სკანდალური აუდიოჩანაწერები და ბოკერიას კომისიის აპოლიტიკური პასუხი პოლიტიკურ გათავისუფლებაზე

gurianews.com

პოლიტიკა

სკანდალური აუდიოჩანაწერები და ბოკერიას კომისიის აპოლიტიკური პასუხი პოლიტიკურ გათავისუფლებაზე

2012 აგვ 15 17:57:51

...თუ შენს პოხონდრიებზე ივლი, შენი ახირებული და პრინციპული პოზიციების გამო, ეგ შენი თემაა, ახალგაზრდა გოგო ხარ და მე მაგას არ გირჩევ"...

ასეთი "მამაშვილური" დარიგება მისცა ქობულეთის საზოგადოებრივი კოლეჯის, "ახალი ტალღის" დირექტორმა, დავით მჭედლიშვილიმა თავის ყოფილ მოადგილეს, თამარ კაიკაციშვილს.

_ "გურია ნიუსი" ექსკლუზიურად გთავაზობთ იმ აუდიოაჩანაწერის ამონარიდს, რომელიც უწყებათაშორის კომისიას 16 ივლისს გადაეგზავნა.

როგორც თამარ კაიკაციშვილის ადვოკატი, „ახალგაზრდა ადვოკატების“ წარმომადგენელი, არჩილ კაიკაციშვილი აცხადებს, მისი დის გათავისუფლება პოლიტიკური მოტივით მოხდა:

_ თამარ კაიკაციშვილი 2012 წლის 19 ივნისს თანამდებობიდან არასაიმედოობის გამო და  პოლიტიკური ნიშნით დათხოვნის საფუძველი გახდა ჩვენი ოჯახის ახლო ნათესავის, საექსპერტო წრეებში ცნობილი პოლიტოლოგისა და მიმომხილველის, ბატონ ვაჟა ბერიძის მიწვევა ბიძინა ივანიშვილის მრჩეველთა საბჭოში, რა დროსაც, ბატონმა დავით მჭედლიშვილმა თამარ კაიკაციშვილი ჯერ კიდევ 2011 წლის დეკემბერში დაიბარა. თამარ კაიკაციშვილმა მაშინ დირექტორს ერთმნიშვნელოვნად განუცხადა, რომ ის ემსახურებოდა განათლების სისტემას, ფლობდა საქმის ხელმძღვანელობის ნიჭს და სხვის ექსპერტულ მოსაზრებებზე პასუხს არ აგებდა. მან მჭედლიშვილს შესთავაზა, რომ თუკი გრძნობდა სამსახურეობრივ შეუთავსებლობას, მიეღო გადაწყვეტილება თანამდებობიდან გაეთავისუფლებინა. მჭედლიშვილმა კაიკაციშვილს აცნობა, რომ მიუხედავად ადამიანთა გარკვეული ჯგუფის მოარული ხმებისა, რომლის თანახმადაც, თითქოსდა „ქართული ოცნების“ ხელისუფლებაში მოსვლის შემდეგ, მოადგილე დირექტორის თანამდებობას დაიკავებდა, მისთვის არასოდეს ყოფილა სასურველი გამხდარიყო კოლეჯის დირექტორი და ეტვირთა ესოდენ მნიშვნელოვანი პასუხისმგებლობა.

მჭედლიშვილმა 2012 წლის 19 ივნისის ადმინისტრაციულ თათბირზე, რომელზედაც კაიკაციშვილის თანამდებობიდან დათხოვნა ოფიციალურად გაფორმდა, მოადგილეს პირდაპირ უთხრა, რომ მისი დათხოვნის მთავარი მოტივაცია იყო ისიც, რომ მასში ხედავდა კონკურენტს, კონკურენტს კი თავიდან იცილებდა. მეტიც, საქმის მასალებიდან ჩანს, რომ დ. მჭედლიშვილმა გაღიზიანებული ტონით დათხოვნილ თ. კაიკაციშვილს სამჯერ უთხრა, რომ „აბა, თუ შეეძლო, მისულიყო და დაეკავებინა დირექტორის სკამი“ რასაც მოჰყვა მუქარა, რომ თ. კაიკაციშვილი მისი დირექტორობის პერიოდში, ვერასოდეს დაიკავებდა თანამშრომლის სტატუსს კოლეჯში, _ აცხადებს არჩილ კაიკაციშვილი.

