"ირაკლის მომხრეები საკმაოდ დიდი ჯარია" _ როგორ აფასებენ ღარიბაშვილის დაბრუნებას გურული პოლიტიკოსები

პოლიტიკა

"ირაკლის მომხრეები საკმაოდ დიდი ჯარია" _ როგორ აფასებენ ღარიბაშვილის დაბრუნებას გურული პოლიტიკოსები

2019 მარ 5 17:16:02

გურული პოლიტიკოსები ირაკლი ღარიბაშვილის პოლიტიკაში დაბრუნებას დადებითად აფასებენ.

როგორც „გურია ნიუსთან“ საუბრისას ოზურგეთის საკრებულოს თავმჯდომარემ დავით დარჩიამ აღნიშნა, ყოფილი პრემიერის პარტია „ქართული ოცნების“ პოლიტიკურ მდივნად დაბრუნება მმართველ პარტიას გააძლიერებს:

_ მივესალმები ირაკლი ღარიბაშვილის დაბრუნებას, რადგან მიმაჩნია, რომ იგი ნამდვილად გააძლიერებს „ქართულ ოცნებას“, _ აღნიშნა დავით დარჩიამ.

დარჩიას ეთანხმება ლანჩხუთის საკრებულოს თავმჯდომარეც _ ბესიკ ტაბიძე ამბობს, რომ ღარიბაშვილის დაბრუნებას უკვე მოჰყვა დადებითი შედეგი:

_  ძალიან კარგია, რომ დაბრუნდა. ვფიქრობ, ეს დადებითად აისახება ყველაზე, რაც უკვე ჩანს საზოგადოების რეაქციაში _ სოციალურ ქსელში ძალიან ბევრი ადამიანი მიესალმება ამ გადაწყვეტილებას, _ ამბობს ტაბიძე.

ყოფილი პრემიერის ახალ თანამდებობას პოზიტიურად აფასებს ლანჩხუთის მუნიციპალიტეტის მერიც _ ალექსანდრე სარიშვილის თქმით, ღარიბაშვილი პარტიის გაძლიერებას შეუწყობს ხელს.

ჩოხატაურის მუნიციპალიტეტის საკრებულოს თავმჯდომარის, ზაალ მამალაძის თქმით ირაკლი ღარიბაშვილი გამოცდილი პოლიტიკოსია და მისი პოლიტიკაში დაბრუნება მმართველ გუნდს წაადგება.

ჩოხატაურის მუნიციპალიტეტის მერის, ირაკლი კუჭავას თქმით ღარიბაშვილის დაბრუნება „ქართულ ოცნებას“ წაადგება:

„მე მიმუშავია მასთან, როგორც პრემიერ-მინისტრთან, ჩემი პირველი ვადის დროს და მიმაჩნია, რომ მისი პარტიის ერთ-ერთ ხელმძღვანელ თანამდებობაზე დაბრუნება ჩვენს პოლიტიკურ ორგანიზაციას წაადგება“, _ აღნიშნა კუჭავამ.

გურიის გუბერნატორის ზურაბ ნასარაიას თქმით, ირაკლი ღარიბაშვილის დაბრუნება პარტიას გააძლიერებს:

„ირაკლი ძალიან ენერგიული, ჭკვიანი და პოზიტიური ადამიანია. მისი დაბრუნება, ალბათ, კიდევ უფრო მეტ სიკეთეს მოუტანს პარტიას. ირაკლის მომხრეები საკამოდ დიდი ჯარია. მათი გვერდში დგომა  ბევრად გამოადგება მმართველ პარტიას“, _ გვითხრა ნასარაიამ.

