გიორგი თარგამაძე ლანჩხუთელებით კმაყოფილია

პოლიტიკა

გიორგი თარგამაძე ლანჩხუთელებით კმაყოფილია

2013 ოქტ 21 17:44:45

"ქრისტიან-დემოკრატიული მოძრაობის" საპრეზიდენტო კანდიდატს დღეს ლანჩხუთის შტაბის წევრებმა საკმაოდ კარგად ორგანიზებული შეხვედრა გაუმართეს. ეტყობა თარგამაძეს, არც თუ მაღალი რეიტინგის ფონზე, კვლავ შემორჩა ერთგული ელექტორატი, რაც თითქმის სრულად იყო თავმოყრილი მასთან შესახვედრად.

თარგამაძე თანაპარტიელებთან_ გიორგი ახვლედიანთან და ლევან ვეფხვაძესთან ერთად იმყოფებოდა. მისალმების შემდეგ "ქრისტიან-დემოკრატების" ლიდერმა საკუთარ საპრეზიდენტო პროგრამაზე ვრცლად ისაუბრა.

თარგამაძე ლანჩხუთში სოფელ ჩიბათიდან მოვიდა, სადაც მას ახლადგახსნილი მცირე საწარმო დაუთვალიერებია: "ეს მცირე საწარმო ნორვეგიული გრანტით გაიხსნა, რაც იმის მაგალითია, რომ არც ძველი და არც ახალი მთავრობა არ ინტერესდებოდა ამ სექტორის დაფინანსებით," _ აღნიშნა საპრეზიდენტო კანდიდატმა.

გიორგი თარგამაძის თქმით, საქართველო არც თუ ისე შორს დგას "ქრისტიან-დემოკრატიული" მმართველობიდან და მალე შეუერთდება იმ მაღალგანვითარებულ ევროპულ სახელმწიფოებს, რომელთაც "ქრისტიან-დემოკრატები’’ მართავენ, _ დაახლოებით ასეთი შინაარსი ჟღერდა საპრეზიდენტო კანდიდატის მიმართვაში.

გიორგი თარგამაძემ ვრცლად ისაუბრა სასოფლო კოოპერატივების შექმნაზე, მისი გუნდის სოციალურ პოლიტიკაზე, საარსებო მინიმუმის გაზრდაზე, საყოველთაო დაზღვევის სისტემაზე, რომელიც, მისი აზრით, მხოლოდ ძალიან მდიდარი ქვეყნების მოსახლეობის ფუფუნებაა და ჩვენნაირ ღარიბ სახელმწიფოს არ შეუძლია საკუთარ მოსახლეობას სრულყოფილად და ხარისხიანად შესთავაზოს სხვადასხვა სერვისები.

ცალკე ბლოკი მიუძღვნა მან მთავრობის ენერგეტიკულ პოლიტიკას, რაც მისი თქმით, ანტისახელმწიფოებრივ ხასიათს ატარებს: "რა თქმა უნდა, სახელმწიფომ უნდა ააშენოს ჰიდროელექტროსადგურები, მაგრამ არა გიგანტური, არამედ მცირე ჰესები," _ ასეთია თარგამაძის შეფასება.

"ანეკდოტად იქცა ჩვენი შარშანდელი წინასაარჩევნო სლოგანი: "დენი _ 5 თეთრი, გაზი _ 10 თეთრი, წყალი _ უფასო", მაგრამ მე დღესაც შემიძლია დავამტკიცო, რომ ჩვენს ამ დაპირებას აქვს რეალურად განხორციელების საფუძველი. თუ ქვეყანა ააშენებს მცირე ზომის, სახელმწიფო საკუთრებაში არსებულ ჰესებს, შეგვეძლება ჩვენ თვითონ განვსაზღვროთ დენის ფასი, მაშინ როცა ინვესტორი იძულებულია რეგიონის ტარიფის შესაბამისი ფასები დააწესოს. ასევე, რეალურია გაზის საფასურის 5 თეთრამდე შემცირებაც. საქართველო, როგორც სატრანზიტო ქვეყანა, აზერბაიჯანიდან უფასოდ იღებს გაზს, რომელიც საკმარისია მთელი ქვეყნის მოსახლეობის მოთხოვნების დასაკმაყოფილებლად. ხოლო ჩვენ, როგორც წყლის დიდი რესურსების მქონე ქვეყანა, სირცხვილიც კია საკუთარ მოსახლეობას წყალში ვახდევინებდეთ ამდენ ფულს. ასე რომ, ჩვენი ეს დაპირება დღემდე რჩება ძალაში და სრულიად გახორციელებადია."

