საბჭო ბჭობისთვის თუ საქმისთვის _ ვინ და რას გაუწევს კონსულტაციას სამხარეო საბჭოში

პოლიტიკა

საბჭო ბჭობისთვის თუ საქმისთვის _ ვინ და რას გაუწევს კონსულტაციას სამხარეო საბჭოში

23 ოქტ. 2014, 13:07:00

ადგილობრივი თვითმმართველობის კოდექსის თანახმად, სახელმწიფო რწმუნებულთან-გუბერნატორთან შექმნილი "სამხარეო საკონსულტაციო საბჭოს " უფლებამოსილებაა: 

გუბერნატორის წარდგინებით სახელმწიფოს მიერ განსახორციელებელი პროექტების, პროგრამებისა და მათი ხარჯთაღრიცხვების განხილვა; გუბერნატორის უფლებამოსილების განხორციელების ტერიტორიის სოციალურ-ეკონომიკური განვითარების სტრატეგიის განხილვა, გუბერნატორისთვის შესაბამისი რეკომენდაციების შემუშავება.

საკონსულტაციო საბჭოს შემადგენლობაში თანამდებობრივად შევლენ შესაბამისი მუნიციპალიტეტების გამგებელი/მერი, საკრებულოს თავმჯდომარე და თავმჯდომარის  მოადგილე. 

საკონსულტაციო საბჭო შეიკრიბება არანაკლებ 3 თვეში ერთხელ და მის მიერ მიღებული გადაწყვეტილებები იქნება სარეკომენდაციო ხასიათის. "კანონში წერია, რომ საბჭოს სხდომას გუბერნატორი იწვევს, თუმცა არ არის აღნიშნული, შეუძლია თუ არა საბჭოს სხდომაში მონაწილეობის მიღება მხარის პირველ პირს.

ჩვენი ინფორმაციით სწორედ ამან განაპირობა პარლამენტში 13 ოქტომბერს შესული კანონპროექტის მომზადება, რომელსაც ხელს პრეზიდენტი გიორგი მარგველაშვილი აწერს და რომლის თანახმადაც ადგილობრივი თვითმმართველობის კოდექსის შესაბამისი მუხლი უნდა შეიცვალოს.

კანონპროექტში აღნიშნულია, რომ 149-ე მუხლის მე-2 პუნქტი  შემდეგი რედაქციით უნდა ჩამოყალიბდეს:  "სამხარეო საკონსულტაციო საბჭოს სხდომებს იწვევს და უძღვება სახელმწიფო რწმუნებული − გუბერნატორი". 

სამხარეო საკონსულტაციო საბჭოს სხდომა გურიაში გასულ კვირას გაიმართა. სხდომას რეგიონის მუნიციპალიტეტების გამგებლები, საკრებულოს თავმჯდომარეები, მათი მოადგილეები და ქალაქ ოზურგეთის მერი ესწრებოდნენ. სხდომას ასევე ესწრებოდნენ საქართველოს რეგიონული განვითარებისა და ინფრასტრუქტურის სამინისტროს თვითმმართველობის განვითარებისა და რეგიონული პოლიტიკის დეპარტამენტის უფროსი გიორგი წაქაძე და ამავე სამინისტროს წარმომადგენელი მამუკა აბულაძე.

სხდომაზე რამდენიმე საკითხი განიხილეს, მათ შორის დარგობრივი სამუშაო ჯგუფების შექმნის შესახებ, რომლებიც თითოეულ მუნიციპალიტეტში მოსახლეობის ინტერესების გათვალისწინებით, პრიორიტეტების განსაზღვრასა და შესაბამისი პროექტების შემუშავებაში მიიღებენ მონაწილეობას.

ამავე სხდომაზე მიიღეს საბჭოს დებულება, რომლის თანახმადაც საბჭოს მიზანია, უზრუნველყოს მუნიციპალიტეტის ინტერესების წარმოდგენა და გათვალისწინება სახელმწიფო რწმუნებულის − გუბერნატორის უფლებამოსილების განხორციელების ტერიტორიის განვითარების დაგეგმვისა და განხორციელების პროცესში.

