"მაიმუნობა", "ჯეოსელის" ამონაწერი და "უჯმაჯურიძის სმს-ების საქმე" გამოძიების მოლოდინში

პოლიტიკა

"მაიმუნობა", "ჯეოსელის" ამონაწერი და "უჯმაჯურიძის სმს-ების საქმე" გამოძიების მოლოდინში

2018 დეკ 7 13:37:36

„გამარჯობათ! თქვენთან, სამსახურში, გთხოვთ, ყურადღება მიაქციოთ თქვენს თანამშრომლებს _ ყველანი მივიდნენ არჩევნებზე და რა თქმა უნდა, ხმა მისცენ 48-ს. ნუ შეიქმნიან პრობლემას. ჯონი", _ ამ სმს-ის სკრინი, რომელზეც ტელეფონის ნომერიც იკითხებოდა, არჩევნების წინა დღეს, 27 ნოემბერს, "ნაციონალური მოძრაობის" წევრმა ლევან ხაბეიშვილმა სოციალურ ქსელში გამოაქვეყნა.

 ხაბეიშვილმა ისიც დაწერა, რომ სმს-ის ავტორი ჩოხატაურის თანამედროვე გალერეის ხელმძღვანელი ჯონი უჯმაჯურიძე იყო.

"სმს-ებით მუქარა საკუთარ თანამშრომლებზე რაიმე სიახლეა?! ფეხები ვერავის მოჭამოს ჯონიმ და მისნაირებმა!" _ მიმართა ჩოხატაურის შტაბის უფროსს ირაკლი კუჭავას ხაბეიშვილმა.

ჯონი უჯმაჯურიძემ იმავე დღეს, „გურია ნიუსთან“ საუბრისას აღნიშნა, რომ სმს-ები არავისთვის გაუგზავნია:

 _ დღეს ფოტოშოპით ყველაფრის გაკეთება შეიძლება. დაზუსტებით შემიძლია გითხრათ, რომ მე არაფერი გამიგზავნია, _ გვითხრა უჯმაჯურიძემ.

ამ ყველაფრის პარალელურად კი მან  2 ტექსტური შეტყობინება მიიღო, რომელშიც აღნიშნულია, რომ მისი დავალება შესრულებულია:

ბატონო ჯონი! დავალება შესრულებულია. ყველა გაფრთხილებულ-დარიგებულია. თანამშრომლები მზად არიან და 48-ს აძლევენ ხმას.  ხვალ დიდი დღეა! არა _ ნაცებს, არა _ მიშას! არა _ გრიშას!“; „ბატონო ჯონი! მივიღეთ თქვენი შეტყობინება! აუცილებლად გავაკეთებთ ხვალ იმას, რაც დაგვავალეთ, ყველა თანამშრომელიც მობილიზებული იქნება. უღრმესი პატივისცემით! 48 გაიმარჯვებს! ძირს ნაცები!“ _ აღნიშნულია სმს-ებში, რომელთა ავტორებიც, როგორც გავარკვიეთ, თბილისის მცხოვრებლები არიან.

„მე არ ვარ გურიის ამომრჩეველი. თბილისში ვცხოვრობ. უბრალოდ, მე და ჩემმა რძალმა, მას შემდეგ, რაც ვნახეთ ნიუსები უჯმაჯურიძის მიერ გაგზავნილი სმს-ების შესახებ, „ვიმაიმუნეთ“ იმისთვის, რომ წყნარად დაეძინა“, _ გვითხრა ერთ-ერთი სმს-ის ავტორმა.

როგორც გავარკვიეთ, ამ საკითხზე მოკვლევა დაიწყო შინაგან საქმეთა სამინისტრომ, რომელსაც, უჯმაჯურიძე ჯერ არ დაუკითხავს.

