ახალი ფრაქციის იდეებისა და ხედვების პრეზენტაცია

პოლიტიკა

ახალი ფრაქციის იდეებისა და ხედვების პრეზენტაცია

2015 ივლ 2 23:00:46

 დღეს "ერთიანი ნაციონალური მოძრაობის" ლანჩხუთის ოფისში, მუნიციპალიტეტის საკრებულოში ახლადშექმნილი ფრაქციის "ლანჩხუთი - ევროატლანტიკური მომავლისათვის" თავმჯდომარემ ელგუჯა ჩხაიძემ და წევრებმა - კახა ასკურავამ და გია გოგუაძემ, ადგილობრივ მედიასთან ბრიფინგი გამართეს. წინდღით განვითარებული მოვლენები  პირველად ელგუჯა ჩხაიძემ შეაფასა.
  "ვთვლი, რომ ჩვენს მიერ გადადგმული ნაბიჯი ფრაქციის შექმნასთან დაკავშირებით მართებული იყო, რადგან ქვეყანას ივანიშვილის და მასთან მიტმასნილი მედროვეების სახით, სტიქია დაატყდა თავს.  იმ ხნის განმავლობაში, რაც კოალიციის წევრი ვიყავი, ვერაფერი ღირებულის გაკეთება ვერ შევძელი. კოალიციის წევრები არ იზიარებდნენ ჩვენს შეხედულებებს, აკეთებდნენ იმას, რაც მოესურვებოდათ, ყველა მათი ქმედება ანტისახელმწიფოებრივი იყო. მიმაჩნია, იმ ადამიანებთან,  ვისთანაც ერთ ფრაქციაში გავწევრიანდი, საერთო ღირებულებები გამაჩნია სახელმწიფოებრივი ხედვის კუთხით. დღეს, მუნიციპალიტეტის როგორც აღმასრულებელი, ისე წარმომადგენლობითი ორგანო, ერთ ხმაში შეთანხმებულად წარმოგვიდგენენ გადაწყვეტილებებს.  800 ათასი ლარით ბიუჯეტის მატება, რომელიც საკრებულოში შემოდის დასამტკიცებლად, სრულიად გაუაზრებელია. სწორედ აქედან გამომდინარე მე გავერთიანდი ამ ადამინების გვერდით. ეს ძალა იქმნება იმისათვის, რომ ერთმა კოალიციამ, ერთმა ბანდამ ლანჩხუთს ვეღარ მოახვიოს თავს საკუთარი გადაწყვეტილებები. მართალია მე გამრიცხეს "თავისუფალი დემოკრატების" რიგებიდან, მაგრამ  შინაგანად ვრჩები  მათი იდეის მიმდევარი.
სამჯერ ერთ თვეში დამიშალეს ფრაქცია. ეს იყო ადამიანების გადაბირება .პირდაპირ გეტყვით, ელისო ჭიჭინაძემ, რომელიც საკრებულოში "თავისუფალი დემოკრატების" სახელით მოვიდა, აღმოჩნდა, რომ სოფლის პროექტი ვინმე ჟორდანიაზე სწორედ მისი რეკომენდაციით გასცა.  არის ეს თუ არა ეს მოსყიდვა?  ზაზა ურუშაძე სვრის ამ ხალხს ბინძურ საქმეებში.
