"ეს შედეგი, შეიძლება, შეფასდეს, როგორც "ნაციონალური მოძრაობის" სრული ფიასკო"

პოლიტიკა

"ეს შედეგი, შეიძლება, შეფასდეს, როგორც "ნაციონალური მოძრაობის" სრული ფიასკო"

16 ოქტ. 2012, 07:14:49
არჩევნებთან დაკავშირებით, თავის მოსაზრებას გვიზიარებს კოალიცია "ქართული ოცნების" ოზურგეთის შტაბის საარჩევნო ადმინისტრაციის სამსახურის ხელმძღვანელი, ტიფო მიქატაძე.

_ ბატონო ტიფო, რას გამოყოფდით ოზურგეთში ჩატარებული საპარლამენტო არჩევნებიდან?

_ გამოვყოფდი რამდენიმე საინტერესო მომენტს, პირველი _ ამომრჩეველთა უპრეცედენტო მაღალ აქტივობას. ჩვენი წინასწარი მოლოდინი, რომ რაც მეტი ამომრჩეველი მოვიდოდა არჩევნებზე, ეს მეტ ოპოზიციურ ხმებს მოიტანდა, გამართლდა. ბიძინა ივანიშვილმა და კოალიციამ შეძლეს, საზოგადოების აქამდე არააქტიურ ნაწილში იმედის გაჩენა და მათი სახლებიდან გამოყვანა, რამაც მნიშვნელოვნად გადაწყვიტა არჩევნების ბედი. უბნებში შეხვდებოდით ადამიანებს, რომლებიც წლებია, ოზურგეთს არ სტუმრებიან და სპეციალურად ხმის მისაცემად იყვნენ ჩამოსულები _ ეს იყო თავისუფლების, მოქალაქეობრივი პასუხისმგებლობის და იმედის ნამდვილი ზეიმი. ასეთ დღეებს ისტორია არ ივიწყებს. მეორე _ წინასაარჩევნო პერიოდში ყველას კარგად გვახსოვს ხელისუფლების მხრიდან, ამომრჩევლისა და "ქართული ოცნების" აქტივისტების მიმართ ძალადობის, "ნაცმოძრაობისა" და მათი კანდიდატების მიერ ადმინისტრაციული რესურსების გამოყენების ფაქტები, მათი მხრიდან ხმის საყიდლად დახარჯული ათეულობით ათასი ლარის "ქეში" ფული, პრეზიდენტის გახშირებული სააგიტაციო ვიზიტები გურიაში, "ანტენებთან" ბრძოლის კამპანია და სხვა უამრავი რამ (ნაწილობრივ, გაუგონარიც და გაუგებარიც), რამაც აშკარად არაკონკურენტუნარიანი საარჩევნო გარემო ჩამოაყალიბა. მიუხედავად ამისა, "ქართულმა ოცნებამ", ოფიციალური მონაცემებით, გურიაში დამაჯერებელი გამარჯვება მოიპოვა. თუ გავითვალისწინებთ ზემოთქმულ ბრძოლის არათანაბარ პირობებს, ეს შედეგი, შეიძლება, შევაფასოთ, როგორც "ნაციონალური მოძრაობის" სრული ფიასკო. გურიამ უარი უთხრა მიხეილ სააკაშვილს. ეს არ არის ერთი პარტიის, თუნდაც სახელისუფლო პარტიის უბრალო, ჩვეულებრივი დამარცხება _ ეს არის უარის თქმა და განაჩენის გამოტანა მიხეილ სააკაშვილისა და მისი გუნდის პოლიტიკისა და მმართველობის წესისთვის.

