თინა ხიდაშელი: "პუტინი უკრაინით არ დაკმაყოფილდება"

gurianews.com

პოლიტიკა

თინა ხიდაშელი: "პუტინი უკრაინით არ დაკმაყოფილდება"

2015 ივლ 2 15:11:33

შვეიცარიულ გერმანულენოვან გამოცემაში „ციურიხის ახალი გაზეთი“ (Neue Zürcher Zeitung) საქართველოს თავდაცვის მინისტრის თინათინ ხიდაშელის ინტერვიუ გამოქვეყნდა.

"თინათინ ხიდაშელი პირველი ქალი თავდაცვის მინისტრია საქართველოდან რომელიც გვაფრთხილებს, რომ მეზობელი ქვეყნების წინააღმდეგ რუსული აგრესია კვლავ გაგრძელდება, თუ ამას დასავლეთი წინ არ აღუდგება. 42 წლის იურისტი საქართველოს თავდაცვის სამინისტროს მიმდინარე წლის მაისიდან ხელმძღვანელობს.

წარსულში ის ადამიანის უფლებების აქტიური დამცველი და „ვარდების რევოლუციის“ ერთ-ერთი მამოძრავებელი ძალა იყო. თინათინ ხიდაშელი ლიბერალური „რესპუბლიკური პარტიის“ წევრია. მან ლიბერალთა საერთაშორისო ფორუმში მიიღო მონაწილეობა.

_ ქალბატონო მინისტრო, თქვენ მაისიდან საქართველოს თავდაცვის სამინისტროს ხელმძღვანელობთ. ეს ხომ უჩვეულოა ადამიანის უფლებების დამცველისთვის...

_ მე და ჩემი მეგობრები, როგორც ადამიანის უფლებების დამცველები და კორუფციის წინააღმდეგ მებრძოლები, აქტიურად ვიყავით ჩართულები 2003 წლის „ვარდების რევოლუციის“ მოვლენებში. თუმცა, გვსურდა დამოუკიდებლები დავრჩენილიყავით. 2004 წელს „რესპუბლიკური პარტიის“ წევრი გავხდი. იმავე დღეს, პრეზიდენტმა მიხეილ სააკაშვილმა კონსტიტუციაში ცვლილებები შეიტანა, რომლითაც მისი ძალაუფლება მნიშვნელოვნად გაიზარდა და პრაქტიკულად მეფედ მოგვევლინა.

ლიბერალური პრინციპებიდან გამიმდინარე, ჩვენი პარტია ამ ცვლილებებს დაუპირისპირდა და სამთავრობო კოალიცია დატოვა. ყველაფერი ასე დაიწყო. 2006 წლიდან არჩევნებში ვმონაწილეობდი. ახლა კი აქ ვარ.

_ როგორც თავდაცვის მინისტრს, ალბათ გაწუხებთ, რომ რუსეთი აღმოსავლეთ უკრაინაში ომს აწარმოებს. შვიდი წლის წინ რუსეთის სამიზნე საქართველო იყო...

_ ეს საკითხი არა მხოლოდ მე, არამედ, ყველა ქართველს აწუხებს. სამწუხაროდ, დღესაც საომარ მდგომარეობაში ვიმყოფებით. მიუხედავად იმისა, რომ ბრძოლები არ მიმდინარეობს, ყოველდღიურად იტაცებენ საქართველოს ოკუპირებული რეგიონების მოსაზღვრე სოფლებიდან მოსახლეობას. ოკუპირებული რეგიონების მიმდებარე ტერიტორიებზე მავთულხლართებს ავლებენ.

_ უფრო კონკერტულად როგორ ახორციელებენ მსგავს ქმედებებს?

_ ძირითადად ოკუპირებული სამხრეთ ოსეთის ტერიტორიიდან. ამ რეგიონში რუსული სამხედრო ბაზაა განთავსებული. სამხრეთ ოსეთი საქართველოს შუაგულში მდებარეობს. აღნიშნულ ტერიტორიას ქვეყნის ცენტრალურ გზატკეცილამდე სულ რაღაც 10-20 წუთი, დედაქალაქ თბილისამდე კი ერთი საათი აშორებს.

_ რას აკეთებთ ამ ყველაფრის წინააღმდეგ?