როცა სოსო სარჯველაძემ გადაწყვიტა ჩვენს ფრაქციაში შემოსულიყო,  ამ გადაწყვეტილების მიღებიდან  ერთ საათში, გამგებელმა განახორციელა მასთან ზარი. სწორედ ამის შემდეგ გადაიფიქრა მან ფრაქციაში შემოსვლა. იყო კიდევ ერთი დეპუტატი, შეგნებულად არ ვასახელებ მის სახელს, რომელიც ფიქრობდა "თავისუფალი  დემოკრატების" ფრაქციაში გაწევრიანებას, მაგრამ მასზეც ზეწოლა განხორციელდა.
მიმაჩნია, მიუხედავად პარტიული კუთვნილებისა, საერთო მიზნებისთვის უნდა გავერთიანდეთ და ერთად  ვებრძოლოთ  ბიძინა ივანიშვილს, რომელმაც ხალხი მოატყუა. 2013 წელს, როცა ლანჩხუთში ლელოზე  იმყოფებოდა,  მოსახლეობას შეპირდა, რომ 200 სახლს სახურავს გამოუცვლიდა. ერთი სახლი მაჩვენეთ ლანჩხუთში, რომელიც ივანიშვილმა გადახურა.  სამი ათასი განცხადებაა ამ კუთხით ლანჩხუთის გამგეობაში შესული და რომელი ერთია დაკმაყოფილებული?
"თავისუფალი დემოკრატების" რიგებიდან მაშინ ვიყავი გასარიცხი, როცა ჭიჭინაძემ დატოვა ფრაქცია და სარჯველაძემ უარი თქვა ფრაქციაში შემოსვლაზე.  ეს ყველაფერი ჩემს კრახზე მიანიშნებდა."
კახა ასკურავა:  "მე მინდა ელგუჯას მადლობა გადავუხადო, რადგან მისთვის არ იყო ადვილი ამ გადაწყვეტილების მიღება.  ძალიან ბევრი სუბიექტური თუ ობიექტური მიზეზიდან გამომდინარე, დღეს ჩვენ საერთო ინტერესები გაგვაჩნია. თუ ჩვენს მიერ არ შეიქმნებოდა ფრაქცია, მაშინ ლანჩხუთის საკრებულოს ბიუროში განსხვავებული აზრი აღარ იარსებებდა.  ბიუჯეტში 800 ათასიან ცვლილების შესახებ პრესით გავიგეთ . აი, რამხელა მნიშვნელობა აქვს ბიუროში ადგილს . ჩვენმა ერთობამ უნდა შექმნას განსხვავებული აზრის როგორც დემონსტრირება, ასევე მოსახლეობამდეც მიტანა.
რაც შეეხება "თავისუფალი დემოკრატების" გადაწყვეტილებას,  ელგუჯა ჩხაიძის პარტიიდან გარიცხვის თაობაზე, უბრალოდ არ მესმის ერთი მარტივი მიზეზის გამო -  ჩვენ თვითმმართველობა ვართ მუნიციპალურ დონეზე საკუთარი ინტერესებით, რაც არანაირად არ უნდა აისახებოდეს ცენტრალურ, ფედერალურ დონეზე პარტიულ ურთიერთობებზე.  ჩვენ ხალხმა ადგილზე იმიტომ კი არ აგვირჩია, რომ დიდი პოლიტიკა ვაკეთოთ, არამედ ადგილობრივ მოსახლეობას დავუდგეთ გვერდით, მათი პრობლემებით ვიცხოვროთ და მათი პრობლემები იყოს ჩვენი ინტერესის მთავარი საგანი. ლანჩხუთის ბიუჯეტი ეკუთვნის ლანჩხუთლებს და არა ქართული ოცნების აქტივისტებს. ჩვენი ერთობა რომ არა, იმდენად კარგად აქვთ შეფუთული ყველაფერი, კაციშვილი არ გამოიტანს და არ იტყვის რა ხდება.  სწორედ  ამიტომ დიდი მადლობა ელგუჯა ჩხაიძეს, რომ ეს ყველაფერი  გაითავისა. პირობას ვიძლევი, რომ ეს იქნება ფრაქცია და არა ფიქცია."
