საქართველო ნატოში გაწევრიანების გზაზე

პოლიტიკა

საქართველო ნატოში გაწევრიანების გზაზე

2016 თებ 29 13:25:59

1991 წელს, როდესაც საქართველომ დამოუკიდებლობა მოიპოვა, ქვეყანამ თავისი ისტორიული არჩევანი გააკეთა და პროდასავლური კურსი აიღო. გეოპოლიტიკური მდებარეობიდან გამომდინარე, საქართველოს სუვერენიტეტი, ტერიტორიული მთლიანობა, უსაფრთხოება და დემოკრატიული განვითარება ყოველთვის საფრთხის წინაშე იდგა. სწორედ ამიტომ, საბჭოთა კავშირის დაშლის შემდეგ, საქართველომ ქვეყნის უსაფრთხოების გარანტიების ძიება ევროატლანტიკურ სივრცეში დაიწყო. 

საქართველოს ჩრდილოატლანტიკურ ალიანსთან 24-წლიანი თანამშრომლობის ისტორია აკავშირებს. ქვეყანამ, როგორც ნატოს პარტნიორმა, 1992 წლიდან დღემდე გრძელი და მნიშვნელოვანი გზა განვლო. 2008 წელს ნატოს ბუქარესტის სამიტზე ალიანსის წევრი ქვეყნების ლიდერები შეთანხმდნენ, რომ საქართველო გახდება ნატოს წევრი. ამ განცხადებით, მოკავშირეებმა საქართველოს ნატოში გაწევრიანებასთან დაკავშირებით პოლიტიკური ნება გამოხატეს, ეს ნატოს მომდევნო სამიტებზეც მრავალჯერ დადასტურდა. ბუქარესტის სამიტიდან დღემდე მნიშვნელოვნად განვითარდა ნატო-საქართველოს ურთიერთობები - დაფუძნდა ნატო-საქართველოს კომისია, რომელიც მნიშვნელოვანი საკონსულტაციო ფორუმია; საქართველომ დაიწყო ყოველწლიური ეროვნული პროგრამის განხორციელება, რომელიც შინაარსით გაწევრიანების სამოქმედო გეგმის პრაქტიკული ნაწილია; საქართველოს მიენიჭა ნატოს ასპირანტი ქვეყნის სტატუსი.

ნატოსა და საქართველოს შორის ურთიერთობებმა ინტენსიური ხასიათი მიიღო და კონკრეტული შედეგებიც გამოიღო.

პირველ რიგში, ალიანსის რეკომენდაციების შესაბამისად, საქართველო ეფექტურად ახორციელებს რეფორმებს, რაც ქვეყანაში დემოკრატიული  პროცესების განვითარებას, კანონის უზენაესობასა და ადამიანის უფლებების დაცვას უწყობს ხელს. ამასთან, საქართველოს მიერ ინტეგრაციული მექანიზმების ეფექტურად განხორციელება და ნატოს პროგრამებში მონაწილეობა უზრუნველყოფს ჩვენი ქვეყნის თავდაცვის ტრანსფორმაციას და თანამედროვე, მოქნილი, მუდმივ საბრძოლო მზადყოფნაში მყოფი ჯარის ჩამოყალიბებას.

საქართველოს მიერ პირნათლად და წარმატებით განხორციელებული რეფორმები არაერთგზის  აღინიშნა  ნატოს და წევრი ქვეყნების წარმომადგენლების მიერ.

ამას გარდა, 2014 წლის ნატოს უელსის სამიტზე ნატო-საქართველოს არსებითი პაკეტის ამოქმედებით საქართველოს ალიანსთან თანამშრომლობა თვისობრივად ახალ ეტაპზე გადავიდა. ნატო-საქართველოს არსებითი პაკეტის ინიციატივების წარმატებით განხორციელება ხელს უწყობს საქართველოს  თავდაცვის შესაძლებლობების გაძლიერებას, საქართველოს შეიარაღებული ძალების ნატოსთან თავსებადობის ამაღლებას და რეგიონში სტაბილურობის განმტკიცებას.

