"თუკი მხარს დამიჭერენ, ვიქნები ჩემი სოფლის ხმა საკრებულოში"

gurianews.com

პოლიტიკა

"თუკი მხარს დამიჭერენ, ვიქნები ჩემი სოფლის ხმა საკრებულოში"

2016 მაი 20 20:00:19

22 მაისს, ქალაქ ოზურგეთსა და ოზურგეთის მუნიციპალიტეტის დაბა ნასაკირალში რიგგარეშე არჩევნები იმართება. ამომრჩევლებმა ის კანდიდატი უნდა აირჩიონ, რომლებიც მათ ხმას ხელისუფლებაში მიიტანენ და პრობლემების მოგვარებაში დაეხმარებიან.

ნასაკირალში სულ ორი კანდიდატია _ ბესო ქათამაძე "ნაციონალური მოძრაობიდან" და ნონა ტუნაძე "ქართული ოცნებიდან".

აღსანიშნავია, რომ აჭარიდან ჩამოსულებით  დასახლებულ სოფელში ეს პირველი შემთხვევაა, როცა მმართველ გუნდს კანდიდატად ქალი ჰყავს წარმოდგენილი.

"გურია ნიუსისა" და "Post ალიონის" ერთობლივი პროექტის ფარგლებში მომზადებულ გადაცემაში "მონოლოგიდან დიალოგამდე", გასულ კვირას ნონა ტუნაძეზე მომზადებული სიუჟეტი გავიდა, რომელშიც ვისაუბრეთ მის საარჩევნო პროგრამაზე და იმის შესახებ, რას ფიქრობენ მასზე თანასოფლელები.

ჩვენ შევეცადეთ მსგავსი სიუჟეტი "ნაციონალური მოძრაობის" კანდიდატზეც მოგვემზადებინა, თუმცა, დაგეგმილი წინაასარჩევნო კამპანიის გასაშუქებლად "გურია ნიუსი" "ნაციონალურმა მოძრაობამ" იმ მიზეზით არ დაუშვა, რომ მათთვის სასურველ კადრებს თავად მოგვაწოდებდნენ. მრავალგზის მცდელობა, დაგვედგინა, რატომ თქვა უარი ოპოზიციურმა პარტიამ შეხვედრების ჩვენს მიერ გაშუქებაზე, უშედეგო აღმოჩნდა _ პარტიაში ახსნა-განმარტებები არ გაუკეთებიათ.

უფრო მეტიც, დაგეგმილ და შეთანხმებულ დებატებში მონაწილეობაზე უარი "ნაციონალური მოძრაობის" კანდიდატმა იმ მიზეზით გვითხრა, რომ ტრენინგზე მიდიოდა. შესაბამისად, გადაცემაში მხოლოდ ნონა ტუნაძემ მიიღო მონაწილეობა:

_ ძალიან დიდ პასუხისმგებლობას ვგრძნობ, თუ ვიქნები ხალხის რჩეული სოფელში, სადაც ძირითადად, აჭარიდან ჩამოსულები ცხოვრობენ და სარწმუნოებრივადაც განსხვავებულია. ეს, როგორც ვთქვი, დიდ პასუხისმგებლობასაც მაკისრებს, მაგრამ აღვნიშნავ იმასაც, რომ 1998-2000 წლებში მე ვიყავი სოფლის საკრებულოს წევრი _ პირველი აჭარელი ქალი, რომელიც მონაწილეობას ღებულობდა რაღაც პოლიტიკური, ასევ თქვათ, სოფლის ძირითადი პრობლემების გადაწყვეტაში, _ აღნიშნა ტუნაძემ.

მისივე თქმით, არასწორია მოსაზრება, რომ ქალის ადგილი პოლიტიკაში არ არის:

_ მე ვიქნები ის პირველი ნასაკირალელი ქალი, რომელიც დაარღვევს ამ სტერეოტიპს და აქტიურად ჩავებმები საზოგადოებრივ საქმიანობაში, _ დასძინა ქალბატონმა ნონამ.

_ არსებობს მოსაზრება, რომ მუსულმანი მამაკაცები ქალის აქტიურობის მომხრენი არ არიან.. საარჩევნო შეხვედრებზე მამაკაცები გესწრებიან?

_ სიმართლე გითხრათ, მაგ სტერეოტიპსაც მე არ ვეთანხმები, იმიტომ, რომ ქალბატონებმაც უნდა მიიღონ წვლილი სოფლის თუ ქვეყნის განვითარებაში. შეხვედრებზე ნამდვილად იგრძნობა ქალების აქტიურობაც _ მე მათი დიდი იმედი მაქვს და მჯერა, რომ ერთხელ და სამუდამოდ გაუქრებათ მამაკაცებს აზრი, რომლის მიხედვითაც, ქალი მარტო "კუხნაშია" საჭირო.

_ ქალბატონო ნონა, როგორია თქვენი წინა საარჩევნო პროგრამა _ რას პირდებით ამომრჩეველს?

_ პირველ რიგში, აღვნიშნავ, რომ ნასაკირალი ჩემი მშობლიური სოფელია, სადაც დავიბადე, გავიზარდე და გარკვეული დროის განმავლობაში ვმუშაობდი პედაგოგად. ურთიერთობა მქონდა და დღესაც მაქვს სოფლის მოსახლეობასთან. ვიცი დაბის პრობლემები, ზოგადად დაბის პოტენციალი და მხარდაჭერის შემთხვევაში, ჩემს ცხოვრებისეულ გამოცდილებას გამოვიყენებ და მივმართავ დაბის პრობლემების მოსაგვარებლად. თუკი ჩემი თანასოფლელები მხარს დამიჭერენ და გავხდები დეპუტატი, აუცილებლად ვიქნები ნასაკირალის ხმა საკრებულოში, რომელიც თავის გადამწყვეტ სიტყვას იტყვის.

_ პოტენციალი ახსენეთ... ნასაკირალი ერთ დროს ძალიან პოპულარული სოფელი იყო უნიკალური სამკურნალო წყლებით... წინა არჩევნების დროს ამ მიმართულებით ბევრი დაპირება ახსოვს ამომრჩეველს... თქვენც პირდებით ნასაკირალელებს, რომ აბანოებს აღადგენთ?

_ რთულია ჩემგან მაგაზე საუბარი. მაგ კუთხით მე ვერ გავცემ დაპირებებს, რადგან ამ საკითხის მოგვარება მხოლოდ ადგილობრივ ხელისუფლებას არ შეუძლია. უფრო მეტად, ყურადღება გამახვილებული მაქვს ინფრასტრუქტურულ საკითხებზე. ამ შემთხვევაში ჩემი და ადგილობრივი ხელისუფლების ხედვა ერთნაირია _ მე ვარ ამ გუნდის წარმომადგენელი და არჩევის შემთხვევაში მაქვს იმის გარანტია, რომ გვერდით დამიდგება ადგილობრივი ხელისუფლება. ჩვენთან გაზიფიცირების საკითხი მთლიანად მოგვარებულია, ამ ეტაპზე მიმდინარეობს გზების შეკეთება. დარჩა პატარა პრობლემები და მის მოგვარებაში, ჩემი არჩევის შემთხვევაში, დიდ წვლილს შევიტან.

_ სხვადასხვა გამოკითხვების თანახმად, ადგილობრივ ხელისუფლებას და ზოგადად "ქართულ ოცნებას" ბოლო დროს რეიტინგის მკვეთრი ვარდნა აქვს... როცა შეხვედრებს ატარებთ, ამას ვერ გრძნობთ?

_ ვერ დაგეთანხმებით, რომ სანდოობის კუთხით პრობლემები აქვს ჩვენს ხელისუფლებას. მე ყოველდღიურად მაქვს ხალხთან ურთიერთობა და ასეთი რამ არ მიგრძვნია. ჩვენი დაბა საკმაოდ დიდია _ 14 უბანი მოვიარე ფეხდაფეხ. რაღაც პრობლემები არის სოციალური კუთხით, მაგრამ ისეთი არაფერია, რომლის მოგვარება არ შეიძლებოდეს.

