"ქალებს ხელკეტებით სცემდნენ. შველას ითხოვდნენ და ვერ ვეშველებოდით"

პოლიტიკა

"ქალებს ხელკეტებით სცემდნენ. შველას ითხოვდნენ და ვერ ვეშველებოდით"

26 მაი. 2011, 21:20:37
26 მაისს, დაახლოებით 00 საათსა და 20 წუთზე სამართალდამცავებმა საქართველოს პარლამენტის წინ მიმდინარე საპროტესტო აქცია ძალის გამოყენებით დაშალეს. გამოყენებული იყო ცრემლსადენი გაზი, რეზინის ტყვიები და წყლის ჭავლი. გარდაცვლილია ორი, დაშავებულია ასობით და დაკავებულია ათეულობით ადამიანი. დაკარგულთა რაოდენობა ამ დრომდე დაუდგენელია.

"გურია ნიუსს" სპეცრაზმელების მხრიდან ნაცემი და შეურაცხყოფილი მოქალაქეები დაუკავშირდნენ. ისინი ყვებიან, როგორ უსწორდებოდნენ შეიარაღებული ნიღბიანები ქალებს და მათ, ვინც გაქცევას ვერ ახერხებდა: "სპეცრაზმის თანამშრომლები ქალებს და ასაკოვან ადამიანებს უმოწყალოდ უსწორდებოდნენ, წაქცეულებს ხელკეტებს და ფეხებს ურტყამდნენ. შველას ითხოვდნენ და ვერ ვშველოდით, მე, როგორც მამაკაცი, ასეთი შეურაცხყოფილი არასოდეს ვყოფილვარ. წყალმტყორცნები ქაფიან, საშინელი სუნის წყალს გვასხამდა. აუტანელი, დამთრგუნველი ხმა უარესად გვაბნევდა. არ შემიძლია გადმოვცე ის ხმა, რასაც სპეცმანქანა გამოსცემდა. სპეცრაზმელებს ყურსასმენები ეკეთათ. მიჭირს საუბარი, სხეულის ყველა ნაწილი მტკივა, თუმცა ტკივილზე მეტად იმის გახსენება მიჭირს, რაც 20 საათის უკან ვნახე", _ გვიყვება ოზურგეთის მუნიციპალიტეტში მცხოვრები ახალგაზრდა მამაკაცი, რომელიც როგორც თავად ამბობს, არც ერთი პარტიის წევრი არ არის და აქციაზე საქართველოში, დღეს არსებულმა უსამართლობამ მიიყვანა.

ის ცდილობს გაიხსენოს ის წუთები, როცა დაინახა, როგორ დაეშვა პარლამენტის მარჯვენა და მარცხენა მხრიდან ორი ერთეული წყალმტყორცნი ტექნიკა: "ოზურგეთელები თავისუფლების მოედანზე 25 მაისს, საღამოს 11 საათისთვის მივედით. სიმშვიდე იყო. თუმცა, მინდა მოგიყვეთ, რა ვნახე შეკრებილებთან მისვლამდე _ მიმდებარე ქუჩაზე ე.წ. ყვითელი ავტობუსები იდგა, რომელშიც ნიღბიანი, შეიარაღებული და ეკიპირებული პირები ისხდნენ. ქუჩები სავსე იყო საპატრულო პოლიციის, სასწრაფო-სამედიცინო დახმარების და სახანძრო სამსახურის მანქანებით. ჩვენი მისვლა და გაწვიმება ერთდროულად მოხდა. კოკისპირული წვიმის მიუხედავად, მოედანზე მაინც ბევრი მომიტინგე რჩებოდა. იქვე მდგომებს ცელოფნის რულონები ჩამოგვირიგეს. ცოტა ხანში ყვირილი გაისმა, მოდიანო და დავინახე, როგორ მოდიოდა პარლამენტის მარჯვენა და მარცხენა მხრიდან, ორი ერთეული წყალმტყორცნი ტექნიკა. მეგაფონით მოგვიწოდებდნენ დაშლისკენ და უწმაწურ სიტყვებს გაიძახოდნენ. რამდენიმე წუთში შეკრებილებისკენ სპეცრაზმის თანამშრომლები დაიძრნენ. პირველივე წინააღმდეგობის დროს, სპეცრაზმა უკან დაიხია და რამდენიმე წამში გაზი გამოუშვეს, რეზინის ტყვიები დაგვიშინეს და წყლის ჭავლი მოგვიშვეს, შემდეგ კი დარბევა და ცემა დაიწყო. ხალხი გარბოდა, მაგრამ ვისაც გაქცევა არ შეეძლო _ ქალებსა და ასაკოვანებს _ სასტიკად ურტყამდნენ, როგორც ხელკეტებს, ისე ფეხებს. ერთ ადამიანს 5-6 სცემდა და გაქცევის საშუალებას არ აძლევდა. ვინც ეპიცენტრიდან გამოსვლა მოვახერხეთ, მოშორებით ჩავიხერგეთ. ზოგმა კინოთეატრ "რუსთაველის" მინები შეამტვრია და თავი იქ შეაფარა, ნაწილი კოლმეურნეობის მოედნისკენ გავრბოდით. ამ დროს სადარბაზოებიდან ნიღბიანები გამოვარდნენ და ცემა დაგვიწყეს. უმოწყალოდ და დაუნდობლად სცემდნენ ქალებს, აყენებდნენ სიტყვიერ შეურაცხყოფას. ბოლოს, როცა გასაქცევი აღარ დაგვიტოვეს, იძულებულნი გავხდით, რამდენიმე მეტრი სიმაღლიდან გადამხტარიყავით, თუმცა, სად ვხტებოდით ეს არ ვიცოდით _ მთავარი იყო მათგან თავი დაგვეღწია. გადახტომის დროს, რამდენიმემ სხეულის მძიმე დაზიანებები მიიღო, ბევრი ვეღარ წამოდგა. ფეხით ვიარეთ კილომეტრები, ავტომანქანები არ გვიჩერებდა. მეტის მოყოლა აღარ შემიძლია", _ გვითხრა ნაცემმა ახალგაზრდამ.

