"კაშხლომანიის სახელისუფლო კამპანიიდან საქართველო და მისი მოქალაქეები არაფერს მიიღებენ!"

პოლიტიკა

"კაშხლომანიის სახელისუფლო კამპანიიდან საქართველო და მისი მოქალაქეები არაფერს მიიღებენ!"

16 მაი. 2012, 07:25:51
ამ პიარკამპანიის მესვეურებს თუ დავუჯერებთ, ეს აღმშენებლობითი პროექტი საქართველოს გადარჩენის არა ერთადერთი, მაგრამ ერთ-ერთი გზაა. თუმცა ამ კაშხლების აღმშენებლობითი თვისება პროექტის მხოლოდ ერთი მხარეა და რეალურად უამრავ პრობლემას მოიცავს.

"გურია ნიუსი" ამ პრობლემებზე "გრინფისის მხარდამჭერთა ჯგუფის" თანათავმჯდომარეს და ეკოლოგიის მაგისტრს, ლაშა ჩხარტიშვილს ესაუბრა.

_ ერთი შეხედვით, დიდი კაშხლების მშენებლობა ქვეყნისთვისაც და მოსახლეობისთვისაც წარმატებული პროექტი უნდა იყოს... თუმცა, სპეციალისტები უამრავ პრობლემაზე საუბრობენ. ლაშა, თქვენ რაში ხედავთ ამ მშენებლობის პრობლემას?

_ კაშხლომანიის სახელისუფლო კამპანიიდან საქართველო და მისი მოქალაქეები არაფერს მიიღებენ! არც შემცირებულ ტარიფებს, არც დამატებით ენერგიას, რომელიც, სამწუხაროდ, წარმოების ჩამორჩენილობისა და მოსახლეობის მსყიდველუნარიანობის დაბალი დონის გამო, არაფერში გვჭირდება. აღნიშნული მშენებლობები პრაქტიკულად არც დასაქმების დონეს გაზრდის შესამჩნევად. ზიანი კი კოლოსალური იქნება: ათობით დატბორილი ტრადიციული სოფელი, ისედაც მცირემიწიანი ქვეყნის ნაყოფიერი სავარგულები, გაჩეხილი და დატბორილი ხელშეუხებელი პირველადი ტყის ეკოსისტემები, ბუნებრივი და კულტურული მემკვიდრეობა, მათ შორის ეკლესიები და სხვა ძეგლები.

გაცილებით ფართომასშტაბიანი იქნება კლიმატის ცვლილებების დამანგრეველი შედეგები, განსაკუთრებით დიდი კაშხლების შემთხვევაში, რაც ერთი მხრივ, პირდაპირ და ძლიერ ნეგატიურ ზეგავლენას მოახდენს, როგორც ადამიანების ჯანმრთელობაზე, ასევე ფლორის და ფაუნის, კულტურული ძეგლების მდგომარეობაზე, რომელთა განადგურების წინაპირობადაც კი გადაიქცევა.

კლიმატის ცვლილება, ასევე გაზრდის ბუნებრივი კატასტროფების სიხშირეს, რაც თავის მხრივ ძალიან დიდ ზიანს მიაყენებს, როგორც ბუნებასა და ისტორიულ ძეგლებს, ასევე ადამიანების ჯანმრთელობასა და სიცოცხლეს!

განსაკუთრებული აღნიშვნის ღირსია მდინარეები _ კაშხლებით ჩახერგვის გამო, შავი ზღვის სანაპიროს მისი "მკვებავი" მდინარეების ნატანი მასალის შეწყვეტის გამო მნიშვნელოვანი სივრცეები ჩაირეცხება.

აქვე არ უნდა დაგვავიწყდეს ის განსაკუთრებული გარემოებები, რომლებიც საქართველოს შემთხვევაში სახეზეა და რომელთა არსებობა მრავალჯერ ზრდის რისკებს. საუბარია კაშხლების ნგრევაზე, რისი ალბათობაც უაღრესად დიდია, რადგან ერთის მხრივ, საქართველო მაღალი სეისმური აქტივობის ზონაშია, მეორეს მხრივ, ჩვენთან პრაქტიკულად სამხედრო დაპირისპირებაშია რუსეთი, ხოლო მესამეს მხრივ, არსებული სამშენებლო საქმიანობის ხარისხი ვერანაირ კრიტიკას ვერ უძლებს...

