ბიუროზე უმრავლესობა საყვედურის ტონით ალაპარაკდა

პოლიტიკა

ბიუროზე უმრავლესობა საყვედურის ტონით ალაპარაკდა

2015 სექ 21 15:49:16

16 სექტემბერს, ლანჩხუთის მუნიციპალიტეტის ბიუროს სხდომა გაიმართა, რომელზეც  დღის წესრიგის მიხედვით, ის  11 საკითხი განიხილეს. ეს საკითხები 25 სექტემბრისთვის ჩანიშნულ საკრებულოს სხდომაზე განიხილება.

საკითხი _ ლანჩხუთის მუნიციპალიტეტის 2015 წლის ბიუჯეტის დამტკიცების შესახებ საკრებულოს გასული წლის 25 დეკემბრის დადგენილებაში ცვლილების შეტანის თაობაზე,   განსახილველად გამგეობის საფინანსო-საბიუჯეტო სამსახურის უფროსმა როლანდ ლაშხიამ წარმოადგინა.

ლაშხიას თქმით, 275 ათასი ლარი სოფელ სუფსის ცენტრის კეთილმოწყობისთვის გამოიყოფა, რაც უკვე ასახულია ინფრასტრუქტურულ საკითხებში.

_ სუფსის კეთილმოწყობა კარგია, თუმცა, როგორც ამ ბიუჯეტიდან ჩანს, წელს არც ქალაქის ცენტრის კეთილმოწყობა მოხერხდება და აღარც ახალი სპორტული სკოლის მშენებლობა დაიწყება, _ თქვა დეპუტატმა რომან ბიწაძემ.

როლანდ ლაშხიამ დააკონკრეტა, რომ ლანჩხუთში ახალი სპორტული სკოლის მშენებლობა, რაზეც საუბარი ჯერ კიდევ გასულ წელს დაიწყო, 2015 წლისთვის აღარ მოესწრება და სავარაუდოდ, მომავალი წლის ბიუჯეტში აისახება. რაც შეეხება ქალაქ ლანჩხუთის ცენტრის კეთილმოწყობას, ეს საკითხი ჯერ კიდევ აქტუალურია, არის ალბათობა, სამუშაოები წელს დაიწყოს და სამომავლოდ გარდამავალ ეტაპად გაგრძელდეს.

სოციალურ პროგრამებში გასახორციელებელ ცვლილებებზე გამგეობის სოციალური სამსახურის უფროსმა თამარ ფირცხალაიშვილმა ისაუბრა. საკითხის მოსმენის შემდეგ ბიუროს წევრებისთვის ბუნდოვანი იყო, რატომ არის დიფერენცირებული სხვადასხვა ომის ვეტერანების სოციალური მხარდაჭერა.

"ნებისმიერი ომის მონაწილე თანაბარი პირობებითა და სოციალური პაკეტით უნდა სარგებლობდეს. არ უნდა განსხვავდებოდეს სამაჩაბლოსა და აფხაზეთის ომების მონაწილეები და მათი ოჯახები. რა მნიშვნელობა აქვს, მეომარი 2008 წლის ომში დაიღუპა თუ წინა წლებში მიმდინარე საომარი მოქმედებებისას?" _ ასეთი იყო დეპუტატთა პოზიცია.

ფრაქციამ "ლანჩხუთი ევროატლანტკური მომავლისთვის" ორი ინიცირებული პროექტი წარმოადგინა _ წარმატებული აბიტურიენტებისა და მათი სკოლების წახალისებისა და ლანჩხუთის მუნიციპალიტეტის სოციალურად შეჭირვებული მოსახლეობის ელექტროენერგიის გადასახადის თანადაფინანსების შესახებ.

ფრაქციის ამ ინიციატივით კმაყოფილი დარჩა საკრებულოს თავმჯდომარე გოგი ხელაძე, რომლის თქმითაც, ეს პირველი შემთხვევაა ამ საკრებულოში, როცა ფრაქციამ საკუთარი პროგრამა წარმოადგინა და ისურვა, ამ მხრივ, მეტი აქტივობა იყოს სამომავლოდ.