_ კონფლიქტურ ტერიტორიაზე მხოლოდ უსაფრთხოების ძალები მუშაობენ. თავდაცვის სამინისტრო ამაში ჩართული არ არის. 2008 წლის 12 აგვისტოს ცეცხლის შეწყვეტის ხელშეკრულების თანახმად, კონფლიქტურ ზონებში ჩვენი სამხედრო მოსამსახურეები არ იმყოფებიან. რუსეთი კი შეთანხმებას მუდმივად არღვევს.

_ საქართველოსა და უკრაინაში არსებულ მდგომარეობას შორის გარკვეული მსგავსებაა. ორივე ქვეყანაში რევოლუციის შემდეგ დემოკრატიული პროცესები დაიწყო, რის შემდეგაც საქართველო და უკრაინა რუსეთის თავდასხმის ობიექტად იქცნენ. ასე ხედავთ მოვლენებს?

_ დიახ, ჩვენსა და უკრაინის „ნარინჯისფერ რევოლუციებს“ შორის ერთი წელია განსხვავება. ჩვენ ბევრი რამ გვაახლოებს. ჯერ კიდევ საბჭოთა კავშირის პერიოდში საქართველოსა და უკრაინას განსაკუთრებული ურთიერთობა ჰქონდა. ჩვენ, ორი ქვეყანა ვგრძნობდით, რომ იმპერიიისგან ერთსა და იმავე ზეწოლას განვიცდიდით.

_ თანამშრომლობთ უკრაინასთან?

_ სამხედრო მიმართულებით არა, მაგრამ საქართველო უკრაინის მხარდამჭერია და ჰუმანიტარული და სამედიცინო კუთხით მნიშვნელოვან დახმარებას უწევს. ამჟამად მიმდინარეობს მოლაპარაკებები ომში დაშავებულების მკურნალობის თაობაზე. ავღანეთის საერთაშორისო მისიაში სამხედრო მოსამსახურეების ჩართულობიდან გამომდინარე, ამ კუთხით გარკვეული გამოცდილება გვაქვს.

_ რით განსხვავდება ორი ქვეყნის მდგომარეობა ერთმანეთისგან?

_ ვფიქრობ, 2008 წელს ჩვენ მსოფლიო ვერ გამოვაფხიზლეთ. დარწმუნებული ვარ, მაშინ საქართველოს ხელისუფლებას დახმარება რომ ეთხოვა და მსოფლიოს საზოგადოებას ეს გაეთვალისწინებინა, დღეს უკრაინა ომს თავიდან აიცილებდა. ჩვენ ნორმალურ მდგომარეობას თითქოს ძალიან სწრაფად დავუბრუნდით. უკრაინის შემთხვევაში განსხვავებული სიტუაციაა. იქნებ ამჯერად მეზობლებთან მიმართებაში რუსეთის განზრახვებთან დაკავშირებით ეჭვები აღარ გაჩნდეს.

_ რა სურს რუსეთის პრეზიდენტს ვლადიმერ პუტინს?

_ აქ გამოსაცნობი და მისახვედრი არაფერია. ბატონი პუტინი ყველაფერზე ნათლად მიანიშნებს. სიტყვით გამოსვლისას, პუტინს ისიც აქვს ნათქვამი, რომ მეოცე საუკუნის ყველაზე დიდ კატასტროფად საბჭოთა კავშირის დაშლა მიაჩნია. მას უსაუბრია უარყოფით მხარეებზე, რაც საბჭოთა კავშირის დაშლის შემდეგ ქვეყნების დამოუკიდებლობამ მოიტანა.

ეს კაცი ყოველთვის ამბობს, რას ფიქრობს. პრობლემა ის არის, რომ ჩვენ მას სათანადოდ, სწორად არ ვუსმენთ ან ბოლომდე არ გვჯერა, რასაც ამბობს. რასაც პუტინი დღეს აკეთებს, მოკლედ ასე შეიძლება ჩამოვაყალიბოთ - ის ცდილობს ზეწოლითა და რეპრესიებით ჩაახშოს დამოუკიდებელი ქვეყნების მისწრაფებები. პუტინს კონკრეტული დღის წესრიგი აქვს. მან იცის, რას აკეთებს. რატომ დაიწყო პირდაპირ ომი? იმიტომ რომ დარწმუნებული იყო, ხალხი ამის საშუალებას მისცემდა.

