დაპირისპირება საკრებულოს სხდომაზე

პოლიტიკა

დაპირისპირება საკრებულოს სხდომაზე

2019 იან 25 12:16:33

22 იანვარს, ოზურგეთის მუნიციპალიტეტის საკრებულოს რიგგარეშე სხდომა შედგა, რომელიც დღის წესრიგით გათვალისწინებული ოთხი საკითხისგან შედგებოდა.

სხდომის დაწყებამდე საკრებულოს თავმჯდომარის, დავით დარჩიას ინიციატივით, ჟურნალისტ ლევან ჩხაიძის და დიღმის ტრაგედიის დროს ადამიანების დაღუპვის გამო, მწუხარება გამოხატეს და მათ ხსოვნას პატივი მიაგეს.

სხდომა მშვიდ ვითარებაში დაიწყო, თუმცა, შემდეგ ხმაური მოჰყვა საპრივატიზაციო საკითხების ნუსხის დამტკიცებას, საიდანაც "ნაციონალმა დეპუტატმა" დავით მჟავანაძემ დაბა ლაითურში "კანფეტის" ხეების აუქციონის თემა გამოყო. მან ამ გასხვისებას "ბიძინა ამაოხრებლის" ინიციატივა უწოდა და წარმოადგინა ფოტოები, სადაც, მისივე თქმით, ლაითურის სტადიონი გადათხრილი და აოხრებულია.

_ როცა ოლიგარქი ამ ხეს წაიღებს, ასე მოხდება ამ ხეების წაღების შემდეგაც. არანაირ დაპირებას ივანიშვილი არ შეასრულებს. "ბიძინა ამაოხრებელი" ამ ხეს 4 400 ლარად შეიძენს აუქციონზე და სანაცვლოდ ლაითურელები ვერაფერს მიიღებენ.  დარჩება ასე აოხრებული გარემო, _ თქვა მჟავანაძემ და თავისი ნათქვამის დამადასტურებელი ფოტომასალა საკრებულოს თავმჯდომარეს მიუტანა.

_ მასკარადს ნუ მართავთ, კითხვა დასვით, _  შეახსენეს "ოცნების" დეპუტატებმა მჟავანაძეს, რის საპასუხოდაც "ნაციონალმა" დეპუტატებმა სხდომა დატოვეს.

ფრაქცია "ქართული ოცნების" თავმჯდომარემ, ტარიელ აროშიძემ კარებთან მისულ დეპუტატებს სთხოვა, არ დაეტოვებინათ სხდომა და საპასუხო განცხადებისთვის მოესმინათ, თუმცა, დავით მჟავანაძემ და ბესო ქათამაძემ პროტესტის ნიშნად მაინც დატოვეს დარბაზი.

ტარიელ აროშიძემ მათი გასვლის შემდეგ განცხადება გააკეთა:

"საზოგადოების საყურადღებოდ  მინდა გამოვეხმაურო ოპონენტების, ფრაქცია "ერთიანი ნაციონალური მოძრაობის" წევრების იმ მორიგ პოპულისტურ განცხადებებს, რომლებითაც დღეს სხდომაზე დაამახსოვრეს თავი საკრებულოს, საზოგადოებას. "ერთიანი ნაციონალური მოძრაობის" წევრებმა, დაბა ლაითურს უწოდეთ "აოხრებული". მე მოგახსენებთ თუნდაც რამდენიმე მასშტაბური პროექტის შესახებ, რომლებიც გახორციელდა ამ დაბაში _ დასრულდა სასმელი წყლით მომარაგების პროექტი, მიმდინარეობს გაზიფიცირების სამუშაოები. გასულ წელს დასრულდა ლაითური-ცეცხლაურის 7 კმ-იანი მონაკვეთის მოასფალტება და ახლა აჭარასთან გვაქვს ლაითურის გავლით თანამედროვე, მოასფალტებული გზა.

