დიმიტრი ხუნდაძე 2015 წლის "ოჯახის წლად“ გამოცხადების ინიციატივით გამოვიდა

პოლიტიკა

დიმიტრი ხუნდაძე 2015 წლის "ოჯახის წლად“ გამოცხადების ინიციატივით გამოვიდა

2015 იან 16 23:09:56

"თბილისი მერიოტში“ ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ, კომიტეტის ორწლიანი მუშაობის ანგარიშისა და სამომავლო ძირითადი სტრატეგიული მიმართულებების შესახებ ინფორმაცია წარადგინა.

დიმიტრი ხუნდაძემ იმ საკანონმდებლო ინიციატივებზე ისაუბრა, რაზეც ბოლო ორი წლის განმავლობაში ჯანმრთელობის დაცვისა და სოციალურ საკითხთა კომიტეტი მუშაობდა.

მისი განცხადებით, მთავარ მიღწევად კომიტეტი ასოცირების შეთანხმების რატიფიცირებას; „შრომის კოდექსში“ განხორციელებულ ცვლილებებს; დემოგრაფიული პოლიტიკის შემუშავებას და ამ მიმართულებით შესაბამისი კანონების მიღებას; სარეცეპტო სისტემის აღდგენას და „სააფთიაქო ნარკომანიის“ მინიმუმამდე დაყვანას; ნარკოდანაშაულის წინააღმდეგ საკანონმდებლო ბაზის შექმნას; აბორტების წინააღმდეგ ინიციატივების განხორციელებას; მარტოხელა მშობლის სტატუსის განსაზღვრას მიიჩნევს.

„ჩვენი მთავარი ღირებულებაა ადამიანი და მისი სიცოცხლე. სწორედ ამას ემსახურება ჯანდაცვის კომიტეტი. ვფიქრობ, ორწლიანი მუშაობა იყო საკმაოდ წარმატებული, მაგრამ კიდევ ბევრია გასაკეთებელი იმისთვის, რომ მაღალი ხარისხის ჯანდაცვის მომსახურება შევთავაზოთ მოსახლეობას.

ორწლიანი მუშაობის ერთ-ერთი მთავარი წარმატება არის ის, რომ ჩვენ შევიმუშავეთ „შრომის კოდექსი“, ეს იყო საკმაოდ მოცულობითი და მასშტაბური სამუშაო, რომელიც მთავრობასთან ერთად განხორციელდა და ჩვენ მივიღეთ მაქსიმალურად დაბალანსებული „შრომის კოდექსი“.

ჯანდაცვის პროგრამაში ფსიქიკური ჯანმრთელობის შესახებ კომიტეტის მიერ შემუშავებული კონცეფცია არის ძირითადი დოკუმენტი, რომელზეც ჯანდაცვის სამინისტრომ იმუშავა და წარმოადგინა სტრატეგიული გეგმა ამ დარგის განვითარებისა, კომიტეტმა შეიმუშავა ტუბერკულოზის ეროვნული სტრატეგია და სამოქმედო გეგმა და ვფიქრობ, რომ ერთ-ერთი მნიშვნელოვანი წვლილი კომიტეტისა არის დემოგრაფიული პოლიტიკის წარმატებულად შემუშავება, რაც უკვე აისახა და „საქსტატის“ მონაცემებით ამ კუთხით უკვე გვაქვს მნიშვნელოვანი წარმატებები“, _  განაცხადა დიმიტრი ხუნდაძემ.

სიტყვით გამოსვლისას, ჯანმრთელობის დაცვისა და სოციალურ საკითხთა კომიტეტის თავმჯდომარემ სამომავლო გეგმებზეც ისაუბრა და ის პრიორიტეტული მიმართულებები დაასახელა, რომელზე მუშაობასაც კომიტეტი მომდევნო წლის განმავლობაში გეგმავს. მისი ინფორმაციით, განსაკუთრებული ყურადღება მრავალშვილიან ოჯახებს დაეთმობა, განისაზღვრება მრავალშვილიანი მშობლის სტატუსი და მათთვის სოციალური პაკეტი მომზადდება.

