რა შუაშია გიორგი ისაკაძე ჯოზეფ ქეის მიერ "ქართუ ბანკში" აღებულ სესხთან

პოლიტიკა

რა შუაშია გიორგი ისაკაძე ჯოზეფ ქეის მიერ "ქართუ ბანკში" აღებულ სესხთან

2013 იან 24 15:07:04

„ანატომიაში“ ძასოხოვის ბევრ სხვა აქტივთან ერთად შპს „ლოგოსის“ და ამხანაგობა „თეთრი სახლის“ შესახებაც იყო საუბარი. საინტერესოა, რომ ეს კომპანიები დღეს ბიზნესმენ გიორგი ისაკაძის სახელთან არის ასოცირებული.

გიორგი ისაკაძე გასული წლის 27 დეკემბერს საგამოძიებო სამსახურების მიერ სწორედ შპს „ლოგოსის“ და ამხანაგობა „თეთრი სახლის“ საქმიანობის შესახებ დაიკითხა, საუბარია „ქართუ ბანკი“-ს წინააღმდეგ განხორციელებულ სქემაში მონაწილეობაზე. ამ საქმესთან დაკავშირებით ანტიკორუფციულმა სააგენტომ დაკითხა ეკონომიკის ყოფილი მინისტრი ვერა ქობალია, აღსრულების სამსახურის ყოფილი უფროსი და ძველი თბილისის რაიონის დღევანდელი გამგებელი ნიკა მელია, რომელსაც შემოსავლების სამსახურის ყოფილ უფროს ჯაბა ებანოიძესთან ერთად, სასამართლომ გირაოს სანაცვლოდ გაათავისუფლა, ხოლო იუსტიციის ყოფილ მინისტრ ზურაბ ადეიშვილს წინასწარი პატიმრობა დაუსწრებლად მიესაჯა.

"ქართუ ბანკის" წინააღმდეგ განხორციელებულ სქემაში, რომელსაც გამოძიების ინფორმაციით ორგანიზებას ზურაბ ადეიშვილი უწევდა, 13 ბიზნესჯგუფი მონაწილეობდა, რომლებმაც ყოფილი ხელისუფლების წარმომადგენლებთან გარიგებაში შესვლით ბანკი 135 მილიონი ლარით აზარალეს. „გურია ნიუსმა“ უკვე გაშუქა ამ სქემაში ჩოხატაურის ყოფილი მაჟორიტარი დეპუტატის ვასილ ჩიგოგიძის მონაწილეობის შესახებ. ამჯერად კი მოვიპოვეთ ექსკლუზიური ინფორმაცია, რომელიც გიორგი ისაკაძეს ეხება.

შპს „ლოგოსის“ და ამხანაგობა „თეთრი სახლის“ დამფუძნებელს "ქართუ ბანკი" დაახლოებით 13 მილიონ ლარს ედავება. გიორგი ისაკაძის კომპანიებს „ქართუ ბანკი“-დან 5.5 მილიონი დოლარის სესხი აქვთ აღებული, დანარჩენი თანხები კი ძირ თანხაზე დარიცხული პროცენტი და საურავებია. 2011 წლის ბოლოს საგადასახადო ორგანოებმა შპს „ლოგოსის“ და ამხანაგობა „თეთრი სახლის“ მთელი ქონება, სახელმწიფოს წინაშე არსებული დახლოებით 5 მილიონიანი დავალიანების სანაცვლოდ, ეკონომიკის სამინისტროს ბალანსზე გადაიტანეს და ამ ქონების აუქციონზე გაყიდვა სცადა. თუმცა, ქონება აუქციონზე არ გაიყიდა, რის შემდეგაც ქონება თბილისის მერიის ბალანსზე გადავიდა.