_ თქვენი პასუხი რუსეთის მუქარაზე დასავლეთთან ინტეგრაცია და ურთიერთობის გაღრმავებაა, ნატოში ინტეგრაცია კვლავ რჩება საქართველოს ამოცანად?

_ რა თქმა უნდა, საქართველოსთვის დღეს ეს ყველაზე აქტუალური საკითხია. ნატო მშვიდობისმყოფელი ორგანიზაცია უფროა, ვიდრე სამხედრო. ბალტიისპირეთის ქვეყნები ნატოს წევრები რომ არ გამხდარიყვნენ, პუტინი მათზე მიიტანდა იერიშს და არა უკრაინაზე. რუსეთი მსგავს მოქმედებებს მხოლოდ მაშინ შეწყვეტს, როდესაც დარწმუნდება, რომ დასავლეთის ცივილიზებული სამყარო მასთან ომში ჩაერთვება. ევროპაში მასთან საომრად მზად არ არიან; თუმცა უკრაინის სახით ევროპაშიც ომია.

_ როდის გახდება საქართველო ნატოს წევრი?

_ 2008 წელს ბუდაპეშტში მიღებული გადაწყვეტილების თანახმად, საქართველო ნატოს წევრი გახდება. მომდევნო სამიტზე, რომელიც 2016 წელს ვარშავაში გაიმართება, ჩვენ სწორედ ამას მოვითხოვთ. საქართველოს ხელისუფლების პოზიცია ნათელია.

დამატებით პირობებზე მოლაპარაკებებსა და ვაჭრობას არ ვაპირებთ. ტექნიკური მოთხოვნები შევასრულეთ. საქმე გვაქვს პოლიტიკურ გადაწყვეტილებებთან. მე ვერანაირ საფუძველს ვერ ვხედავ, რაც ამ გზაზე უკან დაგვახევინებდა.

_ რიგაში, აღმოსავლეთ პარტნიორობის სამიტზე, საქართველოსთვის ვიზის ლიბერალიზაციის მოლოდინი გქონდათ, მაგრამ ასე არ მოხდა...

_ ვიზის ლიბერალიზაციას წლის ბოლოსთვის დაგვპირდნენ, როდესაც რამდენიმე ტექნიკურ პუნქტს, სავიზო რეჟიმის ლიბერალიზაციის სამოქმედო გეგმის მოთხოვნებს შევასრულებთ, მათ შორის მიგრაციის კანონის გაუმჯობესებაც იგულისხმება.ევროკავშირს საფუძვლიანი და სამართლიანი მოთხოვნები ჰქონდა.

_ არსებობს დასავლურ საზოგადოებაში საქართველოს მიღების პოლიტიკური ნება თუ დასავლეთმა საქართველოსთვის მეტი უნდა გააკეთოს?

_ თბილისში ჩემი საცხოვრებელი ბინის ფანჯრიდან კავკასიონს ვხედავ. კარგი ხილვადობის პირობებში რუსული დროშების დანახვაც შესაძლებელია. გულწრფელად ვფიქრობ და ვამბობ, რომ დასავლეთმა საქართველოსა და უკრაინისთვის მეტი უნდა გააკეთოს.

ჩვენ არ ვითხოვთ, რომ ჯარისკაცებმა საქართველოში იბრძოლონ ან მოსკოვში ბომბები ისროლონ. უბრალოდ, ვამბობთ, პოლიტიკური ნება გამოხატონ და გვაჩვენონ, რომ ჩვენი გვერდით ყოფნა ნამდვილად სურთ.

_ თუ საქართველო დასავლეთთან მეტად ინტეგრაციას ვეღარ მოახერხებს, ეს პრორუსული ძალების გაძლიერებას გამოიწვევს?

_ არა, საქართველოს რუსეთის ნოსტალგია არ აქვს - ასეთია უმრავლესობის პოზიცია. თუმცა, პროდასავლური ძალების გარკვეული უკუსვლა შეიმჩნევა. ამ ფონზე, გაურკვეველი პოლიტიკური ძალები ჩნდებიან ხოლმე.