დებულების მიხედვით, საბჭო უფლებამოსილია: სახელმწიფო რწმუნებულის − გუბერნატორის წარდგინებით განიხილოს მისი უფლებამოსილების განხორციელების ტერიტორიაზე სახელმწიფოს მიერ განსახორციელებელი პროექტები, პროგრამები და მათი ხარჯთაღრიცხვები; განიხილოს სახელმწიფო რწმუნებულის − გუბერნატორის უფლებამოსილების განხორციელების ტერიტორიის სოციალურ-ეკონომიკური განვითარების სტრატეგიული დოკუმენტები; განიხილოს გუბერნატორის უფლებამოსილების განხორციელების ტერიტორიის სოციალურ-ეკონომიკური განვითარების სტრატეგიული დოკუმენტების განხორციელების სამოქმედო გეგმები; განიხილოს სხვა საკითხები, რომლებიც კავშირშია გუბერნატორის უფლებამოსილების განხორციელების ტერიტორიის სოციალურ-ეკონომიკურ განვითარებასთან; გამოხატოს საბჭოს აზრი სხდომებზე განხილულ დოკუმენტებისა და საკითხების თაობაზე; შეიმუშავოს რეკომენდაციები სახელმწიფო რწმუნებულისთვის − გუბერნატორისთვის, მისი უფლებამოსილების განხორციელების ტერიტორიის სოციალურ-ეკონომიკური განვითარების დაგეგმვისა და განხორციელების პროცესში: მიიღოს გადაწყვეტილებები საბჭოს მუშაობის ორგანიზაციულ საკითხებთან დაკავშირებით.

რამდენად ეფექტური იქნება საბჭოს მუშაობა და საერთოდ რა დანიშნულება აქვს ახალშექმნილ ორგანოს, ამ საკითხზე G-News TV-ის ყოველკვირეულ გადაცემაში  "კვირის თემა", ჩოხატაურის საკრებულოს თავმჯდომარემ ზაალ მამალაძემ ისაუბრა:

_ ეს არის საბჭო, რომელიც განიხილავს რეგიონალურ და მუნიციპალურ პროექტებს. ასე ვთქვათ, ხდება კოორდინაცია, განხილვა არა მარტო მიზნობრიობის, არამედ ხარჯთაღრიცხვისაც. ეს საბჭო იქნება შუამავალი ცენტრალურ და ადგილობრივ ხელისუფლებას შორის, _ ამბობს მამალაძე. 

_  მაგალითად, ჩოხატაურს  რამდენიმე პროექტის ვარიანტი აქვს წარმოდგენილი... საუკეთესოს არჩევა როგორ ხდება, ხმის მიცემით?

_ იქნება მსჯელობა. ეს ძირითადად მაინც კაპიტალურ, ტრანსფერით მიერ დაფინანსებულ მუნიციპალურ პროექტებს შეეხება. უფრო კონკრეტულად, ეს არის პროექტები, რომლებიც ინფრასტრუქტურულ პროექტებს მოიცავს და ასე იცნობს საზოგადოება. რამდენიმე ვარიანტი იქნება წარდგენილი მუნიციპალიტეტიდან და იქნება მსჯელობა მიზნობრიობაზე.  პროექტის შერჩევის შემდეგ დაიწყება მუშაობა ხარჯთაღრიცხვებზე და დეტალებზე, რომ ყველაფერი სწორად და კვალიფიციურად წარიმართოს. 

_ ბატონო ზაალ,  ლანჩხუთის ან ოზურგეთის მუნიციპალიტეტის ხელმძღვანელებს ეცოდინებათ, რომელი პროექტია პრიორიტეტული ჩოხატაურისთვის?  

_ საინტერესო შეკითხვაა.  პროექტის მიზანშეწონილობას,  რომელიც იქნება წარდგენილი, აუცილებლად დასჭირდება დასაბუთება.  ამიტომ საინტერესოა რა მიმართულებით წავალთ ამ საბჭოზე. მე ვფიქრობ, რომ ყველაზე უკეთესი რეგიონულ პროექტებზე ფიქრია. საინტერესო იქნება რეგიონული განვითარების გეგმის და სტრატეგიის შემუშავება-განხილვა, რადგან არის ბევრი პროექტი, რომელიც 4-მუნიციპალიტეტიან მხარეში ძალიან მნიშვნელოვანი იქნება.  მგონია, რომ საბჭო იქნება ხელშემწყობი იმისი, რომ რეგიონული პროექტები განვითარდეს და რაც ყველაზე მთავარია, დაიდოს მხარის განვითარების სტრატეგია.