თავიდანვე უნდა ითქვას, რომ გიორგი ისაკაძის შემთხვევა „ქართუ ბანკი“-ს წინააღმდეგ მოქმედი სხვა კომპანიებისგან რადიკალურად არის განსხვავებული. სქემის თანახმად ბანკის წინაშე დავალიანების მქონე კომპანიებს, „ქართუ“-ში დაგირავებული ქონება ჩამოართვეს და შემდეგ სხვადასხვა გზებით უკან დაუბრუნეს, რითაც ბანკის მიერ გაცემული სესხები უზრუნველყოფის გარეშე დარჩა. თუმცა, გიორგი ისაკაძის შემთხვევაში ასე არ მომხდარა, მართალია "ქართუ ბანკის" სესხი ამ შემთხვევაშიც უზრუნველყოფის გარეშე დატოვეს, მაგრამ ქონება ყოფილი მეპატრონისთვის არავის დაუბრუნებია. სხვა ყველა შემთხვევაში სახელმწიფომ სქემაში მონაწილე კომპანიებს ქონება პირდაპირი თუ ირიბი გზით დაუბრუნა.

„გურია ნიუსისთვის“ ცნობილი გახდა გიორგი ისაკაძის საქმის კიდევ ერთი დეტალი. „ქართუ“-დან მიღებული 5.5 მილიონიანი კრედიტიდან ისაკაძის კომპანიებზე სამშენებლო მიზნებისთვის მხოლოდ 2 მილიონია გაცემული, ხოლო 3.5 მილიონი დოლარი, მისი რეალური მფლობელების სხვა კომპანიების ვალდებულებები იყო, რომელიც ისაკაძის შპს „ლოგოს“-ზე და ამხანაგობა „თეთრ სახლზე“ კრედიტის გაცემისას გადაფორმდა. გიორგი ისაკაძემ ჯოზეფ ქეის მიერ აღებული ვალდებულები, სავარაუდოდ, იმდროინდელი პოლიტიკური კონიუნქტურის გამო გადაიბარა. ეს გარიგება, მისაღები უნდა ყოფილიყო "ქართუ ბანკისთვისაც", ვინაიდან "ნაცმოძრაობის" ფავორიტი, ოდიოზური ჯოზეფ ქეის ნაცვლდ, საქმე რეალური აქტივების მქონე კომპანიასთან ექნებოდა.

ჩვენს მიერ მოპოვებულ ამ ინფორმაციას გიორგი ისაკაძე არც უარყოფს და არც ადასტურებს.

_ ბატონო გიორგი, როგორც გავიგეთ "ქართუ ბანკიდან" აღებული სესხის ნაწილი, უფრო დაზუსტებით კი 3,5 მილიონი დოლარი,  ჯოზეფ ქეის მიერ აღებული სესხი იყო, რომელიც მოგვიანებით თქვენ გადაიბარეთ... რატომ აიღეთ ქეის მიერ აღებული ვალის გასტუმრების ვალდებულება?

_ ძალიან სიღრმეში ჩასულხართ უკვე. მთელი ჩემი პატივისცემის, როგორც პირადი და ასევე თქვენი მართლა ტელე საიტის მიმართ, შემიძლია გითხრათ, რომ ჩემი აზრით სულ ცოტა დრო დარჩა გამოძიების დასრულებამდე და ჩემს პირდაპირ ინტერესში შედის, რომ მთელი ინფორმაცია ამ საკითხთან დაკავშირებით გამოვამჟღავნო საზოგადოების წინაშე, რასაც აუცილებლად ვიზამ. მანამდე კი ვერც ვადასტურებ და ვერც ვუარყობ, რადგან მიმდინარეობს გამოძიება და აშკარად არ იქნება ჩემი მხრიდან ამაზე კომენტარის გაკეთება მართებული, _ აღნიშნა "გურია ნიუსთან" საუბრისას ისაკაძემ.

"ქართუ ბანკის" ხელმძღვანელი, ნოდარ ჯავახიშვილი კი ამბობს, რომ ეს ინფორმაცია მას არ გააჩნია:

_ ისეთ რაღაცას მეკითხებით, რომელიც დამატებით შესწავლას საჭიროებს და ნამდვილად არ ვიცი ეს საკითხი, თუმცა ამას არ პრინციპული მნიშვნელობა არა მგონია ჰქონდეს, _ გვითხრა ჯავახიშვილმა.




