ცოდნის შემტანი და სამუშაოს მაძიებელი დასაქმების მინისტრი: "ფიშტ, საცერივით გაქრა!“


პოლიტიკა

ცოდნის შემტანი და სამუშაოს მაძიებელი დასაქმების მინისტრი: "ფიშტ, საცერივით გაქრა!“

28 ივლ. 2012, 22:22:58

მისივე თქმით, სოფლებში ის ცოდნის შეტანას აპირებს ხალხში, რადგან კვალიფიციური კადრების სერიოზული დეფიციტია, სწორედ ამიტომ, დასაქმების სამინისტრო განათლების სამინისტროსთან, სოფლის მეურნეობის სამინისტროსთან და სხვა უწყებებთან ერთად პროგრამებს შექმნის, რომლებიც მოსახლეობას პროფესიულ-ტექნიკური განათლების მიღებაში დაეხმარება.

მისივე თქმით, დღეს ბიზნესი ეძებს სამუშაოზე ხალხს, მაგრამ ვერ პოულობს.

_ მე, პირადად ოცი დღეა მოსული ვარ ბიზნესიდან. ვეძებ ხალხს, მაგრამ ვერ ვნახულობ. მოსახლეობის დიდი ნაწილი ვერ აკმაყოფილებს იმ კვალიფიკაციას, რომელიც საჭიროა. მივეცი ბიზნესი გასაკეთებლად ერთ, ორს, სამს. სად წავიდა ეს ფული? ფიშტ, საცერივით გაქრა, იმიტომ, რომ ხალხმა არ იცის ბიზნესის კეთება, _ თქვა დასაქმების მინისტრმა პაატა ტრაპაიძემ დღეს, ჟურნალისტებთან შეხვედრის დროს, თუმცა, ის ნამდვილად ვერ გაგვაგებინა, როდის, რატომ და სად ქრება საცერი!

პაატა ტრაპაიძემ შემდეგ საკუთარი აღმოჩენის შესახებ გააგრძელა საუბარი: _ შეიძლება გითხრათ, ამ ორი წლის განმავლობაში რა აღმოვაჩინე. პრინციპში, ეს შორიდან ვიცოდი, მაგრამ, რეალურად ხალხთან საუბარში, ჩემთვის უკვე ცნობილია, რა პრობლემა არის მთავარი. მსოფლიოს საერთაშორისო შრომის ორგანიზაციის კლასიფიკაციით, ადამიანი, რომელსაც 2500 კვადრატული მეტრი მიწის ნაკვეთი აქვს და მიმაგრებულია მიწასთან, არ ითვლება უმუშევრად. ჩვენი პრობლემა ის კი არ არის, რომ ესენი უმუშევრები არიან, ისინი, უბრალოდ ვერ მუშაობენ ნაყოფიერად თავის მიწაზე და ვერ იღებენ იმ საჭირო დოვლათს, რომელიც ეყოფა მთელი წლის განმავლობაში. ჩვენ მიჩვეულები რას ვიყავით? გულახდილად ვისაუბროთ _ იყო ჩაის კულტურა და მანქანებით ჩაის კი არა, ტოტებს ვკრეფდით, ვაგზავნიდით რუსეთში. აი, ძალიან ბევრი საუბრობს, ჩვენთან იყო საკონსერვო ქარხნები, გადამამუშავებელი ქარხნები, რომლებიც კეთდებოდა საწყობებისთვის. დიდ საბჭოთა წარმოებაში მთავარი იყო ჩაგედო ვაგონში კონსერვი, გაგეგზავნა სადღაც ციმბირში, იმას მოეწერა ხელი შენთვის, რომ მიიღო ის კონსერვი და არც კი ფიქრობდი, გაიყიდება, არ გაიყიდება. ჩვენი ყველაზე მთავარი პრობლემა არის ცოდნის არქონა, ცოდნის არქონა სოფლის მეურნეობაში. ჩვენ დღეს ვერ ვაკეთებთ და ვერ ვქმნით პროდუქციას, რომელიც კონკურენტუნარიანია საქართველოს ბაზარზეც კი. ჩვენი მთავარი პრობლემა არის, რომ რა პროდუქციასაც ჩვენ ვქმნით, მას ვერ ვფუთავთ, ვერ ვინახავთ სათანადო საწყობებში, მაცივრებში და ა.შ.

