სააკაშვილი: "არ გავაკეთოთ რაიმე ისეთი, რამაც, შესაძლოა, შეუქცევადი ზიანი მიაყენოს ჩვენს ხალხს"

პოლიტიკა

სააკაშვილი: "არ გავაკეთოთ რაიმე ისეთი, რამაც, შესაძლოა, შეუქცევადი ზიანი მიაყენოს ჩვენს ხალხს"

2012 ნოე 7 21:01:55

"ბოლო მოვლენებთან დაკავშირებით, მინდა განვაცხადო შემდეგი: სულ ახლახან საქართველოში ერთი მთავრობის მეორეთი ჩანაცვლების პროცესი პირველად წარიმართა მშვიდობიანი, კონსტიტუციური, საპარლამენტო გზით.

მე, როგორც კონსტიტუციის გარანტი, როგორც საქართველოს პრეზიდენტი, ვიყავი და ვარ ამ პროცესის მონაწილე.

ამ პერიოდის განმავლობაში, ჩემი ყველაზე დიდი სურვილიც და უდიდესი იმედიც იყო და არის ის, რომ ჩვენ შევძლებთ ცივილიზებული დიალოგის ფარგლებში საქართველოს შემდგომ განვითარებას.

თავისთავად, თავისუფალი არჩევნების გამართვა იყო ბოლოდროინდელი მოვლენების ძალიან დიდი მიღწევა.

ამ მიღწევამ გაგვიხსნა ახალი პერსპექტივები ქვეყნის შიგნით და საერთაშორისო არენაზე. ახლა დგება დაპირებების შესრულების დრო - ჩვენი ხალხი ამას ელოდება.

იყო გაცემული ბევრი სოციალური დაპირება, რომელიც შეეხებოდა უფასო ჯანდაცვას, უფასო სწავლას, საპროცენტო განაკვეთებისა და ტარიფების შემცირებას და ბევრ სხვა სფეროს.

ჩვენი ხალხი, ბუნებრივია, ელოდება, რომ ყოველივე ამის განხორციელება უახლოეს პერიოდში დაიწყება.

ამავე დროს, დარწმუნებული ვარ, ჩვენი ხალხის დაკვეთა, ჩვენი ხალხის სურვილი არის ის, რომ ყველაფერი მიხდეს ცივილიზებული დიალოგის, საპარლამენტო დებატების, თუნდაც მწვავე დებატების, მაგრამ საპარლამენტო ჩარჩოებში, კანონის უზენაესობის პირობებში, თავისუფალი სასამართლოს პირობებში, თავისუფალი მედიის პირობებში და ზოგადად თავისუფლებისა და განვითარების პირობებში.

ამიტომ, ბოლო მოვლენები ჩემთვის არის შეშფოთების წყარო, რადგან დღეს, როგორც არასდროს, ჩვენ გვჭირდება კანონის უზენაესობა, ევროპული ორიენტაცია, საქართველოს განვითარება და წინსვლა.

ეს არ არის ზოგადი კატეგორიები, რომლებიც ეფუძნება კონკრეტულ კრიტერიუმებს.

უპირველეს ყოვლისა, ეს კრიტერიუმები არის ჩვენი მოქალაქეების უფლებების პატივისცემა, ეს არის კანონის უზენაესობის დამკვირდება ყველა დონეზე და ინსტიტუტების პატივისცემა.

ინსტიტუტების პატივისცემა არის ჩვენი შეიარაღებული ძალების პატივისცემა.

წინასაარჩევნო კამპანიის დროს მუდმივად გვესმოდა როგორ გვადანაშაულებდნენ იმაში, რომ საქართველომ გააჩაღა ომი და საქართველო იყო დამნაშავე 2008 წლის რუსეთის აგრესიაში.

სამწუხაროდ, ჩვენ ეს არჩევნების შემდეგაც მოვისმინეთ და ვფიქრობ, ამას არ მიიღებს არც ქართველი ხალხი და არც საერთაშორისო თანამეგობრობა, რომელმაც სიმართლე მშვენივრად იცის.

დღეს დილით ჩვენ მივიღეთ ის, რომ ამ ომის ერთ-ერთი გმირი (არ მინდა შევეხო ბრალდებას) დააკავეს სხვა პირებთან ერთად ისეთ ვითარებაში, რომელიც არ შეესაბამება არც ოფიცრის ღირსებას, არც შეიარაღებული ძალების პატივისცემას და არც შეიარაღებული ძალების როლს ჩვენს საზოგადოებაში.

