ვინც "მე-9 არხის" ანტენას დაიდგამს, სოციალურ დახმარებას მოუხსნიან?!

პოლიტიკა

ვინც "მე-9 არხის" ანტენას დაიდგამს, სოციალურ დახმარებას მოუხსნიან?!

2012 მაი 3 07:21:34
ქალაქ ლანჩხუთის ცენტრში რამდენიმე წელია ტუალეტი არ ფუნქციონირებს და ამ პრობლემის გადაჭრა ხელისუფლებამ "პოლიტიკურ ჭრილში" გადაწყვიტა.

ჩვენ "გურია ნიუსის" ერთ-ერთ წინა ნომერში გავაჟღერეთ ეს საკმაოდ პიკანტური ინფორმაცია _ "ქართული ოცნების" ლანჩხუთის ოფისის წინ, ტუალეტისთვის საძირკველი გაიჭრა. რატომ აირჩიეს მაინცდამაინც მთავარი ოპოზიციური ოფისის მიმდებარე ტერიტორია? ადგილობრივი "ქრისტიან-დემოკრატების" ლიდერმა, მარიკა თურნავამ ფაქტი გააპროტესტა, ოღონდ იმ კუთხით, რომ იქვე, არც თუ შორს სამრეკლო კეთდება. თავის მხრივ სხვა არგუმენტები აქვს ხელისუფლებას, რომელიც საკითხის პოლიტიკურ მხარეს გამორიცხავს: "მიწის ნაკვეთი, რომელზეც საპირფარეშო უნდა აშენდეს, ჯერ კიდევ მაშინ იყო მოზომილი, სანამ "ქართული ოცნების" ოფისი გაიხსნებოდა. ქალაქის ბაღში, მონიტორზე ფეხბურთის მატჩების ჩვენება მიმდინარეობს. სწორედ რომ საზოგადოების თავშეყრის ადგილზე უნდა იყოს საპირფარეშო," _ აცხადებენ ხელისუფლებაში. სხვათა შორის, გასაგები მიზეზების გამო, "ქრისტიან-დემოკრატებს" სულაც არ ანაღვლებთ ლანჩხუთელი "მეოცნებეების" ხვედრი _ ბიძინა ივანიშვილმა საპარლამენტო პარტია ახლოსაც არ გაიკარა. სამაგიეროდ, ხელისუფლებამ "თავი დაიზღვია" და თავისით თქვა _ ტუალეტის მშენებლობას ოპოზიციურ ოფისთან კავშირი არ აქვსო.

ლანჩხუთში, ქალაქის ტუალეტი პირველად არ გამხდარა ხმაურის მიზეზი _ ჯერ კიდევ "ვარდების რევოლუციამდე", 13 000 ლარად აშენებული ყბადაღებული ტუალეტი 2004 წელს ნისიების (!!!) რვეულის გამო გაპიარდა. მაშინ ქალაქს ის პირები თავკაცობდნენ, რომლებიც დღეს "ქართული ოფისის" ლანჩხუთის ოფისს ხელმძღვანელობენ და "ტუალეტის საქმე" კარგად იციან. ისინი მალე ოპოზიციაში აღმოჩნდნენ და ტუალეტის აგებაში დახარჯულ თანხებს ხშირად აყვედრებდნენ, დღეს კი უკვე მათი ოფისის შესასვლელი ჭიშკრის წინ მოინდომა ხელისუფლებამ საპირფარეშოს "წამოჭიმვა".

თუმცა, საგაზეთო წერილების გამოქვეყნების შემდეგ, მშენებლობა შეჩერდა და როგორც გავარკვიეთ, სხვა უფრო მოსახერხებელ ადგილზე _ სკვერის უკანა მხარეს გადააქვთ.

რაც შეეხება "ქართული ოცნების" ადგილობრივ ოფისს, იქ მადლობას "ქრისტიან-დემოკრატების" ლიდერს მარიკა თურნავასაც უხდიან საკრებულოს სხდომაზე თემის გახმაურების გამო. არადა, მიღებულ გადაწყვეტილებასა და "დაწყებულ მშენებლობას" ადგილობრივ დონეზე არავინ შეაჩერებდა _ მით უფრო, ის ადამიანები, რომლებმაც თავის დროზე დაგეგმეს "ქართული ოცნების" ეზოს "სასიამოვნო სურნელით" გაჯერება.