მეორე, მესაქონლეობის განვითარების კუთხით, ეს არის ერთ-ერთი მთავარი, ჩემის აზრით, მიმართულება გურიაში. ამ კუთხით არ არიან წესიერი ვეტერინარები თითოეულ ორ-სამ სოფელზე. ახლა შევთახმდით რამდენიმე სოფლის რწმუნებულთან, უნდა ჰყავდეს, რისი ბრალია? ცოდნის. ჩვენ ვერ ვიყენებთ 2 500 კვადრატულ მეტრს, ისე ნაყოფიერად, როგორც იყენებს მაგალითად ისრაელის მოქალაქე, ისე, როგორც კვიპროსის მოქალაქე, ისე, როგორც ბალტიისპირეთის მოქალაქე. _ გვითხრა მან და საფიქრალი დაგვიტოვა _ უცოდინარები ვართო, რომ ამბობდა, ვის გულისხმობდა _ ყველას საკუთარი თავი ჩათვლით, თუ მარტო ჩვენ, "წესიერი ვეტერინარების" გარეშე დარჩენილ სოფლელებს? ალბათ, მარტო ჩვენ, თორემ თვითონ რომ ცოდნა არ ჰქონოდა, მინისტრად ვინ დანიშნავდა? ახლა არ გაიხსენოთ, ზოგი მინისტრი ფურს დედალ ძროხას რომ ეძახდა, იმიტომ ვერ იყო შესაბამისი სამინისტროს გამგეო!

ტრაპაიძის თქმით, რამდენიმე დღის წინ, როცა დანიშნეს, გურიიდან ტელეფონით დაუკავშირდნენ:

_ ორი ზარი მივიღე გურიიდან, იცით, გულახდილად გეტყვით _ პაატა, ახლა მაინც რა გახდა 1500-ლარიანი თბილი ადგილი ჩემთვისო (საინტერესოა, დასაქმების მინისტრს ვინმემ თუ სამუშაო სთხოვა, რატომ გაუკვირდა? აბა, რა უნდა ეთხოვა, უმაღლესში მომიწყვე შვილიო?! რედ). ეს სიმართლეა იცით, იმიტომ კი არ ვსაუბრობ, რომ ყველგან ასეა, ღმერთმა დაგვიფაროს, მაგრამ ადამიანებმა უნდა გაიგოს ერთი რამ, პოლიტიკაზე ლაი-ლაის და "იმ, მათხუარმა რეიგანმა, რა თქუაო", ნახევარი სოფლები სხედან ერთად და საუბრობენ ერთმანეთში. ჩვენ უფრო მეტს ვლაპარაკობთ, ვიდრე ვმუშაობთ. ვინ აკეთებთ, რომელი ქვეყანა აკეთებს ამას? ხუთ-ხუთი საათი, ექვს-ექვსი საათი ვსხედვართ რესტორნებში და ვსვამთ ამ მჟავე ადესას (ცოდნა რომ ვერ დაინახა ჩვენს თავებში, ეს არ იკმარა მინისტრმა და "ადესაც" დაგვიწუნა! ისე, ბატონო მინისტრო, "ადესის" გარდა, გურულები ხანდახან ჩხავერსაც ვსვამთ, ალადასტურსაც, სხილათუბანსაც, ცოლიკაურსაც. თუ "კარმიდამო ჩემს" წაიკითხავთ, კიდევ ბევრ გურულ ვაზს გაიცნობთ და მარტო "ადესაზე" არ ჩაიციკლებით, თუმცა, არც კარგად დაყენებული "ადესაა" მაინცდამაინც ასე სალანძღავი. რედ.). გეკითხებით, მარტივად. გულახდილად ვთქვათ. მე, გეუბნებით ჩვენი მთავარი პრობლემა არის ცოდნა. მთავარი არის ცოდნა და ჩვენ პირველ რიგში უნდა შევიტანოთ ხალხში ცოდნა, _ "ადესის" ლანძღვის მერე ისევ ცოდნას "მიაწვა" მინისტრი.