შეხვედრის ბოლოს "გურია ნიუსმა’’ საპრეზიდენტო კანდიდატს რამოდენიმე შეკითხვით მიმართა.

_ ბატონო გიორგი! თქვენ დეტალურად ისაუბრეთ თქვენი, როგორც მომავალი პრეზიდენტის, სოციალურ პოლიტიკაზე. ცნობილია, რომ ახლადარჩეულ პრეზიდენტს აღარ ექნება სოციალური პოლიტიკის გატარების შესაძლებლობა. გამარჯვების შემთხვევაში, როგორ აპირებთ ითანამშრომლოთ მთავრობასთან, რომელიც სხვა პოლიტიკური ძალითაა დაკომპლექტებული და შეასრულოთ ის დაპირებები, რომელთაც ახლა აძლევთ თქვენს ამომრჩეველს?

_ მართალს ბრძანებთ, მაგრამ მიუხედავად შემცირებული უფლებებისა, პრეზიდენტი რჩება ერთადერთ პოლიტიკურ ფიგურად, რომელსაც ყველაზე მაღალი ლეგიტიმაცია ექნება ხალხისგან _ მხოლოდ ის იქნება პირდაპირი წესით არჩეული, პრეზიდენტსა და ხალხს შორის არ იქნება შუამავალი. მიუხედავად ძალიან შეზღუდული პოლიტიკური უფლებებისა, მოქმედი პრეზიდენტი იქნება ძალიან მნიშვნელოვანი ფიგურა თავისი გავლენით. რამდენადაც ხალხი და პრეზიდენტი ავტომატური მოკავშირე აღმოჩნდება, მთავრობის მიერ ქვეყნის საწინააღმდეგო გადაწყვეტილებების მიღების შემთხვევაში.

_ კმაყოფილი ხართ დღევანდელი შეხვედრით თუ უფრო მეტს ელოდით ადგილობრივი მოსახლეობიდან?

_ როგორ შეიძლება კმაყოფილი არ ვიყო, როცა ხალხი ისეთ კომპეტენტურ შეკითხვებს მაძლევს, რომ მე მთელი ჩემი ინტელექტუალური რესურსის მობილიზება მომიწია, რომ ამომწურავი პასუხები გამეცა.

კმაყოფილი ვარ არა მხოლოდ რაოდენობრივი მაჩვენებლით, არამედ დამოკიდებულებითაც. ჩვენ არ გაგვაჩნია იმის რესურსი, რომ ავტობუსებით მოგვეყვანა სოფლებიდან მხარდამჭერები. მაგრამ მაინც შეინიშნება მოსახლეობის მხრიდან აქტიურობა, რაც ძალიან მნიშვნელოვანია.




