ეკა ბესელია: საქართველოს პრეზიდენტის ადმინისტრაცია საპარლამენტო კომიტეტის განცხადებებზე არ რეაგირებს

პოლიტიკა

ეკა ბესელია: საქართველოს პრეზიდენტის ადმინისტრაცია საპარლამენტო კომიტეტის განცხადებებზე არ რეაგირებს

2013 ივნ 21 10:25:57
საპარლამენტო კომიტეტის მიერ გაწეული საქმიანობის შესახებ პრეზენტაცია თბილისში, სასტუმრო „რედისონ ბლუ ივერიის“ საკონფერენციო დარბაზში შედგა და მას კომიტეტის წევრების გარდა, საქართველოს მთავრობის, არასამთავრობო და საერთაშორისო ორგანიზაციების, სამოქალაქო საზოგადოების წარმომადგენლები, უფლებადამცველები, ექსპერტები ესწრებოდნენ.

პარლამენტის პრესსამსახურის ინფორმაციით, ღონისძიება ორგანიზებულია ეროვნულ–დემოკრატიული ინსტიტუტის (NDI) ხელშეწყობით და ამერიკის შეერთებული შტატების საერთაშორისო განვითარების სააგენტოს (USAID) ფინანსური დახმარებით. სტუმრებს მისასალმებელი სიტყვით მიმართა საქართველოს პარლამენტის თავმჯდომარის პირველმა მოადგილემ, მანანა კობახიძემ, რომელმაც NDI–ის საქართველოს ოფისის დირექტორს ღონისძიების ორგანიზებისათვის მადლობა გადაუხადა და აღნიშნა წლების განმავლობაში ამ ორგანიზაციის მიერ გაწეული დიდი დახმარება და მხარდაჭერა, რათა საქართველოს პარლამენტის მუშაობა უფრო გამჭვირვალე და ნაყოფიერი იყოს. „ეს თანამშრომლობა დღესაც გრძელდება და ვიმედოვნებთ, რომ იგი ისეთივე ეფექტური იქნება, როგორც დღემდე“, – განაცხადა მანანა კობახიძემ. მან აქვე აღნიშნა, რომ პარლამენტის მუშაობის გამჭვირვალობა და ეფექტურობა მნიშვნელოვნადაა დამოკიდებული იმაზე, თუ როგორ თანამშრომლობს იგი არასამთავრობო ორგანიზაციებთან და, საერთოდ, სამოქალაქო საზოგადოებასთან.

„თქვენთან აქტიური თანამშრომლობის გარეშე შეუძლებელია რამის მიღწევა საკანონმდებლო საქმიანობაში, მით უმეტეს, როცა საქმე ადამიანის უფლებების დაცვას ეხება“, – მიმართა მან დამსწრე საზოგადოებას და იმედი გამოთქვა, რომ კომიტეტების მხრიდან ანგარიშის საჯაროდ მოსმენა და მასში სამოქალაქო საზოგადოების წარმომადგენელთა აქტიური მონაწილეობა ტრადიციად დამკვიდრდება და ხელს შეუწყობს პარლამენტის საქმიანობის კიდევ უფრო გაუმჯობესებას.

ადამიანის უფლებათა დაცვისა და სამოქალაქო ინტეგრაციის კომიტეტის მიერ შესრულებული მუშაობის ანგარიში ამავე კომიტეტის თავმჯდომარემ, ეკა ბესელიამ წარმოადგინა. მან დეტალურად ისაუბრა კომიტეტის საქმიანობის ძირითად მიმართულებებზე, ამოცანებსა და ფუნქციებზე, საანგარიშო პერიოდში გაწეულ საქმიანობაზე, რომელშიც განსაკუთრებით აღნიშნა კომიტეტის მცირერიცხოვანი აპარატის მნიშვნელოვანი ღვაწლი, რომელთაც ამ ექვსი თვის განმავლობაში მართლაც რომ უდიდესი მოცულობის სამუშაოს შესრულება მოუწიათ. როგორც ეკა ბესელიამ აღნიშნა, კომიტეტის ყოველდღიურ მუშაობაში, სამწუხაროდ, საპარლამენტო ოპოზიციის წარმომადგენლები არ მონაწილეობდნენ და კომიტეტის მიერ გაწეული საქმიანობის თაობაზე მათი ინფორმაცია არც თუ მთლად სრულყოფილი და ობიექტურია.

