არჩევნების შემდეგ ოზურგეთში კოალიციური შეხვედრა პირველად შედგა

პოლიტიკა

არჩევნების შემდეგ ოზურგეთში კოალიციური შეხვედრა პირველად შედგა

2013 აგვ 23 18:45:57

“გურია ნიუსის“ ინფორმაციით, ამ პოსტზე ცენტრალური ოფისიდან დავით დარჩიას კანდიდატურა იყო შეთავაზებული, რომელიც დასავლეთ ზონის კოორდინატორს ლაშა სამხარაძეს და გურიის შტაბის ხელმძღვანელს, გოჩა მეგრელიშვილს უნდა წარედგინათ.

ოზურგეთის ოფისის წინ დილიდანვე შეიკრიბნენ კოალიციაში შემავალი პარტიების ლიდერები, “ქართული ოცნების“ პარტიის წევრები, რაიონული ორგანიზაციის თავმჯდომარის, დავით დარჩიას მომხრეები და მოწინააღმდეგეები. ისინი შეხვედრაზე ოზურგეთის მაჟორიტარ დეპუტატს, ზვიად კვაჭანტირაძესაც ელოდნენ.

შეხვედრა 12 საათზე უნდა დაწყებულიყო, თუმცა, მოვლენები სხვაგვარად განვითარდა. შეხვედრა დაგეგმილ დროს არ შედგა, რადგანაც დავით დარჩიას კანდიდატურას კოალიციაში შემავალი სამი პარტიის არცერთი ლიდერი არ ეთანხმებოდა. დილიდანვე მიმდინარეობდა მხარდამჭერებსა და მოწინააღმდეგეებს შორის მოლაპარაკება, თუმცა, ჩვენი ინფორმაციით, უშედეგოდ.

ამის შემდეგ სტუმრებმა და კოალიციის წევრებმა მოსალაპარაკებლად ოზურგეთის მაჟორიტარი დეპუტატის, ზვიად კვაჭანტირაძის საცხოვრებელ სახლში გადაინაცვლეს. შეხვედრა დახურულ კარს მიღმა მიმდინარეობდა და მას მხოლოდ კოალიციაში შემავალი პარტიის ლიდერები, დეპუტატი კვაჭანტირაძე და სტუმრები _ ლაშა სამხარაძე და გოჩა მეგრელიშვილი ესწრებოდნენ.

შეხვედრა რამდენიმე საათის განმავლობაში მიმდინარეობდა, საიდანაც დრო და დრო საკმაოდ ხმამაღალი საუბარიც ისმოდა. შეხვედრის დასრულებისას ზვიად კვაჭანტირაძის სახლიდან გამოსულებმა “ოცნების“ წარმომადგენლებმა „გურია ნიუსთან“ კომენტარები გააკეთეს.

ლაშა სამხარაძე, “ქართული ოცნების“ დასავლეთ საქართველოს ზონის კოორდინატორი, “გურია ნიუსთან“ მცირე კომენტარით შემოიფარგლა: _ჯერ ვერ გავაკეთებ კომენტარს, რა, აქ საუბარი იყო, ზოგადად, შტაბის საკითხზე, ოზურგეთის პრობლემატიკაზე, დღეს შტაბის ხელმძღვანელის წარდგენა არ მოხდება

დიმიტრი კვერღელიძე, პარტია “თავისუფალი დემოკრატების“ ლიდერი: აქ საუბარი იყო ყველა იმ საკითხზე, რაც დღემდე არსებობდა, ჩემდა საბედნიეროდ, პირველი შემთხვევაა ამდენი ხნის განმავლობაში, რომ კოალიციის წარმომადგენლები ერთად დავსხედით, ძალიან მადლობელი ვარ ამისთვის. ამას ვითხოვდი და აქამდე ვერ მივაღწიე, დღეს მოხდა ეს, რაც ბატონი ზვიადის დამსახურებაა. საუბარი შედგა ყველა პრობლემაზე, კითხვებზე, რომელიც თქვენ მიერაცაა დასმული. მე ვითხოვ პასუხებს ამ კითხვებზე. ჩვენ გავაჟღერეთ ყველა ის კითხვა, რაც საზოგადოებას აწუხებს.

_ და პასუხები ამ კითხვებზე არ მიგიღიათ?

