ოზურგეთის საკრებულოს ადგილმონაცვლე დეპუტატი შეემატა

gurianews.com

პოლიტიკა

ოზურგეთის საკრებულოს ადგილმონაცვლე დეპუტატი შეემატა

2014 ოქტ 6 14:56:56
1 ოქტომბერს, ოზურგეთის მუნიციპალიტეტის საკრებულოს სხდომა ჩატარდა. დასაწყისში დეპუტატებმა წუთიერი დუმილით პატივი სცეს საკრებულოს დეპუტატის "პატრიოტთა ალიანსიდან", ახლახან გარდაცვლილი  ავთანდილ  ხინთიბიძის ხსოვნას. ხინთიბიძე სოფელ მელექედურის დეპუტატი იყო. მისი ადგილმონაცვლის უფლებამოსილებით, საკრებულოში ამავე სხდომაზე შეიყვანეს  სიის მომდევნო ნომერი დავით  თენიეშვილი.

თორმეტსაკითხიან დღის წესრიგში,  მნიშვნელოვანი იყო მეორე საკითხი: "ოზურგეთის მუნიციპალიტეტის  2014 წლის ბიუჯეტის დამტკიცების შესახებ", ოზურგეთის მუნიციპალიტეტის  საკრებულოს 2014 წლის 13 აგვისტოს დადგენილებაში ცვლილებების  შეტანის თაობაზე, რომლის ირგვლივ  საფინანსო სამსახურის უფროსმა გია მამაკაიშვილმა ისაუბრა. მან განმარტა, რომ შემოსავლების და გადასახდელების ნაწილი 11 000 ათასი ლარით გაიზარდა და დააკონკრეტა, რის საფუძველზე მოხდა ზრდა. მუნიციპალური ტრანსპორტის მომსახურებასთან  დაკავშირებული  ხარჯები გაიზარდა 3,0 ათასი ლარით, საცხენოსნო კლუბ "მარულას" დაფინანსება _ 6200 ლარით, წყლის ხარჯების დაფინანსება _ 4,0 ათასი ლარით, საკანცელარიო საქონლის შეძენის ხარჯები _ 5,0 ათასი ლარით, საგამომცემლო-სასტამბო მომსახურების ხარჯები _ 1,9 ათასი ლარით, ეკონომიკისა და სოფლის მეურნეობის განვითარების ხარჯები _ 0,2 ათასი ლარით.

რაც შეეხება ხარჯების შემცირებას, ეს შეეხო მხოლოდ ელექტროენერგიის ხარჯებს _ 11 100 ლარით და ასევე არსებული ეკონომიის ხარჯზე შეამცირეს მრავალშვილიანი ოჯახების დახმარების ხარჯები, 15,0 ათასი ლარით, რის მეშვეობითაც დასუფთავების ღონისძიების ხარჯები ამავე რაოდენობით გაიზარდა. დეპუტატთა ნაწილმა გააპროტესტა მრავალშვილიან ოჯახთა დახმარების ხარჯებში არსებული ეკონომიის შემცირება.

_ რაც არის დარჩენილი ეკონომიის სახით, ესეც გადავუნაწილოთ მრავალშვილიან ოჯახებს, აწყენთ თუ მორჩებათ? _ იკითხა დეპუტატმა ხვიჩა წულაძემ.

საპასუხოდ გია მამაკაიშვილმა განმარტა, რომ  მრავალშვილიან  ოჯახებს ერთი თეთრი არ დააკლდებათ. ამ ნაბიჯის გადადგმით კი სანიტარულ სამსახურს პრობლემა არ შეექმნება სახელფასო მიმართულებით. მან, ასევე, ისაუბრა ბიუჯეტის გაყოფის შემდეგ წარმოქმნილ ზოგ პრობლემაზე, რასაც, მისივე თქმით,  არაერთი დაკვირვებული და შეჯერებული გადაწყვეტილების მიღება დასჭირდა _ ამიტომაც გვიხდება ხშირად საკრებულოს სხდომებზე ცვლილებებზე საუბარი, _ თქვა მამაკაიშვილმა. საბოლოოდ კი,  აღნიშნულ დადგენილებაში ცვლილებების შეტანას მხარი დაუჭირეს.