 ახალი ამბები
  • ჩოხატაურელი ნორჩი მხატვრების წარმატება "ზამთრის ვერნისაჟზე"მერაბ ბერძენიშვილის სახელობის ოზურგეთის თანამედროვე სახვითი ხელოვნების ცენტრში გურიის რეგიონის საჯარო სკოლების მოსწავლეთა ნამუშევრების მეცხრე გამოფენა-კონკურსი _ „ზამთრის ვერნისაჟი“ მოეწყო. გამოფენაში მონაწილეობა მიიღეს ჩოხატაურის სახელოვნებო სკოლების გაერთიანების სამხატვრო სკოლის მოსწავლეებმა, რომლებიც სხვადასხვა ნომინაციაში, ოზურგეთის მერიისა და საკრებულოს მიერ მიერ დაჯილდოვდნენ სიგელებით, ფულადი ჯილდოთი და ფასიანი საჩუქრებით. ნომინაციაში ,,საუკეთესო ფერწერა'' დაჯილდოვდა პაპუნა ჯინჭარაძე (მე- 5 კლასი), ნომინაციაში ,,საუკეთესო კომპოზიცია'' _ ლუკა ფუტკარაძე (მე-3 კლასი); ნომინაციაში ,,საუკეთესო ნახატი’’ _ ნანა კვინტრაძე (მე-6 კლასი); ნომინაციაში ,,მნახველის სიმპათია’’ _ ანასტასია კობიძე (მე-4 კლასი). ა(ა)იპ ჩოხატაურის მუნიციპალიტეტის სახელოვნებო სკოლების გაერთიანების სამხატვრო სკოლის ყველა მონაწილე ცენტრის მიერ დაჯილდოვდა სიგელებით გამოფენაზე ... ...
  • ხანძარი ზუგდიდში, სოფელ ზედა ეწერშიხანძარი იყო ცოტა ხნის ზუგდიდში, სოფელ ზედა ეწერში. როგორც ადგილიდან "გურია ნიუსის" ჟურნალისტი იტყობინება, ცეცხლი ეკალ-ბარდებს ეკიდა. ხანძარი ამდროისთვის ლიკვიდირებულია. შემთხვევის შედეგად არავინ დაშავებულა. ადგილზე სამი სახანძრო მუშაობდა. ჯერჯერობით, უცნობია, რამდენი ჰექტარი დაიწვა. ასევე, უცნობია ხანძრის გამომწვევი ... ...
  • „ვითხოვთ სამართალს“ _ აქცია ავტობანის მშენებლობაზე ლანჩხუთში, სუფსის მოსახლეობამ ავტობანთან დაკავშირებით აქცია გამართა. ისინი ამბობენ, რომ თანხა, რომელიც სახელმწიფომ მათ კუთვნილი მიწების დათმობის სანაცვლოდ გადაუხადა მიზერულია და საკითხით დაინტერესებას პრემიერ მინისტრს თხოვენ. სუფსის ადმინისტრაციის მოსახლეობის ნაწილის საპროტესტო მუხტი იმ ფართობების კომპენსირების თანხაზე, სადაც ავტომაგისტრალმა უნდა გაიაროს, არახალია _ მათთვის კატეგორიულად მიუღებელია სახელმწიფოს მიერ ერთ კვ/მეტრზე შეთავაზებული ფასი. ისინი ხელისუფლებას მოსახლეობის აბუჩად აგდებაში დებენ ბრალს და გაცილებით მეტი თანხის გადახდას ითხოვენ. საქმე სუფსის ადმინისტრაციული ერთეულის საზღვრებში მოქცეულ კერძო საკუთრებაში არსებულ სასოფლო-სამეურნეო დანიშნულების მიწის იმ ნაკვეთებს ეხება, რომლებიც "ფოთი-გრიგოლეთის" 14-კილომეტრიანი მონაკვეთის საზღვრებში ავტობანის მშენებლობის პროექტში მოხვდა. აქედან, "გრიგოლეთი-ქობულეთის ზოლი 10 კილომეტრია. „ჩვენი კერძო საკუთრება (მიწის ნაკვეთები) მიზერულ ფასებად მუქარითა და იძულებაში ჩაყენებით დაგვათმობინეს. დღემდე ვითხოვთ სამართალს, გენპროკურატურასაც მივმართეთ საქმის ჯეროვანი გამოძიების მოთხოვნით, მაგრამ 11 თვეა იძიებენ და ახლა ირკვევა, რომ საქმე