"მთის კანონის" შესახებ ერთობლივ ბრიფინგზე იმსჯელეს

gurianews.com

პოლიტიკა

"მთის კანონის" შესახებ ერთობლივ ბრიფინგზე იმსჯელეს

2015 ივლ 15 18:35:10

"მაღალმთიანი რეგიონების განვითარების შესახებ"კანონი 2016 წლის 1 იანვარს ძალაში შევა, რითიც მთავრობა  მთის აღორძინებას შეეცდება . ამასთან დაკავშირებით, დღეს ფრაქცია "ქართული ოცნების" წევრებმა: ზაქარია ქუცნაშვილმა, დიმიტრი ხუნდაძემ, ერეკლე ტრიპოლსკიმ, მირიან წიკლაურმა და ვიქტორ ჯაფარიძემ ერთობლივი ბრიფინგი გამართეს. 

როგორც ზაქარია ქუცნაშვილმა აღნიშნა, ქართველი ხალხის ოცწლიანი ოცნება მთის განვითარებაზე, მოქმედი ხელისუფლების დროს აღსრულდება. მისი ინფორმაციით, გუშინ საპარლამენტო უმრავლესობის წევრები ფინანსთა სამინისტროსა და რეგიონული განვითარების და ინფრასტრუქტურის სამინისტროს წარმომადგენლებთან ერთად საქართველოს პრემიერ-მინისტრს, ირაკლი ღარიბაშვილს შეხვდნენ. სამუშაო თათბირზე, პრემიერ-მინისტრის მხარდაჭერით მიღებული იქნა პოლიტიკური გადაწყვეტილება, რომ მთის განვითარების პროცესი მომავალი წლის პირველ იანვარს სრულად დაიწყოს.

"შესაბამისად, ის მე-11 მუხლი, რაზეც თვითმმართველობისა და რეგიონული პოლიტიკის კომიტეტი და ჩვენ ყველანი გამოვთქვამდით განსხვავებულ პოზიციას და რომელიც ეხებოდა ამ კანონის ამოქმედებას 2017-2018 წლებიდან, დღევანდელ სხდომაზე მეორე მოსმენით იქნება განხილული.

ეს ნიშნავს, რომ ახალი წლიდან ძალაში შევა ყველა საგადასახადო შეღავათი, რომელიც ხელს შეუწყობს მთაში წარმოების განვითარებას და ადამიანების დასაქმებას. ზოგადსაგანმანათლებლო სკოლის და პროფესიული სასწავლებლის ყველა პედაგოგი, ყველა კატეგორიის პენსიონერი, ყველა ექიმი და ექთანი, ყველა მოქალაქე, ვინც იღებს 6000 ლარამდე წლიურ შემოსავალს, მიიღებს კანონით განსაზღვრულ დანამატს", - აღნიშნა ქუცნაშვილმა.

მისივე თქმით, 1995 წელს კონსტიტუციის მიღებისას, 31-ე მუხლთან გაკეთდა დათქმა, რომ საქართველოს მთის განვითარებისთვის ხელისუფლება შექმნიდა შეღავათიან პირობებს. "ეს დათქმა დარჩა დეკლარირებულ მუხლად  და ახლა ჩვენი ხელისუფლება იწყებს ამ პროცესს, რისთვისაც მადლობა მინდა გადავუხადო პრემიერ-მინისტრს", - განაცხადა დეპუტატმა.

პარლამენტის წევრის  დიმიტრი ხუნდაძის თქმით, მთიანი რეგიონების მოსახლეობას ძალიან უჭირს და ამ ფონზე ადგილი აქვს მძლავრ შიდა მიგრაციას. "მოსახლეობა მასიურად მოდის თბილისში. იქმნება დემოგრაფიული ანექსიის საფრთხე ანუ თუ არ ვსახლდებით ჩვენ, ჩასახლდებიან სხვები",-აღნიშნა, დიმიტრი ხუნდაძემ. მისი შეფასებით, ეს კანონი მნიშვნელოვანია სოციალური მიმართულებებით. დეპუტატის ინფორმაციით, მაღალმთიან რეგიონებში ყოველი ოჯახის ახალდაბადებული პირველი და მეორე ბავშვი მიიღებს 100-ლარიან დახმარებას 1 წლის განმავლობაში, ხოლო მესამე და შემდგომი ბავშვი მიიღებს 200-ლარიან დახმარებას 2 წლის განმავლობაში. პენსიონერები მიიღებენ 20-პროცენტიან დანამატს. 

