"რელიგიური დაპირისპირება პანკისს სიკეთეს არ მოუტანს"

პოლიტიკა

"რელიგიური დაპირისპირება პანკისს სიკეთეს არ მოუტანს"

2012 დეკ 15 13:03:08
როგორც საბჭოს ახლად არჩეულმა თავმჯდომარემ, 84 წლის სოსო ქავთარაშვილმა "გურია ნიუსს" განუცხადა, საბჭოს აღდგენით ახალი ხელისუფლებაა დაინტერესებული. საბჭოს შემადგენლობაში ე.წ. ვაჰაბიტიც შეიყვანეს _ ომარ ხანგოშვილი ამბობს, რომ ის მზადაა საბჭოსა და ვაჰაბიტებს შორის შუამავლის როლი შეასრულოს.

უხუცეს კაცთა შეკრებას ორგანიზება არასამთავრობო ორგანიზაცია "კახეთის რეგიონული განვითარების ცენტრმა" გაუწია. ცენტრის იურისტი ანი იმედაშვილი ამბობს, რომ ხეობაში უფროსის პატივისცემის ტრადიცია ნელ-ნელა მოიშალა და მისი აღდგენაა საჭირო: "დღეს თაობებს შორის კომუნიკაცია, ფაქტობრივად, აღარ არსებობს. თუ ადრე მამა და შვილები ერთად სხდებოდნენ პრობლემის გადასაჭრელად, დღეს ახალგაზრდა თაობა უფროსებს აღარ უსმენს. ამიტომ ვფიქრობთ, რომ ამ საბჭოს შეკრება და ფუნქციონირება ძალიან მნიშვნელოვანია ტრადიციებით და მთის კანონებით მცხოვრები ხალხისათვის. საბჭო დაკომპლექტებულია ისეთი ადამიანებით, რომლებსაც გვარში ყველაზე დიდი ავტორიტეტი აქვთ. ვფიქრობთ, რომ უმცროს-უფროსობის წესი ხეობაში არ უნდა მოიშალოს."

უხუცესთა საბჭოს პანკისის ხეობაში მცირე უთანხმოებების მოგვარება ევალება პოლიციისა და სასამართლოს ჩარევის გარეშე: "დღევანდელ კრებაზე საბჭოს თავმჯდომარე და წევრები ავირჩიეთ. ამის შემდეგ კი გამგეობის 10-კაციანი წარმომადგენლობა აირჩევა. ცვლილება წესდებაშიც შევიდა, საბჭოს თავმჯდომარის არჩევა ყოველ ორ წელიწადში ერთხელ მოხდება. მგონია, რომ საბჭოს მუშაობა ეფექტური იქნება. ჩვენ ტრადიციული ხალხი ვართ და თუ ხელშეწყობაც იქნება ხელისუფლებისგან, ეს, რა თქმა უნდა, სასიკეთოდ წაადგება ხეობას," _ ამბობს "გურია ნიუსთან" საუბარში ახმეტის რაიონის გამგებლის მოადგილე მათე ქავთარაშვილი.

ახმეტის საკრებულოს თავმჯდომარის ყოფილი მოადგილე, ნაციონალი ჯარაფ ხანგოშვილი აცხადებს, რომ ხეობაში ცივილიზაციის შეჭრა საფრთხეს უქმნის ტრადიციებს: "უხუცესთა საბჭო აქ ყოველთვის არსებობდა, მაგრამ რაც აქ ცივილიზაცია იჭრება, კარგი ტრადიციებიც იკარგება. საბჭოს მიზანი ამ ტრადიციების შენარჩუნება უნდა იყოს."

პანკისელთა ერთი ნაწილი ფიქრობს, რომ უხუცესთა საბჭო ხეობაში ძველ გავლენას ვერ დაიბრუნებს, რადგან ახალგაზრდების უმრავლესობა ვაჰაბიზმის მიმდევარია და მხოლოდ იმამს ემორჩილება. გარდა ამისა, საბჭოს ისტორიაში რამდენიმე არაობიექტური გადაწყვეტილებაა. მოსახლეობა საბჭოს წევრებს უმოქმედობაშიც ადანაშაულებს _ დუისის მკვიდრი ასმათ ალხანაშვილი ამბობს, რომ რამდენიმე თვის წინ, სოფელ საკობიანოში მომხდარი ინციდენტთან დაკავშირებით დახმარება უხუცესთა საბჭოს წევრებს სთხოვა, თუმცა, ისინი ამ საქმეში არ ჩარეულან.