ნიშანდობლივია, რომ ნატოს უელსის სამიტზე საქართველოსა და ალიანსს შორის ურთიერთობებში კიდევ ერთი მნიშვნელოვანი ნაბიჯი გადაიდგა და საქართველო, როგორც ნატოს ოპერაციების მნიშვნელოვანი კონტრიბუტორი, „გაძლიერებული შესაძლებლობების პარტნიორთა“ ჯგუფში მიიწვიეს. ეს ფორმატი საქართველოს დამატებითი პოლიტიკური კონსულტაციებისა და ურთიერთთავსებადობის საკითხებზე თანამშრომლობის შესაძლებლობას აძლევს.

საქართველო, როგორც ნატოს ასპირანტი ქვეყანა და საიმედო სტრატეგიული პარტნიორი, საერთაშორისო სტაბილურობისა და უსაფრთხოების განმტკიცებაში საკუთარი წვლილის შეტანას განაგრძობს. საქართველო მეორე ყველაზე მსხვილი კონტრიბუტორი ქვეყანაა ნატოს მტკიცე მხარდაჭერის მისიაში ავღანეთში, სადაც ქართველი სამხედრო მოსამსახურეები ნატოს დროშის ქვეშ ამაყად დგანან მოკავშირეთა ჯარისკაცების გვერდით და წარმატებით ასრულებენ დაკისრებულ ამოცანებს.

დღეს საქართველოს შეიარაღებული ძალები  ნატოსთან თავსებადობის უმაღლესი დონის მაჩვენებლით სარგებლობს. 12 ათასზე მეტმა ქართველმა სამხედრო მოსამსახურემ ამერიკელი საზღვაო ქვეითების ინსტრუქტაჟით შესაბამისი წვრთნა გაიარა და ავღანეთში ნატოს ეგიდით წარმოებულ ოპერაციაში მიიღო მონაწილეობა. ამას გარდა, საქართველო ჩართულია მაღალი მზადყოფნის ნატოს სწრაფი რეაგირების ძალებში, რაც ქვეყანას ნატოს მაღალი დონის წვრთნასა და სწავლებაში მონაწილეობის მიღების შესაძლებლობას აძლევს და ქართული ჯარის ნატოს წევრი ქვეყნების შეიარაღებულ ძალებთან თავსებადობის გაძლიერებას უწყობს ხელს.

2015 წლის დეკემბრის ნატოს საგარეო საქმეთა მინისტერიალზე მონტენეგროს მიწვევა ალიანსში გაწევრიანებისთვის ნათელი და მკაფიო გზავნილია საქართველოს, როგორც ასპირანტი სახელმწიფოსთვის, რომ ნატოს „ღია კარის“ პოლიტიკა გრძელდება და საქართველოს ნატოში გაწევრიანება ალიანსის დღის წესრიგის მნიშვნელოვან საკითხად რჩება. მოკავშირეებმა აღნიშნეს, რომ საქართველო-ნატოს ურთიერთობები საქართველოს ალიანსში გაწევრიანებისთვის მოსამზადებლად  ყველა პრაქტიკულ ინსტრუმენტს მოიცავს. გაწევრიანების სამოქმედო გეგმა საქართველოს ალიანსის წევრობისთვის ინტეგრაციის კონტექსტში არის ნატოს 28 წევრი სახელმწიფოს პოლიტიკური გადაწყვეტილება, რომელიც საქართველოს გაწევრიანებისთვის და არა გაწევრიანების გზაზე პროგრესის მისაღწევად ესაჭიროება.

ნატო-საქართველოს ურთიერთობებში არსებული მნიშვნელოვანი პროცესები იძლევა იმის მყარ საფუძველს, რომ საქართველოს ნატოში გაწევრიანების გზაზე, 2016 წლის ნატოს ვარშავის სამიტზე, კიდევ უფრო მეტი წარმატება ელის. ვარშავის სამიტის შემდეგ საქართველოს ექნება შესაძლებლობა და საშუალებები, კიდევ უფრო ეფექტურად დაიცვას საკუთარი სახელმწიფოებრიობა.