სატელეფონო საუბრების აუდიოჩანაწერები, რომელიც გიგა ბოკერიას კომისიას გადაეცა, კომისიამ არც კი განიხილა.

"თამარ კაიკაციშვილის თანამდებობიდან გათავისუფლების საკითხი წარდგენილი მტკიცებულებების, ფაქტობრივი მასალისა და მოსარჩელე მხარის არგუმენტების გარეშე შეაფასა, იხელმძღვანელა მხოლოდ განათლების სამინისტროს მიერ მიწოდებული ინფორმაციის საფუძვლით და მიიღო უპრეცედენტო გადაწყვეტილენა – საქმე განუხილველად დატოვა" _ ამბობს ადვოკატი.

ერთ-ერთ აუდიოჩანაწერში, რომელიც თამარ კაიკაციშვილსა და კოლეჯის იურისტ ჭაბუკი ვერულიძეს შორის შედგა, მეტად საინტერესო დეტალი იკვეთება. სამსახურიდან გათავისუფლებული მოადგილე, რომელსაც კოლეჯში მისვლის უფლებას არც ოფიციალური ბრძანების დაწერამდე აძლევდნენ, იურისტს 8 დღის განმავლობაში ურეკევდა იმის გასარკვევად, ხომ არ შეიძლებოდა სწორედ მისი კოლეჯში (არა საკუთარი სურვილისამებრ) მიუსვლელობა გამხდარიყო გათავისუფლების ოფიციალური მიზეზი.

„გურია ნიუსი“ ექსკლუზიურად გთავაზობთ განხორციელებული ჩანაწერის მოკლე შინაარსს:

თამარ კაიკაციშვილი: _ ხომ არ შეიძლება ჩემი კოლეჯში მოუსვლელობა გახდეს სამართლებრივად ჩემი გათავისუფლების მიზეზი?

ჭაბუკი ვერულიძე: _ არ ვიცი, არ ვიცი... (რამდენჯერმე პასუხობს ამას იურისტი)

იურისტი იქვე დასძენს, რომ ის ელოდება დავით მჭედლიშვილის თბილისიდან დაბრუნებას და როგორც კი დაბრუნდება და ეტყვის, მაშინვე ამოუბეჭდავს განცხადებას და იქვე აკონკრეტებს, რომ დათოც განათლების სამინისტროს ელოდება.

მხოლოდ 13 ივნისს განუცხადა თამარ კაიკაციშვილს ჭაბუკი ვერულიძემ, რომ კოლეჯში მიუსვლელობით ის კანონს არღვევდა.

თამარ კაიკაციშვილის გათავისუფლება, რეალურად, 6 ივნისს გადაწყდა, დანარჩენი დრო, როგორც ჩანს, გათავისუფლების მოტივის მოსაფიქრებლად იყო საჭირო.

"6 ივნისს ქობულეთის ქობულეთის საზოგადოებრივი კოლეჯის დირექტორი, დავით მჭედლიშვილი, ამავე კოლეჯის პრესსამსახურის ხელმძღვანელი მირანდა კომახიძე და ერთ-ერთი დეპარტამენტის უფროსი თბილისში თათბირზე მიდიოდნენ, როდესაც დავით მჭედლიშვილს ტელეფონზე დაურეკეს. ამ სატელეფონი ზარის ავტორი იყო განათლების სამინისტროს პროფესიული ორიენტაციის დეპარტამენტის თავმჯდომარე ლალი ებანოიძე, რომელმაც მჭედლიშვილს განუცხადა, „კადრები სწორად შეერჩია და კაიკაციშვილი მოეშორებინა!“ თავის დროზე, ეს დიალოგი, პირად საუბარში თამარ კაიკაციშვილთან დაადასტურა კოლეჯის პრეს–სამსახურის ხელმძღვანელმა მირანდა კომახიძემ, რომელმაც მოგვიანებით უარყო ეს ამბავი,თუმცა, ჩვენ თავისუფლად შეგვიძლია ეს ზარი სასამართლო წესით ამოვიღოთ,“ _ აცხადებს „გურია ნიუსთან“ არჩილ კაიკაციშვილი.