ზოგადად, არა მხოლოდ ევროატლანტიკურ ინტეგრაციაზე ვსაუბრობთ, არამედ, ქვეყანაში მიმდინარე რეფორმებზე, რომელიც უნდა გაგრძელდეს, მათ შორის, მედიის თავისუფლების სფეროში და სასამართლო სისტემაში.

_ რა როლს ასრულებს აშშ?

_ აშშ საქართველოს ყველაზე მნიშვნელოვანი სტრატეგიული პარტნიორია. ქვეყანა მადლიერია იმ მხარდაჭერისთვის, რასაც აშშ ჩვენს მიმართ გამოხატავს. რთულ წლებში ამერიკიდან ბევრი ჰუმანიტარული დახმარება მივიღეთ. ვთანამშრომლობთ განათლების სფეროში. აშშ სამხედრო მიმართულებითაც მნიშვნელოვან დახმარებას გვიწევს.

_ ახლახან ვსაუბრობდით, რომ ევროპამ უკრაინისთვის მეტი უნდა გააკეთოს. ჩვენმა ერთ-ერთმა მკითხველმა კი მოგვწერა, რომ ევროპა სხვა ქვეყნების საქმეებში არ უნდა ერეოდეს. რას უპასუხებდით მას?

_ თუ მოვლენები ასე განვითარდება, რუსეთი უკან არ დაიხევს. ასეთ დროს რუსეთი ამოიცნობს „სუსტებს,“ ხედავს, რომ წინ მარტივი თამაში აქვს.

2008 წლის ომის შემდეგ არავის სურდა იმის დაჯერება, რომ რუსეთის მომდევნო სამიზნე უკრაინა იქნებოდა. საერთაშორისო პარტნიორები გვეუბნებოდნენ, რომ ჩვენ გვეჩვენებოდა, მაგრამ ეს მოხდა.

საკითხს პოლიტიკური კუთხით რომ შევხედოთ, ეს არის ბრძოლა ცივილიზებული სამყაროს წინააღმდეგ. პუტინი ამბობს: ჩემი წესებია - კორუფცია, ტირანია, საერთაშორისო სამართლის პრინციპების უპატივცემულობა. რუსეთი უკრაინით არ დაკმაყოფილდება.

ეს არის ჩემი პასუხი თქვენი მკითხველის მოსაზრებაზე.

