„ჭკვიანური იქნება, ვაშაძემ მიხეილ სააკაშვილს მოქალაქეობა მიანიჭოს“_ დავით ბერძენიშვილი

პოლიტიკა

„ჭკვიანური იქნება, ვაშაძემ მიხეილ სააკაშვილს მოქალაქეობა მიანიჭოს“_ დავით ბერძენიშვილი

2018 ნოე 13 15:25:52

"ივანიშვილმა ვერ ისწავლა პოლიტიკა, ამიტომ საკუთარ მახეში გაება. მან ყველაფერი გააკეთა იმისთვის, რომ პოლიტიკური ცხოვრება ქვეყანაში ვერ განვითარებულიყო", _ აღნიშნა "გურია ნიუსთან" საუბრისას“ „რესპუბლიკური პარტიის“ ერთ-ერთმა ლიდერმა დავით ბერძენიშვილმა.

ბერძენიშვილი მიიჩნევს, რომ ვაშაძემ, გამარჯვების შემთხვევაში სააკაშვილს მოქალაქეობა უნდა მიანიჭოს, რადგან "ერთი არაფორმალური პოლიტიკური ლიდერისგან გათავისუფლების დაწყება და მეორე არაფორმალური პოლიტიკური ლიდერის მიმართ მხარდაჭერის გამოცხადება არ არის ნორმალური პოლიტიკური პროცესი."

_ ბატონო დავით, „ქართული ოცნებას“ საპრეზიდენტო არჩევნების მეორე ტურში სალომე ზურაბიშვილის გასამარჯვებლად, ოპოზიციის მტკიცებით, მთელი სახელისუფლებო რესურსი აქვს ჩართული. ამას ემატება ისიც, რომ მმართველი პარტია საზოგდოების გულის მოსაგებად, გარკვეულ პოლიტიკურ კომპრომისებზე წავიდა, მათ შორის, ოთარ ფარცხალაძეს ბრალის წარუდგინა და პარლამენტიდან კანაფის კულტივაციის შესახებ კანონპროეტი გაიწვია. ამ ფონზე, როგორ ფიქრობთ, სალომე ზურაბიშვილის მიმართ ამომრჩეველთა განწყობა შეიცვლება?

_ ნაკლებად ვვარაუდობ, რომ „ქართულმა ოცნებამ“ არაპირდაპირი მოსყიდვით ბევრი ამომრჩეველი მიიმხროს. ბუნებრივია, მმართველი პარტია შავი ფულითაც შეეცდება ამომრჩეველთა გადაბირებას, მაგრამ საარჩევნო პროცესზე აღნიშნულს მნიშვნელოვანი გავლენა არ ექნება.

ბიძინა ივანიშვილმა წინასაარჩევნო კამპანიაში, ე.წ. ძველი გვარდიის აბსოლუტურად გაკოტრებული ადამიანები ჩართო. ირმა ინაშვილს რომ შეშურდება, ისეთი პრორუსულობით, უცოდინარობითა და სიბნელით ცნობილი ადამიანები, მათ შორის, ოლეგ იაძე, რომელიც  პატარა ბიძინა ვარო გაიძახოდა.

გრიგოლ ვაშაძეს აქვს  ძალიან დიდი სასტარტო უპირატესობა. დავით ბაქრაძისთვის მიცემული ხმები თითქმის მთლიანად გადავა  ვაშაძესთან. „ნაციონალური მოძრაობის“ ამომრჩევლებისთვის „ევროპული საქართველო“ მეორე არჩევანია და განსაკუთრებით  პირიქით, „ევროპული საქართველოს“ ამომრჩევლებისთვის „ნაციონალური მოძრაობის“ საპრეზიდენტო კანდიდატი გრიგოლ ვაშაძე თითქმის ისეთივე შინაური და ღირებულია, როგორც  დავით ბაქრაძე.