კანონის წინაშე ყველა თანასწორია, მაგრამ არის ჩარჩოები, რომელთა ფარგლებშიც ეს კანონი უნდა იყოს დაცული.

ასეთ ინსტიტუტს განეკუთნება ასევე თავისუფალი პრესა, თავისუფალი სიტყვა, ჩვენი მასმედია, ჩვენი ტელევიზიები.

სრულიად მიუღებელია ტელევიზიის საქმიანობაში იმ ფორმით ჩარევა, როგორიც პირდაპირ განხორციელდა დღევანდელი დილიდან საზოგადოებრივი მაუწყებლის მიმართ.

იგივე შეიძლება ითქვას იმ მუქარებზე, რომლებიც ისმის სხვა თავისუფალი მედიის საშუალებების მისამართით.

იცით, რომ ისმოდა მოწოდებები და არის გეგმები კონკრეტული შენობების დანგრევის - ჩვენ არა მხოლოდ არ უნდა დავანგრიოთ აშენებული, არამედ უნდა ავაშენოთ ახალი და უკეთესი.

საკმარისად ინგრეოდა საქართველო ათწლეულების განმავლობაში, რომ ახლა, 9 წლიანი შენების შემდეგ, ნგრევა გავაგრძელოთ.

არ უნდა დავანგრიოთ არსებული ინსტიტუტები - წინა წლებს განმავლობაში ისინი ავად თუ კარგად ვითარდებოდნენ.

მათი განვითარების მხრივ, ჩვენ ძალიან სერიოზულ წარმატებებს მივაღწიეთ და დღეს არათუ არ უნდა გადავყაროთ მოღწეული, პირიქით, უფრო მეტად უნდა განვავითაროთ, ახალი ასპექტები დავამატოთ, მეტი თავისუფლება მივცეთ, მეტად ვცეთ პატივი კანონის უზენაესობას, მეტი თავისუფლება მივცეთ სასამართლოს, მეტი თავისუფლება მივცეთ მასმედიას, განვავითაროთ ურთიერთობა პარლამენტსა და პრეზიდენტის ინსტიტუტს შორის, პარლამენტსა და ადგილობრივ თვითმმართველობას შორის.

ჩვენ კი არ უნდა შევუტიოთ ამ ინსტიტუტებს, ჩვენ კი არ უნდა დავემუქროთ ადგილობრივ თვითმმართველობას, პირიქით, უნდა გავაჩინოთ მეტი თვითმმართველობა საქართველოში, რათა ნებისმიერ დროს მთავრობას მოეკითხოს როგორ ასრულებს ხალხისთვის მიცემულ დანაპირებს და როგორ იქცევა მოქმედი თუ წინა მთავრობა.

ამიტომ, ჩვენი ქვეყანა დღეს მნიშვნელოვან გზაგასაყარზე იმყოფება.

ამ მოვლენების ფონზე, თქვენ იცით, რომ ბოლო დღეებში ვაწარმოებდით აქტიურ დიპლომატიას ამერიკის შეერთებულ შტატებთან, მაგალითად, იმისთვის, რომ დეკემბერში ნატო-სთან გვქონოდა პროგრესი მინისტრთა შეკრებაზე, რომელზეც ამ არჩევნების შემდეგ ჩვენ გვქონდა რეალური შანსი მიგვეღწია წარმატებას ნატო-ში ინტეგრაციის თვალსაზრისით.

ეს არ არის რომელიმე პარტიის კუთვნილება და ეს საკითხი ბევრად უფრო მაღლა დგას, ვიდრე ცალკეული პიროვნებები.

შესაძლოა, არ მოგვწონდეს პიროვნებები და, ბუნებრივია, პოლიტიკაში ეს ასეც იქნება; შესაძლოა, არ ვეთანხმდებოდეთ ერთმანეთს, მაგრამ არ შეიძლება, რომ ვეწინააღმდეგებოდეთ საკუთარ ქვეყანას.

ჩვენ არ შეიძლება, რომ რამეს ვაკეთებდეთ ჩვენი ქვეყნის საზიანოდ. ამის გამო, თუნდაც ნატო-ს მინისტერიალის წინ, რომელიც დეკემბერში გაიმართება, ჩვენ უკვე ვმუშაობდით ახალ მთავრობასთან, რათა ერთობლივი პოზიცია გამოგვეხატა, ერთად წავსულიყავით ამ მინისტერიალზე, ერთად გვესაუბრა იმაზე, რომ არა მხოლოდ ცალკე აღებულ მთავრობას ან პრეზიდენტს, არამედ ქართველ ხალხს სურს ნატოში შემდგომი ინტეგრაცია.

