საფრანგეთში გაქცეული ოპოზიციონერი ნიკოლაიშვილის მუქარასა და ზეწოლაში ადანაშაულებს

პოლიტიკა

საფრანგეთში გაქცეული ოპოზიციონერი ნიკოლაიშვილის მუქარასა და ზეწოლაში ადანაშაულებს

8 ივნ. 2012, 08:01:06

 

როცა სტატიის მომზადება დავაპირეთ, თავდაპირველად გოჩა ჩხაიძის დედას, ქალბატონ ნათელა ჩხაიძეს ვესაუბრეთ, რომელიც მუქარის ფაქტებზე ღიად საუბრობდა და დახმარებას გვთხოვდა. ინტერვიუს ჩაწერიდან რამდენიმე საათის შემდეგ, ქალბატონმა ნათელამ გვთხოვა, წერილის გამოქვეყნება შეგვეჩერებინა, იმ მიზეზით, რომ მასთან მივიდა რამდენიმე პირი და ამ თემაზე საუბარი აუკრძალა: _ ძალიან გთხოვთ, შვილო, თქვენც გაუფრთხილდით თავს, მათგან ყველაფერია მოსალოდნელი, თქვენც არ დაგიშავონ რამე, _ გაგვაფრთხილა მან.

ამის შემდეგ, "გურია ნიუსი" გოჩა ჩხაიძეს საფრანგეთში დაუკავშირდა:

_ ბატონო, გოჩა, რამ გაიძულათ დაგეტოვებინათ საქართველო?

_ მაშინ, როცა მე წამოვედი საქართველოდან, ამის გაშუქება არ მინდოდა, რადგან ადამიანები საოცრად დაშინებულები არიან. მე დევნილი ვარ, იკითხეთ "თავისუფალი დემოკრატების" ოფისში, რატომ წამოვედი _ ვინც ჩემთან იყო მოსული, იქაც იყვენენ.

_ კონკრეტულად, ვისზე საუბრობთ?

_ პოლიციელებზე. მე დავტოვე საქართველო სექტემბრის შუა რიცხვებში.

_ რატომ?

_ საქართველოდან ჩემი წამოსვლის მიზეზი იყო აქტიური მოქალაქეობრივი პოზიცია, პროტესტი ხელისუფლების წინააღმდეგ. გახსოვთ, ალბათ, ოზურგეთის მუნიციპალიტეტის საკრებულოს ერთ-ერთ სხდომაზე ჩემი გამოსვლა, სადაც საკრებულოს თავმჯდომარემ დარბაზის სასწრაფოდ დატოვება მომთხოვა. ეს ყველაფერი გროვდებოდა. მანამდეც მითვლიდნენ ჩემი "კეთილისმსურველები", რომ დამეტოვებინა საქართველო.

_ ბატონო გოჩა, ვინ იყო თქვენი "კეთილის მსურველი" ?

_ მე მას შევარქვი "რამზეს მესამე", ანუ რამაზ ნიკოლაიშვილი. ამის შემდეგ, ჩემზე ხორციელდებოდა ზეწოლა, იყო მუქარა, მითვლიდნენ, რომ დამეტოვებინა საქართველო, თორემ დამიჭერდნენ.

_ ვისი სახელით გითვლიდნენ?

_ ვერ დაგისახელებთ იმ კონკრეტული ადამიანების სახელებსა და გვარებს, რადგან შეიძლება მათ შეუქმნან საფრთხე. ეს ის ადამიანები არიან, ვინც შუამავლები იყვნენ ხელისუფლებასა და ჩემს შორის. მე მათგან არც ერთ შემოთავაზებს არ მივიღებდი და საქართველოს არ დავტოვებდი, რომ არა ერთი მეტად მწვავე და ამაფორიაქებელი გარემოება _ საქმე ჩემს შვილს ეხებოდა. რამაზ ნიკოლაიშვილთან დაახლოებულმა ერთ-ერთმა პიროვნებამ დამირეკა და მთხოვა, თუ შეიძლებოდა ჩემი ნახვა. მეც შევხვდი. დღეს ვერ გეტყვით, ვერც შეხვედრის ადგილს და ვერც იმ პიროვნების სახელსა და გვარს, მაგრამ მოვა დრო და გაიგებთ. დღეს რომ ეგ ვთქვა, ის კაცი აღმოჩნდება ძალიან ცუდ მდგომარეობაში. შეხვედრა შედგა ერთ-ერთ ოფისში. ამ კაცმა ამოიღო თავისი მობილური, გამომართვა ჩემიც, გათიშა, ამოიღო ელემენტები და გაიტანა მესამე ოთახში, მე კი მეუბნება: გოჩა, მე გავაკეთე ყველაფერი, რაც შემეძლო. დამიჯერე და წადი საქართველოდან, თორემ დაგიჭერენ. ესენი ცუდი ხალხია და ქვეყნის მტრები არიან. მე ვერ ვიბრძვი, თუმცა, შენს ბრძოლას პატივს ვცემ, მაგრამ რამაზ ნიკოლაიშვილი გაგანადგურებს, აქ თუ დარჩები და სექტემბრის ბოლომდე არ დატოვებ ოზურგეთს. ჩვენ ამ ადამიანს ვერ გადავაფიქრებინეთ შენზე ცუდი განზრახვაო, _ მითხრა იმ ადამიანმა, რომელსაც გადავუხადე მადლობა, მაგრამ ვუთხარი, რომ მე ბრძოლას ბოლომდე ვაპირებ და არ მეშინია,-მეთქი. გავიდა რამდენიმე დღე, იყო სიჩუმე. ეს არც ოჯახში მითქვამს და არც არავისთვის.

