ალაფიშვილი "პრემიების საქმეზე": "გამოძიების შემთხვევაში, შესაძლოა, დადგინდეს უფლებამოსილების გადამეტებაც"

gurianews.com

პოლიტიკა

ალაფიშვილი "პრემიების საქმეზე": "გამოძიების შემთხვევაში, შესაძლოა, დადგინდეს უფლებამოსილების გადამეტებაც"

2018 იან 9 11:36:46

ოზურგეთის მუნიციპალიტეტის მერის გადაწყვეტილებას, რომლის თანახმადაც საკრებულოს თავმჯდომარის ბრძანებას არ შეასრულებს და შესაბამისად საკრებულოს ყველა თანამშრომელი პრემიას ვერ მიიღებს იურისტები კანონდარღვევად აფასებენ.

თვითმმართველობის ექსპერტი, სამართალმცოდნე ლევან ალაფიშვილი ე.წ. "პრემიების საქმეზე" „გურია ნიუსთან“ საუბრისას ამბობს, რომ საკრებულოს თავმჯდომარის ბრძანების შეუსრულებლობა კანონის დარღვევაა:

საკრებულოს აპარატის პერსონალთან, მათ დისციპლინურ, წახალისების თუ სახელფასო საკითხებზე გადაწყვეტილება საკრებულოს თავმჯდომარის დისკრეციული უფლებამოსილებაა. ამ საკითხზე მერს კოდექსი არავითარ უფლებამოსილებას არ უდგენს, მასთან რაიმეს შეთანხმების მოთხოვნა კანონდარღვევაა.

თუკი საკრებულოს თავმჯდომარის ბრძანება გამოცემულია და მერი ან სხვა პირი არ ასრულებს, ეს კანონდარღვევაა და გამოძიების შემთხვევაში შესაძლოა დადგინდეს უფლებამოსილების გადამეტებაც,“ _ აღნიშნა ჩვენთან საუბრისას ლევან ალაფიშვილმა.

შეგახსენებთ, რომ ოზურგეთის მუნიციპალიტეტის მერმა კონსტანტინე შარაშენიძემ ახალ წლამდე რამდენიმე დღით ადრე მერიის 18 თანამშრომელს პრემია მისცა.

შარაშენიძის #245 ბრძანების თანახმად, რომელიც 2017 წლის 27 დეკემბრით არის დათარიღებული, 18 თანამშრომლის პრემიებზე 18 560 ლარი გაიცა.

ოზურგეთის მუნიციპალიტეტის მერიის პროფესიულ საჯარო მოხელეებს, ზეგანაკვეთური სამუშაოების არასამუშაო და ღამის საათებში, დასვენებისა და უქმე დღეებში შესრულებისათვის მიეცათ 2017 წლის დეკემბრის თვის შრომის ანაზღაურებაზე სახელფასო დანამატი თანამდებობრივი სარგოს 100 % ოდენობით. სულ 18 საჯარო მოხელეს, რომლებმაც ქალაქ ოზურგეთისა და ოზურგეთის მუნიციპალიტეტების შერწყმის პროცესში, მობილობის რეჟიმში, სანიმუშოდ შეასრულეს დაკისრებული მოვალეობა, მათ შორის არიან საჯარო მოხელეთა შეფასების დროებითი კომისიის მიერ საუკეთესოდ შეფასებულ საჯარო მოხელეები,“ _ აღნიშნულია კონსტანტინე შარაშენიძის კომენტარში, რომელიც მან პრესსამსახურის საშუალებით  მოგვაწოდა.

აღსანიშნავია, რომ შარაშენიძე 30 დეკემბერს "გურია ნიუსის" კორესპონდენტთან საუბრისას ამბობდა, რომ პრემიები გაცემული არ ჰქონდა:

"ვინც დაიმსახურა, იმათ აუცილებლად მივცემთ დანამატს. 18 ადამიანი მიიღებს დანამატს ოზურგეთის მუნიციპალიტეტის მერიაში" _ მბობდა შარაშენიძე მაშინ, როცა პრემიები უკვე დარიგებული ჰქონდა, რასაც “გურია ნიუსის“ მიერ ოფიციალურად გამოთხოვილი დოკუმენტი ცხადჰყოფს.