გურიამ "ნაცმოძრაობის" სახით მოიცილა სახადი, რითაც აჩვენა თავისი სამოქალაქო სიჯანსაღე. თავისუფლების, ღირსებისა და სამოქალაქო პასუხისმგებლობის ტესტმა დაადასტურა ჩვენი საზოგადოების სამოქალაქო სიმწიფე. ამიტომ მე ბედნიერი ვარ, უპირველესად, როგორც მოქალაქე, შემდეგ როგორც ჩემი კუთხის შვილი და ოზურგეთელი. ოზურგეთი მართლაც ცალკე აღნიშვნის ღირსია _ სააკაშვილთან ერთად, მან უარი უთხრა არსებული ხელისუფლების ერთ-ერთ ყველაზე ტიპიურ სახესა და ფავორიტს, რამაზ ნიკოლაიშვილს, გურიის ყოფილ გუბერნატორსა და ბოლო დრომდე მხარის არაფორმალურ მმართველს. გურიაში მოღვაწეობის პერიოდში რამაზ ნიკოლაიშვილმა და მისმა გუნდმა წარმოაჩინეს სააკაშვილისეული მმართველობითი ტიპის ყველა ნეგატიური ნიშან-თვისება და ოზურგეთის საზოგადოებიდან საპასუხო დარტყმაც მიიღეს. გახსოვთ, ნიკოლაიშვილი როგორ ხშირად აპელირებდა თავის გურულობაზე, მას რამდენიმე ფურცელიც რომ წაეკითხა გურულებსა და მათ ხასიათებზე, ასეთ მძიმე დღეში არ აღმოჩნდებოდა.

აქედან გამომდინარე, გურიაში სააკაშვილ-ნიკოლაიშვილის გუნდის ფორმალური ხელმძღვანელი, მხარის გუბერნატორი, ვალერი ჩიტაიშვილი უნდა გადადგეს.

ვსარგებლობ შემთხვევით და მინდა, თქვენი გაზეთის მეშვეობით მადლობა გადავუხადო ყველას, ვინც მხარი დაუჭირა ბიძინა ივანიშვილსა და "ქართულ ოცნებას".

_ მიუხედავად, თქვენი თქმით, დამაჯერებელი გამარჯვებისა, ფაქტია, რომ რამდენიმე სოფელი ასევე დამაჯერებლად წააგეთ...

_ ზუსტად ამის შესახებაც ვაპირებდი, მეთქვა. საერთო გამარჯვების სურათის ფონზე კვლავ და კვლავ არასასურველ ლაქებად რჩება ლაითური, ნასაკირალისა და ნარუჯის უბნები. მაშინ, როცა ამ სოფლების ირგვლივ, თითქმის ყველგან, ოპოზიცია დამაჯერებლად იგებს საარჩევნო ბრძოლას, ამ უბნებში ხელისუფლება ახერხებს მაქსიმალური ხმების მიღებას. ასეთი ტრადიციული, მრავალწლიანი "საარჩევნო განსხვავებულობა" აშიშვლებს აქ არსებულ ღრმა პრობლემას, განსხავავებულობას, თავად ამ თემების საზოგადოებებსა და ოზურგეთის დანარჩენ საზოგადოებას, მათ ფასეულობათა სისტემებს შორის, რასაც გარკვეული ობიექტური და სუბიექტური საფუძვლები და წინაპირობები გააჩნია. აქამდე ყველა ხელისუფლება ამ თემებს უცქერდა, როგორც თავისი ძალაუფლების განმტკიცებისთვის არსებულ საარჩევნო ყუთს, ნაკლებად თუ უზრუნია ვინმეს მათი სამოქალაქო ინტეგრაციის მიმართულებით. ეს ძალზე ფაქიზი და მნიშვნელოვანი თემაა და იგი მომავალი ხელისუფლების ფიქრის საგანი უნდა გახდეს.

_ ვფიქრობ, სოფლებში გამოჩნდნენ ადამიანები და გუნდები, რომლებიც აქამდე ნაკლებად ინტერესდებოდნენ პოლიტიკით, მაგრამ საპარლამენტო არჩევნებისას უზრუნველყვეს "ქართული ოცნების" საარჩევნო კამპანიის წარმატებით ჩატარება და გამარჯვება...

_ ეს ფაქტები გავლილი საპარლამენტო არჩევნების კიდევ ერთი დამახასიათებელი მომენტია. თამამად შეიძლება ითქვას, რომ ჩვენ გავთავისუფლდით "შევარდნაძის ნარჩენებისაგან", ანუ ამით შევარდნაძის მემკვიდრეობა დასრულდა. გაჯანსაღების სიმპტომი გამოვლინდა თითოეულ უბანში _ ქალაქსა თუ სოფელში საზოგადოებამ თავისი არჩევნით უარი უთხრა, როგორც ზოგადად ქვეყნის მართვის ასეთ ფენომენს, ასევე კონკრეტულად ამ ნიშნის მატარებელ ადგილობრივი სახელისუფლო ნომენკლატურის წარმომადგენლებს.