13 აგვისტოს, ჩემი უმცროსი შვილი, რომელიც ოზურგეთში იყო, საღამოს 10 საათისთვის მიდიოდა გმირთა მოედანზე ერთ-ერთ სუპერმარკეტში. გაუჩერა შავმა ჯიპმა, ჩამუქებული მინებით, ჩაისვეს მანქანაში, რომელშიც ოთხი კაცი იჯდა და სცემეს. ბავშვი გამილახეს და უთხრეს, მამაშენმა ვერ შეიგნო, რაც უთხრეს და გააგებინე შენ, თორემ ორთავეს რომ დაგიჭერთ, მერე ნახავთ თქვენს სეირს. დატოვეთ ოქტომბრის ბოლომდე ქვეყანა, თორემ გაგანადგურებთ ოჯახიანადო.

_ რომელი უწყების თანამშრომლები ისხდნენ იმ ჯიპში?

_ როგორც ჩემი შვილი ამბობს, როცა აღმართში ამოდიოდა, თეატრის წინ გაუჩერეს მანქანა. იყო ოთხი პიროვნება, შავებში ჩაცმულები. თავი არ წარმოუდგენიათ, ჩააგდეს მანქანაში, გალახეს, ათი წუთი ჰყავდათ მანქანაში და გადმოაგდეს მერე.

მსგავსი რამ მოხდა რესტორან "ქალაქურშიც", სადაც მთელმა ოზურგეთმა იცის, რა ხალხიც იკრიბება. იმ დღესაც იყვნენ ხელისუფლების წარმომადგენლები, რომლებსაც მივმართე, როგორ ხელისუფლებას ემსახურებით,-მეთქი. ხელის გარტყმა ნამდვილად არ ყოფილა, არავინ მიცემია. იქ მომუშავე ადმინისტრატორს პოლიციამ აიძულა, დაეწერა, თითქოს მე ვცემე, რომ ეს ყოფილიყო ჩემი დაპატიმრების საფუძველი. ერთი გოგოც იმიტომ გაათავისუფლეს მალე "ქალაქურიდან", რომ მან ჩვენება არ მისცა ჩემს წინააღმდეგ. ამის შემდეგ, სხვებს დაავალეს მსგავსი რამის კეთება. ჩვენს ოფისშიც მოსულან პოლიციელები და მეძებდნენ, რადგან ჩემზე იყო საჩივარი დაწერილი, რომ "ქალაქურში" ვცემე ვიღაცეები. ნახეს თემურ სალუქვაძეც.

_ მსგავს ფაქტებს უარყოფს თემურ სალუქვაძე, მათ შორის, თქვენზე ვინმეს მხრიდან ზეწოლის და დაშინების ფაქტებს და ოფისში პოლიციელების სტუმრობას.

_ დღეს ისეთი მდგომარეობაა ქვეყანაში, გურიაში, დაავიწყდა ხალხს, ვისთვის და რისთვის იბრძვიან. რატომ უნდა უარეყო ბატონ თემურს? უმჯობესია, ქვეყანაზე იფიქრონ. ჰკითხეთ, აბა, კიდევ ერთხელ და იმედია, გაიხსენებს მსგავს ფაქტებს. უბნის რწმუნებული რომ მოვიდა ოფისში, მე არ მეძებდა? იკითხა, გოჩა ჩხაიძე და თქვა, რესტორან "ქალაქურში" მას ინციდენტი მოუხდა, მასზე საჩივარია დაწერილი და კითხვები გვაქვსო.