"ნაციონალური მოძრაობის" მხრიდან ჩვენს გადაწყვეტილებას არანაირი გართულება არ მოჰყოლია, ზემოდან აბსოლუტურად სწორი მიდგომა იყო და ისინი მიესალმებიან ჩვენს მიერ მიღებულ გადაწყვეტილებას".
გია გოგუაძე:  "თავის დროზე, როცა პირველი საკრებულოს სხდომა ჩატარდა,  იმედი მქონდა, რომ 11 - 20-ზე ვიყავით უმრავლესობა და უმცირესობა.სამწუხაროდ, ისე მოხდა, ამ თერთმეტიდან ვეღარ ვნახე ბევრის გვერდში დგომა. სამარცხვინოა,  დღეს იმ 861 ათასი ლარის შემოტანა, რომელის საბედნიეროდ არ მიიღო საფინანსო-საბიუჯეტო კომისიის თავმჯდომარემ, ალეკო სარიშვილმა და თქვა, რომ მხოლოდ  ა(ა) იპ-ებიდან ექვსთვიანი ხარჯვის მოსმენის შემდეგ მიიღებდა გადაწყვეტილებას.  ჩვენ თავის დროზე არ მივეცით ხმა ბიუჯეტს და მაშინ "ოცნების" ფრაქციის თავმჯდომარემ განაცხადა, - მსიამოვნებს, თქვენ რომ არ ხართ პასუხისმგებელი ამ ბიუჯეტზეო". უმრავლესობამ მოატყუა ხალხი, ვითომ მიიღო ერთი წლის ბიუჯეტი, თურმე, ამტკიცებენ ექვსი თვის ბიუჯეტს. დღეს შემოდიან ეშმაკურად, ვითომ აუცილებელია მატება, სამარცხვინოა რაც ხდება.  ვიღაცამ შეიძლება აპელირება გააკეთოს „გურიის“ თემით, მე ვიყავი ერთადერთი დეპუტატი, რომელიც ყოველთვის ამტკიცებდა ლანჩხუთის „გურიას“ დავეხმაროთო, მაგრამ არა ასე.
მე რამდენჯერმე ვუთხარი გოგი ხელაძეს ნუ იქნები გამგეობისგან  მართული-მეთქი. სირცხვილია, კაცმა აიღო ამხელა ხელფასი და ერთ კუთხეში იყო მიყუჟული, ენა არ ამოიღო იმაზე, რაც დაგვმართა მისმა ასეთმა მოქმედებამ.
ეკონომიკის სამინისტრომ ამ რამდენიმე დღის წინ გამოაცხადა ოთხი კარიერის ტენდერი და საკრებულოს თავმჯდომარესა და გამგებელს წარმოდგენა არ აქვთ ვინაა გამარჯვებული. რაზეა ამის შემდეგ საუბარი. 
ჩვენ ქმედით ნაბიჯებს გადავდგამთ და ყველაფერს მივცემთ თავის მიმართულებას, ვინ განკარგავს ა(ა)იპ-ების ბიუჯეტს, ვინ ხელმძღვანელობენ  სამსახურებს და როგორ, ამას ყველაფერს ეტაპობრივად   გამოვიტანთ სააშკარაოზე.  თუ ამაზე საკრებულო არ დაგვიდგება გვერდში, პირდაპირ მისი თავმჯდომარის იმპიჩმენტის საკითხს დავაყენებთ დღის წესრიგში, შეიძლება ვიღაცას დღეს ეს განცხადება სასაცილოდ მოეჩვენოს, მაგრამ დრო თავის სათქმელს იტყვის“.