მერმა მაშინ საკრებულოს თანამშრომელთა პრემირებაზეც გააკეთა კომენტარი და აღნიშნა, რომ საკრებულოდან დასაჯილდოვებელთა სიას ელოდებოდა.

ამავე დროს, კეთდებოდა განცხადებები, რომ პრემია-დანამატების გაცემის ინიციატორი ინიციატორი ოზურგეთის მუნიციპალიტეტის საკრებულოს თავმჯდომარე დავით დარჩია იყო, რომელსაც საკრებულო აპარატის ყველა თანამშრომლისთვის სურდა მიეცა პრემია-დანამატი, რაზეც ოზურგეთის მუნიციპალიტეტის მერი თანახმა არ იყო. არადა, როგორც აღმოჩნდა, შარაშენიძეს პრემიები უკვე გაცემული ჰქონდა.

ამ ყველაფრის პარალელურად კი მერიის საფინანსო სამსახურის უფროსი გია მამაკაიშვილი „გურია ნიუსისთვის“ მიცემულ ინტერვიუში ამტკიცებდა, რომ მერიაში პრემიების გაცემა არ იგეგმებოდა. არადა, როგორც გავარკვიეთ, შარაშენიძის მიერ პრემირებულთა სიაში პირველი სწორედ საფინანსო სამსახურის უფროსი იყო.

მერის მიერ დაჯილდოებული სხვა მოხელეების სია ასეთია:

ლაშა თავაძე _ ოზურგეთის მუნიციპალიტეტის მერიის სამართლებრივი უზრუნველყოფის და ზედამხედველობის სამსახურის უფროსი;  მიხეილ შილაკაძე _ ოზურგეთის მუნიციპალიტეტის მერიის სამართლებრივი უზრუნველყოფის და ზედამხედველობის სამსახურის სამართლებრივი უზრუნველყოფის განყოფილების უფროსი;  პავლე ჭყონია _ ოზურგეთის მუნიციპალიტეტის მერიის საფინანსო- საბიუჯეტო სამსახურის საბიუჯეტო განყოფილების უფროსი;  ნინო დარჩია _ ოზურგეთის მუნიციპალიტეტის მერიის საფინანსო-საბიუჯეტო სამსახურის სახაზინო მომსახურებისა და ბუღალტრული აღრიცხვის განყოფილების უფროსი;  დავით გორდელაძე _ ოზურგეთის მუნიციპალიტეტის მერიის საფინანსო- საბიუჯეტო სამსახურის მუნიციპალური შესყიდვების განყოფილების უფროსი;  თამარ ბაბილოძე _ ოზურგეთის მუნიციპალიტეტის მერიის საფინანსო- საბიუჯეტო სამსახურის საბიუჯეტო განყოფილების მე-3 რანგის პირველი კატეგორიის უფროსი სპეციალისტი; მარინა დარჩია _ ოზურგეთის მუნიციპალიტეტის მერიის საფინანსო- საბიუჯეტო სამსახურის სახაზინო მომსახურებისა და ბუღალტრული აღრიცხვის განყოფილების მე-3 რანგის პირველი კატეგორიის უფროსი სპეციალისტი;  ეკატერინე გეგიაძე _ ოზურგეთის მუნიციპალიტეტის მერიის საფინანსო- საბიუჯეტო სამსახურის სახაზინო მომსახურებისა და ბუღალტრული აღრიცხვის განყოფილების მე-3 რანგის პირველი კატეგორიის უფროსი სპეციალისტი;  მაკა ბეგიაშვილი _ ოზურგეთის მუნიციპალიტეტის მერიის საფინანსო- საბიუჯეტო სამსახურის სახაზინო მომსახურებისა და ბუღალტრული აღრიცხვის განყოფილების მე-3 რანგის პირველი კატეგორიის უფროსი სპეციალისტი;  დავით ღლონტი _ ოზურგეთის მუნიციპალიტეტის მერიის საფინანსო- საბიუჯეტო სამსახურის მუნიციპალური შესყიდვების განყოფილების მე-3 რანგის პირველი კატეგორიის უფროსი სპეციალისტი;  ნათია ვაშალომიძე _ ოზურგეთის მუნიციპალიტეტის მერიის სოციალურ და ჯანდაცვის საკითხთა სამსახურის სოციალური დაცვის განყოფილების უფროსი;  ქეთევან სანიკიძე _ ოზურგეთის მუნიციპალიტეტის მერიის სოციალურ და ჯანდაცვის საკითხთა სამსახურის სოციალური დაცვის განყოფილების მე-3 რანგის პირველი კატეგორიის უფროსი სპეციალისტი;  თემურ გიორგაძე _ ოზურგეთის მუნიციპალიტეტის მერიის არქტიტექტურის, სივრცითი მოწყობის, ინფრასტრუქტურის და კომუნალური სერვისების განვითარების სამსახურის ინფრასტრუქტურის განყოფილების უფროსი;  თემურ მურვანიძე _ ოზურგეთის მუნიციპალიტეტის მერიის არქტიტექტურის, სივრცითი მოწყობის, ინფრასტრუქტურის და კომუნალური სერვისების განვითარების სამსახურის კომუნალური სერვისების განვითარების და კეთილმოწყობის განყოფილების უფროსი;  მიხეილ შალამბერიძე _ ოზურგეთის მუნიციპალიტეტის მერიის არქტიტექტურის, სივრცითი მოწყობის, ინფრასტრუქტურის და კომუნალური სერვისების განვითარების სამსახურის კომუნალური სერვისების განვითარების და კეთილმოწყობის განყოფილების მე-3 რანგის პირველი კატეგორიის უფროსი სპეციალისტი;  კლიმენტი ცერცვაძე _ ოზურგეთის მუნიციპალიტეტის მერიის სამართლებრივი უზრუნველყოფის და ზედამხედველობის სამსახურის სამართლებრივი უზრუნველყოფის განყოფილების მე-3 რანგის პირველი კატეგორიის უფროსი სპეციალისტი;  მაია ინარიძე _ ოზურგეთის მუნიციპალიტეტის მერიის ადმინისტრაციული, მონაწილეობითი დაგეგმვის და კომუნიკაციის სამსახურის საქმისწარმოების განყოფილების უფროსი.

აღნიშნული სიის და შესაბამისი ბრძანების „გურია ნიუსის“ ვებგვერდზე გამოქვეყნებას დაპირისპირება მოჰყვა.  მუნიციპალიტეტის საკრებულოს თანამშრომლებს გაღიზიანება არც დაუმალავთ და შესაბამისი პირებისგან რეაგირებაც მოითხოვეს:

"მერმა არაფრად ჩააგდო მუნიციპალიტეტის საკრებულოს თავმჯდომარის _ უფლებამოსილი პირის კანონმდებლობის შესაბამისად გამოცემული და საჯაროდ გამოქვეყნებული ბრძანება და იგნორირება უყო რა საქართველოს ორგანული კანონის "ადგილობრივი თვითმმართველობის კოდექსის" 35- მუხლის პირველი პუნქტის "" ქვეპუნქტს, აშკარად გადაამეტა თავის უფლებამოსილებას, არ გასცა დანამატები საკრებულოს აპარატის საჯარო მოხელეებზე, რომლებისც მთელ გარდამავალ პერიოდში მუშაობდნენ და ეს მაშინ, როდესაც ბიუჯეტში შესაბამისი თანხებიც არსებობდა და აუცილებელი ხარჯები და ვალდებულებებიც გაწეული იყო.