შესყიდვების სამსახურის უფროსმა ამირან გირკელიძემ ასევე ცვლილებებზე ისაუბრა, რომელიც "2014 წლის შესყიდვების გეგმაში ცვლილებებისა და დამატებების შესახებ" დადგენილებას შეეხებოდა. მანამდე, ბიუროს სხდომაზე, ყოველივე ეს  დეტალურად განიხილეს. დეპუტატებმა სხვადასხვა ხარჯების ზრდის რიცხვში, გეგმაში შეტანილი ბიომეტრული წამკითხველის შეძენის ხარჯზეც იკითხეს, რაც 1800 ლარს შეადგენს. ამირან გირკელიძის განმარტების შემდეგ, რომ ეს წამკითხველი სამსახურში თანამშრომელთა მოსვლა-წასვლის აღრიცხვიანობისთვის არის საჭირო, ზოგს ღიმილი მოჰგვარა,_ "კონტროლის კაცი" ინიშნებაო. ზოგმაც წყალში გადაყრილ ფულად მიიჩნია. საბოლოოდ, ამირან გირკელიძის მიერ წარმოდგენილ განკარგულებაში ცვლილებების შეტანასაც დაუჭირეს მხარი.

ასევე, მნიშვნელოვანი იყო დღის წესრიგის მეოთხე  საკითხი: "ოზურგეთის და ქალაქ ოზურგეთის მუნიციპალიტეტებში საზოგადოებრივი ჯანდაცვის მომსახურების გაწევის მიზნით, საბიუჯეტო სახსრების გაერთიანების შესახებ", რომლის ირგვლივ გამგებლის მოადგილემ არჩილ ყაზაიშვილმა ისაუბრა. კერძოდ, ოზურგეთის მერი ბეგლარ სიორიძე და მუნიციპალიტეტის გამგებელი მერაბ ჭანუყვაძე, ადგილობრივი თვითმმართველობის კანონის საფუძველზე, ხელშეკრულებით თანხმდებიან ხელშეკრულების საგანზე, მომსახურების და ანგარიშსწორების  წესზე, მხარეთა პასუხისმგებლობაზე, ფორსმაჟორისა და დავის წესზე. მან განმარტა, რომ ფორს-მაჟორული გარემოების დადგომის გამო, ხელშეკრულების პირობების ან რომელიმე მათგანის მოქმედების შეჩერება  არ იქნება განხილული. უკიდურეს შემთხვევაში, თუ ფორსმაჟორული გარემოება დადგა, ერთმა "მხარემ" დაუყოვნებლივ, წერილობით უნდა აცნობოს მეორე "მხარეს" გამომწვევი მიზეზების შესახებ, ხოლო თუ გამგზავნი არ მიიღებს მეორე "მხარისგან" წერილობით პასუხს, იგი თავისი შეხედულებისამებრ  აგრძელებს  ხელშეკრულებით ნაკისრი ვალდებულებების შესრულებას და ცდილობს, გამონახოს ალტერნატიული ხერხები, რომელიც დამოუკიდებელი იქნება ფორსმაჟორული გარემოებების ზეგავლენისგან.  დავის წარმოქმნის უკიდურეს შემთხვევაში კი, თუ ეს ურთიერთშეთანხმებით   არ წყდება, დავას სასამართლო განიხილავს.

რაც შეეხება მომსახურების წესს, ამ შეთანხმების შემთხვევაში ა(ა)იპ "საზოგადოებრივი ჯანდაცვის ცენტრი" უზრუნველყოფს ქალაქ ოზურგეთის და ოზურგეთის მუნიციპალიტეტების ტერიტორიაზე ცოფის კერის არსებობის შემთხვევაში, კერის ლიკვიდაციის და დაკბენილი მოსახლეობის ზუსტ აღრიცხვას, სასწრაფო შეტყობინების სისტემის დახვეწას და გაუმჯობესებას, ეპიდემიური სიტუაციის გამწვავების დროულ  გამოვლენას, მათზე სწრაფ რეაგირებას, მოსახლეობაში არაგადამდებ დაავადებათა პრევენციის და ჯანმრთელობაზე მავნე ფაქტორების ზემოქმედებით, მოსახლეობის ინფორმირების გზით, ჯანმრთელობის დაცვის ხელშეწყობას.

აღნიშნული საკითხი ერთ-ერთი იყო, რასაც დეპუტატთა წინააღმდეგობა არ გამოუწვევია და დადგენილების მიღებას უხმაუროდ დაეთანხმნენ.

