“ჩემი ამოცანა ბიძინა ივანიშვილის წინააღმდეგ ბრძოლა არ არის“_ ეკა ბესელია

პოლიტიკა

“ჩემი ამოცანა ბიძინა ივანიშვილის წინააღმდეგ ბრძოლა არ არის“_ ეკა ბესელია

28 თებ. 2019, 16:45:41

„თუ ელოდებიან, რომ  ისეთ ოპოზიციონერად გადავიქცევი, როგორიც დღეს ქართულ პოლიტიკას ჰყავს, უშვერი სიტყვით რომ ილანძღებიან და პერსონალურ შეტევებზე გადადიან, ძალიან ცდებიან“, _ აღნიშნა „გურია ნიუსთან“ „ქართული ოცნების“  ერთ-ერთმა დამფუძნებელმა ეკა ბესელიამ, რომელმაც პარტია რამდენიმე დღის წინ დატოვა.

დეპუტატი მიიჩნევს, რომ ახალი პოლიტიკურ ეტაპზე მისი ამოცანა ბიძინა ივანიშვილის წინააღმდეგ ბრძოლა არ იქნება.

_ ქალბატონო ეკა, სასამართლო სისტემასთან დაკავშირებული სკანდალის შემდეგ,  თქვენივე დაფუძნებული პარტია დატოვეთ. ახლა, როცა პოლიტიკური ცხოვრების გაგრძელება „ქართული ოცნების“ გარეშე  მოინდომეთ, წყალგამყოფ საკითხებთან დაკავშირებით, მზად ხართ, პარტიის თავმჯდომარეს, ბიძინა ივანიშვილს საჯაროდ დაუპირისპირდეთ ?

_ ჩემი თვითმიზანი არ არის „ქართულ ოცნებასთან“ და მის ლიდერთან ჭიდილი. არ ვფიქრობ, რომ ჩემი ენერგია, დრო და შესაძლებლობები ასეთი სახის ბრძოლაში უნდა დავხარჯო. ჩემი მიზანი ყველასთვის საკმაოდ ნათელი და გასაგებია. მე ვიბრძვი სამართლიანობისთვის და ჩემთვის უკვე მნიშვნელობა აღარ აქვს გარკვეულ გვარებსა და სახელებს. ჩემი მთავარი ამოცანა არის ის, რომ ხელისუფლების სათავეში წინა, ძალადობრივი რეჟიმი არასდროს დაბრუნდეს. გარკვეულ ჯგუფს აინტერესებს, ბესელია მოიხსენიებს თუ არა ივანიშვილს აუგად, რაც, ვფიქრობ, რომ სწორი არ არის. ასეთი ქმედებით პოლიტიკოსის კულტურა და გამბედაობა არ გაიზომება. თუ ელოდებიან, რომ  ისეთ ოპოზიციონერად გადავიქცევი, როგორიც დღეს ქართულ პოლიტიკას ჰყავს, უშვერი სიტყვით რომ ილანძღებიან და პერსონალურ შეტევებზე გადადიან, ძალიან ცდებიან. ჩემი ამოცანა ბიძინა ივანიშვილის წინააღმდეგ ბრძოლა არ არის. ჩემი ამოცანაა ვიბრძოლო სამართლიანობისთვის.

_ როგორც ცნობილია, ფრაქციის შექმნას აპირებთ, რომელიც თანაგუნდელებს „ოცნებისგან“ დამოუკიდეელი პოლიტიკური ცხოვრების გაგრძელების საშუალებას მისცემს. ამ ფონზე, ბიძინა ივანიშვილისა და თქვენი ურთიერთობა როგორ გაგრძელდება?