 ახალი ამბები
  • საქართველოში კორონავირუსით ინფიცირების შემთხვევათა რაოდენობა ისევ გაიზარდააქართველოში კორონავირუსით ინფიცირების შემთხვევათა რაოდენობა 131 -მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 5550 ადამიანი, ხოლო სტაციონარში მეთვალყურეობის ქვეშ - 281 პირი. ინფორმაციისთვის, 131 ადამიანიდან 26 ... ...
  • “პრემიერ-მინისტრი არ ამბობს, როდის დაიკეტოს მაღაზიები“ ჩოხატაურის მუნიციპალიტეტში სასურსათო მაღაზიებთან და აფთიაქებთან მერიის ზედამხედველობის სამსახურმა საინფორმაციო ფურცლები გააკრა; ტექსტში, ცხადია, აღნიშნულია, რომ ადამიანები სახლში უნდა დარჩნენ, ვაჭრობისას დისტანცია დაიცვან, თუმცა, ამ საინფორმაციო ფურცლებით, სასიცოცხლოდ მნიშვნელოვან სავაჭრო ობიექტებს სამუშაო დრო 19 საათამდე განუსაზღვრეს. “გუშინ, 7 საათზე რომ დავხურე მაღაზია, რამდენიმე ადამიანი გარეთ, ერთმანეთისგან დინსტანცირებით  მელოდებოდა; თხოვნის მიუხედავად, მათთვის უარის თქმა მომიხდა -  შიშში ვიყავი, ვინმემ არ დამაჯარიმოს-მეთქი. მთავარია, ცხრა საათზე სახლში ვიყოთ და შვიდ საათზე დავკეტავ თუ ცხრის ნახევარზე, ეს მგონი არაა კანონდარღვევა“, _ განუცხადა “გურია ნიუსს“ ერთ-ერთი მაღაზიის მეპატრონემ. სასურსათო მაღაზიის კიდევ ერთი მეპატრონე კი წუხს, რომ 7 საათამდე დისტრიბუციას ვერ მოასწრებს, რადგან მომწოდებელს რვა საათზე ელოდება. მისი თქმით, პრემიერ-მინისტრის მიერ კომენდანტის საათის გამოცხადების მერე შეუთანხმდა მომწოდებლებს და გრაფიკი შესაბამისად დაგეგმა. მერიის ზედამხედველობის სამსახურის მიერ 19 საათზე მაღაზიის დაკეტვის მოთხოვნის გამო კი გრაფიკი მთლიანად დაერღვა და ხელი ეშლება. ამგვარი შეზღუდვის დაწესება ადგილობრივი ხელისუფლების უფლებამოსილებას სცდება და დამატებით შეზღუდვებს უწესებს მოქალაქეებს, რაც არაკანონიერია.  მიუხედავად იმისა, რომ ინფორმაცია ამ შეზღუდვის შესახებ “გურია ნიუსში“ გუშინ გამოქვეყნდა, დღეს მდგომარეობა უცვლელი დაგვხვდა და შემზღუდავი საინფორმაციო ფურცლები ისევ გამოკრული იყო, არც მაღაზიის პატრონების ხელახალი ინფორმირება მომხდარა. ჩოხატაურის მუნიციპალიტეტის მერიის ზედამხედველობის სამსახურის უფროსის, ვლადიმერ ლომთათიძის თქმით, მერიაში მიიღეს გადაწყვეტილება, რომ 19 საათიდან დაკეტილიყო მაღაზიები: “ჩვენ გავაფრთხილეთ მაღაზიების მეპატრონეები. თუ მათი თანამშრომლები ცხოვრობენ სოფელში და სამსახურის შემდეგ მიდიან სახლში, რომ არ მოხვდნენ კომენდანტის საათში, 7 საათზე უნდა დაიწყონ მაღაზიების დაკეტვაზე ზრუნვა. შეიძლება 8 საათამდეც გააგრძელონ მუშაობა. არავისთვის გვითქვამს, რომ ამისთვის დავაჯარიმებთ ვინმეს. უბრალოდ, თუ 9 საათზე ისინი არ იქნებიან სახლში, დაჯარიმდებიან