_ ბატონო გოჩა, არ აპირებთ საქართველოში დაბრუნებას?

_ ეს ხელისუფლება სანამ იქნება, მანამ ვერ დავბრუნდები.. როგორ წავა, რა იქნება, არ ვიცი. მეშინია, შვილებს როცა ეხებიან, ეს ძალიან მტკივნეულია. უკვე სხვა გზა აღარ დამიტოვეს. უხერხულად ვგრძნობ თავს, რომ მე აქ ვარ და ჩემი ქართველი ხალხის გვერდით არ ვარ ამ ბრძოლაში, მაგრამ მე რომ საპყრობილეში ვყოფილიყავი, ეს არაფერს შეცვლიდა. მაიძულეს, დამეტოვებინა საქართველო.

_ ბატონო გოჩა, პოლიტიკურ თავშესაფარს ხომ არ ითხოვთ?

_ კი, რა თქმა უნდა.

ჩხაიძის მიერ აღნიშნულ რესტორან "ქალაქურში" მომხდარ ინციდენტთან დაკავშირებით, ინფორმაციის გადამოწმება რესტორნის ყოფილ ადმინისტრატორთან ბაჩი სირაძესთან ვცადეთ, თუმცა, მან ეს ფაქტი კატეგორიულად უარყო.

_ ქალბატონო ბაჩი, თქვენ მუშაობდით რესტორან "ქალაქურში" მაშინ, როცა, სამართალდამცავების ინფორმაციით, გოჩა ჩხაიძემ სიტყვიერი შეურაცხყოფა მიაყენა ხელისუფლების წარმომადგენლებს, თუმცა, როგორც თვითონ ამბობს, მას ხელი არავისთვის დაურტყამს. პოლიციელები თქვენ გაიძულებდათ, დაგეწერათ საჩივარი, რომ მან გცემათ. რამდენად ადასტურებთ ამ ინფორმაციას?

_ კი, "ქალაქურში" ვმუშაობდი. გოჩა ჩხაიძე? 7-8 თვის წინ, ჩემს დროს "ქალაქურში" მსგავსი რამ ნამდვილად არ ყოფილა. საერთოდ, არც გოჩა ჩხაიძეს ვიცნობ, არც მის დედას და "ქალაქურში" საერთოდ, ჩემს იქ მუშაობის პერიოდში, კონფლიქტური სიტუაცია არასდროს ყოფილა. იქ დაცვა იყო და მსგავსი რამ ნამდვილად არ მომხდარა.

_ პოლიციელებს თქვენთვის არ მოუმართავთ და არ უთქვამთ, რომ წერილი დაგეწერათ მსგავს ინციდენტთან დაკავშირებით?

_ არა. იქ იყო დაცვა და მსგავსი რამ ისედაც არ მოხდებოდა. თქვენ ვერც დაცვა დაგიდასტურებთ და ვერ გეტყვით მსგავს ერთ ფაქტსაც კი. მე 2011 წლის სექტემბრიდან უკვე იქ აღარ ვმუშაობდი, შეიძლება ჩემს მერე განვითარდა ეს მოვლენები, _ გვითხრა ბაჩი სირაძემ.

თუმცა, ამ მშვიდი სატელეფონო საუბრის შემდეგ, რამდენიმე წუთში ბაჩი სირაძე დაგვიკავშირდა ტელეფონით და საკმაოდ ხმამაღალი ტონით განაცხადა: _ როცა ინფორმაციას მოგაწოდებენ, გადაამოწმეთ და ცოტა ღირსებით და პატივისცემით მოეპყარით ადამიანებს. გეუბნებით, არაფერიც არ მოხდა და ცოტა ღირსების მიხედვით მიუდექით ადამიანებს. ეს ვინც გყავთ წყაროები, იმათთან იმუშავეთ და მოითხოვეთ რეალური ინფორმაციები მოგაწოდოთ. იწერთ, ალბათ, ამ საუბარს?!

_ რა თქმა უნდა.

_ წერეთ და იკითხეთ, _ გვითხრა სირაძემ და ტელეფონი გაგვითიშა.

"გურია ნიუსი" "თავისუფალი დემოკრატების" ოზურგეთის ორგანიზაციის ლიდერს თემურ სალუქვაძეს დაუკავშირდა, რომელიც საკუთარი პარტიის წევრზე, გოჩა ჩხაიძეზე ზეწოლას, დაშინებისა და მუქარის ფაქტებს უარყოფს.