_ ბიძინა ივანიშვილს ბევრ სიკეთეს ვერ დაუკარგავ. უმადურობა ერთ-ერთ ცუდ თვისებად მიმაჩნია. როგორც ქართველი და ამ ქვეყნის მოქალაქე, ვფიქრობ, რომ მისი როლი პირველი ოქტომბრის გამარჯვებაში ძალიან დიდი და გადამწყვეტი იყო. სააკაშვილის წინააღმდეგ ბრძოლაში ბიძინა ივანიშვილის შემოსვლამ ახალი ენერგია შემოიტანა. მან შეძლო საპროტესტო მუხტის  გაერთიანება და საბოლოო ჯამში, ის გამარჯვების ფორმულა გახდა. ამიტომ  მისი როლისა და თავდადების გაუბრალოება არ არის კარგი. ბიძინა ივანიშვილის ყოველთვის მადლობელი ვიქნები იმ გამარჯვების გამო, რომელიც ჩვენთან ერთად მოიტანა. გარდა ამისა, მას ბევრი სიკეთე და ქველმოქმედება აქვს გაკეთებული, რაც არ უნდა დავუკარგოთ. პარტიის თავმჯდომარეს ვუსურვებ, რომ  მის მიერ გადადგმული ყოველი ნაბიჯი ქვეყნისთვის სარგებლის მომტანი იყოს. პარტიიდან ჩემი წასვლა არ იყო მარტივი, რაც ჩემსა და ბიძინა ივანიშვილს შორის ხედვებისა და პოზიციების განსხვავებულობამ განაპირობა. არ არის გამორიცხული, რომ მან სასამართლოსთან დაკავშირებით პოზიცია შეიცვალოს. ივანიშვილის ირგვლივ ასეთი ადამიანები არიან, რომლებიც მცდარ ინფორმაციას აწვდიან და დათვურ სამსახურს უწევენ, რაც სამწუხაროა. იმედი მაქვს, რომ ის პროცესი, რომელიც რამდენიმე ადამიანმა წამოვიწყეთ, იმ გზას გაკვალავს, რომელიც საჭიროა იმისთვის, რომ პოლიტიკურ სივრცეში მეტი ჟანგბადი გაჩნდეს.

_ თქვენ, ზვიად კვაჭანტირაძე, ლევან გოგიჩაიშვილი, გედევან ფოფხაძე, ბექა ნაცვლიშვილი პარტიაში აღარ ირიცხებით და როგორც ცნობილია, უმრავლესობას უახლოეს მომავალში  ფრაქცია „ქართული ოცნება-სოციალ-დემოკრატებიც“ დატოვებს. როგორ ფიქრობთ, საკონსტიტუციო უმრავლესობის დაკარგვის შემდეგ, „ქართული ოცნება“ საპარლამენტო უმრავლესობასაც დაკარგავს?

_ „ქართულ ოცნებაში“ იმდენად შეუქცევადი პროცესები დაიწყო, რომ რთულია თქმა, რით შეიძლება დამთავრდეს ეს ყველაფერი. რეალურად, მიმდინარე  მოვლენებმა აჩვენა, რომ პარტიაში ცვლილებებისა და გადაწყვეტილებების მიღების პროცესები დაგვიანდა, რაც „ქართული ოცნებიდან“  წინა რეჟიმთან მებრძოლი ადამიანების წასვლით გამოიხატა. უზენაეს სასამართლოში თანამდებობებზე უვადოდ იმ მოსამართლეთა განმწესების მცდელობის პროცესმა, რომლებიც წინა ხელისუფლების ძალადობრივ რეჟიმთან ასოცირდებიან, ჩემს გადადგომაში კულმინაციური როლი ითამაშა და როგორც გამოჩნდა, აღნიშნულ საკითხთან დაკავშირებით პროტესტის გრძნობა მხოლოდ მე არ მქონია. განცდა არ მქონდა, რომ პარტიაში პროცესები სწორად წარიმართებოდა და გადაწყვეტილებები რაციონალურად მიიღებოდა, ამიტომ  პარტიიდან წასვლის გადაწყვეტილება მივიღე. საბოლოოდ, პარტიაში შეუქცევადი პროცესები როგორ დასრულდება მიმდინარე მოვლენები აჩვენებს.

_ პარლამენტში შექმნილი კრიზისული ვითარების ფონზე ირაკლი კობახიძის იმპიჩმენტს არ გამორიცხავთ. იმის გათვალისწინებით, რომ პარლამენტის თავმჯდომარის გადაყენების პროცედურა მკაცრ სამართლებრივ ჩარჩოშია მოქცეული, მის გადაყენებას დღეს სამართლებრივი საფუძველი აქვს?