უნდა აღინიშნოს, რომ სუს-ი ძალიან მძიმედ არის ჩართული  წინასაარჩევნო კამპანიაში. ასეთი აქტიურობა დემოკრატიის მინიმალურ სტანდარტებსაც კი სცილდება.

როგორ შეიძლება ელჩი გამოიძახო და მიავლინო საარჩევნო პროცესში ისე, როგორც აჭარაში მოხდა. როდესაც სპეცსამსახურები და ელჩები მუშაობენ საპრეზიდენტო კანდიდატის გამარჯვებისთვის, ნიშნავს, რომ ქვეყანაში დემოკრატიის მინიმალური სტანდარტიც კი არ არსებობს.

_ გრიგოლ ვაშაძის, რომლსაც თქვენმა პარტიამ საპრეზიდენტო არჩევნებში მხარდაჭერა გამოუცხადა, რუსი პიარტექნოლოგი ვიტალი შკლიაროვი აცხადებს, რომ  დეკემბერში საქართველოში  რევოლუციაა მოსალოდნელი. იმ შემთხვევაში თუ გრიგოლ ვაშაძემ გაიმარჯვა და მდგომარეობა ამ სცენარით წარიმართა, „რესპუბლიკურ პარტიას“ რა როლი ექნება ამ პროცესებში? ამასთან,  აპირებთ სამომავლოდ, „ნაციონალურ მოძრაობასთან“ თანამშრომლობის გაგრძელებას?

_ გამარჯვებული ძალა არ აწყობს რევოლუციას და მითუმეტეს, დამარცხებული ვერ მოაწყობს  თუ  სათანადო მხარდამჭერი აქ ჰყავს.

ამომრჩეველმა გადაწყვიტა, რომ ბიძინა ივანიშვილის კანდიდატი დამარცხდეს. ჩვენც მიგვაჩნია, რომ სალომე ზურაბიშვილის დამარცხება ქვეყნისთვის უფრო სასარგებლოა, ვიდრე მისი გამარჯვება, ამიტომ  მხარი დავუჭირეთ გრიგოლ ვაშაძეს.

რაც შეეხება სამომავლო გეგმებს, გრიგოლ ვაშაძის მხარდაჭერის სანაცვლოდ, ოპოზიციურ პარტიასთან არანაირი წინაპირობა არ დაგვიყენებია, რაიმე სახის შეთანხმებებზე არ გვისაუბრია. ყველაფერს პოლიტიკური მომავალი გვიჩვენებს.

არჩევნებამდე ცოტა ხნით ადრე ღიად დავწერე, რომ დღევანდელ პოლიტიკურ სპექტრს ბიძინა ივანიშვილმა მრავალპარტიული სისტემის შექმნის შანსი არ დაუტოვა. იმედი გვაქვს, რომ ახლა მაინც მოგვეცემა მრავალპარტიულ სისტემაზე გადასვლის შანსი.

_“ნაციონალურ მოძრაობასთან“ ერთად აპირებთ მრავალპარტიული სისტემის შექმნას?

_ ქართველი ამომრჩევლის მიერ  „ნაციონალური მოძრაობა“ მკაფიოდ გადაიქცა ქართული ოპოზიციის ლიდერად. ისეთ ლიდერად, რომელიც შემძლეა “ ქართული ოცნება“ დაამარცხოს. ასეთ ვითარებაში „ნაციონალური მოძრაობის“ გარეშე წარმოუდგენელია ქართული პოლიტიკური სპექტრის შექმნა.

გრიგოლ ვაშაძის გაპრეზიდენტების შემთხვევაში მოველი და ვფიქრობ, მისი მხრიდან ჭკვიანური ნაბიჯი იქნება, რომ „ნაციონალური მოძრაობის“ ფავორიტ ლიდერს, მიხეილ სააკაშვილს მოქალაქეობა მიანიჭოს, იმიტომ, რომ ერთი არაფორმალური პოლიტიკური ლიდერისგან გათავისუფლების დაწყება და მეორე არაფორმალური პოლიტიკური ლიდერის მიმართ მხარდაჭერის გამოცხადება არ არის ნორმალური პოლიტიკური პროცესი.  