„ერთიანი ნაციონალური მოძრაობის“ ლანჩხუთის ორგანიზაციის ხელმძღვანელს კახა ასკურავას ღარიბაშვილის დაბრუნება ძველ ანდაზას ახსენებს:

_ ხომ გაგიგიათ ანდაზა _ „გაჭირვებული ხავსს ეჭიდებოდაო“. ეს ანდაზა გამახსენდა ამ ფაქტზე. საერთოდ, ღარიბაშვილის მოღვაწეობა არაფერს მეუბნება. იგი მახსოვს მხოლოდ იმ ფაქტით, რომ უშულოდ მან გასცა ბრძანება დაერბიათ ჩვენი ოფისები. ეს საქმე დღესაც გამოუძიებელია და ვფიქრობ, ამით ყველაფერია ნათქვამი, _ აღნიშნა ასკურავამ.

„ნაციონალური მოძრაობის“ ოზურგეთის ორგანიზაციის ხელმძღვანელი დავით მჟავანაძე მიიჩნევს, რომ ღარიბაშვილის დაბრუნება ვერაფერს შეცვლის:

„ღარიბაშვილის დაბრუნება რეალურად ვერ შეცვლის იმ მძიმე ვითარებას რაც დღეს „ქართულ ოცნებაშია“; სიტუაციას ვერც ნაფტალინიდან ღარიბაშვილის ამოღება ვერ უშველის. სამაგიეროდ, ოლიგარქი შეეცდება მის გამოყენებას იმ ჯგუფის დასასჯელად, რომელიც დღითი დღე ძლიერდება ივანიშვილისგან დამოუკიდებლად. სწორედ ამ შიდა დაპირისპირებას გადაყვება „ოცნება“, _ აღნიშნა ჩვენთან საუბრისას მჟავანაძემ.

ჩვენ შევეცადეთ კომენტარი ოზურგეთის მერისგანაც მიგვეღო, რომელიც ჩვენი წყაროს თქმით, ღარიბაშვილზე იმის გამოა განაწყენებული, რომ 2014 წელს გამგებლობის კანდიდატად არ დაასახელა. რამდენიმე წყარო დღესაც ადასტურებს, რომ კონსტანტინე შარაშენიძე ღარიბაშვილს სხვადასხვა შეხვედრებზე აუგად მოიხსენიებდა:

_ დღეს, როცა ოფიციალურად დადასტურდა, რომ ღარიბაშვილი „ქართულ ოცნებაში“ დაბრუნდა, შარაშენიძეს არ დაუმალავს უარყოფითი ემოცია. უფრო მეტიც _ მისი კაბინეტიდან ხმამაღალი გინებაც ისმოდა. ვერ გეტყვით, ვინ იყო მასთან ერთად, მაგრამ გარკვევით ისმოდა, როგორ აგინებდა ივანიშვილს ღარიბაშვილის დაბრუნების გამო, _ გვითხრა წყარომ.

ჩვენ ვეცდეთ მერთან გადაგვემოწმებინა, რამდენად სწორი იყო წყაროს მიერ მოწოდებული ინფორმაცია, თუმცა, უშედეგოდ _ კონსტანტინე შარაშენიძემ,, რამდენიმე მცდელობის მიუხედავად, „გურია ნიუსის“ სატელეფონო ზარებს არ უპასუხა. შარაშენიძე კონტაქტზე არც მას შემდეგ გამოვიდა, რაც კითხვის შინაარსი სმს-ად მივწერეთ და ვთხოვეთ განმარტება გაეკეთებინა.

p.s. სტატიის გამოქვეყნებიდან 40 წუთის შემდეგ ოზურგეთის მერმა კომენტარი გააკეთა, რომელსაც უცვლელად გთავაზობთ: „საიდან მოიტანეს, რომ მე ღარიბაშვილს ვაგინებდი? ჩვეულებრივად ვხვდები პოლიტიკაში მის დაბრუნებას და მივესალმები კიდეც.“ 




