ვეტოს უფლება ვაჭრობის მსოფლიო ორგანიზაციაში - მითი თუ რეალობა _ ვიდეო

პოლიტიკა

ვეტოს უფლება ვაჭრობის მსოფლიო ორგანიზაციაში - მითი თუ რეალობა _ ვიდეო

2011 აპრ 1 00:46:00

ის, რომ ვაჭრობის მსოფლიო ორგანიზაციაში, რუსეთის გაწევრიანების პერსპექტივას, წინ შესაძლოა ქართული ვეტოს უფლება დახვდეს, საზოგადოებას უკვე წლებია ლამის უტყუარ ფაქტად მიეწოდება. მიმდინარე წლის 9 მარტს კი, რუსული მხარის ინიციატივით შვეიცარიაში, ქალაქ ბერნში აღნიშნულ თემასთან დაკავშირებით, მოლაპარაკებები, მრავალწლიანი პაუზის შემდეგ ისევ განახლდა. შესაბამისად, კიდევ ერთხელ გაჟღერდა ქართული მხარის თანხმობის სანაცვლო პირობები.

ამ თემაზე, პრეზიდენტის პრეს-სპიკერი მანანა მანჯგალაძე აცხადებს: "პირველ რიგში ეს ეხება ფსოუს და როკი გვირაბთან არსებულ გამშვებ პუნქტებზე გამჭირვალეობას და მის უზრუნველყოფას და ასევე ქართული საბაჟო სამსახურების დაშვების უზრუველყოფას".

ამავდროულად, კვლავ ვრცელდებოდა ინფორმაცია საქართველოს ვეტოს უფლების შესახებ, რომელზეც თითქოსდა დამოკიდებული იყო რუსეთის ვმო-ში გაწევრიანების ბედი. ინტერნეტ გამოცემა "ტაბულაში", მთავრობის პრეს-სპიკერი ნიკოლოზ მჭედლიშვილის აცხადებდა:

"ჩვენ გვაქვს ვეტოს უფლება და ჩვენი ხმის გარეშე, რუსეთი ვმო-ს წევრი ვერ გახდება".

ვაჭრობის მსოფლიო ორგანიზაცია, 1995 წლის აპრილში შეიქმნა და ის 153 წევრ სახელმწიფოს აერთიანებს. აღნიშნული ერთობა, ცდილობს ორგანიზაციის ძალისხმება ვაჭრობის ლიბერალიზაციაზე, სავაჭრო ბარიერების შემცირებისა და არასამართლიანი ვაჭრობის წინააღმდეგ მიმართოს. აღნიშნული ორგანიზაციის წევრები, მსოფლიოს კომერციული ოპერაციების 95%-ს აწარმოებენ. ვმო-ს დევიზია ვაჭრობა დისკრიმინაციის გარეშე. საქართველო ვაჭრობის მსოფლიო ორგანიზაციაში, ევროკავშირის აქტიური დახმარებით 2000 წელს გაწევრიანდა. რუსულ-ქართული ურთიერთობები კი, ამ მიმართულებით 2006 წელს განსაკუთრებით გართულდა, ხოლო გაწევრიანებისთვის საქართველოს თანხმობის მოპოვების შანსები, რუსეთისთვის 2008 წლის აგვისტოს შემდეგ სულ უფრო შემცირდა, თუმცა რამდენად სჭირდება ეს თანხმობა მოსკოვს, ამაზე უფრო ქვემოთ ვისაუბრებთ.