დღის წესრიგის მეხუთე საკითხზე, "ოზურგეთის მუნიციპალიტეტის საკრებულოს რეგლამენტის დამტკიცების შესახებ",  ოზურგეთის საკრებულოს აგვისტოს დადგენილებაში ცვლილების შეტანის თაობაზე, დიმიტრი კვერღელიძემ ისაუბრა და თან პირველი ოქტომბრის მილოცვა არ დავიწყებია "ოცნების" დეპუტატებისთვის. კვერღელიძის მილოცვა ბურჯანაძის სიით გასულმა დეპუტატმა ლელა ნაცვალაძემ გააპროტესტა: _მარტო თქვენს თავს რომ  ულოცავთ, ჩვენ რატომ დაგვტოვეთ, თუ 2012 წლის 1 ოქტომბრამდე სად იდგა ზოგიერთი თქვენგანი, დავასახელო? _ იკითხა ნაცვალაძემ. კვერღელიძემ პასუხი იქეთ მოსთხოვა, შენ თვითონ სად წახვედი, თუ გახსოვსო.

დიმიტრი კვერღელიძემ "ოზურგეთის მუნიციპალიტეტის საკრებულოს რეგლამენტის დამტკიცების შესახებ",  საკრებულოს 2014 წლის 2 აგვისტოს  დადგენილებაში ცვლილების შესახებ ისაუბრა: დადგენილებაზე თანდართული რეგლამენტის მე-16 მუხლი ჩამოყალიბდეს  შეცვლილი რედაქციით, სადაც აღნიშნულია, რომ საკრებულოს წევრს ხარჯები აუნაზღაურდება საკრებულოს, საკრებულოს კომისიის, საკრებულოს ფრაქციის სხდომებში, დროებითი სამუშაო ჯგუფების მუშაობაში მონაწილეობისთვის; ასევე, ამომრჩევლებთან გასვლითი შეხვედრებისთვის.  გაწეული ხარჯების დამადასტურებელ დოკუმენტად კი მოვალეობის შესრულების საოქმო ჩანაწერები ჩაითვლება. დაუშვებელია საკრებულოს წევრისთვის  ხარჯების ანაზღაურება პრემიის ან დანამატის სახით.

დეპუტატთა უმრავლესობამ, აღნიშნული დადგენილების გარდა, მხარი დაუჭირა  დანარჩენი ექვსი საკითხის შესახებ დადგენილებებსაც, რაც  მხოლოდ ცალკეულ ცვლილებებს შეეხებოდა.