_ მას შემდეგ, რაც სალომე ზურაბიშვილმა  საპრეზიდენტო არჩევნების პირველ ტურში ვერ გაიმარჯვა, “ქართული ოცნება _ დემოკრატიული საქართველოს“ თავმჯდომარე ბიძინა ივანიშვილმა დასახმარებლად ძველ გვარდიას მოუხმო. როგორ ფიქრობთ, ძველ გვარდიას შესწევს  ძალა იმისა, რომ ქვეყნაში არსებული პრობლემები გადაჭრას? ამასთან, ივანიშვილის მხრიდან არალოგიკური ხომ არ არის ძველი გვარდიის შემოერთებაზე საუბარი, მაშინ, როცა “ოცნების“ ლიდერი საზოგდოებას პარტიის ახალი სახეებით დაკომპლექტებას დაჰპირდა?

_ ბუნებრივია, ალოგიკურია. თან იძახის ძველ გვარდიას დავაბრუნებთო და პარალელურად, ამბობს, სულ განახლებული შემადგენლობა უნდა მყავდესო. მისთვის პარტიის განახლება არის კარგად დავიწყებული ძველის მოყვანა პარტიაში.

ბიძინა ივანიშვილისთვის ახალი არის ჯაჭვლიანი. ივანიშვილმა არ იცის პოლიტიკური მენეჯმენტი. ივანიშვილმა იცის პოსტსაბჭოთა ბიზნესმენეჯმენტი, რომელიც ძალიან შორს არის ნორმალური ბიზნესმენეჯმენტისგან.

ივანიშვილმა ვერ ისწავლა პოლიტიკა, ამიტომ საკუთარ მახეში გაება. მან ყველაფერი გააკეთა იმისთვის, რომ პოლიტიკური ცხოვრება ქვეყანაში ვერ განვითარებულიყო.  „რესპუბლიკელებსა“ და „თავისუფალ დემოკრატებს“ გვებრძოდა ყველაზე მეტად.

ჩვენ წავაგეთ, მაგრამ გადავრჩით პოლიტიკურ სივრცეში და ამჟამად შეიქმნა ისეთი პოლიტიკური რეალობა, რომ „რესპუბლიკელების“ ფასი ძალიან მნიშვნელოვანია.

_ შვილმოკლული მამები მალხაზ მაჩალიკაშვილი და ზაზა სარალი  საზარელი მკვლელობებიდან ერთი წლის თავზე სამართალს კვლავ ეძებენ. როგორ ფიქრობთ, მმართველ პარტიას რა მოტივით არ სურს საქმეების ობიქტურად გამოძიბა?

_ მალხაზ მაჩალიკაშვილის შვილის მკვლელობა  ბუტა რობაქიძის მკვლელობის იდენტურია.

ზაზა სარალიძეს ეუბნებიან, შენი შვილის მკვლელობა რა კავშირშია გვირგვლიანი მკვლელობასთანო?! რაც არანაირ ლოგიკაში ჯდება.  არც ერთ ხელისუფლებას უკადრებია სახელისუფლებო პროპაგანდის გამო შვილმკვდარი მშობლების დაპირისპირება, ეს მოახერხა „ქართულმა ოცნებამ“, რომელიც დღეს ამ ადამიანების შვილების მკვლელებს ხელს აფარებს.




