მნიშვნელოვანი საბიუჯეტო მატება დაუსაბუთებელი უზრუნველყოფით

gurianews.com

პოლიტიკა

მნიშვნელოვანი საბიუჯეტო მატება დაუსაბუთებელი უზრუნველყოფით

2015 ივლ 10 21:46:38

 პარასკევს ლანჩხუთის მუნიციპალიტეტის საკრებულოს რიგგარეშე სხდომა გაიმართა, რომლის დღის წესრიგი ექვსი საკითხით  განისაზღვრა, მაგრამ მთავარი თემა ის საბიუჯეტო ცვლილება იყო, რომელიც ამ ბოლო დღეებში სხვადასხვა კომისიებზე აქტიური მსჯელობის საგნად იქცა.

ეს საკითხი წინა სხდომაზე  უნდა განხილულიყო, მაგრამ მაშინ მოუმზადებლად ჩაითვალა და სანამ არ მოხდა რამდენიმე ა (ა) იპ - ს 6 თვის გაწეული მუშაობის შეფასება, მანამ მას საკრებულოს საფინანსო - საბიუჯეტო კომისიამ ვიზირება არ გაუკეთა.

 მიუხედავად იმისა, რომ დეპუტატები გარკვეული მსჯელობის შემდგომ შეჯერდნენ   კომპრომისულ ვარიანტზე, ოპოზიცია სხდომაზე მაინც კატეგორიული იყო და რამდენიმე დეპუტატმა დააფიქსირა კიდეც ცვლილების მხარდაჭერაზე უარის თქმის მიზეზი.

 პრობლემა არ ყოფილა 900 ათასი ლარის მატების საკითხი, რადგან ეს თანხა უნდა დაიხარჯოს წელს სუფსა - ჩოჩხათი - გულიანის გზის რეაბილიტაციის პირველ ეტაპზე. არც გასული წლის სტიქიის შედეგად დაზიანებული ინფრასტრუქტურის აღსადგენად ჩამორიცხულ საკმაოდ სოლიდურ თანხაზე - 2 მილიონ 600 ათასზე დასმულა  შეკითხვა.

 საკუთარი შემოსავლების ზრდის ხარჯზე შემოსულ საბიუჯეტო ცვლილებას ბევრი კითხვა მოჰყვა. ამ მხრივ მუნიციპალიტეტის ბიუჯეტი იზრდება 707 800 ლარით. აქედან 470 ათასი ლარი საფეხბურთო კლუბ "გურიას" მოხმარდება.  იზრდება სხვა ა (ა) აიპ - ების სუფსიდიაც.  კერძოდ:

"უფასო სასადილო მზრუნველობამოკლებულთათვის"- 4 ათასი ლარით;

"საზოგადოებრივი ჯანდაცვის ცენტრის" - 12 500 ლარით;

"ტექსერვისის" - 16 500 ლარით;

"საგარეო ეკონომიკური კავშირურთიერთობების, ინვესტიციების, ტრანსპორტის, ტურიზმისა და მეწარმეობის განვითარების ცენტრის" - 14 300 ლარით;

"გოგონათა ექსპერიმენტული სარაგბო - საფეხბურთო სკოლის" - 10 ათასი ლარით;

"კულტურის დაწესებულებათა გაერთიანების" - 12 ათასი ლარით;

"ლანჩხუთი - სერვისის" – 40 ათასი ლარით.

ამავდროულად სამხედრო აღრიცხვის, გაწვევისა და მობილიზაციის სამსახურის ოფისის მიმდინარე რემონტისთვის გამოიყო 16 ათასი ლარი. 50 ათასი ლარით გაიზარდა სოციალური პროგრამების დაფინანსება, ხოლო ზღვისპირა ზოლში 6 მაშველის დაფინანსებისთვის  გამოყოფილი თანხა გაიზარდა  10 050 ლარი.

გაიზარდა როგორც გამგეობის, ასევე საკრებულოს არაფინანსური აქტივები,  შესაბამისად 1850 და 600 ლარით, ხოლო მეორადი რკინა - ბეტონის განძელის ტრანსპორტირება მუნიციპალიტეტს 5 ათასი ლარი დაუჯდება,   მუნიციპალიტეტის ტერიტორიაზე  2  ვიდეოთვალის მონტაჟ ი  კი - 50 ათასი ლარი.