აქციის დარბევის დროს დაზარალებული ოზურგეთელი ქალბატონი გვიყვება, რა გადახდა თავს და რა ხდებოდა მაშინ, როცა ქაშუეთის ეკლესიის ეზოს შეაფარა თავი: "მერიის წარმომადგენლის მოსვლის შემდეგ, დაახლოებით 12 საათზე, ლიდერებმა გამოაცხადეს, რომ მიტინგი უკვე არასანქცირებული იყო და სავარაუდოდ, დაგვარბევდნენ. მაშინ, მე სანთელი ავანთე და ლოცვა დავიწყე. საშინლად წვიმდა, სულ სველები ვიყავით. მოულოდნელად. შემზარავი ხმა გაისმა, ფარების მტრევის მსგავსი და მივხვდით, რომ თავისთვის უნდა გვეშველა. თუმცა, არანაირი კორიდორი არ იყო, ალყაში მოგვიქციეს. ამ დროს გაზი გაუშვეს და ვეღარაფერს ვხედავდით. ისმოდა განწირული ხმები, ხელკეტებს თავში გვირტყამდნენ, გვიშენდნენ რეზინის ტყვიებს. ვინც გაქცევას ვერ ახერხებდა, მიწაზე ყრიდნენ და ფეხებით სცემდნენ. უშვერ სიტყვებს გაიძახოდნენ და გვემუქრებოდნენ, ასე და ასე გიზამთო", _ უთხრა "გურია ნიუსს" ოზურგეთელმა ქალბატონმა.

მისი თქმით, ხალხი დახმარებას ითხოვდა: "ჩემს გვერდით ჟურნალისტი ბიჭი მორბოდა, რომელიც გზადაგზა ფოტოებს იღებდა. როცა მოვიხედე, მას უკვე ურტყამდნენ. ხალხს ყვითელ ავტობუსში სვამდნენ და მიჰყავდათ. როგორღაც მოვახერხე ქაშუეთის ეკლესიის ეზოში შესვლა. როცა დასუფთავების მანქანები შემოვიდნენ, ეკლესიის ეზოს შეფარებულები სასტუმრო "მარიოტისკენ" დავიძარით. სპეცრაზმი ამ დროსაც განსაკუთრებული აგრესიით გამოირჩეოდა _ გვეძახდნენ, იმღერეთ ბელა ჩაო, რატომ აღარ მღერიხართო. ჩვენ ვთხოვდით, გავეტარებინეთ და ფიზიკური შეურაცხყოფა არ მოეყენებინათ. უფლის წყალობით დღეს ცოცხალი ვარ, თუმცა, რაც ვნახე არასოდეს დამავიწყდება _ იმაზე მძიმე დღე იყო ვიდრე 2007 წლის 7 ნოემბერი".