_ ბატონო თემურ, გოჩა ჩხაიძეს პოლიცია თქვენს ოფისში და რესტორან "ქალაქურში" მომხდარ ინციდენტზე არ საუბრობდა?

_არა, არა. მსგავსი რამ ნამდვილად არ ყოფილა. არაფრის საქმის კურსში არ ვარ. უბრალოდ, რაღაც უბნის აღრიცხვა ხდებოდა. მოვიდა უბნის რწმუნებული, რომელმაც ყველას სახელი და გვარი ჩაიწერა, ვინც ჩემთან მუშაობს. სხვა ოფისშიც იყო მისული. ის, რომ ოფიციალურად მოსულიყოს ჩვენთან და გოჩა ეკითხოს, ასე ნამდვილად არ ყოფილა.

_ ესე იგი პოლიციას კონკრეტულად გოჩა ჩხაიძეზე არაფერი უთქვამს?

_ ხომ გეუბნებით, მისი სახელი კონკრეტულად კი არა, არც ჩემი სახელი უკითხავს. ჩაიწერა ოპოზიციონერ გოჩა ჩხაიძის სახელი და გვარი, სხვა არაფერი ყოფილა, ისიც ერთხელ იყო მოსული და მეტი არაფერი. სხვა მე არაფერი ვიცი.

"გურია ნიუსი" ამ ინფორმაციების გადასამოწმებლად ბატონ რამაზ ნიკოლაიშვილთან დაკავშირებას ორი დღის განმავლობაში ცდილობდა, მაგრამ მან ჩვენს სატელეფონო ზარებს არ უპასუხა, რაც იშვიათად ხდება. მისი პრესსამსახურის ხელმძღვანელმა მაია სიხარულიძემ კი ასეთი პასუხი გაგვცა:

_ არანაირ გოჩა ჩხაიძეს არ იცნობს ბატონი რამაზი, მით უმეტეს, მასთან არანაირი შეხება და კავშირი არასდროს ჰქონია. მე, როგორც პრესსამსახურის ხელმძღვანელი, ვადასტურებ ინფორმაციას იმის შესახებ, რომ ბატონი რამაზი მას საერთოდ არ იცნობდა.

_ ქალბატონო მაია, თქვენ უარყოფთ ამ ინფორმაციას ასე დარწმუნებით თუ ბატონი რამაზი?

_ რა თქმა უნდა, ბატონ რამაზი უარყოფს მსგავს ინფორმაციებს და მე, როგორც პრესსამსახურის ხელმძღვანელი, ვადასტურებ, _ გვითხრა სიხარულიძემ.