ყველაზე  საინტერესოა ისაა, რომ აღნიშნული ხარჯების დასაფინანსებლად ბიუჯეტის შემოსავლების  ნაწილში საწარმოო ქონების გადასახადის გეგმა 95ათასი ლარით იზრდება, ჯარიმებიდან , საურავებიდან და სანქციებიდან - 350 ათასი ლარით, ხოლო ბუნებრივი მოსაკრებლის რესურსებიდან - 257 800 ლარით. სწორედ აღნიშნულ მუხლებში მატება აეჭვებს  ოპოზიციას და უმრავლესობის მცირედ ნაწილსაც.   განსაკუთრებით საწარმოო ქონებიდან და ბუნებრივი რესურსებიდან დაგეგმილი შემოსავალია ბუნდოვანი.

პირველი შენიშვნა სხდომაზე სწორედ უმრავლესობის წევრმა, თემურ მარშანიშვილმა დააფიქსირა, რომლისთვისაც გაუგებარი აღმოჩნდა, რატომ არ ემატება თანხა  სპორტულ ცენტრს, მაშინ, როცა თითქმის ყველა  ა(ა)ი პ-შია თანხების მატება. დეპუტატს  მხარი დარეჯან ბურჭულაძემაც დაუჭირა.  მისი თქმით, მან თავის დროზე ბიუჯეტს იმიტომ დაუჭირა მხარი, რომ სპორტული ცენტრისა და ბაგა-ბაღების თანამშრომლებისთვის გაეზარდათ  ხელფასები.

მისთვის გაუგებარია, შთამბეჭდავი შედეგების ფონზე სპორტული ცენტრის უგულვებელყოფა. ბურჭულაძემ   შენიშვნა  გამოთქვა, ვიდეოთვალების დამონტაჟებასთან დაკავშირებით და საკუთარი მოსაზრებაც დააფიქსირა: ვიდეოკამერების დამონტაჟების ნაცვლად ქალაქის ტერიტორიაზე წყლის პრობლემა მოგვეგვარებინაო.  დეპუტატმა  განაცხადა, რომ კენჭისყრაში მონაწილეობას არ მიიღებდა.

საბიუჯეტო მატებასთან დაკავშირებით თავისი უარყოფითი დამოკიდებულება რესპუბლიკელმა რომან ბიწაძემაც გამოხატა. "მაინტერესებს, მუნიციპალიტეტში რაიმე ახალი საწარმოოს ექსპლუატაციაში შესვლაზეა საუბარი თუ როგორ ვზრდით  საწარმოო ქონების გადასახადს 95 ათასი ლარით?!

ჩვენს ქვეყანაში მტერიც და მოყვარეც ერთ აზრზეა, ხარჯებს ამცირებენ, ჩვენ ვზრდით, თუმცა, რის ხარჯზე, არ ვიცით", -დასძინა ბიწაძემ.

  კატეგორიული იყო ახლადშექმნილი ფრაქციის "ლანჩხუთი -ევროატლანტიკური მომავლისთვის" თავმჯდომარე ელგუჯა ჩხაიძე: "მე მუნიციპალიტეტის გაყვლეფის ბიუჯეტს მხარს ვერ დავუჭერ. თავიდანვე მქონდა კითხვები "გურიას" მიერ არებულ სესხთან დაკავშირებით, რითაც უაზროდ, ყოველთვიურად იხარჯება თანხები. საერთოდ ამ კლუბში 20 ათასი ლარი აიღო ერთმა თანამშრომელმა, მეორემ შვიდი ათასი გაფლანგა.

 მაშინ, როცა ორივეს ვალდებულება ქონდა კლუბის ლიცენზირებისთვის ეზრუნა, ორივე აქეთ  ექადნება მუნიციპალიტეტის ხელმძღვანელობას სოციალური ქსელის მეშვეობით. საბოლოოდ  მივიღეთ, ის რომ ლიცენზირების არქონის გამო 50 ათასი ლარი დავკარგეთ. ასევე უკანონოდ გაშვებული მწვრთნელებისთვის 40 ათას ლარამდე თანხა გვაქვს გადასახდელი. ეს ხომ ბიუჯეტის არამიზნობრივი ხარჯვაა და სხვა არაფერი. გავა რამდენიმე თვე და კიდევ მოითხოვთ   მილიონს, რადგან ეს თანხა, რაც გუნდს ახლა უნდა გამოეყოს ზღვაში წვეთია."

დეპუტატმა ნონა მურვანიძემ  სპორტულ ცენტრისადმი გამოხატა მხარდაჭერა: -"მოვისმინეთ ყველა  ა(ა)იპ-ის ანგარიში,  მაგრამ ყველაზე მეტი მიღწევები სპორტულ ცენტრს აღმოაჩნდა.