იქიდან გამომდინარე, რომ კომიტეტის მიზანს დემოკრატიული და ადამიანის უფლებების პატივისცემაზე დაფუძნებული საზოგადოების მშენებლობისათვის ხელის შეწყობა, უმცირესობების წარმომადგენელთა საზოგადოებაში სრულყოფილი ინტეგრაცია და საკანონმდებლო ბაზის სრულყოფა წარმოადგენს, მისი საქმიანობის სფერო მრავალ საკითხს მოიცავს: მსჯავრდებულთა და თავისუფლებაშეზღუდულ პირთა უფლებების დაცვა, ბავშვთა უფლებები, ადამიანით ვაჭრობა, სიტყვის თავისუფლება, აღმსარებლობის თავისუფლება და რელიგიურ გაერთიანებათა, ეროვნულ და ეთნიკურ უმცირესობათა უფლებები, საქართველოს სკონსტიტუციითა და საერთაშორისო აქტებით გარანტირებული სხვა უფლებების დაცვა, პენიტენციალური სისტემის რეფორმა და სხვა.

ეკა ბესელიას განმარტებით, კომიტეტის საქმიანობის მნიშვნელოვან ნაწილს საკანონმდებლო აქტებზე დასკვნებისა და წინადადებების მომზადება შეადგენს, მაგრამ იმავდროულად კომიტეტი რეაგირებას ახდენს ქვეყანაში ადამიანის უფლებების დარღვევის ფაქტებზე. აღსანიშნავია, რომ საანგარიშო პერიოდში ადამიანის უფლებათა დაცვისა და სამოქალაქო ინტეგრაციის კომიტეტში 6 000–ზე მეტი განცხადება შევიდა, რაც მთლიანად პარლამენტში შემოსული კორესპონდენციის თითქმის 41,2%–ს შეადგენს.

_ „ეს გასული 6 თვის განმავლობაში. დღეისათვის კი განცხადებათა რიცხვმა 7 ათასს გადააჭარბა. ეს ციფრი თავისთავად მეტყველებს იმაზე, თუ როგორია ადამიანების მოლოდინი. განცხადებათა საკმაოდ დიდი ნაწილი ეხება წინა წლებში ჩადენილ დანაშაულებს, არასამართლიან სასამართლოს, წამებისა და არაადამიანური მოპყრობის ფაქტებს და სხვა“, – განაცხადა ეკა ბესელიამ. მისივე თქმით, წინა მოწვევის პარლამენტში კომიტეტის საქმიანობა მთლიანად ფორმალიზებული იყო, რადგანაც მას არ დახვედრია არც ერთი დასკვნა, რაიმე ტიპის დოკუმენტი, კონკრეტულ პრობლემებთან დაკავშირებით. აღსანიშნავია ისიც, რომ კომიტეტს ბოლო წლებში, მთელი წლის განმავლობაში მხოლოდ 1500–1600 ადამიანი მიმართავდა საჩივრით, დღეს კი ვითარება მნიშვნელოვნად შეიცვალა, რასაც კომიტეტისადმი მიმართული განცხადებების რაოდენობაც მოწმობს.

როგორც ეკა ბესელიამ აღნიშნა, ამჟამად, განცხადებების დიდ ნაწილზე უკვე მოახდინეს რეაგირება. კომიტეტს ჰქონდა ორი მნიშვნელოვანი ინიციატივა, რომლებიც პოლიტიკური ნიშნით დაპატიმრებულებს და ამნისტიის პროექტს ეხება. კომიტეტის დამსახურებაცაა იმაში, რომ დღეს საქართველო პატიმართა საერთო რაოდენობით ერთ–ერთ პირველ ადგილზე აღარაა ევროპაში, დღეს საპატიმროებში ვითარება სრულიად შეიცვალა, შესრულდა საერთაშორისო თანამეგობრობის მხრიდან მიღებული რეკომენდაციები.

