ადამიანის უფლებათა ევროპული სასამართლოს მოსამართლეობის კანდიდატები

პოლიტიკა

ადამიანის უფლებათა ევროპული სასამართლოს მოსამართლეობის კანდიდატები

11 მარ. 2016, 19:59:02

"საერთაშორისო გამჭვირვალობა - საქართველო" ადამიანის უფლებათა ევროპული სასამართლოს მოსამართლეობის კანდიდატებთან დაკავშირებით ინფორმაციას ავრცელებს. 

ორგანიზაციის მიერ გავრცელებულ ინფორმაციაში მიმოხილულია, როგორც კანდიდატების შერჩევის პროცესი, ასევე, წარსადგენი კანდიდატების საქმიანობაც: 

"2016 წლის 29 თებერვალს ადამიანის უფლებათა ევროპული სასამართლოს მოსამართლეობის მსურველთა შერჩევის მიზნით გასაუბრებები დასრულდა. სამთავრობო კომისიამ გასაუბრების შედეგად ქულათა ჯამით 12-დან ხუთი კანდიდატი შეარჩია. სტრასბურგის სასამართლოში საქართველოდან წარდგენილი მოსამართლის კანდიდატურებთან გასაუბრებას სპეციალურად ამ მიზნით შექმნილი სამთავრობო კომისია ატარებდა, რომელსაც იუსტიციის მინისტრი თავმჯდომარეობდა. შევეცდებით მოკლედ აღვწეროთ კანდიდატების არჩევის პროცესი.

კომისია

საქართველოს მთავრობის 2015 წლის 14 დეკემბრის №623 დადგენილებით დამტკიცებული იქნა „2016 წელს ადამიანის უფლებათა ევროპულ სასამართლოში საქართველოდან ასარჩევი მოსამართლის კანდიდატურების შერჩევის წესი. დადგენილების შესაბამისად შეიქმნა სამთავრობო კომისია. კომისიის შემადგენლობაში შედიოდნენ:

  • კომისიის თავმჯდომარე იუსტიციის მინისტრი თეა წულუკიანი;

  • საქართველოს საგარეო საქმეთა მინისტრის მოადგილე, კომისიის თავმჯდომარის მოადგილეხათუნა თოთლაძე;

  • საქართველოს მთავრობის საპარლამენტო მდივანი შალვა თადუმაძე;

  • საქართველოს მთავარი პროკურორის პირველი მოადგილე მამუკა ვასაძე;

  • საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელია;

  • საქართველოს პარლამენტის იურიდიულ საკითხთა კომიტეტის თავმჯდომარე ვახტანგ ხმალაძე;

  • საქართველოს უზენაესი სასამართლოს თავმჯდომარის მოადგილე მზია თოდუა;

  • საქართველოს სახალხო დამცველი უჩა ნანუაშვილი;  

  • საქართველოს ადვოკატთა ასოციაციის წარმომადგენელი ზაზა ხატიაშვილი;

  • ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დეკანი ირაკლი ბურდული;

  • კოალიციის − "დამოუკიდებელი და გამჭვირვალე მართლმსაჯულებისათვის"− წარმომადგენელიანა ნაცვლიშვილი.

აღნიშნული დადგენილების თანახმად, კომისიის წევრი კანდიდატს აფასებდა დამოუკიდებლად და ანიჭებდა მას ერთიან ქულას. კომისიის წევრების მიერ მინიჭებული ქულების საფუძველზე მოხდა თითოეულ კანდიდატთან მიმართებით საშუალო ჯამური ქულის გამოყვანა.