მინდა შეგახსენოთ, რომ ორი წლის წინ ექსპლუატაციაში შევიდა მერია-ლაითურის დამაკავშირებელი ხიდი, რომლის მშენებლობაზე საკმაოდ დიდი თანხა დაიხარჯა ბიუჯეტიდან. მილენიუმის პროგრამით მიმდინარეობს ლაითურის საჯარო სკოლის სარემონტო სამუშაოები. უახლოეს პერიოდში იგეგმება ლაითური-ნარუჯა-ოზურგეთის დამაკავშირებელი 8 კმ-იანი გზის მონაკვეთის მოასფალტება _ ეს ის პროექტებია, რომლებიც მცირე დროში გახორციელდა და უახლოეს პერიოდში დაიწყება დაბაში. თქვენ, ოპონენტებო, ამას აოხრებას ეძახით?! ეს თქვენი პრობლემაა!

რაც შეეხება მუნიციპალიტეტს და იმ სიკეთეებს, რომელიც გახორციელდა და იგეგმება განსაკუთრებით ზღვისპირეთში _ ყურადღებას გავამახვილებ დენდროლოგიური პარკის მოწყობაზე, რომლის ანალოგი რეგიონში არ არსებობს და შედის ევროპის საუკეთესო დენდროლოგიური პარკების ათეულში. ის ისეთივე მიმზიდველი იქნება ჩვენი მოსახლეობისთვის, ტურისტებისთვის, როგორც "ციცინათელას" ატრაქციონები, მუსიკალური პარკი, მინიატურების პარკი, საკონცერტო დარბაზი Black Sea Arena, სასტუმრო "პარაგრაფი", სადაც დასაქმებულია  ჩვენი მუნიციპალიტეტის ათეულობით მაცხოვრებელი. უმაღლესი დონის მომღერლების Black Sea Arena-ზე ჩატარებულმა  კონცერტებმა არა მარტო ჩვენი მხარე, არამედ ჩვენი ქვეყანა გახადა ბევრი უცხოელისთვის ცნობად ადგილად. დიახ, აქ ოზურგეთის მუნიციპალიტეტში მდებარე საკონცერტო დარბაზში იმღერეს ელტონ ჯონმა, რობერტ პლანტმა, კრისტინა აგილერამ, ლეგენდარულმა "სკორპიონმა" და სხვებმა, აქ ქართული სულითა და კულტურით გააკვირვეს ბევრი უცხოელი ტურისტი სუხიშვილებმა, "ერისიონმა", "ქართულმა ხმებმა"... მინდა, შეგახსენოთ, რომ რამდენიმე წლის წინ ზემოთ ჩამოთვლილი ობიექტების განთავსების ადგილზე იყო გაუვალი ჭაობი და ერთ-ერთი "სიამოვნება", რაც შეეძლო იქ გამვლელს მიეღო იყო ბაყაყების ორკესტრირებული  ყიყინი.

ამასთან ერთად, ჩვენი ოპონენტებს მხედველობიდან გამოეპარათ ოზურგეთის ალ. წუწუნავას სახელობის თეატრის დაჩქარებული წესით რეაბილიტაციის პროცესი, რომელსაც "ნაციონალური მოძრაობა" "აოხრებას" ეძახის. ეს "აოხრება", კოლეგებო, სულ ცოტა რამდენიმე მილიონი უჯდება იმ პიროვნებას, რომლის ირგვლივაც აწყობთ ამ იაფფასიან შოუებს.

და ბოლოს, მივმართავ, ბატონ დავით მჟავანაძეს, რომელიც, ამავდროულად, სოფელ ჭანიეთის მაჟორიტარია _ ბატონო დავით, თუ ასეთი ტიპის "აოხრებები" გაგრძელდა, როგორც ეს თქვენს სოფელშია, უნდა გიხაროდეთ. სწორედ "ქართული ოცნების" ხელისუფლებაში ყოფნის პირობებში გახორციელდა სოფელ ჭანიეთში გაზიფიცირების სამუშაოები, აშენდა ახალი საბავშვო ბაღი, ულტრათანამედროვე საჯარო სკოლა, ჭანიეთის ცენტრის გავლით, ქობულეთის საზღვრამდე მოეწყო ახალი მოასფალტებული გზა და თუ თქვენ, ამას "აოხრებას" ეძახით, დიდი სურვილი გვაქვს, ყველა ადმინისტრაციულ ერთეულში ჩატარდეს მსგავსი მასშტაბური ინფრასტრუქტურული პროექტები", _ თქვა აროშიძემ.