კომიტეტის თავმჯდომარემ ყურადღება გაამახვილა სხვადასხვა უწყებაში გადაგზავნილი საჩივრების რაოდენობასა და მათზე რეაგირების ფაქტებზე. აღმოჩნდა, რომ საქართველოს პრეზიდენტის ადმინისტრაცია საპარლამენტო კომიტეტის განცხადებებზე არ რეაგირებს. წარმოდგენილი ანგარიშის მიხედვით, მაშინ, როცა სხვადასხვა სამინისტრო თუ უწყება ყურადღების მიღმა არ ტოვებს კომიტეტიდან მიღებულ განცხადებებს, პრეზიდენტის ადმინისტრაციაში გადაგზავნილ 670 განცხადებიდან არც ერთზე პასუხი არ მიუღიათ. მხოლოდ ერთი პასუხი მიიღო პარლამენტის კომიტეტმა იუსტიციის უმაღლესი საბჭოდან აღნიშნულ უწყებაში გადაგზავნილ 48 განცხადებიდან. იუსტიციის უმაღლეს საბჭოში გაგზავნილი განცხადებები კი, მოსამართლეთა დისციპლინარული პასუხისმგებლობის საკითხს შეეხებოდა. შესაბამისად, კომიტეტი ყველაზე მეტ უკმაყოფილებას მათთან თანამშრომლობისა და რეაგირების თვალსაზრისით პრეზიდენტის ადმინისტრაციის და იუსტიციის უმაღლესი საბჭოს მისამართით გამოხატავს.

ეკა ბესელიას განმარტებით, დინამიკა აჩვენებს, რომ საჩივრების რაოდენობა არ კლებულობს, რაც იმას ნიშნავს, რომ წლების განმავლობაში უამრავი პრობლემა დაგროვდა. ეკა ბესელია უფლებადამცველების საკოორდინაციო საბჭოს შექმნის ინიციატივითაც გამოდის. მისი თქმით, ქმედითი ღონისძიებებია განსახორციელებელი იმისათვის, რომ ხელისუფლების მხრიდან ადამიანთა მიმართ წინა წლებში ჩადენილი დანაშაულის შედეგები ნაწილობრივ მაინც რომ გამოსწორდეს. ამისათვის კომიტეტმა გარკვეული გეგმები დასახა კიდეც.

„ეს იყო ურთულესი ექვსი თვე, დიდი პასუხისმგებლობით დატვირთული, თუმცა მან აჩვენა, რომ კომიტეტს შეუძლია იმუშაოს ეფექტურად და ბევრ პრობლემას და გამოწვევას შესაბამისად უპასუხოს. გასათვალისწინებელია ის ფაქტიც, რომ ერთბაშად ვერ გადაწყდება წლების განმავლობაში დაგროვილი პრობლემები, მაგრამ კომიტეტი მზადაა სამოქალაქო საზოგადოებასთან თანამშრომლობისათვის და ვითხოვთ, იყვნენ ისინი უფრო მომთხოვნი და კრიტიკული“, – განაცხადა ეკა ბესელიამ.

საპარლამენტო კომიტეტთან თანამშრომლობის და აღმასრულებელი ხელისუფლების მხრიდან გაწეული საქმიანობის თაობაზე ინფორმაციები წარმოადგინეს შინაგან საქმეთა სამინისტროს, იუსტიციის სამინისტროს, სასჯელაღსრულების, პრობაციის და იურიდიული დახმარების საკითხთა სამინისტროს, შრომის, ჯანმრთელობის და სოციალური დაცვის სამინისტროს, მთავარი პროკურატურის წარმომადგენლებმა. რის შემდეგაც გაიმართა დისკუსია, სადაც არასამთავრობო ორგანიზაციებს განხილულ საკითხებთან დაკავშირებით საკუთარი მოსაზრებების, შენიშვნებისა და რეკომენდაციების გამოხატვის საშუალება მიეცათ.