პარლამენტის წევრის  ერეკლე ტრიპოლსკის განცხადებით, გუშინდელ შეხვედრას ბრიფინგზე წარმოდგენილი დეპუტატების გარდა, უმრავლესობის ის წევრებიც ესწრებოდნენ, რომლებიც მხარს უჭერდნენ კანონის მე-11 მუხლს. "პარლამენტმა მეორე მოსმენით არ მიიღო აღნიშნული მუხლი. ის დღევანდელ პლენარულ სხდომაზე გადის მეორე მოსმენით, ხოლო მთლიანი კანონპროექტი - მესამე მოსმენით", - განუცხადა  ჟურნალისტებს ერეკლე ტრიპოლსკიმ. მისივე თქმით, ეს პროექტი საკმაოდ დიდ თანხებთან არის დაკავშირებული, თუმცა პრემიერ-მინისტრის მხარდაჭერით, ეს თანხები გამოიძებნა. დეპუტატის განმარტებით, კანონში ჩადებულია ის შეღავათები, რომელიც ახალ წარმოებებს შეეხებათ. "კერძოდ, ათი წლის განმავლობაში ისინი გათავისუფლებული იქნებიან გადასახადებისგან," - განაცხადა ერეკლე ტრიპოლსკიმ.

ბრიფინგის ბოლოს ზაქარია ქუცნაშვილი დაინტერესდა, რა პოზიციას დაიკავებენ საპარლამენტო ოპოზიციის წარმომადგენლები. "ეს კანონი გახლავთ არა საარჩევნო კოდექსი, არამედ მთის განვითარების ხელშემწყობი კანონი. ჩვენ ვნახეთ, რომ ოპოზიციურმა ჯგუფებმა არ დაუჭირეს მას მხარი პირველი და მეორე მოსმენის დროს.

უფრო მეტიც, მცდელობა ჰქონდათ, ჩაეშალათ კვორუმი. არ მინდა  გავაკეთო წინმსწრები დასკვნები, მაგრამ თუ მესამე მოსმენითაც გამოჩნდება, რომ პოლიტიკური ოპოზიცია არ უჭერს მხარს ამ კანონის სახით საქართველოს ტერიტორიის 66%-ის განვითარებას, მაშინ ჩვენ სხვა არაფერი დაგვრჩება, გარდა იმისა, რომ ჩვენ მათ "საქართველოს მთის მტრები" ვუწოდოთ", - განაცხადა ზაქარია ქუცნაშვილმა.


ნახვა: 9


 ახალი ამბები
  • ე.წ. მუხიანის აგარაკებზე 60 წლამდე მამაკაცი საკუთარ სახლში გარდაცვლილი იპოვესე.წ. მუხიანის აგარაკებზე, 60 წლამდე მამაკაცი საკუთარ სახლში გარდაცვლილი იპოვეს. გავრცელებული ინფორმაციით მამაკაცს გულმკერდის არეში დაზიანება აქვს მიყენებული. მას შემდეგ რაც მამაკაცთან დაკავშირება შვილმა ვერ შეძლო მეზობლებმა ფანჯარა შეამტვრიეს და კაცი გარდაცვლილი იპოვეს. არ არის გამორიცხული ის რამდენიმე დღის დაღუპული იყოს. სიკვდილის მიზეზს ექსპერტები იკვლევენ. შინაგან საქმეთა სამინისტრომ მომხდარზე გამოძიება განზრახ მკვლელობის მუხლით დაიწყო. ... ...
  • ფარავნის უღელტეხილზე ყველა სახის ავტოტრანსპორტის მოძრაობა აკრძალულიასაავტომობილო გზების დეპარტამენტის ინფორმაციით, რთული მეტეოროლოგიური პირობების თოვის, ძლიერი ქარბუქისა და შეზღუდული ხილვადობის გამო, შიდასახელმწიფოებრივი მნიშვნელობის კოდა–ფარცხისი–მანგლისი–წალკა–ნინოწმინდის საავტომობილო გზის კმ94-კმ110 ფარავნის უღელტეხილზე იკრძალება  ყველა სახის ავტოტრანსპორტის მოძრაობა.  გზის დანარჩენ მონაკვეთებზე ავტოტრანსპორტის მოძრაობა თავისუფალია. ... ...
  • საზარელი ავარია თბილისში დაახლოებით, ერთი საათის წინ უბედური შემთხვევა მოხდა თბილისში, გურამიშვილის გამზირზე. კინო საქართველოსთან, 25-წლამდე ბიჭს, რომელიც ქუჩაზე გადადიოდა, "volksvagenis" მარკის ავტომანქანა დაეჯახა. როგორც თვითმხილველმა "გურია ნიუსთან" საუბრისას აღნიშნა, ბიჭი ადგილზევე გარდაიცვალა. "საშინელების შემსწრე გავხდი, შოკში ვარ, ერთიანად დაკეცილი იყო, ხელ-ფეხი მომტვრეული ჰქონდა", _ თქვა მან. მისივე ინფორმაციით, მძღოლი შემთხვევის ადგილიდან მიიმალა. ავტოსაგზაო შემთხვევის მიზეზად გადაჭარბებული სიჩქარე ... ...
  • შსს-მ შემოქმედში ხელყუმბარის გამოყენებით მაღაზიის დაზიანების ფაქტი გახსნაშინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ჩატარებული სამძებრო და საგამოძიებო ღონისძიებების შედეგად, 1993 წელს დაბადებული გ.ზ., ოზურგეთის მუნიციპალიტეტის სოფელ შემოქმედში ხელყუმბარის გამოყენებით მაღაზიის დაზიანების ფაქტზე ამხილეს. გამოძიებამ დაადგინა, რომ მიმდინარე წლის 11 თებერვალს, გ.ზ.-მ მაღაზიის შესასვლელი კარის მინა დააზიანა და მაღაზიაში ხელყუმბარა შეაგდო, რის შემდეგაც შემთხვევის ადგილიდან მიიმალა. ასევე, დადგინდა, რომ დანაშაულის ჩადენის შემდეგ გ.ზ. სოფლიდან რამდენიმე დღით გაუჩინარდა. ჩატარებული სამძებრო და საგამოძიებო ღონისძიებების შედეგად, სამართალდამცველებმა მხილებული პირი გამოკითხეს, რომელმაც სოფელ შემოქმედში, ხელყუმბარის გამოყენებით მაღაზიის დაზიანების ფაქტი აღიარა და ჩადენილის მოტივად ანგარიშსწორება დაასახელა. გ.ზ.-მ გამოკითხვისას, ასევე, აღიარა, რომ დაახლოებით ორი კვირის წინ, აღნიშნული მაღაზიის მეპატრონის კუთვნილი სხვა ობიექტიდან დედამისი გაათავისუფლეს სამსახურიდან და მან მომხდარი ასეთი ფორმით გააპროტესტა. გამოძიება აფეთქებით ნივთის დაზიანების ან განადგურების ფაქტზე მიმდინარეობს, საქართველოს სსკ-ის 187-ე მუხლის მე-2 ნაწილით, რაც 3-დან 5 წლამდე თავისუფლების აღკვეთას ... ...
  • "მიხაილოვის" საავადმყოფოში ხანძარიაამ წუთებში, თბილისში,  ე.წ. "მიხაილოვის" საავადმყოფოში ხანძარია. გავრცელებული ინფორმაციით ხანძარი სახურავიდან გაჩნდა.  თბილისის სახანძრო სამსახურის უფროსის, ანდრო გუჯაბიძის თქმით, ხანძარი საავადმყოფოს უმოქმედო ნაწილში გაჩნდა. ადგილზე მუშაობს 7 ერთეული სახანძრო-სამაშველო ბრიგადა. მისივე თქმით, დაშავებული არავინაა და ხანძარი რამდენიმე წუთში იქნება ... ...