"თუ ახლად არჩეული საბჭო ისევე მოიქცევა, როგორც ძველი, მაშინ ის ავტორიტეტს ვერ დაიბრუნებს," _ ამბობს ასმათი "გურია ნიუსთან" საუბარში.

უხუცესთა საბჭოს მუშაობაში ახალი თაობის ჩართვის აუცილებლობაზე საუბრობს საბჭოს თავმჯდომარე სოსო ქავთარაშვილი: "ახალი თაობის ჩართვის გარეშე ჩვენს მუშაობას აზრი არა აქვს. ისინიც გვერდში უნდა გვედგნენ ისეთი პრობლემების მოგვარებისას, როგორიცაა ქალის გატაცება, შუღლი ოჯახებს შორის, ქონებრივი დავა. პანკისი ყველა რეგიონისთვის წესიერების მაგალითი უნდა გახდეს".

ომარ ხანგოშვილი ადგილობრივი იმამის მამა და ვაჰაბიზმის აქტიური მიმდევარია, ის ერთადერთი ვაჰაბიტია, რომელიც უხუცესთა საბჭოში შევიდა: "არ მგონია, ჩემს იქ მისვლას ჩვენს რელიგიურ მიმდევრებს შორის უკმაყოფილება გამოეწვია. გააჩნია, საბჭოში რა საკითხებზე იქნება საუბარი. ახლა თუ ეგენი ჩამოსხდებიან და ვაჰაბიტებზე ილაპარაკებენ ის მაინც გვეცოდინება, რა განზრახვა აქვთ. მე, ფაქტობრივად, შუამავლის როლი მეკისრება ვაჰაბიტებსა და საბჭოს შორის. თუ საბჭოს გადაწყვეტილება ჩვენს რელიგიურ მიმდევრებს არ მოეწონებათ, ან პირიქით _ საბჭო არ მოიწონებს ჩვენს რომელიმე ქმედებას, მე შევეცდები ეს საკითხი დავარეგულირო," _ ამბობს ომარ ხანგოშვილი.

"უხუცესთა საბჭოში ვაჰაბიზმთან საბრძოლველად შევედი, _ ამბობს საბჭოს ერთ-ერთი წევრი, რომელიც ვინაობას შეგნებულად არ ასახელებს, _ "იმედი მაქვს, საბჭო მალე ჩამოაყალიბებს გეგმას, არა მარტო ხეობიდან, არამედ მთელი საქართველოდან ამ რელიგიური მიმდინარეობის განდევნის შესახებ. ამ საბჭოში ჩემი შესვლის მიზანი მხოლოდ ეს არის" .

დუისის ყოფილი რწმუნებულის მერაბ ქავთარაშვილის თქმით, მოსახლეობის 80% ვაჰაბიტია და რელიგიური დაპირისპირება ხეობას სიკეთეს არ მოუტანს: "დიდი სიფრთხილეა საჭირო, აქ ერთ ვაჰაბიტს რომ რამე აწყენინო, ათასი დაუდგება უკან. აქაურობის აფეთქებას დიდი მცდელობა არ სჭირდება. ასე რომ, სიფრთხილე მართებს არა მარტო უხუცესთა საბჭოს, არამედ სოფლის ახალ რწმუნებულსაც".

უხუცესები საბჭოში ქალების გაერთიანებასაც გეგმავდნენ, თუმცა, ეს მომავლის პერსპექტივა აღმოჩნდა. ამ იდეას თავად ქალებშიც ჰყავს მოწინააღმდეგეები.




