ბიძინა ივანიშვილი _ ნაცნობი და უცნობი დეტალები

პოლიტიკა

ბიძინა ივანიშვილი _ ნაცნობი და უცნობი დეტალები

2011 ოქტ 17 01:29:41
დღეს საქართველოში ყველა მასზე საუბრობს _ ზოგი აქებს, ზოგი აძაგებს. ზოგს უყვარს, ზოგსაც მისი იმედი აქვს.

ინტერესი მისი პერსონის მიმართ ყოველთვის დიდი იყო. ქართულ მედიას მასთან ინტერვიუ დღემდე ვერ ჩაუწერია. როგორც ამბობენ, ჟურნალისტებთან ურთიერთობას ერიდება. მისი წარსულის შესახებ დეტალური ინფორმაცია არ არსებობს და მიუხედავად იმისა, რომ საჯაროდ განაცხადა პოლიტიკაში მოსვლის შესახებ, მედიის წინაშე ჯერ კიდევ არ გამოჩენილა.

მისი უახლოესი გარემოცვა ბიზნესმენის წარსულსა და დღევანდელობაზე საუბარს ერიდება. როგორც ამბობენ, ამის შესახებ გაფრთხილება ბიზნესმენმა მათ დიდი ხნის წინ მისცა. ბიზნესმენის ძმა, ადიკო ივანიშვილი "გურია ნიუსთან" საუბრისას ამბობს, რომ ძმაზე საჯაროდ საუბარი არ სურს, თუმცა, აღნიშნავს რომ იგი ძალიან მოსიყვარულე და გულისხმიერი ადამიანია:

_ ბიძინაზე კონკრეტული კომენტარები არ არის საჭირო. ნახეთ მისი გაკეთებული საქმეები საქართველოში. არც ერთ შემთხვევაში ფინანსური დაინტერესება არ ჰქონია. მასზე წარმოდგენის შექმნა, მის მიერ გაკეთებული საქმეებით ძალიან ადვილია, _ აღნიშნა ადიკო ივანიშვილმა.

ივანიშვილი და ბიზნესი

ბიძინა (ბორის) ივანიშვილი დაიბადა 1956 წელს, საჩხერის რაიონის სოფელ ჭორვილაში. სკოლის დამთავრების შემდეგ ჩააბარა თბილისის სახელმწიფო უნივერსიტეტის საინჟინრო-ეკონომიკურ ფაკულტეტზე. სწავლის დასრულების შემდეგ, მუშაობდა ჩარხმშენებელ ქარხანაში მუშად, უფროს ინჟინრად, ლაბორატორიის უფროსად. 1982 წელს დაიცვა საკანდიდატო დისერტაცია თემაზე: "მეცნიერული ორგანიზაცია და შრომის ეკონომიკა".

მოგვიანებით ივანიშვილმა საკუთარი ბიზნესი წამოიწყო _ ჯერ არმინირებულ მილებს აწარმოებდა, შემდგომ კი კომპიუტერებით ვაჭრობდა. მისი პირველი დამკვეთი საქართველოს მეცნიერებათა აკადემია იყო. ამ დაკვეთის შედეგად მას სოლიდური თანხა დაუგროვდა, რითიც პროკურატურა დაინტერესდა და ანგარიშები დაუყადაღა.

1988 წელს ივანიშვილმა დატოვა საქართველო და საქმიანობა განაგრძო მოსკოვში, სადაც ახალ პარტნიორებთან ერთად გააგრძელა კომპიუტერებით ვაჭრობა. გარკვეული დროის შემდეგ, კომპიუტერებთან ერთად ბრუნვაში ჩართეს ასლგადამღები აპარატები და ტელეფონები. ამის შემდეგ მათ ელექტროტექნიკის მწარმოებელი ქარხანა შეიძინეს ჰონგ კონგში. 1990 წლისთვის, ივანიშვილი ელექტრო-ტექნიკის გაყიდვების ერთ-ერთი ლიდერი იყო. რუსეთში. დაგროვებული კაპიტალით მან და მისმა პარტნიორებმა გახსნეს ბანკი "როსკრედიტი". ბანკი წარმატებული იყო და ფართო ქსელი ჰქონდა 1998 წლამდე, როდესაც ის ლამის გაკოტრდა.

ივანიშვილის სრულ ან ნაწილობრივ საკუთრებაშია: უძრავი ქონებისა ჰოლდინგ-კომპანია "მეტალოინვესტი", სააფთიაქო ქსელი "ექიმი სტოლეტოვი", "რუსული კრედიტი", "იმპეკსბანკი", "ინტერფინდ ტრეიდი", "სტოილენსკის ნივა", "ტიაჟმეხპრესი", "რტი-კაუჩუკი" რადიოტექნიკური ნაწარმის ურალის ქარხანა, "ერკაფარმა", სადაზღვევო კომპანია "რკ გარანტი", სასტუმროები "მინსკი" და "ცენტრალური", სატრანსპორტო კომპანია "წიაღისეულის გადაზიდვის ცენტრი"; საქართველოში: კვების პროდუქტების კომპანია "თოლია", "ქართუ ჯგუფი".

ბიძინა ივანიშვილი 2000 წლიდან სან მარინოს საპატიო კონსულია საქართველოში.

ივანიშვილის სახელს უკავშირდება სათხილამურო კომპლექსის "ბაკურიანი 2"-ის მშენებლობა, მარჯანიშვილის თეატრის რეკონსტრუქცია, ტელეკომპანია "მე-9 არხი", აკვაპარკი "ციცინათელა", სამების საკათედრო ტაძარი...

ივანიშვილი და პოლიტიკა

2011 წლის 5 ოქტომბერს "ქართუ ჯგუფმა" გაავრცელა განცხადება, რომელშიც აღნიშნულია, რომ ივანიშვილი საკუთარი პოლიტიკური პარტიის შექმნას და 2012 წლის საპარლამენტო არჩევნებში მონაწილეობის მიღებას აპირებს. 2 დღის შემდეგ, 7 ოქტომბერს, ივანიშვილმა ვრცელი განცხადება გაავრცელა.

12 ოქტომბერს ბიძინა ივანიშვილის კიდევ ერთი განცხადება გავრცელდა, რომლის საშუალებითაც მიმართავდა ხელისუფლებას, პოლიტიკოსებს, პოლიტიკურ პარტიებს, მასმედიის წარმომადგენლებს და საქართველოს ყველა მოქალაქეს.

ბიძინა ივანიშვილი "ფორბსის" მონაცემებით, დღეს მსოფლიოს უმდიდრეს ადამიანთა სიაში 179-ე ადგილზეა _ მისი ქონება 5,5 მილიარდ დოლარს შეადგენს. მან ფინანსური იმპერიის შექმნა 1990 წელს დაიწყო, როდესაც ბანკი "რასიისკი კრედიტი" დააფუძნა. გარდა ამ ბანკისა, ივანიშვილი რუსეთში ფლობს "დოქტორ სტოლეტოვის" სააფთიაქო ქსელს, სასოფლო-სამეურნეო კომპანიებს და მშენებარე ობიექტებს. კიდევ ბევრი სხვადასხვა ცნობილი ბიზნესის მეწილეა, მათ შორის "გაზპრომის", "ლუკოილის" და ა.შ.

"ფორბსის" ინფორმაციით, ბიზნესმენის ინტერესების სფეროში კულტურას დიდი ადგილი უკავია. კერძოდ, მან საბაზრო ღირებულებაზე ძვირად შეიძინა პიკასოს ტილო და რამდენიმე თანამედროვე მხატვარის ნამუშევარი.

"მე არასოდეს მიფიქრია, რომ მე ჩემი სიმდიდრით ვინმეზე, მატერიალურად თუნდაც ხელმოკლე ადამიანზე, რაიმეთი მეტი ვარ", _ აცხადებს ბიზნესმენი ბიძინა ივანიშვილი საკუთარ განცხადებაში.

