საბჭო ბჭობისთვის თუ საქმისთვის _ ვინ და რას გაუწევს კონსულტაციას სამხარეო საბჭოში

პოლიტიკა

საბჭო ბჭობისთვის თუ საქმისთვის _ ვინ და რას გაუწევს კონსულტაციას სამხარეო საბჭოში

23 ოქტ. 2014, 13:07:00

ადგილობრივი თვითმმართველობის კოდექსის თანახმად, სახელმწიფო რწმუნებულთან-გუბერნატორთან შექმნილი "სამხარეო საკონსულტაციო საბჭოს " უფლებამოსილებაა: 

გუბერნატორის წარდგინებით სახელმწიფოს მიერ განსახორციელებელი პროექტების, პროგრამებისა და მათი ხარჯთაღრიცხვების განხილვა; გუბერნატორის უფლებამოსილების განხორციელების ტერიტორიის სოციალურ-ეკონომიკური განვითარების სტრატეგიის განხილვა, გუბერნატორისთვის შესაბამისი რეკომენდაციების შემუშავება.

საკონსულტაციო საბჭოს შემადგენლობაში თანამდებობრივად შევლენ შესაბამისი მუნიციპალიტეტების გამგებელი/მერი, საკრებულოს თავმჯდომარე და თავმჯდომარის  მოადგილე. 

საკონსულტაციო საბჭო შეიკრიბება არანაკლებ 3 თვეში ერთხელ და მის მიერ მიღებული გადაწყვეტილებები იქნება სარეკომენდაციო ხასიათის. "კანონში წერია, რომ საბჭოს სხდომას გუბერნატორი იწვევს, თუმცა არ არის აღნიშნული, შეუძლია თუ არა საბჭოს სხდომაში მონაწილეობის მიღება მხარის პირველ პირს.

ჩვენი ინფორმაციით სწორედ ამან განაპირობა პარლამენტში 13 ოქტომბერს შესული კანონპროექტის მომზადება, რომელსაც ხელს პრეზიდენტი გიორგი მარგველაშვილი აწერს და რომლის თანახმადაც ადგილობრივი თვითმმართველობის კოდექსის შესაბამისი მუხლი უნდა შეიცვალოს.

კანონპროექტში აღნიშნულია, რომ 149-ე მუხლის მე-2 პუნქტი  შემდეგი რედაქციით უნდა ჩამოყალიბდეს:  "სამხარეო საკონსულტაციო საბჭოს სხდომებს იწვევს და უძღვება სახელმწიფო რწმუნებული − გუბერნატორი". 

სამხარეო საკონსულტაციო საბჭოს სხდომა გურიაში გასულ კვირას გაიმართა. სხდომას რეგიონის მუნიციპალიტეტების გამგებლები, საკრებულოს თავმჯდომარეები, მათი მოადგილეები და ქალაქ ოზურგეთის მერი ესწრებოდნენ. სხდომას ასევე ესწრებოდნენ საქართველოს რეგიონული განვითარებისა და ინფრასტრუქტურის სამინისტროს თვითმმართველობის განვითარებისა და რეგიონული პოლიტიკის დეპარტამენტის უფროსი გიორგი წაქაძე და ამავე სამინისტროს წარმომადგენელი მამუკა აბულაძე.

სხდომაზე რამდენიმე საკითხი განიხილეს, მათ შორის დარგობრივი სამუშაო ჯგუფების შექმნის შესახებ, რომლებიც თითოეულ მუნიციპალიტეტში მოსახლეობის ინტერესების გათვალისწინებით, პრიორიტეტების განსაზღვრასა და შესაბამისი პროექტების შემუშავებაში მიიღებენ მონაწილეობას.

ამავე სხდომაზე მიიღეს საბჭოს დებულება, რომლის თანახმადაც საბჭოს მიზანია, უზრუნველყოს მუნიციპალიტეტის ინტერესების წარმოდგენა და გათვალისწინება სახელმწიფო რწმუნებულის − გუბერნატორის უფლებამოსილების განხორციელების ტერიტორიის განვითარების დაგეგმვისა და განხორციელების პროცესში.

დებულების მიხედვით, საბჭო უფლებამოსილია: სახელმწიფო რწმუნებულის − გუბერნატორის წარდგინებით განიხილოს მისი უფლებამოსილების განხორციელების ტერიტორიაზე სახელმწიფოს მიერ განსახორციელებელი პროექტები, პროგრამები და მათი ხარჯთაღრიცხვები; განიხილოს სახელმწიფო რწმუნებულის − გუბერნატორის უფლებამოსილების განხორციელების ტერიტორიის სოციალურ-ეკონომიკური განვითარების სტრატეგიული დოკუმენტები; განიხილოს გუბერნატორის უფლებამოსილების განხორციელების ტერიტორიის სოციალურ-ეკონომიკური განვითარების სტრატეგიული დოკუმენტების განხორციელების სამოქმედო გეგმები; განიხილოს სხვა საკითხები, რომლებიც კავშირშია გუბერნატორის უფლებამოსილების განხორციელების ტერიტორიის სოციალურ-ეკონომიკურ განვითარებასთან; გამოხატოს საბჭოს აზრი სხდომებზე განხილულ დოკუმენტებისა და საკითხების თაობაზე; შეიმუშავოს რეკომენდაციები სახელმწიფო რწმუნებულისთვის − გუბერნატორისთვის, მისი უფლებამოსილების განხორციელების ტერიტორიის სოციალურ-ეკონომიკური განვითარების დაგეგმვისა და განხორციელების პროცესში: მიიღოს გადაწყვეტილებები საბჭოს მუშაობის ორგანიზაციულ საკითხებთან დაკავშირებით.