 ამ დროს კი დაფინანსებას არ ვუმატებთ. საერთოდ ჩვენ ვისმენთ, ვიხილავთ და ანალიზს არ ვაკეთებთ. რატომ მოხდა, რომ  გაცილებით დაბალი დაფინანსებით შარშან „გურიამ“ უკეთესი შედეგი აჩვენა ვიდრე წელს?! რატომ გავათავისუფლეთ კლუბის მაშინდელი ხელმძღვანელი მაინცადამაინც არჩევნების შემდეგ?! ამაზე პასუხი სრულყოფილად დღემდე არ მომისმენია. რაც მთავარია, გამოკვეთილი არ გვაქვს პრიორიტეტები და მივესალმებოდი საბიუჯეტო მატებას იმ საკითხებზე, რომლებიც მუნიციპალიტეტის მართლაც საჭირბოროტო თემებს მოაგვარებდა".

რამდენიმე კითხვა დასვა დეპუტატმა გია გოგუაძემაც. პირველ რიგში მან გაკვირვება გამოთქვა, თუ რატომ არის ის ექვსი მაშველი  "საგარეო ეკონომიკური კავშირურთიერთობების, ინვესტიციების, ტრანსპორტის, ტურიზმისა და მეწარმეობის განვითარების ცენტრის" დაქვემდებარებაში და ვინ იქნება პასუხისმგებელი რაიმე გაუთვალისწინებელი შემთხვევისასო.

 ასევე ის იმ 16 ათასი ლარის ბედითაც დაინტერესდა, რომელიც სამხედრო აღრიცხვის, გაწვევისა და მობილიზაციის სამსახურის ოფისის მიმდინარე რემონტისთვისაა გამოყოფილი და გაიგო რა, რომ ეს სამსახური ყოფილი სასტუმროს შენობაში გადადის, გამგებელს მიმართა კითხვით - "გინახავთ საერთოდ ეს შენობა?!  იქაც ხომ  იგივე ცუდი პირობებია და სახურავიდანაც წყალი ჩამოდის. რატომ არ გადაგყავთ ეს სამსახური იმ შენობაში, რომლის სახურავის გამოცვლასაც ახლა აპირებთ?!".

საინტერესო იყო გოგუაძის მიერ გაკეთებული განცხადება საბიუჯეტო მატებასთან დაკავშირებით -"ბატონო საკრებულოს თავმჯდომარევ, მინდა თქვენ და უმრავლესობის წევრებს მადლობა გამოგიცხადოთ, იმისთვის რომ დღეს ჩვენს სიმართლეს გვიდასტურებთ. ბიუჯეტი, რომელიც თავის დროზე მიიღეთ,  არ იყო წლის, ნაწილისთვის რვა თვის იყო, ნაწილისთვისაც  ექვსი თვის. საბიუჯეტო კოდექსთან მიმართებაში წინააღმდეგობაში შედიხართ, რადგან არ გაქვთ შესაბამისი ფინანსური უზრუნველყოფა და ისე ზრდით ბიუჯეტს.

ეს ზრდა არის უკანონო და თბილისის საკრებულომაც ვერ გაბედა იმ ავბედითი სტიქიის გამო ბიუჯეტში მატება მოეხდინა და ფაქტობრივად დონორების დახმარებითა და სხვადასხვა შემოწირულობებით გავიდა ფონს.

ჩვენ მოვისმინეთ ა(ა)იპ-ების მოთხოვნები და აღმოჩნდა, რომ საბოლოდ არცერთი მათგანის მოთხოვნა არაა გათვალისწინებული. გასაგებია იქ დასაქმებული ხალხი სამსახურის დაკარგვის შიშით არაფერს იტყვის.

 სამაგიეროდ, სოციალურად შეჭირვებულებს, რამე რომ არ თქვან, ერთჯერადების პროგრამას 50 ათასით ვუზრდით.  მე ხაზგასმით აღვნიშნავ, რომ ბიუჯეტის მატებას მაშინ დავუჭერ მხარს, თუ ა(ა) იპ-ების ყველა მოთხოვნას გავითვალისწინებთ, რომ მიმდინარე წლის ბოლომდე პრობლემა არ იყოს.