სხდომაზე საპრივატიზაციო საკითხების დამტკიცებას დეპუტატებმა მხარი დაუჭირეს.




 ახალი ამბები
  • მთაწმინდაზე ახალგაზრდა მამაკაცის ცხედარი იპოვესმაყაშვილის ქუჩის მიმდებარე ტერიტორიაზე ახალგაზრდა მამაკაცის ცხედარი იპოვეს. ადგილზე ამ წუთებში სამართალდამცველები და ექსპერტ-კრიმინალისტები არიან მობილიზებული. მთაწმინდაზე სამართალდამცველებმა გარდაცვლილის ცხედარი  დღეს დილით ნახეს. ცხედარს ამ წუთებში, ექსპერტიზა უტარდება. გამოძიება ადგენს, რა გახდა ახალგაზრდა მამაკაცის გარდაცვალების მიზეზი. შინაგან საქმეთა სამინისტროს ინფორმაციით, საქმე თვითმკვლელობამდე მიყვანის მუხლით ... ...
  • "200 განცხადება დავწერე, მაგრამ არავინ მაქცევს ყურადღებას"ლანჩხუთში, ბარათაშვილის ქუჩაზე, ერთ-ერთ ეზოში, ნასახლარზე, ხანძარს გადარჩენილი რკინის საქანელებია შემორჩენილი, თითქოს ერთ დროს ძლიერი ოჯახის სიმბოლოდ. ახლა ამ ეზოში პატარა სახლი დგას, რომლის დიასახლისი, თამარ შანიძე უმძიმეს მდგომარეობაში ცხოვრობს. მისი თქმით, სახლში წყალი ჩამოდის და ჯერჯერობით, დამხმარეც არავინ ჩანს. შანიძეების ოჯახის ტრაგედია 25 წლის წინ დაიწყო. "სახლი 1993 წელს დაგვეწვა, მაშინ არც საწვავი იყო, არც ტრანსპორტი და სახანძროს მოსვლამდე ჩვენი სახლი მთლიანად დაიწვა. აგურით ნაშენები სახლი იყო, მაგრამ შიგნითა ნაწილი მთლიანად _ ხის. ამით არ დასრულებულა ჩემი ოჯახის უბედურება _ ორი წლის შემდეგ დაიწყო ის, რაც ბევრად მეტია სახლის დაწვაზე. ამ ტრაგედიამ გაანადგურა ჩვენი ოჯახი _ ჩვენს ავტომობილს მანქანა დაეჯახა. მძღოლი ადგილზე დაიღუპა, ხოლო ჩემი შვილები _ 19 წლის შაკო და 20 წლის ალეკო უმძიმესი მდგომარეობით საავადმყოფოში გადაიყვანეს... შაკო 13 დღე იბრძოდა სიცოცხლისთვის, თუმცა, მისი გადარჩენა ვერ მოხერხდა", _ გვიყვება თამარ შანიძე, რომელიც საუბრისას ცრემლებს ვერ იკავებს. შვილის დაკრძალვიდან მეორე დღეს დედამ რკინის ქალამნები ჩაიცვა მეორე შვილის სიცოცხლის გადასარჩენად. მოახერხა კიდეც, თუმცა, სამი წლის შემდეგ მეორე შვილი მოუკლეს... ამ ტრაგიკული ბედის ქალბატონს, რომელსაც ჯანმრთელობის პრობლემებიც აქვს, ძალიან უმძიმს საკუთარ პრობლემებზე საუბარი, მით უმეტეს, დახმარების თხოვნა, თუმცა, სხვა გამოსავალიც აღარ დარჩა. სახლი, რომელშიც ქალბატონი თამარი ცხოვრობს, ორი ოთახისგან შედგება. სახურავი მთლიანად უვარგისია, რის გამოც ჭერზე აკრული ხის მასალა დამპალია. დამპალია ფანჯრებიც, რომლის ნაწილზე პოლიეთილენის პარკებია მიმაგრებული: "ფაქტობრივად, ტყუილად ახურავს შიფერი, წვიმაში წყალს ვერ იკავებს, რის გამოც