 ახალი ამბები
  • საცხოვრებელ სახლში მომხდარი აფეთქების შედეგად კაცი დაშავდასამტრედიის სოფელი ტოლებში მდებარე ერთ-ერთ საცხოვრებელ სახლში აფეთქება მოხდა, რის შედეგადაც, 58 წლის მამაკაცი დაშავდა. შემთხვევა სავარაუდოდ, ბუნებრივი აირის დაგროვებამ გამოიწვია, რასაც ნგრევა მოყვა. ადგილზე მუშაობდა 2 სახანძრო-სამაშველო ჯგუფი შინაგან საქმეთა სამინისტრომ გამოძიება სსკ-ის 229-ე პრიმა მუხლის მეორე ნაწილის "ბ" ქვეპუნქტით დაიწყო, რაც ენერგორესურსით სარგებლობის წესების დარღვევას ... ...
  • 5 მუნიციპალიტეტი მერის გარეშე _ რატომ ტოვებენ მერები თანამდებობებს? 2017 წლის თვითმმართველობის არჩევნებიდან წელიწადნახევარში 5 მუნიციპალიტეტი მერის გარეშე დარჩა. ზუგდიდის, მარნეულის, ჭიათურისა და ხულოს შემდეგ უმაღლესი აღმასრულებელი პირის გარეშე მუშაობს ზესტაფონის მუნიციპალიტეტიც - 2019 წლის 12 თებერვალს კახაბერ მახათაძემ თანამდებობა დატოვა. ამავე დღეს უფლებამოსილების შეწყვეტის განცხადებით საკრებულოს მიმართა მარნეულის მერმა თემურ აბაზოვმა, რომელიც მოქალაქის მიმართ არაადამიანური მოპყრობის ბრალდებით 2018 წლის 13 ივნისს დააკავეს და 7 თვიანი წინასწარი პატიმრობის შემდეგ 2018 წლის დეკემბერში გირაოთი გაათავისუფლეს. ამ დრომდე წინასწარ პატიმრობაში რჩება კორუფციის ბრალდებით დაკავებული ზუგდიდის ყოფილი მერი ლაშა გოგიაც. „საერთაშორისო გამჭვირვალობა - საქართველომ” ზუგდიდის, მარნეულის, ჭიათურის, ხულოს და ზესტაფონის  მერებთან დაკავშირებული  ცნობები შეკრიბა. ჩამოთვლილ მუნიციპალიტეტებში ახალი მერების არჩევნები, სავარაუდოდ, 2019 წლის მაისში ჩატარდება. ზუგდიდი ზუგდიდის მერმა ლაშა გოგიამ და მისმა მოადგილემ გია გულორდავამ თანამდებობები 2018 წლის 12 სექტემბერს დატოვეს ისე, რომ საზოგადოებისთვის მიზეზები  არ განუმარტავთ. თუმცა გადადგომას წინ უძღოდა ა(ა)იპ „ზუგდიდის ბოტანიკური ბაღების მართვის ცენტრის” საქმიანობის შესწავლის დაწყება და 11 სექტემბერს ლაშა გოგიას გამოკითხვა სახელმწიფო უსაფრთხოების სამსახურის (სუს) მიერ. 13 სექტემბერს, ტელეკომპანია „რუსთავი 2”-მა ფარული ჩანაწერი გაავრცელა, სადაც აღწერილია რუსეთში მცხოვრები ბიზნესმენის, ზურაბ კვირკვიას საუბარი ლაშა გოგიასთან და მის მოადგილე გია გულორდავასთან. ბიზნესმენი უკმაყოფილებას გამოთქვამდა იმის გამო, რომ ზუგდიდში დაპირებული ობიექტები აუქციონის წესით ვერ მიიღო მაშინ, როცა საამისოდ მათ ათიათასობით დოლარი გადაუხადა. ჩანაწერში ფიგურირებდა სამეგრელო-ზემო სვანეთის მაშინდელი გუბერნატორი ლევან შონიაც, რომელიც ჩანაწერის გავრცელებამდე ორი კვირით ადრე თანამდებობაზე შეცვალა ალექსადრე მოწერელიამ. გუბერნატორის  შეცვლა