გადაიხედება საარსებო მინიმუმის დაანგარიშების მეთოდოლოგია, ყურადღება დაეთმობა 9 აპრილს მოწამლული ადამიანების მდგომარეობის შესწავლას და მათთვის კონკრეტული ინიციატივების მომზადებას.

დიმიტრი ხუნდაძის განცხადებით, კომიტეტი ამზადებს კანონპროექტს „შვილად აყვანისა და მინდობით აღზრდის შესახებ“, ასევე, გეგმავს შრომის ინსპექციის, დასაქმებისა და შრომითი მიგრაციის კუთხით პოლიტიკის შემუშავებას; გაგრძელდება მუშაობა შშმ პირების მდგომარეობის გასაუმჯობესებლად და დემოგრაფიული პოლიტიკის განსახორციელებლად.

როგორც დიმიტრი ხუნდაძემ სიტყვით გამოსვლისას აღნიშნა, ჯანმრთელობის დაცვისა და სოციალურ საკითხთა კომიტეტი სტრატეგიულ მიმართულებად ევროკავშირთან ასოცირების შეთანხმების შედეგად აღებული ვალდებულებების შესრულებას მიიჩნევს.

შემდეგი ორი წლის განმავლობაში კიდევ უფრო უნდა გააქტიურდეს კომიტეტის მუშაობა. პარლამენტმა მოახდინა ასოცირების ხელშეკრულების რატიფიცირება, ჩვენ გვაქვს საკანონმდებლო ვალდებულებები, რომლებიც უნდა მოვიდეს შესაბამისობაში ევროკავშირის კანონმდებლობასთან და ამაზე აქტიურად ვიმუშავებთ. გააქტიურდება მუშაობა სოციალური პროგრამების მიმართულებითაც. აუცილებლად უნდა ვიზრუნოთ თითოეული ოჯახის სოციალური და ეკონომიკური მდგომარეობის გაუმჯობესებაზე, ოჯახის თითოეული წევრის ჯანმრთელობაზე.

მინდა განვაცხადო, რომ ჯანდაცვის კომიტეტი გამოდის ინიციატივით, რომ 2015 წელი გამოცხადდეს „ოჯახის წლად“, ჩვენ უნდა შევძლოთ ოჯახის, როგორც ინსტიტუტის მყარად ჩამოყალიბება. ძლიერი ოჯახი ძლიერი ქვეყნის საფუძველია“,- განაცხადა ჯანმრთელობის დაცვისა და სოციალურ საკითხთა კომიტეტის თავმჯდომარემ.

დამსწრეთ სიტყვით მიმართა საქართველოს შრომის, ჯანმრთელობისა და სოციალური დაცვის მინისტრმა, დავით სერგეენკომ.

ამ პროექტების განხორციელება შეუძლებელი იქნებოდა, რომ ამ ორ სახელმწიფო უწყებას შორის არ ყოფილიყო მჭიდრო თანამშრომლობა და პრობლემების საერთო ხედვა“,- განაცხადა დავით სერგეენკომ.

მისივე თქმით, ჯანდაცვის და სოციალურ საკითხების ერთ-ერთი თავისებურება ისაა, რომ ყველა ქვეყანაში მოსახლეობის მოლოდინი ბევრად აღემატება რეალობას.

„ვერ დაგისახელებთ ვერცერთ ქვეყანას, რომლის მოქალაქესაც შეუძლია თქვას, რომ მის ქვეყანაში ჯანდაცვა და სოციალური საკითხები საბოლოოდ მოგვარებულია. ეს არის ის მიმართულებები, რომლებსაც მუდმივი ზრუნვა, მუდმივი განვითარება და რეფორმები სჭირდება. ეს არის სფეროები, სადაც ყოველთვის ჩნდება ახალი გამოწვევები, ეს არის ყველაზე დინამიური სფეროები და შესაბამისად, სისტემური გადაწყვეტილებები და რეფორმებია საჭირო. ჯანმრთელობის დაცვისა და სოციალურ საკითხთა კომიტეტს უწევს უმნიშვნელოვანესი სისტემური გადაწყვეტილებების მიღება“,- მიმართა შრომის, ჯანმრთელობისა და სოციალური დაცვის მინისტრმა დამსწრეთ.

ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილის, საპარლამენტო უმცირესობის წარმომადგენლის, გიორგი წერეთელის განცხადებით, კომიტეტის მიერ დასახული მიზნების შესრულება ყველას საერთო ინტერესია.

„არსებობს ახალი ვალდებულებები, რომლებიც გაჩნდება ევროკავშირთან თანამშრომლობის კვალდაკვალ. ეს კომიტეტს გვავალდებულებს, რომ რაც შეიძლება უფრო მეტად იყოს ანალიზზე, რისკების შეფასებაზე ორიენტირებული და იყოს უფრო კრიტიკული, განსაკუთრებით, საბიუჯეტო ნაწილში. დღეს მთავარი ამოცანაა საყოველთაო ჯანდაცვის პროგრამის მდგრადობა“,- აღნიშნა გიორგი წერეთელმა.

გაეროს ბავშვთა ფონდის ხელმძღვანელის, საშა გრაუმანის შეფასებით, მნიშვნელოვანია, რომ ჯანმრთელობის დაცვისა და სოციალურ საკითხთა კომიტეტი აქტიურად მუშაობს კანონმდებლობაზე ფორტიფიკაციის შესახებ.

იმედს გამოვთქვამთ, რომ ჩვენ შევძლებთ, ერთად დავასრულოთ ეს პროცესი და შემოვიღოთ ფორტიფიკაცია საქართველოში. ჩვენ აქტიურად ვმუშაობთ სხვა საკანონმდებლო ცვლილებების განხორციელებაზეც და იმედი გვაქვს, რომ შევძლებთ „ბუნებრივი კვების შესახებ“ საქართველოს კანონში ცვლილების შეტანასაც, ასევე, წარმატებულად ვმუშაობთ კომიტეტთან ერთად კანონპროექტზე, რომელიც „საქართველოს კანონი "პაციენტის უფლების შესახებ“ საქართველოს კანონში ცვლილების შეტანას ითვალისწინებს. გაეროს ბავშვთა ფონდი კვლავ გამოთქვამს მზადყოფნას, ერთად გავაგრძელოთ ბავშვთა უფლებების დაცვა საქართველოში“,- განაცხადა საშა გრაუმანმა.

გაეროს მოსახლეობის ფონდის ხელმძღვანელის, ლელა ბაქრაძის თქმით, მნიშვნელოვანია, შემუშავდეს დემოგრაფიული პოლიტიკა ქვეყანაში.

“გაეროს მოსახლეობის ფონდის სახელით, კიდევ ერთხელ გიდასტურებთ, რომ მზად ვართ, კვლევებით, ანალიზით, ტექნიკური დახმარებით, კონსულტაციებით მხარი დავუჭიროთ კომიტეტს და იმედი გვაქვს, რომ მომავალშიც გაგრძელდება თანამშრომლობა“,- განაცხადა ლელა ბაქრაძემ.

ჯანმრთელობის დაცვისა და სოციალურ საკითხთა კომიტეტის მუშაობის ორწლიანი ანგარიშის წარდგენას საქართველოს პარლამენტის, საქართველოს მთავრობის, თბილისის მერიის, ადგილობრივი და საერთაშორისო ორგანიზაციების წარმომადგენლები ესწრებოდნენ.




