე ტრანზაქციის ფორმით“.

დეკლარაციით ირკვევა, რომ ზვიად კვაჭანტირაძის, როგორც პარლამენტის დეპუტატის შემოსავალმა ,გასულ წელს 66 465 ლარი შეადგინა.

დეკლარაციის შევსების დროს კვაჭანტირაძეს ნაღდი ფულის სახით 19 000 ლარი და 14 000 დოლარი ჰქონდა. დეპუტატი განმარტავს, რომ ამ ფულადი თანხის წყარო დანაზოგია.

გასულ წელს ზვიად კვაჭანტირაძეს  სესხის ნაწილიც გადაუხდია _ დოკუმენტის მიხედვით, 2014 წელს „თი ბი სი“ ბანკში აღებული 130 000 დოლარის ოდენობის სესხი აიღო და 2017 წელს 22 320 დოლარი გადაიხადა.

დეკლარაციით, ასევე, ირკვევა, რომ 2016 წელს, ზვიად კვაჭანტირაძეს კიდევ ერთი სესხი აქვს აღებული. ხელშეკრულება სანოტარო აქტითაა დამტკიცებული და როგორც დოკუმენტშია განმარტებული, 100 000 დოლარი ხელზე აქვს აღებული, თუმცა, გრაფაში _ გასავალი, ამ სესხის გასწვრივ 0 წერია.

„გურია ნიუსის“ კითხვაზე, როგორ მოახერხა შვილებისთვის სწავლის და ბინის სოლიდური საფასურის გადახდა, ავეჯის და კონცერტის ბილეთების შეძენა მაშინ, როცა ოჯახში მხოლოდ ის მუშაობს, წლიური შემოსავალი 67 000 ლარი ჰქონდა და ამავე დროს სესხებიც აქვს, დეპუტატი ასე გვპასუხობს:

„დეკლარაციაში გარკვევით ჩანს ინფორმაცია გასულ წელს ჩემი ოჯახის მიერ მიღებული შემოსავლის შესახებ და დეკლარირებულია არამარტო ჩემი, როგორც პარლამენტის წევრის ანაზღაურების შესახებ, არამედ ხანგრძლივი ვადით სესხის სახით მიღებულ თანხის (100 000.00$) თაობაზეც, რომლის ნაწილითაც მოახერხა ჩემმა ოჯახმა თქვენს მიერ აღნიშნული ხარჯების დაფარვა. რაც შეეხება თქვენს მიერ ხსენებულ კონცერტის ბილეთებს, დეკლარაციაში გარკვევით წერია, რომ კონცერტის ბილეთების საფასური უკან დაბრუნდა, ზუსტად შემდეგი სიტყვებით: „შემოსავლის ან/და გასავლის სახეობა _ კონცერტის ბილეთები (უკან დაბრუნდა რამდენიმე მცირე ტრანზაქციის ფორმით)“.

რადგან რამდენიმე ბილეთი იყო შეძენილი, უკან ცალ-ცალკე ტრანზაქციის სახით დაბრუნდა. დეკლარირება ხდება 1 500 ლარზე მეტი შემოსავლის/გასავლის, ამიტომ გასავალში კომენტარის სახით მითითებულია რომ უკან დაბრუნდა გადახდილი თანხა. შესაბამისად, თუ კი გულდასმით გაეცნობით ჩემი ქონებრივი მდგომარეობის დეკლარაციას, ნახავთ რომ გასულ წელს ჩემი ოჯახის მიერ გაწეული ხარჯები ნამდვილად არ აღემატება შემოსავალს“, _ ამბობს საპარლამენტო უმრავლესობის დეპუტატი.