ნახვა: 56


 ახალი ამბები
  • საქართველოს გაერთიანებული წყალმომარაგების კომპანია რეორგანიზაციას იწყებსსაქართველოს გაერთიანებული წყალმომარაგების კომპანია რეორგანიზაციას იწყებს, _ ამის შესახებ განცხადება გაერთიანებული წყალმომარაგების ვებგვერდზეა განთავსებული. როგორც განცხადებაშია აღნიშნული, საქართევლოს გაერთიანებული წყალმომარაგების კომპანია განვითარების ახალ ეტაპზე გადადის, რომელიც პროექტებთან ერთად, წყალმომარაგების დარგის კომპლექსურად განვითარებას გულისხმობს. ახალი გამოწვევების წარმატებით დაძლევის მიზნით, კომპანია სტრუქტურული და ორგანიზაციული ცვლილებების განხორციელებას იწყებს. ცვლილებების მიზანია მმართველობის ეფექტური სისტემის შექმნა, მათ შორის კადრების ოპტიმიზაცია, მაღალკვალიფიციური და კონკურენტუნარიანი პერსონალის მოზიდვა, რომელთა ჩართულობაც მნიშვნელოვანია კომპანიის ამბიციური გეგმების განხორციელებისთვის. რეორგანიზაციის ფარგლებში, ასევე გამოცხადდება ვაკანსიები სხვადასხვა პოზიციის დასაკავებლად. პროცესი ხელს შეუწყობს გამჭირვალობის პრინციპით, ახალგაზრდა და პროფესიონალი კადრების შერჩევას, რომლებიც  ფლობენ წყალმომარაგების სფეროში ახალი ტექნოლოგიების საერთაშორისო სტანდარტებით მართვის გამოცდილებასა და ... ...
  • საკრებულოს ხმაურიანი სხდომა და “ნაცმოძრაობის“ წევრების გარეშე დამტკიცებული საკითხები“ბატონი დავით დარჩია გაურბის პასუხისმგებლობას და ის ამიტომ არ არის საკრებულოს სხდომაზე. ჩვენ დავაფიქსირებთ ჩვენს აზრს და შემდეგ გადავწყვეტთ, დავრჩეთ თუ არა დღევანდელ სხდომაზე. მე მაინტერესებს, ამ შენობაში რაც გახორციელდა _ ბესო ქათამაძეზე მოხდა თავდასხმა, ამ ფაქტზე იღებთ თუ არა პოლიტიკურ პასუხისმგებლობას თქვენ და თქვენი პარტია“, _ ეს განცხადება ოზურგეთის მუნიციპალიტეტის საკრებულოს ოპოზიციონერმა წევრმა დავით მჟავანაძემ საკრებულოს თავმჯდომარის მოადგილის მისამართით სხდომის დასაწყისში გააკეთა. “მე შემიძლია გაგცეთ პასუხი, რატომ არ ესწრება სხდომას საკრებულოს თავმჯდომარე, ის  თბილისში,  ღია მმართველობის პარტნიორობის მეხუთე გლობალურ სამიტს ესწრება. განცხადებები კი გააკეთეთ სხდომის დასასრულს, ამის საშუალება მოგეცემათ“, _ უპასუხა დავით მჟავანაძეს გიორგი ღურჯუმელიძემ. საკრებულოს წევრმა “ერთიანი ნაციონალური მოძრაობიდან“  ბესო ქათამაძემ სხდომაზე თქვა, რომ მას ინციდენტისას არა ტარიელ აროშიძე, არამედ დავით ჭაკნელიძე მიეპარა. “ფრაქციის თავმჯდომარეს ააღებინეს თავზე დანაშაული და დავით ჭაკნელიძეს ხელი დააფარეს. ჭაკნელიძე მომეპარა და ჩამარტყა თავში. დამნაშავეები სხედან დარბაზი. კეთილი ინებეთ და აიღეთ პასუხისმგებლობა მომხდართან დაკავშირებით“, _ თქვა ბესიკ ქათამაძემ. არც თუ დიდი კამათის და დაპირსპირების შემდეგ დარბაზი პროტესტის ნიშნად “ერთიანი ნაციონალური მოძრაობის“ წევრებმა დატოვეს. “ჯერ იყო და გადადეს საკრებულო სხდომა და ახლა დარჩია არ არის საკრებულოს სხდომაზე, მათ არ უნდათ დისკომფორტი შეექმნათ. საკრებულოს თავმჯდომარემ ვერც გაბედა აქ მოსულიყო. ერთი თვეა, ვითხოვთ აიღონ პასუხისმგებლობა, მაგრამ ყველამ კარგად დაინახა, რაც მოხდა. ეს იყო ორგანიზებული თავდასხმა და არავინ იღებს ამაზე პასუხისმგებლობას“, _ თქვა მედიის წარმომადგენლებთან დავით მჟავანაძემ. „ნაციონალური მოძრაობის“ წევრების მიერ სხდომის დატოვებას არაკონსტრუქციული უწოდა საკრებულოს თავმჯდომარის მოადგილე გიორგი ღურჯუმელიძემ. “ნაცმოძრაობის დეპუტატებმა არაკონსტრუქციული გზა აირჩიეს. დღეს მათი პროტესტი გაუგებარი იყო, ძალიან მნიშვნელოვანი, მოსახლეობისთვის აქტუალური საკითხები განიხილებოდა საკრებულოს დღევანდელ სხდომაზე და მათ არ მიიღეს ამ განხილვაში მონაწილეობა“, _ თქვა გიორგი ღურჯუმელიძემ საკრებულოს სხდომის დასასრულების შემდეგ. “ქართული ოცნება - დემოკრატიული საქართველოს“ ფრაქციის წევრებმა თქვეს, რომ ემიჯნებიან ყოველგვარ ძალადობას. ისინი მოუწოდებენ „ნაცმოძრაობის“ წევრებს „უარი თქვას პოლიტიკაში პროვოკაციული და ძალადობრივი ელემენტების შემოტანაზე“. “ფრაზა "იმდენი შეგვიძლია, რამდენიც ვიცით", კარგად ასახავს "ნაციონალური მოძრაობის" წარმომადგენლის ბოლოდროინდელ პროვოკაციულ ქმედებებს. მან პოლიტიკურ პროცესებში მონაწილეობის ერთადერთ გზად დესტრუქციული მეთოდები აირჩია. დაგეგმილ ცილისმწამებლურ, ღირსების შემლახავ კამპანიას და საჯარო სივრცეში მიყენებულ სიტყვიერ შეურაცხყოფას მოჰყვა ინციდენტი, რომელიც, სამწუხაროდ, ფიზიკურ დაპირისპირებაში გადაიზარდა. ჩვენ, რა თქმა უნდა, ვემიჯნებით ყოველგვარ ძალადობას და მაღალი პოლიტიკური პასუხისმგებლობიდან გამომდინარე, ჩვენი ხელწერა იქნება მხოლოდ კანონიერი პასუხი ყველა პროვოკაციაზე. ფრაქცია "ქართული ოცნება-დემოკრატიული საქართველო" ყოველთვის იდგა და დღესაც დგას პოლიტიკური პლურალიზმის სადარაჯოზე. შეუძლებელია, აიძულო ადამიანი თავის შესაძლებლობაზე მეტი გააკეთოს, თუმცა, მოვუწოდებთ ინციდენტის ინსპირატორს, უარი თქვას პოლიტიკაში პროვოკაციული და ძალადობრივი ელემენტების შემოტანაზე. მეგობრებო, იქნებ დაემსგავსოთ კვალიფიციურ ოპოზიციას“, _ თქვეს ფრაქცია “ქართული ოცნება - დემოკრატიული საქართველოს“  წევრებმა. ოპოზიციონერი დეპუტატების მიერ პროტესტის ნიშნად სხდომათა დარბაზის დატოვების შემდეგ ტრიბუნასთან სამანდატო, საპროცედურო, იურიდიულ საკითხთა და ეთიკის კომისიის თავმჯდომარე ეროდი გორდელაძე მივიდა. “მინდა გაცნობთ, რომ საკრებულოს სხდომაზე ფრაქცია „ერთიანი ნაციონალური მოძრაობის“ თავმჯდომარის ცვლილებაზე გაკეთდა განცხადება. თორნიკე გოგუაძე დავით მჟავანაძემ შეცვალა. კი, მინდოდა, ეს ინფორმაცია გაეგო, მაგრამ პროტესტის ნიშნად დაგვტოვა“, _ თქვა ეროდი გორდელაძემ. საკრებულოს სხდომაზე შვიდი საკითხი განიხილეს. სხდომაზე გახდა ცნობილი, რომ განისაზღვრა ქალაქ ოზურგეთში მართვის მოწმობის პრაქტიკული გამოცდისთვის მომზადებულ 3 (სამ) სამარშუტო ტრასაზე დასაყენებელი საგზაო ნიშნების რაოდენობა და მარკირება. როგორც სხდომაზე აღინიშნა, ამისთვის სულ 605 ერთეული საგზაო ნიშანი დამონტაჟდება. გარდა ამისა, საპროექტო გზის ერთ მონაკვეთზე, დოლიძის და გაბრიელ ეპისკოპოსის ქუჩების გადაკვეთასთან, სამარშრუტო და სატრანსპორტო საშუალებების მოძრაობის დარეგულირების მიზნით, მოეწყობა შუქნიშანი. ოზურგეთის საკრებულომ მიმდინარე სხდომაზე სხდომაზე, ოზურგეთის მუნიციპალიტეტში დასახლებული ტერიტორიის დასუფთავებისათვის მოსაკრებლის ოდენობის შემოღებისა და გადახდის ინსტრუქციის დამტკიცების შესახებ“ - საკრებულოს დადგენილება მიიღო. დადგენილების დამტკიცებამდე, ნორმატიული სამართლებრივი აქტის პროექტში, საჯარო ადმინისტრაციული წარმოების პროცესში ცვლილება შევიდა. საკრებულოს ინიციატივით, პროექტით წარმოდგენილი მოსაკრებლის რაოდენობის შემცირება მოხდა და დადგენილების პროექტი აღნიშნული სახით დამტკიცდა. უკვე მიღებული დადგენილების მიხედვით _ ერთ სულ მოსახლეზე მოსაკრებლის ოდენობა განისაზღვრა 0.40 ლარით თვეში; ერთ სულ მოსახლეზე „სოციალურად დაუცველი ოჯახების მონაცემთა ერთიან ბაზაში“ 0-დან 150 001-მდე ქულის მქონე პირებისათვის მოსაკრებლის ოდენობა განისაზღვრა 0,20 ლარით თვეში; ორივე შემთხვევაში ოჯახის წევრთა რაოდენობის მიუხედავად, სულადობის მაქსიმალური ზღვრული ოდენობა განისაზღვრა 4 სულით. დაწესებულებებისთვის, ორგანიზაციებისთვის, იურიდიული პირებისათვის და ინდივიდუალურ მეწარმეთათვის მოსაკრებლის ოდენობა ერთ კუბურ მეტრ ნარჩენებზე განისაზღვრა 14 (თოთხმეტი) ლარი და 30 თეთრი. ოზურგეთის საკრებულომ, ,,ოზურგეთის მუნიციპალიტეტის ადმინისტრაციულ საზღვრებში სატრანსპორტო საშუალებების პარკირების რეგულირების წესისა და პარკირების საფასურის დადგენის შესახებ“, საკრებულოს დადგენილების მისაღებად, საჯარო ადმინისტრაციული წარმოების დაწყების თაობაზე გადაწყვეტილება მიიღო. "საკითხს აუცილებლად განიხილავენ კომისიები, ფრაქციები, ბიურო. სხდომებზე დასწრება თავისუფალია და ნებისმიერ დაინტერესებულ პირს შეუძლია ჩაერთოს განხილვის პროცესში. საკრებულო საკითხზე საზოგადოებრივ დარბაზთან ერთადაც იმსჯელებს. საზოგადოების მაღალი ინეტერესიდან გამომდინარე, აუცილებლად დაიგეგმება საჯარო განხილვა, რათა გადაწყვეტილების მიღება მოქალაქეთა ინტერესებიდან გამოდინარე მოხდეს", _ განაცხადა საკრებულოს თავმჯდომარის მოადგილემ გიორგი ... ...