"გურია ნიუსმა" საკუთარი წყაროებით ბიზნესმენის შესახებ რამდენიმე ინფორმაციის მოძიება შეძლო: ივანიშვილმა ბავშვობა სიღარიბეში გაატარა. მამამისი მარგანეცის ქარხანაში მტვირთავი მუშა იყო. მის ოჯახს თავისთვის ფუფუნების უფლება არასდროს მიუცია. იყო შემთხვევები, როდესაც დღეს უკვე ცნობილი ბიზნესმენი, სკოლაში შელახული ფეხსაცმელებით დადიოდა და ზამთარში თბილი პალტოც კი არ ჰქონდა.

როგორც ივანიშვილის ახლობლები გვიყვებიან, ბატონ ბიძინას შრომა არასდროს ეთაკილებოდა და ერთი პერიოდი ქარხანაში დამლაგებლად მუშაობდა, ამ ყველაფერს კი სწავლას უთავსებდა. ეკონომიკურ გაჭირვებას მისთვის ხელი არ შეუშლია, წარმატებით ესწავლა და თბილისის სახელმწიფო უნივერსიტეტში, საინჟინრო-ეკონომიკურ ფაკულტეტზე ყოველგვარი პროტექციის გარეშე, ქრთამის გარეშე მოხვედრილიყო.

რამდენიმე თვის განმავლობაში, ივანიშვილი მოსწავლეებს ფიზიკაში ამზადებდა და ამაში მცირეოდენ გასამრჯელოს იღებდა, რაც დედაქალაქში თავის გატანაში ეხმარებოდა.

გულახდილობით არასდროს გამოირჩეოდა და საზოგადოებას ხშირად გაურბოდა. დღემდე არ გადაუხდია დაბადების დღე. როგორც გვეუბნებიან, თარიღების პომპეზურად აღნიშვნა ძალიან არ უყვარს.

მეზობელი სოფლის მკვიდრი გოგონა 16 წლის ასაკში შეყვარებია, რომელიც 1990 წელს ცოლადაც მოიყვანა და იმ დროისთვის მეფური ქორწილი მშობლიურ სოფელში გადაიხადა.

2004 წელს, საქართველოში დაბრუნებულმა ივანიშვილმა, სოფელში დიდი ბანკეტი მოაწყო, სადაც ყველა მისი თანაკლასელი დაპატიჟა, წვეულების ბოლოს კი მათ ავტომანქანების გასაღებები დაურიგა, რამდენიმე მათგანს კი სახლიც უყიდა.

ივანიშვილს სოფლის სახლში ზოოპარკი აქვს, სადაც ზებრებს და ფარშევანგებს უვლის, ეზოში გაკეთებულ ხელოვნურ ზღვაში კი პინგვინები ჰყავს. რამდენიმე ჰექტარზე გაშენებულ ბაღში სხვადასხვა სახის ხეხილი, ყვავილები და ეგზოტიკური მცენარეები აქვს გაშენებული, რომელთა მოსავლელად მებაღე საფრანგეთიდან ჩამოიყვანა.

_ როდესაც გაბრაზებულია, ბაღში განმარტოებას არჩევს. მას ძალიან უყვარს მცენარეების მოვლა, ცხოველების საკუთარი ხელით გამოკვება, _ ამბობს ჩვენთან საუბრისას მისი ახლობელი.

ახლო მეგობრის თქმით, ივანიშვილი ძალიან პრინციპული ადამიანია და მოღალატეებთან ყოველთვის დაუნდობელია. როგორც გვიყვებიან, გარემოცვის რამდენიმე უახლოესი წევრი "ფულის მოტეხვის" გამო სამუდამოდ მოიცილა.

ბიზნესმენის ოჯახის წევრები ფინანსურად უზრუნველყოფილი არიან, თუმცა, ივანიშვილი მათ მუშაობასაც სთხოვს.

საკუთარ ძმას, გურიაში მისი საქმიანობის ზედამხედველობა დაავალა. ადიკო ივანიშვილი შვილთან, რამაზთან ერთად რამდენიმე წელია შეკვეთილში ცხოვრობს და ყოველთვიურად საკმაოდ მაღალი ხელფასი ეძლევა, რომელიც დაუდასტურებელი ინფორმაციით, რამდენიმე ათეულ ათას ლარს აჭარბებს (აღსანიშნავია, რომ ადიკო ივანიშვილი 90-იან წლებში გაიტაცეს და მილიარდერს მის გამოსასყიდად ძალიან ბევრს ფულს სთხოვდნენ. როგორც ამბობენ, ძმის სიცოცხლე ივანიშვილს რამდენიმე მილიონი დაუჯდა, რომელიც ქართულ სპეცსამსახურებს გადაუხადა).