_ სტრატეგიული განვითარების გეგმები ბევრი გვახსოვს, თუმცა, განხორციელებული _ არა... 

_ იყო რამდენიმე. როცა სამ-ხუთ წლიანი გეგმები იდებოდა, სწორედ იქიდან ხდებოდა პროექტების არჩევა. მანამდე არ არსებობდა ეს ფორმატი, ვერსად მოხდებოდა განხილვა.  ახლა ფორმატი გვაქვს. ჯერ მხოლოდ პირველი სხდომა ჩატარდა და იმედია, სწორედ ამ მიმართულებით დაიდება პროგრამები, პროექტები. 

_ საბოლოო სიტყვა ვის ეთქმის საბჭოში?

_ ეს იქნება საერთო კონსულტაციის შედეგად.  ჯერ არცერთი პროექტის განხილვა არ მომხდარა  და ამ ეტაპზე, შემიძლია მხოლოდ ის გითხრათ, რომ ყველას თანაბარი ხმის უფლება აქვს.  

იმის გასარკვევად, დაარღვია თუ არა კანონი გუბერნატორმა, როცა საბჭოს სხდომაში მიიღო მონაწილეობა გიორგი ჩხაიძეს დავუკავშირდით:

_ ბატონო გიორგი, კანონში არ წერია, რომ საბჭოს შემადგენლობაში შედის გუბერნატორი, წერია, რომ მხოლოდ იწვევს. შესაბამისი ცვლილება კანონში ახლა შედის, თუმცა ცვლილებამდე გამართეთ სხდომა. რა გამოდის, გუბერნატორმა კანონი დაარღვია?

_ დავიწყოთ იმით, რომ კანონში არსებობს ჩანაწერი, რომლის თანახმადაც სამხარეო-საკონსულტაციო საბჭო არის სახელმწიფო რწმუნებულთან-გუბერნატორთან არსებული მუნიციპალიტეტთა საკონსულტაციო ორგანო. ამავე კანონში აღნიშნულია ისიც, რაც თქვენ ბრძანეთ.  მოწვევის უფლება ნამდვილად აქვს გუბერნატორს. გამომდინარე იქედან, რომ საბჭო არის გუბერნატორთან არსებული ორგანო და მისი მოწვევის უფლება აქვს გუბერნატორს. გეტყვით, რომ გუბერნატორი კანონს არ არღვევს.

_ ეს არის საბჭო მხოლოდ ბჭობისთვის თუ რეალურად აქვს ფუნქცია?

_ საბჭოს მიზანია რეგიონის განვითარება.  პრიორიტეტული პროექტების წინა პლანზე წამოწევა-განხორციელება. შესაბამისი მუნიციპალიტეტის დონეზე, სახელმწიფოს მიერ განსახორციელებელი პროექტების, პროგრამებისა და მათი ხარჯთაღრიცხვის განხილვა.

საბჭო მოიწვევა სამ თვეში ერთხელ. სამხარეო - საკონსულტაციო საბჭოსთან იქმნება სამუშაო ტექნიკური ჯგუფები, რომელიც შედგება სახელმწიფო რწმუნებულის-გუბერნატორის ადმინისტრაციის ერთი ან რამდენიმე თანამშრომლისგან და სხვა დაინტერესებული მხარეებისგან. კერძოდ, მუნიციპალიტეტების, სამინისტროების, ეროვნული სააგენტოების, სამოქალაქო საზოგადოებისა და კერძო სექტორის წარმომადგენლებისგან.

აქვე გეტყვით, რომ სამუშაო ჯგუფები იქმნება ხუთი თემატური ჯგუფის მიხედვით:  ინფრასტრუქტურა და ტურიზმი; ბიზნესის განვითარება და სოფლის მეურნეობა; ჯანმრთელობა და სოციალური დაცვა; განათლება და კულტურა; გარემოს დაცვა. სამუშაო ჯგუფები შეიმუშავებენ პროექტებს და წარუდგენენ სამხარეო-საკონსულტაციო საბჭოს, რომელიც შემდგომ ეგზავნება რეგიონული განვითარებისა და ინფრასტრუქტურის სამინისტროს. განხილვის შემდეგ გეგმა  სამხარეო-საკონსულტაციო საბჭოს უბრუნდება.

