"სამართლიანი არჩევნების" კოორდინატორი გამგებელს პოლიტიკურ ზეწოლაში ადანაშაულებს

პოლიტიკა

"სამართლიანი არჩევნების" კოორდინატორი გამგებელს პოლიტიკურ ზეწოლაში ადანაშაულებს

2012 ივლ 24 21:05:48

ამ ფაქტის შესახებ ჩვენ უკვე ვაცნობეთ მკითხველს, მაგრამ მაშინ "სამართლიანი არჩევნების" წარმომადგენელმა თავი შეიკავა დეტალების დაკონკრეტებისგან; არც გიორგი გოგუაძემ დაადასტურა ნანა სანიკიძის მისამართით ზეწოლის მცდელობა.

24 ივლისს, სანიკიძეს, რომელიც პარალელურად, ლანჩხუთის კულტურის სახლის ვალოდია წულაძის სახელობის კინოსა და თეატრის მუზეუმის მეცნიერ-თანამშრომელია, მისი თქმით, სამსახურიდან წასვლას აიძულებენ. როგორც თავად ამბობს,

19 ივლისს, გიორგი გოგუაძემ "სამართლიანი არჩევნების" კოორდინატორი თავის კაბინეტში დაიბარა. გამგებელმა ისიც და ორგანიზაციაც, რომლის წარმომადგენელიცაა სანიკიძე ლანჩხუთში, პოლიტიკურ მიკერძოებაში დაადანაშაულა: _ ეს ყველაფერი უკავშირდება იმას, რომ სადამკვირვებლო მისიით ვაწარმოებდი მოკვლევა-დაზუსტებას. ქვიანში დაფიქსირდა ასეთი ფაქტი: ორი ადგილობრივი პედაგოგი _ თამილა თოფურია და ანგელინა ხიზანიშვილი აგიტაციას აწარმოებდნენ მმართველი პარტიის სასარგებლოდ. პედაგოგებმა ჩემთან საუბარში ეს ფაქტი არ დაადასტურეს, მაგრამ მე მქონდა ინფორმაცია და შევეცადე გადამემოწმებინა, _ ამბობს სანიკიძე.

სანიკიძის თქმით, ეტყობა, ეს ამბავი გამგებლის ყურამდე მივიდა და მან ნანა სანიკიძისგან ოპოზიციური პარტიების საქმიანობაზე კონტროლი მოითხოვა. გამგებელმა ეჭვი შეიტანა "სამართლიანი არჩევნების" საქმიანობის გამჭირვალობაში და შეეცადა, მისი წარმომადგენელი კონკრეტული პოლიტიკური დავალების შესასრულებლად გამოეყენებინა.

ამ ფაქტიდან 2 დღის შემდეგ სანიკიძეს დაუკავშირდა ლანჩხუთის მუნიციპალიტეტის გამგეობის კულტურის და ძეგლთა დაცვის განყოფილების უფროსი ირმა მგელაძე და კონკრეტული დავალება მისცა. მგელაძის თქმით, იგი როგორც არასამთავრობო ორგანიზაციის თანამშრომელი, ვალდებული იყო შეესწავლა ოპოზიციური პარტიის მხრიდან ზეწოლის ფაქტი. მას გადასცეს ქაღალდი წარწერით "ზურაბ კუჭაშვილი" და მოსთხოვეს მისი საქმის შესწავლა.

ზურაბ კუჭაშვილი "ნაციონალური მოძრაობის" ახალგაზრდული ფრთის აქტივისტია. რამდენიმე დღის წინ, "ქართული ოცნების" ორგანიზებით ლანჩხუთში ჩატარდა თავისუფალი მედიის, კერძოდ ტელეკომპანია "მაესტროს" მხარდამჭერი აქცია. კუჭაშვილი პარტიულ დავალებას ასრულებდა და აქციის მონაწილეებს ფოტოებს უღებდა. "გამგებლის დავალებაა მიხვიდე მასთან და გაარკვიო ყველაფერი", _ უთხრა სანიკიძეს გამგეობის მაღალჩინოსანმა.