 ახალი ამბები
  • რაში უსწრებს საქართველო ამერიკას კომუნიკაციების კომისიის მიერ გავრცელებული ინფორმაციით, ფიქსირებული ინტერნეტის აბონენტების რაოდენობამ ბოლო 6 წელიწადში გაორმაგდა და შინამეურნეობის 82% შეადგინა. მათივე ინფომაციით, საქართველო ფიქსირებული ინტერნეტის პენეტრაციის საერთო წილით ამერიკის შეერთებულ შტატებს უსწრებს. “2019 წლის მონაცემებით, ფიქსირებული ინტერნეტის ბაზარზე აბონენტების რაოდენობა კვლავ დინამიურად მზარდია. 2019 წელს ფიქსირებული ინტერნეტის პენეტრაციამ - 80.8% შეადგინა და აბონენტების რაოდენობა 73 ათასით გაიზარდა. 2013 წელს ინტერნეტთან წვდომა მხოლოდ 42%-ს ჰქონდა, დღეს ეს რიცხვი გაორმაგებულია. 2019 წელს საქართველოში ფიქსირებულ ინტერნეტთან წვდომა 896 ათას ოჯახს ჰქონდა, 2020 წლის პირველი კვარტლის მონაცემებით, ეს მაჩვენებელი 914 ათასამდე გაიზარდა და 82% შეადგინა. მნიშვნელოვანია, რომ ტელეკომუნიკაციის საერთაშორისო კავშირის (ITU) ბოლო ანგარიშის მიხედვით, საქართველო ფიქსირებული ინტერნეტის პენეტრაციის საერთო წილით,  ევროპის მოწინავე ქვეყნების რიგებშია, ამერიკას კი ამავე პარამეტრით უსწრებს”,_ ნათქვამია ... ...
  • როგორ უნდა მოიქცნენ თურქეთში სამკურნალოდ წასვლის მსურველი საქართველოს მოქალაქეებისაქართველოში თურქეთის საელჩო თურქეთში სამკურნალოდ წასვლის მსურველი საქართველოს მოქალაქეების საყურადღებოდ განცხადებას ავრცელებს. კოვიდ-19-ის პანდემიის პერიოდში სამედიცინო მომსახურების მისაღებად თურქეთში წამსვლელ პაციენტებთან დაკავშირებით მიღებული ახალი რეგულაციის თანახმად, მათ უნდა მიმართონ ს.ს. საერთაშორისო სამედიცინო მომსახურების სააგენტოს“ (USHAŞ). „ისინი უნდა დარეგისტრირდნენ პაციენტების მონიტორინგის სისტემაში, მისამართზე: “http://covid19st.ushas.com.tr”. სისტემაში თავად პაციენტმა, მისმა ახლობელმა, საავადმყოფომ ამ საშუამავლო ორგანიზაციამ უნდა გახსნას მომხმარებლის ანგარიში. რეგისტრაციასთან დაკავშირებით ინფორმაცია მოცემულია USHAŞ-ის ვებგვერდზე:http://www.ushas.com.tr. USHAŞ-ი თავად დაუკავშირდება და მიაწვდის საჭირო ინფორმაციას იმ პაციენტებს, რომლებიც დაიშვებიან თურქეთში სამკურნალოდ. ჩვეულებრივად, თურქეთში სამკურნალოდ წამსვლელმა პაციენტებმა უნდა მიმართონ თურქეთის ყველაზე ახლომდებარე წარმომადგენლობას და აიღონ სამკურნალო-მიზნობრივი ვიზა. კოვიდ-19-ის პანდემიის პერიოდში კი, თუ სამედიცინო მომსახურების მიღების მიზნით თურქეთში წამსვლელი საქართველოს მოქალაქეები სასაზვრო-გამშვებ პუნქტებზე წარადგენენ USHAŞ-ის მოსაწვევ წერილს, ისინი გამონაკლისის სახით, ვიზის გარეშე, დაიშვებიან თურქეთის ტერიტორიაზე. ერთ პაციენტთან ერთად დაიშვება არა უმეტეს 2 პირისა. უცხოელმა პაციენტებსა და თანმხლებ პირებს თურქეთში ჩამოსასვლელად შეუძლიათ ისარგებლონ სტამბოლის აეროპორტით, სტამბოლის ათათურქის სახელობის აეროპორტით, სტამბოლის საბიჰა გოქჩენის სახელობის აეროპორტით, ანკარის ესენბოღას აეროპორტით, ანტალიის აეროპორტით, საავტომობილო გზით, კერძოდ, სარფის, ქაფიქულეს, ჰაბურის სასაზღვრო-გამშვები პუნქტებით. აეროპორტში და საზღვარზე პაციენტებსა და მათ თანმხლებ პირებს გაუკეთდებათ ფასიანი კოვიდ-19-ის „პი სი არ“ (PCR) ტესტი ან მოხდება ტესტის მასალის აღება. აღნიშნული რეგულაციის შესახებ ეცნობათ საქართველოს უწყებებს“, - ნათქვამია საელჩოს მიერ გავრცელებულ ინფორმაციაში. ... ...