_ ბატონო გიორგი, საიდან უნდა იცოდეს ჩოხატაურის ან ლანჩხუთის მუნიციპალიტეტის ხელმძღვანელებმა, რომელი პროექტის განხორციელებაა მნიშვნელოვანი, მაგალითად, ოზურგეთისთვის?

_ თითოეული მუნიციპალიტეტის ხელმძღვანელი პირი თუ მისი წარმომადგენელი  სისტემატურად ხვდება მოსახლეობას, იღებს ნებისმიერ ინფორმაციას თუ, სად, რა სახის პრობლემაა ამა თუ იმ სოფელში მოსახლეობის დონეზე. ამის შემდეგ, უკვე ახორციელებს პრობლემების პროექტების დონეზე ასახვას.  პროექტები, რომლებსაც წარმოადგენენ მუნიციპალიტეტები, ფილტრაციას გაივლიან სამხარეო-საკონსულტაციო საბჭოში ნაცვლად რეგიონული განვითარებისა და ინფრასტრუქტურის სამინისტროსა. საკონსულტაციო საბჭო, რომელიც შედგება მუნიციპალიტეტების წარმომადგენლებისაგან თავად უზრუნველყოფს პროექტების პრიორიტეტულობის განსაზღვრას. ამის შემდეგ, სამუშაო ჯგუფთან შეთანხმებულ პროექტებს უგზავნის რეგიონული განვითარებისა და ინფრასტრუქტურის სამინისტროს. სამინისტრო გასცემს შესაბამისს რეკომენდაციას. აქედან გამომდინარეობს ის, რომ გადაწყვეტილება თუ რომელი პროექტი უნდა იყოს დაფინანსებული, რომელია უფრო პრიორიტეტული რეგიონისთვის არსებულ პერიოდში, წყვეტს ადგილობრივად სამხარეო-საკონსულტაციო საბჭო,  სამუშაო ჯგუფებთან და საბჭოს წევრებთან კონსულტაციებისა და სამუშაო შეხვედრების შედეგად. მინდა კიდევ ერთხელ აღვნიშნო, რომ  საკონსულტაციო-სამხარეო  საბჭო მხოლოდ საქმის საკეთებლად იმართება და  არა  ბჭობისთვის.

_ ეს ყველაფერი, ზოგადად, გუბერნატორის გავლენის გაზრდას ხომ არ ემსახურება? რადგან, როგორც იკვეთება, მაინც თქვენ წყვეტთ, სად რა პროექტი უნდა გაკეთდეს.

_ როგორც კანონში წერია, საბჭო შედგება მუნიციპალიტეტის შესაბამისი გამგებლის, მერის, საკრებულოს თავმჯდომარის და მისი მოადგილისგან. აქედან გამომდინარე, სამხარეო-საკონსულტაციო საბჭო გადაწყვეტილებას იღებს სიითი შემადგენლობის უმრავლესობით.   ვფიქრობ, რომ აქ გავლენის გაზრდა არაფერ შუაშია და გუბერნატორი ერთპიროვნულად ვერ  გადაწყვეტს პროექტების გახორციელების საკითხს.