ყველგან წყალი ჩამოდის. შუა ღამით რაღაც ბრახუნმა გამაღვიძა, თავიდან ყაჩაღები მეგონა. ჩემგან რა უნდა წაეღოთ, მაგრამ მაინც ძალიან შემეშინდა. თურმე, ჭერზე აკრული "ლამინატი" ჩამოვარდნილა. საწოლი სამზარეულოში გამოვიტანე, ზემოთ ბეტონია და წვიმა მარტო აქ არ ჩამოდის. არც გათბობა მაქვს, შეშის მოტანა მე არ შემიძლია. გაზქურას ვანთებ ხოლმე, გავთბები და მალევე ვრთავ, ბევრი რომ არ დამიწვას. შევწვები საწოლში და ვარ ასე. კედელზეც "ადეალა" მაქვს მიფარებული, რომ არ გავიყინო", _ საკუთარი გასაჭირის მოყოლისას ოჯახის დიასახლისს თვალებზე ცრემლები ღაპაღუპით ჩამოდის. თამარ შანიძის თქმით, სოციალური დახმარება გადამოწმების მიზნით შეუჩერეს, რის შემდეგაც მაღალი ქულა დაუფიქსირდა: "ერთი ქათამიც არ დადის ჩემს ეზოში, მეზობლის ხბოს თუ ჩემად ასაღებენ, არ ვიცი, აბა, ამ პირობებში როგორ მომცეს 77 ათასი ქულა?!" თამარის თქმით, როცა ბოლო სტიქიის დროს ლანჩხუთში სახლები გადახურეს, ის ადგილზე არ იმყოფებოდა, თუმცა, მის სახლში წყალი სტიქიამდეც ჩამოდიოდა და ყურადღება არავის მიუქცევია: "ამ სტიქიამდეც რომ ჩამომდიოდა სახლში წყალი, მომხედა ვინმემ?! შვილიშვილი რომ მოვა, სად უნდა დავაწვინო?! დავატარებ საწოლს იქეთ-აქეთ. ოთხი წლის პენსია მაქვს წინასწარ გამოტანილი, ყოველდღე გამაყუჩებელ წამალს ვსვამ. თავზე მაწვიმს. 200 განცხადება დავწერე, მაგრამ არავინ მაქცევს ყურადღებას", _ ამბობს ქალბატონი თამარი, რომლის სახლშიც მიუხედავად მძიმე ყოფითი პირობებისა საოცარი სისუფთავე სუფევს. "გურია ნიუსი" თამარ შანიძის მდგომარეობასთან დაკავშირებით ქალაქის მაჟორიტარ დეპუტატს კახა კვიტაიშვილს დაუკავშირდა, რომლის თქმითაც, მუნიციპალიტეტი შესაძლებლობის ფარგლებში მაქსიმალურ დახმარებას აღმოუჩენს ქალბატონს: "ვიმყოფებოდით კიდეც ამ ქალბატონის ოჯახში, მერიც ინფორმირებულია ამ საკითხთან დაკავშირებით და ვაპირებთ, შესაძლებლობის ფარგლებში დახმარება გავუწიოთ მას", _ გვითხრა ... ...
  • სამი სოფელი და ერთი დაბა _ ოზურგეთის მერს წარმომადგენელი ჯერ არ ჰყავს2017 წლის ნოემბრიდან დღემდე, ოზურგეთის მუნიციპალიტეტის სამ სოფელში (ბახვი, ძიმითი, დვაბზუ) და ერთ დაბაში (ლაითური) მერს თავისი წარმომადგენელი არ ჰყავს. ამ ადგილებზე ორჯერ იყო გამოცხადებული ვაკანსია, მაგრამ უშედეგოდ. ოზურგეთის მუნიციპალიტეტის მერიის სამართლებრივი უზრუნველყოფის და ზედამხედველობის სამსახურის უფროსის, ლაშა თავაძის თქმით, გამოცხადებული იყო ღია კონკურსი, მაგრამ საკონკურსო კომისიამ ვერ შეარჩია სათანადო კანდიდატი. მისივე თქმით, კონკურსში მონაწილე