(R)




 ახალი ამბები
  • ცხინვალის ე.წ. КГБ ტყვეობაში მყოფი ექიმის სატელეფონო ჩანაწერებს აქვეყნებს საოკუპაციო რეჟიმი ვაჟა გაფრინდაშვილის წინააღმდეგ საქმის გაყალბებას აგრძელებს. ტყვეობაში მყოფი ექიმის სატელეფონო ჩანაწერები ოკუპირებული სამხრეთ ოსეთის ე.წ.  КГБ-გამოაქვეყნა. ე.წ. უშიშროების მტკიცებით, საოკუპაციო ხაზის გადაკვეთა ვაჟა გაფრინდაშვილს წინასწარ ჰქონდა დაგეგმილი. ე.წ. უწყება ვაჟა გაფრინდაშვილის ქმედებას პროვოკაციად აფასებს და თბილისში მიმდინარე საპროტესტო აქციებს უკავშირებს. მნიშვნელოვანია ერთი დეტალი - ოკუპანტებს ჩანაწერები საქართველოს ხელისუფლების მიერ კონტროლირებად ტერიტორიაზე აქვთ გაკეთებული. წყარო: ... ...
  • გედევან ფოფხაძე პარლამენტის განათლების კომიტეტს ტოვებსდამოუკიდებელი დეპუტატი გედევან ფოფხაძე პარლამენტის განათლების, მეცნიერებისა და კულტურის კომიტეტს ტოვებს.  როგორც ფოფხაძემ აღნიშნა, აპარატი სხდომების გაცდენის გამო აჯარიმებს, რაც მისი შეფასებით, "ქართული ოცნების" მხრიდან მის მიმართ პოლიტიკური დისკრიმინაციის ფორმაა. ფოფხაძის თქმით, პარლამენტში ერთადერთი დეპუტატია, ვინც კომიტეტის გაცდენის გამო დააჯარიმეს. "მიმაჩნია, რომ მაჯარიმებენ მხოლოდ იმიტომ, "ქართული ოცნების" ოპოზიციაში ვარ, სხვა მოტივაცია ამას არ აქვს. მე ვიყავი "ოცნებაში" და გაცდენებთან დაკავშირებით არასდროს პრობლემა არ მქონია. ჩემს გარდა კომიტეტის გაცდენის გამო არც არავინ დაუჯარიმებიათ. პარლამენტში ვარ ერთადერთი, ვინც გაცდენის გამოა  დაჯარიმებული," - განუცხადა ფოფხაძემ "რუსთავი 2"-ს. როგორც ფოფხაძე აცხადებს, უმრავლესობის რამდენიმე წევრი  სხდომებს ხშირად აცდენს და მათზე არანაირი სანქცია არ ვრცელდება. "მაშინ, როცა უმრავლესობაში კახა ოქრიაშვილი და ილია წულაია არიან, რომელთაც ბიზნესები აქვთ, მილიონებს შოულობენ და აცდენენ სხდომებს, არავინ აჯარიმებს. მაგათ საერთოდ პარლამენტის წევრობის უფლება უნდა შეუწყვიტონ," - განაცხადა ფოფხაძემ. "უსაფუძვლოდ მაჯარიმებენ. დისკრიმინაციულია ის მუხლი, რომ დამოუკიდებელ დეპუტატს არ აქვს საშუალება უფლებამონაცვლე მონახოს. მე შესაძლებელია რაიონში ვიყო, უცბად დანიშნოს ვიღაცამ განათლების კომიტეტი და ვერ მოვახერხო ჩამოსვლა. ასეთ შემთხვევაში ვერავინ შემცვლის, მაშინ როცა რეგლამენტის თანახმად ფრაქციებს აქვთ საშუალება თავისი უფლებამონაცვლე წარადგინოს. დეპუტატები, რომლებიც ფრაქციაში არიან უფრო უკეთეს მდგომარეობაში იმყოფებიან. გარდა ამისა, სხდომებზე, რომელზეც მედავებიან გააცდინეო, ჩემთვის ინფორმაცია არ მოუწოდებიათ სხდომა ჩატარების შესახებ. უმრავლესობის წევრები უპრობლემოდ აწერენ ხელს, რომ სხდომას ესწრებოდნენ და მიდიან, სადაც უნდათ," - აცხადებს გედევან ფოფხაძე. წყარო: ... ...