შეკვეთილში ბიზნესმენს რამდენიმე პროექტი აქვს. ყველაზე მასშტაბური კი აკვაპარკი "ციცინათელაა", რომელიც გურიის, კერძოდ კი ოზურგეთის ტერიტორიაზეა და გადასახადებიც ოზურგეთის მუნიციპალიტეტის ბიუჯეტში შედის და არა ქობულეთის, როგორც დიდი ხანია წერს სხვადასხვა მედიასაშუალება. აღსანიშნავია რომ "ციცინათელას" გახსნაზე ივანიშვილი არ გამოჩენილა.

_ ეს არის ქველმოქმედი ადამიანი, რომელიც აუცილებლად უნდა დავაფასოთ. მან სრულიად უანგაროდ, უამბიციოდ ბევრი კეთილი საქმე გააკეთა საქართველოსთვის, _ განაცხადა პარკის გახსნისას მიხეილ სააკაშვილმა.

ივანიშვილი შეკვეთილში ყოველ წელს ჩამოდის. მისი ვილის მიმდებარე ტერიტორიაზე კამერებია დაყენებული. ღობესთან მისული გაიგონებთ დაცვის სამსახურის ხმას: _ რამე გნებავთ?

ივანიშვილი ყოველთვის ეხმარება რიგით ადამიანებს, ოღონდ მანამდე მათზე ყველანაირ ინფორმაციას აზუსტებს:

_ როცა მას დახმარებას სთხოვენ, აუცილებლად ეხმარება, ოღონდ ინფორმაცია იმ ადამიანზე ყოველთვის აქვს, რადგან სიყალბე, რომელსაც ვერ იტანს, გამორიცხოს, _ ამბობს ჩვენთან საუბრისას ივანიშვილის ერთ-ერთი თანამშრომელი.

ბიზნესმენი "ციცინათელას" ოჯახთან ერთად ხშირად სტუმრობს. ბილეთების რიგში ჩვეულებრივი მოქალაქეების მსგავსად დგება, თუმცა, იქვე მყოფი მისი დაცვა კატეგორიულად კრძალავს ფოტოების გადაღებას.

ბიზნესმენთა წრე, რომელთანაც ივანიშვილი ურთიერთობს, საკმაოდ მწირია, თუმცა, არსებობენ გამონაკლისები. ჩვენი წყაროს ინფორმაციით, ივანიშვილს საკმაოდ კარგი დამოკიდებულება აქვს მიხო სვიმონიშვილთან, თუმცა, ეს უკანასკნელი ამბობს, რომ ცნობილ ბიზნესმენთან არანაირი ურთიერთობა არ აქვს.

იმ დროს, როცა მიხო სვიმონიშვილი გურიის გუბერნატორი იყო, აქტიურად განიხილებოდა ივანიშვილის მიერ ბახმაროში ინვესტიციების ჩადების საკითხი:

_ იყო ამაზე საუბარი, თუმცა, ივანიშვილი ბახმაროში არ ჩამოსულა, _ თქვა "გურია ნიუსთან" საუბრისას სვიმონიშვილმა

როგორც ჩვენმა გაზეთმა მოიკვლია, როდესაც ივანიშვილს უთხრეს, რომ ბახმაროს განვითარებისთვის იქ მდგომი კოტეჯების აღება იყო საჭირო (ამას ხელისუფლება საკუთარ თავზე იღებდა), ივანიშვილმა ინვესტიციაზე უარი თქვა. საკმაოდ სარწმუნო წყაროს ცნობით, "ცენტრი" ბევრს ეცადა დაემტკიცებინა მეცენატისთვის, რომ კურორტის კერძო სახლებისგან "გასუფთავება" პრობლემებს არავის შეუქმნიდა, რადგან იქ ყველაფერი უკანონო იყო. ივანიშვილს პირადად უთქვამს სააკაშვილისთვის, რომ არ დაუშვებდა რომელიმე ოჯახი დაზარალებულიყო. რა მოხდა შემდგომ, არავინ იცის. ფაქტია, რომ ბიზნესმენი ბახმაროთი აღარ დაინტერესდა და უფრო მეტიც, ოზურგეთის მუნიციპალიტეტის ბიუჯეტს დაფინანსებაც შეუწყვიტა.

