რეგიონალური განვითარების სამინისტროს განცხადება

პოლიტიკა

რეგიონალური განვითარების სამინისტროს განცხადება

2015 თებ 13 22:30:35

მედიაში შ.პ.ს. "საქართველოს გაერთიანებული წყალმომარაგების კომპანიის" მისამართით გავრცელებული ინფორმაციის საპასუხოდ, საქართველოს რეგიონული განვითარებისა და ინფრასტრუქტურის სამინისტრო, რეალურად არსებული ვითარების წარმოსაჩენად, განცხადებას ავრცელებს და რამდენიმე ფაქტობრივ დეტალს განმარტავს:

ბრალდება იმის შესახებ, რომ სასმელი წყლის განვითარების საკოორდინაციო საბჭოს დახმარებით "საქართველოს გაერთიანებული წყალმომარაგების კომპანია" ახდენს სფეროსა და სფეროსათვის გამოყოფილი თანხების მონოპოლიზაციას, უსაფუძვლოა და არ შეესაბამება რეალობას. აღნიშნული საბჭო ქვეყანაში მტკნარი წყლის რესურსების საკითხზე მუშაობს და არანაირი კავშირი არა აქვს ქვეყნის წყალმომარაგების სისტემებთან, მათ შორის - შ.პ.ს. "საქართველოს გაერთიანებული წყალმომარაგების კომპანიასთან". ეს არის უწყებათაშორისი საბჭო, რომლის ფუნქციები, ამოცანები და უფლებამოსილებები არანაირად არ უკავშირდება წყალმომარაგების სისტემების გაუმჯობესების სფეროში ჩატარებულ ტენდერებს და შესაბამისად, ვერც ამ სფეროსთვის გამოყოფილი თანხების მონოპოლიზაციას მოახდენდა.

1. ასევე, საფუძველს მოკლებულია ბრალდება იმის შესახებ, თითქოს საქართველოს გაერთიანებული წყალმომარაგების კომპანიაში დასაქმება და კადრების შერჩევა ნაცნობობით ხდება და არა ადამიანთა გამოცდილებისა და პროფესიონალური ნიშნით. აღნიშნულ კომპანიაში მომუშავე თითოეული თანამშრომელი კონკურსის წესით, სწორედ გამოცდილებისა და პროფესიონალიზმის მიხედვით შეირჩა.

2. რაც შეეხება კომპანიაში კადრების რაოდენობის ზრდას, ეს ფაქტი "საქართველოს გაერთიანებული წყალმომარაგების კომპანიის" მიერ, ქვეყნის წყალმომარაგების სისტემების გასაუმჯობესებლად 2013 წელს დაწყებული მასშტაბური პროექტების განხორციელებასთან არის დაკავშირებული. მნიშვნელოვნად გაიზარდა პროექტების რაოდენობა, ასევე ექსპლუატაციაში შევიდა არაერთი ახალი ობიექტი. შესაბამისად გაჩნდა დამატებითი კადრების აყვანის აუცილებლობა, რამაც გამოიწვია კიდეც კადრების გაზრდა.

3. ბრალდება იმის შესახებ, რომ ტენდერები არასწორად ჩატარდა, მილიონები დაიხარჯა და სასმელი წყლის პრობლემა ისევ პრობლემად რჩება, ასევე არ შეესაბამება სინამდვილეს. განვმარტავთ, რომ საერთაშორისო ტენდერები, დონორი ორგანიზაციის მიერ დადგენილი წესებით ტარდება და ჩვენ გვაქვს ნაკისრი ვალდებულებები რატიფიცირებული ხელშეკრულებით. აღნიშნულ ტენდერებში თითოუელი ნაბიჯი დონორ ორგანიზაციასთან თანხმდება: იქნება ეს სატენდერო დოკუმენტაციის მომზადება, ტენდერის გამოცხადება, მისი შედეგების შეფასება და ა.შ.

სწორედ დონორი ორგანიზაციისგან მოდის საბოლოო შეფასება და რეკომენდაცია კონკრეტული პროექტის განხორციელებასთან დაკავშირებით კონტრაქტის დადების თაობაზე. ეს პროცესი იმდენად გამჭვირვალეა, რომ აღნიშნული ტიპის ტენდერებში რაიმე სახით ჩარევა ფაქტობრივად გამორიცხულია.