 ახალი ამბები
  • საქართველოს ბანკის პარტნიორობით „უძრავი ქონებისა და სასტუმრო ბიზნესის საერთაშორისო ყოველწლიური ფორუმი“ იმართება (R)საქართველოს ბანკის პარტნიორობით, Property Georgia-ს, FIABCI Georgia-ს ინიციატივითა და ორგანიზებით 15-16 ოქტომბერს „უძრავი ქონებისა და სასტუმრო ბიზნესის საერთაშორისო ყოველწლიური ფორუმი „მდგრადი და მედეგი ქალაქების მშენებლობა“ იმართება. ფორუმის მიზანია, საქართველოს მსოფლიო რუკაზე პოზიციონირება მოხდეს, როგორც უძრავი ქონებისა და ტურიზმის, სასტუმრო ბიზნესის საერთაშორისო ლოკაცია. ფორუმზე განიხილება  ისეთი საკითხები, როგორიცაა: მდგრადი ქალაქების შექმნის ეკონომიკური შედეგები; ქალაქებში მდგრადი ურბანული ინფრასტრუქტურისა და ტურიზმის  განვითარება. ფორუმს 300-ზე მეტი დელეგატი და მსოფლიოს სხვადასხვა ქვეყნიდან მოწვეული 50-ზე მეტი ინვესტორი ესტუმრა, რომლებიც, თბილისთან ერთად, საქართველოს რამდენიმე რეგიონს მოინახულებენ. სტუმრობის მიზანია, ინვესტორები გაეცნონ უძრავი ქონებისა და ტურიზმის საუკეთესო შეთავაზებებს მთელი ქვეყნის მასშტაბით. ღონისძიებას საერთაშორისო მედიაპარტნიორობას გაუწევს Dow Jones/Mansion Global/FN. ფორუმს გააშუქებს წამყვანი და  გავლენიანი საერთაშორისო მედიასაშუალებები: BBC, CNN, Bloomberg. „მოხარული ვართ, ვიყოთ ასეთი საერთაშორისო და მასშტაბური ფორუმის გენერალური პარტნიორები, რომლის მიზანიცაა, ხელი შეუწყოს  საქართველოს მსოფლიო რუკაზე პოზიციონირებას, როგორც უძრავი ქონებისა და ტურიზმის, სასტუმრო ბიზნესის საერთაშორისო ლოკაციას. ამის დიდი პოტენციალი ნამდვილად აქვს ჩვენს ქვეყანას. საინტერესოა, რომ ფორუმის ფარგლებში  50-ზე მეტ ინვესტორს ექნება შესაძლებლობა, გაეცნონ ქართული უძრავი ქონების ბაზარს  და ტურიზმს.  ვფიქრობ, ეს არის ძალიან კარგი შესაძლებლობა, როგორც მათთვის, ისე ჩვენთვის, ქვეყნისთვის, რაც მნიშვნელოვნად გაზრდის საქართველოს ცნობადობას. ფორუმის მიმართ არის ძალიან დიდი ინტერესი, რაც  სასიხარულოა. მსგავსი ღონისძიებები  მნიშვნელოვანია, რათა რაც შეიძლება მეტ ადამიანს, მთელი მსოფლიოს მასშტაბით და  მეტ ინვესტორს,  არსებულსა თუ პოტენციურს, გავაცნოთ ის რეალური შესაძლებლობები, რაც ჩვენს ქვეყანას აქვს“, - განაცხადა საქართველოს ბანკის გენერალური დირექტორის მოადგილემ, გიორგი ფაილოძემ. ... ...
  • ოზურგეთში საყოველთა ჯვრისწერა გაიმართაქალაქ ოზურგეთში, ღმრთისმშომბლის მიძინების საკათედრო ტაძარში საყოველთაო ჯვრისწერა გაიმართა. ეს ღონისძიება საქართველოს კათოლიკოს-პატრიარქის კურთხევითა და საქართველოს ჩოხოსანთა ორგანიზაციის ორგანიზებით შედგა. ოზურგეთში საყოველთა ჯვრისწერა ჩოხოსანთა ორგანიზაციის წევრების თემურ სირაძისა და თამარ გიორგაძის ხელმძღვანელობით გაიმართა. ამჯერად, ჯვარი დაიწერეს წყვილებმა: ბადრი კვირკველიამ და ნანა სიხარულიძემ; გერონტი გიორგაძემ და სოფიო ტარიელაძემ; ჯემალ და ლენა შუკაკიძეებმა;  ავთანდილ ცეცხლაძემ და ნანული სურგულაძემ; გიორგი  და  მედეა მაღლაკელიძეებმა. მოქალაქეებს ჯვარი დეკანოზმა ერმოლაუსმა დაწერა. ორგანიზატორის თამუნა გიორგაძის თქმით, საყოველთა ჯვრისწრა მომავალშიც ... ...