_ როგორც სახელისუფლებო ტელევიზიების მიერ გადმოცემული სიუჟეტებიდან ჩანს, მოსახლეობა აღფრთოვანებული ხვდება ამ პროექტს. თქვენ თუ გაქვთ საზოგადოებასათან კონტაქტი და რა აზრის არიან ისინი?

_ საზოგადოების დიდი ნაწილი კატეგორიული წინააღმდეგია დიდი ჰესების, ასევე გარემოსადმი მტაცებლური მიდგომებით გამოყენებული ისეთი მცირე და საშუალო ჰესების მშენებლობისა, რომელთა გამო მდინარეები და უნიკალური კურორტული ზონები იკარგება _ მაგალითად, პოეტთა მუზა თერგი, უნიკალური ლანდშაფტწარმომქმნელი ფარავანი, ბახმარო, როგორც უმნიშვნელოვანესი კურორტი და სხვა.

რაც შეეხება ნაციონალური არხების სიუჟეტებს, იმედია, არავის დავიწყებია სააკაშვილის ყვითელი ავტობუსების კორტეჟი, შობის ღამის გურული ზღაპარი ანუ "გაამოთ ორსულთა კვერი" და სხვა მსგავსი მისტიფიკაციები. ასე რომ, ახალგაზრდა ბელადით "აღტაცებული" კოლმეურნეობის, ალბათ, აღარავის სჯერა!

_ როგორ ფიქრობთ რამდენად მნიშვნელოვანია ეკონომიკური ზიანის თვალსაზრისით?

_ ეკოლოგიურ-გარემოსდაცვით საფრთხეებზე უკვე გესაუბრეთ. რაც შეეხება სოციალურს, ბუნებრივი რესურსების მასშტაბური განადგურება, რაც პირდაპირ ან ირიბად იქნება დაკავშირებული ჰესების მშენებლობასთან, გამოიწვევს ეკონომიკის მთელი რიგი დარგების, მათ შორის ტურიზმის, სოფლის მეურნეობის, ბუნებათსარგებლობის და სხვა, რაციონალური მიმართულებების განვითარების სტაგნაციას, რაც სამუშაო ადგილების შექმნას, წვრილი და საშუალო ბიზნესის, ასევე გლეხური მეურნეობების განვითარებას შეუშლის ხელს. შესაბამისად, დამძიმდება მოსახლეობის მდგომარეობა.

_ კაშხლების მშენებლობის გამო, ბევრი სოფლის მოსახლეობას ასახლება მოუწევს...

_ დიდი კაშხლების მშენებლობის შემთხვევაში, ათობით სოფლის მოსახლეობას მოუწევს საკუთარი კარ-მიდამოს, წინაპრებისა და ახლობლების საძვალეების მიტოვება, მაგრამ ეს ტრაგიკული პროცესი ამით არ შემოიფარგლება, რადგან მომავალში კლიმატის ცვლილებებით პროვოცირებული ბუნებრივი კატასტროფები კიდევ მრავალ სოფელს დაცლის, უარეს შემთხვევაში, კი გაანადგურებს მისი მოსახლეობის მნიშვნელოვან ნაწილს...

_ როდესაც კაშხლებთან დაკავშირებული პიარკამპანია აგორდა, ორგანიზაცია "მწვანე ალტერნატივის" მიერ ორგანიზებული შეხვედრით მოსახლეობამ ხელისუფლებას მესიჯი გაუგზავნა: "არა დიდ კაშხლებს", თუმცა...

_ საჭიროა გაცილებით მეტი აქტიურობა, როგორც ადგილობრივი მოსახლეობის, ასევე გარემოსდამცველების მხრიდან.

_ რა ნაბიჯების გადადგმას გეგმავთ ამ პროექტის შესაჩერებლად ან იმისათვის რომ კაშხლების მშენებლობა ნაკლებად საზიანო აღმოჩნდეს?