ვაჭრობის მსოფლიო ორგანიზაცია და რუსეთი

რუსეთის ფედერაცია, მოლაპარაკებებს ვაჭრობის მსოფლიო ორგანიზაციაში გაწევრიანების შესახებ, 17 წელია აწარმოებს. საქართველოს გარდა, ურთიერთობებს რუსეთი შეერთებულ შტატებთან და ევროკავშირის სახელმწიფოებთანაც არკვევდა. ორგანიზაციაში რუსეთის წევრად მიღების საკითხის გაჭიანურება, სხვადასხვა მიზეზებით იყო განპირობებული. ანალიტიკოსები ერთ-ერთ მიზეზად რუსეთის ფედერაციის მმართველობის ერთპიროვნულ ფორმას ასახელებენ, რომელმაც ქვეყანაში ცივილური სამყაროსთვის ნაკლებად მიმზიდველი სტატისტიკა შექმნა:

1. კორუფციის დონით, 180 ქვეყნიდან 2009 წლის მონაცემებით, რუსეთი 146-ე ადგილზე იყო.

2. რუსეთში, ქრთამის წლიური რაოდენობა 300 მილიარდი დოლარია

3. მედიის თავისუფლების ხარიხსის გარკვევისას, 170 ქვეყნიდან, რუსეთი 140-ე ადგილზეა.

4. "ფრიდომ ჰაუსი" კი 45 ათასი რეგიონალური გამოცემიდან, კონტროლირებადად საერთო რაოდენობის 60%-ს მიიჩნევს.

5. ასევე, კონტროლირებადი ბიზნესი და ჩრდილოვანი ეკონომიკა.

მიუხედავად, ავტორიტეტული საeრთაშორისო ორგანიზაციების მიერ შემუშავებული სტატისტიკისა, რუსეთის პრემიერს 2009 წელს დავოსში მიაჩნდა, რომ ვაჭრობის მსოფლიო ორგანიზაციაში რუსეთის გაწევრიანების საკითხი მხოლოდ პოლიტიკური ნიშნით ჭიანურდებოდა.

მისი თქმით, რუსეთის მსო-ში გაწევრიანების საკითხი იმიტომ შევიდა ჩიხში, რომ მდიდარ ქვეყნებს, არ უნდათ იმ საკითებში წინ წავიდეს, რათა განვითარებად ქვეყნების ეკონომიკის წინ წავიდეს.

თუმცა, მოსკოვის კარნეგის ცეტრის ექსპერტი ანდრეი რიაბოვი, რუსეთის კვლევების საქართველოს ინსტიტუტის კითხვაზე: არის თუ არა რუსეთი, რეალურად დაინტერესებული გახდეს ვაჭრობის მსოფლიო ორგანიზაციის წევრი - ასე გვპასუხობს.

"არსებობს კონკრეტული მოსაზრებები იმასთან დაკავშირებით, რომ ქვეყნის ხელმძღვანელობა ვაჭრობის მსოფლიო ორგანიზაციაში გაწევრიანებას განიხილავს ერთ-ერთ პრიორიტეტულ ამოცანად. ერთის მხრივ, ხელისუფლებას ესმის რომ ვმო-ში გაწევრიანების გარეშე, ქვეყნის ეკონომიკის ინტეგრირება მსოფლიო ეკონომიკურ პროცესებში შეუძლებელია, თუმცა მეორეს მხრივ განიცდის მძიმე ზეწოლას კონკრეტული ეკონომიკური დარგის ლობისტური ჯგუფებისგან რომლებიც შიშობენ რომ რუსეთის ფედერაციის ვაჭრობის მსოფლიო ორგანიზაციაში გაწევრიანებით ისინი მათ ხელთ არსებულ საგარეო პრიორიტეტებსა და ამით კი შემოსავლებს დაკარგავენ.

ეს ის თემაა, რომელიც რუსეთის ვაჭრობის მსოფლიო ორგანიზაციაში გაწევრიანების პერსპექტივების ანალიზისას არ უნდა გამოგვრჩეს, თუმცა დღეს ასევე ფაქტია, რომ რუსეთის ადმინისტრაცია ამ მიმართულებით განსაკუთრებულ მონდომებას გამოხატავს. ამასთან ერთად ჯოზეფ ბაიდენის 9-მარტის მოსკოვური ვიზიტის შემდეგ, რუსეთს ამ გზაზე შეერთებული შტატების მხარდაჭერის გაცილებით მეტი შანსი აქვს, რაც 17 წლიანი უშედეგო მოლაპარაკებების პირობებში სერიოზულ წარმატებად შეიძლება ჩაითვალოს.