რა, ოზურგეთის მოსახლეობა იმდენად მეტადაა გაჭივრებული ჩოხატაურისა და ლანჩხუთისაზე, რომ აქ არ შეიძლებოდა პრემია დანამატების გაცემა?! ეს ხალხის რჩეული მერის უკვე მეორე"მაღალკომპეტენტურობის" გამოვლინებაა, მერიის ერთ-ერთი სამსახურის უფროსის დანიშვნვა-განთავისუფლების "სკანდარიკოს" შემდეგ.

 ვიღაცამ რაღაცას, ვისაც ხელეწიფება, ხომ უნდა მიაქციოს ყურადღება?!" _ ეს კომენტარი ყაზაიშვილმა სოციალურ ქსელში დაწერა.

შარაშენიძის მიერ პრემიების გაცემაზე კომენტარი საკრებულოს თავმჯდომარემაც გააკეთა _ დავით დარჩიამ მერს საკრებულოს დისკრედიტაციაში დასდო ბრალი:
"მედიით გავრცელებული ინფორმაციისა და მერის 2017 წლის 27 დეკემბრის ბრძანების თანახმად, მერიის 18 თანამშრომელზე გაიცა სახლფასო დანამატი, თანამდებობრივი სარგოს 100 %-ის ოდენობით.

აღნიშნული საზოგადოებისთვის ცხადყოფს რეალურ ვითარებას. ასევე, ნათელს ფენს ერთ-ერთი მედიასაშაულებით გავრცელებულ ინფორმაციას, თითქოს მე, ოზურგეთის მუნიციპალიტეტის საკრებულოს თავმჯდომარე, ინიციატორი ვიყავი თანამშრომლებისთვის სახელფასო დანამატების გაცემისა, ხოლო მუნიციპალიტეტის მერი _ წინააღმდეგი.

ვფიქრობ, ადგილი აქვს პოლიტიკურ სპეკულაციას და საკრებულოს დისკრედიტაციას.

მე ჩავთვალე საჭიროდ და დღესაც მივიჩნევ, რომ საკრებულო იმსახურებს სახლეფასო დანამტს თანამდებობრივი სარგოს 63 %-ის ოდენობით.

ბოლო ერთი თვის განმავლობაში ჩატარდა საკრებულოს, კომისიების, ფრაქციების, ბიუროს 50-ამდე სხდომა. განხილული იქნა 70-მდე საკითხი.

საკრებულოს აპარატმა სრულად უზრუნველყო სხდომების გამართული ჩატარება. მოგეხსენებათ, საკრებულომ საქმინობის გამჭვირვალეობის მიმართულებით საქართველოში პირველი ადგილი დაიკავა _ ეს გახლავთ სწორედ მაღალი პროფესიული კადრებით დაკომპლექტებული აპარატის კარგი მუშაობის შედეგი.

აქვე თანამშრომლები ჩართული იყვნენ იმ მნიშვნელოვან პროცესში, რომელიც ორი მუნიციპალიტეტის შერწყმას, ქონების აღწერასა და გადაცემას გულისხმობს.

ყოველივე ზემოთქმულიდან გამომდინარე, დღესაც მიმაჩნია, რომ საკრებულოს თანამშრომლების გამოყოფა, რასაც საჯაროდ გაკეთებული განცხადებით ითხოვს მუნიციპალიტეტის მერი, ჩემის მხრიდან იქნებოდა ყველა ამ საქმიანობის არდანახვა და მართებულად ვერშეფასება. აქვე დავძენ, რომ საკრებულოს და ბიუროს არც ერთ წარმომადგენელს სახელფასო დანამატი არ მიუღიათ", _ აღნიშნა დავით დარჩიამ „გურია ნიუსისთვის“ მიწოდებულ ექსკლუზიურ კომენტარში.

დარჩიას თქმით, მერის გადაწყვეტილება და საკრებულოს თანამშრომლებისთვის პრემირებაზე უარის თქმა, მაშინ, როცა  შესაბამისი თანხა ბიუჯეტში გათვალისწინებული იყო,  უსამართლო და პოლიტიკურად მოტივირებულია, რასაც არ ეთანხმება შარაშენიძე.