კანდიდატების შერჩევა

სამთავრობო კომისიამ გასაუბრების შედეგად ქულათა ჯამით 12-დან ხუთი კანდიდატი (ალექსანდრე ბარამიძე, ნანა მჭედლიძე, გიორგი ბადაშვილი, ანა დოლიძე და ევა გოცირიძე) შეარჩია. საუკეთესო შედეგების მქონე ხუთეულში ვერ მოხვდნენ: საკონსტიტუციო სასამართლოს თავმჯდომარე გიორგი პაპუაშვილი, ევროპის საბჭოსთან საქართველოს მუდმივი წარმომადგენელი კონსტანტინე კორკელია, საქალაქო სასამართლოს ყოფილი მოსამართლე ირაკლი ადეიშვილი, სახალხო დამცველის თანასწორობის დეპარტამენტის უფროსი მაკა სტივენსონი, არასამთავრობო ორგანიზაცია "კონსტიტუციის 42-ე მუხლის" იურისტი ნიკოლოზ ლეგაშვილი, და საქართველოს თავდაცვის სამინისტროს, საერთაშორისო ურთიერთობებისა და თავდაცვის სამინისტროს ევროატლანტიკური ინტეგრაციის დეპარტამენტის უფროსი ლუიზა ხითარიშვილი. მთავრობის დადგენილების მე-7 მუხლის მე-6 პუნქტის თანახმად, შერჩევის ყველა ეტაპზე მონაწილე კანდიდატების ვინაობა, მათ მიერ კომისიისთვის წარდგენილი დოკუმენტები, ტესტირების შედეგები, გასაუბრების შეფასებები, ასევე კომისიის გადაწყვეტილებები და ოქმები საჯაროა და ისინი უნდა გამოქვეყნდეს. მიუხედავად ამისა, ამ დრომდე არ გამოქვეყნებულა აღნიშნული დოკუმენტები, იუსტიციის სამინისტრომ მხოლოდ გიორგი პაპუაშვილის მიერ მიღებული ქულები გაასაჯაროვა. ადამიანის უფლებათა ევროპული სასამართლოს მოსამართლის თანამდებობის მნიშვნელობიდან გამომდინარე, საინტერესოა მიმოხილულ იქნეს კანდიდატების ბიოგრაფია. მითუმეტეს, რომ კომისიის გადაწყვეტილებით, საუკეთესო 5 კანდიდატს შორის ვერ მოხვდა წლების მანძილზე ადამიანის უფლებების სფეროში მომუშავე ზოგიერთი ღირსეული კანდიდატი.

ევა გოცირიძე

ევა გოცირიძე 2013 წლიდან დღემდე იუსტიციის უმაღლესი საბჭოს წევრია. სამოქალაქო საზოგადოების ღია პროტესტის მიუხედავად მან 2015 წლის 25 დეკემბერს მხარი დაუჭირა ლევან მურუსიძის სააპელაციო სასამართლოში არჩევას. მისი თქმით, მთავარი არგუმენტი მურუსიძის სასარგებლოდ მოსამართლეთა კორპუსის მხარდაჭერა იყო. სააპელაციო სასამართლოში არჩევამდე ლევან მურუსიძე უზენაესი სასამართლოს მოსამართლე იყო და მონაწილეობდა სანდრო გირგვლიანის მკვლელობისა და კონტროლის პალატის ყოფილ თავმჯდომარის, სულხან მოლაშვილის გახმაურებული საქმეების განხილვაში. აღსანიშნავია, რომ ადამიანის უფლებათა ევროპულმა სასამართლომ გირგვლიანის საქმეზე, საქართველოს სახელმწიფოს მიერ ევროპული კონვენციის დარღვევა დაადგინა. რაც შეეხება მოლაშვილის საქმეს, 2014 წლის 11 მარტს მოსარჩელე და საქართველოს მთავრობა ევროპულ სასამართლოში მეგობრულად მორიგდნენ. საქართველოს მთავრობას სულხან მოლაშვილის სასარგებლოდ 20 000 ევროს გადახდა დაეკისრა, ამასთან მთავრობამ აღიარა კონვენციის მუხლების დარღვევა მოსარჩელესთან მიმართებით, მათ შორის სამართლიანი სასამართლოს უფლების დარღვევაც.

ევა გოცირიძე ასევე მწვავე განცხადებებს აკეთებდა თბილისის საქალაქო სასამართლოში რუსთავი 2-ის საქმესთან დაკავშირებულ მოვლენებზე. იგი საბჭოს სხვა არამოსამართლე წევრებთან ერთადმიუთითებდა, რომ სასამართლოს გადაწყვეტილებაზე და კონკრეტულ მოსამართლეზე გამოთქმული შეფასებები, მათ შორის არასამთავრობო სექტორის მხრიდან, განუზომლად დიდ ზიანს აყენებდა არა მარტო სასამართლოს დამოუკიდებლობას, არამედ დემოკრატიის სხვა ძირითად პრინციპებსა და სახელმწიფოებრივი ინსტიტუტების მდგრადობას. მისი აზრით, მართლმსაჯულების დასაცავად შეიძლება გამოხატვის თავისუფლების შეზღუდვა და სასამართლოშიც და მედიაშიც თავისუფლება ვულგარულად ესმით. აღსანიშნავია, რომ არასამთავრობო სექტორის მხრიდან,  გამოხატვის თავისუფლებაზე მისი განცხადებები, რუსთავი 2-ის საქმის კონტექსტში, კრიტიკულად იქნა შეფასებული. ხოლო რიგ შემთხვევაში, ამ თემასთან დაკავშირებით, მისი მხრიდან ადგილი ჰქონდა ადამიანის უფლებათა ევროპული სასამართლოს პრაქტიკაზე არასწორ მითითებას. ევა გოცირიძეს 2006 წელს მოპოვებული აქვს საერთაშორისო სამართლის დოქტორის ხარისხი ივანე ჯავახიშვილის თბილისის სახელმწიფო უნივერსიტეტში.