მოვლენების ზედაპირული ანალიზი აჩვენებს, რომ შტატები ერთადერთი არ არის, ვისთვისაც რუსეთის ვმო-ში გაწევრიანებას დამატებითი ეკონომიკური დივიდენდები შეუძლია მოუტანოს. შტატებთან ერთად, ეს შეიძლება ევროკავშირიც იყოს. მართალია ევროპის ლიდერების დიდი მცდელობა რუსეთი საერთაშორისო თანამეგობრობის პროგნოზირებად და დემოკრატიულ წევრად იხილონ კრახით სრულდება, ისინი ვერ გაურბიან სტატისტიკურ მონაცემებს, რომელიც ევროკავშირისა და რუსეთის ურთიერთდაინტერესების აუცილებლობაზე მეტყველებენ.

უცხოური პირდაპირი ინვესტიციების 75 პროცენტი, რუსეთში ევროკავშირის წევრ ქვეყნებზე მოდის. საქონლით ვაჭრობის 2009 წლის მონაცემებით კი, ევროკავშირიდან წლიურად რუსეთში 65 მილიარდი ევროს ღირებულის პროდუქტი შევიდა, რუსეთიდან ევროკავშირში კი 115 მილიარდი ევროს ღირებულების საქონელი იქნა ექსპორტირებული, რაც შეეხება სერვისით ვაჭრობას, ამავე 2009 წლის მონაცემებით, ევროკავშირიდან რუსეთში იმპორტმა 18 მილიარდი ევრო, ექსპორტმა რუსეთიდან ევროკავშირში კი 10.8 მილიარდი ევრო შეადგინა.

ამავე დროს, რუსეთზე მოდის ნავთობის მსოფლიო მარაგების 14 პროცენტი, ხოლო ბუნებრივი აირის მომარაგებით ის პირველ ადგილს იკავებს მსოფლიოში. დღეის მდგომარეობით, რუსეთის ფედერაცია ევროპის ბუნებრივი აირის მოხმარების 25 პროცენტზე მეტს უზრუნველყოფს. ამასთან ერთად, რუსეთი სულ უფრო და უფრო დამოკიდებული ხდება საერთაშორისო ბაზარზე და ეს რუსი პოლიტიკოსებისგან სულ უფრო ხშირად ისმის.

რუსეთის დუმის წევრის გენადი ზიუგანიოვის თქმით, ადგილობრივი სურსათი იმავდროულად იმის გამო, რომ ტრაქტორების ავტოპარკის დიდი ნაწილი გამოსულია მწყობრიდან და ტექნიკის უკმარისობა შეინიშნება და ამის შედეგად ქვეყნის 41 მილიონი ჰექტარი დაუმუშვებელია, იმას ნიშნავს, რომ ამხელა ქვეყანას არ შეუძლია თავის ხალხი გამოკვებოს, აწარმოოს შესაბამისი ტექნიკა და ამიტომ ქვეყანა საზღვარგარეთიდან იმპორტირებული პროდუქტით იკვებება."

ასეთ პირობებში თუ ქართული მხარის ვეტოს უფლების როგორც ბერკეტის წონა გვაინტერესებს, პირველ რიგში ზემოთ მოყვანილი სტატისტიკა და ფაქტები უნდა ავწონოთ. ვინაიდან ძნელად წარმოსადგენია შტატებისა და ევროკავშირის მხარდაჭერის პირობებში, საქართველომ შეძლოს ყველას და ყველაფრის წინააღმდეგ წასვლა. ამავე დროს, იკვეთება რუსეთის მცდელობა ქართული მხარის თანხმობა საქართველოს გვერდით ავლით მოიპოვოს.