_ ჩვენ, "გრინფისის მხარდამჭერთა ჯგუფის" წარმომადგენლები, რამდენიმე სხვა ორგანიზაციასთან ერთად, ვცდილობთ მაქსიმუმი გავაკეთოთ საქართველოს მასშტაბური დატბორვის, ბუნების, ისტორიისა და სიცოცხლის განადგურების წინააღმდეგ...

ჩვენ შევადგინეთ მემორანდუმი "საქართველოში უსაფრთხო ენერგეტიკის განვითარებისა და დიდი კაშხლების მშენებლობის წინააღმდეგ", რომელიც ყველა კვალიფიცირებულ პოლიტიკურ სუბიექტს და ძირითად პარტიას გადაეგზავნა, რათა ამ უმნიშვნელოვანესი საფრთხის წინაშე მოხდეს კონსოლიდაცია. მას უკვე მოაწერა ხელი ხუთმა პარტიამ, სხვებისგან ველით პასუხს. გვაქვს ურთიერთობა საერთაშორისო ორგანიზაციებთან, მაგრამ ყველაფერი, უპირველეს ყოვლისა, მაინც საქართველოს მოქალაქეების ხელშია და ჩვენ მონდომებაზეა დამოკიდებული.

პირადად, მე და "გრინფისელები" ვაპირებთ ვიბრძოლოთ ბოლომდე, რათა დავიცვათ ჩვენი სამშობლოს სული და სხეული!