ასევე დაემთხვა სუს-ის მიერ ზუგდიდის მუნიციპალური ა(ა)იპ-ის საქმიანობის შესწავლის დაწყებას. გავრცელებული ჩანაწერის საფუძველზე დაწყებული გამოძიების ფარგლებში ლაშა გოგიას გამოკითხვისა და კორუფციაზე ეჭვის მიუხედავად, ზუგდიდის ყოფილი მერი „ქართული ოცნების” რაიონული ორგანიზაციის თავმჯდომარეობას ინარჩუნებდა და აქტიურად იყო ჩართული მმართველი პარტიის მიერ საპრეზიდენტო არჩევნებზე მხარდაჭერილი სალომე ზურაბიშვილის ადგილობრივ საარჩევნო შტაბში. ლაშა გოგია და გია გულორდავა 1 ნოემბერს მას შემდეგ დააკავეს, რაც საპრეზიდენტო არჩევნების პირველ ტურში სალომე ზურაბიშვილი ზუგდიდში დამარცხდა: მან ზუგდიდის ოლქში ხმათა 33.9%, ხოლო ოპოზიციური „ნაციონალური მოძრაობის” კანდიდატმა გრიგოლ ვაშაძემ 49.1% მიიღო. დაკავების შემდეგ პროკურატურამ, ექსპერტიზის დასკვნაზე დაყრდნობით, „რუსთავი 2”-ის მიერ გავრცელებული ფარული აუდიოჩანაწერის ავთენტურობა დაადასტურა. ამავე საქმეზე 2018 წლის 26 დეკემბერს ბრალი წაუყენეს სამეგრელო-ზემო სვანეთის ყოფილ გუბერნატორს ლევან შონიასაც, თუმცა 27 დეკემბერს გირაო შეეფარდა. 2019 წლის 4 თებერვალს გამართულ სხდომაზე მოსამართლემ ზუგდიდის ყოფილი მერი, მისი მოადგილე და აღნიშნულ საქმეზე დაკავებული ზუგდიდის მუნიციპალიტეტის სხვა ყოფილი მაღალჩინოსნები წინასწარ პატიმრობაში დატოვა. მარნეული მარნეულის მერის თემურ აბაზოვის წინააღმდეგ საქმეს ამ დრომდე სასამართლო განიხილავს. მერმა მუნიციპალიტეტის საკრებულოს უფლებამოსილების შეწყვეტის განცხადებით 2019 წლის 12 თებერვალს მიმართა, რასაც წინ უძღვოდა მისი დაკავება 2018 წლის 13 ივნისს. მარნეულის საკრებულომ გადადგომის შესახებ აბაზოვის განცხადება ცნობად მიმართვიდან 2 დღეში, 14 თებერვალს მიიღო. აბაზოვს პროკურატურა მოქალაქის მიმართ ჯგუფურად ჩადენილ დამამცირებელ და არადამიანურ მოპყრობას ედავება. საქმე ეხება სოციალურ ქსელში 2018 წლის 12 ივნისს გავრცელებულ ვიდეო ჩანაწერს, სადაც ჩანს, როგორ აიძულებენ ბოდიშის მოხდას  და საკუთარი შარდის სახეზე მოსმას მარნეულში მცხოვრებ მოქალაქეს ზაზა სარალიძის მხარდასაჭერ აქციაზე თემურ აბაზოვისა და ბიძინა ივანიშვილის გინების გამო. ასევე, პროკურატურის მტკიცებით, ამავე მოქალაქეზე, თემურ აბაზოვთან ერთად, იძალადეს პარტია „ერთიანი ნაციონალური მოძრაობის” წევრმა რაგიმ ასკეროვმა, მარნეულის საკრებულოს წევრმა რამინ ალახვერდიევმა და მოქალაქე ე.გ.-მ. - მათ ძალადობის მუხლით ბრალი წარედგინათ. საქმეში ფიგურირებს მარნეულის მაჟორიტარი დეპუტატი, „ერთიანი ნაციონალური მოძრაობის” წევრი აზერ სულეიმანოვიც, რომლის მიმართ გამოტანილ იქნა დადგენილება ძალადობის მუხლით სისხლის სამართლის პასუხისგებაში მიცემის თაობაზე.   