ალექსანდრე ბარამიძე

2012 წლის საპარლამენტო არჩევნების შემდგომ ალექსანდრე ბარამიძე იუსტიციის მინისტრის პირველი მოადგილის პოსტს იკავებს. აღსანიშნავია, რომ სტრასბურგის სასამართლოში საქართველოდან წარდგენილი მოსამართლის შესარჩევ სამთავრობო კომისიას იუსტიციის მინისტრი თეა წულუკიანი თავმჯდომარეობდა. მინისტრის მოადგილის პოსტის დაკავებამდე 2011-2012 წლებში სანდრო ბარამიძე იურიდიულ მომსახურებას უწევდა, პოლიტიკურ კოალიცია "ქართულ ოცნებას". 2004-2011 წლებში იგი მუშაობდა ადვოკატად კს "ანდრონიკაშვილი და პარტნიორებ"-ში. სანდრო ბარამიძემ 2002 წელს დაამთავრა თბილისის სახელმწიფო უნივერსიტეტის იურიდიული ფაკულტეტი. მანამდე მას 1983 წელს დამთავრებული აქვს ამავე უნივერსიტეტის აღმოსავლეთმცოდნეობის ფაკულტეტი.

ანა დოლიძე

ანი დოლიძე 2015 წლის მაისში საქართველოს თავდაცვის მინისტრის მოადგილედ დაინიშნა. ამასთან, ევროსასამართლოს კონკურსში მონაწილეობის პარალელურად, იგი 2016 წლის 25 თებერვალს საქართველოს პრეზიდენტის მიერ  უზენაესი სასამართლოს მოსამართლეობის კანდიდატად იქნა წარდგენილი. მიუხედავად ამისა, მან მონაწილეობა მიიღო 2016 წლის 29 თებერვალს ადამიანის უფლებათა ევროპული სასამართლოს მოსამართლეობის მსურველთა გასაუბრებაში და საუკეთესო 5 კანდიდატს შორის მოხვდა. ანა დოლიძე 2004-2006 წლებში საქართველოს ახალგაზრდა იურისტთა ასოციაციის (GYLA) თავმჯდომარედ იყო. მას მოპოვებული აქვს სამართლის დოქტორის ხარისხი კორნელის იურიდიულ სკოლაში. ანა დოლიძე 2007 წლიდან თანამშრომლობდა სხვადსხვა საერთაშორისო ორგანიზაციებთან. “ნაციონალური მოძრაობის” წევრების განცხადებით, კითხვის ნიშნებს იწვევს მისი თანამშრომლობა ორგანიზაცია ”რუსეთის მართლმსაჯულების ინიციატივასთან” რომელიც ევროპის ადამიანის უფლებათა სასამართლოში, საქართველოს სახელმწიფოს უჩიოდა და ამტკიცებდა, რომ ცხინვალის დაბომბვის დროს, საქართველო განზრახ მოკლა რუსეთის მოქალაქეები. ანა დოლიძისგანმარტებით, იგი ნამდვილად თანამშრომლობა აღნიშნულ ორგანიზაციასთან, თუმცა დასახელებულ საქმეებზე მას არ უმუშავია.

ნანა მჭედლიძე

ნანა მჭედლიძეს მოპოვებული აქვს თბილისის ივანე ჯავახიშვილის სახელობის სახელმწიფო უნივერსიტეტის სამართლის და University of Warwick-ის ადამიანის უფლებათა სამართლის მაგისტრის ხარისხი. 2007-2008 წლებში მან ასევე მიიღო უტრეხტის უნივერსიტეტის, საერთაშორისო საჯარო სამართლის და ევროპის სამართლის მაგისტრის ხარისხი.