რა თქმა უნდა, დღევანდელი მოვლენები ნამდვილად არ გვეხმარება ყოველივე ამაში და სერიოზულ დაბრკოლებებსაც შექმნის - ეს არ შეიძლება, რომ მიხაროდეს. ამიტომ, როგორც არასდროს, ჩვენ უნდა დავდგეთ ყოველგვარი შურისძიების, ბოღმის, სიმწრის, პიროვნული მიღება-არმიღების მიღმა და შევძლოთ ერთმანეთთან ადამიანური ლაპარაკი.

დაე, ნუ დავეთანხმდებით ერთმანეთს, მაგრამ არ შეიძლება, რომ უთანხმოების დროს დავანგრიოთ მთავარი, რაც უკვე შექმნილია.

იმედი მაქვს, რომ ამას შევძლებთ.

ამისთვის, მინდა მოვუწოდო ყველას - პარლამენტის უმრავლესობასაც და უმცირესობასაც - ორივე დიდ პოლიტიკურ პარტიას, საქართველოს ახალ მთავრობას, საქართველოს პოლიტიკური პროცესის ყველა მონაწილეს, აღვივსოთ პასუხისმგებლობით, გავითვალისწინოთ, რომ ყველაფერი, რაც ხდება, ჩვენი სამშობლოსა და ჩვენი ხალხის ბედს და უახლოეს პერიოდში გრძელვადიან პერსპექტივებს შეეხება.

აქედან გამომდინარე, თითოეული ნაბიჯი, რომელსაც გადავდგამთ, კარგად გავიაზრებთ და ავწონ-დავწონით.

არ გავაკეთოთ რაიმე ისეთი, რამაც, შესაძლოა, შეუქცევადი ზიანი მიაყენოს ჩვენს ხალხს, ჩვენს ქვეყანას, ჩვენი შვილების მომავალს.

მე ვგრძნობ პასუხისმგებლობას და მზად ვარ ვითანამშრომლო და ვისაუბრო ყველასთან, ვისაც აქვს დიალოგის და ჩვენი ქვეყნის წინსვლის სურვილი. "




