ლია მუხაშავრია: "ბიძინა ივანიშვილი პირადად არჩევს გამოსაქვეყნებლად რომელი ფარული მასალა სჯობს"

პოლიტიკა

ლია მუხაშავრია: "ბიძინა ივანიშვილი პირადად არჩევს გამოსაქვეყნებლად რომელი ფარული მასალა სჯობს"

2019 თებ 6 14:30:25

"დაწმუნებული ვარ, ბიძინა ივანიშვილი პირადად არჩევს გამოსაქვეყნებლად რომელი ფარული მასალა სჯობს. არ მჯერა, რომ მოსამართლეებს ამ ვიდეოზე ხელი მიუწვდებოდათ და ისე მოახერხეს გავრცელება, რომ კვალი არ დატოვეს“,_ აღნიშნა „გურია ნიუსთან“ იურისტმა და უფლებადამცველმა ლია მუხაშავრიამ, რომელიც „ქართული ოცნების“ დეპუტატის ეკა ბესელიას ფარული ჩანაწერის გავრცელების ფაქტს გამოეხმაურა.   

მუხაშავრიას თქმით, „ქართულ ოცნებას“ ესმის, რომ მომავალი საპარლამენტო არჩევნები წაგებული აქვს, ამიტომ უზენაეს სასამართლოში მორჩილი მოსამართლეების მეშვეობით 2020 წლის საპარლამენტო არჩევნების გაყალბება სურს“.

_ქალბატონო ლია, გუშინ „ქართული ოცნების“ პოლიტსაბჭომ განცხადება გაავრცელა, რომელშიც ნათქვამია, რომ მმართველი პარტია გაუმჯობესებული სასამართლო ხელისუფლების უსამართლო, უკანონო და აბსოლუტურად მიუღებელ დისკრედიტაციას არ დაუშვებს.

თუ აღნიშნული განცხადების პათოსს გავითვალისწინებთ, ჩანს, რომ მმართველი პარტიის ლიდერებისთვის ოდიოზური მოსამართლეების თანამდებობებზე განამწესება პრობლემას არ წაროადგენს და უკვე თამამად შეიძლება ვთქვათ, რომ  პარლამენტში ოდიოზური მოსამარლეთა სიის წარდგენა უმაღლესი თანამდებობის პირებთან იყო შეთანხმებული. თქვენ რა შთაბეჭდილება დაგრჩათ პოლიტსაბჭოს განცხადების გაცნობის შემდეგ ?

_სრულიად გეთანხმებით, ბუნებრივია, სიის წარდგენა უმაღლესი თანამდებობების პირებთან იყო შეთანხმებული, რაც პოლიტსაბჭოს განცხადებამ დაადასტურა.  სიმართლე გითხრათ, მოველოდი რომ მოსამართლეთა კლანის გაყვანის მიზნით,  ხელისუფლება მანიპულაციებს დაიწყებდა, ამ პროცესებს  დიდი ხანია ვაკვირდებით და ჩანს, რომ ეს ყველაფერი ახალი მოგონილი არ არის. წლების მანძილზე  ვხედავდით მოსამართლეებს, რომლებიც უმძიმეს დანაშაულს სჩადიოდნენ და ახალა „ქართულ ოცნებას“ მათი  უცოდველ ადამიანებად  გამოცხადება სურს. მმართველ პარტიას ეს პროცესები სადამდე მიიყვანს ძალიან მალე დავინახავთ.

_“ქართული ოცნების“ პოლიტსაბჭომ ადამიანები, რომლებიც სასამართლო სისტემაში სამართლიანობის აღდგენისთვის იბრძვიან, „ნაციონლურ მოძრაობასთან“ აფილირებულ ძალად გამოაცხადა. უფრო კონკრეტულად, განცხადებაში ნათქვამია: „სასამართლო ხელისუფლებაზე გაგრძელდა პოლიტიკური შეტევა და მედიაშტურმი, რომლის ავანგარდში „ნაციონალური მოძრაობა“, მისი სატელიტი პოლიტიკური პარტიები და მასთანვე წლების განმავლობაში შეზრდილი და აფილირებული არასამთავრობო ორგანიზაციებისა და პროფესიული გაერთიანებების მოქმედი თუ ყოფილი ლიდერები ჩადგნენ“. გასაგებია, რომ „ქართული ოცნებისთვის“ წინა ხელისუფლება სისხლიან მმართველობასთან ასოცირდება, მაგრამ მმართველ პარტიას აპოლიტიკური საზოგადოების „ნაციონალურ მოძრაობასთან” გაიგივება რაში აწყობს ?