_ და "ამ ცოდნის შეტანას" როგორ აპირებთ?

_ ეხლავე, გეტყვით. უპირველეს ყოვლისა, შევთანხმდით ყველა სოფლის რწმუნებულთან, რომ თითოეული სოფელს უნდა მიუდგე ინდივიდუალურად. არ შეიძლება, ის, რაც ბახვისთვის არის კარგი, იყოს შემოქმედისთვის კარგი. რაღაცა საერთო იქნება, მაგრამ რაღაც სპეციფიკური იქნება, ხომ? ჩვენ გვჭირდება, ცალ-ცალკე, მთელ საქართველოში, გეოგრაფიულად შესწავლა. ჯერ უნდა აღვწეროთ ეს ხალხი, რომელიც დაწყებულია და საკმაოდ ადრე დასრულდება ეს პროცესი. ასევე, უნდა გაკეთდეს ანალიზი. თუ ამოცანა ნათელი არ არის, შენ გადაწყვეტის გზებს ვერ ნახავ. ჩვენ პირველი ეტაპი მაქსიმალურად ჩქარა უნდა გავაკეთოთ, რომ ზუსტი დიაგნოზი დავსვათ, რომ თითოეულ სოფელს რა ჭირდება. ამის შემდეგ უნდა აღმოვაჩინოთ ნიჭიერი ხალხი, იგივე ახალგაზრდები, იგივე ჩვენი ასაკის ხალხი (როგორ უნდა "აღმოვაჩინოთ" ამდენ უცოდინარში ეს ნიჭიერი ხალხი ან სად იმალებიან მანამ, სანამ მთავრობა არ "აღმოაჩენს", მინისტრს არ უთქვამს. რედ). სულ მალე გამოჩნდება, ჩვენ ვქნით ელექტრონულ ბირჟას, სადაც ნებისმიერ ადამიანს, მათ შორის თქვენც, მე, მაგალითად სამუშაოს მაძიებელი ვარ, უფრო უკეთესი მინდა, ნუ გგონიათ ახლა მინისტრობა... დღეს თავის ტკივილია. მეც, ვიქნები სამუშაოს მაძიებელი, თქვენ, თითოეულმა, კვალიფიკაცია უნდა ჩაწეროთ იქ, გამჭვირვალე იქნება ყველა ადამიანისთვის. 1 სექტემბრიდან სახელმწიფო, ახლა იძულებით წესით, ვერ დანიშნავს ვერც ერთ ადამიანს თავის თანამდებობაზე, თუ არ გაიარა ჩვეულებრივი კონკურსი. ნეპოტიზმის ამბები, ბიძაშვილი, მამიდაშვილი, მეზობლის შვილი, ძმაკაცის შვილი და ასე შემდეგ, ეს დამთავრდება, მაგრამ, რაღაცა მაინც იქნება, საქართველოში კი არა, მსოფლიოში ვერ მოისპობა ეს ბოლომდე. როდესაც აიყვანს სამსახურში 100 კაციდან ერთს, ის დაწერს რატომ აიყვანა და რით გამოირჩეოდა დანარჩენებისგან, _ თქვა მინისტრმა.