ბიუროს სხდომაზე არსებული ჰარმონია მას შემდეგ დაირღვა, რაც დღის წესრიგით გათვალისწინებულ ბოლო საკითხზე _ "სხვადასხვაზე" მიდგა ჯერი და უმრავლესობის წევრებმა საკრებულოს თავმჯდომარის მიმართ საყვედურის ტონით დაიწყეს საუბარი.

"არ მიყვარს ტყუილად წყლის ნაყვა. უკვე ერთი წელია, ვაყენებ საკითხს ეგნატე ნინოშვილის სახელობის მემორიალური მუზეუმის ადმინისტრაციული შენობის ავარიულობის შესახებ, თუმცა, აქამდე არანაირი შედეგი არაა. წამოდით, საკუთარი თვალით ნახეთ, თუა შესაძლებელი ზამთრის გადატანა იმ პირობებში. აქ მხოლოდ ლაპარაკისთვის ვიკრიბებით?! თუ ასე გაგრძელდა, მალე  საკრებულოს სხდომაზე დასწრებაც აღარ მენდომება", _ თქვა ნიგვზიანის თემის მაჟორიტარმა ბესიკ ტაბიძემ და პროტესტის ნიშნად დარბაზი დატოვა.

აღსანიშნავია, რომ ნინოშვილის სახელობის მემორიალურ მუზეუმს წლებია, შენობის ავარიულობის პრობლემა აწუხებს, გაუსაძლისი პირობების გამო, ფონდსაცავი კერძო ოჯახში აქვთ გადატანილი, თუმცა, არც იქაა სახარბიელო მდგომარეობა. ჯერ კიდევ გასულ წელს ანონსდებოდა, რომ ფირმა "ატუ" განახორციელებდა მუზეუმში სარესტავრაციო სამუშაოებს, მაგრამ ამ დრომდე კონკრეტული არაფერია გამოკვეთილი.

ბიუროზე სუფსის მაჟორიტარის, ჯუმბერ ბლაგიძის მხრიდან საყვედური საკრებულოს თავმჯდომარის, გოგი ხელაძის მისამართით გაჟღერდა: "კარგად იცით, რა მდგომარეობაა სუფსაში ავტომაგისტრალის მშენებლობასთან დაკავშირებით. აქციის მონაწილეებთან შესახვედრად არაერთხელ იყვნენ მისულები საკრებულოს ფრაქციებისა და კომისიების ხელმძღვანელები, ადგილზე გაეცნენ მდგომარეობას. თქვენ კი ერთხელაც არ მისულხართ, არადა, ისინი სწორედ თქვენთან შეხვედრას ითხოვენ. ნუთუ, არ უნდა მიხვიდეთ ადგილზე და გაეცნოთ მათ პრობლემებს, ჰექტრობით საყანე ფართობებია გაფუჭებული. არ უნდა დაგვავიწყდეს, რომ ჩვენ საკრებულოს წევრები ვართ და ხალხი ჩვენგან მეტ თანადგომას ითხოვს!"

ბლაგიძის ამ შენიშვნაზე ხელაძემ განაცხადა, რომ საკრებულოს ცალკეული დეპუტატები უკვე შეხვდნენ მოსახლეობას და თავადაც შეხვდება.