რაც შეეხება მეორე კატეგორიის ტენდერებს, ანუ სახელმწიფო ტენდერებს, რომელიც ტარდება ელექტრონული სისტემით. ესეც სრულიად გამჭვირვალე მექანიზმია, გამომდინარე იქიდან, რომ ყველაფერი მიმდინარეობს ელექტრონულად და ნებისმიერ მოქალაქეს აქვს შესაძლებლობა ნახოს, რომელი კომპანიები მონაწილეობდნენ, რა ფასებით წარიმართა ვაჭრობა, რომელი კომპანია შეირჩა ან არ შეირჩა, რა არგუმენტებზე დაყრდნობით მოხდა შეფასება და ა.შ.

აქვე განვმარტავთ, რომ სამინისტრო "გაერთიანებული წყალმომარაგების კომპანიასთან" ერთად, უწყვეტ რეჟიმში ზრუნავს იმისთვის, რომ საქართველოს მასშტაბით არცერთ რეგიონში, მუნიციპალიტეტსა თუ სოფელში სასმელი წყლის პრობლემა არ არსებობდეს.

4. რაც შეეხება ბრალდებას დარღვევით ჩატარებული ტენდერების შესახებ, კასპისა და გარდაბნის მუნიციპალიტეტის სოფლების (მარტყოფი, ნორიო და ახალსოფელი) წყალმომარაგების გაუმჯობესებასთან დაკავშირებით, განვმარტავთ, რომ აღნიშნული ტენდერები კასპისა და გარდაბნის მუნიციპალიტეტების მიერ ჩატარდა. ამ ტენდერებთან არანაირი კავშირი არ ჰქონია გაერთიანებული წყალმომარაგების კომპანიას და შესაბამისად, მათი ჩატარების სამართლიანობასა და სისწორეზე პასუხისმგებლობას ვერ აიღებს.

5. და ბოლოს, რაც შეეხება თამარ ფხოველიშვილთან დაკავშირებულ ბრალდებას, შ.პ.ს. „საქართელოს გაერთიანებული წყალმომარაგების კომპანიის“ 2014 წლის ფინანსური ანგარიშების ანალიზისას, დაფიქსირდა გარკვეული შეუსაბამობები, რის თაობაზეც კომპანიის ხელმძღვანელობამ საქმის კურსში ჩააყენა საქართველოს რეგიონული განვითარებისა და ინფარსტრუქტურის მინისტრი.

სამინისტრომ, საკუთარი კომპეტენციის ფარგლებში, შეისწავლა საქმე და, შემდგომი რეაგირებისთვის საქართველოს შინაგან საქმეთა სამინისტროს ანტიკორუფციულ დეპარტამენტს გადაუგზავნა. ამ დროისთვის მიმდინარეობს გამოძიება და მის დასრულებამდე ამ თემასთან დაკავშირებით, რაიმე ტიპის განცხადების გაკეთება მხოლოდ გამოძიების პროცესზე ზეწოლად შეიძლება ჩაითვალოს," _ ნათქვამია სამინისტროს განცხადებაში.