რამდენად ეფექტური იქნება საბჭოს მუშაობა და საერთოდ რა დანიშნულება აქვს ახალშექმნილ ორგანოს, ამ საკითხზე G-News TV-ის ყოველკვირეულ გადაცემაში  "კვირის თემა", ჩოხატაურის საკრებულოს თავმჯდომარემ ზაალ მამალაძემ ისაუბრა:

_ ეს არის საბჭო, რომელიც განიხილავს რეგიონალურ და მუნიციპალურ პროექტებს. ასე ვთქვათ, ხდება კოორდინაცია, განხილვა არა მარტო მიზნობრიობის, არამედ ხარჯთაღრიცხვისაც. ეს საბჭო იქნება შუამავალი ცენტრალურ და ადგილობრივ ხელისუფლებას შორის, _ ამბობს მამალაძე. 

_  მაგალითად, ჩოხატაურს  რამდენიმე პროექტის ვარიანტი აქვს წარმოდგენილი... საუკეთესოს არჩევა როგორ ხდება, ხმის მიცემით?

_ იქნება მსჯელობა. ეს ძირითადად მაინც კაპიტალურ, ტრანსფერით მიერ დაფინანსებულ მუნიციპალურ პროექტებს შეეხება. უფრო კონკრეტულად, ეს არის პროექტები, რომლებიც ინფრასტრუქტურულ პროექტებს მოიცავს და ასე იცნობს საზოგადოება. რამდენიმე ვარიანტი იქნება წარდგენილი მუნიციპალიტეტიდან და იქნება მსჯელობა მიზნობრიობაზე.  პროექტის შერჩევის შემდეგ დაიწყება მუშაობა ხარჯთაღრიცხვებზე და დეტალებზე, რომ ყველაფერი სწორად და კვალიფიციურად წარიმართოს. 

_ ბატონო ზაალ,  ლანჩხუთის ან ოზურგეთის მუნიციპალიტეტის ხელმძღვანელებს ეცოდინებათ, რომელი პროექტია პრიორიტეტული ჩოხატაურისთვის?  

_ საინტერესო შეკითხვაა.  პროექტის მიზანშეწონილობას,  რომელიც იქნება წარდგენილი, აუცილებლად დასჭირდება დასაბუთება.  ამიტომ საინტერესოა რა მიმართულებით წავალთ ამ საბჭოზე. მე ვფიქრობ, რომ ყველაზე უკეთესი რეგიონულ პროექტებზე ფიქრია. საინტერესო იქნება რეგიონული განვითარების გეგმის და სტრატეგიის შემუშავება-განხილვა, რადგან არის ბევრი პროექტი, რომელიც 4-მუნიციპალიტეტიან მხარეში ძალიან მნიშვნელოვანი იქნება.  მგონია, რომ საბჭო იქნება ხელშემწყობი იმისი, რომ რეგიონული პროექტები განვითარდეს და რაც ყველაზე მთავარია, დაიდოს მხარის განვითარების სტრატეგია.

_ სტრატეგიული განვითარების გეგმები ბევრი გვახსოვს, თუმცა, განხორციელებული _ არა... 

_ იყო რამდენიმე. როცა სამ-ხუთ წლიანი გეგმები იდებოდა, სწორედ იქიდან ხდებოდა პროექტების არჩევა. მანამდე არ არსებობდა ეს ფორმატი, ვერსად მოხდებოდა განხილვა.  ახლა ფორმატი გვაქვს. ჯერ მხოლოდ პირველი სხდომა ჩატარდა და იმედია, სწორედ ამ მიმართულებით დაიდება პროგრამები, პროექტები. 

_ საბოლოო სიტყვა ვის ეთქმის საბჭოში?

_ ეს იქნება საერთო კონსულტაციის შედეგად.  ჯერ არცერთი პროექტის განხილვა არ მომხდარა  და ამ ეტაპზე, შემიძლია მხოლოდ ის გითხრათ, რომ ყველას თანაბარი ხმის უფლება აქვს.  

იმის გასარკვევად, დაარღვია თუ არა კანონი გუბერნატორმა, როცა საბჭოს სხდომაში მიიღო მონაწილეობა გიორგი ჩხაიძეს დავუკავშირდით:

_ ბატონო გიორგი, კანონში არ წერია, რომ საბჭოს შემადგენლობაში შედის გუბერნატორი, წერია, რომ მხოლოდ იწვევს. შესაბამისი ცვლილება კანონში ახლა შედის, თუმცა ცვლილებამდე გამართეთ სხდომა. რა გამოდის, გუბერნატორმა კანონი დაარღვია?

_ დავიწყოთ იმით, რომ კანონში არსებობს ჩანაწერი, რომლის თანახმადაც სამხარეო-საკონსულტაციო საბჭო არის სახელმწიფო რწმუნებულთან-გუბერნატორთან არსებული მუნიციპალიტეტთა საკონსულტაციო ორგანო. ამავე კანონში აღნიშნულია ისიც, რაც თქვენ ბრძანეთ.  მოწვევის უფლება ნამდვილად აქვს გუბერნატორს. გამომდინარე იქედან, რომ საბჭო არის გუბერნატორთან არსებული ორგანო და მისი მოწვევის უფლება აქვს გუბერნატორს. გეტყვით, რომ გუბერნატორი კანონს არ არღვევს.