 ახალი ამბები
  • ალაფიშვილი: ზურაბიშვილმა სალომემ მსოფლიო რეკორდი დაამყარა _ კონსტიტუცია უკვე დაარღვია"სალომე ზურაბიშვილმა მსოფლიო რეკორდი დაამყარა _ აამოქმედა კონსტიტუცია და პირველი დამრღვევიც თვითონაა", _ ამბობს სამართალმცოდნე ლევან ალაფიშვილი. მისივე თქმით, ასეთი რამ ისტორიას არ ახსოვს: "პარლამენტის დიასპორის კომიტეტის თავმჯდომარის პირველი მოადგილეა, მთაწმინდის მაჟორიტარის მანდატი აქვს და ახალი კონსტიტუციით ეს არ შეიძლება.  აამოქმედა და პირველივე თვითონ გახდა დამრღვევი პირველივე წამიდან. ესეთი რამ ისტორიას არ ახსოვს _ მსოფლიო რეკორდია", _ აღნიშნა გურია ნიუსთან საუბრისას ლევან ... ...
  • სალომე ზურაბიშვილმა ფიცი დადოსაქართველოს მეხუთე პრეზიდენტმა, სალომე ზურაბიშვილმა, თელავში, ერეკლე მეფის სასახლეში სახელმწიფო ფიცი დადო. ამის შემდეგ სახელმწიფო ჰიმნი შესრულდა. ასევე გაისროლეს ქვემეხები.  ცერემონიას 1500 სტუმარი ესწრება. მათ შორის არიან მაღალი რანგის სტუმრები სხვადასხვა ქვეყნიდან, მოქმედი და ყოფილი პრეზიდენტები. საქართველოს ისტორიაში პირველად ახალი პრეზიდენტის ფიცის დადებას მისი წინამორბედი ესწრება. დღეიდან ამოქმედდება საქართველოს კონსტიტუციის ახალი ... ...
  • ომბუდსმენი შსს-ს აქციის მონაწილეების კონსტიტუციურ უფლებას ახსენებს და აქციის ორგანიზატორებსაც მიმართავსსაქართველოს სახალხო დამცველი მოუწოდებს საქართველოს შინაგან საქმეთა სამინისტროს უზრუნველყოს მომიტინგეთა შესაძლებლობა, გადაადგილდნენ თავისუფლად თელავის მიმართულებით, მანიფესტაციის გამართვის მიზნით, _აღნიშნულია ნინო ლომჯარიას მიერ გავრცელებულ განცხადებაში. ლომჯარიას თქმით, "აღნიშნული წარმოადგენს მათ კონსტიტუციურ უფლებას, რომელიც არ შეიძლება შეიზღუდოს კანონით გაუთვალისწინებელი მიზნებით". "საქართველოს სახალხო დამცველის აპარატი აკვირდება მიმდინარე მოვლენებს და თავისი კომპეტენციის ფარგლებში შეისწავლის შეკრებისა და მანიფესტაციის შეზღუდვის კანონიერების საკითხს. ამავდროულად, საქართველოს სახალხო დამცველი მოუწოდებს აქციის ორგანიზატორებს და მოქალაქეებს, არ დაარღვიონ კანონმდებლობა, რათა შეკრება და მანიფესტაცია კონსტიტუციურ ფარგლებში წარიმართოს,"_ წერია განცხადებაში. გურჯაანში მიმდინარე ნაციონალური მოძრაობის აქციაზე დაძაბული ვითარებაა. ნაციონალები პოლიციის კორდონის გარღვევასა და თელავის მიმართულებით გზის გაგრძელებას ცდილობენ. გურჯაანში სამართალდამცველებმა რამდენიმე ადგილას გადაკეტეს გზა ავტობუსებით და საპატრულო პოლიციის მანქანებით. ისინი აქციის მონაწილეებს თელავისკენ გზის გაგრძელების საშუალება არ აძლევდნენ და სხვა მიმართულებით გადაადგილებისკენ მოუწოდებდნენ. თუმცა, ოპოზიცია ალტერნატიულ გზაზე უარს ამბობს. თელავში, სალომე ზურაბიშვილის ინაუგურაცია ერეკლე მეფის სასახლის ეზოში დღეს, 15:00 საათზე დაიწყება და 40 წუთს ... ...