 ახალი ამბები
  • ზურაბ ჯაფარიძე: "მე ვემზადები რევოლუციური სცენარისთვის"„გირჩი _ მეტი თავისუფლებას" ლიდერი, ზურაბ ჯაფარიძე ამბობს, რომ მზად არის რევოლუციისთვის, რომელიც იქნება უსისხლო და "ოცნების" ხელისუფლება ძალაუფლებას დათმობს. მისივე თქმით, ახლა მნიშვნელოვანია ოპოზიციის ძალა, რადგან მმართველი გუნდი "ყველაფერზე წამსვლელია" _ ამის შესახებ მან "მთავარი არხის" ეთერში _ გადაცემაში "მთავარი დებატები" ისაუბრა.  "მე ვემზადები რევოლუციური სცენარისთვის. პრობლემას ვერ ვხედავ საერთოდ მაგაში. ეს არ ნიშნავს, რომ თოხებითა და ნაჯახებით გამოვა ხალხი, მაგრამ, ზოგადად, კი, თუ ძალაუფლებას არ დათმობენ, რევოლუციაც არის ერთერთი გზა. მშვიდობიანი გზით მივალთ რევოლუციამდე, კი რა თქმა უნდა", _ თქვა ზურაბ ჯაფარიძემ  გადაცემის წამყვანის, თამარ ბაღაშვილის კითხვაზე, "ამ განცხადებისთვის შეიძლება თქვენც დაგიბარონ პროკურატურაში", ჯაფარიძემ კითხვის პასუხად თქვა, რომ "არაუშავს".   "უფ, არაუშავს. ხო მაგრამ სიმართლეა, მართლა ვემზადები, რევოლუციას დაარქმევ ამას თუ რას დაარქმევ, რა მნიშვნელობა აქვს, ვემზადები იმისთვის, რომ თუ არჩევნების გზით არ თმობენ ხელისუფლებას, ძალაუფლებას ეს ძალაუფლება წავართვა... რა პრობლემაა რევოლუციასთან. სისხლის არ ვღვრი და არაფერი, მშვიდობიანად წავართმევთ", _ ამბობს ზურაბ ჯაფარიძე. წყარო: ... ...
  • მიხეილ სააკაშვილი "ნაცმოძრაობის" აქტივისტებს საქციელს უწონებსდღეს, ბათუმში, "ნაციონალური მოძრაობის" აქტივისტებმა აჭარის უმაღლესი საბჭოს დეპუტატს ირაკლი ჩავლეიშვილს თავზე ნაგავი დააყარეს. ამ ფაქტს საქართველოს ყოფილის პრეზიდენტი მიხეილ სააკაშვილი ფეისბუქზე გამოეხმაურა. „არ დათმო! ბათუმში სამოქალაქო აქტივისტებმა ოპოზიციის წარმომადგენელს რომელიც აჭარის უმაღლეს საბჭოში შევიდა, (გაქოცდა) თავზე ნაგვის ყუთი დაახურეს! ირაკლი ჩავლეიშვილს მცდელობა ქონდა ტერიტორიას ტაქსით განრიდებოდა თუმცა ტაქსის მძღოლმა მგზავრობაზე ვარი განუცხადა და ავტომობილში დაჯდომის უფლება არ მისცა!“ _ წერს მიხეილ სააკაშვილი ფეისბუქზე და პოსტს ღიმილიანი „სმაილიკით“ ... ...
  • თეა წულუკიანი: "როდესაც ჰალსტუხს გააქანებ პირისკენ, შემდეგ კიევიდან ჭკუას გვასწავლი, უხერხულია" სტრასბურგში პარლამენტის განათლებისა და მეცნიერების კომიტეტის თავმჯდომარემ, იუსტიციის ყოფილმა მინისტრმა თეა წულუკიანმა POSTV-ის ეთერში მიხეილ სააკაშვილის მიერ 2008 წლის 10 აგვისტოს გამოცემულ ბრძანებაზე ისაუბრა, რომელიც, მისი თქმით, პირდაპირი მტკიცებულებაა იმისა, რომ 10-ში დილით ჩვენი ჯარისკაცები იქ უკვე აღარ იყვნენ. როგორც თეა