ახალი ამბები

ლანჩხუთში შოთა ფირცხალაიშვილის სახელობის ტურნირი გაიმართა (R)ვეტერანების საქმეთა სახელმწიფო სამსახურის რეგიონული მართვის დეპარტამენტის გურიის სამმართველოს ინიციატივით, გურიის რეგიონში, თანამებრძოლების ხსოვნის პატივის მისაგებად, სპორტული ტურნირების გამართვა დაიწყო. აღნიშნული პროექტის ფარგლებში, მიმდინარე წლის 16 თებერვალს, ლანჩხუთში გაიმართა ჩემპიონატი ნარდსა და შაშში, რომელშიც მონაწილეობა ომისა და თავდაცვის ძალების ადგილობრივმა ვეტერანებმა მიიღეს. ჩემპიონატი, აფხაზეთის ომის ვეტერანის, შოთა ფირცხალაიშვილის ხსოვნას მიეძღვნა. ტურნირის გამარჯვებული გახდა ნარდში - აფხაზეთის ომის ვეტერანი, ვლადიმერ კვიტაშვილი, ხოლო შაშში - ენვერ ორმოცაძემ. გამარჯვებულებს გადაეცათ თასები, მედლები და სამახსოვრო საჩუქრები. აღნიშნული ტურნირი ტრადიციული გახდება და ყოველწლიურად გაიმართება. ღონისძიებას დაესწრნენ ვეტერანების საქმეთა სახელმწიფო სამსახურის გურიის სამმართველოს წარმომადგენლები, გელა ბაქანიძე, ელგუჯა ჩხაიძე, ლანჩხუთის მუნიციპალიტეტის კულტურის, განათლების, სპორტისა და ახალგაზრდულ საქმეთა სამსახურის წარმომადგენელი, პაატა ურუშაძე და ადგილობრივი ვეტერანები. (R) ... ...
დიდი ოდენობით ყალბი ვალუტა_ უკრაინის მოქალაქეებს თავისუფლების აღკვეთა მიესაჯათ თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ყალბი ვალუტის შეძენა, შენახვა და გასაღების ფაქტზე ე.მ., ხოლო წინასწარი შეთანხმებით ჯგუფის მიერ გასაღების მიზნით, დიდი ოდენობით ყალბი ვალუტის შეძენა და შენახვის ფაქტზე ბრალდებული ა.ა. დამნაშავედ ცნო. სასამართლო პროცესზე გამოკვლეული მტკიცებულებებით, დადასტურდა, რომ უკრაინის მოქალაქეებმა ა.ა.-მ და ე.მ.-მ წინასწარი შეთანხმებით შემდგომი გასაღების მიზნით შეიძინეს და ინახავდნენ 20 ცალ ყალბ 500 ევროიან კუპიურას. 2019 წლის 15 მაისს, ე.მ.-მ, ქ. თბილისში, ოთხ სხვადასხვა სავალუტო ჯიხურში, მოლარეებზე გაასაღა ორ-ორი ცალი ყალბი 500 ევროიანი კუპიურა, რაც ამოღებულია. ხოლო იმავე დღეს ჩატარებული ე.მ.-ს პირადი ჩხრეკისას დამატებით ამოღებულია კიდევ ორი ცალი ყალბი 500 ევროიანი კუპიურა. გამოკვლეული მტკიცებულებებით ასევე დადგინდა, რომ ა.ა.-მ შემდგომი გასაღების მიზნით შეიძინა და 2019 წლის 15 მაისის ჩათვლით ინახავდა 10 ცალ ყალბ 500 ევროიან კუპიურას. სამართალდამცველების მიერ საერთო ჯამში ამოღებულ იქნა 10 000 ევროს ოდენობის 20 ცალი ყალბი 500 ევროიანი კუპიურა. სამართალდამცველებმა ე.მ. და ა.ა. 2019 წლის 15 მაისს ქ.თბილისში დააკავეს. ე.მ.-ს ბრალდება სისხლის სამართლის კოდექსის 212-ე მუხლის მე-2 ნაწილის „ა" ქვეპუნქტით (ყალბი ვალუტის შეძენა, შენახვა გასაღების მიზნით და გასაღება, წინასწარი შეთანხმებით ჯგუფის მიერ (4 ეპიზოდი)), ხოლო ა.ა.-ს 212-ე მუხლის მე-2 ნაწილის „ა" ქვეპუნქტით (ყალბი ვალუტის შეძენა და შენახვა გასაღების მიზნით, დიდი ოდენობით, წინასწარი შეთანხმებით ჯგუფის მიერ) წარედგინა და აღკვეთის ღონისძიების სახით პატიმრობა შეეფარდათ. თბილისის საქალაქო სასამართლომ ე.მ. და ა.ა. დამნაშავედ ცნო წარდგენილ ბრალდებაში და ორივეს სასჯელის სახედ და ზომად 7 წლით და 6 თვით თავისუფლების აღკვეთა განუსაზღვრა. ... ...