ტუალეტის ამბავი ჯერ კიდევ არ იყო დავიწყებული, რომ, ჩვენმა წყარომ, ინფორმაცია მოგვაწოდა, რომლის მიხედვითაც იმ ადამიანებს, რომლებიც "მეცხრე არხის" სატელიტურ ანტენას დაიმონტაჟებენ, სოციალურ დახმარების მოხსნით ემუქრებიან. რა თქმა უნდა, აქ საუბარია სოციალურად დაუცველ ოჯახებზე. როგორც ჩანს, ხელისუფლება ასე აპირებს ოპოზიციასა და მის მხარდამჭერებზე მორიგი ზეწოლის მოხდენას. მოგეხსენებათ, "მეცხრე არხი" ბიძინა ივანიშვილის პოლიტიკური გუნდის დასაყრდენი მედია-საშუალებაა, გურიაში კი ვერ აღწევს სხვა არასახელისუფლო არხების მაუწყებლობა, ამიტომაც ოპოზიციისთვის "მეცხრე არხის" მოსახლეობისთვის ხელმისაწვდომობას უდიდესი მნიშვნელობა აქვს.

ჩვენი წყაროს ინფორმაციით, გურიაში "მეცხრე არხის" მიმღები სატელიტური ანტენის, რომელსაც მოსახლეობას სიმბოლურ თანხად, პირველადი 10-ლარიანი შენატანით დაუმონტაჟებენ, დადგმის მოსურნეთა რაოდენობა დიდია. სწორედ ეს არგუმენტი იქნება ხელისუფლებისთვის ის კოზირი, რომ სოციალურად დაუცველ ადამიანებს დახმარება მოუხსნას _ აქაოდა, რა დახმარება გინდათ, როცა ანტენას იდგამთო! მოკლედ, სოციალურად დაუცველებმა (აშკარაა, ანტენის დამდგმელთა სიაში საჯარო მოხელეებიც და სხვა დასაქმებულებიც შევლენ _ მათ მინიმუმ სამსახურს დაატოვებინებენ) მხოლოდ მიშა-ვიზიებს უნდა უყურონ, "მეცხრე არხის" ცქერა კი "დიდ ფუფუნებად" ჩაითვლება. არადა, ბოლო დროს ხშირად აპიარებდა ხელისუფლება, მაცივარი და ტელევიზორი ფუფუნების საგნებად არ მიიჩნევაო, მაგრამ თუ "დედა პარტიას" დასჭირდა, ყველაფერი გამართლებულია.

რა თქმა უნდა, აღნიშნულ საკითხზე ოფიციოზი კომენტარს არ აკეთებს და არც იმის იმედი გვქონდა, რომ მას დაგვიდასტურებდნენ ამ ინფორმაციას. რაც შეეხება ოპოზიციას, ინფორმაციის დადასტურების შემთხვევაში, კონტრზომების მიღება აუცილებლად მოუწევს.