ნახვა: 447


 ახალი ამბები
  • იმერეთის გუბერნატორის აპარატიის უფროსი _ ,,დანამატი და ხელფასი გაერთიანდა და ეს თანხა მივიღეთ“იმერეთის გუბერნატორი გივი ჭიჭინაძე, რომლის შრომის ანაზღაურებაც  2 950 ლარი იყო,  თებერვლიდან 5900 ლარს მიიღებს. გავრცელებული ინფორმაციის თანახმად, გადაწყვეტილება საქართველოს პრემიერ-მინისტრმა მიიღო. სახელფასო ცვლილება გუბერნატორის ადმინისტრაციის თანამშრომლებსაც შეეხო. ასევე, გაიზარდა მხარის გუბერნატორის მოადგილეების ხელფასებიც. აღნიშნულის შესახებ ,,გურია ნიუსთან“ ინფორმაცია უარყო იმერეთის გუბერნატორის აპარატის უფროსმა გოჩა გაბუნიამ. მისი თქმით, გუბენატორის ხელფასი იგივე დარჩა, თუმცა ცვლილება შეეხო დანამატისა და ხელფასის გაერთიანებას. როგორც გაბუნია აცხადებს, აღნიშნული თანხების გაერთიანებამ ჯამში იმ  თანხის რაოდენობა შეადგინა, რასაც გუბერნატორი წინა თვეში იღებდა. ,,საჯარო დაწესებულებაში შრომის ანაზღაურების შესახებ კანონის შესაბამისად მოხდა გუბერნიებისათვის განსაზღვრული სტრუქტურისა და ხელფასების ცვლილება. აღნიშნული კანონის საფუძველზე,ჩამოყალიბდა ახალი თანამდებობრივი სარგოები, თუმცა, გაზრდა არ შეინიშნება არც ერთი თანამდებობის პირის მიმართ, რადგან თუკი მანამდე იყო ხელფასი გუბერნატორის 2 950 ლარი,  ასევე, დანამატი ჰქონდა მათ ყოველთვიურად  2 950 ლარი _ ეს დარჩა იგივენაირად, არაფერი შეცვლილა,  უბრალოდ, გაერთიანდა და შეგვიძლია ვთქვათ, რომ სახელფასო ფონდი წლიური ანაზღაურება გუბერნიაში არ გაზრდილა, პირიქით, შემცირდა 8 000 ლარით. გასულ წელს იყო ნახევარი მილიონი ლარი იმერეთში გუბერნატორის ადმინისტრაციის სახელფასო ფონდი და იანვრიდან გახდა 49 200 ლარი ანუ 8 000 ლარით შემცირდა. შესაბამისად, არ შეიძლება ითქვას, რომ ხელფასები  გაიზარდა, რაც იყო ის დარჩა. უბრალოდ,  თუ იღებდა დანამატსა და ხელფასს,  ახლა გაერთიანდა და მივიღეთ ეს თანხა“, _ განაცხადა აპარატის უფროსმა. ... ...
  • მუხიანში მომხდარი მკვლელობა გახსნილია _ შსს-ს კომენტარიშინაგან საქმეთა სამინისტრომ განზრახ მკვლელობის ფაქტი ცხელ კვალზე გახსნა. უწყების ცნობით, სამინისტროს თბილისის პოლიციის დეპარტამენტის დეტექტივების სამმართველოს და გლდანი-ნაძალადევის სამმართველოს თანამშრომლებმა, ერთობლივად ჩატარებული ოპერატიულ-საგამოძიებო მოქმედებების შედეგად, 1972 წელს დაბადებული ზ.გ., განზრახ მკვლელობის და ქურდობის ბრალდებით, თბილისში დააკავეს. მის მიერ ჩადენილი დანაშაული 7-დან 15-წლამდე ვადით თავისუფლების აღკვეთას ითვალისწინებს."გამოძიებამ დაადგინა, რომ ბრალდებულმა მიმდინარე წლის 18 თებერვალს თბილისში, ლერი ლაგურაშვილის ქუჩაზე, ურთიერთშელაპარაკებისას, ნაცნობს - 1960 წელს დაბადებულ გ.ჩ.-ს ცივი იარაღით სხეულზე სასიკვდილო ჭრილობა მიაყენა, რის შედეგადაც იგი შემთხვევის ადგილზე გარდაიცვალა. ამის შემდეგ ზ.გ.-მ სახლიდან საყოფაცხოვრებო ტექნიკა მოიპარა და შემთხვევის ადგილიდან მიიმალა.სამართალდამცველებმა ბრალდებული მომხდარიდან რამდენიმე საათში, თბილისში დააკავეს. პოლიციამ ნაქურდალი ნივთი ნივთმტკიცებად ამოიღო.გამოძიება განზრახ მკვლელობის და ქურდობის ფაქტზე მიმდინარეობს, საქართველოს სსკ-ს 108-ე და 177-ე მუხლებით", - აცხადებენ ... ...
  • "ნაციონალები" და "ევროპული საქართველო" გაერთიანდაჩოხატაურის მუნიციპალიტეტის საკრებულოში ახალი ფრაქცია იქმნება _ "ევროპულ საქართველოს", რომელიც საკრებულოში 2 კაცით არის წარმოდგენილი, "ნაციონალური მოძრაობა" უერთდება, რომელსაც ჩოხატაურის საკანონმდებლო ორგანოში ერთი წევრი ჰყავდა. ფრაქციის შექმნისთვის საჭირო დოკუმენტაცია კანცელარიაში ფრაქციამ უკვე ჩააბარა. ფრაქციის სახელწოდება ასეთია: "გაერთიანებული ოპოზიცია ჩოხატაურისთვის" და მისი თავმჯდომარე "ევროპული საქართველოს წევრი" ლია ჩიგოგიძე იქნება, ხოლო მოადგილე _ "ნაციონალი" მამუკა ბარამიძე. ჩოხატაურის საკრებულოს იურიდიულ საკითხთა კომისიის თავმჯდომარის მარინა ბერაძის ინფორმაციით, ფრაქციამ რეგისტრაციისთვის საჭირო დოკუმენტები დღეს შეიტანა და ფრაქციის შექმნის შესახებ განხილვები რამდენიმე დღეში დაიწყება. შეგახსენებთ, რომ ცოტა ხნის წინ, "ნაციონალურმა მოძრაობამ" და "პატრიოტთა ალიანსმაც" მოახერხეს გაერთიანება და ლანჩხუთის საკრებულოში საერთო ფრაქცია ... ...
