ლია მუხაშავრია: "საქართველოში ერთსქესიანთა ქორწინება უფრო ადრე დაკანონდება, ვიდრე ნიგვზიანში მეჩეთი აიგება"

პოლიტიკა

ლია მუხაშავრია: "საქართველოში ერთსქესიანთა ქორწინება უფრო ადრე დაკანონდება, ვიდრე ნიგვზიანში მეჩეთი აიგება"

2012 ნოე 5 22:21:26
სახალხო დამცველობის კანდიდატები შეხვედრებს სხვადასხვა ორგანიზაციებში განაგრძობენ და "ჩამჭრელ"კითხვებს პასუხობენ.

თბილისის სახელმწიფო უნივერსიტეტის სტუდენტები დღეს სახალხო დამცველობის სამ კანდიდატს: გელა ნიკოლაიშვილს, ლია მუხაშავრიასა და დიმიტრი ლორთქიფანიძეს შეხვდნენ. აღსანიშნავია, რომ კანდიდატ თამარ გურჩიანთან შეხვედრა რამდენიმე დღით ადრე მოეწყო და შესაბამისად, ის დღევანდელ ღონისძიებას არ დასწრებია. რაც შეეხება კიდევ ერთ კანდიდატს - ნათია იმნაძეს, ის საქართველოში არ იმყოფება.

დღევანდელ შეხვედრაზე კანდიდატებს ორკითხვიანი ტესტის ჩაბარება მოუხდათ: რას ფიქრობენ ერთსქესიანთა ქორწინების შესახებ და როგორ აფასებენ მართლმადიდებელ მშობელთა კავშირის საქმიანობას. გელა ნიკოლეიშვილის აზრით, დაპირისპირება სექსუალურ უმცირესობასა და უმრავლესობას შორის, პრობლემურია განვითარებული დემოკრატიების მქონე ქვეყნებშიც კი:

" ევროკავშირის წევრი 27 ქვეყნიდან, მხოლოდ ოთხ მათგანშია დაშვებული ერთსქესიანთა ქორწინება. დაპირისპირება სექსუალურ უმცირესობასა და უმრავლესობას შორის ყველა ქვეყანაში არსებობს. სახალხო დამცველისთვის ძალიან სენსიტიური საკითხია, თუ როგორ დააბალანსებს ის ამ კონფლიქტს. რაც შეეხება ერთქესიანთა ქორწინების დაკანონებას, ჩვენი საზოგადოება არ არის აქამდე მისული და დარწმუნებული არ ვარ როდესმე მივა თუ არა. ჩემი აზრით, საზოგადოება აქამდე არ მივა უახლოეს 50 წლის განმავლობაში. მერე რა იქნება, არ ვიცით; ერთსქესიანთა ქორწინებაზე ჩემი მკაფიო პოზიცია არის უარყოფითი," _ განაცხადა ნიკოლაიშვილმა.

ლია მუხაშავრია ფიქრობს, რომ ერთსქესიანთა ქორწინების დაშვება პროგრესული და ადამიანური აქტია, თუმცა სულაც არ აპირებს აღნიშნული საკანონმდებლო ინიციატივის წამოყენებას: "მე არ ვარ წინააღმდეგი ამ ქვეყანაში იყოს ერთსქესიანთა ქორწინება; არა ვარ წინააღმდეგი, მაგრამ ეს იმას არ ნიშნავს, რომ ხვალვე საკანონმდებლო ინიციატივას შევუერთდები და მოვითხოვ ამის დაკანონებას. ოჯახი ძალიან მნიშვნელოვანი ერთეულია, მე თვითონაც არატრადიციული ოჯახი მაქვს, მყავს ერთი გოგონა, რომელიც ვიშვილე და მიმაჩნია, რომ ნებისმიერი ერთობა, რომელსაც ადამიანები ოჯახად თვლიან, უნდა იყოს აღიარებული სახელმწიფოს მხრიდან. ეს იქნება სირაქლემას პოზაში ყოფნა, თუ ამ ადამიანებს არ მივიჩნევთ ოჯახად. მე ვფიქრობ, ამ ქვეყანაში ისე განვითარდება მოვლენები, რომ ჩვენ მივიდეთ აზრამდე, რომ ერთსქესიანთა ქორწინება დაკანონდეს, შეიძლება არც მივიდეთ, მაგარამ ეს არ მზღუდავს მხარი დავუჭირო იმას, რაც არის პროგრესული და ადამიანური," _ განაცხადა ლია მუხაშავრიამ.

