ვინ არის აჭარის მთავრობის ”რუხი კარდინალი”

gurianews.com

პოლიტიკა

ვინ არის აჭარის მთავრობის ”რუხი კარდინალი”

2013 იან 10 22:30:58

"ყველა გადაწყვეტილებას სამსახურში მიღება-არ მიღებაზე, გაშვება-არ გაშვებაზე, რომელიც  მთავრობის საქვემაუწყებო დაწესებულებებში ხდება, იღებს ირაკლი ჭეიშვილი. დღეის მდგომარეობით, იგი რუხი კარდინალია აჭარის მთავრობაში" - ამბობს ლეიბორისტული პარტიის აჭარის ორგანიზაციის ხელმძღვანელი დავით რობაქიძე.

"ირაკლი ჭეიშვილის მეჯვარე იყო მთავრობის ახლანდელი თავმჯდომარე არჩილ ხაბაძე. შესაბამისად, ირაკლის გავლენა  აჩიკოზე ძალიან დიდია. ის არის რუხი კარდინალი თუ არ არის, კანონით აპარატის უფროსი ვალდებულია გააკეთოს ის, რასაც აკეთებს. მხედველობაში მაქვს განცხადება, გაფრთხილება და ა.შ." - ამბობს რობაქიძე.

" რაიონების გამგებლები რატომ გააფრთხილა ხაბაძემ დაეწერათ განცხადებები?  ეს მართალი ამბავია. შემდეგ კი უარყვეს, მაგრამ მართლა უთხრა ხაბაძემ, დაწერეთ განცხადება და წადითო. როდესაც ეს უნდა გაეკეთებინა ბატონ ჭეიშვილს. მისი კომპეტენციაა" _ აღნიშნავს რობაქიძე ჩვენთან საუბრისას.

"გურია ნიუსი" ირაკლი ჭეიშვილს ესაუბრა. იგი უარყოფს, რომ გადაწყვეტილებებს საკადრო საკითხებზე თავად იღებს. მისი განცხადებით გადაწყვეტილებებს მთავრობის თავმჯდომარე იღებს.

_  ამბობენ, რომ საკადრო გადაწყვეტილებებს თქვენ იღებთ და კონკრეტულ ადამიანებს ლობირებთ.

_ ერთი მაგალითი მინდა ისეთი, რომ მითხრან ვის ვლობირებ, ან ვინ ავიყვანე ისეთი, ვისი აყვანაც საკუთარ თავზე ავიღე. ერთს გეტყვი რა ტარიელ, ჩემო კარგო, კონკრეტულად ვილაპარაკოთ. კონკრეტული შეკითხვები თუ იქნება, კონკრეტულ პასუხს გაგცემ. მე ვფიქრობ, თქვენთვისაც უკეთესი იქნება. ბევრს არ ვილაპარაკებ.

რაც შეეხება მთავრობის თავმჯდომარეს, აჭარას ჰყავს ერთი და შესაბამისად, ბატონი არჩილი იღებს გადაწყვეტილებას. მე თუ ახლა ვინმეს რეკომენდაციას გავუწევ, არის მაგალითად რამდენიმე ვარიანტი, რამდენიმე ადამიანი, რომელიც ამა თუ იმ სამსახურის თანამდებობაზე განიხილება. მე ვხდები ამ ადამიანებს, რა თქმა უნდა, ვესაუბრები, სივებს მოიტანენ თუ სხვა ფორმით არ აქვს მნიშვნელობა, მერე მთავრობის თავმჯდომარეს ვაწვდი ინფორმაციას, თუ დაინტერესებას გამოთქვამს, შევახვედრებ იმ ადამიანს. შესაბამისად, ამის შემდეგ ხდება იმ ადამიანის თანამდებობაზე დანიშვნა" - ამბობს ჭეიშვილი.

ირაკლი ჭეიშვილი ნათესაობით დანიშვნების საკითხებსაც შეეხო. მისი თქმით, არც  მას და არც მთავრობის თავმჯდომარეს სამსახურებში ადამიანები ნათესაობით არ მიუყვანიათ. ჭეიშვილი თავისი უფლებამოსილების ფარგლებში ადამიანების დანიშვნა-გათავისუფლებაზეც საუბრობს. აპარატის უფროსის თქმით, იგი მხოლოდ ვიზირებას და ბრძანების მომზადებას აწარმოებს, ბრძანებებზე კი ხელს ხაბაძე აწერს.