  • “სასამართლო სისტემას სჭირდება ხსნა და შველა“ _ ოზურგეთელი პოლიტიკოსები მჟავანაძის დაკავების შესახებოზურგეთის მუნიციპალიტეტის საკრებულოს და “ერთიანი ნაციონალური მოძრაობის“ ოზურგეთის რაიონული ორგანიზაციის თავმჯდომარეს დავით მჟავანაძეს ოთხდღიანი პატიმრობა შეეფარდა. ის 18 ნოემბერს თბილისში გამართულ აქციაზე 33 აქციის მონაწილესთან ერთად დააკავეს. როგორ აფასებენ მჟავანაძის ოთხდღიან პატიმრობას ოზურგეთში და რა კომენტარები გააკეთეს ოზურგეთის მუნიციპალიტეტის საკრებულოს დეპუტატებმა, ამას ჩვენ მიერ მომზადებულ სტატიაში წაიკითხავთ. “საქართველოში შეკრებისა და გამოხატვის თავისუფლება დაცულია. მშვიდობიან მანიფესტაციას კანონით დადგენილი ნორმები და ჩარჩოები აქვს.  თუკი მანიფესტაციის დროს პირი სამართალდარღვევას ჩაიდენს, ბუნებრივია, სახელმწიფოს კანონისმიერი რეაგირება ექნება.“ - ასეთი კომენტარი გააკეთა “გურია ნიუსთან“ ოზურგეთის მუნიციპალიტეტის საკრებულოს თავმჯდომარემ დავით დარჩიამ. ტარიელ აროშიძე “გურია ნიუსთან“ საუბრის დროს ამბობს, რომ დავით მჟავანაძის საქმესთან დაკავშირებით ინფორმაციას არ ფლობს. “ვერანაირ კომენტარს ვერ გავაკეთებ. სოფელში სხვადასხვა პროექტები ხორციელდება და ვაკვირდები სამუშაოებს“, _ გვითხრა ტარიელ აროშიძემ. შოთა გოგიბერიძე “პატრიოტთა ალიანსის“ ოზურგეთის რაიონული ორგანიზაციის თავმჯდომარე და ოზურგეთის მუნიციპალიტეტის საკრებულოს დეპუტატი:  “ერთი რამ ნათელია _ სასამართლო მიკერძოებულია. სასამართლო სისტემას სჭირდება ხსნა და შველა. კიდევ ერთხელ ჩანს სასამართლოს სისტემის რეფორმირების საკითხი. უნდა მოვაშოროთ სისტემას ჯიბის მოსამართლეები.“ ლევან მგელაძე, ოზურგეთის მუნიციპალიტეტის საკრებულოს დამოუკიდებელი დეპუტატი: “ნამდვილად ვერ დავეთანხმები მოსამართლის გადაწყვეტილებას, რადგან მიტინგს აქვს მისი ეიფორია. მე ვფიქრობ, ეს დაკავებები პოლიტიკური ანგარიშსწორებაა და საზოგადოების დაშინება უფრო არის, რადგან არ მიიღონ მონაწილეობა აქციებში.“ “ქართული ოცნების“ წევრი და ოზურგეთის მუნიციპალიტეტის საკრებულოს დეპუტატი ლელა საჯაია მჟავანაძის დაკავებასთან დაკავშირებით შემდეგი სახის კომენტარს აკეთებს: “არა მგონია, სასამართლოს უსამართლოდ მიეღოს გადაწყვეტილება მიმდინარე მოვლენებთან დაკავშირებით.“ “ლეიბორისტი“ და ოზურგეთის მუნიციპალიტეტის საკრებულოს წევრი დავით მამალაძე ჩვენთან სატელეფონო საუბრის დროს ამბობს: “მოსამართლის გადაწყვეტილება სამართლიანია თუ არა სამართლიანი? _  უსამართლო ქვეყანაში, როგორ იქნება სამართლიანი. ყველა კარგად იცის, რომ მოსამართლე ზეწოლის ქვეშ იყო“. “ერთიანი ნაციონალური მოძრაობის“  და ოზურგეთის მუნიციპალიტეტის საკრებულოს წევრი თორნიკე გოგუაძე ამბობს, ეს ადამიანები იმიტომ გამოკეტეს 10 და 13 დღით, რომ 25 ნოემბერს გასამართ აქციაზე არ მოვიდნენ. “აბსოლუტური უაზრობა იყო. კადრები, რომელიც წარმოადგინეს მტკიცებულებად, იმ კადრებში დავით მჟავანაძე არ იყო საერთოდ. სხვა ადამიანი ჩანს ვიდეოში და დააკავეს დათო მჟავანაძე. ასევე, მინდა გითხრათ, რომ ორ ადამიანს მიუსაჯეს ოთხი დღე, დანარჩენს 10 ან 13 დღე, რადგან 25 ნოემბერს გასამართ აქციაზე არ მოვიდნენ ის ადამიანები, რომელიც ძალიან აქტიურად არიან ჩართულები აქციებში. “ - გვითხრა თორნიკე ... ...
  • პარლამენტის კენჭისყრის შედეგები ჩემთვის სამწუხარო იყო - ევროკავშირის ელჩი კარლ ჰარცელიევროკავშირის ელჩი საქართველოში კარლ ჰარცელი ბოლო დროს განვითარებულ მოვლენებს აფასებს. ​ჰარცელის განცხადებით, აუცილებელია დიალოგის სწორი მიმართულებით წარმართვა. ევროკავშირის ელჩის თქმითვე, ხელისუფლებამ ნდობის მოპოვება ხელახლა უნდა შეძლოს. "გასულ კვირას, საკონსტიტუციო ცვლილებებზე პარლამენტის კენჭისყრის შედეგები ჩემთვის სამწუხარო იყო. არა იმიტომ, რომ ევროკავშირს აქვს საკუთარი პოზიცია საარჩევნო სისტემის შესახებ, არამედ იმიტომ, რომ მოსახლეობამ უნდა აირჩიოს არჩევნების ჩატარების წესი. მნიშვნელოვანია ნდობის თავიდან მოპოვება და დიალოგის დაწყება, რომელშიც ორივე მხარე უნდა ჩაერთოს," - აღნიშნა ევროკავშირის ელჩმა ... ...
  • ვინ არიან ოზურგეთელი მეორესკოლელები, რომლებმაც უცხოენის ოლიმპიადაში 40-დან 40 ქულა აიღესეროვნული სასწავლო ოლიმპიადის პირველ ტურში, ნოდარ დუმბაძის სახელობის ქალაქ ოზურგეთის N2 საჯარო სკოლის მოსწავლეებმა მაღალი რეიტინგული შეფასება დაიმსახურეს და მეორე ტურში 27 მოსწავლე გადავიდა.  _ შედეგების მიხედვით II ტურში გადავიდა სულ 27 მოსწავლე, ამათგან სამი მოსწავლე დოლიძე ანა (ინგლისური ენა), თავართქილაძე თამარ (ინგლისური ენა, რუსული ენა) მელუა ანა (რუსული ენა) რესპუბლიკის მასშტაბით, რეიტინგით I ადგილზე არიან. მათ  40-დან 40 ქულა მოიპოვეს ამ საგნებში.  რეიტინგულად წარმატებები აქვთ, ასევე, მოსწავლეებს მათემატიკაში, ქართულ ენასა და ლიტერატურაში, ისტორიაში, ინგლისურ, რუსულ და ფრანგულ ენებში, _ თქვა „გურია ნიუსთან“ სკოლის დირექტორმა ფატი სიორიძემ.   „გურიანიუსი“  გამარჯვებულ მოსწავლეებს წარმატებებს უსურვებს შემდგომი ... ...

არქივი

ზაფრანი

საჭმელი, რომელიც კიბოს აჩქარებს

გამოცემა Sciencealert - ის ცნობით,...

რა სასმელი უნდა დალიოთ რომ დიდხანს იცოცხლოთ?

ესპანეთში ჩატარებული გამოკვლევების შედეგად, რომელიც...

როგორ მოქმედებს ორგანიზმზე კომბოსტოს ფოთოლი

კომბოსტო ერთ-ერთი ყველაზე სასარგებლო პროდუქტია....

შეიძლება თუ არა ვარჯიში, როცა გაციებული ხართ

თუ რეგულარულად ვარჯიშობთ, ალბათ, თქვენთვის...

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

დარწმუნებული ხართ თუ არა, რომ სასმელად ვარგის წყალს მოიხმართ?