მეორე შეკითხვა მართლმადიდებელ მშობელთა კავშირის მიმართ სახალხო დამცველობის კანდიდატების დამოკიდებულებას შეეხებოდა.

ნიკოლაიშვილის აზრით, ყველა ორგანიზაციას, რომელსაც აქვს "განზრახულობები და მოქმედების გეგმა", არსებობის უფლება აქვს.

"არის რაღაც საკითხები, როდესაც მათ არ ვეთანხმები, მაგალითად აგრესიული გამოსვლები სხვების უფლებების შეზღუდვის მომენტში, მაგრამ არის საკითხები, სადაც მათ შეიძლება დაეთანხმო," _ განაცხადა ნიკოლეიშვილმა.

ლორთქიფანიძის შეფასებით, "მმკ არის რეგისტრირებული ორგანიზაცია, რომელიც საკუთარ წევრებს იცავს გარკვეული ექსპანსიისაგან; მათ შორის, საკანონმდებლო ექსპანსიისგან..."

ლია მუხაშავრია კი მმკ-ს მიმართ საკუთარ დამსახურებასაც იხსენებს: "მე დამსახურებაც კი მაქვს მმკ-ს მიმართ. რამდენიმე წლის წინ, მათ მომხმარებელთა დაცვის ასოციაციაში, სადაც ვმუშაობდი, განცხადება შემოიტანეს და სრულიად სამართლიანად გააპროტესტეს არასრულწლოვანთა მავნე ზეგავლენისაგან დაცვის კანონის უგულებელყოფა მაუწყებელთა მხრიდან. ჩვენ ვიბრძოლეთ და სწორედ მათი დამსახურებაა, რომ დღეს ცისფერ ეკრანებზე ვხედავთ U , 12, 16, 18 და ა.შ. სიმბოლოებს, რაც მაყურებელთა დასაშვები ასაკის მანიშნებელია. "

ლია მუხაშავრიამ იქვე დასძინა, რომ როგორც უფლებადამცველი, გმობს ორგანიზაციის მიერ ძალადობრივი მეთოდების გამოყენებას.

შეხვედრის დროს, სოფელ ნიგვზიანში განვითარებულ მოვლენებსაც შეეხნენ; კერძოდ, სტუდენტები დაინტერესდნენ, დაუჭერენ თუ არა მხარს სახალხო დამცველობის კანდიდატები სოფელში მეჩეთის მშენებლობას. ნიკოლეიშვილის განცხადებით, ლოცვაში ხელის შეშლა ცალსახად კანონდარღვევაა; რაც შეეხება მეჩეთის მშენებლობას, მისი თქმით, ეს საკითხი არც კი დგას დღის წესრიგში. მუსლიმანი მრევლისთვის ლოცვაში ხელის შეშლის ფაქტი დაგმო დიმიტრი ლორთქიფანიძემაც, თუმცა დაამატა, რომ მეჩეთის აშენების შემთხვევაში, გეგმა და პროექტი ადგილობრივ ხელისუფლებასთან წინასწარ უნდა შეთანხმდეს. რაც შეეხება მუხაშავრიას, ის დარწმუნებულია, რომ საქართველოში "ერთქესიანთა ქორწინება უფრო ადრე დაკანონდება, ვიდრე ნიგვზიანში მეჩეთი აიგება."