_ როგორც ვიცი, გამოძიება დაწყებულია, თუმცა, მე არავის დაუკითხივარ, _ გვითხრა უჯმაჯურიძემ, რომელმაც 7 დეკემბერს „გურია ნიუსის“ ოფისში საკუთარი ტელეფონის ნომრიდან გაგზავნილი ტექსტური შეტყობინებების ამონაწერები მოიტანა. ამ დოკუმენტის მიხედვით, 27 ნოემბერს, ლევან ხაბეიშვილის მიერ გამოქვეყნებული უჯმაჯურიძის ნომრიდან _ 555412741 მხოლოდ ერთი სმს-ია გაგზავნილი და ისიც, ააიპ-ის ბუღალტერთან.

უჯმაჯურიძე ყურადღებას ამახვილებს, რომ  სმს-ის გაგზავნის დრო არ ემთხვევა ლევან ხაბეიშვილის მიერ გამოქვეყნებულ სკრინში დაფიქსირებულ დროს _ 10 საათსა და 59 წუთს. „ჯეოსელის“ ამონაწერით, 27 ნოემბერს უჯმაჯურიძეს სმს გაგზავნილი აქვს 11 საათა და 20 წუთზე.

_ ეს დოკუმენტი დასტურია იმისა, რომ მე არაფერი გამიგზავნია. არ ვიცი, ვის და რატომ დასჭირდა ამის მოგონება, ჩემი სახელით სარგებლობა, მაგრამ ფაქტია, რომ გააკეთეს და იმედი მაქვს, გამოძიება ყველა დეტალს გაარკვევს, _ გვითხრა უჯმაჯურიძემ.

გამოძიების შედეგებს ელოდება „ნაციონალური მოძრაობის“ წევრი ლევან ხაბეიშვილიც:

_ საერთოდ არ ვიცი, ვინაა ჯონი უჯმაჯურიძე. მისი არსებობაც კი არ მქონდა გაგებული. გალერეის თანამშრომელმა გაგზავნილი სმს მანახა ტელეფონში. პირადად ვნახე ეს სმს, რომელიც დავსკრინე და გამოვაქვეყნე, მას შემდეგ რაც სატელეფონო ბაზაში გადავამოწმე ნომრის მფლობელის ვინაობა.

მე არ ვიცი, რა მოგაწოდათ თქვენ უჯმაჯურიძემ, მაგრამ ვიცი, რომ გაგზავნილი სმს პირადად ვნახე. დანარჩენი უკვე გამოძიებამ უნდა დაადგინოს, _ აღნიშნა ჩვენთან საუბრისას ხაბეიშვილმა.

მისივე თქმით, გამოძიებისთვის იმ ადამიანის ვინაობა, რომელმაც სმს გაუგზავნა, ჯერ არ უთქვამს:

„გამოძიებას ეს არც უკითხავს და თუ მკითხავენ, მერე რა ვიცი. დაველაპარაკები იმ კაცს და ვნახოთ. უბრალოდ, ფაქტია, რომ სმს საკუთარი თვალით ვნახე და ვიღაცის მიერ მოწოდებულ სკრინებს არ დავყრდნობივარ“,“ _ გვითხრა ხაბეიშვილმა.

სანამ გამოძიება კონკრეტულ შედეგამდე მივა და ამ საქმის მტყუან-მართალი გაირკვევა, მანამდე „გურია ნიუსს“ რამდენიმე წყარომ უთხრა, რომ ხაბეიშვილს უჯმაჯურიძის მიერ გაგზავნილი სმს-ის შესახებ გალერეის თანამშრომელმა, გურამ ბერძენიშვილმა შეატყობინა, რასაც კატეგორიულად უარყოფს ბერძენიშვილი:

_ მე არანაირი სმს არ მომსვლია და ვერც ვერავის ვერაფერს ვაჩვენებდი. არანაირი ურთიერთობა „:ნაციონალურ მოძრაობასთან“ მე პირადად არ გამაჩნია და არც არანაირი სურვილი არ მაქვს. არ ვიცი, ვინ დაყარა ეს ჭორები, მაგრამ ვინც აგზავნის, ვინც აქვეყნებს, მათი პრობლემაა და არა _ ჩემი.