 ახალი ამბები
  • საოკუპაციო რეჟიმის მიერ დაკავებული ექიმის ე.წ. სასამართლო პროცესი დღეს იგეგმებაცხინვალის საოკუპაციო რეჟიმის მიერ დაკავებული ექიმის, ვაჟა გაფრინდაშვილის ე.წ. სასამართლო პროცესი დღეს ახალგორში უნდა გაიმართოს.  ის უკვე თვეზე მეტია, ცხინვალის იზოლატორში პატიმრობაში იმყოფება. ოკუპანტები გაფრინდაშვილს  ე.წ. საზღვრის კვეთაში ადანაშაულებენ, თუმცა, ექიმი ბრალს არ აღიარებს და ამბობს, რომ საქართველოს ტერიტორიაზე საზღვრებს არ ცნობს. საქართველოს ადვოკატთა ასოციაციის თავმჯდომარის, დავით ასათიანის ინფორმაციით, ამ პროცესზე ადვოკატი ქართველი ექიმის დაუყონებლივ გათავისუფლების შესახებ შუამდგომლობას დააყენებს. „ჩვენ გვაქვს აქტიური კომუნიკაცია ადვოკატთან, რომელიც ოჯახის თხოვნით ავიყვანეთ. მან რამდენჯერმე მოინახულა ვაჟა გაფრინდაშვილი ცხინვალის იზოლატორში. მისი ინფორმაციით, დღეს, 15:00 საათზე არის ჩანიშნული პროცესი ე.წ. სასამართლოში. ეს არის პირველი სასამართლო სხდომა. ჩვენ ყველას იმედი გვაქვს, რომ უკანონო პატიმრობა, რომელშიც ქართველი ექიმი თვეზე მეტია, იმყოფება, სწორედ დღევანდელ პროცესზე დასრულდება და ის აბსურდული ბრალი, რაზეც არის საუბარი, საბოლოო ჯამში მისი უპირობო გათავისუფლებით დასრულდება. ე.წ. პროცესზე ადვოკატი აპირებს იშუამდგომლოს, რომ გათავისუფლდეს ექიმი პატიმრობიდან და გამარტივებული წესით მოხდეს მისი საკითხის განხილვა. შეიძლება, იყოს ადმინისტრაციული გარკვეული სახის ფულადი ჯარიმაც გამოყენებული“, – ამბობს ... ...
  • 49 ტონა კარტოფილში მავნე ორგანიზმები აღმოჩნდაშემოსავლების სამსახურის ინფორმაციით, საბაჟო გამშვებ პუნქტ „სარფში“ თურქეთის მხრიდან 49 ტონა სასურსათო კარტოფილი შემოვიდა და კვლევის შედეგად, პროდუქტში საკარანტინო ობიექტის, კარტოფილის რგოლური სიდამპლის (Clavibacter Michiganensis Subsp. Sepedonicus) არსებობა დადასტურდა. შემოსავლების სამსახურის ინფორმაციითვე, აღნიშნული ტვირთი, უკან, ექსპორტიორ ქვეყანაში გაბრუნებას ... ...
  • მძიმე ბრალდებები- დაპირისპირება სამტრედიის საკრებულოს სხდომაზე ამ წუთებში ხმაურია სამტრედიის მუნიციპალიტეტის საკრებულოს რიგგარეშე სხდომაზე, სადაც 2020 წლის ბიუჯეტს განიხილავენ. დღის წესრიგით გათვალისწინებული 40 საკითხიდან, ჯერ  2 საკითხი არ იყო განხილული, როდესაც ოპოზიციამ სიტყვა მოითხოვა და ადგილობრივი ხელისუფლება თბილისში ბიუჯეტზე დამოკიდებული თანამშრომლების აქციაზე წაყვანის ძალდატანებაში დაადანაშაულა. „ერთიანი ნაციონალური მოძრაობის“ სამტრედიის რაიონული ორგანიზაციის თავმჯდომარემ ემზარ შუბლაძემ ხელი პირდაპირ დაადო კეთილმოწყობის უფროსს, ელგუჯა კალაძეს, რომელიც, თითქოსდა, თანამშრომლებს სამსახურიდან გაგდებით აშინებს. ოპოზიციის ბრალდება კატეგორიულად უარყო ელგუჯა კალაძემ. მან ემზარ შუბლაძე თათბირზე მიიწვია და პირობა დადო, რომ თუ ერთი თანამშრომელი მაინც დაადასტურებს უფროსის მხრიდან დაშინების ფაქტს, თანამდებობას ... ...