 ახალი ამბები
  • ორი თვის წინ დაკარგული 23 წლის ბიჭი გარდაცვლილი იპოვესორი თვის წინ დაკარგული 23 წლის შოთა სამხარაძე გარდაცვლილი იპოვეს. აღნიშნულ ფაქტს შინაგან საქმეთა სამინისტროში ადასტურებენ. როგორც გარდაცვლილის მეგობარი ამბები.გე-სთან ყვება, შოთა სამხარაძე გუშინ კურორტ შოვთან ახლოს, ტყეში იპოვეს. შინაგან საქმეთა სამინისტროს ინფორმაციით, მომხდარზე გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. გარდაცვალების მიზეზს ექსპერტიზა დაადგენს. ახალგაზრდა მამაკაცი ონის მუნიციპალიტეტში ორი თვის წინ დაიკარგა. სამაშველო სამსახურში შეტყობინება 14 იანვარს შევიდა. თვითმხილველების თქმით, ბიჭი ბოლოს სასტუმროების მიმდებარე ტერიტორიაზე გამართულ თოვლის ფესტივალზე ნახეს, მოგვიანებით ტერიტორია დატოვა და მას შემდეგ აღარ ... ...
  • ყალბი ფულის გასაღების მორიგი ფაქტი _ დაკავებულია 2 პირიშსს-ს თანამშრომლებმა, ჩატარებული საგამოძიებო მოქმედებების შედეგად, 1968 წელს დაბადებული ნ.ჟ. და 1975 წელს დაბადებული, პირობითი მსჯავრის ქვეშ მყოფი გ.ა. ყალბი ფულის წინასწარი შეთანხმებით ჯგუფის მიერ შეძენა-შენახვისა და გასაღების ბრალდებით დააკავეს. ამის შესახებ ინფორმაციას შსს ავრცელებს, სადაც ნათქვამია, რომ "ბრალდებულებმა ქალაქ ახმეტაში მდებარე სხვადასხვა მაღაზიაში სამი ყალბი ასლარიანი კუპიურა გაასაღეს". პოლიციამ, გ.ა.-ს მართვის ქვეშ მყოფი ავტომანქანის ჩხრეკისას ყალბი ასლარიანი კუპიურა ნივთმტკიცებად ამოიღო. გამოძიება ყალბი ფულის წინასწარი შეთანხმებით ჯგუფის მიერ შეძენა-შენახვისა და გასაღების ფაქტზე მიმდინარეობს. დანაშაული 7-დან 10 წლამდე ვადით თავისუფლების აღკვეთას ... ...
  • ლადო აფხაზავა ვარკის ფონდისა და გლობალური ჯილდოს ელჩი გახდა „მასწავლებლის ეროვნული ჯილდოს“ ფეისბუქგვერდზე გავრცელებული ინფორმაციით, ჩიბათის საჯარო სკოლის მასწავლებელი ლადო აფხაზავა, რომელიც მასწავლებლის გლობალური ჯილდოს ფინალურ ათეულშია, ვარკის ფონდისა და გლობალური ჯილდოს ელჩი გახდა. ვარკის ფონდი მასწავლებლის გლობალურ ჯილდოს 2015 წლიდან გასცემს, ფინალისტები კი ავტომატურად, ფონდის და გლობალური ჯილდოს ელჩები ხდებიან. ლადო აფხაზავა უკვე დუბაიში იმყოფება, სადაც ხვალ გლობალური ჯილდოს მფობელი მასწავლებელი  გამოვლინდება და პრიზის სახით მილიონ ამერიკულ დოლარს ... ...
  • ოზურგეთის საკრებულოს დეპუტატობას ლევან თოიძის შვილიც აპირებს _ "რაღაცეებს ველოდები"ოზურგეთის მუნიციპალიტეტის საკრებულოს დეპუტატობა, საკრებულოს ყოფილი წევრის, რამდენიმე თვის წინ გარდაცვლილ ლევან თოიძის შვილს, სოფო თოიძესაც სურს. როგორც ცნობილი იყო, მას კენჭისყრა "ქართული ოცნების" სახელით სურდა, თუმცა მმართველმა ძალამ არჩევანი დავით მდინარაძეზე გააკეთა. შესაბამისად, სოფო თოიძე, რომელიც ამჟამად ოზურგეთის მუნიციპალიტეტის მერიის თანამშრომელია, კენჭისყრას დამოუკიდებლად გეგმავს. "გურია ნიუსთან" საუბრისას აღნიშნავს, საბოლოო გადაწყვეტილება ჯერ არ მიუღია: "თავიდანვე, ეს გადაწყვეტილება მამაჩემის გამო მივიღე. ვიცი, რამდენიმე რამის გაკეთება სურდა და მინდოდა გამეგრძელებინა მისი საქმე. ახლაც მსურს და ვნახოთ. ჯერჯერობით საბოლოო გადაწვეტილება არ მიმიღია. რაღაცეებს ველოდები", _ აღნიშნა ჩვენთან საუბრისას თოიძემ. შეგახსენებთ, რომ  ქალაქ ოზურგეთის ყველაზე დიდ საარჩევნო ოლქში (60/01/03), რომელშიც რაიცენტრალური, სერი,  ექადია, ცენტრი 3  და ანასეული შედის, შუალედური არჩევნები მაისში უნდა ჩატარდეს უნდა ჩატარდეს. ამავე თემაზე: ა(ა)იპ-ის დირექტორი კენჭისყრას დამოუკიდებლად გეგმავს _ "აქ არ ვარ ცუდად, მაგრამ"... ... ...