_ ვერ მივიღებდით პასუხებს, რადგან ადრესატები არ იყვნენ, ჩვენ მოვითხოვეთ, რომ კითხვები მიტანილი იქნას ადრესატამდე.

ზვიად კვაჭანტირაძე, ოზურგეთის მაჟორიტარი დეპუტატი: არავითარი გადაწყვეტილება არ მიგვიღია. გვქონდა მეგობრული შეხვედრა. ვისაუბრეთ ყველა თემაზე, რაც ოზურგეთში ხდება, ყველა შეკითხვებზე მივიღეთ პასუხები.

ამის შემდეგ მათ პარტია “ქართული ოცნების“ ოზურგეთის ოფისში გადაინაცვლეს და იქ გააკეთეს კომენტარები ჟურნალისტებისთვის. კოალიციის ლიდერებმა უამრავი მადლობა გადაუხადეს ოზურგეთის მაჟორიტარ დეპუტატს, ზვიად კვაჭანტირაძეს და მოწვეულ სტუმრებს, დღევანდელი შეხვედრისთვის.

გოჩა მეგრელიშვილი, გურიის შტაბის ხელმძღვანელი: _ ფაქტიურად, ანალიზი გაკეთებული გვაქვს. უახლოეს მომავალში მე ცენტრალურ შტაბში დავაყენებ ამ საკითხებს და უახლოეს მომავალშივე იქნება გადაწყვეტილი ოზურგეთში შტაბის უფროსის კანდიდატურის შესახებ.

ლაშა სამხარაძე, დასავლეთის ზონის კოორდინატორი: ყველა გადაწყვეტილება იქნება მიღებული კონსესუსის საფუძველზე. შტაბის ხელმძღვანელი იქნება ღირსეული კანდიდატი, რომლის ირგვლივ იქნება კოალიცია გაერთიანებული, ამომრჩეველი და ჩვენ ერთად ვიბრძოლებთ გამარჯვებისთვის.

ტიფო მიქატაძე, “რესპუბლიკური პარტიის“ ლიდერი: სასიამოვნოა, რომ ჩვენ დავბრუნდით კოალიციურ რეჟიმში, შევთანხმდით, რომ მომავალ კვირაში მივიღებთ გადაწყვეტილებას შტაბში ხელმძღვანელის დანიშვნასთან დაკავშირებით და გადავალთ საარჩევნო რეჟიმში. მე ძალიან კმაყოფილი ვარ დღევანდელი შეხვედრით. მინდა, მადლობა გადავუხადო ბატონებს ასეთი კონსტრუქციული და საქმიანი შეხვედრისთვის.

დიმიტრი კვერღელიძე: მადლობით მინდა დავიწყო, პირველ რიგში, სტუმრებს მადლობა და ბატონ ზვიად კვაჭანტირაძეს. რაც უნდა გასაკვირი იყოს, დღეს შეხვედრა პირველად შედგა კოალიციურ რეჟიმში. ჩვენ ვილაპარაკეთ ბევრ საკითხზე, ჟურნალისტებს პასუხი გაუცემელი გაქვთ ბევრ კითხვაზე. ჩვენ ამ ბატონებმა მოგვცეს პირობა, რომ ამ ამბავს მიიტანენ იქ, სადაც საჭიროა. ეს იქნება მართლაც საფუძველი იმისა, რომ ჩვენ არჩევნებში გავიმარჯვებთ. ასე რომ, კოალიცია ოზურგეთში არსებობს და ეს ბატონ ზვიადის დამსახურებაა და ბევრ კითხვებზე პასუხი გაცემულია, ბევრზე გასაცემია.

დავით დარჩია, ოზურგეთის რაიონული ორგანიზაციის თავმჯდომარე: მეც ასევე, მადლობა მინდა, გადავუხადო მოწვეულ სტუმრებს და ბატონ ზვიად კვაჭანტირაძეს, რომ დღეს მართლაც შედგა კოალიციურ რეჟიმში შეხვედრა. ჩავთვალოთ, რომ ეს იყო პირველი სამუშაო რეჟიმი, სხვადასხვა საჭირბოროტო საკითხებზე, რაც განვიხილეთ. მეც ველოდები, როდის მიიღებს ჩვენი ცენტრალური შტაბი გადაწყვეტილებას.