" შესაბამისად, საკადრო პოლიტიკაში  ვთქვა, რომ მე ვწყვიტავ,  მე ვერ ვწყვიტავ. ჩემს რეკომენდაციებს, ნომერ პირველი, რა თქმა უნდა, ითვალისწინებს მთავრობის თავმჯდომარე" _ აცხადებს ჭეიშვილი.

"123 კაციდან გაშვებული მყავს 20 კაცი. ისიც ლევანის უფლებამოსილების ვადით იყვნენ დანიშნულები. ასეთია კანონი. ხვალ რომ არჩილ ხაბაძე აღარ იყოს მთავრობის თავმჯდომარე, მე ვარ გათავისუფლებული. არც გამჭირვებია ადამიანების გაშვება, სიმართლე გითხრა. არავისთან  მივსულვარ და არ მითქვამს, რომ სამსახურიდან უნდა წახვიდეო. ვინც ხელმძღვანელ რანგში იყო, გათავისებული ჰქონდა, რომ უნდა წასულიყო. მეტს გეტყვი, განთავისუფლებული თანამშრობლებიდან 80% ალბათ სადღაც გადავიყვანე ან დავასაქმე, ან სამომავლოდ სადღაც რაღაცას მოვუძებნი. მაგალითად, ეკა დავითაძე პრესსამსახურიდან გადავიყვანეთ რადიო "აჭარაში". იყო ერთი არქივის ბიუროში მოადგილე, გადავიყვანეთ მერიაში".

ირაკლი ჭეიშვილს არჩილ ხაბაძესთან მეჯვარეობის შესახებაც ვკითხეთ. მისი თქმით, ხაბაძე პოლიტიკაში რამდენიმე თვეა მოვიდა, ხოლო თვითონ 2004 წლიდან პოლიტიკაშია:

"შეიძლება მთავრობის თავმჯდომარე სხვა ყოფილიყო, მაგრამ მე მაინც ვყოფილიყავი თანამდებობაზე. მეჯვარეობა რა შუაშია? მეზობლები ვართ. ერთი ღობე გვყოფს. 31 წელია ერთმანეთს ვიცნობთ. რა შუაშია მეჯვარეობა? მეგობრები ვართ, ძმაკაცები ვართ, თანამოაზრეები ვართ. მე ორი მეჯვარე მყავდა. სულხან ღლონტიც არის ჩემი მეჯვარე. იმას რატომ არ მეკითხებით სულხან ღლონტი შენი მეჯვარე ყოფილაო?" (სულხან ღლონტი აჭარის უმაღლესი საბჭოს დეპუტატია. ავტ.) _ აცხადებს ირაკლი ჭეიშვილი.

აჭარის მთავრობის აპარატის უფროსს მის მიმართ გამოთქმული ტერმინის "რუხი კარდინალის" შეფასება ვთხოვეთ.

"არა, რა რუხი კარდინალი. აქ კოლექტიურ გადაწყვეტილებებს ვიღებთ. ყოველ შემთხვევაში, რეკომენდაციებს როცა ვუწევ ადამიანს, მარტო მე არ ვუწევ. აქ არის დეპარტამენტების ხელმძღვანელები და კოლექტიურად ვღებულობთ გადაწყვეტილებებს. იცი, მე რამდენი ადამიანი შევთავაზე? მათგან რამოდენიმე ადამიანია დაკმაყოფილებული".

ირაკლი ჭეიშვილი ბოლო დროს "თავისუფალ დემოკრატების" წევრი იყო. 2010 წლის ადგილობრივი თვითმმართველობის არჩევნებში ბათუმში, ბონი-გოროდოკის ოლქში იყრიდა კენჭს, თუმცა არჩევნები წააგო. მანამდე, აჭარის წინა მთავრობის დროს, ლევან ვარშალომიძის მასმედიასთან ურთიერთობის განყოფილებაში მუშაობდა. აღნიშნული თანამდებობა 2009 წლის 14 თებერვალს დატოვა და ოპოზიციაში გადაინაცვლა. ვარშალომიძესთან მუშაობამდე კი იგი ბათუმის მერიაში, თავართქილაძესთან  თანაშემწედ მუშაობდა. ირაკლი ჭეიშვილი საქართველოში "ვარდების რევოლუციაში", ხოლო უკრაინში "ნარინჯისფერ რევოლუციაში" აქტიურად მონაწილეობდა.