_ თავს უფლებას მივცემ და „ქართულ ოცნებას“ შევახსენებ, რომ 2011 წელს, როგორც  „ნაციონალური მოძრაობის“ მიმართ კრიტიკულად განწყობილი ადამიანი, „ქართული ოცნების“ აქციებზე სიტყვით გამოვდიოდი და მათი საპროგრამო დოკუმენტების მომზადებაშიც ვიღებდი მონაწილეობას. „ნაციონალური მოძრაობის“  კრიტიკა მანამდე არ შემიწყვეტია, სანამ თავად „ქართული ოცნება“ არ გახდა გასაკრიტიკებელი. როგორც ჩანს, „ქართული ოცნება“ ყველაფერზეა წამსვლელი, ოღონდ უზენაეს სასამართლოში ყოვლად მიუღებელი მოსამართლეები დანიშნოს და სასამართლო ხელისუფლება გააკონტროლოს. „ქართულ ოცნებას“ ძალიან კარგად ესმის, რომ მომავალი საპარლამენტო არჩევნები წაგებული აქვს, ამიტომ უზენაეს სასამართლოში მორჩილი მოსამართლეების მუშაობა სჭირდებათ.

_ განცხადეთ, რომ  2020 წლის საპარლამენტო არჩევნები „ქართულ ოცნებას“ წაგებული აქვს და უზენაეს სასამართლოში ოდიოზური მოსამართლეების თანამდებობეზე ვადოდ დანიშვნა მმართველი პარტიისთვის ხელისუეფლბაში ყოფნის გარანტიებს უკავშირდება. ამ პროცესების გათვალისწინებით, ხელისუფლბა 2020 წლის არჩვნების გაყალბებისთვის იწყებს მზადებას ?

_დიახ, ხელისუფლება 2020 წლის საპარლამენტო არჩევნების ძალიან სერიოზული გაყალბებისთვის ემზადება, რადგან დარწმუნებული, რომ ამ არჩევნებს ვერ მოიგებს. ყოველივე ამის გათვალისწინებით, „ქართულ ოცნებას“ სასამართლოში და განსაკუთრებით, უზენაეს სასამართლოში იმ მოსამართლეების არსებობა სჭირდება,  რომლებიც არჩევნების გაყალბების საქმეებს დაალაგებენ  და ხელისუფლებისთვის სასარგებლო გადაწყვეტილებებს გამოიტანენ, რაც აბსოლუტურად ცხადია.  ხელისუფლება ყველაფერზეა წამსვლელი. როცა „ქართულ ოცნებას“ ეკა ბესელია სჭიდებოდა, მისი ერთ-ერთი უმთავრესი დასაყრდენი ძალა იყო და იმასთან შედარებით, რაც ბესელიას დამართეს, ჩვენთვის ფაშისტებად და „ნაციონალურ მოძრაობად“ გამოცხადება დიდი პატივია.

_მოგეხსენებათ, “ქართული ოცნების“ პირობებში მმართველი პარტიის ერთ-ერთი მოწინავე სახე  ეკა ბესელია მორალური ტერორის მსხვერპლი გახდა, რაც მაგალითია იმისა, რომ ხელისუფლებაში განსხვავებული აზრი იდევნება. თქვენი აზრით, ვინ არის დამკვეთი ამ ყოვლად მიუღებელი დიკრედიტაციის? და აღნიშნულ საქმეზე გაქვთ იმედი ადეკვატური გამოძიების?  მაშინ, როცა ანალოგიურ  შემთხვევებზე სამართალდამცავი უწყებების მხრიდან დამნაშვეები დღემდე არ დასჯილან.

_ამ ჩანაწერის შემოქმედნი არიან ადამიანები, რომლებიც „ნაციონალური მოძრაობის“ დროს ასეთი საქმეების კეთებით იყვნენ დაკავებულნი. ასეთი ადამიანებიი წინა ხელისუფლების დროს იღებდნენ დავალებებს და ახლაც იღებდნენ, რაც ბიძინა ივანიშვილის თანხმობით ან მისი განკარგულებით ხდება. დარწმუნებული ვარ, ივანიშვილი პირადად არჩევს გამოსაქვეყნებლად რომელი ფარული მასალა სჯობს. არ მჯერა, რომ მოსამართლეებს ამ ვიდეოზე ხელი მიუწვდებოდათ და ისე მოახერხეს გავრცელება, რომ კვალი არ დატოვეს.