კოლეჯის დირექტორმა დავით მჭედლიშვილმა, თამარ კაიკაციშვილს სამ შეხვედრაზე გათავისუფლების სამი სხვადასხვა მოტივი დაუსახელა.

6 ივნისს განუცხადა, რომ ქობულეთის პროფესიული სასწავლებელი კონკურენციას ვერ უწევდა ბათუმის სახელმწიფო უნივერსიტეტს და ამიტომ უნდა გაგატავისუფლოო(?!)

10 ივნისს გათავისუფლების მიზეზად რეორგანიზაცია დაასახელა.

13 ივნისს კი ახალი ვერსია გაჩნდა _ განათლების სამინისტროდან საშტატოს ველოდებითო.

„კომისია, რომელიც იმ მიზნით შეიქმნა, რომ მყისიერი რეაგირება მოეხდინა და პოლიტიკური კონტექსტით არასაიმედო კადრების დათხოვნები შეეჩერებინა, არად აგდებს რეალურ მოტივებს, რაც წინ უძღოდა თამარ კაიკაციშვილის გათავისუფლებას, არ ითვალისწინებს სამინისტროს მაღალჩინოსნის ლალი ებანოიძის სატელეფონო ზარის შინაარსს დირექტორთან, ჩვენს აუდიო მტკიცებულებებს, სამხილებს, მტკიცებულებებს, არგუმენტაციას და თავიდან იცილებს ამ რეზონანსული საქმის განხილვას. ამიტომაც, მე უნდობლობას ვუცხადებ გიგა ბოკერიას კომისიას, თუმცა უკვე მივმართე ღია წერილით და მოვითხოვე – კომისიამ თავიდან იმსჯელოს და მიუკერძოებლად განიხილოს საქმე, საქმის განხილვას ჩამოშორდეს საქმესთან დაინტერესებული იურიდიული პირი – განათლების სამინისტრო, რომელსაც კომისიაში წარმოადგენს მინისტრის მოადგილე ირინა ქურდაძე, რომლის კაბინეტშიც, ჩვენი ინფორმაციით, უშუალოდ დაიგეგმა თამარ კაიკაციშვილის სამსახურიდან გაგდება, რაც ლალი ებანოიძემ გაახმოვანა კიდეც,“ _ აცხადებს არჩილ კაიკაციშვილი.

უწყებათაშორისი კომისისს დასკვნით ნაწილში კი ვკითხულობთ:

„უწყებათაშორისი კომისიის 2012 წლის 31 მაისის რეკომენდაცია ითვალისწინებს წინასაარჩევნო პროცესში ადმინისტრაციულ ორგანოებსა და მათ დაქვემდებარებულ უწყებაში, ასევე საჯარო სკოლებში ოპტიმიზაციის პროცესის შეჩერებას გარდა იმ შემთხვევებისა, როცა სახეზეა დისციპლინარული ან სხვა სახის დარღვევა.

განათლებისა და მეცნიერების სამინისტროდან მოწოდებული ინფორმაციისა და მასალების საფუძველზე ირკვევა, რომ თამარ კაიკაციშვილის შემთხვევაში, სამსახურიდან დათხოვის საფუძველს დისციპლინარული დარღვევა წარმოადგენდა...“