„გურიას“ მივცეთ მილიონ ლარამდე თანხა, გავითვალისწინოთ იმ 250 უსახლკარო ოჯახის პრობლემები, რომელზეც ამასწინათ გამგებელი საუბრობდა. დავაკმაყოფილოთ  შუხუთის მაჟორიტარის არაერთხელ გაჟღერებული მოთხოვნა სოფლის საბავშვო ბაღის რეაბილიტაციასთან დაკავშირებით.  გავითვალისწინოთ ქალაქის რამდენიმე ქუჩის სანიღვრე არხების წესრიგში მოყვანის საკითხები და სხვა არერთი მოთხოვნა. ამ შემთხვევაში ჩვენ, ოპოზიციაც ჩვენ წილს პასუხისმგებლობას ავიღებთ. თქვენს მიერ წარმოდგენილი ბიუჯეტი კი სატყუარაა, რომელსაც მე მხარს არ ვუჭერ", -განაცხადა გოგუაძემ.     

როგორც მოსალოდნელი  იყო,  იგივე პოზიცია დააფიქსირა დეპუტატმა კახა ასკურავამაც -"აგერ მე და აგერ თქვენ, თუ სექტემბერში თქვენ კიდევ არ შემოხვალთ საბიუჯეტო მატების საკითხით, რაც გინდათ ის მითხარით. შეკითხვა უფრო მეტად იმაზე მიჩნდება, რატომ უნდა მივცე ამ ბიუჯეტს ხმა, ვიდრე რატომ არ უნდა მივცე. როდემდე უნდა ვიყოთ საკრებულო ნოტარიუსის როლში და ვასრულოთ გამგეობის ყველა დაკვეთა".

რამდენიმე დეპუტატის უარყოფითი პოზიციის მიუხედავად, უმრავლესობამ უპრობლემოდ შესძლო საკითხის გატანა და საბიუჯეტო მატებაც ძალაში შევიდა.