 ახალი ამბები
  • ბახმაროს დოღის საპრიზო ფონდიუკვე მეორე წელია, რაც ბახმაროში დოღი ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება. „ბახმაროს თასი 2019“ ღონისძიებისათვის კომპანია „წყალი მარგებელმა“ სპონსორებთან ერთად სპეციალური საპრიზო ფონდი და საჩუქრები დააწესა. წყალ მარგებელთან ერთად ღონისძიების გენერალური მხარდამჭერი „საქართველოს ბანკია“, ღონისძიების პარტნიორები არიან ასევე კომპანია გალფი, გლოვო და კროკო-ბეთი. ღონისძიების ფარგლებში შედგება 4 გარბენი: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულაგარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარიI ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი;I ადგილი 1000 ლარი; II ადგილი 500 ლარი; III ადგილი 300 ლარი; მონაწილეობაღონისძიებაში მონაწილეობის მისაღებად, დაინტერესებულმა პირმა უნდა გაიროს რეგისტრაცია 18 აგვისტოს 10:00 დან 18:00 საათამდე, რეგისტრაცია გაიმართება ბახმროში, დოღის სტარტის მიმდებარე ტერიტორიაზე.აუცილებელია პირადობის დამადასტურებელი მოწმობის წარდგენა. რეგისტრაციის დროს სავალდებულოა ცხონოსანი გამოცხადდეს ცხენის ... ...
  • ოზურგეთის ბაზარში ძაღლმა სოფელ მელექედურის მცხოვრები დაკბინადღეს ოზურგეთის აგრარულ ბაზარში ძაღლმა მოქალაქე დაკბინა. მელექედურელი მამაკაცი ბევრს ეცადა, ძაღლი მოეშორებინა, თუმცა, ცხოველის მოსაგერიებლად  ვერც ირგვლივ შემოკრებილი ხალხი აღმოჩნდა საკმარისი და სამაშველო სამსახრური გამოიძახეს. ბაზარში მომუშავე ქალბატონი მანანა ფერცულიანი ამბობს, რომ ახლახან ის დაკბინა მიუსაფარმა ძაღლმა და დღემდე მკურნალობას გადის. _ ამ მიუსაფარ ძაღლებს დღეში რამდენჯერ ვაჭმევ, არ ვიცი. მაინც მე დამკბინეს. რა უნდა ვქნა? ვინმემ თუ არ მოაგვარა ეს საკითხი, კარგად არ დასრულდება ამ ძაღლების პარპაში. ახლახან რომ ბავშვი დაკბინა, მთელმა ოზურგეთმა იცის, _ გვითხრა მანანა ფერცულიანმა. ოზურგეთის სერვისცენტრის უფროსმა თენგიზ ქუტიძემ „გურია ნიუსთან“ თქვა, რომ ძაღლი, რომელმაც მოქალაქე დაკბინა, იდენტიფიცირებულია და მალე გადაიყვანენ თავშესაფარში. _ ბაზარი კერძო ტერიტორიაა  და თუ იქედან ოპერატიულად მოგვმართავენ ასეთ დროს, ჩვენ რეაგიებას არ დავაყოვნებთ, _ გვითხრა მან. ვრცლად ოზურგეთში მოხეტიალე მიუსაფარი ძაღლების, მათ მიერ მიყენებული დაზიანებების და მათზე ზრუნვის შესახებ,  სტატიას უახლოეს საგაზეთო ნომერში ... ...
  • „გალტ ენდ თაგარტმა“ კვლავ წარმატებით განათავსა „საქართველოს სალიზინგო კომპანიის“ 10 მილიონი აშშ დოლარის 2-წლიანი ობლიგაციები...სს „გალტ & თაგარტმა“ კიდევ ერთხელ უზრუნველყო შპს „საქართველოს სალიზინგო კომპანიის“ 10 მილიონი აშშ დოლარის ღირებულების, 2 წლიანი ობლიგაციების წარმატებით გამოშვება. ეს „საქართველოს სალიზინგო კომპანიისთვის“ რიგით მეოთხე ემისიაა, რაც კომპანიის სტაბილურობაზე, ინვესტორების მხრიდან ნდობის მაღალ ხარისხზე და ზოგადად, კომპანიის მზარდ ტენდენციებზე მეტყველებს.  „საქართველოს სალიზინგო კომპანია“ მომხმარებელს უკვე მეოთხედ აძლევს შესაძლებლობას, დააბანდოს თავისუფალი ფულადი სახსრები კომპანიის მიერ გამოშვებულ ობლიგაციებში. ფასიანი ქაღალდის წლიური ფიქსირებული განაკვეთი შეადგენს 7,5%-ს, უახლოეს მომავალში კომპანია გეგმავს აღნიშნული ფასიანი ქაღალდების დაშვებას ადგილობრივი საფონდო ბირჟის სავაჭრო სისტემაში და შესაბამისად, მოხდება დარიცხული პროცენტის გათავისუფლება გადასახადებისაგან, რაც კიდევ უფრო მიმზიდველს გახდის აღნიშნულ ფასიან ქაღალდებს ინვესტორებისთვის. ობლიგაციების ვადა შეადგენს 2 წელს და მისი სრულად დაფარვა მოხდება 2021 წლის 9 აგვისტოს. განთავსების აგენტი, როგორც ყველა წინა შემთხვევაში, აქაც „გალტ & თაგარტია“.  „მოხარულები ვართ, რომ “საქართველოს სალიზინგო კომპანიამ“ კიდევ ერთხელ, უკვე მეოთხედ, წარმატებით განათავსა ობლიგაციები ადგილობრივ ბაზარზე. ობლიგაციებზე მოთხოვნამ ჩვენს მოლოდინს გადააჭარბა, რაც ძალიან სასიხარულოა რადგან ეს, რა თქმა უნდა, ჩვენი კომპანიის ძალიან მაღალ სანდოობაზე და „გალტ & თაგარტის“ მაღალ პროფესიონალიზმზე მეტყველებს. გვემაყება ის ფაქტიც, რომ ჩვენი და „გალტ & თაგარტის“ თანამშრომლობა უკვე წლებია ასე წარმატებულად გრძელდება“ , - განაცხადა საქართველოს სალიზინგო კომპანიის გენერალურმა დირექტორმა, ელდარ ახვლედიანმა.  „მოხარული ვარ, აღვნიშნო „გალტ & თაგარტის“ როლი „საქართველოს სალიზინგო კომპანიის“ ობლიგაციების წარმატებით განთავსებაში. კიდევ ერთი წარმატებული განთავსება მეტყველებს, როგორც „საქართველოს სალიზინგო კომპანიის“ სანდოობაზე, ისე, ზოგადად საქართველოში მსგავს ტრანზაქციებზე ინვესტორების მხრიდან ნდობის ზრდაზე, რაც ქვეყნის ეკონომიკისთვის ძალიან მნიშვნელოვანია, რადგან ეს არის კომპანიებისთვის დაფინანსების კიდევ ერთი მეტად ხელსაყრელი წყარო. მინდა მივულოცო „გალტ & თაგარტის“ მთელ გუნდს, რომელიც საკუთარი  გამოცდილებისა და პროფესიონალიზმის წყალობით, გახდა საინვესტიციო-საბანკო მომსახურების მიმწოდებელი წამყვანი კომპანია ქვეყანაში“, - განაცხადა „გალტ & თაგარტის“ მმართველმა დირექტორმა - ოთარ შარიქაძემ. ... ...
  • თავდასხმა საქართველოს ბანკზე _ პოლიციამ ერთი პირი დააკავაშინაგან საქმეთა სამინისტროს თბილისის პოლიციის დეპარტამენტის ძველი თბილისის სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, თბილისში „საქართველოს ბანკზე“ ყაჩაღური თავდასხმის ფაქტი გახსნეს, დაკავებულია 1 პირი - 1994 წელს დაბადებული ვ.გ. დანაშაული 5-დან 7 წლამდე ვადით თავისუფლების აღკვეთას ითვალისწინებს. გამოძიებით დადგენილია, რომ ბრალდებული მიმდინარე წლის 8 აგვისტოს, თბილისში, ჩიტაიას ქუჩაზე მდებარე „საქართველოს ბანკის“ ექსპრეს ფილიალს ყაჩაღურად თავს დაესხა, იარაღის მუქარით გაიტაცა ფული (დაახლოებით 10 000 (ათი ათასი) ლარის ოდენობით) და მიიმალა. სამართალდამცველებმა დაადგინეს დანაშაულის ჩამდენი პირის ვინაობა და მომხდარიდან რამდენიმე დღეში იგი თბილისში დააკავეს. პოლიციამ ვ.გ.-ს დროებითი საცხოვრებელი სახლიდან ნივთმტკიცებად ამოიღო ტანსაცმელი, რომელიც მას ბანკის დაყაჩაღების დროს ეცვა, სახლის სხვენიდან კი ამოღებულია დანაშაულის ჩადენის იარაღი, რომელზეც დანიშნულია შესაბამისი ექსპერტიზა. ბრალდებული დანაშაულს აღიარებს. ყაჩაღობის და იარაღის უკანონო შეძენა-შენახვა-ტარების ფაქტზე გამოძიება საქართველოს სისხლის სამართლის კოდექსის 179-ე მუხლის 1-ლი, ასევე, 236-ე მუხლის მე-3 და მე-4 ნაწილებით მიმდინარეობს. მიმდინარე წელს შინაგან საქმეთა სამინისტრომ დედაქალაქსა და საქართველოს რეგიონებშიში ბანკებზე ყაჩაღური თავდასხმის 4 ფაქტი გახსნა, დაკავებული და პასუხისგებაში მიცემულია 8 პირი. 3 ფაქტზე ინტენსიურ რეჟიმში გრძელდება საგამოძიებო-ოპერატიული ... ...
  • გაზრდილი მგზავრთა ნაკადის მომსახურების მიზნით დამატებითი მატარებელი ინიშნება (R)საკურორტო სეზონზე, გაზრდილი მგზავრთნაკადის  მომსახურების მიზნით, 18 აგვისტოს „საქართველოს რკინიგზა“   თბილისიდან და  ბათუმიდან ორივე  მიმართულებით, სამგზავრო მატარებელს ამატებს.   მატარებელი  იმოძრავებს  შემდეგი განრიგით:  18/08/2019    თბილისი - ბათუმი -  თბილისი   №888/887   გასვლა- თბილისი   ჩასვლა-ბათუმი  გამოსვლა-ბათუმი   ჩამოსვლა- თბილისი 09:05 14 :42 18:30 00:07    შეგახსენებთ, რომ ბილეთების შეძენა შესაძლებელია Georgian Railway Tickets მობილური აპლიკაციით. მობილურ აპლიკაციას აქვს უნიკალური შესაძლებლობა, აირჩიოთ სასურველი ადგილები მატარებელში.  ბილეთები იყიდება  ასევე  ვებ გვერდებზე  (Railway.ge; tkt.ge; Biletebi.ge; matarebeli.ge) ; სწრაფი გადახდის აპარატებსა  და საბილეთო სალაროებში.  საქართველოს რკინიგზა ბედნიერ და კომფორტულ მგზავრობას  ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...