ოზურგეთში ბევრია ასეთი სოფელი, რომელსაც წლების განმავლობაში ერთი და იგივე პიროვნება და გუნდი მართავს. ისინი ძალზე მობილურები აღმოჩნდნენ ბოლო ოცწლეულში ხელისუფლების ცვლილებების მიმართ. მათთან ასოცირდება კონკრეტულ სოფელში თუ უბანში უკანონობა, ძალადობა, არჩევნების გაყალბება და კორუფცია. მათ შორის, ალბათ, ყველაზე სტაჟიანია ავთო მექვაბიშვილი, რომელიც ჯერ კიდევ კომუნისტების დროს სოფელ ჯუმათის პარტკომად მუშაობდა, ბოლო დრომდე კი "ნაციონალური მოძრაობის" ლიდერი იყო და ლიბერალური დემოკრატიის დროშას აფრიალებდა. "მოქალაქეთა კავშირის" ძველი გვარდიიდან დღემდე "ივარგეს": ვალია გირკელიძემ _ ბოხვაურიდან, თამაზ სალუქვაძემ _ ლიხაურიდან, თემურ მოქიამ _ ვაკიჯვრიდან, ლენა ქადეიშვილმა _ მელექედურიდან, ვალოდია ბერიძემ _ ნარუჯიდან და ა.შ.

ზოგადად, ასეთი ლიდერების არსებობა სოფელსა თუ ქალაქში, რომელთაც შესწევთ უნარი, გადაწყვიტონ სოფლის პრობლემები, დარაზმონ და აიყოლიონ ადგილობრივი საზოგადოება, ეს ამ თემებისთვის ნამდვილი სიკეთეა, მაგრამ როცა ამ ადამიანებს უჩნდებათ იმის განცდა, რომ თავად იყვნენ სოფლის ერთადერთი ბატონ-პატრონები და სხვას, მათ, ვისაც საქმის კეთების არანაკლები სურვილი და უნარი გააჩნიათ, ებრძვიან სახელისუფლო ბერკეტებისა და რესურსების გამოყენებით, ეს უკვე ნეგატიურად და შემაფერხებლად მოქმედებს თემების განვითარებაზე და იქ სიჯანსაღეს კლავს. ახალმა პოლიტიკურმა ძალამ უნდა შექმნას ადგილობრივი თვითმმრთველობის ისეთი მოდელი, რომელიც განაპირობებს თავისუფალ არჩევითობას, ახალი, თანამედროვედ მოაზროვნე, საზოგადოების განვითარებისა და საჭიროებების ადეკვატური ლიდერების წარმოშობასა და მათ შორის ჯანსაღ კონკურენციას.

და ბოლოს, არ შეიძლება, არ აღინიშნოს "ქართული ოცნების" მაჟორიტარი დეპუტატის, ზვიად კვაჭანტირაძის ფაქტორი: მიუხედავად იმისა, რომ იგი ჩემი ბავშვობის მეგობარია და მას ძალიან კარგად ვიცნობ, მე და არა მხოლოდ მე, აღფრთოვანებული დავრჩი მთელ, უაღრესად დაძაბულ წინასაარჩევნო პერიოდში მისი სერიოზულობითა და გაწონასწორებულობით. მას ოზურგეთის საზოგადოების მაჯისცემაზე ეჭირა ხელი და თავიდანვე იყო დარწმუნებული ოზურგეთელთა ღირსეულ არჩევანსა და გამარჯვებაში. დარწმუნებული ვარ, რომ ის ასეთივე მგრძნობიარე იქნება ოზურგეთში მცხოვრები თითოეული ოჯახის პრობლემებისა და საჭიროებების მიმართ და წარმატებით გაართმევს თავს აღებულ ვალდებულებას.