 ახალი ამბები
  • "ვამხილოთ გურიის ფეოდალი მაჟორიტარები"-რას გეგმავს "სამოქალაქო მოძრაობა"15 დეკემბერს, "სამოქალაქო მოძრაობა" კამპანიის  "ვამხილოთ ფეოდალი მაჟორიტარების" ფარგლებში, გურიის მაჟორიტარებს არჩილ თალაკვაძესა და ნინო წილოსანს ამხელს. ალეკო ელისაშვილი მოსახლეობას დეპუტატების საქმიანობის კორუფციულ სქემებს გააცნობს და პროპორციული სისტემის უპირატესობებზე ისაუბრებს. როგორც „გურია ნიუსს“  „სამოქალაქო მოძრაობის“ პრესსამსახურში განუცხადეს, აღნიშნული კამპანია ჩოხატაურის ბაზრობის მიმდებარე ტერიტორიზე 12 საათზე  დაიწყება. კამპანიის ფარგლებში მოძრაობამ რამდენიმე რეგიონი უკვე ... ...
  • „საკვანძო საკითხია ტოლერანტობა და მრავალფეროვნება“: შეხვედრა ანასეულის ხანდაზმულთა სახლშიდღეს, ანასეულის ხანდაზმულთა სახლში, ოზურგეთის ახალგაზრდა პედაგოგთა კავშირის ინიციატივით, ტოლერანტობის და მრავალფეროვნების დღე აღნიშნეს. ახალგაზრდების ინიციატივა იყო, რომ ანასეულის ხანდაზმულთა სახლში აღნიშნულიყო ეს დღე, რადგან  მათივე თქმით,  ეს ერთგვარი სიმბოლური კავშირია, აქ  მცხოვრებ  სხვადასხვა  ეთნოსის წარმომადგენლებს შორის. როგორც ღონისძიებაზე აღინიშნა, ბავშვებმა გადაწყვიტეს, ხანდაზმულებთან ერთად, გადაეღოთ ფილმი, რომელიც პრეზენტაციის დასაწყისში აჩვენეს და  ასევე მოემზადებინათ მათი ქვეყნის და კუთხის ტრადიციული კერძები,  რომ მერე დამსწრე საზოგადეობასთან ერთად დაეგემოვნებინათ. ფილმი უშუალოდ ეხებოდა ხანდაზმულთა ცხოვრების ისტორიებს.  თვითონ ჰყვებოდნენ თავიანთი ცხოვრების მნიშვნელოვან დეტალებს. _ ეს ფილმი მომზადდა ახალგაზრდების ჩართულობით.  ჩვენი ორგანიზაციისთვის  უმნიშვნელოვანესი  საკვანძო საკითხია  ტოლერანტობა და მრავალფეროვნება. ასევე მნიშვნელოვნია დღევანდელი დღე ახალგაზრდებისა და დამსწრე საზოგადოებისთვის, რადგან გულისხმობს ერთგვარი შინაგანი სოციალური პასუხისმგებლობის გაძლიერებას, რომ ყველა ჩვენგანი ვიყოთ სოციალურად პასუხისმგებლიანები, _თქვეს ინიციატორებმა. მეცნიერი ზაურ გაბრიჩიძე მიესალმა და საკუთარი  თვალსაზრისი მადლიერებით  გამოხატა.  -ძალიან სასიხარულოა, რომ ახალგაზრდები  არიან  ამ დღის ორგანიზატორები.  მადლობა ფილმის შემქმნელებს,  მის  გმირებს, რომლებმაც  საკუთარი ისტორიები გაგვიზიარეს. ცხოვრება ნაფოტოვით გვატარებს წინ და უკან და  ვინ სად აღმოვჩნდებით, არ ვიცით და მხოლოდ უფალმა უწყის.   ამიტომ საზოგადოების და  ერთმანეთის დახმარებით ბედნიერი გავხადოთ მათი ცხოვრება,  ვისაც ყურადღება მეტად სჭირდება.  ქედს ვიხრი ამ საოცრად გულწრფელი ისტორიების წინაშე, რაც ეკრანიდან მოვისმინეთ, _ თქვა თავის გამოსვლაში ოზურგეთის მუნიციპალიტეტის მერიის განათლების, კულტურის, სპორტის და ახალგაზრდულ საკითხთა  და ჯანდაცვის და სოციალური სამსახურის  უფროსმა, მარინა ჯაფარიძემ. ღონისძიებაზე მოწვეული იყვნენ ადგილობრივი თვითმმართველობის წარმომადგენლები,  სოციალური სამსახურის წარმომადგენლები, ახალგაზრდა პედაგოგთა კავშირის პარტნიორი სკოლების წარმომადგენლები, ჟურნალისტები, ანასეულის უნივერსიტეტის  და ადგილობრივი თვითმმარტველობის ... ...