_ ეს არის საბჭო მხოლოდ ბჭობისთვის თუ რეალურად აქვს ფუნქცია?

_ საბჭოს მიზანია რეგიონის განვითარება.  პრიორიტეტული პროექტების წინა პლანზე წამოწევა-განხორციელება. შესაბამისი მუნიციპალიტეტის დონეზე, სახელმწიფოს მიერ განსახორციელებელი პროექტების, პროგრამებისა და მათი ხარჯთაღრიცხვის განხილვა.

საბჭო მოიწვევა სამ თვეში ერთხელ. სამხარეო - საკონსულტაციო საბჭოსთან იქმნება სამუშაო ტექნიკური ჯგუფები, რომელიც შედგება სახელმწიფო რწმუნებულის-გუბერნატორის ადმინისტრაციის ერთი ან რამდენიმე თანამშრომლისგან და სხვა დაინტერესებული მხარეებისგან. კერძოდ, მუნიციპალიტეტების, სამინისტროების, ეროვნული სააგენტოების, სამოქალაქო საზოგადოებისა და კერძო სექტორის წარმომადგენლებისგან.

აქვე გეტყვით, რომ სამუშაო ჯგუფები იქმნება ხუთი თემატური ჯგუფის მიხედვით:  ინფრასტრუქტურა და ტურიზმი; ბიზნესის განვითარება და სოფლის მეურნეობა; ჯანმრთელობა და სოციალური დაცვა; განათლება და კულტურა; გარემოს დაცვა. სამუშაო ჯგუფები შეიმუშავებენ პროექტებს და წარუდგენენ სამხარეო-საკონსულტაციო საბჭოს, რომელიც შემდგომ ეგზავნება რეგიონული განვითარებისა და ინფრასტრუქტურის სამინისტროს. განხილვის შემდეგ გეგმა  სამხარეო-საკონსულტაციო საბჭოს უბრუნდება.

_ ბატონო გიორგი, საიდან უნდა იცოდეს ჩოხატაურის ან ლანჩხუთის მუნიციპალიტეტის ხელმძღვანელებმა, რომელი პროექტის განხორციელებაა მნიშვნელოვანი, მაგალითად, ოზურგეთისთვის?

_ თითოეული მუნიციპალიტეტის ხელმძღვანელი პირი თუ მისი წარმომადგენელი  სისტემატურად ხვდება მოსახლეობას, იღებს ნებისმიერ ინფორმაციას თუ, სად, რა სახის პრობლემაა ამა თუ იმ სოფელში მოსახლეობის დონეზე. ამის შემდეგ, უკვე ახორციელებს პრობლემების პროექტების დონეზე ასახვას.  პროექტები, რომლებსაც წარმოადგენენ მუნიციპალიტეტები, ფილტრაციას გაივლიან სამხარეო-საკონსულტაციო საბჭოში ნაცვლად რეგიონული განვითარებისა და ინფრასტრუქტურის სამინისტროსა. საკონსულტაციო საბჭო, რომელიც შედგება მუნიციპალიტეტების წარმომადგენლებისაგან თავად უზრუნველყოფს პროექტების პრიორიტეტულობის განსაზღვრას. ამის შემდეგ, სამუშაო ჯგუფთან შეთანხმებულ პროექტებს უგზავნის რეგიონული განვითარებისა და ინფრასტრუქტურის სამინისტროს. სამინისტრო გასცემს შესაბამისს რეკომენდაციას. აქედან გამომდინარეობს ის, რომ გადაწყვეტილება თუ რომელი პროექტი უნდა იყოს დაფინანსებული, რომელია უფრო პრიორიტეტული რეგიონისთვის არსებულ პერიოდში, წყვეტს ადგილობრივად სამხარეო-საკონსულტაციო საბჭო,  სამუშაო ჯგუფებთან და საბჭოს წევრებთან კონსულტაციებისა და სამუშაო შეხვედრების შედეგად. მინდა კიდევ ერთხელ აღვნიშნო, რომ  საკონსულტაციო-სამხარეო  საბჭო მხოლოდ საქმის საკეთებლად იმართება და  არა  ბჭობისთვის.

_ ეს ყველაფერი, ზოგადად, გუბერნატორის გავლენის გაზრდას ხომ არ ემსახურება? რადგან, როგორც იკვეთება, მაინც თქვენ წყვეტთ, სად რა პროექტი უნდა გაკეთდეს.

_ როგორც კანონში წერია, საბჭო შედგება მუნიციპალიტეტის შესაბამისი გამგებლის, მერის, საკრებულოს თავმჯდომარის და მისი მოადგილისგან. აქედან გამომდინარე, სამხარეო-საკონსულტაციო საბჭო გადაწყვეტილებას იღებს სიითი შემადგენლობის უმრავლესობით.   ვფიქრობ, რომ აქ გავლენის გაზრდა არაფერ შუაშია და გუბერნატორი ერთპიროვნულად ვერ  გადაწყვეტს პროექტების გახორციელების საკითხს.




