რატომ დაუპირისპირნენ ბიუროს სხდომაზე ერთმანეთს ქალაქის მერი და საკრებულოს თავმჯდომარის მოადგილე

gurianews.com

პოლიტიკა

რატომ დაუპირისპირნენ ბიუროს სხდომაზე ერთმანეთს ქალაქის მერი და საკრებულოს თავმჯდომარის მოადგილე

2017 დეკ 1 16:09:43

ოზურგეთის მუნიციპალიტეტის მეოთხე მოწვევის საკრებულომ დღეს ბიუროს პირველი სხდომა გამართა, სადაც  იმ საკითხებზე იმსჯელეს,  რომელიც ორშაბათს,  რიგგარეშე სხდომაზე,  უნდა დამტკიცდეს.

სხდომაზე წარმოდგენილ 21 საკითხს შორის საკრებულოსა და მერიის სამსახურების დებულებები და პროფესიულ საჯარო მოხელეთა, თანამდებობის პირთა, საკრებულოს აპარატის და შრომითი ხელშეკრულებით დასაქმებული პირების თანამდებობრივი სარგოების ოდენობის განსაზღვრისა და საშტატო ნუსხის დამტკიცებაც იყო.

ამ ნუსხის თანახმად, რომელსაც ბიუროს წევრებმა მხარი დაუჭირეს ოზურგეთის მერიაში იქნება: ადმინისტრაციული სამსახური; ეკონომიკური განვითარებისა და ქონების მართვის სამსახური; შიდა აუდიტის სამსახური; სამართლებრივი  უზრუნველყოფის და ზედამხედველობის სამსახური; საფინანსო და საბიუჯეტო სამსახური; სამხედრო აღრიცხვის გაწვევისა და მობილიზაციის სამსახური; განათლების, კულტურის, ჯანდაცვის და სოციალურ საკითხთა სამსახური; არქიტექტურის, სივრცით მოწყობის, ინფრასტრუქტურისა და კომუნალური  სერვისების განვითარების სამსახური; მონაწილეობითი დაგეგმვისა და კომუნიკაციის სამსახური.

რაც შეეხება საკრებულოს _  საშტატო განრიგის მიხედვით საკანონმდებლო ორგანოში 21 შტატი იქნება და აპარატის უფროსს  მოადგილეც ეყოლება.

როგორც სხდომაზე გაირკვა, საკრებულოსა და მერიაში კადრები მობილობის წესით შეირჩევა და მათი დანიშვნა საშტატო ნუსხის დამტკიცების შემდეგ მოხდება.

ქალაქ ოზურგეთის მერის კონსტანტინე შარაშენიძის თქმით, მის წარმომადგენლებს ადმინისტრაციულ ერთეულებში  თანაშემწეების რაოდენობა გაეზრდებათ:

_  1000 კაცზე გათვალისწინებულია 1 თანაშემწე, რომელიც კონკურსის წესით შეირჩევა. რაც შეეხება ქალაქს, აქ სამი წარმომადგენელი მეყოლება, _ აღნიშნა შარაშენიძემ.

მან ბიუროს წევრებსაც მიმართა და აღნიშნა, რომ თანამშრომლობისთვის მზადაა:

_ ვითანამშრომლოთ ერთმანეთთან. გთხოვთ, რომ ნებისმიერი საკითხი  შევათანხმოთ _ მეც მოგეხმარებით დეპუტატებს სოფლებში და თქვენც დამიდექით გვერდში, _ მიმართა შარაშენიძემ დეპუტატებს და აღნიშნა, რომ აუცილებელია საკრებულოს  საკრებულოს აპარატი პროფესიონალებით დაკომპლექტდეს.

ამ განცხადების პასუხად, საკრებულოს თავმჯდომარის მოადგილემ გიორგი ღურჯუმელიძემ შარაშენიძის მოუწოდა, რომ საკრებულოს საქმიანობაში არ ჩარეულიყო.