წულუკიანმა განაცხადა, მაშინდელი მთავარსარდლის ამ ბრძანების დედანი არ შეინახეს, ამიტომ მოიპოვეს დოკუმენტის ასლი, რომელიც ინახებოდა საგარეო საქმეთა სამინისტროში. „10 აგვისტოს დილით ჯარი რა თქმა უნდა დაემორჩილა მთავარსარდალს. მთავარსარდლის ეს ბრძანება, დედანი არ შეინახეს, ალბათ ასე მოაწერა ხელი, თან არ ვიცი რაზე ფიქრობდა და მერე სადღაც გაიბნა თუ დაიკარგა. ეს ხომ არის ძალიან მნიშვნელოვანი კითხვა - რატომ? იმიტომ რომ ისინი ზედაპირულები იყვნენ და არა ის კორიფეები, რომლებზეც ისინი საუბრობენ, ამიტომ ჩვენ მოგვიწია, იმიტომ რომ სააკაშვილის ეს ბრძანება იყო ძალიან დიდი მტკიცებულება ჩემთვის, იმისათვის რომ რუსეთი რომელიც ამტკიცებდა, რომ შენ 10-ში კი არ შეწყვიტე ომი, არამედ შენ ომობდი 11-შიც, 12-შიც, ისკანდერი კი არ ჩამოვაგდე, მაგრამ გორში იმიტომ ვიყავი რომ შენ შენივე მოსახლეობას ებრძოდი და მე ვიცავდი, ამ დონის ცინიზმამდე ვიყავით, რომ რუსეთი გვიმტკიცებდა, რომ თქვენს მოსახლეობას მე ვიცავდი თქვენგანო. სტრასბურგშიც იმეორებდა და ეს გადაწყვეტილებაშიც წერია, რომ რუსეთი აცხადებს სტრასბურგის სასამართლოს წინაშე, რომ ქართველ სამოქალაქო პირებს მე ვიცავდიო, კი არ ვაწამებდიო. ამიტომ გვჭირდებოდა მთავარსარდლის ეს ბრძანება, რომ დოკუმენტურად დაგვემტკიცებინა, რომ 10-ში დილით ჩვენი ჯარისკაცები იქ უკვე აღარ იყვნენ. დედანს რომ ვეძებდით, ვწვალობდით, ამას სხვა სიტყვა არ ქვია, სააკაშვილს კი არ ვიცავდით, ჩვენ ვიცავდით ჩვენი ჯარის სიმართლეს და ჩვენი ქვეყნის ღირსებას, მაგრამ მათ რაკი თვითონ არ აქვთ არანაირი ღირსება, თორემ როგორ შეიძლება, აღმაშენებლის ქვეყანაში, იმ ქალების და კაცების ქვეყანაში, რომლებსაც არაფრის არ ეშინოდათ მტერი რომ შემოდიოდა, თვითმფრინავის ხმაზე ძირს ფორთხვა დაიწყო. ჩვენ ეს სირცხვილი მან ხომ გვაჭამა და მართლა გვაჭამა ეს სირცხვილი. როდესაც ჰალსტუხს გააქანებ პირისკენ და შემდეგ კიევში დაჯდები და ჭკუას გვასწავლი, ელემენტარულად, ეს ცოტა არ იყოს, უხერხულია. ამიტომ ჩვენ მოვიპოვეთ ეს დოკუმენტი ოღონდ ასლი, რომელიც ინახებოდა საგარეო საქმეთა სამინისტროში, მაგრამ ასლი თქვენ იცით არ არის მტკიცებულება და ჩვენ ასე ვთქვათ გამოვიყენეთ, საქმეს რომ აწარმოებ ყველა ხერხს მიმართავ, ამას ქვია საქმის დაცვის სტრატეგია და ტაქტიკა და ეს ასლი და პლიუს თვითონ სააკაშვილის ბრძანება. ალასანია იყენებდა ჩურკინთან პაექრობაში გაეროში და ეს ორი ფაქტი ერთმანეთთან დავდეთ და ვთქვით, რომ ეს ასლი კი არის, მაგრამ ნამდვილად არსებობდა და ელჩი ალასანიას ვიდეო წარვადგინეთ, რომელიც ჩურკინს ამ ბრძანებას საყვედურობს და