ოზურგეთის მუნიციპალიტეტის მერი ამბობს, რომ  მუნიციპალიტეტის საკრებულოს თავმჯდომარის მიერ მისი დადანაშაულება საკრებულოს დისკრედიტაციასა და პულიტიკურ სპეკულაციაში უსაფუძვლოა:

"2017 წლის 28 დეკემბერს, ოზურგეთის მუნიციპალიტეტის საკრებულომ ოზურგეთის მერიას მომართა წერილით ახალი წლის დღესასწაულთან დაკავშირებით, საკრებულოს აპარატში შრომითი ხელშეკრულებით დასაქმებული პირების, თანამდებობის პირებისა და აპარატის პროფესიული საჯარო მოხელეთა მიერ ზეგანაკვეთური სამუშაოების არასამუშაო, ღამის საათებში, დასვენებისა და უქმე დღეებში შესრულებისთვის, საკრებულოში დასაქმებულ ყველა თანამშრომელზე დანამატის გაცემის შესახებ.

გამომდინარე იქედან, რომ ეჭვს იწვევდა ოზურგეთის მუნიციპალიტეტის საკრებულოს ყველა თანამშრომლის მიერ 2017 წლის 27 ნოემბრიდან ერთი თვის ვადაში ზეგანაკვეთური სამუშაოების შესრულება, ასევე, ღამის საათებში, დასვენების და უქმე დღეებში საქმიანობას, მოხდა სიტყვიერი შეთანხმება საკრებულოს აპარატის უფროსთან, რომელსაც ჩვენთვის უნდა მოეწოდებინა მხოლოდ იმ თანამშრომელთა სახელობითი სია, რომლებმაც იმუშავეს ღამის საათებსა და არასამუშაო დღეებში.

საჯარო სამსახურის შესახებსაქართველოს კანონის 58- მუხლის შესაბამისად, ოზურგეთის მუნიციპალიტეტის საკრებულოს მოხელეებზე სახელფასო დანამატი შეიძლება გაიცეს ზემდგომი თანამდებობის პირის დავალებით შესრულებული ზეგანაკვეთური სამუშაოს შესაბამისად, ასევე ღამის საათებში, დასვენების და უქმე დღეს საქმიანობის გამო.

აქვე გაცნობებთ, რომ ჩვენ მიერ დანამატის გაცემა ოზურგეთის მუნიციპალიტეტის მერიის 18 თანამშრომელზე ეფუძნებოდა ზემოაღნიშნული კანონის საფუძველს, შესაბამისად, სამართლიანად მივიჩნიეთ იგივე პრინციპი გავრცელებულიყო საკრებულოს თანამშრომლების მიმართაც", _ აღნიშნულია შარაშენიძის მიერ "გურია ნიუსისთვის" გამოგზავნილ კომენტარში.

ოზურგეთის საკრებულოს თავმჯდომარე კი განმარტავს, რომ შარაშენიძის ეს კომენტარი საფუძველს მოკლებულია. მით უმეტეს, რომ ის თანამშრომლებისთვის არა თანამდებობრივი სარგოს 100%-ის მიცემას, არამედ 63%-ის მიცემას აპირებდა, რადგან საკრებულომ  ყველაზე მეტი იმუშავა და პრემიისთვის განკუთვნილი თანხა ყველა თანამშრომელზე თანაბრად გადანაწილდებოდა..