ნახვა: 854


 ახალი ამბები
  • მშენებარე ობიექტიდან გადმოვარდნის შედეგად 26 წლის ახალგაზრდა დაიღუპათემქაზე მშენებარე ობიექტიდან გადმოვარდნის შედეგად 1 ადამიანი დაიღუპა.  ახალგზარდა კაცი საავადმყოფოში გადაიყვანეს, თუმცა მისი გადარჩენა ვერ მოხერხდა. დაცვის თანამშრომლების თქმით, უსაფრთხოების ზომები მშენებარე ობიექტზე დაცულია. ისინი ასევე ვარაუდობენ, რომ დაშავებულს შესაძლოა, საქამრე გაუტყდა და ამიტომ ჩამოვარდა. როგორც ისინიამბობენ, შენობიდან გადმოვარდნილ ახალგაზრდას ჩაფხუტი არ ეხურა. შსს-ს განცხადებით, მომხდარზე გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის ... ...
  • ოზურგეთში საჯარო მოხელეებს ხელფასები გაეზარდათამ წუთებში ოზურგეთის მუნიციპალიტეტის საკრებულოს რიგგარეშე სხდომა იმართება. თანამდებობრივი სარგოების ოდენობის განსაზღვრისა და საშტატო ნუსხის დამტკიცების საკითხს იხილავენ. საჯარო მოხელეებს ხელფასები ეზრდებათ. აღნიშულთან დაკავშირებით მერიის საფინანსო სავიუჯეტო სამსახურის უფროსი გია მამაკაიშვილი საუბრობს. ხელფასები ეზრდებათ, ასევე, საკრებულოს თანამდებობის პირებსაც. აღნიშნულთან დაკავშირებით ფრაქცია „ნაციონალებმა“ პროტესტი გამოთქვეს. ბესო ქათამაძის თქმით, ისინი მხარს არ უჭერენ პროექტს, რის მიხედვითაც თანამდებობის პირებს ხელფასები უნდა გაეზარდოს. საკრებულოს თავმჯდომარის მოადგილის გიორგი ღურჯუმელიძის თქმით, ისინი ვალდებული არიან როგორც მერიის, ასევე, საკრებულოს თანამდებობის პირებზე საშტატო ნუსხა დაამტკიცონ. ქათამაძის თქმით, ხალხზე უნდა ვიზრუნოთ ხალხი ნაგავში იქექება, საჭმელი არ აქვთ, თქვენ კი ხელფასებს იზრდით. _ თქვენ წაგართვით რამე? _ მიმართა ქათამაძეს დეპუტატმა გოჩა კილაძემ. _ არ მოგცათ მერმა პრემია და ხელფასებს ითხოვთ, _ უპასუხა ქათამაძემ. _ ვინ კითხავს მერს პრემიების დარიგებას?! _ თქვა კილაძემ. _ მაიმუმი კაცი ხარ, _ მიმართა კილაძემ ქათამაძეს. _ მაიმუნიც ხარ და უზრდელიც, _  უმალვე უპასუხა ქათამაძემ. „ნაციონალებსა“ და „ოცნების“ დეპუტატებს შორის დაპირისპირება ურთიერთშეურაცხყოფაში გადაიზარდა. დამოუკიდებელმა დეპუტატი მაია ზოიძე დაინტერესდა თუ თანამდებობის პირებს ეზდებათ ხელფასი, რატომ არ გაიზარდა თანაშემწის ხელფასი? ამ კანონს მიხედვით, მათ უფლება აღარ ექნებათ მიიღონ პრემია-დანამატი. ყველამ ვიცით,  უამრავი სოციალურად გაჭირვებულია. ამ კანონის მიღება-არმიღებით მაინც ვერ შევცვლით ვერაფერს, ამიტომ მივიღოთ. აღნიშნულ პროექტს „ნაციონალი“ დეპუტატების გარდა მხარი ყველა დეპუტატმა დაუჭირა და ჩინოვნიკებს ხელფასები ... ...
  • ,,პირთა წრე, რომლებიც ფიქრობენ, რომ ეს კანონი დამაზიანებელია მედიაგარემოსთვის ფართოა“საქართველოს პარლამენტის თავმჯდომარის განცხადებით, „მაუწყებლობის შესახებ“ კანონთან დაკავშირებით, მედიის წარმომადგენლებთან შეხვედრა გაიმართება. აღნიშნული განცხადება ირაკლი კობახიძემ უკრაინაში გააკეთა, სადაც ოფიციალური ვიზიტით იმყოფება.  „ჩვენ მზად ვართ კონსულტაციების გაგრძელებისათვის, რაც არაერთხელ აღვნიშნეთ. ჩვენ მზად ვართ ასევე შეხვედრისათვის და სავარაუდოდ, ოფიციალური ვიზიტის დასრულების შემდეგ, დავგეგმავთ შეხვედრას მედიის წარმომადგენლებთან“, - განუცხადა პარლამენტის თავმჯდომარემ ჟურნალისტებს. ჟურნალისტური ეთიკის ქარტიის თავმჯდომარე ნატა ძველაშვილი მიესალმება პარლამენტის თავმჯდომარის განცხადებას და ,,გურია ნიუსთან“ საუბრისას იმედს გამოთქვამს, რომ საპარლამენტო უმრავლესობა სამოქალაქო სექტორის,  მედიასაშაულებების, პრეზიდენტისა და მმართველი გუნიის გარგვეული წევრების  შენიშვნებს გაითვალისწინებს. როგორც ქარტიის თავმჯდომარე აცხადებს, ,,მაუწყებლობის შესახებ“ შემუშავებულ კანონპროექტში საკამოდ ბევრი ხარვეზია, რაც მედიაგარემოს განვითარებას საგრძნობლად აფერხებს. ,,იმედი მაქვს, უმრავლესობა გაითვალისწინებს, არასამთავრობო