საქართველოს ბანკი მთელი რეგიონის მასშტაბით უპრეცენდენტო, ინოვაციური პროდუქტების დანერგავს განაგრძობს 17 თებერვალი, 2020- საქართველოს ბანკი მთელი რეგიონის მასშტაბით ინოვაციურ პროდუქტებს ნერგავს. ბანკმა ჯერ კიდევ 2019 წელს 2020 წელი ინოვაციების წლად გამოაცხადა და მთელს რეგიონში პირველად გახადა შესაძლებელი მეტროში ე.წ. Face Recognition–ით იგივე, „ღიმილით გადახდა“. მეორე ინოვაცია კი რის დანერგვაზეც ბანკი აცხადებს, ეს სრულიად ახალი პროდუქტი- სმარტფონის გატერმინალებაა. გატერმინალება ნიშნავს, რომ ანდროიდის ტელეფონი გადახდის ტერმინალი ხდება. ახალი პროდუქტის მეშვეობით მომხმარებელი გადახდას შეძლებს ყველგან, იქაც კი, სადაც მანამდე მხოლოდ ნაღდი ანგარიშსწორება ხდებოდა. გადახდის ახალი სისტემის საშუალებით მომხმარებელი და ბიზნესის წარმომადგენელი შეძლებს გადახდები უნაღდო ანგარიშსწორებით განახორციელონ და აღარ იფიქრონ ხურდის მოძიებაზე. სიახლე განსაკუთრებით უწყობს ხელს ბიზნესს, მეწარმეს, რომელიც გადახდების მიღებას მისი კუთვნილი ტელეფონით შეძლებს. რაც კიდევ უფრო მოსახერხებელი, მარტივი, მოქნილი და სწრაფია. გადახდის განხორციელება შესაძლებელია ნებისმიერი ბანკის (Visa და MasterCard) ბარათით. ასევე, Apple Pay-თ და Tskapp აპლიკაციის მეშვეობით. ამისთვის საჭიროა საბანკო ბარათის ან ტელეფონის მხოლოდ ერთი შეხება. იმისათვის რომ მეწარმემ, მცირე ბიზნესმა გამოიყენოს ეს ინოვაცია, ამისათვის საჭიროა, Android 5.0 და ზემოთ სისტემის ტელეფონი, რომელსაც NFC მხარდაჭერა ექნება. ბიზნესის წარმომადგენლებს, ვისაც არ აქვს შესაბამისი მახასიათებლების მქონე ტელეფონი, თუმცა სურს ინოვაციით სარგებლობა, ბანკი ანდროიდის ტელეფონს მათ დროებით სარგებლობაში გადასცემს. ინოვაციური გადახდის სისტემით სარგებლობა მარტივია. საჭიროა მხოლოდ Google Play store-იდან ჩამოტვირთოთ აპლიკაცია სახელით: Terminali. გადახდის ახალი სისტემა არის ინოვაციური პროდუქტი, რომლის ანალოგიც რეგიონის მასშტაბით არ არის დანერგილი. საქართველოს ბანკი არის პირველი ბანკი, რომელმაც ეს სიახლე დანერგა. „საქართველოს ბანკი მუდმივად ზრუნავს, საკუთარ მომხმარებელს კიდევ უფრო მეტი კომფორტისთვის ინოვაციური პროდუქტები თუ სერვისები შესთავაზოს. ჩვენ ჯერ კიდევ წინა წელს განვაცხადეთ ჩვენი მომხმარებლისათვის ინოვაციური პროდუქტების მთელ სერიის შეთავაზებაზე და ჩვენ ამ დანაპირებს ვასრულებთ. მოხარულები ვართ, რომ ჩვენ აქტიურ რეჟიმში წარვადგენთ მომხმარებლისა თუ ბიზნესის ინტერესებზე მორგებულ სრულიად ინოვაციურ პროდუქტებს. საქართველოს ბანკი 2 მილიონზე მეტ მომხმარებელს ემსახურება, რაც დიდი პასუხისმგებლობაა და სწორედ ამიტომ, ჩვენთვის მნიშვნელოვანია, ოპერატიულად ვუპასუხოთ მომხმარებლის მუდმივადცვალებად მოთხოვნებს და ამავდროულად, ხელი შევუწყოთ ბიზნესს მის სამომავლო განვითარებაში“, - აცხადებენ საქართველოს ბანკში. ... ...