  • ვაჟა გაფრინდაშვილი ე.წ. სასამართლომ პატიმრობაში დატოვა ოკუპირებული ახალგორის ე.წ. რაიონულმა სასამართლომ ორთვიან წინასწარ პატიმრობაში დატოვა ექიმი ვაჟა გაფრინდაშვილი. ე.წ. სასამართლოს დახურულ სხდომას,  თავად ვაჟა გაფრინდაშვილიც ესწრებოდა ვლადიკავკაზელ ადვოკატთან ერთად. რუსეთის საოკუპაციო ძალებმა ცნობილი ექიმი-ტრავმატოლოგი ვაჟა გაფრინდაშვილი 9 ნოემბერს, ახალგორის რაიონში დააკავეს. მას დე ფაქტო ხელისუფლებამ ე.წ. საზღვრის განზრახ დარღვევის ბრალდება წაუყენა და 15 ნოემბერს ორთვიანი წინასწარი პატიმრობა ... ...
  • პატარა ანიტას მინსკში გადასაყვანად ამზადებენპატარა ანიტასთვის ოპერაციის გაკეთებაზე იტალიამაც უარი თქვა, ბავშვს ბელორუსიაში, კერძოდ კი მინსკში გასამგზავრებლად ამზადებენ. ამის შესახებ პოსტს სოციალურ ქსელში ანიტას ბებია, თამუნა გლურჯიძე ავრცელებს. „ბევრი მწერს, არ მიწყინოთ, ცალ-ცალკე ვერ გპასუხობთ, აქ გიპასუხებთ. ბელორუსია თანახმაა ბავშვის მიღებაზე, ამაში ჩვენი ხელისუფლება დაგვეხმარა. იმდენად გვიდგანან გვერდით თქვენთან ერთად, რომ იმედის დაკარგვის უფლებას არ მაძლევენ. ახლა მიმდინარეობს ბავშვის ავსტრიიდან ბელორუსიაში გადაყვანის ტექნიკური საკითხების მოგვარება,“_ წერს ... ...
  • წულუკიანი:"დეპუტატებმა მოსამართლეობის კანდიდატებს კენჭი თავისუფლად უყარეს"იუსტიციის მინისტრი თეა წულუკიანი უვადო მოსამართლეებთან დაკავშირებით ამერიკის შეერთებული შტატების საელჩოს განცხადებას ეხმაურება. "ამერიკის შეერთებული შტატების საელჩომ ადრეც გააკეთა განცხადება ამავე თემაზე და მასში ნათქვამი იყო, რომ თავად კანონი, რომელიც იქნა შემოღებული უზენაესი სასამართლოს მოსამართლეების შესარჩევად, იყო წინ გადადგმული ნაბიჯი და რეალურად არ შეიძლება ამას არ დაეთანხმო, მაგრამ გუშინდელი განცხადება მოწმობს იმას, რომ მართალია უკეთესია ვიდრე იყო წარსულში, მაგრამ მისი სრულყოფა ყოველთვის შეიძლება და ამაზე მუშაობა ყველამ ერთად უნდა გავაგრძელოთ. რაც შეეხება კონკრეტულ გვარებსა და სახელებს, დეპუტატებმა თითოეულ მათგანს კენჭი უყარეს თავისუფლად და ყველანაირი ზეგავლენების გარეშე," - განაცხადა ... ...

არქივი

ზაფრანი

ყველაზე მსმელი ქალები მსოფლიოში

ცოტა ხნის წინ ამერიკელმა მეცნიერებმა...

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...