თემურ აბაზოვი ჩანაწერის გამოქვეყნებიდან მეორე დღეს დააკავეს და რამდენიმე თვის განმავლობაში დუმილის უფლებას ინარჩუნებდა, 6 სექტემბერს კი პროკურატურამ ბრალი დაუმძიმა მოქალაქის პირადი ცხოვრების ამსახველი მასალის გავრცელების გამო. პატიმრობიდან 6 თვეში თემურ აბაზოვს აღკვეთის ღონისძიება შეეცვალა და 10 000 ლარიანი გირაოს სანაცვლოდ გათავისუფლდა. ჭიათურა პაატა ნადირაძემ ჭიათურის მერის თანამდებობა 2018 წლის 27 სექტემბერს დატოვა. ნადირაძემ გადადგომის მიზეზად ჭიათურის მაჟორიტარი დეპუტატის სულხან მახათაძის, ქალაქის პოლიციის უფროსის ლაშა ჩხიტუნიძის და  ძალოვანი უწყებების სხვა წარმომადგენლებისგან მის წინააღმდეგ წარმოებული კამპანია დაასახელა. გადადგომას წინ უძღოდა ჩხუბი რესტორანში, რომელშიც მონაწილე თანამდებობის პირები ჭიათურის მერიიდან, საკრებულოდან და პოლიციიდან ერთმანეთს ადანაშაულებდნენ დაპირისპირების პროვოცირებაში. ინციდენტის შემდეგ პოლიციის ადგილობრივ სამმართველოში მერის წინააღმდეგ განცხადება შევიდა, რის საფუძველზეც შინაგან საქმეთა სამინისტრომ ძალადობის მუხლით გამოძიება დაიწყო, თუმცა გამოძიების შედეგები ამ დრომდე არ გასაჯაროებულა. პაატა ნადირაძე 2017 წლის თვითმმართველობის არჩევნებში ჭიათურის მერად ამომრჩეველთა ხმების 62.45%-ით აირჩიეს. ხულო 2018 წლის 17 ოქტომბერს, საპრეზიდენტო არჩევნებამდე 11 დღით ადრე, ხულოს მერი გოჩა მელაძე გადადგა, მასთან ერთად თანამდებობა დატოვა მისმა მოადგილემ, ლაშა ბოლქვაძემაც. გადადგომის დროს გოჩა მელაძე „ქართული ოცნების” მხარდაჭერილი საპრეზიდენტო კანდიდატის სალომე ზურაბიშვილის საარჩევნო შტაბსაც ხელმძღვანელობდა ხულოში. გოჩა მელაძემ თანამდებობა აჭარის მთავრობის თავმჯდომარის ზურაბ პატარაძის გადადგომიდან მალევე დატოვა. ზურაბ პატარაძის წასვლა კი თავის მხრივ პრემიერ-მინისტრის თანამდებობაზე გიორგი კვირიკაშვილის მამუკა ბახტაძით შეცვლას უკავშირდება. აჭარის მთავრობის ახალი თავმჯდომარის, თორნიკე რიჟვაძის მოსვლასთან ერთად მედიაში არაერთხელ გავრცელდა ვარაუდები რეგიონის მუნიციპალიტეტების პირველი პირების სავარაუდო შეცვლაზე. საზოგადოებას კითხვები გაუჩინა იმ გარემოებამ, რომ გოჩა მელაძე 17 ოქტომბერს - თანამდებობის დატოვების დროს, ოფიციალური ინფორმაციით, შვებულებაში იმყოფებოდა. როგორც მოგვიანებით გაირკვა, სწორედ ამ დღეს მელაძემ საკრებულოს გადადგომის განცხადებით მიმართა, თუმცა მანამდე პირველ მოადგილედ პოლიციის ყოფილი უფროსი ვახტანგ ბერიძე დანიშნა, რომელიც გოჩა მელაძისა და მისი მოადგილის თანამდებობებიდან წასვლის შემდეგ მერის მოვალეობის შესრულებას ავტომატურად შეუდგა. აღსანიშნავია ისიც, რომ ვახტანგ ბერიძემ ხულოს პოლიციის სამმართველოს უფროსის პოზიცია საკუთარი განცხადების საფუძველზე, 16 ოქტომბერს, გოჩა მელაძის თანამდებობიდან წასვლამდე ერთი დღით ადრე დატოვა.  