 ახალი ამბები
  • საქართველოში კორონავირუსით ინფიცირების ახალი შემთხვევები გამოვლინდასაქართველოში კორონავირუსით ინფიცირების ახალი შემთხვევები გამოვლინდა.  დაავადებათა კონტროლის ეროვნული ცენტრის მიერ გავრცელებული ინფორმაციით, ინფიცირების 14 ახალი შემთხვევა გამოვლინდა, გამოჯანმრთელდა 4 პაციენტი. გავრცელებული მონაცემებით, ამ დროისთვის საქართველოში კორონავირუსის 1 278 შემთხვევაა დადასტურებული. განკურნებულთა რაოდენობა სულ 1 058-ს შეადგენს. კორონავირუსით გარდაცვლილია 17 ... ...
  • ოზურგეთის პირველი საჯარო სკოლის ხუთმა მოსწავლემ, უცხო ენაში სუკეთესო შედეგი აჩვენაოზურგეთის ეგნატე ნინოშვილის სახელობის პირველ საჯარო სკოლის ხუთმა კურსდამთავრებულმა, ეროვნულ გამოცდებზე, უცხო ენაში (ინგლისური) მაღალი შეფასება დაიმსახურა. მაქსიმალური 80 ქულიდან,  გიორგი მეგრელიძემ- 79, მარიამ კილაძემ- 78, მარიამ ჩხატარაშვილმა - 76, მარიამ დავიდოვამ- 75, ნინო სუხიაშვილმა- 70 ქულა მოიპოვა. _სხვების შედეგებიც არ არის ურიგო. პირველი სკოლა ამაყობს  ამ ბავშვებით. ველოდებით გრანტებს - ამბობს სკოლის დირექტორი მაია თავართქილაძე. „გურია ნიუსი“ წარმატებებს უსურვებს თითოეულ ... ...
  • დასაქმების ხელშეწყობის სახელმწიფო სააგენტოს საქმიანობის ანგარიშს წარადგენს12 აგვისტოს, 12 საათზე, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე დასაქმების ხელშეწყობის სახელმწიფო სააგენტოს საქმიანობის ანგარიშის პრეზენტაციას დაესწრება. ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს კამპანია - „ერთი თვე სამინისტროსთან ერთად“ გრძელდება. კამპანიის ფარგლებში მინისტრი ეკატერინე ტიკარაძე, მოწვეულ სტუმრებთან ერთად, დასაქმების ხელშეწყობის სახელმწიფო სააგენტოს მიმდინარე საქმიანობის ანგარიშს და სამომავლო  გეგმებს გაეცნობა. ღონისძიების მიზანია ცნობადობის ამაღლების მიზნით, საზოგადოებისა და სხვა დაინტერესებული მხარეების ინფორმირებულობა დასაქმების ხელშეწყობის სახელმწიფო სააგენტოში (SESA) მიმდინარე  პროგრამების, სერვისებისა და დაგეგმილი პროექტების შესახებ. წარმოდგენილი იქნება „დასაქმების ხელშეწყობის სახელმწიფო სააგენტოს საქმიანობის ანგარიში და სამომავლო გეგმები”. შეჯამდება დასაქმების ხელშეწყობის მიმართულებით ქვეყანაში განხორციელებული აქტივობები და სააგენტოს მიერ განხორციელებული სერვისები ახალი კორონავირუსის პანდემიის პირობებში, რაც კომპენსაციების გაცემის სრულ ადმინისტრირებას მოიცავს. სააგენტოს დაგეგმილი აქვს, მთელი ქვეყნის მასშტაბით, დასაქმების ხელშეწყობის სერვისებისა და ხელმისაწვდომობის გაუმჯობესებასთან ერთად, შრომის ბაზრის მართვის საინფორმაციო სისტემის განახლება და განვითარება, ასევე, სამოქალაქო და ბიზნეს სექტორის, ადგილობრივი ხელისუფლებისა და სხვა სახელმწიფო უწყებების წარმომადგენლებთან თანამშრომლობის გაღრმავება. ღონისძიების მხარდამჭერია ევროკავშირის პროექტი „ტექნიკური მხარდაჭერა შრომის ბაზრის საჭიროებებსა და დასაქმებაზე მორგებული ცოდნა-უნარების განვითარებისთვის“ (TA for Skills4Jobs). პროექტი მხარს უჭერს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შრომისა და დასაქმების პოლიტიკის, სტრატეგიების და სამოქმედო გეგმების შემდგომ განვითარებას. ღონისძიებაზე მოწვეული არიან სამთავრობო და არასამთავრობო ორგანიზაციების წარმომადგენლები, დამსაქმებლები, პარტნიორი ორგანიზაციები, მედიის წარმომადგენლები და სხვა საპატიო სტუმრები.          მისამართი:  ქ. თბილისი, პირველი რესპუბლიკის მოედანი 6;  „რესპუბლიკა“ (მე-3 ... ...
  • გიორგი შაქარაშვილი სცემეს და მდინარეში გადააგდეს- ვიდეოკონსტრუქცია გიორგი შაქარაშვილი ალყაში მოაქციეს, სასიკვდილოდ სცემეს და მდინარეში გადააგდეს_ ამის შესახებ დღეს პროკურატურაში გამართულ ბრიფინგზე განაცხადეს. საქართველოს გენერალურმა პროკურატურამ გიორგი შაქარაშვილის დამამძიმებელ გარემოებებში განზრახ მკვლელობის ბრალდებით სისხლისსამართლებრივი დევნა ხუთი პირის მიმართ ... ...
  • იმერეთის გუბერნატორის ყოფილი მოადგილე სამტრედიის მუნიციპალიტეტის მერის პირველ მოადგილედ დაინიშნაიმერეთის გუბერნატორის ყოფილი მოადგილე სამტრედიის მუნიციპალიტეტის მერის პირველ მოადგილედ დაინიშნა. აღნიშნული პოზიცია ვაკანტური გახლდათ, რომელსაც დღეიდან, 2020 წლის 11 აგვისტოდან გრიგოლ დალაქიშვილი იკავებს.   მას იმერეთის სამხარეო ადმინისტრაციაში რამდენიმეწლიანი სამუშაო გამოცდილება გააჩნია. გრიგოლ დალაქიშვილი 2017 წელს ქუთაისის მერის, შოთა მურღულიას მოთხოვნით მოადგილედ დაინიშნა. მანამდე  იგი ,,ქართული ოცნების"  იმერეთის რეგიონის კოორდინატორი ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...