  • EMC ზვიად რატიანის საქმეზე გიორგი გახარიას განცხადებას ეხმაურება _ მივმართავთ ევროპულ სასამართლოს 22 მარტს, ტელეკომპანია პირველის ეთერში, შინაგან საქმეთა მინისტრმა ზვიად რატიანის საქმეზე საუბრისას აღნიშნა, რომ ის არ ნანობს იმას, რაც მაშინ მოხდა. "ამ თემაზე კომენტარისას, მინისტრის მიერ გამოხატული პოზიციები, პრაქტიკულად გამორიცხავდა ზვიად რატიანის მიმართ უფლების დარღვევის ფაქტის აღიარების რესურსსაც კი და არ აკეთებდა მითითებას ამ საქმეზე მიმდინარე გამოძიების მნიშვნელობის შესახებ", _ აღნიშნულია განცხადებაში, რომელსააც ადამიანის უფლებების სწავლებისა და მონიტორინგის ცენტრი ავრცელებს/  "სამწუხაროა, რომ ამ შემთხვევიდან ერთი წლის და სამი თვის თავზეც კი, შინაგან საქმეთა მინისტრი და უწყება, ვერ ახერხებს აჩვენოს პოლიტიკური მზადყოფნა სათანადოდ უპასუხოს საპოლიციო სისტემაში ადამიანის უფლებების დარღვევის მძიმე შემთხვევას.  ნათელია, რომ ამ საქმეში მინისტრი და უწყება მუდმივად არაღიარების პოზიციაში იყო და მსხვერპლის დემონიზების ტაქტიკით მოქმედებდა. სამინისტრო არცერთ ეტაპზე არ აჩვენებდა რესურსს, ემოქმედება ზვიად რატიანის ღირსების დაცვის ინტერესების გათვალისწინებით.  მინისტრის და უწყების მხრიდან, ყოველ ჯერზე ხაზგასმა ზვიად რატიანის არაფხიზელ მდგომარეობაზე, პოლიციასთან ურთიერთობისას გამოყენებულ ლექსიკაზე, მუდმივად ერთ მიზანს ემსახურებოდა - საზოგადოებაში შეესუსტებინათ თანაგრძნობა და სოლიდარობა ზვიად რატიანის მიმართ. სწორედ ამ მიზანს ემსახურებოდა, 2017 წლის დეკემბერში, სამინისტროს მიერ ზვიად რატიანის უკანონოდ მოპოვებული ვიდეო ჩანაწერის მედიაში გავრცელებაც. აღსანიშნავია, რომ სამინისტროს ამ უკანონო ქმედებების საპასუხოდ, პერსონალურ მონაცემთა დაცვის ინსპექტორმა, უწყება სამართალდამრღვევად ცნო და 2000 ლარით დააჯარიმა. სამინისტროს უკანონო ქმედებით ზვიად რატიანისთვის მიყენებული მორალური ზიანის თაობაზე კი საქმის განხილვა სასამართლოში გრძელდება.  რაც შეეხება, საქმეზე ამ დრომდე განხორციელებულ სამართლებრივ რეაგირებას - გამოძიება პროკურატურაში ერთ წელზე მეტია გრძელდება, თუმცა, კონკრეტულ შედეგამდე ამ დრომდე არ არის მისული. მიუხედავად იმისა, რომ ჩატარებულმა გამოძიებამ გამოკვეთა რამდენიმე საკვანძო და პრობლემური ეპიზოდი პოლიციელთა მოქმედებებში, ამ დრომდე პასუხისგებაში მიცემული არ არის არცერთი მათგანი. უფრო მეტიც, ხუთჯერ მიმართვის მიუხედავად, პროკურატურამ ყოველ ჯერზე სრულიად დაუსაბუთებლად უარი თქვა ზვიად რატიანისთვის დაზარალებულის სტატუსის მინიჭებაზე. მისი უფლებების აღდგენის რესურსი არ აღმოჩნდა არც სასამართლოში, რომელმაც მიმდინარე წლის 21 მარტს, ასევე უარი თქვა ზვიად რატიანის დაზარალებულად ცნობაზე.    სამწუხაროა, რომ ზვიად რატიანის უფლებების დარღვევის მძიმე ფაქტებს ქვეყნის მართლმსაჯულების სისტემის ვერცერთმა რგოლმა ვერ უპასუხა და დაზარალებული პრაქტიკულად უფლების აღდგენის მექანიზმების გარეშე დატოვა. სწორედ ამიტომ, ზვიად რატიანის სახელით EMC უახლოეს პერიოდში ადამიანის უფლებათა ევროპულ სასამართლოს მიმართავს", _ აღნიშნულია ... ...