ამ ყველაფერს კი, ქართული ვეტოს შესახებ მრავალწლიანი მითის ნგრევაც დაემატა. რუსეთის საგარეო საქმეთა მინისტრის განცხადება იმის შესახებ რომ ვმო-ს წესდება რუსეთის ორგანიზაციაში საქართველოს თანხმობის გარეშე გაწევრიანების საშუალებას იძლევა, ქართულმა მხარემაც დაადასტურა.

საგარეო საქმეთა მინისტრის მოადგილე ნინო კალანდაძე ამ თემაზე აცხადებს:

"თეორიულად, სამართლებრივი საშუალება ამის არსებობს, რამდენადაც თვითონ წესდება ითვალისწინებს მიუხედავად კონსესუსი წესისა, რომელიმე ერთი ქვეყნის გვერდის ავლით მოხდეს ასეთი გადაწყვეტილების მიღება", თუმცა კალანდაძე იქვე დასძენს, რომ ასეთ პრეცენდეტს ადგილი არ ჰქონია.

ასეთ ვითარებაში, ქართული მხარის პირობებზე რუსეთის დაყოლიება კიდევ უფრო გართულდება. შეიძლება ქართული "კი" იმაზე მეტი ღირს ვიდრე ის დაფასდა, თუმცა თუნდაც პოლიტიკური ვაჭრობის საწყის ეტაპზე ეს ჩვეულებრივი პროცესია, მთავარია რა იქნება ის გონივრული ფასი, რომელზეც მხარეები შეიძლება შეთანხმდნენ.

ეკონომიკის ექსპერტი გია ხუხაშვილი რუსეთის კვლევების საქართველოს ინსტიტუტთან საუბრისას აცხადებს: "მაქსიმალური პაკეტი რაც შეიძლება მივიღოთ შეიძლება იყოს ერთი: - რუსულ ბაზრებზე რუსეთის მხრიდან ხელოვნური შეზღუდვის მოხსნა ქართული პროდუქციისთვის, მეორე თემა: გარკვეულწილად კონფლიქტურ რეგიონებში საერთაშორისო ორგანიზაციების გააქტიურება მონიტორინგის, ადამიანის უფლებების და ჰუმანიტარული კუთხით და არა საზღვარზე დადგომა, რასაც ხელისუფლება ითხოვს; მესამე საკითხი, რაც შეიძლება ამას მიებას, შეიძლება იყოს დევნილების დაბრუნებაზე პრინციპული გადაწყვეტილებების მიღება არა რუსეთის, არამედ რუსეთის სატელიტების მხრიდან".

ნებისმიერ პირობაზე შეთანხმების შემთხვევაშიც, ფაქტია რომ ქართულ მხარეს რისკების გათვლა წინასწარ მოუწევს. კავკასიის ეკონომიკისა და სოციალური კვლევის ინსტიტუტის აღმასრულებელი დირექტორი, დავით ნარმანია ასეთი შეთანხმების შემთხვევაში, ერთ სავარაუდო სცენარზე საუბრობს. მისი თქმით, შესაძლოა რუსეთმა გაინაღდოს მსო-ს წევრობა და შესაბამისად უკვე არ შეასრულოს მისი ვალდებულებები, რადგან როცა ის წევრი გახდება, მისი გარიცხვა უფრო რთულია რათქმაუნდა და წევრობის შემდეგ დაპირებები აღარ შეასრულოს.

აღნიშნულ საკითხთან დაკავშირებით, პირადი მოსაზრებები რუსეთის კვლევების საქართველოს ინსტიტუტს ზურაბ აბაშიძემაც გაუზიარა. მისი თქმით: "ჩვენ არ შეგვიძლია ისეთ რამეზე დავხუჭოთ თვალი, რაც მსო-ს სულისკვეთებას და მის მიერ დაწესებულ ნორმებს ეწინააღმდეგება, როგორც ჩანს, ესაა ყველაზე დიდი წინააღმდეგობა. მე არამგონია ისეთ დათმობებზე უნდა წავიდეთ, რაც ჩვენს მიერ აღიარებული და სახელმწიფო ინტერესების წინააღმდეგ იქნება. კარგია რომ ჩვენთვის რუსერის ბაზარი გაიხსნას, მაგრამ ასეთი დონის პოლიტიკური ურთიერთობების პირობებში, ბაზარი შეიძლება ჩაიკეტოს იგივე მიზეზებით, რაც მანამდე იყო".