  • "ჯადოსნური ახალი წელი აბუ დაბიში" _ ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის...15 ოქტომბრის 00:00:01 საათიდან 24 ნოემბრის 23:59:59 საათის ჩათვლით Apple Pay-ს საშუალებით Visa ბარათით განხორციელებული ტრანზაქციები ლიბერთის მომხმარებლისთვის მომგებიანია!  კამპანიის ფარგლებში კამპანიის პირობებით განსაზღვრული ყველა Visa ბარათის მფლობელი,  რომელიც კამპანიის პერიოდში გადაიხდის მინიმუმ 10 ლარს Apple Pay-ს საშუალებით მიიღებს ქეშბექს 10 ლარის ოდენობით პირველ გადახდაზე.   კამპანიის დასრულების შემდეგ გამოვლინდება გამარჯვებული, რომელიც მიიღებს სამოგზაურო პაკეტს აბუ დაბიში ახალი წლის ღამეს ბრუნო მარსის კონცერტზე დასასწრებად! კამპანიის გამარჯვებულს გამოავლენს ლიბერთი ბანკი მის ხელთ არსებული მონაცემების საფუძველზე და გამარჯვებულად ჩაითვლება კამპანიაში მონაწილე პირი, რომელსაც 15 ოქტომბრის 00:00:01 საათიდან 24 ნოემბრის 23:59:59 საათის ჩათვლით დაუფიქსირდება ბანკის Visa ბარათით განხორციელებული ყველაზე მეტი ტრანზაქცია Apple Pay-ს საშუალებით (თითო ტრანზაქცია - მინიმუმ 10 ლარი). სამოგზაურო პაკეტი მოიცავს:   5 დღიან საგზურს აბუ დაბიში, 5 ან მეტ ვარსკვლავიან სასტუმროში 2 ადამიანზე; ავიაბილეთებს; საახალწლო ვახშამს; 2 VIP ბილეთს ბრუნო მარსის კონცერტზე, 31 დეკემბერს  იხილეთ დეტალური წესები და პირობები ბმულზე: http://bit.ly/2OJOkCF  ლიბერთის მომხმარებლები, Apple Pay-ს მარტივი, უსაფრთხო და კონფიდენციალური გადახდის სისტემით მთელი ქვეყნის მასშტაბით, ლიბერთი ბანკის პარტნიორ ორგანიზაციებში 3 სექტემბრიდან უკვე სარგებლობენ. აქციის ფარგლებში ქეშბექის და სამოგზაურო პაკეტის მოგების შანსის მიღება3500-ზე მეტ უკონტაქტო ტერმინალზე გადახდისას არის შესაძლებელი. Apple Pay-ს გამოყენება და მასში ბარათების დამატება მარტივია. მაღაზიებში, Apple Pay-ს გამოყენება შესაძლებელია iPhone SE, iPhone 6 და მის შემდეგ გამოშვებული მოდელების, ასევე Apple Watch მოწყობილობების გამოყენებით.  გაიგე როგორ დაამატო ბარათი Apple ... ...