 ახალი ამბები
  • "ამ ტრაგედიის შედეგებს დღემდე ვიმკით"- ჩოხატაურში აგვისტოს ომში დაღუპული გმირები გაიხსენესჩოხატაურში, 2008 წლის აგვისტოში მომხდარ რუსეთ-საქართველოს ომში დაღუპული გმირების ხსოვნას პატივი მიაგეს. ყვავილებით შეამკეს დაღუპულ გმირთა საფლავები, ხოლო  გმირებისადმი მიძღვნილი პანაშვიდი  წმ. ანასა და იოაკიმეს სახელობის  ტაძარში დეკანოზმა მამა თომამ გადაიხადა, რომელსაც ჩოხატაურის მუნიციპალიტეტის მერი, ირაკლი კუჭავაც დაესწრო. როგორც მერმა ჩვენთან საუბრისას განაცხადა, 8 აგვისტო საქართველოს უახლეს ისტორიაში ერთ-ერთი უმძიმესი დღეა და ამ ტრაგედიის შედეგებს დღემდე ვიმკით. „ეს არის  ერთ-ერთი უმძიმესი თარიღი საქართველოს უახლეს ისტორიაში. ამ ომს ასობით ჩვენი უდანაშაულო თანამემამულის სიცოცხლე შეეწირა. სამწუხაროდ, წინა ხელისუფლებამ ვერ ააცილა ქვეყანას ეს ტრაგედია.  საქართველომ დაკარგა კონტროლი კიდევ უფრო მეტ ტერიტორიაზე და ჩვენი ქვეყნის 20% დღემდე ოკუპირებულია. ამ ტრაგედიის შედეგებს დღემდე ვიმკით, მათ შორის, ბორდერიზაციის სახით. აგვისტოს ომს ბევრი გმირი ჰყავს, მათგან სამი ჩოხატაურელია,  მერაბ ახობაძე, ფილიპე (ლერი) მგალობლიშვილი და მურთაზ ირემაძე. დღეს ჩვენ პატივი მივაგეთ მათ ხსოვნას, ტაძარში აღევლინა დაღუპულ მებრძოლთა სულის მოსახსენიებელი პანაშვიდი, ვიყავით მათ საფლავებზე. მათი სახელების და გმირობის უკვდავყოფა მნიშვნელოვანია არა მხოლოდ თანამედროვეთათვის, მომავალი თაობებისთვისაც. ამიტომ მათი ხსოვნა არასოდეს მიეცემა დავიწყებას“,_ განაცხადა კუჭავამ. შეგახსენებთ, რომ ომი 2008 წლის 7 აგვისტოს, ქართულ ჯარებსა და რუსი სამხედროებით ზურგგამაგრებულ ოს სეპარატისტთა შორის კონფლიქტით დაიწყო ცხინვალის რეგიონში. ოსური დასახლებების მხრიდან, რამდენიმე დღის, განმავლობაში მიმდინარე განუწყვეტელი საარტილერიო სროლების შემდეგ, 7 აგვისტოს, საქართველომ სამხედრო ოპერაცია დაიწყო ქალაქ ცხინვალის ასაღებად. რუსებისა და ოსების ჯარები ქართველებს ცხინვალის ბრძოლაში სამი დღე ებრძოდნენ, რაც ომის ყველაზე დიდი და გადამწყვეტი ბრძოლა იყო. რუსულმა გემებმა საქართველოს შავიზღვისპირეთი დაბლოკეს და სახმელეთო ჯარები და პარაშუტისტები გადმოსხეს დასავლეთ საქართველოში. აგვისტოს ომმა 162 ქართველი სამხედრო მოსამსახურე შეიწირა _ მათ შორის 9 გურიიდან ... ...
  • პრეზიდენტი: ამას თუ ვერ მივხვდებით მაშინ ეს ყველაფერი მხოლოდ სიტყვებიასაქართველოს პრეზიდენტმა 2008 წლის აგვისტოს ტრაგიკული მოვლენებისას დაღუპულთა ხსოვნას პატივი მიაგო. სალომე ზურაბიშვილის თქმით, ოკუპირებული ტერიტორიების დაბრუნების საწინდარი ქვეყნის ერთობაა. პრეზიდენტმა აღნიშნა ისიც, რომ ის რაც დღეს საქართველოში ხდება, გმირების უპატივცემულობაა. „ჩვენ დღეს პატივს ვცემთ ჩვენს გმირებს. დღეს დუმილისა და დაფიქრების დღეა. ამ ადამიანებმა სამშობლოსა და ღირსეულ საქართველოს შესწირეს თავი და თუ დავფიქრდებით, დღეს რაც ხდება საქართველოში- ეს შიდა დაპირისპირება ბოღმა და სიძულვილი, რომელიც ყოველდღიურად იძლევა შედეგს ჩვენს ახალგაზრდებში, ეს არის არა ღირსეული საქართველო - ეს ჩვენი გმირების უპატივისმცემლობა და მათი დავიწყებაა. ისინი სამშობლოს ერთიანობისათვის მოკვდნენ და დღეს ჩვენ სიძულვილში ვართ ჩავარდნილნი, რაც ხელს მხოლოდ მტერს აძლევს. ჩვენ თუ გვინდა ტერიტორიები და ხალხები გავაერთიანოთ ამის საწინდარი ჩვენი ერთობაა. ამას თუ ვერ მივხვდებით მაშინ ეს ყველაფერი მხოლოდ სიტყვებია“, - განაცხადა პრეზიდენტმა. ცნობისთვის, საქართველოს პრეზიდენტი მუხათგვერდის ძმათა სასაფლაოზე ... ...
  • სენაკში ელექტრო სადენს ცეცხლი გაუჩნდასენაკში ერთ-ერთ  ელექტრო სადენს  ცეცხლი გაუჩნდა. როგროც "გურია ნიუსს" ადგილიდან აცნობეს, ხანძარი, სავარაუდოდ, მოკლე ჩართვამ გამოიწვია. როგორც საგანგებო მართვის სამსახურში განმარტავენ, ხანძარი  ლოკალიზებულია.  "ენერგო პრო ჯორჯიას"ცნობით, მათი წარმომადგენლები ადგილზე უკვე მუშაობენ და ელექტროენერგიის აღდგენა მალე მოხდება. ... ...
  • „ტკივილიანი დღე, რომელიც არასდროს უნდა დაგვავიწყდეს“ _ოზურგეთში აგვისტოს გმირთა ხსოვნას პატივი მიაგესდღეს, ოზურგეთში, აგვისტოს ომში დაღუპულ  გმირთა ხსოვნას პატივი მიაგეს.   მათ საფლავებთან თაიგულებით მივიდნენ გურიის  სამხარეო და ოზურგეთს მუნიციპალიტეტის მერიის დასაკრებულოს ხელმძღვანელი პირები: გუბერნატორი, ზურა ნასარაია, ოზურგეთის მუნიციპალიტეტის  მერი, კოტე შარაშენიძე,  საკრებულოს  თავმჯდომარე, დავით დარჩია, მოადგილე გიორგი ღურჯუმელიძე.  დაღუპული გმირების:  თემურ ჭიტაძე (სოფელი გურიანთა), თამაზ ნიკიტინი (ქალაქი ოზურგეთი) და ზაურ თენიეშვილი (ქალაქი ოზურგეთი),   საფლავებთან ასევე მივიდნენ  გურული  ომის ვეტერანები, საქველმოქმედო  ასოციაცია „გურიას“ ბენეფიციარები, მონიკა ახვლედიანი და თამარ ლურსმანაშვილი.  ოზურგეთის ცენტრში მათ თავდაპირველად გმირთა მემორიალი შეამკეს. შემდეგ კი იქვე, ეროვნული გმირის, ზაზა დამენიას საფლავს   მიაგეს  პატივი და გვირგვინი დადეს. _12 წელი გავიდა აგვისტოს  ომიდან.  გურიიდან  ცხრა ჯარისკაცი დაიღუპა ამ ომში. დილიდან მოვედით  აქ, რათა შევამკოთ მემორიალი. მოვივლით გმირთა  საფლავებს.  დიდება გმირებს! მჯერა, მათი ბრძოლა უკვალოდ არ  ჩაივლის და საქართველო გაერთიანდება, _ თქვა გურიის  გუბერნატორმა ზურაბ ნასარაიამ. ეროვნული გმირის ზაზა დამენიას დედამ,  ქალბატონმა  ციური წერეთელმა, როგორც ყოველთვის, ცრემლიანმა ისაუბრა: _ტრაგიკული დღეა, უსაზღვროდ   ტკივილიანი. ამ დღის აღნიშვნა აუცილებელია. ღმერთმა ყველა გმირი ნათელში ამყოფოს, ჩემი შვილის თამადობით, _ თქვა  მან. მამას იგონებს გიორგი დამენია, ამჯერად სტუდენტი : _ძალიან რთული დღეა. ვერ  გეტყვით, ეს სასიხარულოა თუ სამწუხარო. თუმცა,  თუ საქართველო კაშკაშებს მსოფლიო რუკაზე, ასეთი გმირების წყალობითაა.  