 ახალი ამბები
  • რა იგეგმება ლანჩხუთში საპილოტე რეგიონების ინტეგრირებული განვითარების ფარგლებში ლანჩხუთის  საკრებულომ ბოლო  რიგგარეშე სხდომაზე ხმათა უმრავლესობით მხარი დაუჭირა საკითხს, რომელიც მიმდინარე წელს საპილოტე რეგიონების ინტეგრირებული განვითარების ფარგლებში გასახორციელებელი პროექტის მოწონებას ეხებოდა.   როგორც საკითხის მომხსენებელმა, მერიის ტურიზმის განყოფილების უფროსმა მაია აფხაზავამ განმარტა, აღნიშნულ კონკურსის ფარგლებში ლანჩხუთის მუნიციპალიტეტი გეგმავს სოფელ ჩიბათიდან კოლხეთის ეროვნული პარკის ტერიტორიამდე (მდინარე ფიჩორამდე) მისასვლელი გზის (მოხრეშვა, დაგრეიდეირება, კვლების გაწმენდა და ა.შ) რეაბილიტაციას. საკრებულოში მიაჩნიათ, რომ  პროექტის განხორციელება ტურისტული თვალსაზრისით უმნიშვნელოვანესია, რაც ხელს შეუწყობს არა მხოლოდ მუნიციპალიტეტის, არამედ გურიის რეგიონის ... ...
  • ხანძარი სამტრედიაში (ვიდეოკადრები)დღეს სამტრედიაში ორსართულიანი საცხოვრებელი სახლი დაიწვა. ორსართულიანი საცხოვრებელი სახლი დაიწვა დღეს სამტრედიაში, ჭანტურიას ქუჩაზე. მერაბ ჩხაიძის ეზოდან ამომავალი შავი კვამლი მეზობლებმა და გამვლელებმა შენიშნეს და განგაში ატეხეს. როგორც თვითმხილველები ამბობენ, იმ დროს სახლში ოჯახის წევრები იმყოფებოდნენ, რომლებმაც ხანძრის შესახებ ქუჩიდან შეიტყვეს. ხანძარი ,სავარაუდოდ, სხვენშია განაჩენილი ელექტრო სადენებისაგან. ცეცხლი სწრაფად გავრცელდა მთელ სახლში, მიუხედავად იმისა, სახანძრო-სამაშველო ბრიგადები გამოძახებიდან მალევე მოვიდა, ცეცხლის სწრაფი გავრცელების გამო, საცხოვრებელი სახლის ძირითადი ნაწილის გადარჩენა ვერ მოხერხდა. სახურავი, დაახლოებით, 5 წუთში ჩაინგრა. ადგილზე მობილიზებული იყო სასწრაფო-სამედიცინო დახმარების ბრიგადები, შს რაიონული სამმართველოსა და საპატრულოს ... ...
  • „ტყეც გასასუფთავებელია, გაიტანეთ ნაგავი“იმ ფონზე, როცა გრიგოლეთის სანაპირო ზოლის დასუფთავება ინტენსიურად მიმდინარეობს სპეციალური ტექნიკის მეშვეობით და იწმინდება მუნიციპალური პლაჟი, ირკვევა, რომ მიმდებარედ ფიჭვნარი ნაგავსაყრელადაა ქცეული. საუბარია გრიგოლეთსა და წყალწმინდას შორის არსებულ ფიჭვნარზე, ყვავილნარის ტერიტორიაზე. აღნიშნულის თაობაზე სოციალურ ქსელში სოფელ წყალწმინდის მკვიდრი ალიონა ბასკაკოვა წერს. „მართლაც კარგი საქმეა, რომ იწმინდება სანაპირო, მაგრამ ყვავილნარის ნაძვნარში ნუ ყრით ნაგავს ტყეც გასასუფთავებელია.გაიტანეთ ნაგავი“, _ მოუწოდებს ლანჩხუთის მუნიციპალიტეტის ხელმძღვანელობას ბასკაკოვა. მუნიციპალიტეტის განმარტებით კი, აღნიშნული ნაგავი დიდი ალბათობით, კერძო პირის მიერაა დაყრილი და ამასთან არანაირი კავშირი არ აქვს კეთილმოწყობისა და დასუფთავების  სამსახურს, რომელიც მუნიციპალური პლაჟის დასუფთავებას ახორციელებს. მერიაში იმასაც დასძენენ, რომ მუნიციპალიტეტი უზრუნველყოფს ამ ტერიტორიის დასუფთავებას და  იქედან  ნაგვის ... ...
  • "შვილთან განშორება, უბრალოდ, ვერ წამომიდგენია" _ 15 წლის მარიამს საზოგადოების დახმარება სჭირდებაამბავი და კადრები, რომელსაც "გურია ნიუსი" გთავაზობთ, რთული წასაკითხი და სანახავია, თუმცა, მარიამი და მისი ოჯახი, უკვე 13 წელია, ამ რეალობაში იმყოფებიან. მარიამ ბოლქვაძე ჩოხატაურის მუნიციპალიტეტის სოფელ ჯვარცხმაში ცხოვრობს. გოგონა ცერებრალური დამბლითაა დაავადებული. მარიამის ოჯახი 8 წევრისგან შედგება, მათგან 7 _ სოციალური დახმარების მიმღებია. 8-სულიან ოჯახში დასაქმებული არავინაა. მარიამის ბაბუა, ოჯახის უფროსი ავთო ბოლქვაძე ხელოსანია და მას თუ გამოუჩნდება სამუშაო, ისიც ხანდახან. მარიამს ყოველდღიურად უამრავი რამ სჭირდება: პამპერსი, ძვირადღირებული წამლები, სტერილური ხელსაწყოები, საკვები, საწმენდი მილები და სხვა. გოგონასთვის 2 თვეში ერთხელ აუცილებელია ტრაქეოსტომის მილის გამოცვლა, ხოლო საჭიროების შემთხვევაში, დროზე ადრეც. მარიამის გარდა ოჯახში 2 მცირეწლოვანი ცხოვრობს. ოჯახის შემოსავალი კი მხოლოდ პენსია და სოციალური დახმარებაა. მარიამის დედა მადონა ენუქიძე "გურია ნიუსთან" თავისი გასაჭირის შესახებ საუბრობს: "მარიამს თანდაყოლილი ცერებრალური დამბლა აქვს. ავადმყოფობა თავიდან ასე მკვეთრად გამოხატული არ იყო _ ვიცოდით, რომ პრობლემა ჰქონდა და რაღაც რეციდივი დარჩებოდა. 6 წლამდე ვმკურნალობდით. ჩვენი შესაძლებლობის ფარგლებში, შეიძლება ითქვას, არაფერი მიგვიკლია, მაგრამ მერე ვეღარ შევიძელით, _ გვიყვება ახალგაზრდა დედა და ცრემლებს ვერ იკავებს, _ ჩვენი ყველა პრობლემა მარიამთანაა დაკავშირებული. მარიამით იწყება და სრულდება დღე. ერთი წამითაც კი ვერ და არ ვტოვებთ მარტო." სოციალური დახმარების მიმღებ ოჯახს ძალიან უჭირს იმ ხარჯების გაღება, რაც მარიამს სჭირდება. გოგონას სხეული დეფორმირებულია, ცალი ფილტვი ნეკნებით გაიჭყლიტა და სუნთქვა უჭირს. ჟანგბადს კარგავს და მუდმივად სჭირდება სპეციალური აპარატი. ასეთ ყოფას ისიც ემატება, რომ სოციალურად დაუცველ ოჯახს მარიამისთვის ხშირად პამპერსიც კი არ აქვთ: "ჩერნოვეცკის ფონდმა" მომიტანა ცოტა ხნის წინ პამპერსი. ხშირადაა შემთხვევა, როცა მარიამისთვის პამპერსი არ გვაქვს. ასეთ დროს გულს ვაცლი გამოყენებულ პამპერსს და ჩვარს ვუფენ, სხვა გზა რომ არ მაქვს, რა ვქნა?! ყველაფერი სტერილური გვჭირდება. ცალი ფილტვით სუნთქავს, მარჯვენა ფილტვი აღარ აქვს _ ხერხემლისგან გაჭყლეტილია. ერთი წელია, რაც სულ წევს. ხელში ამყავს ხოლმე და ეგაა სულ მარიამის მოძრაობა. ქრონიკული ბრონქიტი აქვს. შარშან, ერთ დილას მთლიანად გალურჯდა _ ჰაერის უკმარისობა დაემართა. კატასტროფის მანქანით გადავიყვანეთ თბილისში. 10 დღე ვიწექით "ევექსის" კლინიკაში, შემდეგ სიტუაცია კიდევ უფრო დამძიმდა და ძლივს, წამებში მოვასწარით მესამე სართულიდან მეექვსე სართულზე, რეანიმაციაში აყვანა, სადაც შეაერთეს ხელოვნური სუნთქვის აპარატზე. რეანიმაციაში მდგომარეობა კიდევ უფრო დამძიმდა _ კომაში ჩავარდა. ძალიან რთული მდგომარეობა გვქონდა. იმედს, თითქმის, აღარ გვაძლევდნენ. ღმერთის იმედად ვიყავით მხოლოდ. საავადმყოფოსთან ეკლესია იყო. იქ მღვდელს ვუამბეთ მე და ჩემმა მეუღლემ ჩვენი მდგომარეობის შესახებ. წაგვყვა საავადმყოფოში და ლოცვები წაუკითხა მარიამს. მართლა სასწაული მოხდა, რასაც არავინ მოელოდა _ მარიამმა თვალი გაახილა, მაგრამ მას შემდეგ ხმა აღარ აქვს. ადრე ტირილის დროს ხმას გამოსცემდა, ახლა ვეღარ. ხედავს, ესმის _ უხარია, ბავშვები რომ მოვლენ მასთან და უცინის", _ ამბობს დედა. კომიდან გამოსულ მარიამს 2 ოპერაცია გაუკეთდა _ ტრაქეოსტომია და გასტროსტრომია. "ექიმებმა მითხრეს, მარტივი ოპერაციაა, მაგრამ ამ შემთხვევაში, შესაძლებელია, გართულდეს მდგომარეობაო. თუმცა, ისიც მითხრეს, რომ, თუ გინდა შენმა შვილმა იცოცხლოს, ეს უნდა გავუკეთოთო. ჩემს გოგონასთან გატარებული ყოველი დღე, უფლის საჩუქარია, ერთი დღეც კი ვერ წარმომიდგენია მარიამის გარეშე, თუმცა, ექიმებს უკვირთ, რაში უდგას ამ ბავშვს სული. გაუკეთეს ოპერაცია, ჩაუდგეს მილები. ასეთი ბავშვის მოვლა ძალიან რთულია. ამის შესახებ, თავიდანვე გამაფრთხილეს, მაგრამ ფარ-ხმალი არ დამიყრია. სამი დღე გავატარე რეანიმაციაში ჩემს შვილთან ერთად და ზედმიწევნით შემასწავლეს მისი მოვლა. მარიამს მარტო დატოვება არც ერთი წამით არ შეიძლება. პროცედურები