 ახალი ამბები
  • ჩოხატაურელი ნორჩი მხატვრების წარმატება "ზამთრის ვერნისაჟზე"მერაბ ბერძენიშვილის სახელობის ოზურგეთის თანამედროვე სახვითი ხელოვნების ცენტრში გურიის რეგიონის საჯარო სკოლების მოსწავლეთა ნამუშევრების მეცხრე გამოფენა-კონკურსი _ „ზამთრის ვერნისაჟი“ მოეწყო. გამოფენაში მონაწილეობა მიიღეს ჩოხატაურის სახელოვნებო სკოლების გაერთიანების სამხატვრო სკოლის მოსწავლეებმა, რომლებიც სხვადასხვა ნომინაციაში, ოზურგეთის მერიისა და საკრებულოს მიერ მიერ დაჯილდოვდნენ სიგელებით, ფულადი ჯილდოთი და ფასიანი საჩუქრებით. ნომინაციაში ,,საუკეთესო ფერწერა'' დაჯილდოვდა პაპუნა ჯინჭარაძე (მე- 5 კლასი), ნომინაციაში ,,საუკეთესო კომპოზიცია'' _ ლუკა ფუტკარაძე (მე-3 კლასი); ნომინაციაში ,,საუკეთესო ნახატი’’ _ ნანა კვინტრაძე (მე-6 კლასი); ნომინაციაში ,,მნახველის სიმპათია’’ _ ანასტასია კობიძე (მე-4 კლასი). ა(ა)იპ ჩოხატაურის მუნიციპალიტეტის სახელოვნებო სკოლების გაერთიანების სამხატვრო სკოლის ყველა მონაწილე ცენტრის მიერ დაჯილდოვდა სიგელებით გამოფენაზე ... ...
  • ხანძარი ზუგდიდში, სოფელ ზედა ეწერშიხანძარი იყო ცოტა ხნის ზუგდიდში, სოფელ ზედა ეწერში. როგორც ადგილიდან "გურია ნიუსის" ჟურნალისტი იტყობინება, ცეცხლი ეკალ-ბარდებს ეკიდა. ხანძარი ამდროისთვის ლიკვიდირებულია. შემთხვევის შედეგად არავინ დაშავებულა. ადგილზე სამი სახანძრო მუშაობდა. ჯერჯერობით, უცნობია, რამდენი ჰექტარი დაიწვა. ასევე, უცნობია ხანძრის გამომწვევი ... ...
  • „ვითხოვთ სამართალს“ _ აქცია ავტობანის მშენებლობაზე ლანჩხუთში, სუფსის მოსახლეობამ ავტობანთან დაკავშირებით აქცია გამართა. ისინი ამბობენ, რომ თანხა, რომელიც სახელმწიფომ მათ კუთვნილი მიწების დათმობის სანაცვლოდ გადაუხადა მიზერულია და საკითხით დაინტერესებას პრემიერ მინისტრს თხოვენ. სუფსის ადმინისტრაციის მოსახლეობის ნაწილის საპროტესტო მუხტი იმ ფართობების კომპენსირების თანხაზე, სადაც ავტომაგისტრალმა უნდა გაიაროს, არახალია _ მათთვის კატეგორიულად მიუღებელია სახელმწიფოს მიერ ერთ კვ/მეტრზე შეთავაზებული ფასი. ისინი ხელისუფლებას მოსახლეობის აბუჩად აგდებაში დებენ ბრალს და გაცილებით მეტი თანხის გადახდას ითხოვენ. საქმე სუფსის ადმინისტრაციული ერთეულის საზღვრებში მოქცეულ კერძო საკუთრებაში არსებულ სასოფლო-სამეურნეო დანიშნულების მიწის იმ ნაკვეთებს ეხება, რომლებიც "ფოთი-გრიგოლეთის" 14-კილომეტრიანი მონაკვეთის საზღვრებში ავტობანის მშენებლობის პროექტში მოხვდა. აქედან, "გრიგოლეთი-ქობულეთის ზოლი 10 კილომეტრია. „ჩვენი კერძო საკუთრება (მიწის ნაკვეთები) მიზერულ ფასებად მუქარითა და იძულებაში ჩაყენებით დაგვათმობინეს. დღემდე ვითხოვთ სამართალს, გენპროკურატურასაც მივმართეთ საქმის ჯეროვანი გამოძიების მოთხოვნით, მაგრამ 11 თვეა იძიებენ და ახლა ირკვევა, რომ საქმე