კომენდანტის საათის დარღვევის გამო. ჩვენ ყველას ვაფრთხილებთ, რომ ინდმეწარმეები და მაღაზიებში დასაქმებული პირები არ დაჯარიმდნენ“, _ გვითხრა ვლადიმერ ლომთათიძემ. საქართველოს ახალგაზრდა იურისტთა ასოციაციის ოზურგეთის ოფისის ხელმძღვანელის, თამაზ ტრაპაიძის თქმით, მთავარია, რომ გონივრულ ვადაში დაიკეტოს მაღაზიები, რადგან ღამის ცხრა საათზე მისი მეპატრონეები და იქ მომუშავე პერსონალი სახლში იყვნენ. მისი თქმით, მთავრობის მიერ გამოქვეყნებულ შესაბამის დოკუმენტებში არსად წერია, რომ მაღაზიები 19 საათზე უნდა დაიკეტოს: “პრემიერ-მინისტრი არ ამბობს, როდის დაიკეტოს მაღაზიები. რადგან ქვეყნის მასშტაბით კომენდანტის საათი  იწყება 21 საათზე, თავად მაღაზიის მეპატრონემ უნდა გადაწყვიტოს, როდის დაკეტოს მაღაზია, ოღონდ ეს უნდა მოხდეს ისე, რომ კომენდანტის საათის დაწყებამდე ყველა თანამშრომელი  სახლში იყოს“, _ გვითხრა თამაზ ... ...
  • საქართველოში, კორონავირუსთან დაკავშირებული აპლიკაცია იტესტებასაქართველოში აპლიკაცია იტესტება, რომელიც სხვადასხვა ქვეყანაში კორონავირუსთან ბრძოლის ერთ-ერთ კომპონენტად დაინერგა. ჯანდაცვის მინისტრის ეკატერინე ტიკარაძის გქნცხადებით, აპლიკაციის ამოქმედების შემთხვევაში, მოქალაქეები მიიღებენ ინფორმაციას ჰქონდათ თუ არა მათ კონტაქტი ინფიცირებულ პირთან. მისივე თქმით, ადამიანები მიიღებენ ინფორმაციას იმ ლოკაციებთან დაკავშირებით, სადაც ინფიცირებულ ადამიანებს შეხება ჰქონდათ. „აპლიკაციასთან დაკავშირებით ვგეგმავთ დამატებითი ინფორმაციის მიწოდებას მოსახლეობისთვის. ის ამ ეტაპზე არის მხოლოდ სატესტო რეჟიმში და ჩვენ ვრწმუნდებით ახლა იმაში, რომ აპლიკაცია ნამდვილად იქნება ეფექტური და ასევე, მიმდინარეობს აპლიკაციის შესაბამისობაში მოყვანა ქართული რეალობისთვის და სხვადასხვა საინფორმაციო ბაზებით მისი გამყარება. მას შემდეგ შემდეგ რაც ეს ყოველივე იქნება მზად, ჩვენ შეგვეძლება უკვე მოქალაქეებს გავაცნოთ ამ აპლიკაციის დეტალები, რომ მათ შეძლონ საკუთარ უსაფრთხოებაზე ზრუნვა, რათა ჰქონდეთ ინფორმაცია, თუ სად იმყოფებოდა ინფიცირებული და ჰქონდა თუ არა მას პერსონალურად პოტენციურ ინფიცირებულთან გარკვეული კონტაქტი, რაც დაეხმარება დაავადებათა კონტროლის ცენტრის ეპიდემიოლოგებს შემდგომი და ადრეული კონტაქტების დაიდენტიფიცირებაში“, - განაცხადა ჯანდაცვის მინისტრმა ეკატერინე ... ...
  • ოზურგეთში თვითიზოლაციაში 11 პირი რჩება“ოზურგეთის მუნიციპალიტეტის საზოგადოებრივი ჯანდაცვის ცენტრის“ დირექტორის, მაია ქუტიძის ინფორმაციით, ოზურგეთიდან კარანტინში სულ 45 ადამიანი იყო, აქედან კარანტინის ვადა დაუმთავრდა 21 ადამიანს, ხოლო 24 ადამიანი ელოდება კარანტინის ვადის დასრულებას. მისივე ინფორმაციით, თვითიზოლაციაში ყოფნის ვადა ამოეწურა 69 ადამიანს. ამ ეტაპზე სახლში თვითიზოლაციაში 11 ადამიანი რჩება. მაია ქუტიძის თქმით, თვითიზოლაციაში მყოფ პირებს ყოველდღიურად ... ...