რთულია _ აუცილებელია სტერილურობის დაცვა და ყოველი კვების შემდეგ, მილების კარგად ჩარეცხვა. ბათუმში მალე გაიხსნება ასეთი ბავშვების მოვლისთვის სპეციალურად განკუთვნილი ცენტრი. მესმის, რომ შესაძლოა სამედიცინო თვალსაზრისით, მარიამისთვის იქ ყოფნა უკეთესიც იყოს, მაგრამ შვილთან განშორება, უბრალოდ, ვერ წარმომიდგენია. ყველა დედას ვუსურვებ, ჯანმრთელი შვილები ყავდეთ. ეს უდიდესი ბედნიერებაა! _ გვეუბნება მარიამის დედა. გოგონას ოპერაციებიდან წელიწადზე მეტი გავიდა უკვე. გოგონას კუჭთან მიერთებულ მილს ვადა 2-წლამდე აქვს, მაგრამ შეიძლება მოხდეს ისე, რომ მილმა საკვები ან წყალი ვერ გაატაროს და შესაცვლელი მანამდე გახდეს. ყოველ ორ თვეში ერთხელ კი, ხან უფრო ადრეც ტრაქეაში ჩადგმული მილის გამოცვლა სჭირდება, რისთვისაც მარიამის ტრანსპორტირებაა საჭირო. "ეს რეანიმაციულ განყოფილებაში ხდება და დაგვყავს მარიამი ბათუმში თავისი აპარატურით, რის შეძენაშიც დაგვეხმარა მუნიციპალიტეტის მერია, ჯანმრთელობის სამინისტრო. ახლა მარიამისთვის გვაქვს ჟანგბადის და საქაჩი აპარატები. როცა მივდივართ, თან მიგვაქვს. მართალია, დენზეა, მაგრამ 100 მეტრზე მეტი სიგრძის ელექტროსადენი ვიყიდეთ და ამით დავდივართ. ერთხელ ავტობანზე დაგვჭირდა, იქვე რესტორანი იყო და იქიდან გადმოვიყვანეთ _ ამაზე უარს არავინ გვეუბნება. ასე ვცხოვრობთ ეს თხუთმეტი წელია ჩვენ და მარიამი. ოჯახის მთელი შემოსავალი, პენსია იქნება ეს თუ სოციალური დახმარება, მისკენაა მიმართული", _ გვითხრა ქალბატონმა მადონამ. მარიამს უმცროსი ძმები ჰყავს, რომელთაგან ერთ-ერთს, როგორც მათი დედა გვეუბნება, ჯანმრთელობასთან დაკავშირებული პრობლემა გააჩნია: "ბავშვს სქოლიოზი აქვს, რომელსაც, სამწუხაროდ, ვერ ვმკურნალობთ. ვერ შევძელით ქუთაისში გვეტარებინა _ ვერ მივაკელით მარიამს", _ ტირილით გვეუბნება 3 შვილის დედა, რომლის ნატვრა და სურვილები ისევ მარიამთან ტრიალებს და მხოლოდ მას უკავშირდება: "ჩემი მეუღლის ბაბუის აშენებულ სახლში ვცხოვრობთ. მადლობა ღმერთს, არ გვაწვიმს, ჭერი გვაქვს, მაგრამ მინდა მარიამი ლამაზ გარემოში მყავდეს. ჩვენ კი ისიც ვერ მოვახერხეთ, ელემენტარულად, ან სოციალური დახმარების თანხიდან, ან პენსიიდან იმდენი გადაგვედო, რომ იატაკისთვის _ საღებავი და კედლისთვის შპალერი გვეყიდა", _ გვეუბნება მადონა ენუქიძე, თან მარიამს პროცედურებს უტარებს, რომელიც საყურებლადაც კი ძალიან რთული იყო. სოფელ ჯვარცხმის დეპუტატი საკრებულოში კლოდი მდინარაძე "გურია ნიუსთან" საუბრისას ამბობს, რომ მარიამის ოჯახს მუნიციპალიტეტი ეტაპობრივად ეხმარება და მომავალშიც შესაძლებლობის მაქსიმუმს გააკეთებს, რომ პირველადი მოხმარების საგნები, რაც გოგონასთვისაა აუცილებელი, გადასცეს ოჯახს. ჩვენ კი, თხოვნით მოგმართავთ თქვენ, ვინც აუღელვებლად ვერ შეძლებთ მარიამისა და მისი ოჯახის ამბის წაკითხვას და მარიამის ფოტოების ნახვას, ერთად ვიზრუნოთ, რომ გავუხანგრძლივოთ დედა-შვილს ერთად ყოფნის შესაძლებლობა. მარიამის დასახმარებლად თანხა შეგიძლიათ ჩარიცხოთ ანგარიშზე: საქართველოს ბანკი GE57BG0000000161978144 ან დარეკოთ ტელეფონის ნომერზე: ... ...