_ ჯერჯერობით, ირაკლი კობახიძის იმპიჩმენტის პროცესი არ დამიწყია, მაგრამ თუ დავიწყებ, საქმეს ბოლომდე მივიყვან. ირაკლი კობახიძის გადაყენების საფუძველი არის  უნდობლობა, რომელსაც მის მიმართ დეპუტატები განიცდიან. ირაკლი კობახიძე იმ ჯგუფთან არის ალიანსში, რომელიც იუსტიციის უმაღლეს საბჭოში  წარმოადგენს უმრავლესობას და სასამართლო სისტემას მართავს. ასეთი სახის ალიანსი სახელმწიფოსთვის და პარლამენტისთვის ძალიან საზიანოა. მას მენეჯმენტის კუთხით სერიოზული პრობლემები აქვს და მის მიერ მიღებული გადაწყვეტილებები ვერანაირ კრიტიკას ვერ უძლებს, რაც მისი გადაყენების საფუძველს ქმნის. ჩემნაირად გუნდში ცოტა არ ფიქრობს. მას პარტიაში ბევრი უკმაყოფილო  დეპუტატი ჰყავს. მხოლოდ დიმიტრი ცქიტიშვილით არ იზომება მისი დამცველების რაოდენობა. ცქიტიშვილი მას პერსონალური კმაყოფილებიდან გამომდინარე იცავს და არა იმ პრობლემებიდან გამომდინარე, რომლიდანაც პოლიტიკოსი უნდა იყურებოდეს. ზარდიაშვილის, მდინარაძისა და მათიკაშვილის ჯგუფს აქვთ თავიანთი ინტერესები სასამართლოსთან დაკავშირებით და ისინი იყენებენ ამ შესაძლებლობებს საკუთარი ინტერესებისთვის. იმედი მაქვს, მმართველი პარტია გააცნობიერებს, რომ იმ ძველი რეჟიმის მოსამართლეებისგან, რომლებიც მოძალადეები იყვნენ, სასამართლო სისტემა უნდა გაათავისუფლდეს.

_ პარლამენტმა „პატრიოტთა ალიანსის“ მიერ მომზადებულ ინიციატივას, რომელიც „ნაციონალური მოძრაობის“ დანაშაულებრივ რეჟიმად გამოცხადებას გულისხმობდა, მხარი არ დაუჭირა. როგორ ფიქრობთ, მმართველი პარტიის სრული მხარდაჭერა კანონპროექტმა რატომ ვერ მოიპოვა?

_ის ადამიანები, რომლებიც სააკაშვილის ნარჩენებს ამაგრებენ, ბუნებრივია, მის რეჟიმს ძალადობრივად არ შეაფასებენ. დათო მაღრაძის სიტყვას დავეყრდნობი,  რეალობა ის არის, რომ დღეს „ქართული ოცნების“ სახელით ზარდიაშვილი გველაპარაკება და სასამართლოს სახელით ჩინჩალაძე, რაც ძალიან სამწუხაროა. დღეს სასამართლო სისტემაში მოქმედი ჯგუფი ცდილობს, რომ საკმაოდ მყარად გაიძლიეროს თავის პოზიციები და ამისთვის იყენებენ ყველა საშუალებას. იყენებენ პოლიტიკოსებს, ხელისუფლებაში მყოფ პირებს და ვინც მათ მიმართ არის კეთილგანწყობილი.

_ “ქართული ოცნების“ პირობებში მორალური ტერორის მსხვერპლი გახდით. იმის გათვალისწინებით, რომ ანალოგიურ საქმეებზე სამართალდამცავი უწყებების მხრიდან ადეკვატური გამოძიება არ ხდება, თქვენი პირადი ცხოვრების ამსახველი კადრების გავრცელების ფაქტზე გაქვთ ადეკვატური გამოძიების იმედი?

_ ეს არის  გამოცდა თავად საგამოძიებო უწყებებისთვის. მათთვის არის ძალიან სერიოზული კითხვის ნიშანი, რადგან ეჭვი არის ისე, როგორც „ნაციონალურ მოძრაობაზე“, როგორც შესაძლო გამავრცელებელზე, ასევე, მმართველ პარტიაზეც.  იმ პატარა გოგონებისა და ბიჭების ციხეში გაშვება არ არის არც ჩემი მიზანი და არც  საზოგადოების. ყველა უნდა გაფრთხილდეს და იცოდეს, რომ არ შეიძლება ადამიანის ოჯახურ სივრცეში ხელების ფათური და უკანონო ჩარევა, რაც კანონით ისჯება. მთავარი არის დაადგინონ, ვინ იყო ამ ყველაფრის ინიციატორი. ამ კითხვას უნდა უპასუხონ გახარიასა და თადუმაძის უწყებებმა. მათ მიმართ საქმის დასრულებამდე აღნიშნული კითხვა არ მოხსენება.