 ახალი ამბები
  • საპენსიო სააგენტო მოსახლეობას სიფრთხილისკენ მოუწოდებსსაპენსიო სააგენტო მოსახლეობას სიფრთხილისკენ მოუწოდებს. სოციალურ ქსელში გამოჩნდა კიბერთაღლითების მიერ შექმნილი ყალბი ვებ-გვერდები, რომელსაც საპენსიო სააგენტოსთან არანაირი კავშირი არ აქვს.ვებ-გვერდზე მომხმარებლებს საბანკო ბარათის მონაცემების შეყვანას თხოვენ. ყალბი ვებ-გვერდები უკანონოდ იყებენენ საპენსიო სააგენტოს სიმბოლიკას. თაღლითური სქემის შესახებ საპენსიო სააგენტომ მიმართა შინაგან საქმეთა სამინისტროს. მიმდინარეობს გამოძიება. საპენსიო სააგენტო მოსახლეობას სიფრთხილისკენ მოუწოდებს და განმარტავს, რომ სააგენტოს ოფიციალური ვებ-გვერდის მისამართია pensions.ge, სადაც საბანკო მონაცემების შეყვანა არ არის გათვალისწინებული. საპენსიო ანგარიშის შესამოწმებლად საჭიროა მხოლოდ პირადი ნომერი და დამსაქმებლის მიერ მოწოდებული საწყისი ერთჯერადი პაროლი, თუ სისტემაში პირველად შედიხართ, ან თქვენი პირადი პაროლი. ... ...
  • რუსთავი-თბილისის მიმართულებით მგზავრობა გაძვირდა დღეიდან რუსთავი-თბილისის მიმართულებით 11-დან 6 მარშრუტზე მგზავრობა 30 თეთრით გაძვირდა და 1,8 ლარი გახდა. რაც შეეხება დანარჩენ 5 მარშრუტს, ფასი ჯერჯერობით, უცვლელია. ახალი ტარიფის გადახდა მგზავრებს დღეიდან მეტროს სადგურ „დიდუბის“, რკინიგზის სადგურის, მეტროს სადგურ „ვარკეთილისა“ და სპორტის სასახლის მიმართულებით მგზავრობისას უწევთ. მგზავრობის ღირებულება 1.50 ლარი რჩება რუსთავი, ძველი ბაზარი - თბილისი, მოსკოვის გამზირი; რუსთავი, ძველი ბაზარი - თბილისი, ისთ ფოინთი; რუსთავი, შარტავას გამზირი - თბილისი, ლილო; რუსთავი, მეტალურგიული ქარხანა - თბილისი, გლდანი; რუსთავი, მე-19 მიკრო რაიონი - თბილისი, უნივერსიტეტის მაღლივი ... ...
  • პატრიარქი: ადამიანის სულში ცვლილებებია და საჭიროა ყურადღება, რომ მიწიერმა არ გაიტაცოსსაქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში ფერისცვალების დღესასწაულთან დაკავშირებით მრევლს ქადაგებით მიმართა. მისი თქმით, მნიშვნელოვანია ადამიანმა სრულყოფილებასა და სულიერებაზე იზრუნოს. „ერთ მდგომარეობაში არაფერი ჩერდება, ყველაფერი მოძრაობს, იცვლება. ძველი რომაელები ამბობდნენ, დრონი იცვლებიან და ჩვენ ვიცვლებით მასთან ერთადო. დღეს, როცა ასეთი ცვლილებებია ადამიანის სულში, ბუნებაში, გონებაში, საჭიროა დიდი ყურადღება, რომ მიწიერმა, ხორციელმა არ გაიტაცოს ადამიანი. ადამიანი ან მაღლა ადის სრულყოფის კიბეზე, ან დაბლა ჩადის. ყველაფერი უნდა გავაკეთოთ, რომ ავიდეთ მაღლა და შევხვდეთ უფალს“,  - აღნიშნა პატრიარქმა. 19 აგვისტოს მართლმადიდებელი ეკლესია მაცხოვრის ფერისცვალებას აღნიშნავს. ამ დღეს ტაძრებში წირვა-ლოცვა სრულდება. სადღესასწაულო ლიტურგია სამების საკათედრო ტაძარში 10:00 საათზე ... ...
  • ამ ეტაპზე "რუსთავი 2"-ის მყიდველი არ გამოჩენილა - სალიაამ ეტაპზე რუსთავი 2-ის მყიდველი არ გამოჩენილა - ამის შესახებ განცხადება, არხის გენერალურმა დირექტორმა პაატა სალიამ ქრონიკასთან საუბრისას გააკეთა. მისი თქმით, თუ მყიდველი დღესაც არ გამოჩნდა, კონკრეტულ გეგმებს საზოგადოებას დღეს გააცნობს.  "ამ ეტაპზე მყიდველი არ გამოჩენილა. ჩვენი პირობა იყო რომ საჯაროდ გამოჩენილიყო აღნიშნულის თაობაზე. თუ არ გამოჩნდება მსურველი მაშინ გეგმების შესახებ დღესვე გავაცნობთ. საუბრები გაკოტრების შესახებ არის გადაჭარბებული. ასეთი რამ არ იგეგმება, მაგრამ იგეგმება კონკრეტული ღონისძიებები, რაც კომპანიის ვალების გასტუმრებაში შეუწყობს ხელს",- განაცხადა ... ...
  • ყიდულობს თუ არა ვანო ჩხარტიშვილი "რუსთავი 2"_ს _ ბიზნესმენის ექსკლუზიური კომენტარიგავრცელებული ინფორმაციით, ტელეკომპანია რუსთავი 2_ს, რომლის გაყიდვის შესახებ განცხადება ხალვაშმა რამდენიმე დღის წინ გაავრცელა, მყიდველი უკვე გამოუჩნდა. როგორც ამბობენ, ტელეკომპანის ბიზნესმენი ვანო ჩხარტიშვილი ბიძინა ივანიშვილის დავალებით ყიდულობს. თუმცა, გურია ნიუსისთვის მიცემულ ექსკლუზიურ კომენტარში ჩხარტიშვილი ამას ურყოფს: _ სისულელეა და ამაზე არ გავაკეთებ კომენტარს, _ გვითხრა ჩხარტიშვილმა და დააკონკრეტა, რომ ტელევიზიის ყიდვას არ ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...