შემიძლია, ყველა ჩემ მიერ გაგზავნილი და მიღებული სმს-ების სია ამოვბეჭდო, რომ არანაირი სმს არ მიმიღია. ამ საშუალებით არ მაქვს ხელმძღვანელ პირებთან ურთიერთობა, _ ამბობს ბერძენიშვილი.

_ ბატონო გურამ, ფლობთ თუ არა ინფორმაციას, რომ უჯმაჯურიძის მობილური ტელეფონით ამ ტიპის სმს დაეგზავნა გალერეის თანამშრომლებს?

_ ნამდვილად არ ვიცი.  მე სხვა საქმიანობას _ მხატვრების პოპულარიზაციას ვეწევი და  ვინ სად რას აგზავნის, ნამდვილად ვერ გეტყვით. კარგი იქნება, თუ სხვა ადამიანები დაინტერესებიან ჩემი, როგორც ხელოვანის საქმიანობით და არა იმით, რომ ვიღაცამ ვიღაცას რაღაც გაუგზავნა.

ისე, ვინც მადანაშაულებს, შეუძლია ესეც თქვას და ისე ნუ გამაკეთებინებენ, მე დავაჭერინო ცილისწამებისთვის. მე ვიცი, საიდან მოდის ეს ყველაფერი და თქვენ თუ არა, მე ჩავყვები. ამ მხარეს მიხედონ, ჯობს, იმ ადამიანებმა რომლებმაც ეგ მოიფიქრეს თავიდანვე. ვგულისხმობ იმ ადამიანებს, რომელმაც ეს ყველაფერი მოიფიქრეს და დაგეგმეს.

_ ვის გულისხმობთ?

_ არ ვიცი. მე ეს ამბავი მას შემდგე გავიგე, რაც მედიაში გამოქვეყნდა. მეტი არაფერი ვიცი. მე მხოლოდ ის მინდა გითხრათ, რომ ცუდ ადამიანებს გადასცეთ _ გურამს დაანებონ თავი! გურამი მასე არ თამაშობს. გურამი სერიოზულ საქმეს აკეთებს და ვინც თამაშობს, იმათ მიხედონ, _ აღნიშნა ბერძენიშვილმა.

 