_ არ მინდა, საზოგადოებას ისეთი შთაბეჭდილება შეექმნას, რომ, მოვედი მე, ვიღაც უცოდველი კრავი, რომელიც სხვებს განიკითხავს და მორალს უკითხავს. ეს ასე არ არის _ მეც ბევრი შეცდომა დამიშვია და ბევრჯერ შემშლია, რაც ხმამაღლა მიღიარებია და საკუთარი თავი გამიკიცხავს, _ აღნიშნულია ივანიშვილის მიერ გავრცელებულ ერთ-ერთ განცხადებაში.




 ახალი ამბები
  • ხანძარი მესტიაში _ ხანძრის ლოკალიზება ჯერ კიდევ ვერ ხერხდებამესტიაში ხანძარს ამ დრომდე ებრძვიან.  სალიკვიდაციო სამუშაოები დილიდან განახლდა. ამ დროისთვის ადგილზე დამატებით 90 მეხანძრე-მაშველი მუშაობს. ხანძარი სოფელ ეცერში, ტყეში ორი დღის წინ გაჩნდა.  მეხანძრეებმა მუშაობა ძლიერი დაკვამლიანებისა და ცუდი ხილვადობის გამო გუშინ ღამით შეწყვიტეს და დილის 7 საათიდან განაახლეს. რაც შეეხება სამაშველო სამუშაოებში ვერტმფრენის ჩართვის შესაძლებლობას, როგორც გუბერნატორის მოადგილე აცხადებს, საჭიროების შემთხვევაში ამ საკითხს შესაბამისი უწყებები ... ...
  • სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა - კახა კალაძედედაქალაქის მერი კახა კალაძე, რუსთაველის გამზირზე განვითარებულ მოვლენებს ეხმაურება. თბილისის მერის განცხადებით, მიუხედავად არაერთი გაფრთხილებისა, რომელიც აქციის ორგანიზატორებს მიეცათ, პროცესები კანონის ჩარჩოებს გასცდა. მისი თქმით, ბოლო ორი დღის განმავლობაში, აქციის ორგანიზატორებს აფრთხილებდნენ, რომ პარლამენტის ბლოკირება უკანონო ქმედება იყო, თუმცა მათ სიტუაციის გამწვავება სცადეს. როგორც მერი ამბობს, საქართველო დემოკრატიული სახელმწიფოა და უზრუნველყოფს თითოეული მოქალაქის სიტყვისა და გამოხატვის თავისუფლებას.  "მინდა გამოვეხმაურო რუსთაველის გამზირზე მიმდინარე მოვლენებს და საპოლიციო ღონისძიებას, რომელიც წესრიგის აღსადგენად ჩატარდა. საქართველოში დაცულია სიტყვისა და გამოხატვის თავისუფლება, თუმცა პარლამენტთან, ოპოზიციის ქმედებები გასცდა კანონის ჩარჩოებს. ჩვენ, ორი დღის განმავლობაში, ვაფრთხილებდით აქციის ორგანიზატორებს, რომ სახელმწიფო ინსტიტუტის, პარლამენტის ბლოკირება არის უკანონო ქმედება. თუმცა, მიუხედავად ამისა, ნახეს რა, რომ არ ჰქონდათ ხალხის სათანადო მხარდაჭერა, აქციის ორგანიზატორებმა სიტუაციის გამწვავება და პროცესის დესტრუქციულ უკანონო ქმედებებში გადაზრდა სცადეს. დღეს, დილიდან, ამ ადამიანებმა, სახელმწიფო ინსტიტუტების უკანონო ბლოკირება განაგრძეს, შეურაცხყოფას აყენებდნენ პარლამენტში შემსვლელ ადამიანებს და მიუხედავად მომიტინგეთა მცირე რაოდენობისა, გადაკეტილი ჰქონდათ გზის სავალი ნაწილი, რითაც უხეშად არღვევდნენ კანონს. მიუხედავად შინაგან საქმეთა სამინისტროს მხრიდან გაკეთებული არაერთი