  • „ზომები უნდა მივიღოთ, რათა ამგვარი სიგნალი არ იქცეს რეალურ საფრთხედ“დგას თუ არა საქართველო უვიზო რეჟიმის მექანიზმის შეჩერების წინაშე _ ამ საკითხთან დაკავშირებით  ,,გურია ნიუსი“ საერთაშორისო ურთიერთობების სპეციალისტს ირაკლი მენაღარიშვილს ესაუბრა. ,,როდესაც საქართველოს  მოქალაქეებს, ევროკავშირის გადაწყვეტილებით, მიეცათ  შენგენის  ზონასთან  და მასთან დაკავშირებულ სახელმწიფოებთან უვიზო რეჟიმის მიმოსვლის ნებართვა, მაშინ იყო შეთანხმებული და საქართველოსთვის კარგად  იყო ცნობილი, რომ ევროკავშირი შეიმუშავებდა მექანიზმს, რომლის მიხედვითაც, თუკი საქართველოს მოქალაქეთა უვიზო მიმოსვლის რეჟიმი საფრთხეს შეუქმნიდა ევროკავშირის სახელმწიფოების უსაფრთხოებას ან სხვა რაიმე  პრობლემას გააჩენდა, მაშინ ევროკავშირს  ექნებოდა უფლება, შეეჩერებინა გადაწყვეტილება უვიზო რეჟიმის შესახებ. ამ ინსტრუმენტის შემუშავებას დასჭირდა დიდი ხანი და სულ რამდენიმე დღის წინ გაკეთდა განცხადება, რომლის მიხედვით, ეს ინსტრუმენტი საბოლოოდ შემუშავებულ იქნა  ევროკავშირის ყველა სახელმწიფოს მიერ“, _ გვითხრა მენაღარიშვილმა. ირაკლი მენაღარიშვილი, როგორც ექსპერტი გვეუბნება, რომ  საქართველოს მოქალაქეები ევროკავშირის ქვეყნებში ყველაზე საშიშ ჯგუფს არ წარმოადგენენ, თუმცა, მისი თქმით, მექანიზმის შეჩერებასთან დაკავშირებით გერმანიის წარმომადგენლის მიერ გაკეთებული განცხადებები საქართველოს მოქალქეებისთვის გამფრთხილება უნდა იყოს. ,,შეჩერების მექანიზმის ამოქმედება გახდება საჭირო, როგორც კი ჩვენი თანამოქალაქეები გარკვეულ ნორმებს დაარღვევენ. ჯერ ამგვარი პრობლემა  არ გასჩენია არც ერთ ქვეყანას. გერმანიის ერთ-ერთმა  წარმომადგენელმა განაცხადა, რომ იქ საქართველოდან ჩასული თავშესაფრის მომთხოვნელთა რაოდენობამ მოიმატა, თუმცა, ეს ჯერ კიდევ არ ნიშნავს იმას, რომ საქართველოს მოქალაქეებზე შეჩერების მექანიზმი ამოქმედდება, მაგრამ განცხადება გაფრთხილებაა იმისა, რომ შეთანხმება და წესები ჩვენმა მოქალაქეებმა მკაცრად დაიცვან. ამის შესახებ საუბარი მქონდა  ევროკავშირის ქვეყნის არა ერთ წარმომადგენელთან. საქართველოს მოქალაქეები სულაც არ წარმოადგენენ ყველაზე შემაწუხებელ ჯგუფს. ბევრად უფრო დიდი და სერიოზული  ნაკადია ევროპაში, მათ შორის, აღმოსავლეთ ევროპიდან, ბალკანეთის სახელმწიფოებიდან და ა.შ. ჯერჯერობით,საქართველოს მიმართ საშიშროება უვიზო რეჟიმის შეჩერების არ არსებობს, თუმცა ეს სულაც არ ნიშნავს იმას, რომ  ჩვენმა ქვეყანამ მუშაობა  შეასუსტოს და ამ მუშაობისთვის არა მარტო სურვილი და პოლიტიკური განცხადებებია საჭირო, არამედ კონკრეტული ნაბიჯები, როგორც ჩვენი სამართალდამცავების მხრიდან, ისე სხვა სახელმწიფო სტრუქტურების მიერ.  ეს სამუშაო  უნდა გაძლიერდეს. გერმანიის წარმომადგენლის განცხადებით,  ატყობენ, რომ  წესების დამრღვევთა მატების ტენდენციამ მოიმატა, რაც უნდა იყოს სიგნალი იმისა, რომ ზომები მივიღოთ, რათა ამგვარი სიგნალი არ იქცეს რეალურ საფრთხედ“, _  განაცხადა ,,გურია ნიუსთან“ ირაკლი ... ...
  • ღვთისმშობლის სახელობის ეკლესიაში ხელყუმბარა აღმოაჩინესგორში ღვთისმშობლის სახელობის ეკლესიაში ხელყუმბარა იპოვეს, რომელსაც თან წერილი ახლდა. როგორც „გურია ნიუსს“ შინაგან საქმეთა სამინისტროს შიდა ქართლის პოლიციის დეპარტამენტში განუცხადეს, მომხდარზე გამოძიება სისხლის სამართლის კოდექსის 236-ე მუხლის მიხედვით დაიწყო. „გორში ღვთისმშობლის ეკლესიაში ხელყუმბარა იპოვეს. ხელყუმბარას თან ახლდა წერილი, რომელშიც წერია, რომ  პირმა არ იცოდა, სად წაეღო ხელყუმბარა, რომელსაც 2008 წლის აგვისტოს ომიდან ფლობდა და პოლიციისთვის გადაცემა ანონიმურად გადაწყვიტა. ხელყუმბარა არ იყო საბრძოლო მოქმედებაში, საფრთხე არავის ემუქრებოდა. გამოძიება სისხლის სამართლის კოდექსის 236-ე მუხლის  მეორე ნაწილით მიმდინარეობს, რაც  ითვალისწინებს ცეცხლსასროლი იარაღის, საბრძოლო მასალის  შეძენა-შენახვას“, _ ამბობენ შიდა ქართლის პოლიციის ... ...

