პოლიტიკა გურიაში და გურულები პოლიტიკაში _ ნამდვილი ამბები

პოლიტიკა

პოლიტიკა გურიაში და გურულები პოლიტიკაში _ ნამდვილი ამბები

2013 თებ 15 14:01:36

"პოლიტიზირებულ აზროვნებას", ადვილად იგრძნობთ, თუკი ერთხელ მაინც იმგზავრებთ საზოგადოებრივი ტრანსპორტით, ან  თავშეყრის ადგილზე ე.წ "ბირჟაზე" გამართულ დიალოგებს დაუგდებთ ყურს. არ არის ადგილი, სადაც არ საუბრობენ პოლიტიკაზე, არ განიხილავენ ყველა პოლიტიკურ მოქმედებას, პოლიტიკური პირების თითოეულ განცხადებას... ყველგან, ყველგან, მაგრამ გურიაში განსაკუთრებით, გურია ხომ გულია საქართველოსი არა გეოგრაფიულად, თუმცა იდეურად.

როგორ?  როგორ და მარტივად. არ არსებობს საკითხი, რომელიც გურულებმა არ იციან. გურულის პასუხის შესახებ ანეგდოტიც კი შეიქმნა, ჯერ უცნობ საკითხზეც  სხარტად რომ მიუგებს გურული:  "მეცოდინება ალბათო"...

მართალია, სოციალური მდგომარეობა გურიაში ძალიან მძიმეა, მაგრამ ცოცხალი გურულები უკეთესი მომავლის იმედს არ ჰკარგავენ და არა მხოლოდ ეკონომიკური პირობების, არამედ კოჰაბიტაციის თემას იუმორით აერთიანებენ და ასე გამოხატავენ :  "ჩვენ ნაციონალური გრძნობებით სავსე ოცნებებით ვცოცხლობთო".

და რამ გამოიწვია ის, რომ ჩვენთან ყველა დიალოგი პოლიტიკაზე საუბრით თუ არ იწყება, მთავრდება მაინც?  პოლიტიკაზე საუბრობენ ყველგან, შეიძლება ეს ნორმალურია წინასაარჩევნოდ, თუმცა დამთავრდა არჩევნები, მაგრამ პოლიტიზირებული აზროვნება ისევ ჩვენთან არის. ლოკალური პრობლემების განხილვის შემდეგ, მსჯელობა რეგიონზე გადადის, ქვეყანას მოიცავს და შემდეგ მის საზღვრებსაც გასცდება ხოლმე. საუბრობენ დაუსრულებლად, დიდებიც  და პატარებიც, მიუხედავად დროისა და ადგილისა.

არსებული სიტუაციიდან გამომდინარე მახსენდება პლატონის იდეალური  სახელმწიფო. უფრო სწორად კი იდეა იდეალური სახელმწიფოს შესახებ, რომელიც პლატონმა ჩამოაყალიბა და რომლის მთავარი პირობა ერთი ადამიანის მიერ ერთი საქმის კეთება იყო. იგი ნათლად ამახვილებს ყურადღებას, რომ როცა ადამიანი ერთ საქმეს აკეთებს, მას დრო აღარ ექნება სხვა საქმის საკეთებლად და ასე საქმეც კარგად გაკეთდება და სახელმწიფოც იდეალური იქნება. ეკონომიკა და პოლიტიკა ხომ მჭიდრო კავშირშია ერთმანეთთან, ურთიერთდამოკიდებულია. როცა ქვეყანაში კარგი ეკონომიკური მდგომარეობაა, ქვეყნის უმრავლესობა მუშაობს და თავიანთი საქმე აქვთ, შედეგად ყველა თავის საქმეს აკეთებს და ნაკლები დრო აქვთ სხვის საქმეში ჩასარევად. თუმცა, წარმოვიდგინე გურულების რეაქცია პლატონის ამ იდეის შესახებ, აღშფოთებულნი რომ აღნიშნავდნენ, "შეხედე შენ პლატონს, საქმე დალეულებად არ გამოგვიყვანა მთელი გურიაო!"