 ახალი ამბები
  • ვერ დაიჭერთ! შეგაკვდებით ბევრს თუ ეცდებით. წერტილი! - ქავთარაძე ხელისუფლებასვერ დაიჭერთ! შეგაკვდებით ბევრს თუ ეცდებით. წერტილი! - ქავთარაძე ხელისუფლებას, _ ეს განცხადება  ენმ-ს ერთ-ერთი ლიდერი ირაკლი ქავთარაძემ  ხელისუფლების მისამართით სოციალურ ქსელში გაავრცელა. "თალაკვაძე თავის საქმიანობას ოპოზიციონერი დეპუტატის დაჭერით იწყებს! ეს ხლეჩს საზოგადოებას. ეს არის რუსეთის დაკვეთა. ვერ დაიჭერთ. შეგაკვდებით ბევრს თუ ეცდებით. წერტილი",  _ ირაკლი ... ...
  • ბიურომ პროკურორის მიმართვა მელიას დაპატიმრებაზე განსახილველად კომიტეტებს გადასცაპარლამენტის ბიურომ გენერალური პროკურორის მიმართვა დეპუტატ ნიკა მელიას დაპატიმრებაზე თანხმობის მიცემასთან დაკავშირებით განსახილველად კომიტეტებს გადასცა. გენერალური პროკურატურა მომართვას თავდაპირველად იურიდიულ საკითხთა და საპროცედურო საკითხთა კომიტეტები განიხილავს, რომელსაც განსახილველად 5 დღიანი ვადა აქვს, თუმცა როგორც საპროცედურო კომიტეტის თავმჯდომარემ განაცხადა, კომიტეტის სხდომები ხვალ დილითვე გაიმართება, რადგან ვადები შემჭიდროვებულია. სავარაუდოდ სესიაც ხვალვე განიხილავს. კახიანმა არ გამორიცხა, რომ პარლამენტმა ენმ-ს დეპუტატს იმუნიტეტი შეუწყვიტოს. პროკურატურა მელიასთვის პატიმრობას ითხოვს. პარლამენტის ბიუროს სხდომა ფიზიკური გაწევ-გამოწევისა და სიტყვიერი დაპირისპირების ფონზე ... ...
  • თუ დამიჭერენ, გული დამწყდება, რომ პოლიტიკურ პანჩურს ვერ ამოვარტყამ ივანიშვილს უკანალში - მელიათუ დამიჭერენ, ერთადერთი გული იმაზე დამწყდება, რომ პოლიტიკურ პანჩურს ვერ ამოვარტყამ ივანიშვილს უკანალში - ეს განცხადება ენმ-ს პოლიტსაბჭოს მდივანმა, დეპუტატმა ნიკა მელიამ გააკეთა. მელია პროკურატურის გადაწყვეტილებას გამოეხმაურა, რომელმაც მის წინააღმდეგ სისხლის სამართლებრივი დევნა დაიწყო და პარლამენტს მელიასთვის მანდატის შეჩერების მოთხოვნით მიმართა.  მელია საგამოძიებო უწყებამ დაკითხვაზე ხვალ დაიბარა და ასევე თქვა, რომ ისინი დეპუტატისთვის პატიმრობის შეფარდებას მოითხოვენ.  „ნაციონალური მოძრაობის“ წევრი აცხადებს, რომ მისთვის მოულოდნელი არაფერი ყოფილა. მისი თქმით, ტყუილად ფიქრობს ბიძინა ივანიშვილი, რომ მისი დაკავებით რამე შეიცვლება. „ამით ახლა ბიძინა ივანიშვილი რას მიაღწევს, ჩემს პატიმრობას ვგულისხმობ. რა პანაცეაა და მოგვარდება და ხალხი გადაიფიქრებს, რომ ბიძინა ივანიშვილს, გახარია და გავრილოვი არის ცუდი. მარტივად არის საქმე, შეშინებული, აგონიური, დამფრთხალი ხელისუფლების მდგომარეობაა, რომელსაც მიაჩნია, რომ ოპოზიციურმა ლიდერებმა შეექმნეს ისტერიული პოლიტიკური ვითარება და გამოვიყენეთ აღელვებული ადამიანების ემოციები საჩვენოდ,“-განაცხადა ნიკა მელიამ.  ნიკა მელიას თქმით, მისთვის პატივია, როდესაც გახარიასთან, ივანიშვილთან და გავრილოვთან ბრძოლაში დაგიჭერენ.  "უხერხულია და, ალბათ, არ არის სასიამოვნო, როდესაც განზრახ მკვლელობაზე დაგიჭერენ, როდესაც წამლის რეალიზაციის საქმეზე დაგიჭერენ. მაგრამ პატივია, როდესაც გახარიასთან, ივანიშვილთან და გავრილოვთან ბრძოლაში დაგიჭერენ. ბოლო პანჩურის ამორტყმის შესაძლებლობა მე რომ არ მექნება, ამაზე მწყდება გული," - განაცხადა ნიკა მელიამ.  როგორც პროკურატურაში განაცხადეს, აქციის მიმდინარეობისას ჯგუფური ძალადობის ხელმძღვანელობის და მასში მონაწილეობისთვის ნიკანორ მელიას მიმართ გამოტანილია ბრალდების დადგენილება საქართველოს სისხლის სამართლის კოდექსის 225-ე მუხლის პირველი და მეორე ... ...