ნანა მჭედლიძე 1995-2000 წლებში ახალგაზრდა იურისტთა ასოციაციაში მუშაობდა, შემდგომ 2001-2007 წლებში საქართველოს საკონსტიტუციო სასამართლოს, ადამიანის უფლებათა დეპარტამენტის უფროსი იყო. 2008-2009 წლებში იგი UNDP Georgia-ს, სამართლის ექსპერტი გახდა, ხოლო 2009-20012 წლებში. UNDP Georgia, სამართლის სპეციალისტი. 2012 წლიდან დღემდე ნანა მჭედლიძე თბილისის საქალაქო სასამართლოში, ადამიანის უფლებათა ევროპული სასამართლოს მკვლევარია ასევე მუშაობს საქართველოში აშშ-ს საელჩოში საქართველოში – სამართლის დეპარტამენტში.   

გიორგი ბადაშვილი

გიორგი ბადაშვილის ბიოგრაფიის შესახებ ინფორმაცია ინტერნეტ სივრცეში არ მოიპოვება. კონკურსში მონაწილე პირების ბიოგრაფია კომისიის მიერ ამ დრომდე არ გამოქვეყნებულა. როგორც იუსტიციის სამინისტროს ცხელი ხაზიდან მივიღეთ ინფორმაცია, გიორგი ბადაშვილი 8 წელია ადამიანის უფლებათა ევროპული სასამართლოში იურისტის პოზიციაზე მუშაობს. აღსანიშნავია, რომ სამთავრობო კომისიის თავმჯდომარე თეა წულუკიანი 2000-2010 წლებში ასევე მუშაობდა ადამიანის უფლებათა ევროპულ სასამართლოში იურისტად", _ აღნიშნულია ორგანიზაციის მიერ გამოქვეყნებულ ინფორმაციაში.