ავტორები: მატიას კნეხტი, ვიქტორ მერტენი

ნახვა: 43


 ახალი ამბები
  • გაიმართება თუ არა წელს „გომისმთობა“ და „შემოქმედობა“ბოლო წლებში ოზურგეთის მუნიციპალიტეტის კურორტ გომის მთაზე “გომისმთობა“ აგვისტოს დასაწყისში აღინიშნებოდა. “გურია ნიუსი“ ოზურგეთის მუნიციპალიტეტის მერიის განათლების, კულტურის, სპორტის და ახალგაზრდულ  საკითხთა სამსახურის უფროსს მარინა ჯაფარიძეს დაუკავშირდა და დაინტერესდა, ჩატარდება თუ არა წელს კურორტზე სპორტული და კულტურული ღონისძიებები. “ამ ეტაპზე ცნობილია, რომ 21 აგვისტოს არის დაგეგმილი სხვადასხვა ღონისძიებები გომისმთაზე. ზუსტი თარიღი და დრო ამ დღეებში გავრცელდება. უამინდობის გამო, გადავწიეთ თარიღი. ღონისძიებები ადგილობრივი ძალებით გაიმართება“, _ გვითხრა მარინა ჯაფარიძემ. ჩვენ, ასევე, დავინტერესდით სოფლის დღესასწაულების ჩატარებით. ჩვენ მიერ მოპოვებული ინფორმაციით, 2014 წელს აღდგენილი „შემოქმედობა“ აღარ გაიმართება. “რომელიც სოფელიც გამოთქვამს სურვილს, ჩატარდეს კულტურული თუ სპორტული ღონისძიება, აუცილებლად ჩავატარებთ. ვიცი, რომ „ასკანობა“ გაიმართება, ასევე, მიდის საუბარი „შემოქმედობა“ 2018-ის ჩატარებაზე. სოფლის მცხოვრებლები და მერის წარმომადგენლების აქტიურობაზე მოხდება ღონისძიებების ჩატარება. ოღონდ, ყველა ღონისძიება ადგილობრივი ძალებით შედგება. მოწვეული მომღერლები არ იქნებიან, რადგან ძალიან დიდ თანხებთან არის ეს ყველაფერი დაკავშირებული და ამის საშუალება არ აქვს მუნიციპალიტეტს", _ გვითხრა მარინა ... ...
  • რატომ გადაიფიქრა ექიმობა ოზურგეთელმა აბიტურიენტმაოზურგეთის მუნიციპალიტეტის სოფელ შემოქმედის საჯარო სკოლის კურსდამთავრებული, ლადო შაფაქიძე სან-დიეგოს უნივერსიტეტის თბილისის ფილიალში მიიწვიეს და 100%-იანი დაფინანსება შესთავაზეს. “15 წლიდან გადაწყვეტილი მქონდა, რომ ექიმი გავხვდარიყავი და ხალხისთვის საჭირო პროფესია ამერჩია. ძალიან მოულოდნელი აღმოჩნდა, როდესაც დამირეკეს და გასაუბრებაზე დამიბარეს სან-დიეგოს უნივერსიტეტის წარმომადგენლებმა.  მოსაფიქრებელი დრო ცოტა მქონდა. ბიოლოგია-ქიმიის განხრით ვისწავლი და რაც შემიძლია, თავს არ დავზოგავ იმისთვის,რომ ოჯახის, ახლობლების, მეგობრების იმედები გავამართლო. საუკეთესო შედეგების მიღებაში პედაგოგები: ნატალია ვაშალომიძე (ქართული ენა და ლიტერატურა), ეკატერინე ვანიძე (ინგლისური ენა), ანგული სარჯველაძე (ბიოლოგია), ელზა გალოგრე (ქიმია), გიორგი თოიძე (უნარები) დამეხმარნენ. სტუდენტისთვის ძალიან კარგი შემოთავაზება იყო და აქედან გამომდინარე, მივიღე ეს გადაწყვეტილება“, _ გვითხრა ლადო შაფაქიძემ. ლადო შაფაქიძემ ერთიანი ეროვნულ გამოცდებზე საუკეთესო შედეგები ... ...
  • სტუდენტური ცხოვრება ევროპაში და ევროპული სისტემის მომხიბვლელობაგზად მიმავალს, ნორვეგიიდან ჩამოსული, ჩვენი მკითხველისთვის კარგად ცნობილი პერსპექტიული ახალგაზრდა _ ნინო ჯიბუტი შემხვდა. მასთან საუბრის შემდეგ გამყვა ფიქრი, რომ არსებობენ აქტიური ახალგაზრდები, რომლებიც ძალისხმევას არ იშურებენ, კარიერული და პროფესიული ზრდისთვის, ნინო კი ამის ნათელი მაგალითია. გზა მოსწავლეობიდან სამაგისტრო სტიპენდიის მოპოვებამდე მიზნის მიღწევის სურვილით, უდიდესი შრომისმოყვარეობითა და მუდმივად ახლის ძიებით არის განვლილი. _ ნინო, მომიყევი შენი სამაგისტრო პროგრამის შესახებ... _ თბილისის სახელმწიფო უნივერსიტეტში სოციალური მუშაობის ბაკალავრის ხარისხის მოპოვებისა და ერთწლიანი სამუშაო პაუზის შემდეგ მიზნად დავისახე საერთაშორისო მაგისტრის ხარისხი მომეპოვებინა, წარმატებამაც არ დააყოვნა და  სრული სტიპენდიით ევროკავშირის დაფინანსებულ სამაგისტრო პროგრამაზე მოვხვდი ამავე მიმართულებით, რომელიც ითვალისწინებს თითო სემესტრით სწავლას პორტუგალიაში, ნორვეგიასა და შვედეთში, პარალელურად ადგილობრივ ორგანიზაციებში სტაჟირების გავლას. პროგრამის პირველი წელი წარმატებით დავასრულე, მომდევნო  და დასკვნით