ორგანიზაციების,  მაუწყებლების, პრეზიდენტისა და მათი კოლეგების შეხედულებებს. იმ პირთა  წრე, რომლებიც ფიქრობენ, რომ  ეს კანონი  დამაზიანებელია მედია გარემოსთვის ძალიან ფართოა. არ შეიძლება უმრავლესობის წევრებმა შესაბამისი განხილვების გარეშე ვეტო დაძლიონ ან არ დაძლიონ. ვფიქრობ, პარლამენტარები საკითხში კარგად უნდა  გაერკვნენ, თუკი აპირებენ კენჭისყრაში მონაწილეობას. ჟურნალისტურ ეთიკის ქარტია და ჩვენი კოლეგა ორგანიზაციები ამ ინიციატივის რეგისტრაციის დღიდან ვთვლიდით, რომ  კანონპროექტში ძალიან ბევრი პრობლემური საკითხი არსებობდა. მაგალითად, ეს გახლავთ საზოგადოებრივი მაუწყებლის ტენდერების საერთო სისტემიდან გამოსვლა, რომლის გათვალიწინებით,  ჩვენ აღარ გვექნება შესაძლებლობა თვალი ვადევნოთ თუ როგორ განკარგავს საზოგადოებრივი მაუწყებელი ბიუჯეტიდან მიღებულ თანხას და რა პრინციპით იხელმძღვანელებს, როდესაც კონკრეტულ პირთან ხელშეკრულებას გააფორმებს. მეორე საკითხია სარეკლამო შემოსავლების ზრდა, მაუწყებელი საბიუჯეტო დაფინანსებიდან ზრდასთან ერთად სცდილობს, მიიღოს გაზრდილი სარეკლამო შემოსავალი  იმ ფონზე, როცა საქართველოში სარეკლამო ბაზარი მკვეთრად მცირდება და პრივილეგირებულ მდგომარეობაში მყოფი მაუწყებელი კიდევ უფრო ცუდ როლს ითამაშებს  კომერციულ ბაზარზე.  ვფიქრობთ, რომ ძლიერ საზოგადოებრივ მაუწყებელთან ერთად საზოგადოებისთვის არანაკლები სიკეთეა  ძლიერი კეთილმაუწყებლების არსებობა. მესამე პრობლემური საკითხია სტარტაპები, რატომ იღებს საზოგადოებრივი მაუწყებელი უფლებას  კერძო კომპანიების დაფინანსებისა, მაშინ, როდესაც  ქვეყანაში სტარტაპების დაფინანსების სისტემა ისედაც არსებობს“, - განაცახდა ნატა ძველაშვილმა. შეგახსენებთ, რომ მედიაორგანიზაციებმა საპარლამენტო უმრავლესობას მიმართეს, “მაუწყებლობის შესახებ“ კანონში განხორციელებულ ცვლილებებზე პრეზიდენტის, პარლამენტის დარგობრივი ეკონომიკის კომიტეტის, სამოქალაქო სექტორის, მედიაორგანიზაციების შენიშვნები გაითვალისწინონ და ვეტო არ დაძლიონ. პარლამენტის მიერ მიღებულ კანონპროექტთან დაკავშირებით მედიაორგანიზაციები პარლამენტის თავმჯდომარესთან და მმართველ უმრავლესობასთან შეხვედრასაც ითხოვდნენ. მათ სახელზე მომზადებულ სპეციალურ განცხადებას 52 - მა  მედიაორგანიზაციამ მოაწერა ... ...
  • ბაღებში ბავშვების დატოვების დრო შეიძლება გახანგრძლივდესმუნიციპალურმა საბავშვო ბაღებმა შესაძლოა, მოქალაქეებს გახანგრძლივებული სერვისი შესთავაზონ, _ ამის შესახებ ბაგა-ბაღების მართვის სააგენტოს ხელმძღვანელმა კახაბერ გვანცელაძემ რადიო „პალიტრის“ გადაცემაში „საქმე“ განაცხადა. „ჩემი თანამდებობაზე დანიშვნიდან დაახლოებით 10 დღეში შევხვდი მშობლების გარკვეულ ნაწილს, თითეული ბაღის წარმომადგენლებს და ბაღებში გახანგრძლივებული სერვისის შემოღების ინიციატივა 200-მდე მშობელს ჰქონდა. კერძოდ, საუბარი იყო 18:00 საათიდან 20:00 საათამდე პერიოდში დამატებითი სერვისის დანერგვაზე. ამ ეტაპზე, მხოლოდ იმის თქმა შემიძლია, რომ ეს საკითხი დღის წესრიგში დგას და გარკვეული კონცეფციის შემუშავებაზე ვმუშაობთ,“ - განაცხადა ... ...
  • პოლიცია თბილისის 22-ე სკოლაში ნაღმს ეძებდათბილისში, მირცხულავას ქუჩაზე მდებარე 22-ე საჯარო სკოლაში სწავლის პროცესი დროებით შეწყვეტილი იყო. წავლის პროცესი დროებით მას შემდეგ შეწყდა, რაც შენობაში სამართლდამცველები მივიდნენ და განაცხადეს, რომ სკოლის შენობაში ნაღმის შესახებ ინფორმაცია მიიღეს.  სკოლის წარმომადგენლის თქმით, ადგილზე მისული იყო სასწრაფო დახმარების ბრიგადაც. „ჩვენი ინფორმაციით, შეტყობინება არასწორად იყო შესული. ჩვენს სკოლაში ნაღმი არ აღმოჩნდა. სავარაუდოდ, საუბარი იყო ბათუმის 22-ე სკოლაზე“, _ განაცხადეს სკოლის ადმინისტრაციის წარმომადგენლებმა. თბილისის 22-ე სკოლაში სწავლის პროცესი ამ დროისთვის განახლებულია. ... ...