 ახალი ამბები
  • ზაფხული 2020: ჟორიკა და ბაღნებიეს ფოტოები ქალაქ ოზურგეთში, ზვანის უბანში არის გადაღებული.  სოციალურ ქსელში გავრცელებულ ფოტოებს ასეთი დასათაურება მიცეს: ზაფხული 2020, ოზურგეთი, ზვანი -.ჟორიკა და ბაღნები. ჟორიკა ანუ გიორგი სირაძე ოზურგეთის მუნიციპალიტეტის მცხოვრები ბავშვებისთვის  პოპულარულია. ის ბავშვების საუკეთესო ... ...
  • თიბისის დისტანციურ და ფიზიკურ არხებში სამომხმარებლო სესხის აღება კიდევ უფრო გამარტივდა (R)აქ, ახლა თიბისის სამომხმარებლო სესხის აღება კიდევ უფრო გამარტივდა. მომხმარებელს საშუალება აქვს არჩევანი თავად გააკეთოს და სესხი თიბისის შემდეგი არხების დახმარებით  აიღოს.   დისტანციური არხები: ·      Tbccredit.ge ·       24 საათიანი სატელეფონო ქოლ ცენტრი: 032 2 27 27 27 ·       ინტერნეტ და მობაილბანკი - მათ, ვისაც სესხის ლიმიტი სრულად არ აქვთ ათვისებული და დამატებითი თანხის მიღება სურთ, მოთხოვნას მარტივი განაცხადის შევსებით დააფიქსირებენ.   ასევე, სესხის აღება შესაძლებელია თიბისის ნებისმიერ ფილიალში. სურვილის შემთხვევაში, მომხმარებელს საშუალება აქვს  6 თვიანი საშეღავათო პერიოდით ისარგებლოს. აღნიშნული პირობა არ ვრცელდება მხოლოდ Tbccredit.ge-დან აღებული სესხის შემთხვევაში. სამომხმარებლო სესხის მაქსიმალური ლიმიტი 60 000 ლარია; Tbcrcedt.ge-ზე მინიმალური თანხა -  100, სხვა არხებში კი - 500 ლარია.  სესხის დაფარვის მაქსიმალური ვადა 48 თვეა, თუმცა მისი დაფარვა, მომხმარებლის სურვილიდან გამომდინარე, აღნიშნული პერიოდის გასვლამდე ნებისმიერ დროსაა შესაძლებელი. სამომხმარებლო სესხის შესახებ დეტალური ინფორმაციის მიღება  შესაძლებელია აქ:  https://bit.ly/38yz3w4 ... ...
  • პენიტენციური სისტემის თანამშრომლებს COVID 19-ზე ტესტირება სისტემატურად უტარდებათახალი კორონავირუსის შესაძლო გავრცელების პრევენციის მიზნით, 1-დან 5 ივლისის ჩათვლით აღმოსავლეთ საქართველოში სპეციალური პენიტენციური სამსახურის 700 - ზე მეტ თანამშრომელს, დასავლეთ საქართველოში (N3, N2, და N14 პენიტენციური დაწესებულებების) 400, ესკორტირებისა და სპეციალურ ღონისძიებათა მთავარი სამმართველოს 300 და გარე დაცვის სამსახურის 200-მდე თანამშრომელს კოვიდ 19-ზე ტესტირება ჩაუტარდა. ყველა ტესტის პასუხი უარყოფითია. კოვიდ19-ის შესაძლო გავრცელების პრევენციის მიზნით, 30 მაისიდან, ანუ იმ პერიოდიდან, როდესაც ყაზარმულ რეჟიმზე მყოფი თანამშრომლების პირველმა ნაკადმა დატოვა პენიტენციური დაწესებულებები, 2-კვირიანი ინტერვალით სისტემატურად ტარდება სპეციალური პენიტენციური სამსახურის თანამშრომლების ტესტირება. კერძოდ, პენიტენციური დაწესებულებების თანამშრომლები ყაზარმულ რეჟიმში განთავსებამდე გადიან ტესტირებას. ორ კვირაში ერთხელ უტარდება ტესტირება ვირუსზე პენიტენციური სისტემის ყველა იმ თანამშრომელს, რომლის სამუშაო ადგილი არის პენიტენციური დაწესებულება, თუმცა პატიმრებთან უშუალო შეხება არ აქვს (პენიტენციური დაწესებულების ადმინისტრაცია, საზოგადოებრივი მისაღები, სასადილო და ა.შ.). ასევე ორ კვირაში ერთხელ გადიან ტესტირებას ესკორტირებისა და სპეციალურ ღონისძიებათა მთავარი სამმართველოს და გარე დაცვის სამსახურის თანამშრომლები, ხოლო პენიტენციური სისტემის მედპერსონალი ვირუსზე ტესტებს კვირაში ერთხელ აბარებს.  7 ივლისს COVID 19-ზე ტესტირება ჩაუტარდებათ N15 და N19 პენიტენციური დაწესებულების თანამშრომლებს.  ვირუსის შესაძლო გავრცელების პრევენციის მიზნით გატარებული ღონისძიებების შედეგად, საქართველოს პენიტენციურ დაწესებულებებში დღეის მდგომარეობით ვირუსის არც ერთი არც საეჭვო და არც დადასტურებული შემთხვევა არ დაფიქსირებულა, არც პატიმრებში და არც თანამშრომლებში. ... ...
  • ყალბი ფულის გასაღების ფაქტზე თურქეთის მოქალაქე დააკავესსაქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, ყალბი ფულის გასაღების ფაქტზე,  თურქეთის მოქალაქე დაკავეს. გამოძიებით დადგინდა, რომ ბრალდებულმა, ქ. თბილისში 21 (ოცდაერთი) ერთეული ყალბი 100 - დოლარიანი კუპიურა გაასაღა. საგამოძიებო მოქმედებების შედეგად, ამოღებული თანხის ოდენობამ ჯამში 2 100 აშშ დოლარი შეადგინა. საქმეზე მიმდინარეობს გამოძიება საქართველოს სისხლის სამართლის კოდექსის 212-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ... ...
  • კახეთში კაცი დაჭრეს, სავარაუდო ბრალდებული კი გაიქცა და ავარიაში მოყვალაგოდეხის მუნიციპალიტეტის სოფელ კაბალში გვიან ღამით მამაკაცი ცეცხლსასროლი იარაღით დაჭრეს.  არსებული ინფორმაციით, კონფლიქტში მონაწილე სავარაუდო ბრალდებული, 25 წლის მამაკაცი შემთხვევის ადგილიდან გაქცევას ცდილობდა, რა დროსაც ლაგოდეხის მუნიციპალიტეტის სოფელ ფონას მახლობლად ავტოსაგზაო შემთხვევის შედეგად დაშავდა და სხეულის სხვადასხვა დაზიანებით ამჟამად ისიც „არქიმედეს“ კლინიკაშია გადაყვანილი. ექიმების განცხადებით, ორივე მამაკაცის ჯანმრთელობის მდგომარეობა სტაბილურია და სიცოცხლისათვის საშიში დაზიანებები არ აღენიშნებათ. მომხდარ ფაქტთან დაკავშირებით დაწყებულია ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...