ეუბნება, რომ ჩვენ აღარ ვომობთ და რატომ აგრძლებ თავდასხმას, მაგრამ ეს არის მხოლოდ ერთი მტკიცებულების ისტორია, ასე იყო თითოეულ მტკიცებულებაზე“, _ იხსენებს თეა წულუკიანი. რაც შეეხება ისკანდერის თემას, წულუკიანის თქმით, ისკანდერი, რომელიც რუსეთმა გორში ჩამოაგდო 12-ში გაიტანეს ქვეყნიდან. „თქვენ წარმოიდგინეთ, ეს ბრჭყალებში კორიფეები - დიდი ბურჯალიანები, დიდი გვარამიები და ასე შემდეგ, აგვისტოს ომი დასრულდა და ეს ისკანდერი, რომელიც რუსეთმა გორში ჩამოაგდო 12-ში გაიტანეს ქვეყნიდან. არც მიღება-ჩაბარების აქტი გაფორმდა, არც ის გაფორმდა, რომ ერთი ნაწილი გავიდა ქვეყნიდან და დანარჩენი რაც დარჩა აფეთქებული ჭურვის ნამსხვრევები სად შეინახეს. როცა კორიფე იურისტი ხარ, ელემენტარული თემაა, რომ ეს ნამსხვრევები ამოიღო, დაალაგო და შეინახო, ეს არაფერი გაკეთებული არ იყო. პროკურატურასთან ერთად, აუცილებლად უნდა ვახსენო სახელმწიფო უსაფრთხოების სამსახური, თავდაცვის სამინისტრო და შინაგან საქმეთა სამინისტრო. სახელმწიფო უსაფრთხოების სამსახურში იყვნენ ადამიანები, ვისაც ჰქონდა ინსტიტუციური მეხსიერება ჩვენ მივმართავდით ყოფილ თანამშრომლებსაც, იმიტომ რომ ყოფილი თანამშრომლები იყვნენ სამშობლოს საჯარო მოხელეები, უბრალოდ ეხლა სხვაგან არიან, ისინიც კი გვეხმარებოდნენ და როგორღაც ერთ მშვენიერ დღეს გათენდა ბედნიერი დღე და გვითხრეს, რომ მე მგონი ისკანდერის ნამსხვრევები, რაც საქართველოში შემორჩა, რომელიღაც ანგარში დაყარეს ესე უპატრონოდ. აი, იმ კორიფეებმა რომელიც სააკაშვილი კიევიდან ენაწყლიანობდა და გუშინ გვარამია ნახევრად ფხიზელ მდგომარეობაში. მათ სწორედ ეს ისკანდერები ასე დაყარეს, მაგრამ გარბოდნენ და დაყრიდნენ, აბა, რას იზამდნენ? მართლაც აღმოჩნდა, რომ ეს ისკანდერის ის ნამტვრევებია და ამით დავიწყეთ ჩვენ რუსეთის ცინიზმის გაბათილება სტრასბურგში, რომელიც ჩვენს მხარეს, იუსტიციის სამინისტროს, ასე ვიტყვი ნუ ეწყინებათ გოგო-ბიჭებს, ახალგაზრდებს, რომლებიც ამ საქმეს იქ იცავდნენ ეუბნებოდნენ, რომ ეს რაც თქვენ გაქვთ ეს ფოტოშოფია, ჩვენ ჰოლანდიელი ჟურნალისტის გარდაცვალების ფაქტზეც ვაპელირებდით და გვქონდა ჰოლანდიური დოკუმენტებიც, ისინი ამბობდნენ რომ ეს ყველაფერი თქვენ შეთანხმდით და ფოტოშოფია, დამონტაჟებულია _ ამას სჭირდებოდა გაბათილება, რა არ უნდა აბსურდულადაც ჟღერდეს, მაგრამ სჭირდებოდა გაბათილება“, _ განაცხადა თეა წულუკიანმა. მისივე თქმით, საომარი მოქმედებები დასრულებული იყო, ამიტომ იყო სააკაშვილი ბრძანება 10 აგვისტოს გამომყავს ჯარი და შემდეგ ეს ისკანდერი, ეს იყო ჩვეულებრივი გამოცდა. „ამის შემდეგ ვეძებთ უკვე