_ კიდევ ერთხელ მინდა გავიმეორო: მე ვაწარმოებ მონიტორინგს ლანჩხუთის ტერიტორიაზე და ვალდებული ვარ, ნებისმიერი დარღვევის, ზეწოლის, მუქარის ფაქტი დავაფიქსირო და ინფორმაცია გადავცე ორგანიზაციას. კუჭაშვილმა სატელეფონო საუბრისას, თავიდან უარყო ეს ფაქტი, მაგრამ როცა პირისპირ შევხვდი და ვესაუბრე, უფრო დაწყნარებული ჩანდა. მან დაადასტურა, რომ აქციაზე ფოტოების გადაღებამ გააღიზიანა "ქართული ოცნების" ერთ-ერთი წარმომადგენელი. კუჭაშვილის თქმით, იგი მივიდა დედამისთან და დაემუქრა, თუ შენი შვილი არ შეწყვეტს მსგავს საქმიანობას, პრობლემები შეექმნებაო. ეს ინფორმაცია სათაო ოფისს გადავეცი, _ აღნიშნა ნანა სანიკიძემ, _ გუშინ, ჩემმა უშუალო ხელმძღვანელმა მაია ჩხაიძემ გადმომცა, რომ კულტურის სახლის იურისტი მენახა. ვფიქრობ, იურისტი ზაირა გურგენაძე, რომელიც ძალიან კარგი პიროვნებაა, ჩემს წინააღმდეგ გამოიყენეს. ჩემდა გასაოცრად მან განაცხადა, რომ თითქოს არასამთავრობო ორგანიზაცია "სამართლიანი არჩევნები" მიკერძოებული ორგანიზაციაა, რომელიც ერთ-ერთი პოლიტიკური პარტიის ინტერესებს ემსახურება, ხოლო ორგანიზაციის დირექტორი ნინო ლომჯარია კონკრეტული პოლიტიკური გაერთიანების იურისტია და არასამთავრობო ორგანიზაციის წარმომადგენელი. ლანჩხუთის კულტურის სახლის იურისტმა განმიცხადა, რომ კანონით აკრძალულია ორ ადგილზე მუშაობა და ერთ-ერთი უნდა ავირჩიო. კულტურის სახლში ნახევარ განაკვეთზე ვმუშაობ და ჩემი მეორე სამსახური ხელს არ მიშლის არასამთავრობო ორგანიზაციაში სამსახურეობრივი მოვალეობის კარგად შესრულებაში. ვფიქრობ, რომ ჩემი აქტიური საქმიანობა არასამთავრობო კუთხით გამგებლის ინტერესებს ეწინააღმდეგება, _ ამბობს სანიკიძე.

ლანჩხუთის კულტურის სახლის დირექტორმა სოფო ჭელიძემ, ჩვენთან საუბრისას, კატეგორიულად უარყო ხმები სანიკიძის სამსახურეობრივი კონფლიქტის შესახებ. იგი ამტკიცებს, რომ სანიკიძისთვის არავის მოუთხოვია ორი სამსახურიდან ერთ-ერთის არჩევა და არც რაიმე ინსტრუქცია ყოფილა ზევიდან. მსგავსი რამ არც ზაირა გურგენაძემ დაგვიდასტურა: _ მისი გათავისუფლების ოფიციალური დოკუმენტი არ არსებობს, არც სიტყვიერად გვითქვამს ეს მისთვის, _ ამბობს გურგენაძე.