აქვე  გურულების საუბარიც გამახსენდა, ავტობუსით მგზავრობისას, პოლიტიკაზე რომ მსჯელობდნენ. ერთი მოხუცი ქალი ამბობდა "ადრე, ყველა გზა რომამდე მიდიოდა და ახლა პოლიტიკამდე მიდისო...  "რა თქმა უნდა , პასუხმაც არ დააყოვნა:

"ყველასგან დავიწყებულებმა პოლიტიკაზე მაინც აღარ ვილაპარაკოთ?!  თუარა, ხომ ხედავთ, მთავრობას კი არა "რუსთავი 2-საც" აღარ ვახსოვართ და  ამინდის პროგნოზიც გურიის გამოტოვებით ცხადდებაო."

იუმორით ისაუბრო იმ საკითხზე, რომელიც გტკივა და განიცდი, ესეც ხელოვნებაა, მაგრამ დაუფასებელი. ფაქტია, რომ დღეს ჩვენი საზოგადოება პოლიტიზირებულია და ეს პრობლემაა, რომლის მოგვარებაც საჭიროა და დიდ ყურადღებას მოითხოვს.




 ახალი ამბები
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...
  • ოზურგეთში, ღია დიალოგის რეჟიმში, მოსახლეობასთან შეხვედრა გაიმართა (R)ღია დიალოგის რეჟიმში, ოზურგეთში მოსახლეობასთან შეხვედრა გაიმართა. გარემოს დაცვისა და სოფლის მეურნეობის მინისტრის მოადგილე იური ნოზაძე და გურიის მხარის რწმუნებული ზურაბ ნასარაია სოფელ ჯუმათის, ზვანის უბნისა და გრიბოედოვის ქუჩის მაცხოვრებლებს შეხვდნენ. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს. ადგილობრივებს ინფორმაცია დაგეგმილ ინფრასტრუქტურულ პროექტებზე, მუნიციპალურ და სოფლის მეურნეობის პროგრამებზე მიაწოდეს. მოსახლეობისთვის პრიორიტეტული სკვერის, წყალმომარაგების, კანალიზაციის სისტემის მოწყობის და შიდა საუბნო გზების მოწესრიგების საკითხია. აღინიშნა, რომ რამდენიმე საკითხი ეტაპობრივად მოგვარდება, დამუშავდება და სამოქმედო გეგმაში აისახება. შეხვედრებს ოზურგეთის მერი კონსტანტინე შარაშენიძე, საკრებულოს თავმჯდომარის მოადგილე გიორგი ღურჯუმელიძე და მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები ესწრებოდნენ. ... ...
  • გენერალურმა პროკურატურამ პატიმრების შეწყალების ფაქტზე გამოძიება დაიწყოსაქართველოს გენერალურმა პროკურატურამ პატიმრების შეწყალების ფაქტზე გამოძიება დაიწყო. პროკურატურის ინფორმაციით, გამოძიება სამსახურებრივი უფლებამოსილების შესაძლო ბოროტად გამოყენების ფაქტზე მიმდინარეობს. „საქართველოს გენერალურმა პროკურატურამ დაიწყო გამოძიება მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე, დანაშაული გათვალისწინებული სსკ-ის 332-ე მუხლის 1-ლი ნაწილით. საზოგადოებას პერიოდულად მივაწვდით ინფორმაციას გამოძიების მიმდინარეობისა და შედეგების შესახებ“, _ ნათქვამია პროკურატურის ... ...