_გასაგებია, რომ ვვარაუდობთ, ვინ შეიძლება იყოს ეკა ბესლიას ფარულ ჩანწერთა გავრცელების მთავარი ორგანიზატორი, მაგრამ, როცა კონკრეტულ სახელებზე და გვარებზე ვსაუბრობთ, ამ შემთხვევაში, თქვნი მხრიდან საუბარია  ეკა ბესელიას ფარული ჩანაწერის გავრცელებაში ბიძინა ივანიშვილის ბრალეულობაზე, მნიშვნელოვანია ვიცოდეთ, რა გაძლევთ აღნიშნულის თქმის საფუძველს?

_სასწორზე დევს ძალიან მაღალი სისხლის სამართლებრივი დარღვევა და რადგან ვხედავთ, რომ არავინ არ არის დაჭერილი, არც 2016 წლის კადრებზე, არც დღევანდელზე, ეს სრულიად საკმარისია იმისთვის, რომ ვთქვათ, ამაში ხელისუფლებაა დამნაშავე. თუნდაც ეს იყოს კერძო პირის დანაშაულებრივი ქმედება, იმისთვის ვინახავთ ხელისუფლებას და იმისთვის ვუხდით მაღალ ხელფასებს,  რომ კეთილი უნდა იქნებიან დამნაშავე დაიჭირონ და ყველა ფარული მასალა გაანადგურონ. როცა უმოქმედო ხარ და არც ერთს ასრულებ, ყველაფერი ნათელია.

_სასამართლო სისტმაში მიმდინრე პროცესების პარალელურად, მმართველ პარტიაში გუნდურობა დარღვეულია. საქმე იქამდე მივიდა, რომ თანაუნდელები ერთმანეთს პარტიის დატოვებისკენაც მიუთითებენ. „ვისაც გუნდის დატოვება უნდა, კარი ღიაა“_ განაცხადა თბილისის მერმა კახა კალაძემ. გუნდში შექმნილი კრიზისისა და დაპირისპირების ფონზე,  ეკა ბესელიას თანამოაზრეთა ჯგუფი ბიძინა ივანიშვილის წინააღმდეგ წასვლას, ჯერჯერობით, ვერ ბედავს, როგორ ფიქრობთ, რატომ ?

_ ჩვენ ვიცით უძველესი გამონათქვამი _ძალაუფლება რყვნის. ისეთი ძალაუფლების პირობებში, რაც ივანიშვილს აქვს, აბსოლუტურად არ უნდა გაგვიკვირდეს რომ ივანიშვილი მორალური და ზნეობრივი პრინციპებისგან ძალიან შორს აღმოჩნდა. ივანიშვილი ყველას გაწირავს ვინც წინ გადაეღობება. უფრო მეტსაც გეტყვით, ეკა ბესელიამ და გედევან ფოფხაძემ უკეთ იციან, ვინ არის  ბიძინა ივანიშვილი, ამიტომ ფრთხილობენ, თორემ პოლიტიკოსს თავდადება და გაბედულება ყველაზე მეტად უხდება. მიუხედავად უდიდესი შეურაცხყოფისა, ისინი ბიძინა ივანიშვილის წინააღმდეგ წასვლას ვერ ბედავენ, რადგან იციან, რა საშიშ ადამიანთან აქვთ საქმე.

 