შესასწავლად სუფსის პოლიციისთვის გადმოუგზავნიათ. დიდი ალბათობით თანამდებობის პირებმა მიითვისეს ჩვენი კუთვნილი სოლიდური თანხები და ამიტომაც ეტყობა საქმის ჩაფარცხვის სურვილი აქვთ“-ამბობს აქციის ერთ-ერთი მონაწილე ხათუნა გუჯაბიძე. ხათუნა გუჯაბიძის თქმით, ფართობების კომპენსირების თანხის თაობაზე სუფსის მოსახლეობის მხრიდან ინფორმირებულია პარლამენტის თავმჯდომარის მოადგილე გია ვოლსკი და იუსტიციის მინისტრი თეა წულუკიანიც. „ჩვენ ინფორმაცია საკითხთან დაკავშირებით მივაწოდეთ გია ვოლსკისა და თეა წულუკიანს, დაგვპირდნენ საკითხით დავინტერესდებითო, მაგრამ საქმე ამის იქეთ არ წასულა. წულუკიანი მაშინ  დაგვპირდა, რომ საქმეს გენპროკურატურისგან გამოითხოვდა და პასუხს ადგილობრივი ხელმძღვანელობის მეშვეობით შეგვატყობინებდა, ბევრჯერ მოვიკითხეთ მერიაში მინისტრისგან გამოგზავნილი პასუხი, მაგრამ დღემდე არააფერი ჩანს“-  ამბობს ხათუნა გუჯაბიძე. მიწის იმ მესაკუთრეები,  რომელთა ნაკვეთებიც მოექცა გრიგოლეთი-ქობულეთის საავტომობილო გზის პროექტში, საკუთარ პრეტენზიებს „გურია ნიუსთან“ საუბარში აფიქსირებენ: -"მონაკვეთის საზღვრები იწყება ზღვის სანაპირო ზოლიდან 700 მეტრის დაშორებით. ნაკვეთებს მარჯვენა მხრიდან ესაზღვრება საგზაო-სატრანსპორტო მაგისტრალი, მარცხენა მხრიდან კი _ მდინარე სუფსა. არის ვაკე ადგილი და თავისი მდებარეობის მიხედვით პრესტიჟულია ნებისმიერი ბიზნესსაქმიანობისთვის. მოსახლეობას გვქონდა დიდი მოლოდინი, რომ ამ ნაკვეთებში სახელმწიფო სოლიდურ თანხას გადაგვიხდიდა და ღირსეულად მოგვექცეოდა, მაგრამ მოხდა პირიქით. სუფსის საზღვრებში განლაგებული მიწის ნაკვეთები (ე. წ. "ნაოჩვანი"), რომლებიც წარმოადგენს 32 ოჯახის კერძო საკუთრებას, მდებარეობს პრესტიჟულ ადგილზე, დანიშნულებით _ სასოფლო-სამეურნეო, მოხვდა ავტობანის მშენებლობის პროექტში. ამ შემთხვევაში მიწის მესაკუთრეებთან მთავრობის, არასამთავრობო ორგანიზაციების და არც გზის დეპარტამენტის მხრიდან არანაირ შეხვედრას, შემოთავაზებას და კონსულტაციას ადგილი არ ჰქონია. დეპარტამენტის წარმომადგენლები გვაძალებდნენ ხელშეკრულებაზე ხელის მოწერას და ჩვენი საკუთრების დათმობას ასეთ მიზერულ ფასად და მოსახლეობაში ავრცელებდნენ ხმებს, რომ წინააღმდეგ შემთხვევაში მესაკუთრეს სახელმწიფო ჩამოართმევდა საკუთრებას _ პროექტის განხორციელების ხელის შეშლასთან დაკავშირებით. ჩვენი ხელისუფლების დამოკიდებულებამ ისე შეაშინა და პანიკაში ჩააგდო სოფლის მოსახლეობა საკუთრების ჩამორთმევასთან დაკავშირებით, რომ მათმა ერთმა ნაწილმა, რომლებიც ბანკის ვალებში იხრჩობოდნენ, ამ უსამართლო და ძალით თავსმოხვეულ "ხელშეკრულებას" ხელი მოაწერა.  ჩვენ გვქონდა სიტყვიერი ინფორმაცია იმასთან დაკავშირებით, რომ იმ მონაკვეთში, ე.წ. "ლოტში", რომელიც, დაახლოებით, 10-კილომეტრიან ზოლს მოიცავს, ჩვენი ნაკვეთების შემდეგ განლაგებულ ნაკვეთებში (რომელიც შედის, ლანჩხუთის და ოზურგეთის მუნიციპალიტეტის საზღვრებში), მესაკუთრეებს გადაუხადეს გაცილებით სოლიდური თანხები 1კვ. მეტრში. ზოგან 25-60 ლარი ერთ კვ, მეტრში, ზოგან კი 40-დან 120 ლარამდე“, _ ამბობს მიღებული კომპენსაციით უკმაყოფილო მოსახლეობა და ხელისუფლებას საკითხით დაინტერესებას ... ...