  • შეკვეთილში ივანიშვილის სახლთან აქციის მონაწილეებმა კარვები გაშალესშეკვეთილში, პარტია „ქართული ოცნების“ თავმჯდომარის, ბიძინა ივანიშვილის სახლის მიმდებარე ტერიტორიაზე აქციის მონაწილეებმა კარვები გაშალეს. ისინი შინაგან საქმეთა მინისტრის გადადგომას, ასევე, დაკავებულების გათავისუფლებას მოითხოვენ. ოთხმა ახალგაზრდამ შიმშილობა დაიწყო. "ვუერთდებით თბილისში, რუსთაველის გამზირზე მიმდინარე საპორტესტო აქციას. ჩვენ არ დავიშლებით მანამ, სანამ ჩვენი მოთხოვნები არ დაკმაყოფილდება."- განაცხადა აქციის ერთ- ერთმა მონაწილე, მინდია ადაძემ. ადგილზე მობილიზებულია პოლიცია. ... ...
  • რომან გოცირიძე: ნიკა მელიას თავიდან თმაც ვერ ჩამოვარდებანიკა მელიას თავიდან თმაც ვერ ჩამოვარდება, – აცხადებს „ნაციონალური მოძრაობის“ დეპუტატი რომან გოცირიძე. გოცირიძე აცხადებს, რომ იწყება დიქტატურა. „ქვეყანაში აპატიმრებენ წამყვანი პოლიტიკური პარტიის ლიდერს, იწყება დიქტატურა, პოლიტიკური რეპრესიები. ეს არის ივანიშვილის უგუნური გადაწყვეტილება, რომელმაც ამ თავის ლაქიებს, ბიუროზე მსხდომ ადამიანებს დაავალა ასეთი უსამართლო და უკანონო გადაწყვეტილების გატანა პარლამენტის პლენარულ სხდომაზე. ხვალ უყრიან კენჭს. მინდა, მივმართო უმრავლესობის წევრებს, კარგად დაფიქრდნენ და ამის შემდეგ მიიღონ შეგნებული გადაწყვეტილება, წინააღმდეგ შემთხვევაში, ამ ადამიანებს გაასამართლებს ისტორია“, – განაცხადა რომან გოცირიძემ. რომან გოცირიძის თქმით, გიორგი გახარიას დასჯის ნაცვლად შოუ დადგეს. „შოუთი გახარიას პარლამენტში მოსვლის ამ გარკვეული პრელუდიით ზეიმი სურთ. ნიკა მელიას მხრიდან არავითარი მოწოდება არ ყოფილა. ამ გადაწყვეტილებით „ქართულმა ოცნებამ“ ყველა ხაზი გადაკვეთა. ნიკა მელიას თავიდან თმაც ვერ ჩამოუცვივდება – გადატანითი მნიშვნელობით, მას თითსაც ვერ დააკარებენ“, – განაცხადა რომან გოცირიძემ. საქართველოს გენერალურ პროკურატურაში გამოტანილია დადგენილება ნიკანორ მელიას ბრალდების შესახებ. როგორც დღეს გამართულ ბრიფინგზე ითქვა, საქართველოს გენერალური პროკურატურა და შინაგან საქმეთა სამინისტროს ცენტრალური კრიმინალური პოლიციის დეპარტამენტი აწარმოებს გამოძიებას 2019 წლის 20-21 ივნისს პარლამენტის წინ გამართულ აქციაზე ჯგუფური ძალადობის ორგანიზების, ხელმძღვანელობისა და მასში მონაწილეობის ფაქტზე, საქართველოს სისხლის სამართლის კოდექსის 225-ე ... ...

არქივი

ზაფრანი

კიბოს გამომწვევი სამი პროდუქტი დადგინდა

კიბოს დაავადებათა ფართო ჯგუფს უწოდებენ,...

8 საკვები, რომელიც დიდხანს არ მოგაშიებთ

მაკარონის პასტა- შეიძლება ბევრმა თქვას,...

არაჩვეულებრივი ხილი

არაჩვეულებრივი ხილი - ვაშლი, რომელიც...

საინტერესო ფაქტები ჯანმრთელობის შესახებ

იაპონიის კუნძულ ოკინავაზე 450 -ზე...

როგორ ვუშველოთ ქორწინებას?

თუ გრძნობთ, რომ დაკარგეთ ინტერესი...

ხშირი „შეცდომა“ რომელთა გამეორებაც არ ღირს

დააგემოვნო მატარებელში ჩამოტარებული შაურმა; შეეშვა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...