 ახალი ამბები
  • “პრემიერ-მინისტრი არ ამბობს, როდის დაიკეტოს მაღაზიები“ ჩოხატაურის მუნიციპალიტეტში სასურსათო მაღაზიებთან და აფთიაქებთან მერიის ზედამხედველობის სამსახურმა საინფორმაციო ფურცლები გააკრა; ტექსტში, ცხადია, აღნიშნულია, რომ ადამიანები სახლში უნდა დარჩნენ, ვაჭრობისას დისტანცია დაიცვან, თუმცა, ამ საინფორმაციო ფურცლებით, სასიცოცხლოდ მნიშვნელოვან სავაჭრო ობიექტებს სამუშაო დრო 19 საათამდე განუსაზღვრეს. “გუშინ, 7 საათზე რომ დავხურე მაღაზია, რამდენიმე ადამიანი გარეთ, ერთმანეთისგან დინსტანცირებით  მელოდებოდა; თხოვნის მიუხედავად, მათთვის უარის თქმა მომიხდა -  შიშში ვიყავი, ვინმემ არ დამაჯარიმოს-მეთქი. მთავარია, ცხრა საათზე სახლში ვიყოთ და შვიდ საათზე დავკეტავ თუ ცხრის ნახევარზე, ეს მგონი არაა კანონდარღვევა“, _ განუცხადა “გურია ნიუსს“ ერთ-ერთი მაღაზიის მეპატრონემ. სასურსათო მაღაზიის კიდევ ერთი მეპატრონე კი წუხს, რომ 7 საათამდე დისტრიბუციას ვერ მოასწრებს, რადგან მომწოდებელს რვა საათზე ელოდება. მისი თქმით, პრემიერ-მინისტრის მიერ კომენდანტის საათის გამოცხადების მერე შეუთანხმდა მომწოდებლებს და გრაფიკი შესაბამისად დაგეგმა. მერიის ზედამხედველობის სამსახურის მიერ 19 საათზე მაღაზიის დაკეტვის მოთხოვნის გამო კი გრაფიკი მთლიანად დაერღვა და ხელი ეშლება. ამგვარი შეზღუდვის დაწესება ადგილობრივი ხელისუფლების უფლებამოსილებას სცდება და დამატებით შეზღუდვებს უწესებს მოქალაქეებს, რაც არაკანონიერია.  მიუხედავად იმისა, რომ ინფორმაცია ამ შეზღუდვის შესახებ “გურია ნიუსში“ გუშინ გამოქვეყნდა, დღეს მდგომარეობა უცვლელი დაგვხვდა და შემზღუდავი საინფორმაციო ფურცლები ისევ გამოკრული იყო, არც მაღაზიის პატრონების ხელახალი ინფორმირება მომხდარა. ჩოხატაურის მუნიციპალიტეტის მერიის ზედამხედველობის სამსახურის უფროსის, ვლადიმერ ლომთათიძის თქმით, მერიაში მიიღეს გადაწყვეტილება, რომ 19 საათიდან დაკეტილიყო მაღაზიები: “ჩვენ გავაფრთხილეთ მაღაზიების მეპატრონეები. თუ მათი თანამშრომლები ცხოვრობენ სოფელში და სამსახურის შემდეგ მიდიან სახლში, რომ არ მოხვდნენ კომენდანტის საათში, 7 საათზე უნდა დაიწყონ მაღაზიების დაკეტვაზე ზრუნვა. შეიძლება 8 საათამდეც გააგრძელონ მუშაობა. არავისთვის გვითქვამს, რომ ამისთვის დავაჯარიმებთ ვინმეს. უბრალოდ, თუ 9 საათზე ისინი არ იქნებიან სახლში, დაჯარიმდებიან კომენდანტის საათის დარღვევის გამო. ჩვენ ყველას ვაფრთხილებთ, რომ ინდმეწარმეები და მაღაზიებში დასაქმებული პირები არ დაჯარიმდნენ“, _ გვითხრა ვლადიმერ ლომთათიძემ. საქართველოს ახალგაზრდა იურისტთა ასოციაციის ოზურგეთის ოფისის ხელმძღვანელის, თამაზ ტრაპაიძის თქმით, მთავარია, რომ გონივრულ ვადაში დაიკეტოს მაღაზიები, რადგან ღამის ცხრა საათზე მისი მეპატრონეები და იქ მომუშავე პერსონალი სახლში იყვნენ. მისი თქმით, მთავრობის მიერ გამოქვეყნებულ შესაბამის დოკუმენტებში არსად წერია, რომ მაღაზიები 19 საათზე უნდა დაიკეტოს: “პრემიერ-მინისტრი არ ამბობს, როდის დაიკეტოს მაღაზიები. რადგან ქვეყნის მასშტაბით კომენდანტის საათი  იწყება 21 საათზე, თავად მაღაზიის მეპატრონემ უნდა გადაწყვიტოს, როდის დაკეტოს მაღაზია, ოღონდ ეს უნდა მოხდეს ისე, რომ კომენდანტის საათის დაწყებამდე ყველა თანამშრომელი  სახლში იყოს“, _ გვითხრა თამაზ ... ...
  • საქართველოში, კორონავირუსთან დაკავშირებული აპლიკაცია იტესტებასაქართველოში აპლიკაცია იტესტება, რომელიც სხვადასხვა ქვეყანაში კორონავირუსთან ბრძოლის ერთ-ერთ კომპონენტად დაინერგა. ჯანდაცვის მინისტრის ეკატერინე ტიკარაძის გქნცხადებით, აპლიკაციის ამოქმედების შემთხვევაში, მოქალაქეები მიიღებენ ინფორმაციას ჰქონდათ თუ არა მათ კონტაქტი ინფიცირებულ პირთან. მისივე თქმით, ადამიანები მიიღებენ ინფორმაციას იმ ლოკაციებთან დაკავშირებით, სადაც ინფიცირებულ ადამიანებს შეხება ჰქონდათ. „აპლიკაციასთან დაკავშირებით ვგეგმავთ დამატებითი ინფორმაციის მიწოდებას მოსახლეობისთვის. ის ამ ეტაპზე არის მხოლოდ სატესტო რეჟიმში და ჩვენ ვრწმუნდებით ახლა იმაში, რომ აპლიკაცია ნამდვილად იქნება ეფექტური და ასევე, მიმდინარეობს აპლიკაციის შესაბამისობაში მოყვანა ქართული რეალობისთვის და სხვადასხვა საინფორმაციო ბაზებით მისი გამყარება. მას შემდეგ შემდეგ რაც ეს ყოველივე იქნება მზად, ჩვენ შეგვეძლება უკვე მოქალაქეებს გავაცნოთ ამ აპლიკაციის დეტალები, რომ მათ შეძლონ საკუთარ უსაფრთხოებაზე ზრუნვა, რათა ჰქონდეთ ინფორმაცია, თუ სად იმყოფებოდა ინფიცირებული და ჰქონდა თუ არა მას პერსონალურად პოტენციურ ინფიცირებულთან გარკვეული კონტაქტი, რაც დაეხმარება დაავადებათა კონტროლის ცენტრის ეპიდემიოლოგებს შემდგომი და ადრეული კონტაქტების დაიდენტიფიცირებაში“, - განაცხადა ჯანდაცვის მინისტრმა ეკატერინე ... ...
  • ოზურგეთში თვითიზოლაციაში 11 პირი რჩება“ოზურგეთის მუნიციპალიტეტის საზოგადოებრივი ჯანდაცვის ცენტრის“ დირექტორის, მაია ქუტიძის ინფორმაციით, ოზურგეთიდან კარანტინში სულ 45 ადამიანი იყო, აქედან კარანტინის ვადა დაუმთავრდა 21 ადამიანს, ხოლო 24 ადამიანი ელოდება კარანტინის ვადის დასრულებას. მისივე ინფორმაციით, თვითიზოლაციაში ყოფნის ვადა ამოეწურა 69 ადამიანს. ამ ეტაპზე სახლში თვითიზოლაციაში 11 ადამიანი რჩება. მაია ქუტიძის თქმით, თვითიზოლაციაში მყოფ პირებს ყოველდღიურად ... ...