ხელისუფლებაში ჩვენი გუნდი რეალურად 2014 წელს, თვითმმართველობის არჩევნების შემდეგ მოვიდა. ამ მოკლე მონაკვეთის განმავლობაში საკმაოდ ბევრი რამეა გაკეთებული. ბუნებრივია, რომ მოსახლეობას უფრო მეტი უნდა და ჩემს პროგრამაშიც სწორედ იმაზეა ყურადღება გამახვილებული, რაც საზოგადოებას უნდა. ჩემი მიზანი იმ საკითხების მოგვარებაა, რაც ჩემს ნასაკირალელებს აწუხებთ და ამ მიმართულებით ვიმუშავებ კოორდინირებულად ადგილობრივ ხელისუფლებასთან.

_ საარჩევნო კამპანიის დროს დაპირებები ბევრია, თუმცა, მათგან ბევრი არ სრულდება. თქვენ პირადად გაქვთ გარანტიები, რომ თქვენი დაპირებები დაპირებებად არ დარჩება?

_ ოზურგეთის მუნიციპალიტეტი საკმაოდ დიდი დასახლებაა _ 28 თემია, 74 განსახლების უბანი და ერთ დღეში ან ერთ თვეში ყველა თემში პრობლემების ერთდროულად მოგვარება შეუძლებელია. ამიტომ დასახულია გეგმა _ თუ, მაგალითად, ჩვენ სოფელში მიმდინარეობს გზების აღდგენითი სამუშაოები, სხვა სოფელში საბავშვო ბაღების შენდება. ჩემი სოფლის მაგალითზე, რომელსაც ევროსტანდარტების საბავშვო ბაღი აქვს, რაც წლების მანძილზე ნატვრად გვქონდა, შემიძლია გითხრათ, რომ ოზურგეთის მუნიციპალიტეტი დიდ თანხებს ხარჯავს სკოლამდელი განათლებისთვის. თაობაზე ზრუნვაში ვხედავ ჩვენს მომავალს და ამის პარალელურად, შეიძლება, რაიმე დაგვრჩეს მოუგვარებელი, მაგრამ ვეცდებით, რომ სხვა საკითხებიც დროულად მოგვარდეს.

_ თქვენი კონკურენტები ძალიან ხშირად ავრცელებენ ხმებს, რომ იყენებთ ადმინისტრაციულ რესურს, ხევთ მათ საარჩევნო პლაკატებს, აშინებთ ამომრჩეველს... კარგი იქნებოდა, ამაზე თქვენს ოპონენტს ესაუბრა, თუმცა, ბესო ქათამაძემ დებატებში მონაწილეობა, მისივე თქმით, ტრენინგზე ყოფნის გამო ვერ შეძლო.

_ ეს სიმართლეს არ შეესაბამება. ჩვენ ერთ სოფელში ვცხოვრობთ. რა შედეგითაც არ უნდა დამთავრდეს არჩევნები, ჩვენ მაინც ერთად უნდა ვიცხოვროთ, ერთმანეთს შევხვდეთ და ასეთი რამ გამორიცხულია.

_ გამარჯვების შემთხვევაში, აპირებთ თუ არა რომ უფრო მეტი თანასოფლელი ქალი ჩართოთ პოლიტიკაში?

_რა თქმა უნდა, თუკი იქნება ამის შესაძლებლობები. მე ვიქნები მაგალითი, რომ ჩემი სოფლის ქალბატონები გამოვიდნენ ასპარეზზე და ჩაერთონ სოფლის საკეთილდღეო საქმიანობაში.

_ როგორ არწმუნებთ მამაკაცებს, რომ თქვენ უნდა მოგცენ ხმა?

_ მე ხანგრძლივი ურთიერთობა მქონდა ჩემს სოფელთან გარკვეული წლების განმავლობაში _ როგორც აღვნიშნე, ვმუშაობდი პედაგოგად და ჩემი ამომრჩევლის უმეტესობა ჩემი აღზრდილი თაობაა. მე მათი მხარდაჭერის იმედი ნამდვილად მაქვს.