 ახალი ამბები
  • ქმარმა ცოლი საჭმლის დროულად არ მიტანის გამო გაკოჭა, სცემა და დანით დაჭრა14 თებერვალს, მარნეულის რაიონში, მთვრალ მდგომარეობაში მყოფმა კაცმა მის გამო, რომ მეუღლემ დროულად არ მიუტანა საჭმელი, სასტიკად სცემა, ამის შესახებ ინფორმაციას საქართველოს მტავარი პროკურატურა ავრცელებს. უწყების ცნობით, ბოლნისის რაიონულმა სასამართლომ სრულად გაიზიარა ბრალდების მხარის მიერ წარდგენილი მტკიცებულებები და მეუღლის მიმართ განხორციელებული წამებისა და თავისუფლების უკანონო აღკვეთისთვის ბრალდებული გ.გ. დამნაშავედ ცნო. ამის შესახებ ინფორმაციას მთავარი პროკურატურა ავრცელებს. როდესაც დაზარალებული  წინააღმდეგობის გაწევას შეეცადა, იატაკზე წააქცია და ხელ-ფეხი პლასტმასის ე.წ. ხამუთებით შეუბოჭა, რა დროსაც ცოლის წინააღმდეგობის დასაძლევად ფეხში დანა ჩაარტყა. ქალი შებოჭილი, დაახლოებით, 4 საათის განმავლობაში იყო და ამ დროის განმავლობაში ქმარი მას ფიზიკური ტკივილის და მორალური ტანჯვის მისაყენებლად ფეხებით და ხელებით სცემდა. სამართალდამცველებმა გ.გ. 2018 წლის 17 თებერვალს დააკავეს. მარნეულის რაიონულმა პროკურატურამ მას ბრალდება სსკ-ის 111,143-ე მუხლის მე-2 ნაწილის „გ“ ქვეპუნქტით (თავისუფლების უკანონო აღკვეთა, ჩადენილი სხვა დანაშაულის ჩადენის გაადვილების მიზნით ოჯახის ერთი წევრის მიერ ოჯახის სხვა წევრის მიმართ) და 111,1441 მუხლის პირველი ნაწილით (ოჯახის ერთი წევრის მიერ, ოჯახის სხვა წევრის მიმართ წამება) წარუდგინა. ბოლნისის რაიონულმა სასამართლომ კაცი დამნაშავედ ცნო წარდგენილ ბრალდებაში და 7 წლით და 6 თვით თავისუფლების აღკვეთა ... ...
  • ახალციხეში გარყვნილი ქმედებისთვის პაკისტანის მოქალაქე დააკავესახალციხეში 7 არასრულწლოვნის მიმართ ჩადენილი გარყვნილი ქმედების ბრალდებით ქმედების  პაკისტანის მოქალაქე დააკავეს. შინაგან საქმეთა სამინისტროს განცხადებით, დაკავებული ჩადენილ დანაშაულს აღიარებს. ახალციხის სასამართლომ ბრალდებულს აღკვეთის ღონისძიების სახით წინასწარი პატიმრობა შეუფარდა. მომხდარ ფაქტზე გამოძიება საქართველოს სისხლის სამართლის კოდექსის 141-ე მუხლის პირველი ნაწილით ... ...
  • გზავნილებიდან მიღებული შემოსავალი სესხის გაცემისას დამაბრკოლებელი ფაქტორი აღარ იქნება„მიკროსაფინანსო ორგანიზაციებისთვის რეგულაციების ვადა არ იცვვლება და ძალაში შედის 2019 წლის 1-ლი იანვრიდან. კარგია ის, რომ ინდუსტრია და მარეგულირებელი ისეთ კონფიგურაციაზე შეთანხმდნენ, რომელიც მისი ეტაპობრივი დანერგვის საშუალებას იძლევა“, -ამის შესახებ „ბიზნესპრესნიუსს” მიკროსაფინანსო ორგანიზაცია „კრისტალის“ დამფუძნებელმა განუცხადა. მისი განმარტებით, ეროვნულ ბანკთან მოლაპარაკებების შედეგად, სესხის გაცემისას მიკროსაფინანსო ორგანიზაციების შემთხვევაში, დაუსაბუთებელი შემოსავლების გათვალისწინებაც მოხდება. „რეგულაციების შესახებ არსებული დოკუმენტი მნიშვნელოვნად შეიცვალა მას შემდეგ, რაც პირველი ვერსია გამოვიდა. ეს ძალიან მნიშვნელოვანია ჩვენი სექტორისთვის, შემოსავლები, რომლებიც დოკუმენტებით არ არის დადასტურებული, კვლავ იქნება მიჩნეული შემოსავლად და მისი დადგენის სექტორში არსებული პრაქტიკა იქნება გათვალისწინებული. ასევე ჩვენთვის პრაქტიკულად არაფერი არ იცვლება ბიზნესის დაფინანსების კუთხით. გარკვეულწილად შეიზღუდება სამომხმარებლო დაკრედიტება და მოექცევა პასუხისმგებლიანი დაკრედიტების ჩარჩოში. საქართველოში მთელი ჯამური შემოსავლის მხოლოდ 45%-ია ხელფასის სახით არსებული შემოსავალი. დანარჩენი ფრაგმენტული, სეზონური და არარეგულარული ბიზნესშემოსავლებია. ასევე ჩვენი კლიენტების შემთხვევაში, დიდი წილი უჭირავს უცხოეთიდან განხორციელებულ გზავნილებს. სწორედ ამ რეალობის