 ახალი ამბები
  • 13 წლის მოზარდს 29-ე დღეა, უწყვეტ რეჟიმში ეძებენმესტიაში დაკარგული მოზარდის, ილია ფილფანის პოვნა ამ დრომდე ვერ ხერხდება. როგორც „გურია ნიუსს“ მერის წარმომადგენელმა სოფელ ლენჯერში, მურთაზ გულედანმა განუცხადა,  სამძებრო ღონისძიებები უწყვეტ რეჟიმში,  ინტენსიურად მიმდინარეობს. მოზარდის სამძებრო ღონისძიებები მესტიის გარდა, ასევე, ანაკლიაში, ქობულეთსა და ურეკშიც მიმდინარეობს და მასში ჩართულია 80-მდე მაშველი. შინაგან საქმეთა სამინისტრო მოზარდის საპოვნად მოქალაქეებს სამ ენოვან მოკლეტექსტურ შეტყობინებებსაც უგზავნის. ცნობისთვის, ილია ფილფანი სახლიდან 18 ივლისს გავიდა და მას შემდეგ არ დაბრუნებულა. შინაგან საქმეთა სამინისტრომ   ფაქტზე გამოძიება სსკ-ის 143-ე მუხლით დაიწყო,რაც თავისუფლების უკანონო აღკვეთას გულისხმობს. ... ...
  • კარიერების საწინააღმდეგო აქცია ბაილეთში : „ რა მეაქციება, „ამიდუღდა“ საზამთრო, გამიშვით“13 აგვისტოს კიდევ ერთი აქცია მოაწყვეს ოზურგეთის მუნიციპალიტეტის სოფლების, ბაილეთის და სუფსის  მცხოვრებლებმა,  რომლებმაც სუფსის    ხიდთან, ცენტრალური  ავტომაგისტრალი გადაკეტეს.    პროტესტის  გამოხატვის  ეს ფორმა,  ადგილობრივებმა  კომპანია „სამი ძმების“ წინააღმდეგ მოაწყვეს, რომელიც სუფსის კარიერში  ინერტულ მასალას  მოიპოვებს.  _ ეს „სამი ძმები“ არის თუ „ნატა“, არ გვაინტერესებს. აქ მათი ადგილი არ არის.  კომპანია „ქიუ ემ სი“, რომელამაც მემორანდუმი გააფორმა სოფელთან, მხოლოდ ის იმუშავებს. არ არის აქ მეტი ადგილი, მორჩა! უნდა წავიდნენ აქედან, ყველას ეს  აზრი გვაქვს! - იძახდა ის. თუმცა, აქციის მონაწილეებს და თვით აქციას აშკარად ეტყობოდა არაორგანიზებულობა და უკმაყოფილება. მონაწილეთა შორის ბევრი  გამოთქვამდა საყვედურს: „დავიღალეთ ამ უაზრო აქციებით“,  „ვიღაცამ ხომ უნდა მოგვხედოს ოდესმე, რომ ეს  ამბავი დასრულდეს“, „ახლა სათხილეში უნდა ვიყო, ამ დუგუნაში კი არა“,  „ხალხიზა არავინ არაა, არ გამოდის არაფერი...“, „ყანაში უნდათ რომ  ცვითონ თავი და ორი კოტა სიმინდიც წაგვართვან“... _ ისმოდა  შეკრებილთა შორის. ადგილზე არ ჩანდა პოლიცია, არც მეორე მხარე, ვის წინააღმდეგაც აქციას აწყობდნენ. „სად მცალია თქვენი აქციიზა? რა მეაქციება, ამიდუღდა საზამთრო, თუ არ გამიშვებთ, გადმოვალ ამ მეზობლის მანქანიდან და გაღმა მხარეს მეორე მეზობლის მანქანაში ჩავჯდები, სახლში პროდუქტი მიმაქვს, _ დაიძახა ერთმა სილაურელმა მამაკაცმა, რომელიც მართლაც ხიდზე გაჩერებული მანქანიდან, ჯერ საზამთროთ ხელში გადმოვიდა  და ხიდის პერიმეტრი გადმოირბინა, მერე მიბრუნდა და ჩანთებიც გადმოიტანა მეორე მხარეს, სადაც ასევე მეზობლის მანქანაში ჩაჯდა და  შინ წაყვანა სთხოვა. მალე პოლიციას დაურეკეს.  