წელს კი შვედეთში გავატარებ. ერასმუს მუნდუსი არის სასტიპენდიო პროგრამა, რომელიც საშუალებას აძლევს მსოფლიოს სხვადასხვა ქვეყანაში მცხოვრებ ახალგაზრდებს, მიიღონ ევროპული განათლება, გაიღრმავონ პროფესიული ცოდნა, მიეჩვიონ დამოუკიდებელ ცხოვრებას და ისწავლონ მასპინძელი ქვეყნების კულტურის შესახებ. ჩემს პროგრამაში 1000 აპლიკანტიდან დაფინანსება 14-მა მონაწილემ მოიპოვა, საქართველოდან კი წილად ეს პატივი მე მხვდა. _ როგორ შეაფასებდი განვლილ წელს, რა მოგცა ერასმუსის პროგრამამ? _ განვლილი წელი ძალიან საინტერესო იყო, უდიდესი ცხოვრებისეული და პროფესიული გამოცდილება მივიღე, შევიძინე არაჩვეულებრივი მეგობრები და პროფესიული კონტაქტები. კიდევ უფრო საინტერესო წელი მელოდება წინ, თუმცა, დამოუკიდებლად ცხოვრებისა და სწავლის გამოცდილება ჯერ კიდევ ამერიკაში მივიღე 2010-2011 წლებში მომავალ ლიდერთა გაცვლითი პროგრამა FLEX -ის საშუალებით. მოგვიანებით კი, ბაკალავრიატზე 2014-2015 წლებში პრაღის ჩარლზის უნივერსიტეტში ვსწავლობდი. ერასმუსის სამაგისტრო პროგრამა ჩემთვის მაინც ახალი გამოწვევა იყო, თუმცა, სიახლეებით სავსე წელმა მოლოდინს გადააჭარბა. გარდა იმისა, რომ პროგრამა სწავლის საშუალებას იძლევა სხვადასხვა ქვეყნების წამყვან უნივერსიტეტებში, ასევე არაჩვეულებრივი შანსია შეხვდე საინტერესო ადამიანებს, ისწავლო პრაქტიკულად და იმოგზაურო. _  როგორია სტუდენტური ცხოვრება ევროპაში? _ ევროპული განათლება სტუდენტის ინტერესებზე მორგებულია, ფოკუსი კრიტიკულ აზროვნებაზე კეთდება. უსაზღვრო რესურსი და მაღალი ხარისხის განათლება ქმნის ევროპულ სისტემას მომხიბვლელს სხვა ქვეყნის სტუდენტებისთვის. პროფესორები ძალისხმევას არ იშურებენ, რათა ყველა სტუდენტის ინდივიდუალური სურვილი და ინტერესის სფერო გათვალისწინებული იყოს სასწავლო გეგმის შემუშავების პროცესში. განათლების სისტემის მნიშვნელოვანი ნაწილია, ასევე, უკუკავშირი, სადაც სტუდენტებს საშუალება აქვთ, თავიანთი წვლილი შეიტანონ საუნივერსიტეტო სისტემისა თუ მიდგომის დახვეწის საკითხში. ძლიერია სტუდენტური გაერთიანება, რომელიც ძალიან ბევრ ღონისძიებას მართავს სტუდენტებისთვის. ნორვეგიაში სწავლისას ჩემი ინიციატივითა და უნივერსიტეტის ფინანსური მხარდაჭერით, ღონისძიება ჩავატარეთ სახელად _ "ვზეიმობთ მრავალფეროვნებას", სადაც სხვადასხვა ქვეყნების სტუდენტებმა თავიანთი სამზარეულო, ტრადიციები, კოსტუმები და კულტურა გააცნეს ნორვეგიელ სტუდენტებსა და პროფესორებს. აღნიშნული ღონისძიება მაგალითი იყო იმისა, თუ რამდენად მნიშვნელოვანია, როგორც სტუდენტებმა, ასევე, ჩვენი ქვეყნის ელჩებმა სწორი კუთხით დავანახოთ უცხოელებს საკუთარი ქვეყანა.  _  როგორც ვიცი, ძალიან გიყვარს მოგზაურობა,  მოგეცა საშუალება, გენახა სხვადასხვა ქვეყანა? მოგზაურობა ნამდვილად ძალიან მიყვარს. ვფიქრობ, შესანიშნავი გზაა შეიგრძნო სამყაროს მრავალფეროვნება. მოგზაურობა მეხმარება, ვისწავლო ხალხზე და კულტურებზე, მათ ტრადიციებსა და სამზარეულოზე. ჩემთვის ყოველი ახალი ქვეყანა თავისებურად საინტერესოა. 20-ზე მეტ ქვეყანაში ვარ ნამყოფი, თუმცა, არ შემიძლია არ აღვნიშნო, რომ ჩემზე ისლანდიამ მოახდინა ყველაზე დიდი შთაბეჭდილება. ზოგადად, სკანდინავიის ქვეყნების ხიბლი, ჰუმანური საზოგადოება, ეგალიტარული სისტემა და გენდერული თანასწორობა მოქალაქეებს საშუალებას აძლევს იცხოვრონ ღირსეულად და შექმნან საზოგადოებრივი დოვლათი. _ სამომავლო გეგმებზე რას გვეტყვი... _ მოუთმენლად ველოდები მაგისტრატურის ბოლო წელს შვედეთში. ამჟამად მუშაობა დავასრულე სტატიაზე, რომელიც გამოქვეყნდა საქართველოში ინგლისურენოვან გამოცემა Georgian Journal-ში, სათაურით, "რატომ არის ბავშვებში ინვესტირება მნიშვნელოვანი?" სადაც ვსაუბრობ მშობლებისთვის მოქნილი სადეკრეტო შვებულების უფლებაზე, მამის როლზე ბავშვის აღზრდის პროცესში და ემოციურ კავშირზე მშობლებსა და ბავშებს შორის. აღნიშნულ სტატიაში ვადარებ ნორვეგიისა და საქართველოს შრომით კოდექსებს და ვსაუბრობ რეკომენდაციებზე.