 ახალი ამბები
  • მანანა ქოჩლაძე: “ჰიდროენერგეტიკული ობიექტები ვერანაირ სტანდარტს ვერ აკმაყოფილებენ“ „ძირითადი პრობლემა, რაც ჰესების მშენებლობასთან დაკავშირებით არსებობს, ეს არის მშენებლობის სწორად დაგეგმვის არარსებობა. დღეს საქართველოს თითქმის ყველა მდინარეზე ჰიდროელექტროსადგურების მშენებლობა ისეა დაგეგმილი, რომ მათი სიმძლავრეები ხელოვნურად არის განსაზღვრული. ქვეყანაში არსებული ჰიდროენერგეტიკული ობიექტები ვერანაირ სტანდარტს ვერ აკმაყოფილებენ“,_ აღნიშნავს “გურია ნიუსთან“ “მწვანე ალტერნატივის“ თავმჯდომარე მანანა ქოჩლაძე. რაც შეეხება ჰესის მშენებლობასთან დაკავშირებულ რეკომენდაციებს, ქოჩლაძე აცხადებს,  რომ პირველ ეტაპზე მდინარის წლის დინება კარგად უნდა იქნას შესწავლილი, რის შემდეგ შესაძლებელია, სწორად გავთვალოთ გარკვეულ ადგილზე რამდენი მეგავატიანი ჰესის მშენებლობა არის შესაძლებელი. „საქართველოში ჰესის მშენებლობა მხოლოდ იმ შემთხვევაში უნდა იყოს დასაშვები, თუ ის მდინარის ეკოსისტემას არ დააზიანებს. ჯერ მდინარის წლის დინება კარგად უნდა იქნას შესწავლილი, რის შემდეგ შესაძლებელია, სწორად გავთვალოთ, გარკვეულ ადგილზე რამდენი მეგავატიანი სადგურის მშენებლობა არის შესაძლებელი. საქართველოში პირიქით ხდება, ჯერ ინვესტორი კონკრეტული სიმძლავრის ჰიდროელექტროსადგურის მშენებლობის შესახებ მემორანდუმს აფორმებს, რის შემდეგ გარემოზე ზემოქმედების შეფასებების შესწავლა მიმდინარეობს, რაც დიდი პრობლემაა“. მისივე განცხადებით, აუცილებელია საქართველოში შეიქმნას ენერგეტიკის განვითარების გეგმა, რომელშიც აისახება ენერგეტიკის მხრივ  ქვეყანაში რა მოთხოვნილებები არსებობს. “აუცილებელია მოხდეს ენერგეტიკის განვითარების გეგმის შედგენა, რომელშიც მთლიანად აისახება საქართველოში ენერგეტიკის მხრივ რა მოთხოვნილებები არსებობს. ქვეყანაში ენერგეტიკის მოხმარება იზრდება, მაგრამ რის ხარჯზე?! ეს მაინც ხომ უნდა ვიცოდეთ?! სამინისტროს წარმომადგენლები ამტკიცებენ, რომ ენერგეტიკის განვითარების სტრატეგია არსებობს. ეს სტრატეგია 2016 წლის სექტემბერშია გამოქვეყნებული, რომელშიც ამ დრომდე ერთი სიტყვაც არ შეცვლილა და რაც ყველაზე მნიშვნელოვანია, აღნიშნული დამტკიცებული არ არის“, _ ამბობს ქოჩლაძე. “მწვანე ალტერნატივის“ თავმჯდომარე აღნიშნავს, რომ საქართველოში არსებული სტანდარტის მიხედვით, ჰესის მშენებლობის შემდეგ, მდინარეში 10% წყლის დარჩენა საკმარისია იმისთვის, რომ მდინარემ იფუნქციონიროს, რაც კრიტიკას ვერ უძლებს. „შესაბამისი სტრუქტურები გარკვეული ჰესის გარემოზე ზემოქმედების გეგმას შედგენის პროცესში მარტივად ამბობენ, რომ  მდინარეში 10% წყლის დარჩენა საკმარისია იმისთვის, რომ მდინარემ იფუნქციონიროს, რაც კრიტიკას ვერ უძლებს. უფრო მეტიც, ამერიკის შეერთებულ შტატებში არსებული სტანდარტის მიხედვით, თუ მდინარეში 30% ზე ნაკლებ წყალი დარჩება, ეს აპრიორი მათთვის არაობიექტური სტანდარტია. შესაბამისად, ამ მხრივ საქართველოში დიდი პრობლემა არსებობს“,_ აცხადებს ქოჩლაძე. ... ...