გათვალისწინება მოხდა რეგულაციებში. შესაბამისად, საბოლოო ჯამში, რეგულაციებმა სწორი სახე მიიღო. ჩვენ გავაგრძელებთ ბიზნესის დაფინანსებას და ასევე კლიენტების სამომხმარებლო საჭიროებების დაკრედიტებას, მაგრამ არა იმ დოზით, რომ ამ ოჯახების ფინანსური პრობლემები წარმოიშვას,“- განაცხადა არჩილ ბაკურაძემ. „კრისტალის“ დამფუძნებლის პროგნოზით, რეგულაციების ამოქმედების შემდეგ, ფინანსური სექტორი ზრდას განაგრძობს, მაგრამ ტემპი შენელდება. შეგახსენებთ, რომ ეროვნული ბანკის დადგენილებით, „ფიზიკურ პირებზე სესხის გაცემის შესახებ“ ახალი რეგულაციები საბანკო სექტორზე 1-ლი ნოემბრიდან უნდა ამოქმედებულიყო, თუმცა აღნიშნულმა ვადამ 15 ნოემბრამდე გადაიწია. დანარჩენ საფინანსო სექტორზე კი რეგულაციების გავრცელება 2019 წლის იანვრიდან ... ...
  • საბერძნეთში ტრეფიკინგში ბრალდებულ საქართველოს მოქალაქეს 290-წლიანი პატიმრობა მიუსაჯესსალონიკის სასამართლომ ტრეფიკინგში ბრალდებულ საქართველოს მოქალაქეს 290-წლიანი პატიმრობა მიუსაჯა. პატიმრობის ვადა საქართველოს მოქალაქის მიერ ჩადენილი დანაშაულის ჯამით განისაზღვრა. ამის შესახებ ინფორმაციას ბერძნული გამოცემა Protothema წერს.  სასამართლომ საქართველოს მოქალაქე არალეგალი მიგრანტების ტრეფიკინგის ცხრა შეთხვევაში ცნო დამნაშავედ, რომლებიც 2016-2017 წლებში ხორციელდებოდა. კრიმინალურ დაჯგუფებას, რომლის მეთაური საქართველოს მოქალაქე იყო, გარკვეული თანხის სანაცვლოდ მიგრანტები თურქეთიდან სალონიკსა და ათენში გადაჰყავდა. ერთ-ერთი ასეთი პროცედურის დროს, ავარიაში დაიღუპა ირანის მოქალაქე, რომლის საშუალებითაც პოლიციამ დაჯგუფებაზე გასვლა მოახერხა.  საქართველოს მოქალაქესთან ერთად ადამიანების ტრეფიკინგში დამნაშავედ საბერძნეთის ერთი და მოლდოვის ერთი მოქალაქე ... ...
  • "ინტერის" მაისური კახა კალაძისთვის და ფიზიკური დაპირისპირება საკრებულოში ხმაური და ფიზიკური დაპირისპირება თბილისის საკრებულოს სხდომაზე -"ნაციონალური მოძრაობის" წევრის, ლევან ხაბეიშვილის გამოსვლას „ქართული ოცნების“ წევრების გაღიზიანება მოჰყვა. ლევან ხაბეიშვილმა თბილისის მერი გააკრიტიკა და აღნიშნა, რომ არჩევნების პირველ ტურში წაგების გამო, კახა კალაძე ბაგა-ბაღების დირექტორებს ავიწროებს. ოპოზიციის წარომადგენელმა სხდომაზე მილანის საფეხბურთო ნაკრების „ინტერის“ ფორმა მიიტანა და განაცხადა, რომ დედაქალაქის მერს არ ესმის თბილისელების, ამიტომ მას მისივე ენით უნდა დაელაპარაკოს. „თბილისური და ქალაქური არ ესმის მერს და არაფრის გათვალისწინება არ უნდა. ხალხის წინააღმდეგ რომ არის სულ, დედაქალაქის მერს მის ენაზე მინდა, დაველაპარაკო. ეს არის მილანის „ინტერის“ ფორმა. „მილანი" და მილანის „ინტერი“ არიან დაპირისპირებულები და კალაძე თბილისელებს უყურებს, როგორც "ინტერის" ფეხბურთელებს, როგორც მოწინააღმდეგეებს. ეს ფორმა გადაეცით კალაძეს,“- განაცხადა ლევან ხაბეიშვილმა, რის შემდეგაც ის უმრავლესობის დეპუტატებისკენგაემართა და სცადა მათთვის მაისური გადაეცა, რასაც დაპირისპირება მოჰყვა. „ქართული ოცნების“ დეპუტატი შეეცადა, ლევან ხაბეიშვილისთვის მისივე მოტანილი მაისური ჩაეცვა.  ... ...

არქივი

ზაფრანი

როგორ ვუმკურნალოთ სახლის პირობებში ხველას

ექიმები გვაძლევენ რამდენიმე რჩევას, რომელიც...

ზოდიაქოს რომელი ნიშნები დაწყვილდებიან 2019 წელს?

ვერძი და მშვილდოსანი _ ვერძსა...

„შერიგებული“ ვარსკვლავები

ერთხელ მაინც გაიგებდით ისტორიას იმის...

როგორ ავიცილოთ თავი რთული სიტუაციებიდან

თუ თქვენ ვინმე გიყვირით, შეინარჩუნეთ...

წიწიბურის დიეტა

წიწიბურას სასარგებლო თვისებების წყალობით შესაძლებელია...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნების მეორე ტურში?