არქივი

ზაფრანი

ეს „მახინჯი“ ეიფელის კოშკი

პარიზში ეიფელის კოშკის მშენებლობის დაწყებისას...

ლონდონური „ექსპერიმენტი“

ცოტა ხნის წინ, ქალაქ ლონდონის...

„ახალბედა მწერალი“

ცნობილმა მსახიობმა მეთიუ მაკკონაჰიმ ცოტა...

“უცნაური” ვარსკვლავები

ნებისმიერ პიროვნებას გარკვეული უცნაურობები ახასიათებს...

ადამიანის თვალის უსაზღვრო ხედვა

ამერიკელმა მკვლევარებმა დააფიქსირეს, რომ ადამიანის...

ინტერპოლი ეძებს კატას

რამდენიმე დღის წინ გამოცემამ „The...
კარმიდამო ჩემი

ჟოლო გახდომაში დაგეხმარებათ

ჟოლოს ერთდღიანი დიეტა ორგანიზმს შლაკებისა...

თაფლი მხედველობას აუმჯობესებს

დღეისათვის კომპიუტერთან მუშაობა ჩვეულებრივ ამბად...

თხილის მცენარის დაავადებათა აფეთქება

თხილის დაავადების აფეთქებას ჩვენში მოსახლეობა...

მეფუტკრე და ადრიანი გაზაფხული

გაზაფხულის დადგომისთანავე განსაკუთრებული ყურადღება უნდა...

თხილის დამღუპველ დაავადებას წლევანდელი თბილი ზამთარი ეხმარება

თხილის კულტურას რომ ყოფნა-არყოფნის საფრთხე...

მოვამზადოთ სათესლე მასალა და დახურულ გრუნტში დავთესოთ

სხვადასხვა ბოსტნეულის დათესვა, უმჯობესია, თებერვლის...

სანამ გაგრძელდება მშრომელი ხალხის აბუჩად აგდება?

საქართველოში, დამოუკიდებლობის გამოცხადების შემდეგ, ჩვენ,...

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...