 ახალი ამბები
  • სალომე ზურაბიშვილი: მე არა ვარ თერგდალეული, მე სენადალეული ვარ (R)მე არ ვარ თერგდალეული, მე ვარ სენადალეული და თურმე ეს არის ამ ქვეყანაში დანაშაული,-ასე მიმართა ყაზბეგელებს პრეზიდენტობის კანდიდატმა სალომე ზურაბიშვილმა ყაზბეგში ამომრჩეველთან შეხვედრისას. პრეზიდენტობის კანდიდატმა ამომრჩევლებთან შეხვედრისას ემიგრანტების დაბრუნებაზე გაამახვილა ყურადღება და აღნიშნა, რომ ამ ქვეყანაში დაბრუნება შესაძლებელია. _ მე არ ვარ თერგდალეული,მე ვარ სენადალეული და თურმე ეს არის ამ ქვეყანაში დანაშაული ვიღაცეებისთვის, ყველასთვის არა. ძალიან ბევრია წასული ჩემსავით, თუნდაც აქედან ყაზბეგიდან და სხვადასხვა ქვეყნებში არიან დღეს გადასულნი საცხოვრებლად, სამუშაოდ თუ სტუდენტებად და ჩვენი ქვეყნის მომავალი დიდ წილად დამოკიდებული არის იმაზე თუ იმათ როგორ დავუბრუნდებით. როდის დავაბრუნებთ,როგორ დავაბრუნებთ,რამდენად ღირსეულად დავაბრუნებთ და ამ კუთხით მე ერთგვარი სიმბოლო ვარ ამ დაბრუნების რომ შეიძლება ამ ქვეყანაში დაბრუნება. თუნდაც დღეს როცა ჯერ არ არის ფეხზე ისე დამდგარი როგორც ყველა ვისურვებდით, მაგრამ არის ის რასაც ჩემები ისურვებდნენ თავიანთ დროს. დამოუკიდებელი არის, თავისუფალი არის და აქვს ყველა საშუალება, რომ თვითონ განვითარდეს ბოლომდე. ჯერ არ ვართ მიღწეული იმ დონეზე რაც ყველას გვინდა. ჩვენ დავინახოთ საქართველო იმავე დონეზე როგორც არიან სხვა ევროპის ქვეყნები, ესეც მოვა მაგრამ ეს არის დიდ წილად ჩვენზე დამოკიდებული, ყველა ჩვენგანზე და შეიძლება ცოტა მეტი მომავალ პრეზიდენტზე, რათა მას ექნება მეტი პასუხისმგებლობა ამ კუთხით,- განაცხადა სალომე ... ...
  • მერაბ ჭანუყვაძე: სალომე ზურაბიშვილი სამშობლოს სიყვარულით დაბრუნდა და იბრძვის უკეთესი ხვალინდელი დღისთვის (R)პრეზიდენტობის დამოუკიდებელი კანდიდატის, სალომე ზურაბიშვილის წინასაარჩევნო კამპანიის ფარგლებში, ოზურგეთის მოსახლეობასთან შეხვედრები აქტიურ რეჟიმში მიმდინარეობს. უმრავლესობის ლიდერი, ოზურგეთის მაჟორიტარი დეპუტატი არჩილ თალაკვაძე, პარტია „ქართული ოცნება - დემოკრატიული საქართველოს“ ოზურგეთის საოლქო ორგანიზაციის თავმჯდომარე მერაბ ჭანუყვაძე და ორგანიზაციის წევრები, სოფელ ცხემლისხიდის და სოფელ დვაბზუს მოსახლეობას შეხვდნენ.  „სალომე ზურაბიშვილი არის ღირსეული კანდიდატი, რომელიც პირნათლად შეასრულებს პრეზიდენტისთვის კონსტიტუციით დაკისრებულ ფუნქცია-მოვალეობებს. ის თვითონ არის ნამდვილი ევროპელი საქართველოდან, ვინც სამშობლოს სიყვარულით დაბრუნდა და იბრძვის უკეთესი ხვალინდელი დღისთვის”, _ აღნიშნა შეხვედრაზე მერაბ ... ...