ადგილზე მოსულმა ოზურგეთის პოლიციის წარმომადგენლებმა ხალხი გზიდან გადაიყვანეს და სთხოვეს, აქცია იქ გაემართათ. აქციის  მონაწილეებთან მოვიდა გარემოს დამცველი ირმა გორდელაძე. _ყველა აქ მომუშავე კომპანიას აკონტროლებს ჩვენი არასამთავრობო ორგანიზაცია „ეკო“. ამ „სამ ძმებს“ არ გააჩნია დოკუმენტაცია. ხალხო, მე მაბრალებენ, თითქოს, მე გაქეზებთ. მოიქეცით ისე, როგორც გსურთ. ააშენონ, დაამშვენონ, თუ შეუძლიათ. ყველამ ისე იმუშაოს, რომ მდინარის კალაპოტი არ დაინგრეს. ყველა კომპანიასთან გვექნება კომუნიკაცია, რომელიც წამოვა დიალოგზე _ უთხრა მან აქციის მონაწილეებს. აქციის შემდეგ, „გურია ნიუსი“  კომპანია „სამი ძმების“  წარმომადგენელს დაუკავშირდა. _ჩვენ არ ვიცოდით, თუ დღეს იქ აქცია იყო. არაფერს არ ვაშავებთ. გვაქვს კანონიერი ლიცენზია, _ გვითხრეს კომპანიიდან. ვრცლად ამ საპროტესტო აქციის შესახებ, „გურია ნიუსის“ საგაზეთო სტატიაში ... ...
  • საკარანტინო სივრცეში მყოფი პირი მეოთხე სართულიდან გადახტაბათუმში ერთ-ერთ სასტუმროში, საკარანტინო სივრცეში მყოფი პირი მეოთხე სართულიდან გადახტა. შინაგან საქმეთა სამინისტროს განცხადებით, მიმდინარე წლის 13 აგვისტოს, ბათუმში, ერთ-ერთ სასტუმროში, საკარანტინო სივრცეში მომხდარ ინციდენტზე შინაგან საქმეთა სამინისტროს აჭარის პოლიციის დეპარტამენტმა გამოძიება სისხლის სამართლის კოდექსის 115-ე მუხლით დაიწყო. „გამოძიებით დადგენილია, რომ 1993 წელს დაბადებული, საქართველოს მოქალაქე ფ.ჯ. მიმდინარე წლის 13 აგვისტოს სარფის სასაზღვრო გამტარი პუნქტიდან შემოვიდა საქართველოში, რის შემდეგაც ის სავალდებულო კარანტინის გავლის მიზნით, თანმხლებ პირთან ერთად, გადაყვანილ იქნა ბათუმში, ერთ-ერთ სასტუმროში, საკარანტინო სივრცის ერთ ნომერში. 14 აგვისტოს ფ.ჯ., რომელიც ამ ეტაპზე გამოძიების მიერ გაურკვეველი მიზეზით არაადეკვატურად და აგრესიულად იქცეოდა, მოულოდნელად სასტუმროს მე-4 სართულიდან სასტუმროს შიდა ტერიტორიაზე გადახტა. დაშავებული ფ.ჯ. გადაყვანილია ბათუმის საერთაშორისო ჰოსპიტალში“,_ აცხადებენ შინაგან საქმეთა ... ...
  • SME Banking Club-მა საქართველოს ბანკი კავკასიის რეგიონში SME ბიზნესისთვის საუკეთესო ეკოსისტემების მქონე ბანკად დაასახელაSME Banking Club-მა საქართველოს ბანკი კავკასიის რეგიონში, მცირე და საშუალო ბიზნესისთვის საუკეთესო ეკოსისტემების მქონე ბანკად დაასახელა.     SME Banking Club-ი არის საერთაშორისო ქსელის პლატფორმა ბიზნეს ბანკირებისთვის. ის აერთიანებს საფინანსო ინსტიტუტების, ფინანსური განვითარებისა და ტექნოლოგიური კომპანიების ბიზნესბანკირებს, რომელთა მიზანია შეისწავლონ და გაცვალონ პრაქტიკული ინფორმაცია იმის შესახებ, თუ როგორ უწევენ მომსახურებას სხვადასხვა ქვეყანაში მოქმედი ბანკები თუ საფინანსო ორგანიზაციები მეწარმეებს, მიკრო, მცირე და საშუალო საწარმოებს. სწორედ ამ მიზნით, SME Banking Club-მა შეისწავლა კავკასიის რეგიონის 11 ქვეყანაში (აზერბაიჯანი, სომხეთი, ბელორუსი, საქართველო, ყაზახეთი, ყირგიზეთი, მოლდოვა, რუსეთი, ტაჯიკეთი, უზბეკეთი, უკრაინა) მოქმედი 