  • საზარელი ტრაგედია ვანში - 26 წლის მამაკაცმა სანადირო თოფით თავი მოიკლავანში, სოფელ მუქედეში 26 წლის მამაკაცმა სიცოცხლე თვითმკვლელობით დაასრულა. ინფორმაცია "გურია ნიუსს"მერის წარმომადგენელმა დაუდასტურა. ავთანდილ გუბერიძის განცხადებით,სუიციდის ფაქტი 16 თებერვალს მოხდა.  ადგილობრივების ინფორმაციით, ახალგაზრდა კაცმა თავი სანადირო თოფით მოიკლა. რა გახდა თვითმკვლელობის მიზიზეზი, უცნობია.  შსს-მ მომხდარ ფაქტზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას ... ...
  • ავღანეთიდან საბჭოთა ჯარების გამოყვანის 31-ე წლისთავი (R)ვეტერანების საქმეთა სახელმწიფო სამსახურის წარმომადგენლებმა,''ავღანეთის ვეტერანთა საქართველოს კავშირის'' წევრებმა და ომისა და თავდაცვის ძალების ვეტერანებმა, ავღანეთის ისლამური რესპუბლიკიდან საბჭოთა ჯარების გამოყვანის 31-ე წლისთავთან დაკავშირებით, თბილისში, ზღვის უბანში, ავღანეთში დაღუპულთა მემორიალი გვირგვინით შეამკეს და მათ ხსოვნას პატივი მიაგეს. მემორიალთან, მამა ვახტანგმა (გოგოლაძე) დაღუპული მეომრების მოსახსენებელი პანაშვიდი გადაიხადა. საგანგებოდ ამ დღის აღსანიშნავად, საქართველოს თავდაცვის სამინისტროს "არმი ჰოლში" საზეიმო მიღება გაიმართა, რომელსაც დაესწრნენ ვეტერანების საქმეთა სახელმწიფო სამსახურის ხელმძღვანელი პირები, საქართველოს თავდაცვის ძალების მეთაურის მოადგილის მოვალეობის შემსრულებელი, ბრიგადის გენერალი, ირაკლი ძნელაძე, ''ავღანეთის ვეტერანთა საქართველოს კავშირის'' თავმჯდომარე, ნუგზარ კახნიაური, ავღანეთის ომის ვეტერანები, ავღანეთში სამშვიდობო მისიის მონაწილე ჯარისკაცები, ვეტერანთა არასამთავრობო ორგანიზაციების წარმომადგენლები და მიწვეული სტუმრები. ღონისძიების ფარგლებში, გაიმართა დოკუმენტური ფილმის „სადაურსა სად წაიყვან'' ჩვენება, რომელშიც მოთხრობილი იყო საუკუნეების განმავლობაში ავღანეთში წარმოებულ ომებში ქართველი მებრძოლების მონაწილეობის და იმ განსაკუთრებული წვლილის შესახებ, რომელიც დღეს შეაქვთ ქართველ ჯარისკაცებს საერთაშორისო სამშვიდობო მისიებში. ავღანეთის ისლამური რესპუბლიკა, საბჭოთა ჯარებმა, 1989 წლის 15 თებერვალს დატოვეს. ავღანეთში, 9 წლის განმავლობაში, საქართველოდან 5000-მდე ჯარისკაცი იბრძოდა, 128 დაიღუპა, 6 კი _დღემდე უგზო-უკვლოდ დაკარგულად ითვლება. ... ...

არქივი

ზაფრანი

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...