  • ფიზიკური დაპირისპირება "ნაციონალების" წარმომადგენელსა და „ოცნების“ წევრს შორისმარნეულში დაპირისპირება მოხდა. გავრცელებული ინფორმაციით, "ნაციონალური მოძრაობის" წარმომადგენელმა  "ქართული ოცნების" წევრს სცემა. ინციდენტი გუშინ მოხდა. გიორგი თაბუკაშვილი, რომელიც მმართველი გუნდიდან მარნეულის   22-ე  საოლქო საარჩევნო კომისიის წევრია, მომხდარს მიზანმიმართულ პროვოკაციას უწოდებს. ამბობს, რომ გუშინ ოლქიდან გამოვიდა რა დროსაც “ნაციონალური მოძრაობიდან” დროებითი კომისიის წევრი ლაშა ქველაძე მიუახლოვდა და ცალკე საუბარი მოსთხოვა, ამის შემდეგ მას ქველაძე ფიზიკურად გაუსწორდა. თავდასხმის  კონკრეტული მიზეზი თაბუკაშვილის განცხადებით, ინციდენტის დროს არ თქმულა. გამოძიება უკვე დაიწყო ძალადობის მუხლით. მომხდარის გამო არავინ ... ...
  • „გუდვილის“ სააღდგომო ძღვენი საქართველოს პატიმრებს (R)საქართველოს პენიტენციურ დაწესებულებებში მოთავსებული ბრალდებულებისა და მსჯავრდებულებისათვის „გუდვილი“ სააღდგომო პასკასა და წითელ კვერცხს თხუთმეტივე პენიტენციურ დაწესებულებაში მიმდინარე კვირის შაბათიდან შეიტანს. სპეციალური პენიტენციური სამსახური ეხმაურება ამ გადაწყვეტილებას და პატიმრების სახელით მადლობას უხდის კომპანიას მსგავსი ძღვენისათვის, მით უმეტეს, რომ წარსულში სააღდგომოდ მუდამ არსებობდა პასკისა და წითელი კვერცხის ყველა პატიმრისათვის მიწოდების პრობლემა. აღსანიშნავია, რომ დღეის მდგომარეობით საქართველოს პენიტენციურ დაწესებულებებში 9 907 თავისუფლებააღკვეთილი პირია, რომელთაგან 7 928 მსჯავრდებულია. ... ...
  • რა წერია ანონიმურ წერილში, რომელიც"ოცნების" დეპუტატს გაუგზავნეს _ "პოლიტიკური წამზომი ჩართულია"მასში წერია, რომ იგი არის თანამდებობის პირი, რომელსაც აქვს ვალდებულებები მოსახლეობის წინაშე და ის ამ პრობლემების მოგვარებით უნდა იყოს დაკავებული და არა პირადი კეთილდღეობის ... ...
  • სურსათის ეროვნული სააგენტო მოსახლეობას აფრთხილებს _ "ყურადღება უნდა მიაქციოს რიგ გარემოებებს"სურსათის ეროვნული სააგენტო აღდგომის დღესასწაულთან დაკავშირებით მოსახლეობას ხორცის შეძენის დროს სიფრთხილისკენ მოუწოდებს და სპეციალურ განცხადებას ავრცელებს: "სააღდგომო დღეებში იმატებს კვერცხის და ხორცპროდუქტების მოხმარება. გაზრდილი მოთხოვნის ფონზე, ხშირად ხორცის და კვერცხის რეალიზება ხდება არაკეთილსაიმედო გარემოში, სადაც არ არის დაცული შენახვის პირობები და უცნობია ხორცის წარმომავლობა და საქონლის დაკვლის ადგილი. სურსათის ეროვნული სააგენტო და გაეროს სურსათისა და სოფლის მეურნეობის ორგანიზაცია (FAO) მოსახლეობას მოუწოდებენ, თავი შეიკავონ ხორცის, ხორცპროდუქტებისა და კვერცხის შეძენისაგან ისეთ ადგილებში, სადაც არ არის დაცული ჰიგიენური ნორმები პროდუქტების შენახვის პირობები. ხორცის შეძენისას მომხმარებელმა ყურადღება უნდა მიაქციოს რიგ გარემოებებს: ხორცი უნდა ინახებოდეს სუფთა, დახურულ მაცივარში, შესაბამისი ტემპერატურული რეჟიმის დაცვით, რომელიც განსაზღვრულია 2-დან 6-გრადუსამდე, ხოლო, შენახვის ვადაა 48 საათი. გასაყიდი ხორცის ეტიკეტზე დატანილი უნდა იყოს შემდეგი ინფორმაცია: · ქვეყნის დასახელება (სადაც მდებარეობს სასაკლაო), სასაკლაოს აღიარების ან პირობითი