 ახალი ამბები
  • კახეთში გეოფიზიკის ინსტიტუტის ყოფილი შენობა დაიწვასაგანგებო სიტუაციების მართვის სამსახურის ინფორმაციით, თელავის მუნიციპალიტეტის სოფელ რუისპირში ხანძარი ლოკალიზებულია და მისი გავრცელების საფრთხე აღარ  არსებობს. ხანძრის შედეგად მიმდებარე ტერიტორიაზე არსებული რამდენიმე მიტოვებული შენობა-ნაგებობა დაიწვა. მათ შორის ერთ-ერთი გეოფიზიკის ინსტიტუტის ყოფილი შენობაა. როგორც ცნობილია, ცეცხლი თავდაპირველად ხმელ ბალახსა და ეკალ-ბარდებს მოედო, შემდეგ კი ძლიერი ქარის გამო შენობებზეც გავრცელდა. ... ...
  • მთაწმინდის პარკის მიმდებარე ტერიტორიაზე ხანძარი გაჩნდათბილისში, მთაწმინდის ფერდობზე,  პარკის მიმდებარე ტერიტორიაზე ხანძარი გაჩნდა. შეტყობინების მიღებისთანავე, საგანგებო სიტუაციების მართვის სამსახურის მეხანძრე-მაშველებმა ოპერატიულად მოახდინეს რეაგირება და დაუყოვნებლივ დაიწყეს ცეცხლის ქრობის სამუშაოები. როგორც საგანგებო სიტუაციების მართვის სამსახურში ამბობენ, შეზღუდული ხილვადობის, რთული რელიეფისა და მეტეოროლოგიური პირობების მიუხედავად, ხმელ ბალახზე გავრცელებული ხანძრის ქრობას 60-მდე მეხანძრე-მაშველი და ხანძარსაწინააღმდეგო ტექნიკა ახორციელებს. ამ დროისთვის ცეცხლი უკვე ლოკალიზებულია და მისი გავრცელების საფრთხე აღარ არსებობს. საგანგებო სიტუაციების მართვის სამსახურის ინფორმაციით, არსებობდა  მთაწმინდის პარკის ტერიტორიაზე ხანძრის გავრცელების საშიშროებაც, თუმცა  მეხანძრე-მაშველების ოპერატიული რეაგირების შედეგად, საფრთხე სრულად აღმოფხვრილია. მომხდარის შედეგად არავინ დაშავებულა. ინტენსიურად გრძელდება ხანძრის სალიკვიდაციო სამუშაოები. ნახანძრალი ტერიტორიის მონიტორინგის მიზნით, მთაწმინდის ფერდობის მიმდებარედ მთელი ღამის განმავლობაში დარჩება 1 სახანძრო-სამაშველო ... ...
  • დაწესებულებაში, სადაც, ქმარმა ცოლი მოკლა, ხელმძღვანელი გაათავისუფლესდაწესებულებაში, სადაც, ქმარმა ცოლი მოკლა, ხელმძღვანელი გაათავისუფლეს. თანამდებობიდან გათავისუფლების შესახებ სამტრედიის სამოქალაქო რეესტრის აწ უკვე ყოფილი ხელმძღვანელი, მანანა მსხილაძე სოციალურ ქსელში ავრცელებს ინფორმაციას. ,,ჩემო საყვარელო fb მეგობრებო, ახლობლებო, მოკეთეებო და მოყვარეებო! 27.02.2020 წლიდან შევუერთდი უმუშევართა ,,მცირერიცხოვან" არმიას. ვისაც გაქვთ ინფორმაცია ვაკანსიების შესახებ, არ დაგეზაროთ, მომწერეთ პირად მესენჯერში. პირადი პოზიციის და მომხდარი ფაქტის შესახებ არ მკითხოთ, რადგან პასუხით მაინც ვერაფერს მიხვდებით. წინასწარ მადლობა იმათ,  ვისაც გეწყინებათ ჩემი უმუშევრობა და უფრო მეტად მათ, ვისაც ძალიან გაგახარებთ",-სამტრედიელი საზოგადოებისათვის მოულოდნელად ასეთი მიმართვა გაავრცელა საკუთარ ფეისბუქ გვერდზე სამტრედიის სამოქალაქო რეესტრის აწ უკვე ყოფილმა ხელმძღვანელმა. 