ნახვა: 2022


 ახალი ამბები
  • მიხეილ სააკაშვილი მეუფე იოსების განცხადებას ეხმაურება: 20 წელია ვიცნობ და პატივს ვცემშემოქმედელი მიტროპოლიტის, მეუფე იოსების მიერ გუშინ გავრცელებულ განცხადებას, რომელშიც მან სალომე ზურაბიშვილი იუდას შეადარა და აღნიშნა, რომ მისი გაპრეზიდენტება არ შეიძლება, საქართველოს ყოფილი პრეზიდენტი ეხმაურება: _ 20 წელია ვიცნობ და დიდ პატივს ვცემ. ძალიან უყვართ გურიაში, _ ამ ტექსტით ავრცელებს მიხეილ სააკაშვილი მეუფე იოსების განცხადებას. ამავე თემაზე: "მე ეკლესია ვარ და არ ვარ ვალდებული ინფორმაცია მოგაწოდოთ" _ ბიუჯეტის თანხები ეპარქიის ანგარიშზე, რომელსაც არავინ აკონტროლებს მეუფე იოსების პირად საკუთრებაში არსებული მილიონზე მეტად შეფასებული ... ...
  • „დაპირისპირება" ეკლესიასა და „ქართულ ოცნებას" შორის არის თითიდან გამოწოვილი გზავნილი _ კობახიძე„ეკლესია არ ერევა სახელმწიფოს საქმეებში-ეს არის, პირველ რიგში, თავად ეკლესიის პოზიცია და უმნიშვნელოვანესი პრინციპი, რომლითაც ხელმძღვანელობს ეკლესია და ეს გამოიხატა, ასევე, პატრიარქის განცხადებაში",- ამის შესახებ საქართველოს პარლამენტის თავმჯდომარემ განაცხადა. ირაკლი კობახიძე საქართველოს კათოლიკოს-პატრიარქ  ილია II-ს მადლობას უხდის. „პირველ რიგში, მინდა აღვნიშნო, რომ ეკლესია, რა თქმა უნდა, უნდა იყოს ნეიტრალური და ზუსტად ეს არის ასახული პატრიარქის განცხადებაში, უნდა იყოს საარჩევნო პროცესებიდან, რა თქმა უნდა, არსებითად გამიჯნული ეკლესია და საპატრიარქო და ეს იყო ზუსტად ამ განცხადების პათოსი და მე მინდა, მადლობა კიდევ ერთხელ გადავუხადო, რა თქმა უნდა, პატრიარქს ამ განცხადებისთვის. ეს არის ბუნებრივია, ის პრინციპი, რომლითაც უნდა ვიხელმძღვანელოთ თითოეულმა ჩვენგანმა. იყო რამდენიმე მცირე გადახვევა ამ პრინციპიდან, თუმცა, ეს არ ცვლის, რა თქმა უნდა, საპატრიარქოს სულისკვეთებას, პატრიარქის სულისკვეთებას, ჩვენ მოვისმინეთ რამდენიმე განცხადება სასულიერო პირების მხრიდან, რომელიც უკავშირდებოდა არჩევნებს და ეს, ალბათ, არ არის სწორი. შესაბამისად, ეს იყო რეაგირება, პატრიარქს ჰქონდა, ბუნებრივია, ამაზე რეაგირება და ეს არის, რა თქმა უნდა, ყველას საერთო სულისკვეთება. ჩვენ, კიდევ ერთხელ მინდა გავიმეორო, რომ ვმოქმედებთ იმ ინტერესების შესაბამისად, რომელიც არის ჩვენთვის საერთო და ეკლესიის საზოგადო ინტერესები და ხელისუფლების საზოგადო ინტერესები არის, ბუნებრივია, საერთო - ეს არის საზოგადოების განვითარების ინტერესი, ეს არის სახელმწიფოს განვითარების ინტერესი და ეს არის პოლიტიკური პროცესების სამართლიანად და სწორად განვითარების ინტერესი",- განაცხადა პარლამენტის თავმჯდომარემ. რაც შეეხება „დაპირისპირებას" ხელისუფლებასა და ეკლესიას შორის, ირაკლი კობახიძის თქმით, ეს თითიდან გამოწოვილი გზავნილია, რომელსაც ის პოლიტიკური ძალები ავრცელებენ, ვინც წლებია, ეკლესიას ებრძვის.  „რაც შეეხება „დაპირისპირებას" ხელისუფლებას, ანუ „ქართულ ოცნებასა" და ეკლესიას შორის, ეს არის თითიდან გამოწოვილი გზავნილი და თქვენ იცით, ვინ ავრცელებს ამ გზავნილს და ვინ ცდილობს, ასე ვთქვათ, ამ ატმოსფეროს ხელოვნურად შექმნას: ეს არის ის პოლიტიკური ძალები, რომლებიც თვითონ ვიცით, როგორ უდგებოდნენ ეკლესიას და ვიცით, როგორი დამოკიდებულება ჰქონდათ მათ ეკლესიის მიმართ. ესენი არიან ის პოლიტიკური ძალები, რომელთათვისაც ადამიანის ღირსების შელახვა იყო ჩვეულებრივი მოვლენა და ეს არის ყველაზე დიდი ქრისტიანული სიკეთე, რაც არსებობს და ეს არიან ის პოლიტიკური ძალები, რომლებიც უკვე წლებია, ათწლეულზე მეტია, ებრძვიან ეკლესიას, უპირისპირდებიან  ეკლესიას და უპირისპირდებიან ადამიანის რელიგიურ გრძნობებს -  ეს არიან ეს პოლიტიკური ძალები. ისინი არიან დაპირისპირებული ეკლესიასთან, რაც შეეხება „ქართულ ოცნებას", „ქართული ოცნებისთვის" არის უმნიშვნელოვანესი იმ პრინციპების მოქმედება, რომელსაც ეფუძნება ეკლესიის მოღვაწეობა",- განაცხადა პარლამენტის ... ...
  • სიაში აღმოჩენილი პრემიერის ხელმოწერა _ საქმეს პროკურატურა იძიებსპროკურატურა ,,მოძრაობა სახელმწიფო ხალხისთვის“ მიერ  ცესკოში წარდგენილ საპრეზიდენტო კანდიდატის მხარდამჭერთა სიაში აღმოჩენილ დარღვევებს სწავლობს.   ცენტრალური საარჩევნო კომისიის ინფორმაციის მიხედვით, სიაში დაფიქსირებულია პრემიერ-მინისტრის მონაცემები და ხელმოწერა, რომელიც სრულიად განსხვავდება ცესკოში არსებულ და საჯაროდ ცნობილი ხელმოწერისგან. ასევე, ამავე პარტიის მხარდამჭერთა სიასთან დაკავშირებით  ცესკოში შესულია მოქალაქის განცხადება,  რომელშიც პირი აღნიშნავს, რომ მისი მონაცემები არაკანონიერად არის გამოყენებული. როგორც ,,გურია ნიუსს“ პროკურატურაში განუცხადეს, გამოძიება ამ ეტაპზეც მიმდინარეობს და კანონდარღვევის აღმოჩენის შემთხვევაში, პროკურატურა შესაბამის სამართლებრივ რეაგირებას მოახდენს.   „გამოძიება მიმდინარეობს და  ჯერჯერობით, დეტალებზე ვერ ვისაუბრებთ. იმ შემთხვევაში, თუ დადგინდება დანაშაული, მიღებული იქნება  შესაბამისი სამართლებრივი გადაწყვეტილება“, _ გვითხრეს პროკურატურაში. საკითხთან დაკავშირებით კომენტარი გააკეთა პარლამენტის თავმჯდომარემ. როგორც ირაკლი კობახიძემ განაცხადა, პარტიამ სიები გააყალბა, რასაც შესაბამისი პასუხი გაეცემა. ,,ეს ყველაფერი, ასევე, მიუთითებს იმაზე, რომ ,,ნაციონალური მოძრაობა“ ძალიან მძიმე და