,,საზოგადოებრივი მაუწყებელი ეკუთვნის საზოგადოებას"_ აქცია ჭადრების ბაღშიდღეს ოზურგეთში, ჭადრების ბაღში მედიასაშუალებების, არასამთავრობო სექტორისა და ოპოზიციის წარმომადგენლები შეიკრიბნენ და ტელეკომპანია აჭარის ჟურნალისტებს სოლიდარობა გამოუცხადეს. ,,საზოგადოებრივი მაუწყებელი ეკუთვნის საზოგადოებას," ,,სოლიდარობა აჭარის საზოგადოებრივი მაუწყებლის ჟურნალისტებს"- ეს იყო ის ძირითადი სლოგანი, რაც დღევანდელ აქციაზე გაჟღერდა. აქციის ორგანიზატორი „გურია ნიუსის“ ჟურნალისტი, გიორგი გირკელიძეა. როგორც გირკელიძემ განაცხადა, მედიასთან დაპირისპირებით გამარჯვებული არავინ რჩება. ,,დღეს სოლიდარობა გამოვუცხადეთ აჭარის ტელევიზიის ჟურნალისტებს, რადგან ნათელია, რომ არსებობს სარედაქციო პოლიტიკის შეცვლის მცდელობა. 30 წელია ერთ წრეზე დავდივართ. არაერთხელ გვინახავს დაპირისპირება მედიასთან. ერთხელ და სამუდამოდ უნდა დასრულდეს მსგავსი ქმედებები. მედიასთან დაპირისპირებით გამარჯვებული არავინ რჩება“,_ განაცხადა ... ...
კახა გოგოლაშვილი : ,,ასოცირების დოკუმენტის ჩავარდნა ძალიან ცუდი პრეცედენტია, რაც არ გვაწყობს“13 თებერვალს, საქართველო-ევროკავშირის ასოცირების კომიტეტის სხდომაზე, ასოცირების ერთობლივ დეოკუმენტზე ვერ შეთანხმების გამო, რეზოლუცია ჩავარდა. რომლის მხარდასაჭერად ორივე მხარის, ევროპარლამენტისა და საქართველოს პარლამენტის დეპუტატების უმრავლესობის ხმები იყო საჭირო. ოპოზიცია აღნიშნულ ფაქტს "უპრეცენდენტო კრახს" უწოდებს, ევროპარლამენტარი მარკეტა გრეგოროვას თქმით, ეს არის ევროკავშირიდან, საქართველოს მთავრობისთვის გაგზავნილ სიგნალი თუ რას ნიშნავს ასოცირების დოკუმენტი, მისი ჩავარდნა და რა გავლენა შეიძლება მოახდინოს საქართველოს ევროინტეგრაციის პროსზე, ,,გურია ნიუსი“ აღნიშნულ თემასთან დაკავშირებით, ევროპული კვლევების ცენტრის დირექტორს კახა გოგოლაშვილს ესაუბრა ბატონო კახა, რა დოკუმენტი იყო, რომელის მიღება ასოცირების კომიტეტზე ვერ მოხერხდა? ერთობლივი დოკუმენტი ყოველ წელს მიიღება, სადაც საქართველოს და ევროპარლამენტის დელეგაცია ერთმანეთს წელიწადში ერთხელ ხვდებიან. დოკუმენტში მიმოიხილავენ, ხოლმე ძირითად საკითხებს, რომელიც ეხება შეთანხმების განხორციელებას, იმპლემენტაციას. არის, ასევე ხოლმე რამოდენიმე ნაწილი: პოლიტიკური ნაწილი, თუ როგორ გატარდა რეფორმები და რა შეფასებებს იძლევიან, ეკონომიკური ნაწილი, სურსათის უვნებლობაბაში გატარებული რეფორმები და სხვა, რომელიც გათვალისწინებულია ასოცირების შეთანხმებით. დოკუმენტის ფარგლებში, ასევე განიხილება და აღნიშნავენ სხვადასხვა სახის თანამშრომლობას სხვადასხვა მიმართულებით. მაგ: უსაფრთხოების, ენერგეტიკის და სხვა სფეროებში, თუ რა მნიშვნელოვანი რეფორმები კეთდება ამ მიმართულებით. წინასწარ განსაზღვრა, დეკლარაციაში თუ რა ეწერებოდა შეუძლებელია, მაგრამ ფაქტია, რომ დოკუმენტში მიმოხილულია ქვეყანაში არსებული პოლიტიკური მოვლენები. წლევანდელი რეზოლუცია გარკვეული პუნქტების გამო ჩავარდა, რადგან ევროპარლამენტარებს უნდოდათ, რომ კრიტიკა ყოფილიყო, ეს ეხებოდა საქართველოში დაკავებებს, სასამართლო