შარაშენიძეს ეს რეპლიკა უპასუხოდ არ დაუტოვებია:

_ ნუ მიბრუნებ ენას და პროვოკაციებს ნუ აწყობ, _ მიმართა მერმა ღურჯუმელიძეს, რაზეც საკრებულოს თავმჯდომარემ მოუწოდა, რომ ხმის ტონისთვის დაეწია:

_ მოკლეზე გადაგისვრი ფანჯრიდან. ჭკვიანად იყავი, შენ რომ არ დაგეწყო პროვოკაცია, მე არაფერს გეტყოდი. მშვიდობიანად შემოვედი აქ, _  შარაშენიძის ამ პასუხის შემდეგ, ღურჯუმელიძემ აღნიშნა, რომ ეს საკითხი სხდომათა დარბაზში გასარჩევი არ იყო და ქალაქის მერს შესთავაზა გარეთ ესაუბრათ:

_ სირცხვილია, ამას ხალხი ისმენს, _ მიმართა შარაშენიძეს ღურჯუმელიძემ, რაზეც ქალაქის მერმა აღნიშნა, რომ საკრებულოს თავმჯომარის მოადგილეს მისი გაჩუმების უფლება არ ჰქონდა.

ბიუროს სხდომაზე შექმნილი სიტუაციის განმუხტვა დეპუტატებმა სცადეს. ბიუროს წევრის ლელა საჯაიას თქმით, ასეთი რამ დარბაზში არ უნდა ხდებოდეს:

_ ასეთი რამ არ უნდა განმეორდეს და ერთმანეთთან საერთო ენა უნდა გამოვნახოთ, _ თქვა  საკრებულოს თავმჯდომარემ დავით დარჩიამ, რომელიც  ჩვენთან საუბრისას  აღნიშნა, რომ  „შელაპარაკება რაღაც საკითხებზე ჩვეულებრივი მოვლენაა“.


ნახვა: 1593


 ახალი ამბები
  • ბახმარო სამთო-სათხილამურო კურორტი გახდება _ მერაბ ჭანუყვაძეროგორც დღეს "ბახმაროს თასი 2018"_ზე გურიის გუბერნატორმა, მერაბ ჭანუყვაძემ განაცხადა, კურორტი ბახმარო სამთო-სათხილამურო კურორტი გახდება. მისივე თქმით, ბახმაროს განვითარების გეგმა უკვე შემუშავებულია. "უკვე შემუშავებულია ქალაქმშენებლობითი გეგმა, მთავრობასთან ერთად იგეგმება ექსპერტების ჩამოყვანა, ვისაც შესაბამისი გამოცდილება აქვს ამ სფეროში და ამის შემდეგ დავიწყებთ იმ კონკრეტული პრობლემის აღმოფხვრას, რომელიც წლების განმავლობაში აქვს კურორტს. ფაქტობრივად ყველაფერი 0-დან არის დასაწყები, სწორედ ამიტომ განხორციელდა ქალაქდაგეგმარების შემუშავება, როგორც კი ექსპერტები მოიწონებენ მხოლოდ ამის შემდეგ დავიწყებთ ინფრასტქურტურულ პროექტებს, ეს არის არის წყალი, კანალიზაცია, რაც პირველ რიგში საჭიროა", - განაცხადა ... ...
  • რა ხდება ბახმაროში (ფოტორეპორტაჟი)დღეს ბახმაროში "ბახმაროს თასი 2018" იმართება. როგორც ცნობილია, ბახმაროში დოღის ჩატარებას გასული საუკუნის 30-იან წლებში ჩაეყარა საფუძველი, ყოველ 19 აგვისტოს, ფერისცვალების დღესასწაულზე ტრადიციულ დოღსა და მარულაში სამეგრელოდან, აჭარიდან, გურიასა და სხვა რეგიონებიდან ჩამოსული 50-ზე მეტი ცხენოსანი იღებდა მონაწილეობას. "გურია ნიუსი" გთავაზობთ კადრებს რა ხდება ბახმაროში. ... ...
  • "ბახმაროს დასახლებული პუნქტის სახელი მიენიჭება"_ მაია ცქიტიშვილი საქართველოს რეგიონული განვითარებისა და ინფრასტრუქტურის მინისტრის, მაია ცქიტიშვილის განცხადებით, ბახმაროს დასახლებული პუნქტის სტატუსი მიენიჭება და მას შემდეგ შეძლებს განვითარებას. მინისტრის თქმით, ამ ეტაპზე ბახმაროში ელექტრომომარაგების სამუშაოები მიმდინარეობს, რისთვისაც წელს 5 მილიონი ლარი დაიხარჯება. მინისტრის განცხადებით, ბახმაროს განვითარების გენგეგმაში ბახმაროს სამთო-სათხილამურო კურორტად ქცევაც არის გათვალისწინებული. " ბახმაროს, როგორც კურორტის განვითარებისთვის სახელმწიფოს ბევრი რამ აქვს გაკეთებული. ბახმაროს განვითარების გენგეგმა საშუალებას გვაძლევს, ამ კურორტს ერთიანად მივუდგეთ, პირველ რიგში, გადავარჩინოთ ის გარემო, რომელიც ბახმაროში უკვე არსებობს - უნიკალური გარემო, რის გამოც ბახმაროში ჩადის დამსვენებელი, მეორეს მხრივ განვავითაროთ თანამედროვე კურორტად. რაც შეეხება კურორტზე განსახორციელებელ ინფრასტრუქტურულ სამუშაოებს, რამდენიც იქნება საჭირო ამ კურორტის განვითარებისთვის", _ განაცხადა ... ...
  • ბახმაროს პირველი მუსიკალური ფესტივალის სამზადისი პრემიერმა მოინახულაამ წუთებში ბახმაროს პირველი მუსიკალური ფესტუვალის სამზადისი საქართველოს პრემიერ-მინისტრმა მამუკა ბახტაძემ, მისმა მრჩეველმა რეგიონულ საკითხებში სოზარ სუბარმა, პრემიერის აპარატის უფროსმა გიორგი ჭოლაძემ და გურიის გუბერნატორმა მერაბ ჭანუყვაძემ მონახულეს. მამუკა ბახტაძის თქმით, ეს არის ყველაზე კარგი წამოწყება და ამან ტრადიციული სახე აუცილებლად უნდა მიიღოს. ბახმაროს პირველი მუსიკალური ფესტივალი 5 საათზე ... ...
  • "ბახმარო 4-სეზონიანი კურორტი იქნება" _ სოზარ სუბარიბახმაროში, ბახმაროს თასი 2018-ზე იმყოფება სოზარ სუბარიც, რომელმაც ჟურნალისტებთან საუბრისას აღნიშნა, რომ ბახმარო 4-სეზონიანი კურორტი გახდება. "ძალიან მიყვარს აქ ჩამოსვლა და როცა ვახერხებ, აუცილებლად ჩამოვდივარ. ბახმაროს განვითარების დიდი პოტენციალი აქვს. ბახმარო იქნება 4-სეზონიანი კურორტი და ადამიანებს 12 თვის განმავლობაში შეეძლებათ აქ ამოსვლა, იქნება სათხილამურო ტრასები და იქნება საყვარელი ადგილი არა მხოლოდ საქართველოს მოქალაქეებისთვის", _განაცხადა ... ...