_ რას ურჩევდით ქალბატონებს _ რატომ უნდა ჩაერთონ ისინი საზოგადოებრივ აქტიურ საქმიანობაში რატომ არის ეს აუცილებელი და რას შეცვლიან ქალები, რომლებიც პოლიტიკაში აქტიურები იქნებიან?

_ რა შეიცვლება უშუალოდ, ამაზე ძნელია პასუხის გაცემა, მაგრამ მინდა ჩემი პოლიტიკაში აქტიური შემოსვლით ყველას დავანახო, რომ ქალსაც შეუძლია ბრძოლა და გადამწყვეტი სიტყვის თქმა. თუკი გავიმარჯვებ, ჩემი ეს გამარჯვება ქალბატონების გამარჯვება იქნება.

გადაცემის სრული ვერსიის ნახვა შეგიძლიათ აქ.


ნახვა: 41


 ახალი ამბები
  • „ცოტა ტვინი გაანძრიეთ“_ზურაბიშვილი ჟურნალისტებს„ცოტა ჟურნალისტებმა ტვინი გაანძრიეთ“, _ამ განცხადებით გამოეხმაურა დღეს, დამოუკიდებელი პრეზიდენტობის კანდიდატი სალომე ზურაბიშვილი დასმულ კითხვას, რომელიც საპრეზიდენტო არჩევნებში გამარჯვების შემთხვევაში ავლაბრის რეზიდენციაში შესვლას ეხებოდა. „უკვე არის ნათქვამი და ცოტა ჟურნალისტებმა ტვინიც გაანძრიეთ და ჩაიხედეთ, სად არის ნათქვამი. მე ვთქვი, რომ ჩემთვის არის სრულიად შესატყვისი იმ ახალი პრეზიდენტისთვის, ქალი პრეზიდენტისთვის ის ორბელიანების სასახლე, რომელსაც აქვს სხვა დატვირთვა ჩემთვის. მე ძალიან კომფორტაბელურად ვგრძნობ თავს ასეთი ტიპის სასახლეში, მეორე ისიც ვთქვი, რომ მე ჩემს სახლში ვიცხოვრებ, ჩემი სახლიდან ფეხით ვივლი და ესეც არის ახალი ფორმა პრეზიდენტობის. მზად ვარ, რომ ყველაფერი გავიმეოროთ, მაგრამ ისიც მართალია, რომ ნათქვამია“,_ განაცხადა ... ...
  • რას იწვევს სმარტფონებისა და ლეპტობების ლურჯი ნათებასმარტფონების, ლეპტოპებისა და სხვა ციფრული მოწყობილობებიდან გამოსხივებული ლურჯი  შუქი მხედველობას აზიანებს. ამის შესახებ THE GUARDIAN-ის ინფორმაციით, ტოლედოს უნივერსიტეტის მეცნიერები საუბრობენ. როგორც ისინი ამბობენ, ლურჯი შუქი ხელს უწყობს თვალის მგრძნობიარე უჯრედებში შხამიანი მოლეკულების წარმოქმნას. „ლურჯი გამოსხივება მხედველობას და თვალის ბადურას აზიანებს. ჩვენი ექსპერტები იკვლევენ და ვიმედოვნებთ, ახალი ტიპის თვალის წვეთით თერაპია იქნება შესაძლებელი“,_ამბობენ ... ...
  • სახიფათოა თუ არა ჯანმრთელობისთვის მარილისა და შაქრის მოხმარებამარილის და შაქრის მოხმარება გლობალური პრობლემაა. მსოფლიოს მოსახლეობის 75% მოიხმარს რეკომენდირებულ დოზაზე ორჯერ მეტ სუფრის მარილს. საქართველოში ჩატარებული კვლევის შედეგად აღმოჩნდა, რომ მოსახლეობის უმრავლესობა საკვებში მარილს სუფრაზე მიტანის შემდეგაც ამატებს.  მოქალაქეების ნაწილი თვლის, რომ მარილი სუფრის აუცილებელი ატრიბუტია. მარილსა და შაქარს თეთრ სიკვდილსაც უწოდებენ. სახიფათოა თუ არა ადამიანის ჯანმრთელობისთვის მარილისა და შაქრის ჭარბი მოხმარება_ამ საკითხზე „გურია ნიუსი“ მედიცინის დოქტორს, ნესტან ბოსტოღანაშვილს ესაუბრა. მისი თქმით, შაქრისა და მარილის ჭარბი ოდენობით მოხმარებას სხვადასხვა დაავადებების გამოწვევა შეუძლია. „მარილის და შაქრის ჭარბი მოხმარება იწვევს შესაბამისად ელექტროლიტებისა და ნახშირწყლოვანი ცვლის მოშლას. ეს ჰიპერტენზიას, ჭარბ წონას და შესაძლო შაქრიანი დიაბეტის განვითარებას გულისხმობს. ამიტომაც მაქსიმალურად უნდა შევზღუდოთ მათი გამოყენება,“_ამბობს ბოსტოღანაშვილი. დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით კი მსოფლიოში 2,3 მილიონი კარდიული სიკვდილი უკავშირდება მარილის ჭარბ მოხმარებას. რაც შეეხება შაქარს, დიაბეტის გარდა, სტომატოლოგიური დაავადებების, მაგალითად კბილების კარიესის განვითარების დიდ რისკს წარმოადგენს. დაავადებათა კონტროლისა და საზოგადოებრივი ჯანმრთელობის ეროვნული ცენტრის ცნობით, შაქრები, რომლებიც რძეში, ხილსა და ბოსტნეულში გვხვდება, არ არსებობს მტკიცებულებები უარყოფითი გვერდითი ეფექტების შესახებ. აღსანიშნავია რომ, შაქრების დიდი ნაწილი დღესდღეობით ფარულად შედის ისეთი საკვები პროდუქტების შემადგენლობაში, რომლებიც, როგორც წესი, ტკბილეულად არ განიხილება. მაგალითად, ერთი სუფრის კოვზი „კეტჩუპი“დაახლოებით 4 გრამ შაქარს (დაახლოებით ერთი ჩაის კოვზი თავისუფალი შაქარი) შეიცავს. ჯანდაცვის მსოფლიო ორგანიზაციის მკაცრი რეკომენდაციით საერთო მოხმარებული ენერგიიდან თავისუფალი შაქრების მოხმარება 10%-ით უნდა შემცირდეს, რაც დღეში 6 ჩაისკოვზი შაქრის გამოყენებას გულისხმობს, რაც შეეხება მარილს - 5 გრამამდე. იმ ადამიანებისთვის კი, ვინც მარილსა და შაქარს ვერ ელევა, შემდეგი რეკომენდაციები არსებობს: არ დაამატოთ კერძს  მარილი განუსაზღვრელად,  ნუ მოიხმართ მარილწყალს მაკარონის,  ბრინჯის და ბოსტნეულის მოხარშვისას, თავი აარიდეთ მარილიან სოუსებს და სანელებლებს, ბოსტნეული (მაგ: ნიახური) ბოსტნეულიდან „მიღებული მარილი“ ჯანმრთელობისთვის საზიანო არაა.  ნუ მოამზადებთ ზედმეტად მარილიან კერძს,  ნუ დადებთ სუფრაზე მარილს ცალკე, კერძის კიდევ უფრო მეტად დასამლაშებლად,  შეამცირეთ შაქარი ჩაისა და ყავაში,  წაიკითხეთ ეტიკეტი. აგავას ნექტარი, ლერწამის კრისტალები, დექსტროზა, ფრუქტოზა, ლაქტოზა, მალტოზა, თაფლი, ბადაგი, ყველა ეს სიტყვა „შაქრის“ ... ...
  • რატომ გააუქმა თბილისის მერმა დიდუბეში სასტუმროს მშენებლობის ნებართვადედაქალაქის მერიამ დიდუბის რაიონში, წერეთლის გამზირზე სასტუმროს მშენებლობის ნებართვა გააუქმა. ამის შესახებ დედაქალაქის მერმა კახა კალაძემ თბილისის მუნიციპალიტეტის მთავრობის დღევანდელ სხდომაზე განაცხადა.  დედაქალაქის მერმა შესაბამისი ფოტომასალა წარმოადგინა, რომელზეც აღნიშნულია, თუ რა მჭიდრო დასახლებაში უნდა აშენებულიყო სასტუმრო და განაცხადა, რომ ამან ადგილობრივი მოსახლეობის დიდი უკამყოფილება გამოიწვია.  „დიდუბის რაიონში, წერეთლის გამზირზე, მე-12-13-15 კორპუსების მიმდებარედ, შუა ნაწილში, მჭიდრო და შეზღუდულ ტერიტორიაზე, ოთხსართულიანი სასტუმრო უნდა აშენებულიყო. სამწუხაროა, რომ ეს ნებართვა ჩვენ მიერ გაიცა, რომელიც არ უნდა გაცემულიყო. მაშინ ახალი მოსული ვიყავით და მუშაობა ახალი დაწყებული გვქონდა. ჩვენ ამ შენიშვნას ვიღებთ და ამ ეტაპზე, ნებართვა გაუქმებულია. მოლაპარაკება გვქონდა კერძო მესაკუთრესთან, ვისიც იყო ეს კონკრეტული ტერიტორია. შევთანხმდით, რომ  ადგილმონაცვლეობას გავაკეთებთ. მინდა, მას თანამშრომლობისთვის მადლობა გადავუხადო, რადგან ამ კონკრეტულ ადგილზე პროექტის განხორციელება შეუძლებელი იყო, მითუმეტეს, სასტუმროს აშენება“, - აღნიშნა კახა კალაძემ.  დედაქალაქის მერმა დიდუბის რაიონის გამგებელს, ირმა ზავრადაშვილს დაავალა, რომ აღნიშნულ ტერიტორიაზე სკვერი მოეწყოს. „მინდა, ირმა ზავრადაშვილს დავავალო, რომ ამ კონკრეტულ ადგილზე მცხოვრებ ადამიანებს მწვანე სივრცე, ძალიან ლამაზი სკვერი მოვუწყოთ. თუ ჩვენი დახმარებაც იქნება საჭირო, მზად ვართ, პროცესში მონაწილეობა მივიღოთ“, - განაცხადა კახა კალაძემ.     ... ...