  • "დასაკარგი დრო არ გვაქვს"- პატარა ლიზის ხალხის დახმარება სჭირდება7 წლის ლიზიკო ტყეშელაშვილს დახმარება სჭირდება. როგორც „გურია ნიუსს“ ლიზიკოს მშობლებმა უთხრეს, ბავშვს 2 წლის წინ ანგინა დაემართა, რის შემდეგაც სიცხეები და ღებინება დარჩა, ექიმები სხვადასხვა აზრს გამოთქვამდნენ, მაგრამ ცოტა ხნის წინ შეიტყვეს, რომ ბავშვს თავის ტვინის  ავთვისებიანი სიმსივნე აქვს. ექიმები ამბობენ, რომ საქართველოში ოპერაცია ძალიან დიდ რისკებთან არის დაკავშირებული და ლიზის სჭირდება ოპერაცია გერმანიაში. საზღვარგარეთ ოპერაცია კი  სოლიდურ თანხებთან არის დაკავშირებული და  ოჯახს ამის საშუალება არ აქვს. „ძალიან გვჭირდება თითოეული თქვენგანის დახმარება, ვინაიდან 7 წლის ლიზის აღმოაჩნდა თავის ტვინის ავთვისებიანი სიმსივნე რამდენიმე ადგილას. ორი წლის წინ ლიზის აღმოაჩნდა ანგინა, რომელმაც დაუტოვა დაბალი სიცხეები და ღებინება. ექიმები აფიქსირებდნენ სხვადასხვა აზრს, თუმცა, საბოლოო შედეგს თუ რის გამო იყო ლიზი ამ მდგომარეობაში ვერავინ გვეუბნებოდა.   ამის გამო გადავწყვიტეთ გადაგვეღო მაგნეტო რეზონანსული ტომოგრაფია თავზე  და გავიგეთ ამ დიაგნოზის შესახებ. ლიზიკოს სასწრაფოდ ესაჭიროება ოპერაცია გერმანიაში, დაგვიანების შემთხვევაში საფრთხე ემუქრება მის სიცოცხლეს. ექიმები ვარაუდობენ, რომ ოპერაციის დაგვიანების შემთხვევაში დიდი ალბათობაა, რომ ბავშვი დაინვალიდდეს და მხედველობა დაკარგოს. ველოდებით კალკულაციას გერმანიის კლინიკებიდან, მაგრამ დასაკარგი დრო არ გვაქვს და ვიწყებთ თანხის შეგროვებას. დაახლოებით 200 000 ევროა საჭირო ოპერაციის ჩასატარებლად. გთხოვთ, გამოვიჩინოთ გულისხმიერება და დავეხმაროთ ლიზის გამოჯანმრთელებაში. ანგარიშის ნომერი: თიბისი ბანკი: GE63TB442345061100041 საქართველოს ბანკი: GE92bg0000000756736700 მიმღები თეა ნოზაძე. წინასწარ მადლობას გიხდით და გთხოვთ გაითვალისწინოთ პატარა ლიზის მდგომარეობა“,_ ამბობენ პატარა ლიზიკოს ოჯახში. ... ...
  • უკანონო ნადირობა წითელ ნუსხაში შეტანილ კავკასიურ მურა დათვის ბელზეგარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ახალციხის მუნიციპალიტეტში უკანონო ნადირობის ფაქტი გამოავლინეს. მოქალაქემ, სოფელ ტყემლანას მიმდებარედ, გაუფორმებელი იარაღით მოინადირა წითელ ნუსხაში შეტანილი კავკასიური მურა დათვის ბელი, რომლის წონამ 30 კგ. შეადგინა. სამართალდამრღვევი ნანადირევის ტრანსპორტირებას ავტომანქანით ორ თანმხლებ პირთან ერთად ახდენდა. იგი იარაღითა და ნანადირევით გაქცევას შეეცადა, მაგრამ გარემოსდაცვითი ზედამხედველობის დეპარტამენტის, სამცხე-ჯავახეთის რეგიონული სამმართველოს თანამშრომლებმა მიმალვის საშუალება არ მისცეს. სამართალდამრღვევმა ჩადენილი დანაშაული აღიარა. ... ...

არქივი

ზაფრანი

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...

2020 წლის ჩინური ჰოროსკოპი

ჩინური ჰოროსკოპი ცხოველთა 12 ნიშანს...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...