არქივი

ზაფრანი

"საკანონმდებლო" კრივი

ცოტა ხნის წინ ტაილანდის დედაქალაქ...

ძმური ლევიტაცია

ჩილეს ყველაზე ცნობილმა ილუზიონისტებმა, ტყუპმა...

"მიმზიდველი" თინეიჯერი

"მაგნიტური" ადამიანები თავისი თვისებების დემონსტრირებით...

სერფერი ტობი

ცოტა ხნის წინ აშშ-ში, კალიფორნიაში...

"სანტექნიკ-ოპერა"

ფლორიდის შტატის ქალაქ მაიამიში ლუკ...

ლედი გაგა დეპრესიაში ჩავარდა

ლედი გაგას "გიჟობას" არც ბრუს...
კარმიდამო ჩემი

როგორ მოვუაროთ მცენარეებს ადრე გაზაფხულზე

გაზაფხულის დამდეგი ზამთრიდან გაზაფხულისკენ გარდამავალი...

სენპოლია _ მთელი წელი მოყვავილე ოთახის ია

ეს სამხრეთ აფრიკული მცენარე ინტერიერის...

როგორ დავიცვათ თავი ბრონქიტისგან

ხველება ყოველთვის მიგვანიშნებს ორგანიზმის არასასურველ...

ვიოლები _ საოცარი ყვავილების ისტორია და მოვლის წესები

ამ საოცარ ყვავილებს ვიოლებს უწოდებენ,...

ოთახის მცენარე, რომელიც ჰაერს გაზის ნამწვისგან წმენდს

სპეციალისტები გვირჩევენ, აუცილებლად ვიყოლიოთ სახლში...

ჩაი და ყავა არა მარტო სასმელია

ცნობილია, რომ ჩაისა და ყავის...

შეწამვლითი ღონისძიებები და უსაფრთხოების ზომები

ვაგრძელებთ უსაფრთხოების ზომების შესახებ საუბარს,...

ახლებურად შევხედოთ ჩაის აღდგენას და მისი მოვლის მეთოდებს

ჩაის გაშენება ჩაის რეაბილიტაციის სახელმწიფო...

მონსტერა ჩვენს პირობებში _ როგორ გამოვაზამთროთ ოთახის გარემოში

მონსტერა მარადმწვანე ბუჩქოვანი და ლიანა...

ლავანდი _ ძვირფასზეთოვანი და სურნელოვანი მცენარე

ლავანდი ეთერზეთოვანი მცენარეა, რომელიც ეკუთვნის...