 ახალი ამბები
  • ორი გარდაცვლილი და ერთი დაშავებული - ძლიერი ავარია ხობშიორი ადამიანი გარდაიცვალა და ერთი მძიმედ დაშავდა ხობის მუნიციპალიტეტში, სოფელ ჭალადიდში მომხდარი ავტოსაგზაო შემთხვევის შედეგად. თვითმხილველების ინფორმაციით, მერსედესის მარკის ავტომობილის მძღოლმა,სავარაუდოდ,საჭე ვერ დაიმორჩილა, გზის სავალი ნაწილიდან გადავიდა და ხეს შეეჯახა. რაც შეეხება დაშავებულს,იგი ამ დროისთვის ფოთის საავადმყოფოში გადაიყვანეს. შსს-მ გამოძიება სსკ-ის 276-ე მუხლით ... ...
  • ნიკა გვარამია კრიმინალურ პოლიციაში დაიბარეს"მთავარი არხის" დირექტორი, ნიკა გვარამია კრიმინალურ პოლიციაში დაიბარეს. მისი ადვოკატი, დიმიტრი საძაგლიშვილი რადიო თავისუფლებას ეუბნება, რომ ის 19 წლის ფეხბურთელის, გიორგი შაქარაშვილის გარდაცვალების საქმეზე დაიბარეს. საძაგლიშვილი ასევე აცხადებს, რომ გვარამია 17 საათზე დაიბარეს, თუმცა ის უწყებაში არ მივა. ადვოკატი განმარტავს, რომ გვარამია მზად არის მოსამართლის თანდასწრებით გამოკითხვას დათანხმდეს. 19 წლის ფეხბურთელის, გიორგი შაქარაშვილის გარდაცვალების საქმეზე, გამოძიება უკვე 4 მუხლით მიმდინარეობს: თავისუფლების უკანონოდ აღკვეთის, ძალადობის, ჯგუფური ძალადობის ორგანიზების და ჯგუფურად განხორციელებული განზრახ მკვლელობის მუხლებით. საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ. წყარო: რადიო ... ...
  • ავარია ქვაბღასთან _ როგორია დაშავებულების მდგომარეობაბახმაროსკენ მიმავალ გზაზე, ქვაბღასთან, ავტომობილი, რომლითაც 6 ადამიანი, მათ შორის 8 თვის ბავშვი მგზავრობდა, ხიდიდან გადავარდა. დაშავებულები ჩოხატაურის სამედიცინო ცენტრებში გადაანაწილეს, რომელთაგან 1-მა კლინიკა ამ დროისთვის უკვე დატოვა, 1 დაშავებული კი ქუთაისში გადაიყვანეს. ჩოხატაურის მუნიციპალიტეტის მერის წარმომადგენლის თანაშემწის ნაბეღლავის ადმინისტრაციულ ერთეულში, ნოდარ ირემაძის ინფორმაციით, დაშავებულები ჩოხატაურელები არიან. „ავტოკატასტროფა მოხდა ღამით. მოხდა სწრაფი რეაგირება. შემთხვევის ადგილას იმყოფებოდა სამაშველო სამსახური. სასწრაფომ დაშავებულები გადაიყვანა საავადმყოფოებში. ცალკე წაიღეს ავტომობილი.   ავტოსაგზაო შემთხვევის შედეგად ჩოხატაურელები დაშავდნენ“,_ ამბობს ირემაძე. ჩვენს კითხვაზე, ხშირია თუ არა ავტოსაგზაო შემთხვევები გზის ამ მონაკვეთზე, ნოდარ ირემაძე გვპასუხობს, რომ გზა აღნიშნულ მონაკვეთზე კარგია და არც ავარიები ხდება ხშირად. „წელს ეს პირველი ავტოსაგზაო შემთხვევაა ამ ტერიტორიაზე. გზა ძალიან კარგია. მთავარია, მძღოლი იყოს ყურადღებით. რას უკავშირდება მომხდარი ავტოსაგზაო შემთხვევა, არ ვიცი“,_ გვპასუხობს ირემაძე. 