  • შსს: აქციის მონაწილეების მიზანი იყო პროვოკაციების მოწყობა, რადგან მათ ხელოვნურად გაამწვავეს პროცესი შინაგან საქმეთა სამინისტრო თელავის მიმართულებით გადაადგილების შეზღუდვასთან დაკავშირებით სპეციალურ განცხადებას ავრცელებს. შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს უფროსი, მამუკა ჭელიძე აცხადებს, რომ უწყებამ გადაადგილების შეზღუდვასთან დაკავშირებით დილით გაავრცელა ინფორმაცია. "თელავში, საქართველოს პრეზიდენტის ინაუგურაციის ცერემონიაზე დასასწრებად ქვეყანაში ჩამოსული მაღალი რანგის სტუმრებისა და დელეგაციების უსაფრთხოების დაცვის მიზნით, შინაგან საქმეთა სამინისტრომ მიიღო შესაბამისი ზომები. თელავის მიმართულებით გადაადგილებისას გარკვეულ შეზღუდვებთან დაკავშირებით, შინაგან საქმეთა სამინისტრომ, ჯერ კიდევ დილით გაავრცელა განცხადება. კახეთის მიმართულებთ, სატრანსპორტო საშუალებების მრავალრიცხოვანი ნაკადიდან გამომდინარე, საპროტესტო აქციის ორგანიზატორებს შეთავაზებული ჰქონდათ თელავის მიმართულებით მოძრაობის ალტერნატიული, უსაფრთხო მარშრუტი, რომლითაც ისინი ველისციხის გადასახვევიდან ყვარლის გავლით მშვიდობის ქუჩით შეძლებდნენ თელავში მოხვედრას. მიუხედავად გაფრთხილებისა, ალტერნატიული მარშრუტისა და ტრანსპორტის შეთავაზებისა, საპროტესტო აქციების მონაწილეები არ დაემორჩილნენ პოლიციის კანონიერ მოთხოვნებს, გადაუხვიეს შეთავაზებულ მარშრუტს, დაიწყეს ღია დაპირისპირება და ძალადობა პოლიციასთან. აშკარაა რომ აქციის მონაწილეების მიზანი იყო პროვოკაციების მოწყობა, რადგან მათ ხელოვნურად გაამწვავეს პროცესი და დააზიანეს საპოლიციო ტრანსპორტი და ტექნიკა. პოლიციის მიერ შესწავლილი იქნება თითოეული ინციდენტის ამსახველი ვიდეოკადრები, ასევე გამოიკითხებიან მოწმეები, რის შემდგომაც მოხდება ინციდენტების სამართლებრივი შეფასება და შესაბამისი რეაგირება. შინაგან საქმეთა სამინისტრო კიდევ ერთხელ მოუწოდებს აქციების ორგანიზატორებს, დაიცვან მართლწესრიგი და დაემორჩილონ პოლიციის კანონიერ მოთხოვნებს. სამართალდარღვევის ნებისმიერი ფაქტი პოლიციის მიერ, კანონის ფარგლებში, დაუყოვნებლივ იქნება აღკვეთილი" _ განაცხადა მამუკა ... ...
  • "ნაციონალური მოძრაობის" აქციის მონაწილეები "იმედის“ გადამღებ ჯგუფს მუშაობის საშუალებას არ აძლევენგურჯაანში, ველისციხესთან „ნაციონალური მოძრაობის“ აქციის მონაწილეები ტელეკომპანია „იმედის“ გადამღებ ჯგუფს მუშაობის საშუალებას არ აძლევენ. აქციის მონაწილეები „იმედის“ გადამღები ჯგუფის მიმართ აგრესიით გამოირჩევიან. „ნაციონალური მოძრაობის“ რამდენიმე მხარდამჭერი პირდაპირი ეთერის დროს „იმედის“ კამერას ხელით შეეხო. მათ ტელეკომპანიის ოპერატორს სიტყვიერი შეურაცხყოფა მიაყენეს და დასარტყმელად გაიწიეს. აქციის მონაწილეების დამშვიდება „ნაციონალური მოძრაობის“ ერთ-ერთმა ლიდერმა, ირაკლი ნადირაძემ სცადა. როგორც მან მომხდარის შეფასებისას განაცხადა, მათ აქციაზე სუს-ის აგენტები არიან შეგზავნილი და პროვოკაციას ისინი ... ...