  • იაპონია ეწინააღმდეგება საქართველოს საერთაშორისოდ აღიარებული საზღვრების ცვლილების ნებისმიერ მცდელობასსაქართველოში იაპონიის საელჩო განცხადებას ავრცელებს  ცხინვალის რეგიონთან/სამხრეთ ოსეთთან და აფხაზეთთან დაკავშირებით.  „იაპონია ხელახლა ადასტურებს მის თანმიმდევრულ პოზიციას, რომ საქართველოს ოკუპირებულ ტერიტორიების - აფხაზეთისა და ცხინვალის რეგიონში/სამხრეთ ოსეთის საკითხის გადაწყვეტა მოხდეს მშვიდობიანი გზით, საქართველოს სუვერენიტეტისა და ტერიტორიული მთლიანობის პრინციპების სრული დაცვით და საერთაშორისო საზოგადოების მიერ აღიარებული სახელმწიფო საზღვრების პატივისცემით, რაც უმნიშვნელოვანესია საქართველოსა და სრულიად სამხრეთ კავკასიაში მშვიდობისა და სტაბილურობისათვის. იაპონია ეწინააღმდეგება საქართველოს საერთაშორისოდ აღიარებული საზღვრების ცვლილების ნებისმიერ მცდელობას“,_ წერია ... ...
  • კომპენსაციების გაცემის პროგრამით უკანონოდ სარგებლობის მიზნით ყალბი დოკუმენტები- დაკავებულია 1 პირისაქართველოს ფინანსთა სამინისტროს საგამოძიებო სამსახურის თანამშრომლებმა, ოპერატიულ - სამძებრო და საგამოძიებო მოქმედებების შედეგად, კახეთის რეგიონში, ყალბი ოფიციალური დოკუმენტების დამზადება - გასაღების ფაქტზე, ერთი პირი დააკავეს. გამოძიებით დადგენილია, რომ ერთ - ერთი კომპანიის ხელმძღვანელმა, უკანონო მატერიალური სარგებლის მიღების მიზნით, განიზრახა ბოროტად ესარგებლა საქართველოს მთავრობის მიერ ინიცირებული კორონავირუსის პანდემიის შედეგად დაზარალებულთათვის კომპენსაციების გაცემის პროგრამით. აღნიშნული დანაშაულებრივი განზრახვით, მან დაამზადა ყალბი სამსახურებრივი ცნობები 11 პირის სახელზე, რომელთა მიხედვითაც, მოქალაქეები თითქოსდა წარმოადგენდნენ ბრალდებულის კომპანიის მიერ დაქირავებულ თანამშრომლებს და 2020 წლის 21 მარტიდან COVID 19-ის გამო იმყოფებოდნენ უხელფასო შვებულებაში. თითოეული ასეთი ცნობა, ბრალდებულის მიერ დამზადებულ და გასაღებულ იქნა 50 ლარის საფასურად. აქვე უნდა აღინიშნოს, რომ ბრალდებული ნასამართლევია ყალბი საგადასახადო დოკუმენტების დამზადება - გამოყენების ფაქტზე და ამჟამად იმყოფება პირობითი მსჯავრის ქვეშ. გამოძიება მიმდინარეობს საქართველოს სისხლის სამართლის  კოდექსის 362-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 3-წლამდე ... ...
  • ოქროთი მანიპულაციაზე ოზურგეთში რამდენიმე პირი დააკავეს?ჩვენი წყაროს ინფორმაციით, ოზურგეთში რამდენიმე პირი დააკავეს ლომბარდში ოქროს ნივთებით მანიპულაციასთან დაკავშირებით. ჩვენი წყაროს ინფორმაციით, ისინი მდარე ხარისხის ოქროთი ცვლიდნენ კლიენტის მიერ დატოვებულ ოქროს. შსს-ს თქმით, ამ საქმეზე პირები დაკავებულები არ არიან, თუმცა მიმდინარეობს გამოძიება სსკ-ს 180-ე მუხლით, რაც თაღლითობას ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

ხვალ რომ საპარლამენტო არჩევნები იყოს, რომელ პარტიას მისცემდით ხმას?