  • დღეს ტიციანის დაბადების დღეადღეს ტიციან ტაბიძის დაბადების დღეა : ,,მე დავიბადე აპრილის თვეში,ვაშლების გაშლილ ყვავილებიდან,მაწვიმს სითეთრე და წვიმის თქეშიმოდის ცრემლებად ჩემს თვალებიდან."ტიციან ტაბიძე 1895 წლის 2 აპრილს დასავლეთ საქართველოში, ორპირის მახლობლად სოფელ შუამთაში დაიბადა.1901 წელს მშობლებმა მომავალი პოეტი სასწავლებლად ქუთაისის სასულიერო სასწავლებელში მიაბარეს, სადაც 1901-1905 წლებში სწავლობდა თავის ბიძაშვილთან-გალაკტიონთან ერთად. 1906 წლის 12 იანვარს ტიციანმა განცხადებით მიმართა ქუთაისის კლასიკური გიმნაზიის დირექტორს ჩებიშს და თხოვა გიმნაზიის პირველ კლასში ჩარიცხვა.ტიციანმა წარმატებით ჩააბარა მისაღები საგნები და 1906 წლის 6 თებერვალს იგი ჩაირიცხა ქუთაისის ვაჟთა გიმნაზიის პირველ კლასში.ამდროინდელი ქუთაისი ქართული კულტურის მძლავრ კერას წარმოადგენდა. ამ გარემოში გამოიჭედა ტიციანისა და მისი მეგობრების მისწრაფებანი და ინტერესები. ლექსების წერა ტიციანმა ბავშვობიდანვე, მოწაფეობის დროიდან დაიწყო.ქუთაისის კლასიკური გიმნაზიის მეექვსე კლასის მოსწავლე ვიყავი, პირველი ლექსი რომ დავბეჭდეო,-იგონებს პოეტი.ამ დროიდანვე იგი წერდა და ბეჭდავდა პროზაულ მინიატურებს, ჩანახატებს, ესკიზებსა და ნოველებს.1913 წელს ტიციანმა სწავლა განაგრძო მოსკოვის უნივერსიტეტში, ფილოლოგიის ფაკულტეტზე. სტუდენტობის წლებში ტ. ტაბიძე აქტიურ საზოგადოებრივ და შემოქმედებით მოღვაწეობას ეწეოდა. მოსკოვის უნივერსიტეტის დამთავრების შემდეგ, 1917 წელს, ტიციანი მცირე ხანს თბილისში, გაზეთ ,,საქართველოს“ რედაქციაში მუშაობდა. გაზეთის ფურცლებზე მან მრავალი კორესპოდენცია და პუბლიცისტური სტატია გამოაქვეყნა, რომლებშიც თავისებურად აანალიზებს მაშინდელ რთულ პოლიტიკურ, ეროვნულ დასოციალურ მოვლენებს. სტუდენტობის წლებშივე ტიციანმა აქტიური მონაწილეობა მიიღო ,,ცისფერი ყანწების“ ლიტერატურული ჯგუფის დაფუძნებასა და ამავე სახელწოდების ჟურნალის გამოცემაში. ქართული სიმბოლიზმის დამფუძნებელი მწერლები მისი ახლო მეგობრები იყვნენ და პოეტი ჯერ კიდევ ქუთაისის გიმნაზიაში მოწაფეობის წლებში გაეცნო დაუმეგობრდა თითქმის ყოველ მათგანს. იგი აქტიურ მონაწილეობას ღებულობდა მნიშვნელოვანი კულტურულ- ლიტერატურული პრობლემების გადაჭრაში. ტიციან ტაბიძე 1937 წელს ანტისაბჭოთა მოღვაწეობის აბსურდული ბრალდებით დააპატიმრეს და დახვრიტეს.სხვა ვერსიით, გადასახლებამისჯილი პოეტი ციმბირის ტრამალზე ჩამოსვეს და თოვლიან ქარბუქში ... ...