მჯერა, საქართველო იქნება ერთიანი, _ გვითხრა გიორგი დამენიამ. აგვისტოს გმირის,  თამაზ ნიკიტინის საფლავის  თაიგულებით   შემკობის მერე, გუბერნატორი ზურაბ ნასარაია ესაუბრა მის მეუუღლეს, ქალბატონ ნინოს, რომელმაც მორიდებით გამოთქვა  საყვედური იმის გამო, რომ მას და მის მცირეწლოვან ბიჭუნას ოზურგეთში ერთი ოთახი არ  აქვთ, რომ ღამე გაათიონ. _ჩვენ ქუთაისში   გადავედით საცხოვრებლად. აქ თამაზის საფლავია. ძალიან გვიჭირს სიარული. ნება რომ იყოს, შეიძლებოდა ხელისუფლებას ერთი ოთახი  გამოეყო ჩვენთვის სადმე, რომ როცა  ჩამოვდივართ საფლავის მოსანახულებლად, ღამის გათევა შეგვეძლოს, _ უთხრა მან გუბერნატორ ნასარაიას. თავის მხრივ, ზურაბ ნასარაიამ გამოკითხა, თუ ჰქონდა ვინმესთან კომუნიკაცია აღნიშნულის თაობაზე ან განცხადებით თუ მიმართა. სოფელ გურიანთაში ეროვნული გმირის, თამაზ ჭიტაძის საფლავის შემკობის შემდეგ, გმირის ბავშვობა გაიხსენეს  მშობელბმა და ახლობლებმა. _ეს უაზრო ომი იყო, ვინც  კი,  სამშობლოსთვის დაიხოცნენ ბიჭები,  გმირებად  რჩებიან,   მაგრამ შეიძლებოდა ამ ომის  თავიდან აცილება, _ საკუთარი  გულისტკივილი  გამოხატა თემურ ჭიტაძის მამამ, თამაზ ... ...
  • გურიაში რუსეთ-საქართველოს ომში დაღუპული გმირები გაიხსენეს (R)გურიაში რუსეთ-საქართველოს ომში დაღუპული გმირები გაიხსენეს და მათ ხსოვნას პატივი მიაგეს. აგვისტოს ომის მე-12 წლისთავთან დაკავშირებით, გურიის სახელმწიფო რწმუნებულმა ზურაბ ნასარაიამ, ოზურგეთის მერმა კონსტანტინე შარაშენიძემ, საკრებულოს თავმჯდომარე დავით დარჩიამ, თავმჯდომარის მოადგილე გიორგი ღურჯუმელიძემ, საქართველოს ტერიტორიული მთლიანობისთვის დაღუპული მებრძოლთა მემორიალი და აგვისტოს ომში დაღუპულთა გმირების საფლავები გვირგვინით შეამკეს. „უმძიმესი ისტორია, რომელიც გვახსოვს და გვემახსოვრება _ აგვისტოს ომიდან დღეს 12 წელი შესრულდა. საქართველომ ქვეყნის მთლიანობისთვის მებრძოლი გმირები დაკარგა... გმირები, რომლებიც არ შეუშინდნენ რუსულ აგრესიას და სიცოცხლის ბოლო წუთამდე სამშობლოს თავგანწირვით იცავდნენ. ქედს ვიხრი ომში დაღუპული ვაჟკაცების ხსოვნის წინაშე და ვუსამძიმრებ მათ ოჯახებს“, _ განაცხადა ზურაბ ნასარაიამ. გურიის რეგიონში 2008 წლის აგვისტოს მოვლენებს ცხრა ადამიანი ემსხვერპლა. ოზურგეთიდან - თეიმურაზ ჭიტაძე, თამაზ ნიკიტინი, ზაურ თენიეშვილი; ჩოხატაურიდან - მერაბ ახობაძე, ფილიპე მგალობლიშვილი, მურთაზ ირემაძე; ლანჩხუთიდან - ემზარ წილოსანი, რუსლან წულაძე, ვასილ სმირნოვი. ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...