არქივი

ზაფრანი

10 რეალური მოსალოდნელი კატაკლიზმა დედამიწაზე

ახალი ოკეანე აფარის სამკუთხედი (იგივე...

საბედისწერო რიცხვი და ასტროლოგია

მაინც რატომ ეშინიათ ადამიანებს ასე...

როგორ ვიშოვნოთ ფული ზოდიაქოს ნიშნის მიხედვით

ადამიანების უმრავლესობა ოდითგანვე დაეძებდა გზებს...

ანტარქტიდაზე ოდესღაც პალმები და ბაობაბებიც ხარობდნენ

ანტარქტიდაზე ოდესღაც პალმები და ბაობაბებიც...

სკოლაში მალე რობოტებიც ივლიან

ავსტრალიაში სკოლის მოსწავლეებს გაკვეთილებზე მალე...

ნივთიერებები, რომლებიც ოქროზე ძვირი ღირს

ალბათ  ვერ დაასახელებთ მეტალ კალიფორნიუმ-252-ის...
კარმიდამო ჩემი

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...

მოახლოებული ზამთარი და პირუტყვის მოვლა-დაბინავება

ზამთრის მოახლოებისას, შინაურ მსხვილფეხა თუ...

როგორ მოვსპოთ ზამთრის განმავლობაში ნიადაგში მავნებლები

დეკემბრიდან, ჩვენს ბაღ-ბოსტნებში, როცა უკვე...

ბროწეული _ გახდომის საუკეთესო საშუალება

ბროწეული, არა მარტო დეპრესიისა და...

შეიძლება თუ არა ცხოველის წლოვანების ზუსტად დადგენა

იშვიათია, ალბათ, ადამიანი, რომელიც ვერ...

მანჭკვალას გამოყენება ძველებური და განახლებული მეთოდით

როგორც ვიცით, სოკოები უმდაბლესი უქლოროფილო...

როგორ დავამზადოთ კივისა და ფეიჰოას ჩირი შინაურ პირობებში

ზოგადად, ჩირის დამზადება ჩვენში ხალხური...

ნიადაგში სასუქების შეტანის სამი წესით უნდა ვიმოქმედოთ

სხვადასხვა აგრარული კულტურების მოსავლიანობა საგრძნობლად...

დეკორატიული მანდარინი _ ოფისებისა და საოჯახო სივრცეების სეზონური მშვენება

დეკორატიულ ციტრუსოვნებშიც არსებობს სხვადასხვა ფორმისა...

მოვამზადოთ "ნარჩენების ჭრელი მჟავე"

უამრავი სახეობის მჟავეულებთან შედარებით, ჩვენ...

მექსიკური ტორტილია და ბურიტო

მექსიკური სამზარეულოს ძირითადი ელემენტები _...

ფრანგული სალათა

საჭირო მასალა: ორი ცალი მოხარშული...