ნახვა: 47


 ახალი ამბები
  • ჩაისუნთქე სუფთა ბგერა _ ხვალ ბახმაროში პირველი მუსიკალური ფესტივალი გაიმართებახვალ, 19 აგვისტოს, გურიაში, ჩოხატაურის მუნიციპალიტეტში, კურორტ ბახმაროში, პირველი თანამედროვე მუსიკალური ფესტივალი გაიმართება. ბახმარო SunSet Fest ფერისცვალების დღესასწაულზე, ტრადიციული დოღის შემდეგ ჩატარდება და მომავალში ყოველწლიურ ხასიათს მიიღებს. ფესტივალი ზღვის დონიდან 2100 მეტრზე, მზის ჩასავალ გორასთან, 17:00 საათიდან _ დილამდე მსმენელს შესთავაზებს თანამედროვე მუსიკას ახალგაზრდებში პოპულარული ჯგუფებისა და DJ-ების შესრულებით. დაგეგმილია მზის გაცილების ცერემონიალი; ფესტივალის ტერიტორიაზე უკვე მოეწყო „კარვების ქალაქი“ ლაშქრობისა და კემპინგის მოყვარულთათვის. ტერიტორია უზრუნველყოფილია ყველა აუცილებელი სერვისით; იფუნქციონირებს კაფე & ბარი, რომლებშიც, ძირითადად, გურიაში წარმოებული პროდუქტი, ალკოჰოლიანი და უალკოჰოლო სასმელი იქნება წარმოდგენილი. ფესტივალში მონაწილეობენ მუსიკალური ჯგუფები: KILLAGES, არა, MEBO RENARD, ბაჩო ჯიქიძე & ალბანელი შამანები, George Merych, Leif S, ლურჯი იალქანი. დიჯეები: SUMO, WCAN და ანი ANI. ფესტივალზე მოსულ სტუმრებს სიურპრიზიც ელოდებათ _ მსმენელისთვის ყველაზე ცნობილი ცნობილი გურული DJ დაუკრავს. ფესტივალზე დასწრება თავისუფალია. ფესტივალი ტარდება სახელმწიფო პროგრამა “Check in Georgia“ ფარგლებში. ევროკავშირის პროექტის - " მონაწილეობითი CHARRETTE გურიის ტურიზმის განვითარების სტრატეგიისთვის" მხარდაჭერით. ორგანიზებასა და ჩატარებას უზრუნველყოფს “ა(ა)იპ „Post- ალიონი“. მედია პარტნიორი ორგანიზაციები არიან: მედია სახლი “გურია ნიუსი“ და კლიპარტი. ფესტივალის მოსამზადებელ სამუშაოებში აქტიურად არიან ჩართული გურიაში მცხოვრები ახალგაზრდები - მოხალისეები. ფესტივალი ხელს შეუწყობს ბახმაროს ტურისტული პოტენციალის პოპულარიზაციას, ადგილობრივი ახალგაზრდებისა და ბიზნეს სექტორის ჩართვას ტურიზმის განვითარებაში. ფესტივალის გენერალური სპონსორია "წყალი მარგებელი". სპონსორები არიან: კომპანია "ზედაზენი"; შპს "პალადა"; "საქენერგო რემონტი"; შპს “NEW ROAD"; "ორბი ჯგუფი" "ოზურგეთლუდი", "ვასაძის პური"; "My family", სასტუმრო "ბახმარო".; "ნატურალ თი კომპანი", "ჩვენი მარკეტი". მხარდამჭერები არიან: გურიის სამხარეო ადმინისტრაცია; ჩოხატაურის მუნიციპალიტეტი; სოფლის მეურნეობისა და გარემოს დაცვის სამინისტრო; შინ აგან საქმეთა სამინისტრო; ენერგო პრო ჯორჯია, მაჟორიტარი დეპუტატის ნინო წილოსანის ბიურო, საგანგებო სიტუაციების მართვის სამსახური; სიპ საგანგებო სიტუაციების კოორდინაციისა და გადაუდებელი დახმარების ცენტრი; ჩოხატაურის მუნიციპალიტეტის კულტურის ცენტრი; "ლიდერფუდი"; TBC ბანკი; ოზურგეთს საკრებულოს თავმჯდომარე დავით დარჩია; ოზურგეთის საკრებულოს თავმჯდომარის მოადგილე გიორგი ღურჯუმელიძე; ოზურგეთის საკრებულოს დეპუტატი გელა ჭანუყვაძე; ბიზნესმენი ბეგლარ სიორიძე, ბიზმესმენი გია ... ...
  • ბახმაროში ტრადიციული დოღისთვის სამზადისი მიმდინარეობსჩოხატაურის მუნიციპალიტეტის კურორტ ბახმაროში ტრადიციული დოღისთვის აქტიური სამზადისია. „ბახმაროს თასი 2018“-ის საქართველოს სხვადასხვა რეგიონიდან ჩასული ცხენოსნები იბრძოლებენ. ღონისძიების ორგანიზატორები წყაროს წყალი “ბახმარო” და “ნაბეღლავის” მწარმოებელი “წყალი მარგებელია“. დოღის გამართვაში მონაწილეობს ჩოხატაურის მუნიციპალიტეტი. საქართველოს ხალხური ცხენოსნობის ეროვნული ფედერაციის ორგანიზებით ღონისძიების ფარგლებში 4 გარბენი მოეწყობა. გამარჯვებულებს ფულადი ჯილდოები გადაეცემათ. ბახმაროში დოღის ჩატარებას გასული საუკუნის 30-იან წლებში ჩაეყარა ... ...
  • თვითმკვლელობა ოზურგეთში _ დაკავებულს ბრალი დაუმძიმდაშინაგან საქმეთა სამინისტროს გურიის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1996 წელს დაბადებული მ.თ., თვითმკვლელობამდე მიყვანის და წინასწარი შეცნობით არასრულწლოვანის მიმართ გარყვნილი ქმედების ბრალდებით, ოზურგეთში დააკავეს. ჩადენილი დანაშაულის უმაღლესი სასჯელი 7 წლამდე თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა ოზურგეთის მუნიციპალიტეტის სოფელ ნატანებში მცხოვრები, 2002 წელს დაბადებული ნ.ბ. სოციალური ქსელის - „ფეისბუქის“ საშუალებით გაიცნო. მ.თ.-ს გოგონასთან გარკვეული დროის განმავლობაში, ამავე ქსელის მეშვეობით მიმოწერა ჰქონდა. მოგვიანებით, ბრალდებული ნ.ბ.-ს აღნიშნული მიმოწერის მისივე მშობლებისთვის გაგზავნით დაემუქრა, რის შედეგადაც არასრულწლოვანი გოგონა ინტიმური ხასიათის ფოტოსურათებისა და ვიდეოკადრების გადაღებასა და გაგზავნაზე დაითანხმა. მას შემდეგ, რაც ნ.ბ.-მ გადაღებული ფოტოები და ვიდეომასალა გადაუგზავნა, ბრალდებულმა გოგონას დაშანტაჟება დაიწყო, რის გამოც ამ უკანასკნელმა საკუთარი საცხოვრებელი სახლის ეზოში თავი ჩამოიხრჩო. დაკავებული ჩადენილ დანაშაულს აღიარებს. გამოძიება თვითმკვლელობამდე მიყვანის, ასევე წინასწარი შეცნობით არასრულწლოვანის მიმართ ჩადენილი გარყვნილი ქმედების ფაქტზე, საქართველოს სსკ-ს 115-ე მუხლით და 141-ე მუხლის 1-ლი ნაწილით ... ...
  • ელჭექი, სეტყვა, წყალმოვარდნები _ როდემდე გაგრძელდება უამინდობა საქართველოშიგარემოს ეროვნული სააგენტოს ინფორმაციით, 18 აგვისტოდან 19 აგვისტოს საქართველოს უმეტეს რაიონებში დროგამოშვებით იწვიმებს. "18 აგვისტოს დღის ბოლოდან 20 აგვისტომდე მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა. მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს", _ ნათქვამია ეროვნული სააგენტოს ფეისბუქის ოფიციალურ გვერდზე გავრცელებულ ... ...
  • რა უნდა გაითვალისწინონ გადამფრენ ფრინველებზე ნადირობის მსურველებმასაქართველოში ნადირობის სეზონი დღეიდან დაიწყო. ინფორმაციას საქართველოს გარემოსა დაცვისა და სოფლის მეურნეობის სამინისტრო ავრცელებს. უწყების ინფორმაციით, გადამფრენ ფრინველებზე ნადირობის მსურველებმა, ნადირობისას, თან უნდა იქონიონ დაწესებული მოსაკრებლის (10 ლარი) გადახდის დამადასტურებელი ქვითარი (დედანი) და საქართველოს შინაგან საქმეთა სამინისტროს შესაბამისი ორგანოს მიერ გაცემული შესაბამისი სანადირო თოფის შენახვისა და ტარების უფლების დამადასტურებელი დოკუმენტი. 2018-2019 წლების სანადირო სეზონისთვის ფრინველებზე: ჩიბუხა, მწყერი, ქედანი, გარეული მტრედი, გულიო (გვიძინი), ჩვეულებრივი გვრიტი, ღალღა და ჩიბუხელა (გარშნეპი) ახალქალაქის, ახალციხის, ნინოწმინდის, წალკის, დმანისის, დუშეთისა და თიანეთის მუნიციპალიტეტების ტერიტორიაზე ნადირობა ნებადართულია 2018 წლის პირველი სექტემბრიდან 15 თებერვლამდე. სამინისტროს ნორმატიულ აქტში ცვლილებაა. ხანძრების გამო, სანადიროდ ნებადართული ადგილები შემცირდა. საქართველოში, დღეისათვის, 40 000-ზე მეტი მონადირეა რეგისტრირებული. ნადირობა აკრძალულია სახელმწიფო ნაკრძალებში, ეროვნულ პარკებში და მათ გარშემო 500-მეტრიან ზონაში, ასევე საქართველოს ქალაქების ადმინისტრაციულ ... ...