  • დღეს ტიციანის დაბადების დღეადღეს ტიციან ტაბიძის დაბადების დღეა : ,,მე დავიბადე აპრილის თვეში,ვაშლების გაშლილ ყვავილებიდან,მაწვიმს სითეთრე და წვიმის თქეშიმოდის ცრემლებად ჩემს თვალებიდან."ტიციან ტაბიძე 1895 წლის 2 აპრილს დასავლეთ საქართველოში, ორპირის მახლობლად სოფელ შუამთაში დაიბადა.1901 წელს მშობლებმა მომავალი პოეტი სასწავლებლად ქუთაისის სასულიერო სასწავლებელში მიაბარეს, სადაც 1901-1905 წლებში სწავლობდა თავის ბიძაშვილთან-გალაკტიონთან ერთად. 1906 წლის 12 იანვარს ტიციანმა განცხადებით მიმართა ქუთაისის კლასიკური გიმნაზიის დირექტორს ჩებიშს და თხოვა გიმნაზიის პირველ კლასში ჩარიცხვა.ტიციანმა წარმატებით ჩააბარა მისაღები საგნები და 1906 წლის 6 თებერვალს იგი ჩაირიცხა ქუთაისის ვაჟთა გიმნაზიის პირველ კლასში.ამდროინდელი ქუთაისი ქართული კულტურის მძლავრ კერას წარმოადგენდა. ამ გარემოში გამოიჭედა ტიციანისა და მისი მეგობრების მისწრაფებანი და ინტერესები. ლექსების წერა ტიციანმა ბავშვობიდანვე, მოწაფეობის დროიდან დაიწყო.ქუთაისის კლასიკური გიმნაზიის მეექვსე კლასის მოსწავლე ვიყავი, პირველი ლექსი რომ დავბეჭდეო,-იგონებს პოეტი.ამ დროიდანვე იგი წერდა და ბეჭდავდა პროზაულ მინიატურებს, ჩანახატებს, ესკიზებსა და ნოველებს.1913 წელს ტიციანმა სწავლა განაგრძო მოსკოვის უნივერსიტეტში, ფილოლოგიის ფაკულტეტზე. სტუდენტობის წლებში ტ. ტაბიძე აქტიურ საზოგადოებრივ და შემოქმედებით მოღვაწეობას ეწეოდა. მოსკოვის უნივერსიტეტის დამთავრების შემდეგ, 1917 წელს, ტიციანი მცირე ხანს თბილისში, გაზეთ ,,საქართველოს“ რედაქციაში მუშაობდა. გაზეთის ფურცლებზე მან მრავალი კორესპოდენცია და პუბლიცისტური სტატია გამოაქვეყნა, რომლებშიც თავისებურად აანალიზებს მაშინდელ რთულ პოლიტიკურ, ეროვნულ დასოციალურ მოვლენებს. სტუდენტობის წლებშივე ტიციანმა აქტიური მონაწილეობა მიიღო ,,ცისფერი ყანწების“ ლიტერატურული ჯგუფის დაფუძნებასა და ამავე სახელწოდების ჟურნალის გამოცემაში. ქართული სიმბოლიზმის დამფუძნებელი მწერლები მისი ახლო მეგობრები იყვნენ და პოეტი ჯერ კიდევ ქუთაისის გიმნაზიაში მოწაფეობის წლებში გაეცნო დაუმეგობრდა თითქმის ყოველ მათგანს. იგი აქტიურ მონაწილეობას ღებულობდა მნიშვნელოვანი კულტურულ- ლიტერატურული პრობლემების გადაჭრაში. ტიციან ტაბიძე 1937 წელს ანტისაბჭოთა მოღვაწეობის აბსურდული ბრალდებით დააპატიმრეს და დახვრიტეს.სხვა ვერსიით, გადასახლებამისჯილი პოეტი ციმბირის ტრამალზე ჩამოსვეს და თოვლიან ქარბუქში ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...