პირებმა ბარიერი ვერ გადალახეს: _ ამ დრომდე კრიტერიუმები ვერ დააკმაყოფილეს იმ პირებმა, რომლებიც აპირებდნენ ბახვში, დვაბზუში, ძიმითსა და დაბა ლაითურში დაეკავებინათ მერის წარმომადგენლის პოსტები, _ გვითხრა ლაშა თავაძემ. "გურია ნიუსის" ინფორმაციით, სოფელ ბახვში მერის წარმომადგენლის თანაშემწის ვაკანსიაზე განაცხადი ჰქონდა შეტანილი გოჩა შარაშენიძეს. შარაშენიძე "ნაცმოძრაობის" მმართველობის დროს ბახვის რწმუნებული იყო, ეს ადგილი შეინარჩუნა მან "ქართული ოცნების" მოსვლის შემდეგაც, თუმცა, დიდხანს ვერა _ მაშინდელმა გამგებელმა კონსტანტინე შარაშენიძემ იგი გაათავისუფლა. გოჩა შარაშენიძემ "საქართველოს ახალგაზრდა იურისტთა ასოციაციის" იურისტების დახმარებით კონსტანტინე შარაშენიძეს სასამართლო პროცესი მოუგო. შემდეგ მუნიციპალიტეტის გამგებელი მერაბ ჭანუყვაძე გახდა და შარაშენიძე მის წარმომადგენლად დანიშნა სოფელ ბახვში. 2017 წელს ამ პოსტზე გოჩა შარაშენიძის ხელშეკრულებას ვადა გაუვიდა. იმავე წელს არჩეულმა მერმა კონსტანტინე შარაშენიძემ სოფლებში წარმომადგენლების დანიშვნა კონკურსის წესით განახორციელა, თუმცა, გოჩა შარაშენიძეს ამ კონკურსში მონაწილეობა აღარ მიუღია. გოჩა შარაშენიძე საპრეზიდენტო არჩევნების დროს "თავისუფალი ზონის" დამკვირვებელი იყო. _ მერის წარმომადგენლის ვაკანსიაზე აღარ შევიტანე განაცხადი, რადგან აზრი არ ჰქონდა", _ გვითხრა გოჩა შარაშენიძემ. _ რატომ არ ჰქონდა აზრი? _ ადამიანს როცა არ უნდა დანიშვნა, რა აზრი აქვს იმ კონკურსში მონაწილეობას? საერთოდ, დღევანდელ ქვეყანაში რამეს აქვს აზრი? არ აქვს და მეც აღარ ვაპირებ ბრძოლის გაგრძელებას". შარაშენიძე ამბობს, რომ მერთან აღარ აქვს პრობლემა და ისინი შერიგდნენ. _ დაპირისპირების ამბავი არ არის. ამ ხელისუფლების წარმომადგენლებმა რომც შემომთავაზონ ვაკანტური ადგილის დაკავება, მე მაინც არ ვაპირებ მაგათთან მუშაობას. ისინი ანგრევენ ამ ქვეყანას და ამ დანგრევაში მონაწილეობას არ ვაპირებ! _ გვითხრა გოჩა შარაშენიძემ. ლაშა თავაძის თქმით, გოჩა შარაშენიძეს და ირაკლი ცქვიტინიძეს განაცხადი ჰქონდათ შეტანილი მერის წარმომადგენლის თანაშემწის ვაკანსიაზე. კომისიის წევრებმა ყველაზე მეტი ქულა ირაკლი ცქვიტინიძეს დაუწერეს. საკრებულოს წევრი დაბა ლაითურიდან გია ჩაგანავა ამბობს, რომ ორჯერ იყო კონკურსი გამოცხადებული, მაგრამ ამ დრომდე დაბა ლაითურს არ ჰყავს მერის წარმომადგენელი. "ზუსტად ამ საკითხით არ ვარ დაინტერესებული. ჯერჯერობით, ვაკანტურია ეს ადგილი და ვნახოთ, როგორ განვითარდება მოვლენები", _ ამბობს ჩაგანავა. ჯერჯერობით, უცნობია, როდის გამოცხადდება კონკურსი ... ...