  • უსუფაშვილისა და მარგველაშვილის ალიანსი_ ,,გუნდის ფორმირების პროცესი დაწყებულია“"შენების მოძრაობის“ ლიდერ დავით უსუფაშვილსა და საქართველოს პრეზიდენტს შორის მოლაპარაკება შედგა. საპრეზიდენტო არჩევნებში გაერთიანება და ერთ გუნდად ჩამოყალიბება_ ეს არის ის მთავარი საკითხები, რომლებზეც დახურულ კარს მიღმა პოლიტიკოსებმა  გუშინ იმსჯელეს. ,,გურია ნიუსი“ ,,შენების მოძრაობის“ ლიდერს, დავით უსუფაშვილს დახურულ კარს მიღმა წამოჭრილ ძირითად თემებსა და აქცენტებზე ესაუბრა: _ შეხვედრა შედგა, ვისაუბრეთ იმ საჭირბოროტო საკითხებზე, რომელიც მიმართვაშიც იყო და რომელზეც არა ერთხელ გვისაუბრია. ჯერ კონკრეტული გადაწყვეტილებები არ არის მიღებული. შეხვედრა იყო საინტერესო და სასარგებლო. მე ზომიერად ოპტიმისტურად ვარ განწყობილი, რომ  შევძლებთ ერთად პოლიტიკური საქმიანობის გაგრძელებას, მაგრამ, ასევე, ძალიან მნიშვნელოვანია  პრინციპულ საკითხებზე ერთ აზრამდე მისვლა, კერძოდ, ის, რომ მომავალი საპარლამენტო არჩევნებისთვის  პოლიტიკური ახალი ძალა ასპარეზზე არის გამოსასვლელი და ვთავაზობ გიორგი მარგველაშვილს  მოვხმარდეთ ამ საქმეს“, _ გვითხრა უსუფაშვილმა. _ ბატონო დავით, შეხვედრის შემდეგ როგორი შთაბეჭდილება დაგრჩათ, როგორ ფიქრობთ, მიიღებს მარგველაშვილი თქვენს წინადადებას გაერთიანებასთან დაკავშირებით? _ არ ვიცი, ჩემი განწყობა გამოვხატე იმით, რომ ზომიერად ოპტიმისტურად ვარ განწყობილი. დანარჩენს მომავალი გვიჩვენებს. _ თუკი მარგველაშვილი თქვენს წინადადებას დათანხმდება და მეტიც, ის საპრეზიდენტო არჩევნებში იყრის კენჭს, მზად ხართ, თქვენი კანდიდატურა მოხსნათ და მას დაუჭიროთ მხარი? _ რა თქმა უნდა, მაგრამ აქ არის ძალიან მნიშვნელოვანი საკითხი. გიორგი იქნება თუ სხვა, საპრეზიდენტო კანდიდატი, ჩემი ღრმა რწმენით, უნდა იყოს ჩვენი პოლიტიკური გუნდის ამოცანებით გამსჭვალული. მე ცალკე აღებულ საპრეზიდენტო არჩევნებს არ და ვერ ვხედავ. არ მაინტერესებს ისეთი კანდიდატი, რომელიც ამ არჩევნებში მონაწილეობს და იმას იქით,  მეორე და მესამე დღეს საკუთარ პოლიტიკურ გეგმებს არ უკავშირებს ამ პროცესებს. ეს არის კონტექსტი, მთავარი ის კი არ არის, ვინ იქნება კანდიდატი, მთავარია, კანდიდატს  პოლიტიკური გუნდის ფორმირება მიაჩნდეს პრიორიტეტად. _ გარდა მაგველაშვილისა, სამომავლოდ ვის მოიაზრებთ თქვენს გუნდში? _ მე საპრეზიდენტო არჩევნებისთვის გუნდზე არ ვფიქრობ. გუნდზე საპარლამენტო არჩევნებისთვის ვფიქრობ. ამ გუნდის მნიშვნელოვანი ნაწილი კი  საპრეზიდენტო კამპანიის  პროცესში გამოჩნდება. ზუსტად საპრეზიდენტო კამპანიის დროს ერთ-ერთი მთავარი ამოცანა გუნდის ფორმირება იქნება.  ჩვენ გვჭირდება 100-150 თანალიდერი, რომლებიც იქნებიან პარლამენტის წარმატებული წევრები. როგორც ცნობილია, გიორგი მარგველაშვილი საბოლოო გადაწყვეტილების მისაღებად ერთკვირიან ვადას ითხოვს. შეძლებენ თუ არა პოლიტიკოსები ერთ გუნდად ჩამოყალიბებას დროის მოცემულ ვადაში გახდება ... ...