არქივი

ზაფრანი

ლიფტით კოსმოსში

არცთუ დიდი ხნის წინ ლონდონის...

საოცარი ხარცხვარი

გრენლანდიაში, ჩრდილოეთ კანადასა და ალასკაზე...

უცნაური იტალიური ქორწილი

იტალიურ სოფელ კაზალ-დი პრინჩიპეში უცნაური...

შინაური სირაქლემა

ავსტრალიელ ნენ ნიუბის რამდენიმე წლის...

დაბნეული გენიოსი

დიდი ინგლისელი მეცნიერი ისააკ ნიუტონი...

თავბრუდამხვევი ქორწილი

ნიუიორკელებმა, სარა პეტიმ  და რობერტ...
კარმიდამო ჩემი

კარტოფილის სასწაულებრივი ძალა

კარტოფილი არა მარტო გემრიელი საკვებია,...

"შემოდგომის ყვავილებს ჩემში მზე შემოჰყავს!"

თითქოს ჩვეულებრივი და მაინც ყველასგან...

ჩაი _ მსოფლიო საუნჯე

ასე კარგად ნაცნობი ჩაის კულტურა,...

მცენარეთა დაცვისთვის ინტეგრირებული სისტემა უნდა ამოქმედდეს

სასოფლო-სამეურნეო კულტურების მავნე ორგანიზმებისგან დაცვა...

სამარხვო კერძი სოკოსგან პიურეთი

ნახევარი კილოგრამი სოკო და ორი...

სასარგებლო "სარეველები"

სასარგებლო "სარეველები" - აი, რა...

ცაცხვის სამკურნალო თვისებები

ცაცხვს სამკურნალო თვისებებს სძენს ბიოლოგიურად...

მეფუტკრე ქალის გზა _ უნდობლობიდან ძლიერი იმიჯის შექმნამდე

"მინდოდა მქონოდა ნატურალური თაფლი. ამიტომ...

როგორ გამოვიყვანოთ ცხოველი ტყავი

პატივცემულო რედაქცია, როგორც ვიცით, სამი...

დავთესოთ მწვანილეული და ცერცვი

ჩვენს მკითხველს მუდამ ვურჩევთ, რომ...