  • წყალგაყვანილობის მშენებლობა და დაპირისპირება სოფელშიოზურგეთის მუნიციპალიტეტის სოფელ ფამფალეთში (ვაკიჯვრის თემი) წყალგაყვანილობის მასშტაბური პროექტი ხორციელდება. სამუშაოებს კომპანია შპს "უნივერსალ ჯორჯია 2008" ახორციელებს. პროექტი წელიწადნახევრიანია და მომავალი წლის გაზაფხულზე უნდა დასრულდეს. მუშაობის პროცესში, ბოლო ორი თვის განმავლობაში, მოსახლეობის წარმომადგენლები გამუდმებით ლაპარაკობენ კომპანიის მიერ უდიერად შესრულებულ სამუშაოზე. კონკრეტულად კი, ამბობენ, რომ მშენებლები აზიანებენ ძველი წყალგაყვანილობის მილებს, რის გამოც წყალი იღვრება, აუზი იცლება და ასეთ გვალვაში ხალხი უწყლოდ რჩება. _ სათავე ნაგებობიდან მომავალ მილს ფამფალეთის ტერიტორიაზე ერთგან დამაგრებული ჰქონდა "არკა". ეს თაღი არეგულირებდა სხვადასხვა უბანში წყლის თანაბრად მიწოდებას. ამათ კი დააზიანეს მუშაობის დროს, გაგლიჯეს ეს "არკა" და გააკეთეს უფრო მაღალი. სინამდვილეში კი სოფლის გამგებელმა, გიორგი მდინარაძემ თავის სახლში შეაყვანინა და ჩვენ ასე დაგვტოვა, _ გვითხრა ადგილობრივმა მკვიდრმა მანანა მჟავიამ. ადგილზე მოსულმა მერის წარმომადგენელმა გიორგი მდინარაძემ განაცხადა, რომ ეს იყო სიცრუე და მოითხოვა, მის სახლში წავსულიყავით და გვენახა, რომ "ტყუილს მოკლე ფეხი აქვს": _ ხალხო, ჭა მაქვს. ეს წყალი ჩემთან საერთოდ არ შემოდის. რაც შეეხება კომპანიის უდიერ მუშაობას, ახლახან მივმართე ოზურგეთის მუნიციპალიტეტის მერიას. ასევე, კომპანიის ხელმძღვანელებს არა ერთხელ ვესაუბრე. ამასთანავე, გვალვაა, წყლის დებეტმა იკლო, ხალხი გაღიზიანებულია, მაგრამ მე რატომ მაბრალებთ? უსამართლოდ გინდათ, კისერში მწვდეთ, მაგრამ ვერ მოგართვით! საკმაოდ სქელი კისერი მაქვს, რომ იცოდეთ, _ უთხრა მან მჟავიას და შეახსენა ისიც, რომ თვითონ დიდხანს არ ცხოვრობდა სოფელში, მერე ჩამოვიდა და ახლა ყოველთვის მას უპირისპირდება. თავის მხრივ, მანანა მჟავია და მირანდა დგებუაძე დაჟინებით მოითხოვდნენ, ადგილზე მოსულიყვნენ კომპანიის წარმომადგენლები და ამომწურავი პასუხები გაეცათ მათ კითხვებზე; _ ჩვენთან წყალი იყო გამოყვანილი ძველი დროიდან. ახლა ამ წყალს ტექნიკური წყლის სახელით იცნობენ და კარგია თუ ცუდი, სანამ ახალი არ გაკეთებულა, ჩვენთვის სასიცოცხლოდ აუცილებელია. როცა კომპანია ახალ გაყვანილობას აკეთებს, ბუნებრივია, სადღაც დაზიანება მოხდება, თუმცა, ის მაშინვე უნდა გააკეთონ. ესენი კი მიყოლებით აზიანებენ ყველგან, თან ტოვებენ ასე დაგლეჯილს და დაზიანებულს. როცა მეტი პასუხისმგებლობა არ აქვთ, ვიღაც თავზე უნდა დაადგეს _ ან მათივე ხელმძღვანელი, ან სოფლის ხელმძღვანელობის რომელიმე წარმომადგენელი, _ ამბობდნენ ადგილზე მოსული ფამფალეთელები და მიუხედავად მრავალგზის შეხსენებისა, გიორგი მდინარაძის მხრიდან, რომ კომპანიის ხელმძღვანელებს წინა დღესაც ესაუბრა, მაინც დაჟინებით ითხოვდნენ, სასწრაფოდ გაეუქმებინათ ე. წ. "არკა". მათი თქმით, სწორედ ამ მაღალმა "არკამ" დააბრკოლა მილში წყლის მიმოქცევა. უფრო მეტიც, ადგილობრივებს მუშებმა უთხრეს, რომ ეს ყველაფერი მერის წარმომადგენლის, გიორგი მდინარაძის დავალებით გააკეთეს. გაბრაზებულმა მდინარაძემ ტელეფონში ე. წ. "სპიკერი" ჩართო და სასწრაფოდ დაურეკა კომპანიის წარმომადგენელს, რომელსაც ჰკითხა, რატომ იცრუა. თავის მხრივ, კომპანიის წარმომადგენელმა უპასუხა, რომ არავის დაუვალებია მისთვის "არკის" დაშლა ან პირიქით _ გაკეთება: _ მოხდა ისე, რომ როცა წყალგაყვანილობა გაგვყავდა, უნებურად დავაზიანეთ ის პატარა თაღი, რომელიც მანამდე იყო იქ გაკეთებული და წყლის წნევის დარეგულირებას უწყობდა ხელს. ამიტომ თავადვე გავაკეთეთ. მოვიდნენ და გვითხრეს, რომ ეს უფრო მაღალი გაგიკეთებიათ და ჩქარა დაშალეთო. უცებ ვერ დავშალეთ. თან გვალვაა და წყალმა ძალიან დაიკლო. ამიტომ "არკა" არ არის უწყლობის მთავარი მიზეზი. კარგი, ბატონო, მაგასაც გავაკეთებთ. უცებ არ ხერხდება ყველაფრის გაკეთება. ჩვენ ხომ ყოველდღე ვმუშაობთ და დრო ხომ უნდა ვნახოთ, რომ ესა თუ ის საქმე გავაკეთოთ, _ თავის მხრივ, თავს იმართლებდა კომპანიის წარმომადგენელი, რომელიც მდინარაძეს