  • საპრეზიდენტო კანდიდატი_,,დარწმუნებული ვარ ივანიშვილი დასახელდება“ვინ იქნება მმართველი გუნდის საპრეზიდენტო კანდიდატი _ ,,ქართულ ოცნებას“ საპრეზიდენტო კანდიდატი, ჯერჯერობით, არ დაუსახელებია, თუმცა მმართველ გუნდში დარწმუნებულები არიან, რომ მათ კანდიდატს საპრეზიდენტო არჩევნების მოგება პირველივე ტურში არ გაუჭირდება. პარლამენტის თავმჯდომარის თქმით, კონსულტაციები თვის ბოლოს პოლიტსაბჭოსა და უმრავლესობის ფორმატში დაიწყება, სადაც საპრეზიდენტო კანდიდატის ვინაობა გამოიკვეთება.   ,,ჩვენს პოლიტიკურ გუნდში არის რამდენიმე კანდიდატი, რომელსაც უმარტივესად შეუძლია პირველ ტურში ამ არჩევნების მოგება, თუმცა, რა თქმა უნდა, ყველაფერი უნდა გადაწყდეს კონსულტაციების საფუძველზე და ამ კონსულტაციებით გაირკვევა, თუ როგორ წარვდგებით  საპრეზიდენტო არჩევნებში“, _განაცხადა პარლამენტის თავმჯდომარემ. საზოგადოებრივი ორგანიზაცია ,,სამოქალაქო რეფორმაციის“ დამფუძნებელი, ანდრო ბარნოვი დარწმუნებულია, რომ მმართველი გუნდის საპრეზიდენტო კანდიდატი ,,ქართული ოცნება-დემოკრატიული საქართველოს“ თავმჯდომარე, ბიძინა ივანიშვილი იქნება. მისი თქმით, ,,ქართული ოცნების“ მიერ დასახელებულ სხვა კანდიდატს, საპრეზიდენტო არჩევნებში გამარჯვების ალტერნატივა არ გააჩნია. ,,დარწმუნებული ვარ, რომ საპრეზიდენტო არჩევნებში ივანიშვილი დაასახელებს საკუთარ თავს. სხვა შანსი ,,ქართულ ოცნებას“, უბრალოდ, არ აქვს. ეს არის ერთადერთი თეორიული შანსი, როდესაც შეიძლება, დღევანდელი ხელისუფლების წარმომადგენლებმა გაიმარჯვოს. სხვა ნებისმიერი  კანდიდატი, რომელიც აქამდე დაუსახლებიათ ან შეიძლება მომავალში დაასახელონ, იმდენად უფერულია, რომ, მერწმუნეთ, აუცილებლად დამარცხდებიან. სალომე ზურაბიშვილი წარმოუდგენლად კომიკური ფიგურაა, არა მხოლოდ ჩემთვის, არამედ ზოგადად, ჩვენი მოსახლეობისთვის“, _გვითხრა ბარნოვმა ,,გურია ნიუსი“ მომავალ საპრეზიდენტო კანდიდატის შესახებ  მმართველი გუნდის წარმომადგენელს, კახაბერ ოქრიაშვილს ესაუბრა. ოქრიაშვილის თქმით, ბიძინა ივანიშვილი საუკეთესო საპრეზიდენტო კანდიდატი იქნება.  _ ადრეც მქონდა ნათქვამი, რომ თუ ბატონი ბიძინა სრულად დაბრუნდება პოლიტიკაში, არა მარტო პარტიის ხელმძღვანელად, არამედ პრემიერ-მინისტრად, საზოგადოებისთვის კარგი იქნება. კი ბატონო, საპრეზიდენტო კანდიდატადაც საუკეთესო კანდიდატი იქნება თუ თვითონ მოისურვებს“, _ გვითხრა ოქრიაშვილმა. _ ბატონო კახაბერ, როგორ ფიქრობთ, სურს ივანიშვილს საპრეზიდენტო არჩევნებში მონაწილეობა? _ არ ვიცი, ვერ გეტყვით, არანაირი ინფორმაცია არ გამაჩნია ამასთან დაკავშირებით. ვისაც ,,ქართული ოცნება“ დაასახელებს, ჩემს საარჩევნო ოლქში იმ კანდიდატს დავუჭერ მხარს და ვიმუშავებ, როგორც მისი შტაბის წევრი. არა აქვს მნიშვნელობა ვინ დასახელდება. _ სალომე ზურაბიშვილის კანდიდატურას მხარს დაუჭერთ? _ კი, რა თქმა უნდა, ქალბატონ სალომეს ძალიან დიდ პატივს ვცემ. ჩვენი ინფორმაციით, პარლამენტის დამოუკიდებელი დეპუტატი, სალომე ზურაბიშვილი საპრეზიდენტო არჩევნებში მონაწილეობის მიღებას გეგმავს, თუმცა, ამ დრომდე გაურკვეველია დაუჭერს თუ არა მას მხარს ,,ქართული ოცნება“. მმართველი გუნდის ერთ-ერთი სავარაუდო საპრეზიდენტო კანდიდატი, რომელზეც გადაწყვეტილება, ჯერჯერობით, მიღებული არ არის, ბიძინა ივანიშვილია. საპრეზიდენტო კანდიდატის შესახებ ოფიციალური ინფორმაცია თვის ბოლოს გახდება ... ...
  • სხვისი სასაქონლო ნიშნის მართლსაწინააღმდეგო გამოყენების ორი ფაქტი გამოავლინეს საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, სხვისი სასაქონლო ნიშნის მართლსაწინააღმდეგო გამოყენების ორი  ფაქტი გამოავლინეს. გამოძიებით დადგინდა,  რომ ქვემო ქართლის და იმერეთის რეგიონებში, მობილური ტელეფონებითა და მისი აქსესუარებით მოვაჭრე ორი მეწარმე სუბიექტი  ჩინური წარმოების იაფფასიანი მობილური ტელეფონების ნიშანდებას NOKIA-ს სასაქონლო ნიშნით ახდენდა და მის რეალიზაციას ბრენდირებული ტექნიკის სახით  ახორციელებდა. გატარებული საგამოძიებო მოქმედებების  შედეგად, ჯამში ამოღებულია NOKIA-ს სასაქონლო ნიშნით უკანონოდ ნიშანდებული 3 791 მობილური ტელეფონი. გამოძიება მიმდინარეობს საქართველოს სისხლის სამართლის კოდექსის 196-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 2 წლამდე ვადით.  ... ...