ამ ეტაპზე გეგმა საქართველოში დაბრუნებაა სამაგისტრო პროგრამის დასრულების შემდეგ. ამერიკის სახელმწიფო დეპარტამენტის განათლებისა და კულტურის ბიუროს, ამერიკული საბჭოების დახმარებით და სხვადასხვა საერთაშორისო დონორის მხარდაჭერით, ექვსზე წელზე მეტია, არაერთ პროექტს ვაკეთებ მოწყვლადი ფენისთვის საქართველოში. იმედი მაქვს, რომ მასშტაბებს გავზრდი და საინტერესო ინიციატივას შევთავაზებ სამომავლოდ პროექტის ბენეფიციარებს.                                                                                         ქეთევან ... ...
  • "ადმინისტრაციული შენობის წინ ოზურგეთის მერს თავს დაესხნენ""ნაციონალური მოძრაობის" ოზურგეთის ორგანიზაციის თავმჯდომარის, საკრებულოს წევრის, დავით მჟავანაძის ინფორმაციით, ქალაქ ოზურგეთის მერზე, კონტანტინე შარაშენიძეზე თავდასხმა მოხდა: "როგორც ჩემთვის გახდა ცნობილი, აჭის წყლის საქმეზე გუბერნატორის, მერაბ ჭანუყვაძის და კრიმინალების საგანგებო თათბირის შემდეგ, გახორციელდა ქალაქის მერზე თავდასხმა, რომელმაც აღნიშნულ ფაქტთან დაკავშირებით გაჩუმება ამჯობინა. მიმაჩნია, რომ ეს საკითხი არ უნდა დარჩეს რეაგირების გარეშე რადგან კარიერების საქმეზე მერზე თავდასხმა არის არა ერთ კონკრეტულ პირზე, არამედ, სახელმწიფო ინსტიტუტებზე თავდასხმა და მისი მიზანმიმართული ნგრევაა, რამაც შეიძლება გამოიწვიოს კრიმინალების მხრიდან ოზურგეთში ძალაუფლების აღება და კონტროლის დამყარება. ყოველივე ამის გათვალისწინებით, მივმართავ და მოვითხოვ ქალაქის მერისგან, ოზურგეთში ნუ დაუშვებს კრიმინალური დაჯგუფების გაძლიერებას და გამოიყენოს კანონით მინიჭებული ყველა უფლება, რათა არ მოხდეს სახელმწიფო ინსტიტუტების ნგრევის ხარჯზე მათთვის განუსაზღვრელი ძალაუფლების მინიჭება", _ წერს სოციალურ ქსელში დავით მჟავანაძე. მჟავანაძე "გურია ნიუსთან" საუბრისას ამბობს, რომ აღნიშნული ფაქტის შესახებ წყარომ შეატყობინა: _ ვიცი, რომ შემთხვევა ოზურგეთის ადმინისტრაციული შენობის წინ, რამდენიმე დღის წინ მოხდა. ვიცი ისიც, რომ ადამიანები, რომლებიც მერს თავს დაესხნენ, თავდასხმამდე გურიის გუბერნატორთან იმყოფებოდნენ, _ აღნიშნა ჩვენთან საუბრისას მჟავანაძემ. მისივე თქმით, მას მერის ჯანმრთელობის შესახებ ინფორმაცია არ აქვს. ჩვენ შევეცადეთ უფრო მეტი დეტალი ოზურგეთის მერისგან გაგვეგო, თუმცა, შარაშენიძემ ტრადიციას არ უღალატა და "გურია ნიუსის" სატელეფონო ზარებს არ უპასუხა. თემაზე კომენტარი არ გააკეთა გურიის გუბერნატორმა მერაბ ჭანუყვაძემ, რომლის თქმით, "მჟავანაძის აბსურდული განცხადებების საპასუხოდ დროს ვერ დაკარგავს". შინაგან საქმეთა სამინისტროს ინფორმაციით, შეტყობინება იმის შესახებ, რომ მერს თავს დაესხნენ, უწყებაში არ ... ...
  • ბინის გადაცემის სანაცვლოდ თანხის გამოძალვა _ საგამოძებო სამსახურმა ერთი პირი დააკავასაქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებისა და  საგამოძიებო მოქმედებების  შედეგად, მართლსაწინააღმდეგო მისაკუთრების მიზნით, მოქალაქის კუთვნილი ფულადი თანხის მოტყუებით დაუფლების მცდელობის ფაქტზე, ერთი პირი დააკავეს. გამოძიებით დადგინდა, რომ ბრალდებული, დაუკავშირდა საქართველოს ოკუპირებული ტერიტორიებიდან იძულებით გადაადგილებულ პირს, მოიპოვა მისი ნდობა და მოტყუებით დაარწმუნა, რომ 5 000 აშშ დოლარის გადახდის სანაცვლოდ, მაღალი რანგის სხვადასხვა თანამდებობის პირის დახმარებით, საკუთრებაში გადასცემდა თბილისის ზღვის მიმდებარე ტერიტორიაზე, დევნილთათვის განკუთვნილ საცხოვრებელ კორპუსში  არსებულ  4-ოთახიან ბინას. საგამოძიებო სამსახურის თანამშრომლებმა ბრალდებული თანხის ნაწილის - 3 000 აშშ დოლარის აღების ფაქტზე დააკავეს. საქმეზე  გამოძიება მიმდინარეობს  საქართველოს სისხლის სამართლის კოდექსის 180-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ... ...