44 წლის მანანა მსხილაძე ზემოაღნიშნულ თანამდებობას , დაახლოებით, 15 წელია იკავებდა და საკმაოდ დიდი ავტორიტეტით სარგებლობდა საკუთარ თანამშრომლებსა და იმ ადამიანებში, რომლებთანაც მას ყოველდღიურად უხდებოდა სამსახურეობრივი ურთიერთობა. ქალბატონი მანანა მარტოხელა დედაა და მას ერთადერთი, სტუდენტი შვილი ჰყავს. სამტრედიელებმა ეს ამბავი დღეს მანანა მსხილაძის ფეისბუქით შეიტყვეს, რაზეც უმრავლესობის რეაქცია უარყოფითი იყო.  სამტრედიელები მანანა მსხილაძის გათავისუფლებას 11დღის წინ, სამტრედიის სამოქალაქო რეესტრში მომხდარ მკვლელობას უკავშირებენ. შეგახსენებთ, რომ სამტრედიის სამოქალაქო რეესტრში 11 დღის წინ საზარელი მკვლელობა მოხდა. სამოქალაქო რეესტრის მოქალაქეთა მისაღებში მამაკაცი მოულოდნელად დაესხა თავს ყოფილ მეუღლეს და იქ მყოფი ადამიანების თვალწინ დანის რამდენიმე დარტყმით სასიკვდილო ჭრილობები ... ...
  • ერთიანი ეროვნული გამოცდებისა და სტუდენტთა საგრანტო კონკურსის შეფასების ზოგადი კრიტერიუმები2020 წლის ერთიან ეროვნულ გამოცდებზე რეგისტრაციამდე აბიტურიენტებს სულ უფრო ცოტა დრო რჩებათ. აბიტურიენტებისთვის საჭირო ინფორმაცია კი ეტაპობრივად ქვეყნდება. დღეს ცნობილი გახდა ის ზოგადი კრიტერიუმები, რომლითაც 2020 წლის ერთიანი ეროვნული გამოცდები და სტუდენტთა საგრანტო კონკურსი შეფასდება. იხილეთ 2020 წლის ერთიანი ეროვნული გამოცდებისა და სტუდენტთა საგრანტო კონკურსის შეფასების ზოგად კრიტერიუმები დოკუმენტში გაწერილია რა უნდა იცოდეს აპლიკანტმა გამოცდაზე გასვლისას და კონკრეტული ტესტური დავალების შეფასებისას რას მიექცევა ყურადღება. შეგახსენებთ, რომ 2020 წლის ერთიანი ეროვნული გამოცდებისთვის რეგისტრაცია მარტის პირველ ნახევარში დაიწყება და რამდენიმე კვირას გასტანს. წყარო: ... ...
  • ბორჯომის მერი და საკრებულოს თავმჯდომარე, სავარაუდოდ, ქრთამის აღების ფაქტზე დააკავესსაზოგადოებრივი მაუწყებლის ინფორმაციით,  ბორჯომის  მერი  ლევან  ლიპარტია და  საკრებულოს  თავმჯდომარე  გიორგი გოგიჩაიშვილი, სავარაუდოდ, ქრთამის აღების ფაქტზე დააკავეს. წინასწარი ინფორმაციით, ლიპარტია და გოგიჩაიშვილი სახელმწიფო უსაფრთხოების სამსახურმა დააკავა. სუს-ში აღნიშნულთან დაკავშირებით ინფორმაციას ჯერ არც უარყოფენ და არც ადასტურებენ. წყარო: ... ...

არქივი

ზაფრანი

ყველაზე ნიჭიერი ზოდიაქოს ნიშნები

მორიელი - ზოდიაქოს ამ ნიშნის...

როგორია ქალის იდეალური სხეული

ცოტა ხნის წინ, აშშ-ის ტეხასის...

როგორ ვიპოვოთ ცხოვრების ერთგული მეგზური

ბედნიერება ჰგავს პეპელას. მან ზუსტად...

„დავიწყებული“ ჰოლივუდელები

ჯესიკა ალბა ჯესიკა ალბას გარღვევად...

როდის გრძნობთ თავს ყველაზე კარგად

ზამთარი – მშვილდოსნის, კუროსა და...

ქალი, ბიზნესი … ასტროლოგია

ქალწული - ზოდიაქოს კიდევე რთი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...