გოჩა მელაძე ხულოს მერად 2017 წლის თვითმმართველობის არჩევნების პირველივე ტურში, ამომრჩეველთა ხმების 59.58%-ით აირჩიეს. ზესტაფონი ამ დრომდე გაურკვეველია ზესტაფონის მერის კახაბერ მახათაძის გადადგომის მიზეზი. მან  უფლებამოსილების შეწყვეტის განცხადებით საკრებულოს 2019 წლის 12 თებერვალს მიმართა. კახაბერ მახათაძემდე თანამდებობა დატოვა მისმა პირველმა მოადგილემ ელგუჯა გვენეტაძემ. ამჟამად მერის მოვალეობას ნუგზარ ფერაძე ასრულებს, რომელიც კახაბერ მახათაძემ თანამდებობიდან წასლამდე მოადგილედ დანიშნა, მანამდე კი ზესტაფონის საკრებულოში ფრაქცია „ქართული ოცნება - დემოკრატიული საქართველოს” თავმჯდომარე იყო. კახაბერ მახათაძის წინააღმდეგ საპროტესტო აქციებს პერიოდულად მართავდნენ ზესტაფონის მერობის ყოფილი კანდიდატი გიორგი გოგლიჩიძე და მისი მხარდამჭერები. ისინი მერს კორუფციაში ადანაშაულებდნენ და რამდენჯერმე მერის სამუშაო კაბინეტთან მჯდომარე აქციაც გამართეს. ზესტაფონის ყოფილმა მერმა მმართველ პარტიას 2016-2017 წლებში 90 000 შესწირა, მათ შორის 40 ათასი ლარი 2017 წლის თვითმმართველობის არჩევნების წინ, რომლის პირველივე ტურის შედეგებით მახათაძე ხმათა 54.7%-ით მერად აირჩიეს. ხუთივე მუნიციპალიტეტში ცესკოს ახალი მერების არჩევნების დანიშვნა, კანონმდებლობის თანახმად, 2019 წლის მაისში მოუწევს, რადგან ყოფილ მერებს უფლებამოსილება 15 თებერვლამდე შეუწყდათ. ცესკომ რიგგარეშე არჩევნების თარიღი არჩევნებამდე არაუგვიანეს 50 დღით ადრე უნდა დანიშნოს განკარგულებით.  ახლადარჩეული მერების უფლებამოსილება 2021 წლის შემოდგომამდე გასტანს. ... ...
  • მკვლელობა თბილისში _ 40 წლამდე მამაკაცს რამდენიმე ტყვია ესროლესძველ თბილისში, ვერცხლის ქუჩაზე 40 წლამდე კაცი მოკლეს. არსებული ინფორმაციით, ის ცეცხლსასროლი იარაღიდან არის მოკლული, გასროლა კი ავტომობილიდან მოხდა.  imedinews-ის ინფორმაციით, ადგილობრივმა მცხოვრებლებმა რამდენიმე გასროლის ხმა გაიგეს, ზოგიერთ ამბობს, რომ 9 გასროლა იყო. კაცს ჭრილობა თავის არეში აქვს. შემთხვევის ადგილზე პოლიციაა ... ...
  • ოზურგეთში კერძო და საჯარო სექტორებს შორის დიალოგის ხარისხი შეფასდებადღეს, ოზურგეთის მუნიციპალიტეტის საკრებულოს სააქტო დარბაზში ინფორმაციის თავისუფლების განვითარების ინსტიტუტმა (IDFI) ოზურგეთის საკრებულოს წევრებთან, მერიის წარმომადგენლებთან და სამოქალაქო სექტორთან საჯარო დისკუსია გამართა. დისკუსია პროექტის კერძო და საჯარო სექტორებს შორის დიალოგის ხარისხის შეფასების ფარგლებში გაიმართა. “ჩვენი დღევანდელი საჯარო დისკუსიის მიზანს წარმოადგენს ოზურგეთის მუნიციპალიტეტში ის, რომ გავიგოთ,  საკრებულოსა და მერიის საქმიანობის პროცესში რამდენად არის უზრუნველყოფილი სამოქალაქო ჩართულობის სხვადასხვა მექანიზმი და დამსწრე საზოგადოებას გავაცნოთ ინფორმაცია ჩვენი პროექტის შესახებ, რომლის ძირითად მიზანსაც წარმოადგენს კერძო და საჯარო სექტორებს შორის დიალოგის შეფასება. როგორც აღმოჩნდა, ოზურგეთში საზოგადოება ძალიან აქტიურად არის ჩართული სხვადასხვა პოლიტიკის შემუშავების პროცესში, თუმცა გამოვლინდა კონკრეტული ხარვეზებიც, რომლებზეც, იმედია, მუნიციპალიტეტი მომავალში იმუშავებს და, ჩვენი შეფასებით, ისინი კიდევ უფრო მაღალ ქულებს მიიღებენ -  თქვე მედიის წარმომადგენლებთან საუბრის დროს IDFI-ის მთავარმა იურისტმა ნინო მერებაშვილმა. ნინო მერებაშვილის თქმით, ამ ეტაპზე მხოლოდ სამი მუნიციპალიტეტით (რუსთავი, თელავი და ოზურგეთი) დაინტერესდა IDFI და დეტალურად მოხდება შეისწავლიან, როგორ ფაზაში არის კერძო და საჯარო სექტორების ... ...
  • ძლიერი ქარის შედეგები საქართველოშიძლიერმა ქარმა, რომელიც საქართველოს მთელ ტერიტორიაზე რამდენიმე დღეა ქრის, საგანგებო სიტუაციების მართვის სამსახურის ინფორმაციით, ქვეყნის მასშტაბით დააზიანა: 87 ხე, 62 შენობის სახურავი, 32 ავტომანქანა, ბუნებრივი აირის 8 მილი, მაღალი ძაბვის 8 ელექტროსადენი და  4 სარეკლამო ბილბორდი. საგანგებო სიტუაციების მართვის სამსახურის ინფორმაციითვე, 16 თებერვლიდან 19 თებერვლის 12:00 საათამდე, შინაგან საქმეთა სამინისტროს საგანგებო სიტუაციების მართვის სამსახურში შემოსულია 261 შეტყობინება. მათ შორის ყველაზე მეტი, 200 შეტყობინება თბილისიდან. როგორც უწყებაში ამბობენ, ყველა შემთხვევაზე შესაბამისმა სამსახურებმა მოახდინეს დროული რეაგირება. ძლიერი ქარისგან შექმნილი პრობლემების გამო არავინ დაშავებულა. საგანგებო სიტუაციების მართვის სამსახურის მეხანძრე-მაშველები უამინდობის გამო მუშაობის გაძლიერებულ რეჟიმზე არიან გადასულები, რომ  საფრთხე არ შეექმნათ ... ...

არქივი

ზაფრანი

ჰეგემონი ციფრები

ბედის ციფრის გამოთვლის ტექნიკა ჩვენი...

რატომ ეჩვენებათ მთვრალ მამაკაცებს ყველა ქალი ლამაზი

არსებობს ცნობილი რუსული გამოთქმა: ულამაზო...

დედამიწაზე ყველა ცოცხალი არსება გონიერი რომ გახდეს

ერთ მშვენიერ დღეს დედამიწაზე ყველა...

"ტატუ" იმუნურ სისტემას აუმჯობესებს

აქამდე ტატუს (სვირინგი) დანიშნულება, მხოლოდ...

როგორ გამოვიცნოთ პატიოსანი ადამიანი

ყველასთვის ცნობილია, რომ ბილწსიტყვაობა და...
კარმიდამო ჩემი

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...