გაფრთხილებისა, ხელისუფლების თუ საერთაშორისო პარტნიორების მოწოდებისა ოპოზიციონერმა ლიდერებმა უარი თქვეს კონსტიტუციურ ჩარჩოებში დაბრუნებაზე. შესაბამისად, სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა. პოლიციამ გამოიჩინა მაღალი პროფესიონალიზმი და იმოქმედა კვალიფიციურად. აღადგინა წესრიგი და პროცესები კანონის ჩარჩოში დააბრუნა. ამისთვის გვსურს, მადლობა გადავუხადოთ თითოეულ სამართალდამცავს. ამ დროისთვის, პარლამენტის ყველა შესასვლელი თავისუფალია და რუსთაველის გამზირზე მოძრაობა აღდგენილია," - განაცხადა კახა ... ...
  • თალაკვაძე პარლამენტის ჭიშკარზე მოხსნილ ბოქლომს და ჯაჭვს ოპოზიციას უბრუნებსპარლამენტის პიკეტის მოხსნის შემდეგ ბიუროს სხდომა გაიხსნა. არჩილ თალაკვაძემ გაჭრილი ბოქლომი და ჯაჭვი ბიუროს სხდომაზე მიიტანა და თქვა, რომ მას ოპოზიციას უბრუნებს. პარლამენტის თავმჯდომარის განცხადებით, კვლავ ძალაშია გადაწყვეტილება, რომ პროპორციული წესით არჩევნები 2024 წელს ჩატარდება.  რაც შეეხება აქციის მონაწილეთა მოთხოვნას, არჩილ თალაკვაძის თქმით, შეკრების უფლება დაცული იქნება, სამწუხარო კი ის არის, რომ ოპოზიციის ნაწილმა კვლავ შეცდომაში შეიყვანა მომხრეები და მშვიდობიან პროტესტს გასცდა აქცია.  პარლამენტის თავმჯდომარის განმარტებით, სახელმწიფო ინსტიტუტების ბლოკირება სცდება კონსტიტუციის მშვიდობიანი მანიფესტაციის უფლების ფარგლებს.  „გუშინ პირადად დავუკავშირდი საპარლამენტო ოპოზიციის ლიდერებს და ვთხოვე, დაბრუნებულიყვნენ მანიფესტაციის მშვიდობიანი პროტესტის ფარგლებში, ასევე შევთავაზე მათ პარლამენტში გადაგვეტანა დისკუსია და ყველა იმ საკითხზე, რომელზეც მათ აქვთ პოზიცია, განგვეხილა პარლამენტში“, - განაცხადა პარლამენტის ... ...
  • ალეკო ელისაშვილი: "აუდეთ ბიძინა ივანიშვილთან ერთად"რა ბიუროს სხდომა, ამად გიღირთ, ასეთი ჩატარებული სხდომა გიღრდათ? რამდენჯერ გამოიყვანეთ სპეცრაზმი ბიუროს სხდომის ჩასატარებლად. აუდეთ ბიძინა ივანიშვილთან ერთად, _ თქვა ალეკო ... ...
  • პარლამენტში ბიურის სხდომა დაიწყოპარლამენტში ბიუროს სხდომა მიმდინარეობს. ამ ეტაპზე პარლამენტში მედიის წარმომადგენლებს შესვლის საშუალება არ აქვთ. აღსანიშნავია, რომ დღეს პარლამენტში დაგეგმილი კომიტეტის და ბიურის სხდომები ჩაიშალა. ბიუროს სხდომა 15:00 საათზე უნდა გამართულიყო. პარლამენტარებმა საკანონმდებლო შენობაში შესვლა ცოტა ხნის წინ, მხოლოდ მას შემდეგ შეძლეს, რაც სპეზრამმა ჭავლის გამოყენებით, პარლამენტის პიკეტირებული შესასვლელები გაათავისუფლა და აქცია ... ...

არქივი

ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

დარწმუნებული ხართ თუ არა, რომ სასმელად ვარგის წყალს მოიხმართ?