საკრებულოს რიგგარეშე სხდომა და სამსახურის უფროსის რჩევა "გურია ნიუსს"

პოლიტიკა

საკრებულოს რიგგარეშე სხდომა და სამსახურის უფროსის რჩევა "გურია ნიუსს"

2019 მარ 28 14:50:17

 26 მარტს, ოზურგეთის მუნიციპალიტეტის საკრებულოს რიგგარეშე სხდომა შედგა, სადაც დაიწყო მერიის სამსახურებისა და კერძო სამართლის იურიდიული პირების (ა(ა)იპ და შპს), საკრებულოს კომისიების მიერ 2018 წელს გაწეული საქმიანობის შესახებ ანგარიშების მოსმენა.
ყველაზე ვრცლად ისაუბრა მერიის ადმინისტრაციული, მონაწილეობითი დაგეგმვისა და კომუნიკაციის სამსახურის უფროსმა გიორგი ინწკირველმა. მოხსენების ფორმატში მას რეგლამენტიც კი შეახსენეს, თუმცა, განმარტებაც თვითონ გააკეთა, ნახევარი საათი დრო მქონდა და მგონი, ჩავეტიეო.

გიორგი ინწკირველმა ვრცლად ისაუბრა საკადრო პოლიტიკის შესახებ. მან თქვა, რომ მუნიციპალიტეტის მერიაში ოთხი პოლიტიკური თანამდებობის პირი, რვა სამსახურის უფროსი და 50 განყოფილების უფროსია. დასაქმებულია 99 ქალბატონი და 121 მამაკაცი და ამ მხრივ, როგორც თავად განმარტა, დაცულია გენდერული ბალანსი.

ინწკირველმა "აქილევსის ქუსლი " უწოდა საჯარო მოხელეთა მომზადების საკითხს და მადლიერება გამოხატა ახლახან ჩატარებული თამარ ჩიბურდანიძის ტრენინგის გამო, რომელშიც მერიაში მომუშავე საჯარო მოხელეებმა მიიღეს მონაწილეობა და ყველა კმაყოფილი დარჩა. ამიტომ ასეთი ტრენინგების ჩატარების პრაქტიკა უნდა დაინერგოს.

გოგი ინწკირველმა არაერთგან მოიშველია სტატისტიკა, რომ მერიაში წლის მანძილზე 110 708 კორესპონდენცია შემოვიდა; ჩატარდა 50-მდე მიღება, პასუხი გაეცა და დახმარება გაეწია არაერთ მოქალაქეს:

_ რაც შეეხება საშვთა სისტემას, ამაზე ბევრი საუბარი იყო, თუმცა, ჩვენ გავაუქმეთ ეს სისტემა. ჩვენთან არის სახალხო ხელისუფლება, მოქალაქეები თავისუფლად უნდა გადაადგილდებოდნენ შენობაში და მათ არ უნდა ექმნებოდეთ არანაირი ბარიერი, _ თქვა მან.

მომხსენებლის აზრით, დასაჯილდოებელი მოხელე უნდა დაჯილდოვდეს, ხოლო ვინც დაარღვევს წესრიგს, მის მიმართ მოხსენებითი ბარათი უნდა დაიწეროს. აღნიშნა ისიც, რომ მერიაში ასეთ ფაქტს ჰქონდა ადგილი, როცა დასუფთავების აქციაზე რამდენიმე თანამშრომელი არ გამოცხადდა, მათ მიმართ სწორედ ასეთი ღონისძიება გატარდა.

_ ჩვენ უნდა ვიმუშაოთ გუნდურად. მე ასეთი პრაქტიკა მაქვს _ ოზურგეთში გავიზარდე, რომელიც იყო ღირსების და ზნეობის ქალაქი. როცა აქ სამუშაოდ გამომიშვა ჟიული შარტავამ, მახსოვს, მითხრა, რომ უნდა გვემუშავა გუნდურად. ეს ყოველთვის წარმატების მომტანია... მაშინ რა ხდება გუნდში?! როცა ჩვენ ვუთხარით განყოფილების გამგეს, რომ აი, აქ იმუშავე, პასუხია _არა, აქ ვერ ვიმუშავებ და მივდივარ სასამართლოში! არ მუშაობს ეს პოსტულატი... იქნებ, დავტოვოთ ეს ფორმა მხოლოდ მოხელეების მიმართ, განყოფილების გამგეებს და სამსახურის უფროსებს არ უნდა ჰქონდეთ ეს უფლება. ასე ილახება ჩვენი იმიჯი, _ თქვა ინწკირველმა, რაშიც, ეჭვგარეშეა, იგულისხმა არა ერთი სარჩელი, რომელიც ოზურგეთის მუნიციპალიტეტის მერის მიერ გათავისუფლებულმა თანამდებობაზე მყოფმა მოხელეებმა შეიტანეს სასამართლოში და არა ერთმა მოუგო კიდეც მერიას პროცესი, ზოგი პროცესი კი ახლაც გრძელდება.