რეფორმის საკითხებს და პროპორციული არჩევნების დაპირების არ შესრულებას. მათ გარკვეული კრიტიკა ჰქონდათ მომზადებული, რომელსაც ქართული მხარე არ დაეთანხმა, ესენი იყვნენ უმრავლესობის წარმომადგენლები, რომელთან თანხმობის გარეშე დეკლარაციას ვერ მიიღებდნენ. დოკუმენტის ჩაგდება აღმოსავლეთის პარტნიორობაზე ნეგატიურად ხომ არ აისახება? არა, ამას გავლენა არ ექნება, მაგრამ არ არის სასიამოვნო ფაქტი, რადგან საქართველო ითვლება ლიდერად აღმოსავლეთ პარტნიორობის ქვეყნებში, ამას კი ექნება ცუდი რეზონანსი, რადგან იტყვიან, რომ ასოცირების დოკუმენტი ვერ მიიღეს, იმიტომ, რომ დოკუმენტში კრიტიკის საფუძვლები იყო. ოპოზიცია ამბობს, რომ უპრეცედენტო შემთხვევაა, ასევე ევროპარლამენტარი მარკეტა გრეგოროვს თქმით, ეს არის სიგნალი საქართველოს მთავრობისთვის... რათქმაუნდა, ეს სიგნალია საქართველოს ხელისუფლებისთვის. ეს არის ცუდი სიგნალი, რადგან ჩვენ გეზი გვაქვს აღებული ევროკავშირში ინტეგრაციზე, ესე იგი ჩვენთვის მნიშვნელოვანია ყველა შესაძლებლობის გამოყენება და წინ სვლა, ესეთი ექსესების შემდეგ პროგრესი შეიძლება შეჩერდეს. ის რომ, ვთქვათ ევროკავშირთან ურთიერთობები შეწყდბა ან დამოკიდებულება შეიცვლება, არა ესე არ იქნება, მაგრამ პრესპექტივა ნაკლებად დარჩება იმისა, რომ ჩვენ რაღაც ახალი მივიღოთ ევროკავშირიდან. ძალიან ცუდი პრეცედენტია, რაც ჩვენ არავითარ შემთხვევაში არ გვაწყობს. მსგავსი ფაქტი თუ ყოფილა სხვა ქვეყნებთან დაკავშირებით? ასოცირებული ქვეყნები საქართველოსთან ერთად არის მოლდოვა და უკრაინა და მე არ მახსენდება მსგავსი ფაქტი. რაც შეეხება აღმოსავლეთ პარტნიორობის შეთანხმებას, მანდ რა თქმა უნდა მომხდარა, რუსეთთან, რომელთანაც საერთოდ შეაჩერეს შეთახნმება. მორიგი შეხვედრა როდის გაიმართება და თუა შესაძლებელი ხელახლა წარდგენა? წელიწადში ერთხელ არის შეხვედრა, ამ დოკუმენტს ან იღებენ, ან არა. მეტი შეხვედრა წელს არ იქნება. ასოცირების კომიტეტის შეხვედრა ქმნის რამოდენიმე ორგანოს საქართველოსა და ევროკავშირს შორის. ერთია ასოცირების საბჭო, ეს არის ორგანო სადაც იკრიბება მთავრობები, სადაც საქართველოს მთავრობის წარმომადგენლები ხვდება ევროკავშირის მთავრობის წარმომადგენლებს, მინისტრების დონეზე. მეორეა ასოცირების კომიტეტი, აქ კი მაღალი რანგის თანამდებობის პირების შეხვედრაა, რომელიც ასევე აღმასრულებელ ხელისუფლებას ეხება, ევრკოვაშირიდან კი ევროკომისიას და ასევე, არის ასოცირების საპარლამენტო კომიტეტი, სადაც პარლამენტის დელეგაციები იკრიბება, ეს არის იმისთვის, რომ ყოველ წელიწადში ერთხელ განიხილონ ასოცირების შეთანხმებაში მიღწეული პროგრესი ან ნაკლოვანებები და მიღონ შესაბამისი გადაწყვეტილებები. ესეთი კრიტიკული დეკლარაციები მიუღიათ და ორივე მხარე დათანხმებულა, უბრალოდ დასანანია, რომ წელს ვერ მოხდა კომპრომისული ვარიანტის მიღება, იმიტომ, რომ როგორც წესი, დელიკატურად მიუთითებენ ხოლმე შენიშვნას. ამას კი, საბოლოო ჯამში იღებენ, ამ შემთხვევაში კი საკმაოდ პირდაპირი შენიშვნა იყო მითითებული, რომელიც უმრავლესობამ მიიღო და საბოლოო ჯამში ... ...