მწარე მარცხს იწვნევს ამ არჩევნებზე, რაზეც ჩვენ ვართ პასუხისმგებელი, შეგვიძლია ეს დაპირება შევასრულოთ. ფაქტი, რომ პრემიერის ხელმოწერა არის გამოყენებული სიებში, ეს მიუთითებს გაყალბების ხარისხზე. ჩვენ მივმართეთ ამ საკითხზე უწყებათაშორის კომისიას და კანონიდან გამომდინარე, ველოდებით უმკაცრეს რეაგირებას“, _ აღნიშნა კობახიძემ. ჯერჯერობით, უცნობია, დარღვევებთან დაკავშირებით, რა რეაგირება ექნება უწყებათაშორის კომისიას.   ... ...
  • "ხელი გაუქნიე იმას, ვისთვისაც ასაქნევი გაქვს“ - დაპირისპირება "ოცნების" დეპუტატებს შორის "ქართული ოცნების" დეპუტატები აკაკი ზოიძე და ლევან გოგიჩაიშვილი ერთმანეთს იურიდიულ საკითხთა კომიტეტის სხდომაზე დაუპირისპირდნენ. ხმაური სლოტ კლუბებში თამბაქოს მოწევის შესაძლო დაშვების საკითხის განხილვას მოჰყვა. სხდომაზე ლევან გოგიჩაიშვილი პრინციპულად შეეწინააღმდეგება ამ საკითხს. „საკუთარ ლოგიკას ეწინააღმდეგებით. პატარაში თუ რჩება აკრძალვა, დიდში რატომ არ რჩება? ნუ აკეთებთ ამ საქმეს, გეუბნებით მე თქვენ. კაკი, ხელი გაუქნიე იმას, ვისთვისაც ასაქნევი გაქვს“, - მიმართა გოგიჩაიშვილმა ჯანდაცვის კომიტეტის თავმჯდომარეს და დეპუტატ ლევან კობერიძეს, რაზეც აკაკი ზოიძემ უპასუხა-  „ნუ ეჭიდავებოდა რაღაც სისულელეზე“. აკაკი ზოიძის განცხადებით, მიზანი არის ის, რომ პატარა სლოტ-კლუბები შეიზღუდოს. „ყველა კორპუსის ქვეშ არის და პატარა ბავშვები შედიან. ეს არის მოტივაცია, რომ იყოს მხოლოდ დიდი სლოტ-კლუბები, სადაც უცხოელები მიდიან. ეს იქნება არაპირდაპირი შედეგი, თუმცა ჩვენი მოტივაცია ეს არ არის“, - განაცხადა ზოიძემ. სხდომაზე სიტუაცია კომიტეტის თავმჯდომარე ეკა ბესელიამ განმუხტა. შეგახსენებთ, რომ შესაძლოა, სლოტ-კლუბებში თამბაქოს მოწევა დაშვებული ... ...
  • საქართველოში მიწისძვრა მოხდასაქართველოში მიწისძვრა მოხდა. ბიძგები დედაქალაქშიც იგრძნობოდა. დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, მიწისძვრის ეპიცენტრი თბილისიდან 3 კილომეტრში, სოფელ ნორიოსთან იყო. მიწისძვრის სიმძლავრე 3 ბალი ... ...

არქივი

ზაფრანი

საიდუმლოებით მოცული ადამიანები

საუკუნეების განმავლობაში ისტორია სავსეა საიდუმლოებით...

ბრძნული ცხოვრების პრინციპები

1. გაუშვით ადამიანები და სიტუაცია....

გიგანტების სამარხი

უკვე დიდი ხანია, რაც დედამიწაზე...

მეცნიერებმა მზეზე შავი ხვრელი აღმოაჩინეს

ამერიკელმა მეცნიერებმა მზეზე შავი ხვრელი...

რა არის სიყვარული

ჯონ ლი თავის წიგნიში "The...

მეცნიერული აღმოჩენა _ მუშაობა საზიანოა!

ადამიანები, რაც უფრო მეტს მუშაობენ,...
კარმიდამო ჩემი

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...