212 ბანკის 34-მდე უნიკალური სერვისი, რის საფუძველზეც გამოავლინა რეგიონის წამყვანი 20 საუკეთესო ეკოსისტემების მქონე ბანკი; სიის სათავეში კი სწორედ საქართველოს ბანკია. „ერთ-ერთი ყველაზე დიდი გამოწვევა, რაც ბოლო დროს მსოფლიო საბანკო სისტემას აქვს, ფინანსური ეკოსისტემების მშენებლობაა. მცირე და საშუალო ბიზნესის წარმომადგენლები ეძებენ შესაძლებლობას, დაზოგონ დრო საკუთარი ბიზნესისთვის და სწორედ ამიტომ არიან დაინტერესებულნი მიიღონ სერვისი „ერთი ფანჯრის პრინციპით“; ის კი, ვინც შეძლებს მათთვის ეს შესაძლებლობა უზრუნველყოს, გამარჯვებულია“, − აცხადებენ SME Banking Club-ის წარმომადგენლები. „მოხარული ვართ, რომ ჩვენი მცდელობა, ვიყოთ მცირე და საშუალო ბიზნესის საიმედო პარტნიორი და ვიზრუნოთ მათ მუდმივ განვითარებაზე, არ დარჩა შეუმჩნეველი. ჩვენს ბიზნესმომხმარებლებს, ვცდილობთ, ყოველდღიურად შევთავაზოთ სწორედ მათ საჭიროებებსა და ინტერესებზე მორგებული პროდუქტები/სერვისები ციფრულ ეკოსისტემაში, რათა დაზოგონ დრო და ენერგია; შედეგად კი კიდევ უფრო სწორად მართონ საკუთარი ბიზნესი“, − განაცხადა საქართველოს ბანკის მცირე და საშუალო ბიზნესის მიმართულების ხელმძღვანელმა, ზურაბ მასურაშვილმა. ... ...
  • ოზურგეთში თხილის გატეხვა და ფასის ამ მეთოდით დადგენა დაიწყესმიუხედავად იმისა, რომ წლევანდელი  სეზონის გახსნიდან აქამდე,  ოზურგეთში თხილის გატეხვა არ ხდებოდა, ფასის დადგენის მიზნით, დღეს, როგორც  გაბრაზებული მოქალაქეები ამბობენ, „ტახატუხი“ მაინც დაიწყეს. _დიახ, დავიწყეთ გატეხვა. ნახეთ, რა მოაქვთ. ფუტურო, შარშანდელი ნაგავი, მთლიანად უვარგისი  თხილი. არ მიაქვთ ქარხნებს,  უკან დაგვიბრუნეს, რაც წაიღეს. რა ვქნათ? ერთი  საღი გული 50 თეთრია.  ათი გატეხილი ნაყოფიდან თუ ყველა კარგი იქნება, ერთ   კილოგრამში  5 ლარს გადავუხდით, - გვითხრეს  ოზურგეთში, გაბრიელ  ეპისკოპოსის  ქუჩაზე  მდებარე თხილის მიმღებ  პუნქტებში მომუშავე პირებმა. კითხვაზე, ყოველი გატეხილი ათი ცალი თხილიდან, ყველა საღი არასდროს არ იქნება, იშვიათი გამონაკლისის გარდა და არიან თუ არა მაინც გლეხები დაზარალებული ამ მეთოდით,  კვლავ  შემოგვწყრნენ: _ჩვენ არ ვართ დაზარალებული, ნაგავი რომ მოაქვთ? მთელი დღე რომ  გვიყრია ეს თხილი ტომრებით და არავის მიაქვს? ვინ გითხრათ, რაიმე ბრძანება არის, რომ არ გავტეხოთ? ქობულეთში, ორი კვირაა, ტეხენ.  მიუხედავად ამისა, ზოგ პუნქტში თხილის გატეხვა მაინც არ ხდებოდა.  „გურია ნიუსი გაესაუბრა ქალაქში მყოფ არაერთ ფერმერს, რომლებსაც  თხილის პლანტაციები აქვთ და საგანგებოდაც  უვლიან. როგორც მათი შეფასებიდან ირკვევა, თხილის ვარგისიანობის  შესამოწმებლად, სხვა უფრო დახვეწილი  ფორმა უნდა მოიძებნოს. _ ამ მეთოდით მაინც რიგითი მეურნე ზარალდება, - თქვეს ... ...

არქივი

ტესტები

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...