შესასწავლად სუფსის პოლიციისთვის გადმოუგზავნიათ. დიდი ალბათობით თანამდებობის პირებმა მიითვისეს ჩვენი კუთვნილი სოლიდური თანხები და ამიტომაც ეტყობა საქმის ჩაფარცხვის სურვილი აქვთ“-ამბობს აქციის ერთ-ერთი მონაწილე ხათუნა გუჯაბიძე. ხათუნა გუჯაბიძის თქმით, ფართობების კომპენსირების თანხის თაობაზე სუფსის მოსახლეობის მხრიდან ინფორმირებულია პარლამენტის თავმჯდომარის მოადგილე გია ვოლსკი და იუსტიციის მინისტრი თეა წულუკიანიც. „ჩვენ ინფორმაცია საკითხთან დაკავშირებით მივაწოდეთ გია ვოლსკისა და თეა წულუკიანს, დაგვპირდნენ საკითხით დავინტერესდებითო, მაგრამ საქმე ამის იქეთ არ წასულა. წულუკიანი მაშინ  დაგვპირდა, რომ საქმეს გენპროკურატურისგან გამოითხოვდა და პასუხს ადგილობრივი ხელმძღვანელობის მეშვეობით შეგვატყობინებდა, ბევრჯერ მოვიკითხეთ მერიაში მინისტრისგან გამოგზავნილი პასუხი, მაგრამ დღემდე არააფერი ჩანს“-  ამბობს ხათუნა გუჯაბიძე. მიწის იმ მესაკუთრეები,  რომელთა ნაკვეთებიც მოექცა გრიგოლეთი-ქობულეთის საავტომობილო გზის პროექტში, საკუთარ პრეტენზიებს „გურია ნიუსთან“ საუბარში აფიქსირებენ: -"მონაკვეთის საზღვრები იწყება ზღვის სანაპირო ზოლიდან 700 მეტრის დაშორებით. ნაკვეთებს მარჯვენა მხრიდან ესაზღვრება საგზაო-სატრანსპორტო მაგისტრალი, მარცხენა მხრიდან კი _ მდინარე სუფსა. არის ვაკე ადგილი და თავისი მდებარეობის მიხედვით პრესტიჟულია ნებისმიერი ბიზნესსაქმიანობისთვის. მოსახლეობას გვქონდა დიდი მოლოდინი, რომ ამ ნაკვეთებში სახელმწიფო სოლიდურ თანხას გადაგვიხდიდა და ღირსეულად მოგვექცეოდა, მაგრამ მოხდა პირიქით. სუფსის საზღვრებში განლაგებული მიწის ნაკვეთები (ე. წ. "ნაოჩვანი"), რომლებიც წარმოადგენს 32 ოჯახის კერძო საკუთრებას, მდებარეობს პრესტიჟულ ადგილზე, დანიშნულებით _ სასოფლო-სამეურნეო, მოხვდა ავტობანის მშენებლობის პროექტში. ამ შემთხვევაში მიწის მესაკუთრეებთან მთავრობის, არასამთავრობო ორგანიზაციების და არც გზის დეპარტამენტის მხრიდან არანაირ შეხვედრას, შემოთავაზებას და კონსულტაციას ადგილი არ ჰქონია. დეპარტამენტის წარმომადგენლები გვაძალებდნენ ხელშეკრულებაზე ხელის მოწერას და ჩვენი საკუთრების დათმობას ასეთ მიზერულ ფასად და მოსახლეობაში ავრცელებდნენ ხმებს, რომ წინააღმდეგ შემთხვევაში მესაკუთრეს სახელმწიფო ჩამოართმევდა საკუთრებას _ პროექტის განხორციელების ხელის შეშლასთან დაკავშირებით. ჩვენი ხელისუფლების დამოკიდებულებამ ისე შეაშინა და პანიკაში ჩააგდო სოფლის მოსახლეობა საკუთრების ჩამორთმევასთან დაკავშირებით, რომ მათმა ერთმა ნაწილმა, რომლებიც ბანკის ვალებში იხრჩობოდნენ, ამ უსამართლო და ძალით თავსმოხვეულ "ხელშეკრულებას" ხელი მოაწერა.  ჩვენ გვქონდა სიტყვიერი ინფორმაცია იმასთან დაკავშირებით, რომ იმ მონაკვეთში, ე.წ. "ლოტში", რომელიც, დაახლოებით, 10-კილომეტრიან ზოლს მოიცავს, ჩვენი ნაკვეთების შემდეგ განლაგებულ ნაკვეთებში (რომელიც შედის, ლანჩხუთის და ოზურგეთის მუნიციპალიტეტის საზღვრებში), მესაკუთრეებს გადაუხადეს გაცილებით სოლიდური თანხები 1კვ. მეტრში. ზოგან 25060 ლარი ერთ კვ, მეტრში, ზოგან კი 40-დან 120 ლარამდე“-ამბობს მიღებული კომპენსაციით უკმაყოფილო მოსახლეობა და ხელისუფლებას საკითხით დაინტერესებას ... ...