  • ფანჩატურში ახალი სკამი გაჩნდაქალაქ ოზურგეთში, ჭავჭავაძის ქუჩაზე ერთ-ერთი კორპუსის ეზოში მდებარე ფანჩატურიდან  ორი სკამი  და ერთი მაგიდა აიღეს _  ამის შესახებ ინფორმაცია “გურია ნიუსმა“ ამ კვირის დასაწყისში გაავრცელა. ხუთშაბათს ფანჩატურში ერთი სკამი გამოჩნდა. როგორც ჩვენთვის გახდა ცნობილი, სკამი ე.წ. ჭადრების ბაღიდან მოიტანეს ბავშვებმა. ამ ეტაპზე მარტო ერთი სკამია მოტანილი. სკამები და მაგიდა ადგილობრივებმა აიღეს.  “მოსვენება არ გვქონდა, დავისვენეთ, რაც ეს სკამები და მაგიდა ავიღეთ. დროებით შევინახეთ და გაზაფხულზე დავდგამთ. ის, რაც ხდებოდა ფაჩანტურში, ეს არის ჩვენთვის მიუღებელი. დაღამებამდე თამაშობდნენ ჩვენთვის უცნობი ბავშვები კარტს, იყო ყვირილი, ხმაური. ამასწინათ მაგიდას ცეცხლიც კი გაუკიდეს, რატომ და რისთვის, ვერ გავიგეთ. დილიდან საღამომდე აქ იყვნენ. სანაგვედ აქციეს ყველაფერი, შეგიძლიათ თქვენ თვითონაც ნახოთ და დარწმუნდეთ ჩვენს ნათქვამში“, _ გვითხრეს ადგილობრივებმა ... ...
  • გაერთიანებული წყალმომარაგების გურიის სერვისცენტრს ახალი ხელმძღვანელი ეყოლება"გურია ნიუსის" მიერ მოპოვებული ექსკლუზიური ინფორმაციის თანახმად, გაერთიანებული წყალმომარაგების გურიის სერვისცენტრს ახალი ხელმძღვანელი ეყოლება. ჩვენი ინფორმაციით, ამ პოსტზე, გიორგი ჩხაიძეს დავით ცერვაძე ჩაანაცვლებს. ცერცვაძე გაერთიანებული წყალმომარაგების გურიის სერვისცენტრს წლების წინ ხელმძღვანელობდა. 2014 წლიდან დღემდე კი ოზურგეთის მუნიციპალიტეტის შპს "სატისის" დირექტორია. ცერვაძის დანიშვნის შესახებ ჩვენ მიერ მოპოვებული ინფორმაცია "გურია ნიუსთან" საუბრისას გაერთიანებული წყალმომარაგების სერვისცენტრის გენერალურმა დირექტორმა ეკა გალდავამც დაუდასტურა. გალდავამ, ასევე, დაგვიდასტურა ინფორმაცია, რომ კომპანიის გურიის სერვისცენტრში სხვა სტრუქტურული ცვლილებებიც ... ...

არქივი

ზაფრანი

ჰეგემონი ციფრები

ბედის ციფრის გამოთვლის ტექნიკა ჩვენი...

რატომ ეჩვენებათ მთვრალ მამაკაცებს ყველა ქალი ლამაზი

არსებობს ცნობილი რუსული გამოთქმა: ულამაზო...

დედამიწაზე ყველა ცოცხალი არსება გონიერი რომ გახდეს

ერთ მშვენიერ დღეს დედამიწაზე ყველა...

"ტატუ" იმუნურ სისტემას აუმჯობესებს

აქამდე ტატუს (სვირინგი) დანიშნულება, მხოლოდ...

როგორ გამოვიცნოთ პატიოსანი ადამიანი

ყველასთვის ცნობილია, რომ ბილწსიტყვაობა და...

როგორი მამაკაცი გჭირდებათ?

ქალების უმეტესობას მიაჩნია, რომ მამაკაცი,...
კარმიდამო ჩემი

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...