  • თამრიკო ჭოხონელიძე: "თურმე ქვეყანაში ისეთი რამე ხდება, რომელიც დაუჯერებელია, არ გინდა დაიჯერო""თურმე ქვეყანაში ისეთი რამე ხდება, რომელიც დაუჯერებელია, არ გინდა დაიჯერო“-ასე ეხმაურება თამრიკო ჭოხონელიძე ბოლო დროს ქვეყანაში განვითარებულ მოვლენებს. მათ შორის ის ასახელებს როგორც სკანდალურ ჩანაწერებს, ასევე დავით სარალიძისა  და თემირლან მაჩალიკაშვილის საქმეებს. მომღერალმა პარალელი გაავლო 2012 წელთან და აღნიშნა, რომ  მაშინ ის იყო ერთ-ერთი პირველი, ვინც გარეთ გამოვიდა და ახლაც ის არის აღშფოთებული იმ მოვლენებით, რაც ქვეყანაში ხდება. „ფაქტი სახეზეა, რომ აღშფოთებლი ვარ, შეშინებული ვარ ძალიან როგორც ქალი. ამას ნამდვილად არ ველოდი. როდესაც თავის დროზე ციხის კადრები აჩვენებს მე პირველი გავედი. აღშფოთებას ვერ ვმალავდი და მოვუწოდებდი დედებს, რომ მოდით აქ და ვისაც შვილები გყავთ ნახეთ რა ხდება  და ა.შ. მერე ზოგი ამბობდა, რომ დადგმულია ...“-განაცხადა თამარ ჭოხონელიძემ და აღნიშნა რომ მაშინ წასასვლელები უნდა წასულიყვნენ და წავიდნენ კიდეც. მომღერალი აცხადებს, რომ პროკურატურას არ ენდობა. თამრიკო ჭოხონელიძისგანცხადებით  ობიექტური ჭეშმარიტების დადგენა ვერ მოხდება მხოლოდ ერთი მიზეზით - ისინი საკუთარ თავებს არ დაისჯიან. „ირაკლი კობახიძემ თქვა, რომ ამ საქმეს აუცილებლად გაეცემა პასუხი. ძალიან კარგი, გასცენ პასუხი. მე იმ საზოგადოების წევრი ვარ, რომელიც ველოდები მათგან პასუხს. თუმცა  მე ვთვლი, რომ ის გამოძიება, რომელიც უნდა ჩატარდეს, მათ არ უნდა ჩაატარონ იმიტომ რომ ეს არ იქნება ნამდვილად ობიექტური, იმიტომ რომ საკუთარ თავს თუ დასასჯელები არიან არ დასჯიან,“-განაცხადა თამრიკო ჭოხონელიძემ და აღნიშნა, რომ იმ ქვეყანაში სადაც ფონდ „იავნანას“ საქმეს იძიებენ, შეუძლებელია სხვა საქმეებზე ჭეშმარიტება დაადგინოს. ... ...
  • არჩილ თალაკვაძე: სალომე ზურაბიშვილის არჩევით საქართველო უფრო მეტად უახლოვდება ევროპას (R)პრეზიდენტობის დამოუკიდებელი კანდიდატის, სალომე ზურაბიშვილის წინასაარჩევნო კამპანიის ფარგლებში, ოზურგეთის მოსახლეობასთან შეხვედრები გაიმართა. უმრავლესობის ლიდერი, ოზურგეთის მაჟორიტარი დეპუტატი არჩილ თალაკვაძე, პარტია „ქართული ოცნება - დემოკრატიული საქართველოს“ ოზურგეთის საოლქო ორგანიზაციის თავმჯდომარე მერაბ ჭანუყვაძე და ორგანიზაციის წევრები, სოფელ ცხემლისხიდის და სოფელ დვაბზუს მოსახლეობას შეხვდნენ. „სალომე ზურაბიშვილის არჩევით საქართველო უფრო მეტად უახლოვდება ევროპას, პოლიტიკა ხდება უფრო მშვიდი და პრეზიდენტი უფრო მეტად - თქვენი. მას აქვს ძლიერი პირადი ისტორია, დიპლომატიური კავშირები და პოზიტიური დღის წესრიგი,“ _ მიმართა არჩილ თალაკვაძემ მოსახლეობას. როგორც შეხვედრაზე მერაბ ჭანუყვაძემ აღნიშნა: „სალომე ზურაბიშვილი არის ღირსეული კანდიდატი, რომელიც პირნათლად შეასრულებს პრეზიდენტისთვის კონსტიტუციით დაკისრებულ ფუნქცია - მოვალეობებს. ის თვითონ არის ნამდვილი ევროპელი საქართველოდან, ვინც სამშობლოს სიყვარულით დაბრუნდა და იბრძვის უკეთესი ხვალინდელი ... ...