რუსეთის ვაჭრობის მსოფლიო ორგანიზაციაში დასავლეთის აქტიური მხარდაჭერის ფონზე, დიდია ალბათობა იმისა, რომ გადაწყვეტილება საქართველოს თანხმობის გარეშეც იქნას მიღებული. შესაბამისად, ასეთ ვითარებაში, ქართულ მხარეს ისღა დარჩენია, შეინარჩუნოს პრინციპული პოზიცია და მაქსმალურად განავითაროს ახალი ნარატივი, რომლის მიხედვითაც დასავლელმა მოკავშირეებმა ის რუსეთზე გაცვალეს.

რუსეთის კვლევების საქართველოს ინსტიტუტი

ვეტოს უფლება ვაჭრობის მსოფლიო ორგანიზაციაში - მითი თუ რეალობა _ ვიდეო




 ახალი ამბები
  • კიბო განაჩენი არაა! _ „გამარჯვებულ ქალთა კლუბის“ იუბილე ჩოხატაურშიჩოხატაურის ხელოვნების სასახლეში „გამარჯვეულ ქალთა კლუბის“ ჩოხატაურის ორგანიზაციის დაარსების ერთი წლის აღსანიშნავი ღონისძიება გაიმართა. საღამომ, სადაც საქართველოს სხვადასხვა კუთხიდან კიბოს დიაგნოზზე გამარჯვებული ქალბატონები იმყოფებოდნენ, სასიამოვნო ვითარებაში ჩაიარა. იუბილეს ესწრებოდა "გამარჯვებულ ქალთა კლუბის" დამფუძნებელი თინა ბერუჩაშვილი და ლანჩხუთის კლუბის ხელმძღვანელი მზია კვირკველია. „დროული დიაგნოსტირებისა და მკურნალობის შემთხვევაში, არც ერთმა ქალმა არ უნდა ჩათვალოს, რომ ეს არის სიცოცხლის დამარცხება. ჩვენ ჩვეულებრივად ვაგრძელებთ ცხოვრებას, სრულფასოვანი ადამიანები ვართ. ჩვენი მაგალითით შეიძლება ვთქვათ, რომ ეს დაავადება 21-ე საუკუნეში განაჩენი არ არის“, – თქვა მზია კვირკველიამ.  მისი აზრით, ასევე, აუცილებელია იმ ქალბატონებმა, რომლებმაც გაიარეს ეს გზა, საზოგადოებას მოუყვნენ პირადი ისტორიები კიბოს დამარცხების შესახებ. „ეს არ არის პირადი ცხოვრება. ეს არის ბრძოლა და თუ ამაზე ბევრი არ ვილაპარაკეთ, შედეგი არ გვექნება“, – ამბობს დიაგნოზზე უკვე გამარჯვებული ქალბატონი. საღამო კულტურის გაერთიანების ორგანიზებით ჩატარდა, მხარდამჭერები კი იყვნენ ჩოხატაურის მუნიციპალიტეტის საკრებულო და გამგეობა, რისთვისაც მადლობა გადაუხადა მათ კლუბის დამფუძნებელმა თინა ბერუჩაშვილმა. _ ჩემთვის ძალიან სასიამოვნოა, რომ ჩოხატაურში დაარსების დღიდან კლუბს აქტიურად უდგანან გვერდით მუნიციპალიტეტის ხელმძღვანელები, რისთვისაც დიდი მადლობა მინდა გადავუხადო ბატონებს: ზაალ მამალაძეს და ირაკლი კუჭავას, _ აღნიშნა თინა ბერუჩაშვილმა და იმ მიზეზებზე ისაუბრა, რამაც კლუბის ჩამოყალიბება ... ...