არქივი

ზაფრანი

მარსის საიდუმლო

ყველას დაგვბადებია კითხვა ვართ თუ...

გამქრალი ტბა

2007 წლის მაისში, ჩილეში პატაგონიაში,...

ცხოველთა სამყაროც ირჩევს

გასული საუკუნის 30–იან წლებში, როდესაც...

საინტერესო ფაქტები ცისარტყელაზე

ცისარტყელა უძველესი დროიდან იპყრობდა ადამიანის...

პატარა ეშმაკობა შოპინგის დროს

მაღაზიებში ცდუნებისგან თავს ვერ იკავებთ...
კარმიდამო ჩემი

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...

წიფლის წიწიბო

წიფელი ჩვენს ქვეყანაში ერთ-ერთი მძლავრი...

ჩეხური "კალაჩი"

ჩეხური სამზარეულო ლუდის გემრიელი მენიუსა...

როგორ ვიმკურნალოთ თაფლით

ხალხურ მედიცინაში არ მოიპოვება ისეთი...

პეტუნიას პოპულარობა და თავისებურება

ბოლო წლების განმავლობაში, ჩვენში განსაკუთრებული...

ალოეს სამკურნალო თვისებები

შესაძლოა, ალოეს დადებითი თვისებების შესახებ...

როგორ აღვიდგინოთ მხედველობა ნივრის დახმარებით

დროთა განმავლობაში, ადამიანის ჯანმრთელობის მდგომარეობა...

რატომ არ უნდა აადუღოთ წყალი ხელმეორედ

ფილმის ყურებაში ისე გაერთეთ, რომ...

"უთვალავ საქმეთაგან, სახარების გადაწერაა შვება"

ჩვენი სტატიის გმირი მრავალმხრივი ნიჭით...

როგორ ვებრძოლოთ პირუტყვის კანქვეშა ბორას

ზაფხულის პერიოდში განსაკუთრებით, მსხვილფეხა რქოსანი...

მეფუტკრის კალენდარი _ მაისი და ივნისი

მაისის შუა რიცხვებიდან დგება დიდი...