  • საზარელი ტრაგედია ვანში - 26 წლის მამაკაცმა სანადირო თოფით თავი მოიკლავანში, სოფელ მუქედეში 26 წლის მამაკაცმა სიცოცხლე თვითმკვლელობით დაასრულა. ინფორმაცია "გურია ნიუსს"მერის წარმომადგენელმა დაუდასტურა. ავთანდილ გუბერიძის განცხადებით,სუიციდის ფაქტი 16 თებერვალს მოხდა.  ადგილობრივების ინფორმაციით, ახალგაზრდა კაცმა თავი სანადირო თოფით მოიკლა. რა გახდა თვითმკვლელობის მიზიზეზი, უცნობია.  შსს-მ მომხდარ ფაქტზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას ... ...
  • ავღანეთიდან საბჭოთა ჯარების გამოყვანის 31-ე წლისთავი (R)ვეტერანების საქმეთა სახელმწიფო სამსახურის წარმომადგენლებმა,''ავღანეთის ვეტერანთა საქართველოს კავშირის'' წევრებმა და ომისა და თავდაცვის ძალების ვეტერანებმა, ავღანეთის ისლამური რესპუბლიკიდან საბჭოთა ჯარების გამოყვანის 31-ე წლისთავთან დაკავშირებით, თბილისში, ზღვის უბანში, ავღანეთში დაღუპულთა მემორიალი გვირგვინით შეამკეს და მათ ხსოვნას პატივი მიაგეს. მემორიალთან, მამა ვახტანგმა (გოგოლაძე) დაღუპული მეომრების მოსახსენებელი პანაშვიდი გადაიხადა. საგანგებოდ ამ დღის აღსანიშნავად, საქართველოს თავდაცვის სამინისტროს "არმი ჰოლში" საზეიმო მიღება გაიმართა, რომელსაც დაესწრნენ ვეტერანების საქმეთა სახელმწიფო სამსახურის ხელმძღვანელი პირები, საქართველოს თავდაცვის ძალების მეთაურის მოადგილის მოვალეობის შემსრულებელი, ბრიგადის გენერალი, ირაკლი ძნელაძე, ''ავღანეთის ვეტერანთა საქართველოს კავშირის'' თავმჯდომარე, ნუგზარ კახნიაური, ავღანეთის ომის ვეტერანები, ავღანეთში სამშვიდობო მისიის მონაწილე ჯარისკაცები, ვეტერანთა არასამთავრობო ორგანიზაციების წარმომადგენლები და მიწვეული სტუმრები. ღონისძიების ფარგლებში, გაიმართა დოკუმენტური ფილმის „სადაურსა სად წაიყვან'' ჩვენება, რომელშიც მოთხრობილი იყო საუკუნეების განმავლობაში ავღანეთში წარმოებულ ომებში ქართველი მებრძოლების მონაწილეობის და იმ განსაკუთრებული წვლილის შესახებ, რომელიც დღეს შეაქვთ ქართველ ჯარისკაცებს საერთაშორისო სამშვიდობო მისიებში. ავღანეთის ისლამური რესპუბლიკა, საბჭოთა ჯარებმა, 1989 წლის 15 თებერვალს დატოვეს. ავღანეთში, 9 წლის განმავლობაში, საქართველოდან 5000-მდე ჯარისკაცი იბრძოდა, 128 დაიღუპა, 6 კი _დღემდე უგზო-უკვლოდ დაკარგულად ითვლება. ... ...

არქივი

ზაფრანი

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...