 გოგი ინწკირველმა მიანიშნა, რომ უსაფუძვლოდ არავინ გათავისუფლებულა, თან არაერთ მათგანს სთავაზობდნენ სხვა ადგილს, რაც არ ისურვეს და მიმართეს სასამართლოს.

 _ თქვენ მიგაჩნიათ, რომ სამსახურიდან ათავისუფლებთ სამართლიანად. კომპეტენტურ პირებს, თანაც სამართლიანად თუ ნიშნავთ განყოფილების უფროსებად? _ "გურია ნიუსის" ამ კითხვაზე გოგი ინწკირველმა ასეთი პასუხი გაგვცა: "ასე შორს ნუ წავალთ!"

მომხსენებელს საკრებულოს თავმჯდომარე, დავით დარჩია შეეშველა, ჯერ დაასრულოს და მერე ჰკითხეო, თუმცა, საკმაოდ გაწელილ რეგლამენტზე, რომელიც ინწკირველის მოხსენებამ მოიცვა, თვითონაც ჩუმ-ჩუმად ეღიმებოდა.




 ახალი ამბები
  • ლაითურის, ნარუჯას და ანასეულის მოსახლეობასთან შეხვედრა გაიმართა (R)ცენტრალური, საკანონმდებლო, სამხარეო და ადგილობრივი ხელისუფლების წარმომადგენლები ოზურგეთში, ლაითურის, ნარუჯასა და ანასეულის მოსახლეობას შეხვდნენ. მათ ადგილობრივების საჭიროებები მოისმინეს და რეგიონში მიმდინარე პროექტებზე დეტალური ინფორმაცია მიაწოდეს. ადგილობრივ მოსახლეობასთან შეხვედრაზე განსაკუთრებული ყურადღება მუნიციპალიტეტში მიმდინარე და დაგეგმილ ინფრასტრუქტურულ პროექტებზე, ასევე, მუნიციპალურ და სახელმწიფო სერვისებზე გამახვილდა. ანასეულის მოსახლეობამ ერთ-ერთ პრიორიტეტულ საკითხად კანალიზაციის რეაბილიტაცია დაასახელა. ასევე, სრულ რეაბილიტაციას საჭიროებს მე-5 საჯარო სკოლაც. იქ არსებულ პრობლემას რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი პირადად გაეცნო. დაბა ლაითურისა და ნარუჯის მოსახლეობამ ძირითად მოთხოვნად დასაქმებისა და შიდა გზების მოწესრიგების საკითხები დააყენა. მოსახლეობასთან შეხვედრებს პარლამენტის წევრები გიორგი ვოლსკი, თემურ ჭკუასელი, გია გაჩეჩილაძე, გურიის მხარის რწმუნებული ზურაბ ნასარაია, მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის თავმჯდომარე მერაბ ჭანუყვაძე, საოლქო ორგანიზაციის წევრები, ოზურგეთის მუნიციპალიტეტის საკრებულოს თავმჯდომარე დავით დარჩია, ოზურგეთის მერი კონსტანტინე შარაშენიძე და ადგილობრივი ხელისუფლების სხვა წარმომადგენლები ესწრებოდნენ. ამჟამად, დაბა ლაითურში წყალმომარაგების ქსელის სარეაბილიტაციო სამუშაოები დასკვნით ეტაპზეა. დაბა ნარუჯაში მიმდინარეობს 7 280 მ. სიგრძის საავტომობილო გზის მშენებლობა, რომელიც მუნიციპალური განვითარების ფონდიდან 3 777 936 ლარით დაფინანსდა. ანასეულში გაერთიანებული წყალმომარაგების კომპანიამ წყლის სისტემის მშენებლობა დაიწყო. პროექტის ღირებულება - 6 799 998 ლარს შეადგენს. ... ...
  • ბახმაროში საცხოვრებელი სახლები დაიწვაგასულ შაბათს, ჩოხატაურის მუნიციპალიტეტის დაბა ბახმაროში, მახარაძის ქუჩაზე, ეკლესიის მიმდებარედ, ორი საცხოვრებელი სახლი დაიწვა. ხანძრის შედეგად არავინ დაშავებულა. როგორც გვითხრეს, არსებობდა ცეცხლის გავრცელების საშიშროება, თუმცა, მეხანძრეებმა, ცეცხლის დროულად ლოკალიზება შეძლეს. _ ღამის საათებში ერთ-ერთ საცხოვრებელში გაჩნდა, შემდეგ გადავიდა მეორე სახლზეც. არავინ დაშავებულა, კარგად იმუშავა სამაშველო სამსახურმა. მათი დამსახურებაა, რომ ხანძარი გვერდით მდგომ სახლებზე არ გავრცელდა, _ აღნიშნა ჩვენთან საუბრისას ა(ა)იპ "ბახმაროს დირეტქორმა დავით საჯაიამ. ამ დროისთვის უცნობია ხანძრის გამომწვევი მიზეზი. მომხდარზე გამოძიებაა ... ...