არქივი

ზაფრანი

,,ყველაზე", „ყველაზე“ ადამიანები მსოფლიოში

მსოფლიოში არსებობენ ადამიანები, რომლებიც მნიშვნელოვნად...

მოგწონთ თქვენი სახელი?

სახელს დიდი მნიშვნელობა აქვს ადამიანისთვის....

ამერიკელი ინდიელების ცხოვრებისეული ფილოსოფია

როცა უკანასკნელ ხეს მოჭრი, უკანასკნელ...

ქვეყნიერების მერვე საოცრება

„თუ ქვეყნიერების მერვე საოცრება გინდათ...

გადაშენების პირას მყოფი ცხოველები

ცოტა ხნის წინ ბუნების დაცვის...
კარმიდამო ჩემი

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...

გავამდიდროთ ხაჭაპური ჯიჯილაყას ნარევი გულსართით

მცენარე ჯიჯილაყა, იგივე ამარანტი, რომელსაც...

თევზის ფილეს სალათი

ზეთში შემწვარი თევზის ფილე დავჭრათ...

ბერძნული მუსაკა

მასალა: 1 კგ კარტოფილი; 2...

სუსტი განტოტვის დამაგრება

ხეხილის მოსავლიან ბაღებში, ისეთი უხვი...

დავრგოთ ტირიფი შესაფერის გარემოში

გურიაში ტირიფს ბევრგან შეხვდებით. 600-მდე...

პირველ რიგში ჩასატარებელი სამუშაოები აგვისტოში

აგვისტოში, როგორც ბაღ-ვენახებში, ისე, ბოსტნებში...

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...