  • გია ვოლსკი: პარლამენტი "ევროპული საქართველოს" მავნე ინიციატივას მხარს არ დაუჭერს_  „ევროპული საქართველოს“ მხრიდან დღემდე არ წყდება ქვეყნისა და ხალხისთვის ზიანის მომტანი უკიდურესად სარისკო აქტივობების ინიცირება. მათი მიზანია, დანაშაულებრივი შეცდომები გადაფარონ, ხოლო ოკუპაციის ფასი გადაიხადოს არა რუსეთმა, არამედ ქართველმა ხალხმა, საქართველომ, _ ამის შესახებ საპარლამენტო უმრავლესობის ლიდერმა  გია ვოლსკიმ დღეს გამართულ პრესკონფერენციაზე განაცხადა, სადაც  „ევროპული საქართველოს“ დადგენილების იმ პროექტზე ისაუბრა, რომელიც საქართველოს ტერიტორიების ოკუპაციის საკითხის საერთაშორისო დღის წესრიგში აქტუალიზაციას ეხება. საპარლამენტო უმრავლესობის ლიდერის თქმით,  პარლამენტი „ევროპული საქართველოს“ მავნე ინიციატივას მხარს არ დაუჭერს. „საქართველოს გამთლიანება, რუსული ოკუპაციის დაძლევა და ქართველი ხალხის ევროატლანტიკური არჩევანის რეალიზაცია ქვეყნის მხოლოდ მშვიდობიანი და დემოკრატიული განვითარებით არის შესაძლებელი. გაცხადებული საგარეო პოლიტიკა, მისი რეალიზაციის შედეგები თვალსაჩინო და ხელშესახებია. იგულისხმება ურთიერთობები ნატო-სთან, ამერიკასთან, ევროპასთან, ევროკავშირთან და ყველა ჩვენს პარტნიორ ქვეყანასთან. თვალსაჩინოდ მეტია მიღებული რეზოლუციები და მხარდამჭერი აქტები საქართველოს ინტერესების გათვალისწინებით. საქართველოს ხელისუფლება ამ არჩევანის ერთგული იყო და მომავალშიც დარჩება, პრინციპული პასუხისმგებლიანი და თანმიმდევრული პოლიტიკის მომხრე. ერთ დროს, „ნაციონალური მოძრაობის“ სხვადასხვა განშტოების მხრიდან, იგულისხმება „ევროპული საქართველო“, დღემდე არ წყდება ქვეყნისა და ხალხისთვის ზიანის მომტანი უკიდურესად სარისკო აქტივობების ინიცირება. მათი მიზანია, დანაშაულებრივი შეცდომები გადაფარონ, ხოლო ოკუპაციის ფასი გადაიხადოს არა რუსეთმა, არამედ ქართველმა ხალხმა, საქართველომ. ხელისუფლებაში ყოფნის დროს მათ არაერთხელ მოახერხეს და ქვეყანას დაატეხეს ჯერ ეკონომიკური სანქციები, შემდეგ კი, საქართველოში რუსეთის ჯარს შემოუძღვნენ. არ შეიძლება, სხვა ახსნა ჰქონდეს იმ ინიციატივას, რომელიც ფორმით თითქოს რუსეთისთვის პრობლემების შექმნას გულისხმობს, რეალურად, რუსეთის მხრიდან საქართველოსთვის მძიმე ეკონომიკური სანქციების გარანტირებულად დაწესებისთვის არის გამიზნული. შეუძლებელია, ეს არ ესმოდეთ ინიციატორებს, რადგან ესმით, ე.ი. ამ შედეგების გამოწვევა სურთ. საქართველოს აღმასრულებელ ხელისუფლებას არ სჭირდება კარნახი, როგორ და რა გზით უზრუნველყოს ეროვნული ინტერესების დაცვა. სწორედ ჩვენი ხელისუფლების პირობებში იქნა მიღწეული არა მყვირალა და პიარეფექტზე გათვლილი, არამედ რეალურად ხელშესახები პროგრესი ამ რთულ და წინააღმდეგობებით აღსავსე გზაზე, ევროპულ და ევროატლანტიკური ინტეგრაციის გზაზე. ამ კურსიდან გადახვევას არ ვაპირებთ. შესაბამისად, „ევროპული საქართველოს“ მავნე ინიციატივას პარლამენტი მხარს არ დაუჭერს – საქართველოსა და ქართველი ხალხის, განსაკუთრებით, ქვეყნის გარეთ მცხოვრები ასობით ათასი თანამოქალაქის დასჯის შესახებ“, _ განაცხადა ვოლსკიმ. „ევროპული საქართველოს“ მიერ მომზადებული დადგენილების პროექტის განხილვა დღეს, ევროინტერგაციის კომიტეტის სხდომაზე იგეგმება. პროექტის არსს შემდეგი სამი პუნქტი წარმოადგენს, კერძოდ: საქართველოს ოკუპირებული ტერიტორიებიდან საოკუპაციო ძალების გაყვანას და 2008 წლის ევროკავშირის შუამდგომლობით მიღწეული ცეცხლის შეწყვეტის შესახებ ხელშეკრულების შესრულების მოთხოვნა შევიდეს ევროკავშირისა და აშშ-ს მიერ რუსეთის ფედერაციაზე დაკისრებული სხვადასხვა სანქციების მოთხოვნებში; ასევე, ევროპის კავშირის და აშშ-ის მიერ რუსეთის ფედერაციაზე დაწესებული შესაბამისი პერსონალური სანქციების პაკეტებში ოთხოზორია-ტატუნაშვილის სიის შეტანას; აგრეთვე, ევროპის კავშირმა და აშშ-მა სანქციების შემოღებას ყველა კომპანიის მიმართ, რომლებიც ეკონომიკურ საქმიანობას, მაგალითად, ეთნიკური წმენდის მსხვერპლთა ქონების გაქირავებას, წარმართავენ საქართველოს ოკუპირებულ ... ...
  • ახალი სასწავლო წელი და "წარმატების წიგნი"ახალი სასწავლო წლის დაწყება დღეს ოზურგეთის მუნიციპალიტეტის ყველა სკოლაში იზეიმეს. ქალაქ ოზურგეთის მეორე საჯარო სკოლაში 89 პირველკლასელი მივიდა. აქ საზეიმო შეხვედრაზე მოვიდნენ ოზურგეთის მუნიციპალიტეტის მერი კოტე შარაშენიძე და  ოზურგეთის სასკოლო რესურსცენტრის უფროსი ლელა იმედაშვილი.  როგორც მათ, ისე სკოლაში მოსულ უამრავ მოსწავლესა და მშობელს, სკოლის დირექტორი  ფატი სიორიძე მიესალმა: _ ჩვენი მარად ბებერი და მარად ახალგაზრდა სკოლა მუდამ მოწინავე პოზიციაზეა. ეს ყველამ კარგად იცით.  გილოცავთ და ულევ წარმატებას გისურვებთ. განსაკუთრებით მივესალმები 89 პირვლკლასელს, რომლებმაც დღეს პირველად შემოაღეს სკოლის კარი. მინდა გითხრათ ასევე, რომ ამ ახალი სასწავლო წლიდან ჩვენს სკოლაში ამოქმედდება სიახლე _  ეს არის „წარმატების წიგნი“, რომელიც სკოლის საპატიო კუთხეში დაიდება და ყველა მშობელს, ჩვენს ყველა სტუმარს შეეძლება მასში  ჩაწეროს საკუთარი შთაბეჭდილება, თავისი აზრი, _ თქვა ფატი სიორიძემ. ახალი სასწავლო წელი მიულოცა მოსწავლეებსა და მშობლებს ლელა იმედაშვილმა: _ განსაკუთრებით მოგესალმებით ახალბედა პედაგოგებს. ჩვენ მალე გვექნება შეხვედრა და იქ უფრო ახლო საუბარი, _ მიმართა მათ ლელა იმედაშვილმა. მუნიციპალიტეტის მერმა კოტე შარაშენიძემ კი თავის მილოცვაში აღნიშნა,  რომ ამ ახალ სასწავლო წელს