6 დაშავებულიდან 2 _ მამაკაცი და ქალი "ჯანმრთელობის სახლ გურიაში“ გადაიყვანეს. კლინიკის მთავარი ექიმი თემურ კოროშინაძე: „ჩვენთან შემოიყვანეს 2 დაშავებული პიროვნება 1 მამაკაცი და 1 ქალი. მამაკაცს ჰქონდა ყბის ძვლის მოტეხილობა და გადაგზავნილი იქნა ქუთაისში ქირურგიული ჩარევისთვის. ქალს ტვინის შერყევა და ნეკნის მოტეხილობა აღენიშნება“,_ გვითხრა კოროშინაძემ. 4 დაშავებული, მათ შორის 8 თვის ბავშვი ჩოხატაურის სამედიცინო ცენტრ "მედალფაში" შეიყვანეს. „მედალფას“ დირექტორის, ანტონ ხუნდაძის თქმით, დაშავებულების სიცოცხლეს საფრთხე არ ემუქრება. 1 პაციენტი უკვე გაწერეს და 2 დღეში დანარჩენებიც დატოვებენ კლინიკას. „4 დაშავებული შემოიყვანეს ჩვენს კლინიკაში, 1 _ უკვე გავწერეთ და 3 _ რჩება. მათ სიცოცხლეს საფრთხე არ ემუქრება. ჩვენთან დაკვირების ქვეშ არის 8 თვის ბავშვიც. სერიოზული დაზიანებები არ აღენიშნება და 2 დღეში მასაც გავწერთ“, _ ამბობს ... ...
  • ნაპირზე ტანსაცმელი იპოვეს- რიონში დასაბანად შესულ 72 წლის კაცს ეძებენსამტრედიის შესასვლელში, აღმაშენებლის ქუჩის მიმდებარედ, მდინარე რიონის ნაპირზე 72 წლის როლანდ თვალაბეიშვილის ტანსაცმელი იპოვეს. მისი შვილის, ჯონი თვალაბეიშვილის განცხადებით, მამა გუშინ, დაახლოებით 16:00 საათზე გავიდა სახლიდან მდინარე რიონზე, დასაბანად. დღეს დილიდან უკვე მიმდინარეობს მდ. რიონზე საძიებო ღონისძიებები. ადგილზეა სამტრედიის და ქუთაისის როგორც ქვეითი, ასევე სამაშველო ჯგუფები საფრენი აპარატი დრონით და განსაკუთრებულ სიტუაციებზე რეაგირების მყვინთავთა ჯგუფი, წყალზე საძიებო სკანერი "ექოლოტით" აღჭურვილი გასაბერი და მოტორიანი ნავებით. ადგილზე იმყოფება მუნიციპალიტეტის მერი ვალერი ... ...
  • შაქარაშვილის საქმე- დამამძიმებელ გარემოებებში ჯგუფურად განხორციელებული განზრახ მკვლელობა გიორგი შაქარაშვილის გარდაცვალების საქმეზე ექსპერტიზის დასკვნის შემდგომ უკვე არსებულ კლასიფიკაციას  დაემატა დამამძიმებელ გარემოებებში ჯგუფურად განხორციელებული განზრახ მკვლელობა, დანაშაული გათვალისწინებული საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით. შეგახსენებთ, რომ ფეხბურთელი მცხეთაში, დაბადების დღის აღსანიშნავ წვეულებაზე წავიდა, შემდეგ კი გაუჩინარდა. მაშველებმა მის ცხედარს რამდენიმე დღიანი ძებნის შემდეგ მდინარეში მიაგნეს. "ექსპერტიზის დასკვნის თანახმად, გიორგი შაქარაშვილის სიკვდილის მიზეზია ასფიქსია წყალში დახრჩობით. ამავდროულად, გიორგი შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული, სიცოცხლისდროინდელი დაზიანებები შუბლის/თავის, ორივე თვალბუდის, ზედა და ქვედა ტუჩის მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში. ექსპერტიზის დასკვნის მიხედვით, აღნიშნული დაზიანებები, იზოლირებულად აღებული, ატარებენ სხეულის დაზიანებათა მსუბუქი ხარისხის ნიშნებს“, - ნათქვამია პროკურატურის ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ ყველაზე, ყველაზე...

იცი თუ არა გეოგრაფია

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...