  • ანზორ ჩუბინიძე: ჩემი სამსახურის თანამშრომელს არანაირი იარაღი, არც ლეტალური და არც არალეტალური არ ქონიასახელმწიფო დაცვის სპეციალური სამსახურის უფროსი ანზორ ჩუბინიძე 20 ივნისის მოვლენებთან დაკავშირებით გენერალურ პროკურატურაში დაიკითხა. როგორც ანზორ ჩუბინიძემ ჟურნალისტებთან საუბრისას განაცხადა, მან გამოძიებას ყველა კითხვაზე გასცა პასუხი. „20-21 ივნისის მოვლენებზე გამოვიკითხე და რაც მკითხეს, ვუპასუხე. რა დონეზე ვმონაწილეობდი, როგორ ვიყავით ჩართულები და პირადად ჩემთან ქონდათ გარკვეული კითხვები ჩემი მონაწილეობის შესახებ. მე ვარ სახელმწიფო დაცვის სპეციალური სამსახურის ხელმძღვანელი, პარლამენტის შენობა არის დაცვის სპეციალური სამსახურის დასაცავი ერთ-ერთი უმნიშვნელოვანესი ობიექტი და აქ კითხვა არაა, თუ რატომ ვიყავი იქ. მე მითითებებს გავცემდი მხოლოდ და მხოლოდ სდსს თანამშრომლებზე. რა თქმა უნდა, არ გავცემდი არანაირ ბრძანებას სროლაზე“, – განაცხადა ანზორ ჩუბინიძემ. ამასთან სახელმწიფო დაცვის სპეციალური სამსახურის უფროსის თქმით, ის პასუხისმეგებლობისგან გაქცევას არ აპირებს. ​ „რაც შეეხება იმას, რომ სდსს-ის თანამშრომლები იყვნენ განლაგებული პარლამენტის სხვადასხვა შესასვლელთან, ეს ასე იყო და იქნება, სანამ მე ვიქნები ხელმძღვანელი სდსს-ის. ჩემი სამსახურის თანამშრომელს არანაირი იარაღი, არც ლეტალური და არც არალეტალური არ ქონია. არავინ გაექცევა პასუხისმგებლობას, მათ შორის არც მე, თუ დადგება ეს საკითხი. გამოძიება აუცილებლად მივა ბოლომდე და ყველა კითხვას პასუხი გაეცემა“, – განაცხადა ანზორ ჩუბინძემ. ... ...
  • გიორგი გახარია: "ეს იყო გავრილოვის დღე და ეს იყო პარლამენტის შტურმის ღამე""მე ვიყავი პირველი შინაგან საქმეთა მინისტრი, რომელიც მივიდა პროკურატურაში და გამოძიებას ჩვენება მისცა, თუ საჭირო იქნა, მე ვიქნები პირველი პრემიერ-მინისტრი, რომელიც ასევე მივა პროკურატურაში და მისცემს ჩვენებას" _ განაცხადა ჟურნალისტებთან საუბრისას საქართველოს პრემიერ-მინისტრმა გიორგი გახარიამ. მისივე თქმით, პროკურატურის გადასაწყვეტია რამდენ ადამიანს დააკავებენ: „20 ივნისი იყო გავრილოვის დღე, მაგრამ ეს იყო პარლამენტის შტურმის ღამე. კიდევ ერთხელ ვიმეორებ და კიდევ ერთხელ ხაზგასმით მინდა აღვნიშნო, რომ თითოეულმა პოლიციელმა მაშინ შეძლო და დაიცვა სახელმწიფო ინსტიტუტი, ემსახურა სახელმწიფოს და შეასრულა თავისი ძირითადი მოვალეობები. რა თქმა უნდა, იყო ერთეული გადაცდომები, რომელზეც დევნა დაწყებულია, გამოძიება გრძელდება, თუ იქნება საჭირო 10 ადამიანის დაკავება, დააკავებენ 10 ადამიანს, თუ იქნება საჭირო, დააკავებენ ოცს“,_  განაცხადა გიორგი გახარიამ. 21 ივნისის მოვლენებიდან დღეს 3 თვე გავიდა და აქცია "სირცხვილიას" ორგანიზატორები, რომლებიც 3 თვეა საპროტესტო აქციებს მართავენ, დღევანდელ დღეს პარლამენტის წინ მაშტაბური აქციით აღნიშნავენ. ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...