მეორე სკოლა საკადრისად ვერ შეხვდა. _ ქალბატონო ფატი, ცოტა რაღაცეების კეთებას სჯობს, ერთი კარგი პროექტი შევიძინოთ და მოვახდინოთ სკოლის სრული რეაბილიტაცია. მე ვეცდები, ეს ჩემი საარჩევნო ვადის გასვლამდე მოვახერხო, _ უთხრა მან სკოლის დირექტორს. საზეიმო შეხვედრის შემდეგ საკლასო ოთახებში პირველკლასელები გააცილეს, რომლებსაც წარმატებული სწავლა და ბედნიერი მოსწავლეობის დღეები ... ...
  • საქსტატი: აგვისტოში საარსებო მინიმუმის ოდენობა გაიზარდასტატისტიკის ეროვნული სამსახურის მონაცემებით, 2019 წლის აგვისტოში, ივლისთან შედარებით, საქართველოში საარსებო მინიმუმის ოდენობა გაიზარდა. ივლისში შრომისუნარიანი ასაკის მამაკაცის საარსებო მინიმუმმა 187.2 ლარი შეადგინა. აგვისტოში კი, ეს მაჩვენებელი 2 ლარით გაიზარდა და 189.2 ლარზე დაფიქსირდა. ამასთან, საქსტატის ინფორმაციით, ივლისთან შედარებით, აგვისტოში 1 ლარითა და 70 თეთრითაა გაზრდილი საშუალო მომხმარებლის საარსებო მინიმუმი და 167.5 ლარს შეადგენს. საშუალო ოჯახის საარსებო მინიმუმი მაისში 317.3 ლარზე დაფიქსირდა. რაც შეეხება საარსებო მინიმუმს სულადობის მიხედვით, ივლისთან შედარებით აგვისტოში ზრდა აღინიშნება: ერთსულიან ოჯახზე თანხა 167.5 ლარით განისაზღვრა, ორსულიანზე – 268.1 ლარით, სამსულიანზე – 301.6 ლარით, ოთხსულიანზე – 335.1 ლარით, ხუთსულიანზე – 377.0 ლარით, ექვსსულიანიდა მეტი – 445.7 ლარი. სტატისტიკის ეროვნული სამსახური საარსებო მინიმუმს მინიმალური სასურსათო კალათის საფუძველზე ადგენს. თავის მხრივ, მინიმალური სასურსათო კალათა შრომისუნარიანი ასაკის მამაკაცის ნორმალური სიცოცხლისა და შრომისუნარიანობისთვის ფიზიოლოგიურად აუცილებელი საკვების რაოდენობას შეიცავს. საარსებო მინიმუმის სასურსათო კალათა შედგება 40 დასახელების პროდუქტისგან – პური, ბურღულეული, ხორცი, რძის პროდუქტები, ბოსტნეული და საკონდიტრო ... ...
  • ოზურგეთში პოლიციამ უკანონო საბრძოლო მასალა ამოიღოშინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო მოქმედებების შედეგად, 1992 წელს დაბადებული მ. ჯ. საბრძოლო მასალის მართლსაწინააღმდეგო შეძენა-შენახვის ბრალდებით დააკავეს. დანაშაული 3-დან 6 წლამდე ვადით თავისუფლების აღკვეთას ითვალისწინებს. სამართალდამცველებმა, ბრალდებულის საცხოვრებელი სახლის ჩხრეკისას, "რგდ"-ს ტიპის ხელყუმბარა ნივთმტკიცებად ამოიღეს.დაკავებული ჩადენილ დანაშაულს აღიარებს. გამოძიება საბრძოლო მასალის მართლსაწინააღმდეგო შეძენა-შენახვის ფაქტზე, საქართველოს სსკ-ის 236-ე მუხლის მე-3 ნაწილით ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...