  • „დეპრესიას უმადურობა იწვევს“ - ფსიქოლოგი მარინა კაჭარავა„აზროვნების აკადემია“,  პროექტ  „სალონური საუბრების” ფარგლებში, სოციალურ ქსელში ამჯერად ფსიქოლოგ მარინა კაჭარავას ლექციას აქვეყნებს, რომელიც დერპესიულ აშლილობას ეხება: “ფსიქიატრების აზრი ძალიან უახლოვდება რელიგიურ მოსაზრებას, რომ უმადურება უდრის დეპრესიას. ამ დროს არ აქვს მნიშვნელობა, ბევრი გაქვს თუ ცოტა, ხახვის და პურის უმადური ხარ თუ სასახლეები გაქვს და ამის. ზოგადად, უმადურობა იწვევს დეპრესიას. აღმოჩნდა, რომ თავის ტვინში არის ოპიატური რეცეპტორები, სიამოვნების ჰორმონი, რომელიც თურმე გამომუშავდება მაშინ, როდესაც ხარ მადლიერი. როდესაც არ ხარ მადლიერი, ეს სიამოვნება დაკარგული გაქვს და მას ეძებ.  თუ ხარ მადლიერი იმის, რაც გაქვს, გაქვს სიმშვიდეც. სიმშვიდეც მადლიერებას მოაქვს და ანტიდეპრესანტიც ეგაა. ჩვენ კულტურალურად ძალიან დამძიმებულები და უმადურები ვართ. დაახლოებით 20 წლის წინ ამერიკელებთან ერთად ტრენინგზე ვისხედით და იქ იყო ასეთი სიტუაიცა. ყველა იწყებდა საუბარს ასე, გამარჯობა, მინდა მადლობა გადავუხადო ბებიას, რომელმაც ფუნთუშები დამიმზადა. მეორემ მადლობა მეზობელს გადაუხადა, რომელმაც გაუღიმა. მესამემ მადლობა გადაუხადა მზეს მზეს და მივხვდი, რომ აქ ხდება პოზიტივში საკუთარი თავის ამოქოქვა. ანუ დღეს ვიწყებთ პოზიტიურად იმით, რომ მადლობას ვუხდით ვინმეს და ეს თურმე ჩვენთვისვე არის კარგი. მადლობელი რომ ხარ უკვე ეს ჩემთვისაა კარგი და არა მისთვის, მისაც ... ...
  • მართვის მოწმობის აღების ასაკი იცვლება17 წლის მოქალაქე მართვის მოწმობას ვეღარ აიღებს. კანონში დაგეგმილი ცვლილებების მიხედვით, მოქალაქე 18 წლის უნდა იყოს, რათა მოტოციკლისა და მსუბუქი ავტომობილის მართვის უფლება მოიპოვოს. „საგზაო მოძრაობის შესახებ“ კანონში ცვლილებების შეტანის ინიციატივა შინაგან საქმეთა სამინისტროს ეკუთვნის. „მთავარი ის კი არ არის, 17 წლისა აიღებს მართვის მოწმობას ადამიანი, 37 წლისა თუ 57-ის, არამედ ის, თუ რა ცოდნის საფუძველზე იღებს ის მართვის მოწმობას. დღეს ჩვენ გვაქვს პრობლემა, რომ ე.წ. ავტოსკოლებში მოქალაქეებს კოდირების გზით მართვის მოწმობის აღებას ასწავლიან. გამოცდაზე ადამიანები გადიან ცოდნის გარეშე, დაზეპირებული კოდებით, რის გამოც მართვის მოწმობას იღებს ადამიანი, რომელმაც საგზაო მოძრაობის შესახებ საერთოდ არაფერი იცის“, - ამბობს „ტრანსპორტისა და გზების ასოციაციის“ თავმჯდომარე დავით ... ...

არქივი

ზაფრანი

ჩაის რეცეპტი, რომელიც სიგარეტის მოწევის სურვილს აქრობს

თუ სიგარეტისთვის თავის დანებება გინდათ,...

რომელი პროდუქტი არ უნდა შეინახოთ საყინულეში

მაცივრის საყინულეში ბევრ საკვებ პროდუქტებს...

როგორ ამოვიცნოთ გენმოდიფიცირებული პროდუქტი

საზიანოა თუ არა გენმოდიფიცერებული საკვები...

მარტივი მეთოდები ჯანმრთელობის შესამოწმებლად

თვალები _ მოშორდით მონიტორს 4-5 ნაბიჯით,...

ხილი, რომელსაც უნდა ვერიდოთ

სამწუხაროდ, ყველა ხილი ჩვენი ფიგურისთვის...

მკურნალი ყველი

რამდენი თვის წინ დანიელმა მეცნიერებმა...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...