ისკანდერის იმ ნაწილს, რომელზეც სერია უნდა იყოს. დავით ბაქრაძეს ჩვენ ელჩს ეკუთვნის ამერიკის შეერთებულ შტატებში და საგარეო საქმეთა სამინისტროს დიდი მადლობა ასევე, რომლებიც დაგვეხმარნენ მოლაპარაკების წარმოებაში და ჩვენ ჩვენი სტრატეგიული პარტნიორების ხელშეწყობით მოვიძიეთ და დავაბრუნეთ ეს 800 კგ ტვირთი საქართველოში. ამით დაინგრა მთლიანად რუსეთის ეს ნარატივი, რომ ისკანდერი გორში არ ჩამოვარდნილა და იმ ნოტაში, რომელიც მოყვა ამ ჭურვს თან იმიტომ, რომ უკან დაბრუნებისას, რა თქმა უნდა, ჩვენ მიღება-ჩაბარება გავაფორმეთ, იქ წერია, რომ ეს არის ტვირთი, რომელიც 2008 წლის აგვისტოს გავიდა ქვეყნიდან, ამიტომ იმას ვერ იტყვიან, რომ გვქონდა და ვმალავდით. შესაბამისად დასკვნის სახით შეიძლება ითქვას, რომ ეს ყველაზე მნიშვნელოვანი საქმე ქვეყნისთვის იყო სამარცხვინოდ ნაწარმოები. ჩვენი მიზანი იყო ჩვენი ქვეყნის სიმართლის და ჩვენი ჯარის სიმართლის მტკიცება სტრასბურგში და ეს ჯარისკაცებმა ძალიან კარგად იციან, ოფიცრებმა ყველამ, რაც არ უნდა იყოს მათი ჩინი, რომ ჩვენ ვიბრძოდით მათი სიმართლის სამტკიცებლად და იმის საჩვენებლად, რომ დიახ სოფრომაძე აწამეს და მოკლეს, ანწუხელიძე აწამეს და მოკლეს სწორედ რუსებმა და არა ასე ვთქვათ ვიღაც წარმონაქმნებმა თვითაღიარებულმა და ხუბულური, რომელსაც უძახეს მოღალატე ხარო, სამაგალითოდ დასაჯეს და წაართვეს სიცოცხლე და არაერთი სამხედრო ტყვე, რომელიც აწამეს იმ 33 მოწმეს შორის იყო რომელიც ჩავიდა და სტრასბურგში მოსამართლეებს აძლევდა ჩვენებას“, _ განაცხადა თეა წულუკიანმა. წყარო: ... ...
  • ნინო ლომჯარია: "არ შეიძლება ძალადობის წახალისება ან გამართლება"დღეს, ქალაქ ბათუმში გამართულ აქციაზე, აჭარის უმაღლესი საბჭოს დეპუტატს ირაკლი ჩავლეიშვილს თავზე ნაგავი დააყარეს. ამ ფაქტს სოციალურ ქსელში ეხმაურება სახალხო დამცველი ნინო ლომჯარია.  “გამოხატვის თავისუფლებით დაცული არ არის პროტესტის გამოხატვის ისეთი ფორმა, რაც არღვევს პირის ფიზიკურ ხელშეუხებლობას და უსაფრთხოებას. პირისთვის ნაგვის ურნის თავზე ჩამოცმა არ ჯდება გამოხატვის თავისუფლების ფარგლებში! არ შეიძლება ძალადობის წახალისება ან გამართლება!“ _ წერს ფეისბუქზე ნინო ... ...
  • “სპონტანურად ათენას მივამსგავსე“ _ თოვლის ქანდაკება ვაკიჯვარშიოზურგეთის მუნიციპალიტეტის, სოფელ ვაკიჯვარში მცხოვრებმა მიხეილ თავბერიძემ თოვლისგან ათენას ქანდაკება გააკეთა. “სპონტანურად ათენას მივამსგავსე“, - გვითხრა მიხეილ თავბერიძემ. მიხეილ თავბერიძე მხატვარია. ის სხვადასხვა კონკურსის არაერთგზის ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....