  • #თიბისიშენთვის - ინიციატივები ქართული ბიზნესების მხარდასაჭერად (R)#თიბისიშენთვის ქართულ ბიზნესებს მათი საქმიანობის გასამარტივებლად სხვადასხვა ინიციატივას სთავაზობს.  პროგრამის ფარგლებში, დღეიდან, ნებისმიერ მსურველს შესაძლებლობა აქვს დონაციაში მიიღოს მონაწილეობა და მხარი დაუჭიროს თავის საყვარელ ქართულ კომპანიას. ამისათვის, პლატფორმა tbc4u.vendoo.ge უკვე ამოქმედდა. მომხმარებლები გადარიცხული თანხის სანაცვლოდ, მათთვის საყვარელი კომპანიისგან ვაუჩერს მიიღებენ, რომელსაც ბიზნესების საქმიანობის ჩვეულ რეჟიმში გაგრძელებისთანავე გაანაღდებენ.  დონაციით შესაძლებელია მინიმუმ 5 და მაქსიმუმ 100 ლარის გადარიცხვა.  პროექტში ჩართვა  ნებისმიერ ქართულ კომპანიას შეუძლია. პლატფორმას უკვე შემოურთდნენ:  „სფილოუ";  ჰოსტელი -  „შავი პომიდორი";  ღვინის კომპანია -  „ჟუჟუნა";  ბარი - „მეობა"; კაფე -  „თონე";  „ჩიკატაი";  სამაგიდო თამაშების კლუბი -  „წიბახა"  და სხვა.  #თიბისიშენთვის პროგრამა ქართული ბიზნესების მხარდასაჭერად კიდევ რამდენიმე ინიციატივას აერთიანებს: მხარდაჭერას ბიზნესების გაციფრულებისთვის; ონლაინ ბიზნესგანათლებას; შეღავათებს საბანკო პროდუქტებსა და მომსახურებაზე; შეღავათებს ციფრულ პროდუქტებზე. ბიზნესების გაციფრულების მხარდაჭერა მოიცავს: კომპანიის ვებ-გვერდის შექმნა 3 დღეში. სერვისი მოიცავს როგორც ფოტოგრაფის მომსახურებას, ისე გადახდის სისტემის და მიტანის სერვისის ინტეგრაციას.  VISA-ს მხარდაჭერით, პირველი 100 კომპანია, რომელიც პროექტში ჩაერთვება,  ვებ-გვერდის მომსახურებას  წლის ბოლომდე უფასოდ მიიღებს; ქართული ნაწარმის  vendoo.ge-ზე განთავსება, მინიმალური  საკომისიო გადასახადით; პროდუქციის განთავსება ყველაზე დიდ ონლაინ სტარტაპ-მარკეტზე  - mystartup.ge, რომელიც აპრილიდან ამოქმედდება. ვებ-გვერდზე ბიზნესების რეგისტრაცია უკვე დაწყებულია. ონლაინ ბიზნესგანათლების ფარგლებში თიბისის ტრენინგებში მონაწილეობა მომხმარებლებს უკვე სახლიდან გაუსვლელად  შეუძლიათ.  #თიბისიშენთვის პროგრამის კიდევ ერთი ინიციატივა ბიზნესებისთვის  ციფრულ პროდუქტებზე შეღავათების შეთავაზებაა, კერძოდ: ბიზნეს ინტერეტბანკში ახალი მომხმარებლის   რეგისტრაცია   და კვარტალური მომსახურების მიღება უფასოდ; ბიზნეს ინტერენტბანკში მიმდინარე ანგარიშის გახსნა უფასოდ; დიჯიპას აპლიკაციის გააქტიურება უფასოდ;  ბიზნესებისთვის შეღავათები დაწესდა საბანკო პროდუქტებსა და მომსახურებაზეც. სამთვიანი საშეღავათო პერიოდი სესხების შენატანზე; ბიზნესბარათის  უფასოდ აღება სატელეფონო ცენტრით შეკვეთისას; საკომისიო გადასახადი გაუქმდა ინტერნეტ და მობაილბანკში კომუნალურ გადახდებზე ; პოს-ტერმინალზე  გაუქმდა  შევსებადი საკომისიო გადასახადი 1 ივნისამდე; შეიქმნა სპეციალური სადისტრიბუციო ბარათი სადისტრიბუციო კომპანიებისთვის.  #თიბისიშენთვის  მომხმარებლებს უახლოეს მომავალში კიდევ არაერთ სიახლეს შესთავაზებს. ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...