  • "საქართველოს გული იწვის ამაზონის ტყესთან ერთად" - ზურაბიშვილისაქართველოს გული იწვის ამაზონის ტყესთან ერთად, – ამის შესახებ საქართველოს პრეზიდენტი სალომე ზურაბიშვილი სოციალურ ქსელ „ტვიტერში“ წერს. „ჩვენ ვუერთდებით ჩვენი პლანეტის გადარჩენის ძალისხმევას და მოვუწოდებთ ქმედებისკენ ამაზონის გადასარჩენად“, – აღნიშნავს სალომე ზურაბიშვილი. ამაზონის ტყეში მასშტაბური ხანძარი უკვე მესამე კვირაა მძვინვარებს. „დედამიწის ფილტვებად“ წოდებული ამაზონის ტყეში ხანძრის ათასობით კერაა ... ...
  • სოფელ საყავრესთან ხანძარი ლოკალიზებულიასაგანგებო სიტუაციების მართვის სამსახურის მეხანძრე-მაშველებმა, სასაზღვრო პოლიციის სამი ვერტმფრენის დამხარებით ტყის ხანძრის ლოკალიზება შეძლეს. ამ დროისთვის შიდა ქართლში, გორის მუნიციპალიტეტში, სოფელ საყავრესთან ტყის მასივში გაჩენილი ხანძრის სალიკვიდაციო სამუშაოები მიმდინარეობს. ამ მომენტისათვის ადგილზე ღია ცეცხლის კერა აღარ არის. მიმდინარეობს ცალკეული მონაკვეთების დამუშავება, როგორც ცოცხალი ძალის, ასევე ვერტმფრენების საშუალებით. სიტუაცია კონტროლს ექვემდებარება. მთელი ღამის განმავლობაში ადგილზე უწყვეტ რეჟიმში მუშაობდა თბილისის, შიდა ქართლის, იმერეთის, სამცხე-ჯავახეთის, ქვემო ქართლის და მცხეთა-მთიანეთის სახანძრო-სამაშველო ჯგუფები. სულ 250-მდე მეხანძრე-მაშველი. პროცესში ჩართული იყო სახანძრო სამაშველო და დამხმარე ტექნიკა. გათენებისთანავე განაახლა მუშაობა შინაგან საქმეთა სამინისტროს სასაზღვრო პოლიციის სამმა ვერტმფრენმა. სოფელ საყავრესთან ხანძარი 22 ... ...
  • საზარელი მკვლელობა კახეთში - ცხედარი, სავარაუდოდ, დაანაწევრეს და მდინარეში გადააგდესგურჯაანის რაიონის სოფელ ვეჯინში 34 წლის ვ. მ-შვილი, სავარაუდოდ, მოკლეს, ცხედარი დაანაწევრეს და მდინარე ალაზნის სარწყავ არხში გადააგდეს. პოლიციას არავინ ჰყავს დაკავებული და ვერც გვამი იპოვეს, _ ინფორმაციას reginfo ავრცელებს. ვ. მ-შვილი სოფელ ძირკოკის მკვიდრია. ოჯახის წევრებს ის 2 აგვისტოს შემდეგ აღარ უნახავთ, თუმცა შინაგან საქმეთა სამინისტროში „რეგინფოს“ უთხრეს, რომ ახალგაზრდის გაუჩინარების შესახებ შეტყობინება 16 აგვისტოს მიიღეს. პოლიციამ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. „რეგინფომ“ გამოარკვია, რომ ბოლოს ვ. მ-შვილი მეზობელ სოფელში, ვეჯინში, ერთ-ერთ ოჯახში ნახეს, სადაც ის ხშირად მიდიოდა. ახალგაზრდები ნასვამ მდგომარეობაში იმყოფებოდნენ და ჩხუბი მოუვიდათ. ერთ-ერთი პირი პოლიციისთვის მიცემულ ჩვენებაშიც აღნიშნავს, რომ ვ. მ-შვილი მოკლეს, ცხედარი დაანაწევრეს, ტაქსი გამოიძახეს, საბარგულში მოათავსეს და მდინარე ალაზნის სარწყავ არხში გადააგდეს. პოლიციამ ტაქსის მძღოლი დააკავა, თუმცა მალევე გაათავისუფლეს. „რეგინფოს“ შინაგან საქმეთა სამინისტროში უთხრეს, რომ დაკავებული არავინ ჰყავთ. გვამის პოვნის მიზნით, 21 და 22 აგვისტოს მდინარე ალაზნის სარწყავ არხში წყალიც დაწყვიტეს, მაგრამ ცხედარი ვერ ... ...

არქივი

ზაფრანი

როგორ ვიშოვნოთ ფული ზოდიაქოს ნიშნის მიხედვით

ადამიანების უმრავლესობა ოდითგანვე დაეძებდა გზებს...

დაუჯერებლად თავხედი 3 ქალი ზოდიაქოს ნიშნის მიხედვით

ალბათ, ოცდამეერთე საუკუნეში ქალის სითამამე...

ასტროლოგია და ასაკობრივი კრიზისი ბავშვებში

საყოველთაოდ ცნობილი ფაქტია, რომ ადამიანის...

ასტროლოგია ბავშვების სწორად აღზრდის შესახებ

ამბობენ - "მშობლებს არ ირჩევენ"...

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...