  • ტელევიზიის გავლენა მოზარდების აგრესიულ ქცევაზეაშშ-ის პედიატრთა ასოციაცია გვირჩევს, რომ 3 წლის და უფრო მეტი ასაკის ბავშვებმა დღეში ტელევიზორთან არ უნდა გაატარონ 2 საათზე მეტი. მიუხედავად ამ რჩევისა, ერთ-ერთმა კვლევამ აჩვენა, რომ მშობლების 65% შვილებს უფლებას აძლევდა 3 საათი და უფრო მეტი გაეტარებინათ ტელევიზორთან. თუმცა ყველაზე მნიშვნელოვანია არა ის თუ რამდენი ხნის განმავლობაში უყურებენ ბავშვები ტელევიზორს, არამედ ის თუ რას უყურებენ და რას სწავლობენ ტელევიზიით. კვლევაში გამოვლინდა, რომ 2757 სატელევიზიო პროგრამის 75%-ში იყო ასახული ძალადობრივი სცენები და მათზე არ იყო დაწესებული ასაკობრივი ცენზი. ტელევიზიით აგრესიული და ძალადობრივი შინაარსის შემცველი ინფორმაციის მიწოდება ზრდის აგრესიული ქცევის გამოვლენის ალბათობას. აქედან გამომდინარე, მნიშვნელოვანია ვიცოდეთ თუ, როგორ ახდენს ამ გავლენას ტელევიზია. 1)მედიით ძალადობის ექსპოზიცია ასუსტებს მაყურებელში ანალოგიური ქცევის განხორციელების შეკავებას. ამგვარი ფილმების ნახვის შემდეგ მაყურებელი ნაკლებად იგრძნობს თავს შეზღუდულად მსგავსი ქცევის განხორციელებისათვის. 2)ვარაუდობენ რომ ძალადობის ექსპოზიცია აიარაღებს მაყურებელს ახალი ტექნიკით თუ როგორ შეუძლია შეუტიოს და ავნოს სხვას უფრო დახვეწილი მანერებით. მაყურებელი ამით იძენს აგრესიის გამოხატვის ისეთ "დახვეწილ" მანერებს, რომელიც მის დისპოზიციაში მანამდე არ ყოფილა და რაკი ეს მიღწეულია, ე. ი. თავდასხმის ახალი ხერხი შეძენილია, შემდეგი ნაბიჯი მისი პრაქტიკაში გამოყენება უნდა იყოს, როცა შესატყვისი სიტუაცია გაჩნდება. 3)სხვის მიერ განხორციელებული აგრესიული ქცევის ხშირმა ყურებამ, შესაძლოა გავლენა მოახდინოს მაყურებლის კოგნიციაზე. ნავარაუდევია, რომ ამის შემდეგ ადამიანები უფრო მიდრეკილნი ხდებიან მოვლენები აღიქვან ნეგატიურად და მტრულად. ან ორაზროვანი სიტუაციის ინტერპრეტაცია მოახდინონ, როგორც ბუნებით აგრესიული. ასევე, შესაძლოა ინდივიდმა გააზვიადოს მის ირგვლივ სოციალურ სამყაროში აგრესიის სიხშირის შეფასება, შეიძლება აგრესია დაინახოს, როგორც ჩვეულებრივი და ამდენად უფრო მისაღები. ასეთმა იდეებმა და აზრებმა შეიძლება გაზარდოს სხვის წინააღმდეგ ღია აგრესიის ალბათობა. 4)ვარაუდობენ, რომ ძალადობის ხშირმა ექსპოზიციამ შეიძლება შეამციროს ძალადობისა და მისი მტკივნეული შედეგების მიმართ ინდივიდის ემოციონალური მგრძნობიარობა. მოკლედ, უამრავი მკვლელობების, თავდასხმებისა და ბრძოლის ყურების შემდეგ, შესაძლოა მაყურებელმა სუსტი ემოციონალური რეაქცია გამოავლინოს მასზე. ემოციონალური მდგომარეობის ასეთი გადაწევა კი ინდივიდს გაუადვილებს განახორციელოს თვითონაც ... ...