არქივი

ზაფრანი

საინტერესო ფაქტები წყლის შესახებ

იუნესკოს მონაცემების მიხედვით, დედამიწაზე არსებული...

ალბინოსი მაიმუნი

ის ყველასგან გამორჩეულია, ჩხუბითაც კი...

დაბადების თარიღი და ადამიანის ხასიათი

როგორც ასტროლოგები, ფსიქოლოგები და სხვა...

აშშ-ში „ორიგინალური“ პერანგი გამოიგონეს

ცოტა ხნის წინ ამერიკელი ენთუზიასტების...

„ტომტატო“ _ კარტოფილი, რომელიც პომიდორს ისხამს

ცოტა ხნის წინ ბრიტანელმა ბიოლოგებმა...
კარმიდამო ჩემი

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...

გავამდიდროთ ხაჭაპური ჯიჯილაყას ნარევი გულსართით

მცენარე ჯიჯილაყა, იგივე ამარანტი, რომელსაც...

თევზის ფილეს სალათი

ზეთში შემწვარი თევზის ფილე დავჭრათ...

ბერძნული მუსაკა

მასალა: 1 კგ კარტოფილი; 2...

სუსტი განტოტვის დამაგრება

ხეხილის მოსავლიან ბაღებში, ისეთი უხვი...

დავრგოთ ტირიფი შესაფერის გარემოში

გურიაში ტირიფს ბევრგან შეხვდებით. 600-მდე...

პირველ რიგში ჩასატარებელი სამუშაოები აგვისტოში

აგვისტოში, როგორც ბაღ-ვენახებში, ისე, ბოსტნებში...

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...