 ახალი ამბები
  • "რატომ გვახრჩობთ, გვითხარით“ - საპროტესტო აქცია ფოთში"რატომ გვახრჩობთ, გვითხარით", _ ამ შინაარსის ტრანსფარანტებით ფოთში საპროტოტესტო აქცია გაიმართა. როგორც ჯავახიშვილის ქუჩის მცხოვრებლები აცხდებენ, პორტის ტერიტორიაზე ჯანმრთელობისთვის საშიში ნივთიერებები ღია წესით მუშავდება.„აქ ვცხოვრობთ, როგორც აფხაზეთიდან დევნილი ოჯახები, ასევე, aდგილობრივები. მოვიწამლეთ, გარეთ ვერ გამოვდივართ. გოგირდს ვჭამთ. ბავშვები ვერ გაგვყავს სასეირნოდ. ხუთ ბავშვს გაუკეთეს ტყვიაზე ანალიზი და ხუთივეს მაღალი მაჩევენებელი აქვს. ფილტვები არ გვივარგა, ბრონქები არ გვივარგა და საშინელ დღეში ვართ. აიკრძალოს ამ ტვირთის შემოტანა. ეს პროდუქცია, რომელიც აქ მუშავდება, ჩვენს ჯანმრთლობას საფრთხეს უქმნის. საშინელი ხმაურია, ვერ ვსუნთქავთ, დაბინძურებულია ჰაერი. გაუსაძლის მდგომარეობაში ვართ. მოვითხოვთ ყურადღება მოგვაქციოს მერიამ, ალტერნატიული ფართით დაგვაკმაყოფილონ,“ _ თქვა აქციის ერთ-ერთმა მონაწილემ, ნონა შენგელიამ. აქციის მონაწილეები ხელისუფლებას მიუწოდებენ, პრობლემა დროულად ... ...
  • “საიამ გადასცა სახელმწიფოს გირაოს თანხა, რომელიც გამოყო ევროპულმა ფონდმა დემოკრატიისთვის“ საქართველოს ახალგაზრდა იურისტთა ასოციაციის თავმჯდომარემ ნიკა სიმონიშვილმა სოციალურ ქსელში გაავრცელა ინფორმაცია ნიკა მელიას გირაოს თანხის გადახდასთან დაკავშირებით.  “ნიკა მელიასთვის გირაოს გადახდაზე ვიტყვი აქაც ორიოდე სიტყვას. საიამ გადასცა სახელმწიფოს გირაოს თანხა, რომელიც გამოყო ევროპულმა ფონდმა დენოკრატიისთვის (EED). ეს ნაბიჯი ემსახურებოდა ერთადერთ მიზანს, პოლიტიკური სიტუაციის დასტაბილიზებაში ჩვენი დიდი მხარდამჭერის, ევროკავშირისთვის გვერდში დადგომას. მაშინ, როდესაც ჩვენ შიდა პრობლემებს მეგობარი გვიგვარებს, ჩვენი ვალდებულება იყო, მას გვერდში დავდგომოდით. გვჯერა, რომ ეს ნაბიჯი კრიზისის განმუხტვას ხელს შეუწყობს და სხვა მნიშვნელოვან თემებზე - კოვიდი, სასამართლო და საარჩევნო რეფორმა, ეკონომიკა, შევძლებთ კონცენტრირებას. პ.ს. გირაო ნამდვილად გადავიხადეთ 14:56 საათზე და პროკურატურას ქვითარი გავუგზავნე მეილზე მათივე თხოვნით 17:42 საათზე მეილზე.“ -წერს ფეისბუქზე ნიკა ... ...
  • გიორგი ვაშაძე - გირაო გადახდილია, ველოდებით ნიკა მელიას უმოკლეს ვადაში გათავისუფლებას„სტრატეგია აღმაშენებლის“ ლიდერი გიორგი ვაშაძე ევროკავშირის მიერ „ნაციონალური მოძრაობის თავმჯდომარე“ ნიკა მელიასთვის გირაოს გადასხდის საკითხს დადებითად აფასებს.  „მადლობა ჩვენს ევროპელ მეგობრებს უპრეცენდენტო ნაბიჯისთვის. გირაო გადახდილია, ველოდებით მელიას უმოკლეს ვადაში გათავისუფლებას. რაც მთავარია, შარლ მიშელის ევროპული თანხმობის დოკუმენტის კიდევ ერთი შედეგი გვაქვს და ნაბიჯ-ნაბიჯ მივიწევთ წინ. იმედი მაქვს, ყველანი დავკონცენტრირდებით ყველა პუნქტის რეალიზებისთვის, - აცხადებს გიორგი ვაშაძე. შეგახსენებთ, რომ საქართველოში ევროკავშირის წარმომადგენლობის ინფორმაციით, ნიკა მელიას გირაოს თანხა, 40 000 ლარი გადახდილია. ევროკავშირის წარმომადგენლობის ინფორმაციით, ნიკა მელიას გირაოს თანხა „ევროპულმა ფონდმა დემოკრატიისთვის“ გამოყო და ხელისუფლებას საია-მ ... ...
  • ვიოლა ფონ კრამონი: „მშვენიერია!_ ყველა პარტნიორმა, დანაპირები შეასრულაევროკავშირის მიერ ნიკა მელიასთვის გირაოს გადახდას ევროპარლამენტარი ვიოლა ფონ კრამონი „ტვიტერზე“ ეხმაურება. „მშვენიერია! კარგია იმის ნახვა, რომ ყველა პარტნიორმა, მათ შორის ევროკავშირმა, დანაპირები შეასრულა. შემდეგი ნაბიჯი იქნება ის, რომ ბატონი მელია ძალიან მალე დატოვებს საპატიმროს. ამ ქმედებამ საპარლამენტო მუშაობაში ჩასართავად ყველას გზა გაუხსნა“, – წერს ... ...
  • "პროკურატურის წინადადება ნიკა მელიასთვის აღკვეთის ღონისძიების შეცვლის თაობაზე ძალაშია"საქართველოს გენერალურ პროკურატურაში აცხადებენ, რომ უწყების წინადადება გირაოს გადახდის შემთხვევაში ნიკა მელიასთვის აღკვეთის ღონისძიების შეცვლის თაობაზე ძალაში რჩება. „როგორც კი თანხის გადარიცხვის ოფიციალური დოკუმენტი ან თანხა აისახება ანგარიშზე, პროკურატურის წინადადება ნიკა მელიასთვის აღკვეთის ღონისძიების შეცვლის თაობაზე, არის ძალაში“, – განუცხადეს "გურია ნიუსს" ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ ყველაზე, ყველაზე...

იცი თუ არა გეოგრაფია

კარმიდამო ჩემი

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...

გავამზეუროთ ქოთნის ყვავილები

ახლა, ადრიან გაზაფხულზე, მზიან, თბილ...

ქათმის მხალეული

მრგვალად მოხარშული (და არა შემწვარი)...