არქივი

ზაფრანი

მსოფლიოში ყველაზე პატარა ირემი

აზიური ირმები - (თრაგულუს) ძუძუმწოვარ...

რა ხდება თქვენს ორგანიზმში როცა გძინავთ

ყველასთვის ცნობილია, რომ სანამ გვძინავს,...

საინტერესო ფაქტები წყლის შესახებ

იუნესკოს მონაცემების მიხედვით, დედამიწაზე არსებული...

ალბინოსი მაიმუნი

ის ყველასგან გამორჩეულია, ჩხუბითაც კი...

დაბადების თარიღი და ადამიანის ხასიათი

როგორც ასტროლოგები, ფსიქოლოგები და სხვა...

აშშ-ში „ორიგინალური“ პერანგი გამოიგონეს

ცოტა ხნის წინ ამერიკელი ენთუზიასტების...
კარმიდამო ჩემი

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...

გავამდიდროთ ხაჭაპური ჯიჯილაყას ნარევი გულსართით

მცენარე ჯიჯილაყა, იგივე ამარანტი, რომელსაც...

თევზის ფილეს სალათი

ზეთში შემწვარი თევზის ფილე დავჭრათ...

ბერძნული მუსაკა

მასალა: 1 კგ კარტოფილი; 2...

სუსტი განტოტვის დამაგრება

ხეხილის მოსავლიან ბაღებში, ისეთი უხვი...

დავრგოთ ტირიფი შესაფერის გარემოში

გურიაში ტირიფს ბევრგან შეხვდებით. 600-მდე...

პირველ რიგში ჩასატარებელი სამუშაოები აგვისტოში

აგვისტოში, როგორც ბაღ-ვენახებში, ისე, ბოსტნებში...

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...