არქივი

ზაფრანი

"საკანონმდებლო" კრივი

ცოტა ხნის წინ ტაილანდის დედაქალაქ...

ძმური ლევიტაცია

ჩილეს ყველაზე ცნობილმა ილუზიონისტებმა, ტყუპმა...

"მიმზიდველი" თინეიჯერი

"მაგნიტური" ადამიანები თავისი თვისებების დემონსტრირებით...

სერფერი ტობი

ცოტა ხნის წინ აშშ-ში, კალიფორნიაში...

"სანტექნიკ-ოპერა"

ფლორიდის შტატის ქალაქ მაიამიში ლუკ...

ლედი გაგა დეპრესიაში ჩავარდა

ლედი გაგას "გიჟობას" არც ბრუს...
კარმიდამო ჩემი

როგორ მოვუაროთ მცენარეებს ადრე გაზაფხულზე

გაზაფხულის დამდეგი ზამთრიდან გაზაფხულისკენ გარდამავალი...

სენპოლია _ მთელი წელი მოყვავილე ოთახის ია

ეს სამხრეთ აფრიკული მცენარე ინტერიერის...

როგორ დავიცვათ თავი ბრონქიტისგან

ხველება ყოველთვის მიგვანიშნებს ორგანიზმის არასასურველ...

ვიოლები _ საოცარი ყვავილების ისტორია და მოვლის წესები

ამ საოცარ ყვავილებს ვიოლებს უწოდებენ,...

ოთახის მცენარე, რომელიც ჰაერს გაზის ნამწვისგან წმენდს

სპეციალისტები გვირჩევენ, აუცილებლად ვიყოლიოთ სახლში...

ჩაი და ყავა არა მარტო სასმელია

ცნობილია, რომ ჩაისა და ყავის...

შეწამვლითი ღონისძიებები და უსაფრთხოების ზომები

ვაგრძელებთ უსაფრთხოების ზომების შესახებ საუბარს,...

ახლებურად შევხედოთ ჩაის აღდგენას და მისი მოვლის მეთოდებს

ჩაის გაშენება ჩაის რეაბილიტაციის სახელმწიფო...

მონსტერა ჩვენს პირობებში _ როგორ გამოვაზამთროთ ოთახის გარემოში

მონსტერა მარადმწვანე ბუჩქოვანი და ლიანა...

ლავანდი _ ძვირფასზეთოვანი და სურნელოვანი მცენარე

ლავანდი ეთერზეთოვანი მცენარეა, რომელიც ეკუთვნის...