ესაუბრებოდა. _ მე ახლა ჩამოგიყალიბებთ ოთხ მიზეზს, რატომ არის ასე ცოტა წყალი. უპირველესი _ გვალვაა და ძალიან ცოტაა წყლის დებეტი. მეორე _ რამდენიმე ადგილზე გახეთქილია წყლის მილები. მესამე _ ეს "არკა" ამხელა არ უნდა გაკეთებულიყო. ბევრიც რომ იყოს წყალი, მაინც გაუჭირდება "გაგნება". როცა წყალი კარგად მოდიოდა, ხომ გახსოვთ, რომ ეს "არკა" ხელს არაფერს უშლიდა, ახლა რომ ამოიჩემეთ? რატომღაც მე რომ მაბრალებთ. უმთავრესი მაინც გვალვაა და ერთი გაწვიმება უფრო ადრე გადაჭრის ამ პრობლემას, ვიდრე ჩვენ ყველა ერთად, _ უთხრა შეკრებილებს გიორგი მდინარაძემ. ადგილობრივმა მცხოვრებმა გოგი ჩანჩიბაძემ ისაუბრა უწყლობის პრობლემაზე და თქვა, რომ ეს ახალწარმოშობილი მიზეზი არაა: _ პირიქით, ადრეული პერიოდიდან იწყება წყლის მილების მოძველების და დახეთქვის ამბები. ახლა აკეთებენ, მაგრამ გაკეთება თუ არ დასრულდა, მამაზეციერს არ შეუძლია, ორ დღეში წყალი მოგვცეს. ადრე ხალხი უფრო პასუხისმგებლობით ეკიდებოდა საქმეს _ რომ გაფუჭდებოდა, მივდიოდით, ვნახულობდით, სად იყო დაზიანებული და ვაკეთებდით. მარტო მე რამდენი მირბენია ამისთვის. ახლა რომ დაწყდება წყალი, რატომღაც ჰგონიათ, რომ ვიღაც გადამთიელი უნდა მოვიდეს და გაუკეთოს. თავად კი ხელი არ გაანძრიონ. არაა ახლა ასე. სხვა დროა. თუ არა, უნდა დაველოდოთ, როდის გაკეთდება ახალი გაყვანილობა, _ თქვა მან. "გურია ნიუსი" ოზურგეთის საკრებულოს წევრს სოფელ ვაკიჯვრიდან, ვახტანგ (ბაჩანა) ნიჟარაძეს ესაუბრა. თავის მხრივ, ნიჟარაძემ თქვა, რომ გამუდმებით ადევნებს თვალს სოფელში ამ პრობლემის მოგვარების საქმეს. _ ახლა ხალხი გაღიზიანებულია უწყლობის გამო, რადგან ძალიან არის შემცირებული დებეტი. დიდი ხანია, გვალვაა, რაც იშვიათად ხდება. როგორც მე ვიცი, ბევრ სოფელშია ასეთი პრობლემა. რაც შეეხება "არკას", კომპანიის მიერ დაზიანდა და თავადვე უნდა გაეკეთებინათ. თუმცა, უფრო მაღალი გაუკეთებიათ და არა ერთხელ ვუთხარი, რომ უნდა დამოკლდეს. გია მდინარაძის უბანში ეს მილი არ შედის და სიცრუეა, რომ მან დაავალა თაღის გაკეთება. ვინც ამას ამბობს, ხომ შეუძლია იქვე, ათი მეტრი მანძილი გაიაროს და ჩავიდეს მდინარაძის ეზოში, რომ დარწმუნდეს სიმართლეში?! ასე ლაპარაკი არ შეიძლება. პროექტი, რომელიც ამჟამად ხორციელდება, მასშტაბურია _ ერთი თემის ოთხი სოფელი მომარაგდება წყლით და მომავალ წელს უნდა დასრულდეს. წყლის გაყვანას, რეზერვუარების მშენებლობას ახლავს მომენტები, როცა შეფერხებები წარმოიშობა ხოლმე. საქმის კურსში ვარ. ახლა მთავარი მიზეზი მაინც გვალვაა. წყალმომარაგება მესამედიც აღარაა. თან მილი რომ გასკდება ან მშენებლობისას ზიანდება, ორმაგად ღიზიანდებიან აქ მცხოვრებლები და სამართლიანადაც. მე თვითონ დავდივარ ტყე-ღრეში, როცა მილები დახეთქილია. ხალხმაც უნდა იზრუნოს, როცა გასაჭირია, ერთმანეთს ხელი შევაშველოთ, _ გვითხრა ნიჟარაძემ. როგორც "გურია ნიუსმა" გაარკვია, სოფელ ვაკიჯვარში მერის წარმომადგენელს  გიორგი მდინარაძეს ნამდვილად აქვს ოზურგეთის მერიაში განცხადება შეტანილი, სადაც მითითებულია კომპანია შპს "უნივერსალ ჯორჯია 2008"-ს მუშაობაში უხეში დარღვევების შესახებ. როგორც განცხადებაშია აღნიშნული, საჭიროა, მოთხოვონ ტენდერში გამარჯვებულ კომპანიას, მეტი პასუხისმგებლობით იმუშაონ ასეთი პროექტის გახორციელებისას. "გურია ნიუსი" თვალს მიადევნებს ვაკიჯვრის თემში წყალსადენის მშენებლობის პროცესს, რომელიც მომავალი წლის ბოლომდე უნდა ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ ყველაზე, ყველაზე...

იცი თუ არა გეოგრაფია

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...