არქივი

ზაფრანი

,,ყველაზე", „ყველაზე“ ადამიანები მსოფლიოში

მსოფლიოში არსებობენ ადამიანები, რომლებიც მნიშვნელოვნად...

მოგწონთ თქვენი სახელი?

სახელს დიდი მნიშვნელობა აქვს ადამიანისთვის....

ამერიკელი ინდიელების ცხოვრებისეული ფილოსოფია

როცა უკანასკნელ ხეს მოჭრი, უკანასკნელ...

ქვეყნიერების მერვე საოცრება

„თუ ქვეყნიერების მერვე საოცრება გინდათ...

გადაშენების პირას მყოფი ცხოველები

ცოტა ხნის წინ ბუნების დაცვის...
კარმიდამო ჩემი

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...

გავამდიდროთ ხაჭაპური ჯიჯილაყას ნარევი გულსართით

მცენარე ჯიჯილაყა, იგივე ამარანტი, რომელსაც...

თევზის ფილეს სალათი

ზეთში შემწვარი თევზის ფილე დავჭრათ...

ბერძნული მუსაკა

მასალა: 1 კგ კარტოფილი; 2...

სუსტი განტოტვის დამაგრება

ხეხილის მოსავლიან ბაღებში, ისეთი უხვი...

დავრგოთ ტირიფი შესაფერის გარემოში

გურიაში ტირიფს ბევრგან შეხვდებით. 600-მდე...

პირველ რიგში ჩასატარებელი სამუშაოები აგვისტოში

აგვისტოში, როგორც ბაღ-ვენახებში, ისე, ბოსტნებში...

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...