აღიარების ნომერი (სადაც დაიკლა ცხოველი); ასევე დამზადების თარიღი და საათი; · თუ ხორცი მიღებულია საქართველოში დაბადებული, გაზრდილი ცხოველისგან („წარმოშობა − საქართველო“), ეტიკეტზე მითითებული უნდა იყოს ცხოველის საიდენტიფიკაციო საყურე ნიშნის ნომერი; · თუ ხორცი იმპორტირებულია, ეტიკეტზე მითითებული უნდა იყოს იმპორტიორი ქვეყნის დასახელება; · სხვადასხვა წარმომავლობის ხორცი (საქონელი, ცხვარი, ღორი, თხა) მაცივარში განცალკევებით უნდა იყოს განთავსებული. ასევე, ცალ-ცალკე უნდა განთავსდეს სხვადასხვა ქვეყნიდან (ბრაზილია, უკრაინა და სხვა) იმპორტირებული ხორციც. ეტიკეტი გამოკრული უნდა იყოს თვალსაჩინო ადგილას იმ მაცივარზე, რომელშიც პროდუქტი ინახება. რიგ შემთხვევებში, სააღდგომოდ სარეალიზაციოდ გამოტანილი კვერცხი დიდი ხნის ნაგროვებია, მაშინ როცა საქართველოს კანონმდებლობის თანახმად, კვერცხის მიწოდება უნდა განხორციელდეს მისი დადებიდან 21 დღის განმავლობაში, ხოლო თუ კვერცხის შენახვა ხდება 0°C‑დან 10°C‑მდე, შესაძლოა მომხმარებლისთვის კვერცხის მიწოდება მოხდეს მისი დადებიდან 1 თვის განმავლობაში და არაუმეტეს ამ პერიოდისა. კვერცხის შეძენისას მომხმარებელმა ყურადღება უნდა მიაქციოს შემდგომ გარემოებებს: · კვერცხი შეიძინოს ისეთ ადგილებში სადაც ჰიგიენური და შენახვის ნორმები დაცულია; · მოხარშული კვერცხი უნდა ინახებოდეს მაცივარში 24 საათი, +2-6 გრადუსამდე ტემპერატურულ რეჟიმზე. · მაცივარში ან სხვა საყოფაცხოვრებო ჭურჭელში მოთავსებამდე კვერცხი უნდა გაირეცხოს - სასურველია დაცული ხელებით; · იმისთვის, რომ კვერცხი მოხმარებისთვის უსაფრთხო იყოს, იგი გულდასმით უნდა მოიხარშოს ან შეიწვას; სურსათის ეროვნული სააგენტო და FAO ითვალისწინებენ იმ გარემოებას, რომ არაოფიციალურ სავაჭრო ადგილებში ხორცისა და მისგან წარმოებული პროდუქტის ფასი, შესაძლოა, მცირედით განსხვავდებოდეს სპეციალიზებულ მაღაზიებში და ჰიპერმარკეტებში არსებული ფასებისაგან, თუმცა, მნიშვნელოვანია მოსახლეობას ახსოვდეს, რომ ვეტერინარული ზედამხედველობის გარეშე დაკლული და რეალიზებული ხორცისა და ცხოველური წარმოშობის სხვა პროდუქტებისგან (რძე, ყველი, თევზი, კვერცხი და ა. შ) ადამიანის დაავადების რისკი საკმაოდ მაღალია. ინფიცირებული ცხოველისგან ადამიანს შეიძლება გადაედოს სიცოცხლისა და ჯანმრთელობისათვის საშიში დაავადებები. გაუფრთხილდით თქვენი და თქვენი ოჯახის წევრების ჯანმრთელობას და საეჭვო შემთხვევების გამოვლენისას გთხოვთ, დარეკოთ საქართველოს გარემოს დაცვისა და სოფლის მეურნეობის სამინისტროს ცხელ ხაზზე: ... ...

არქივი

ზაფრანი

სიზარმაცით გამოწვეული სიკვდილი

ცოტა ხნის წინ იტალიურ მასმედიაში...

როდის არის სტრესი ადვილი გადასატანი

ყოველდღიურად ადამიანი უამრავ ძლიერ და...

ვირტუალური სიყვარული

თითქმის ყველა, ვისაც კი შეუძლია,...

ნაშუადღევს ძილი ჯანმრთელობისთვის სასარგებლო ყოფილა

ბევრი ადამიანი, ძალიან ხშირად, ნაშუადღევს...

იყავი ყოველთვის ქალი

ჩვენ ისე ხშირად ვცვლით სიტყვა...

იცინეთ ხშირად!

თუ მძიმე დღე გქონდათ –...
კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...