  • „ელემენტარული სამედიცინო დახმარება აღმომიჩინეს და სანაცვლოდ გამოდის, რომ ტყავს მაძრობენ“"საავადმყოფოში, სადაც სასწრაფო დახმარებამ გადამიყვანა, ელემენტარული სამედიცინო დახმარება აღმომიჩინეს და სანაცვლოდ გამოდის, რომ ტყავს მაძრობენ., გადასხმა გამიკეთეს და ბოლოს 104-ლარიანი ქვითარი გამომიწერეს. მაინტრესებს რაში?! თან სოციალურად დაუცველი ვარ და ყველაფერს რომ თავი დაანებო, ამას მაინც არ უნდა ჰქონდეს მნიშვნელობა?! ვისთვის როგორ, მაგრამ ეს თანხა ჩემთვის ძალიან ბევრია. როგორ უნდა ღირდეს გადასხმის გაკეთება 104 ლარი ?!“ _ ამბობს ლანჩხუთში, სოფელ შუხუთში მცხოვრები გიორგი იმნაიშვილი, რომელიც, როგორც ირკვევა, სასწრაფო დახმარების ბრიგადამ შემდგომი სამედიცინო დახმარების გაწევის მიზნით ლანჩხუთის რეფერალურ საავადმყოფოში გადაიყვანა. იმნაიშვილი „გურია ნიუსთან“ საუბრისას ამბობს, რომ იმ თანხის ოდენობა, რომლის გადახდაც მას ლანჩხუთის რეფერალურმა საავადმყოფომ დააკისრა არაადაეკვატურია სამკურნალო დაწესებულების მხრიდან გაწეული სამედიცინო მომსახურების, მითუმეტეს, რომ მისი ოჯახი სოციალურად დაუცველია. „გურია ნიუსი“ აღნიშნულ ფაქტთან დაკავშირებით ლანჩხუთის რეფერალური საავალდმყოფოს ხელმძღვანელს თინიკო გოგუაძეს დაუკავშირდა. „ეს პაციენტი ალკოჰოლური ინტოქსიკაციით შემოიყვანეს ჩვენს სამედიცინო დაწესებულებაში. სხვათა შორის,  თვის განმავლობაში რამდენჯერმე შემოდის ეს პაციენტი ჩვენთან მსგავსი ინტოქსიკაციით და აქედან გამომდინარე, იგი ალკოჰოლდამოკიდებულად ითვლება. კანონის სრული დაცვით მოხდა მისთვის გაწეული სამედიცინო დახმარების კალკულაცია, რამაც, ჯამში, 104 ლარი შეადგინა. ეს პაციენტი არ ფინანსდება საყოველთაო ჯანდაცვის პროგრამიდან, თუმცა, იქედან გამომდინარე, რომ ის სოციალურად დაუცველია,  გადასახდელი თანხის ნახევარს ადგილობრივი მერია გადაიხდის,_  გვითხრა თინიკო ... ...

არქივი

ზაფრანი

იღბლიანი რიცხვები ზოდიაქოს ნიშნის მიხედვით

რიცხვების მაგია უხსოვარი დროიდან იღებს...

ერთი ჭიქა წყლის ძილის წინ დალევა ინსულტისგან გიხსნით!

სასმელი წყლის ფასეულობას ყველა აცნობიერებს,...

შემოდგომის დიეტა

შვეიცარიელი ექიმი დემოლი გვირჩევს, რომ...

მამაკაცის ფრაზები რომელსაც ქალი წონასწორობიდან გამოჰყავს

ვზივარ მეგობრის სახლში, უცებ სამზარეულოში...

როგორ შევაყვაროთ მოზარდს წიგნის წაკითხვა

ჩვენი შვილებისთვის, საიმისოდ რომ მათი...
კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...

ვის აძლევთ ხმას საპრეზიდენტო არჩევნებზე?