საკრებულოს თანამშრომელი: "საშუალო ინტელექტის ადამიანიც კი მიხვდება, რომ მერის პასუხი არაადეკვატურია"

gurianews.com

პოლიტიკა

საკრებულოს თანამშრომელი: "საშუალო ინტელექტის ადამიანიც კი მიხვდება, რომ მერის პასუხი არაადეკვატურია"

2018 იან 8 12:03:01

ოზურგეთის მუნიციპალიტეტის მერის განცხადება, რომლის თანახმადაც საკრებულოს თავმჯდომარის ბრძანებას არ შეასრულებს და შესაბამისად საკრებულოს ყველა თანამშრომელი პრემიეს ვერ მიიღებს ისევ განხილვის თემაა. საკრებულოს უფროსი სპეციალისტი საოქმო მომსახურების საკითხებში გივი ყაზაიშვილი ამბობს, რომ კონსტანტინე შარაშენიძე თავს კანონზე მაღლა აყენებს და  სახელმწიფოში მას ამის გამო პასუხს უნდა სთხოვდნენ:

"სამწუხაროა,მაგრამ ისევ მიწევს მუნიციპალიტეტის საკრებულოს აპარატის საჯარო მოსამსახურეებზე პრემია-დანამატების გაცემა-არგაცემაზე სუბარი, რადგან საშუალო ინტელექტის ადამიანიც კი მიხვდება, რომ მერის პასუხი არაადეკვატურია და, აი რატომ:

1) არცერთი საკანონდებლო ნორმა არ აძლევს მუნიციპალიტეტის მერს უფლებას საკრებულოს თავმჯდომარეს განუსაზღვროს საკუთარი აპარატის რომელ საჯარო მოხელეზე, მათ რა რაოდენობაზე, რის გამო გასცეს თანამდებობრივი სარგოს დანამატი, ამას აწესრიგებს კანონმდებლობა;

2) არ არსებობს კანონის ნორმა, რომელიც საკრებულოს თავმჯდომარეს ავალებდეს შეათანხმოს ან მერს უფლებამოსილებას აძლევდეს შეითანხმოს საკრებულოს აპარატის მოსამსახურეების პრემირების საკითხი, ანდენად მერის დაანონსებული ე.წ. "შეთანხმება"საკრებულოს აპარატის უფროსთან არაკომპენტეტურობის დასტურია, რადგან, გარდა ზემოთაღნიშნულისა, მათ არ ააქვთ უფლებამოსილება შეცვალონ ან გააუქმონ საკრებულოს თავმჯდომარის სამართლებრივი აქტი, ეს მათი მხრივ უფლებამოსილების გადამეტება და ცალკე შეფასების საგანია;

3) უფლებამოსილი პირის კანონშესაბამისად გამოცემულ-გამოქვეყნებული სამართლებრივი აქტი შეუძლია შევვალოს ან გააუქმოს თავად ავტორმა ან თუ კანონსაწიინაღმდეგოდ იქნა მიჩნეული გააბათილოს სასამართლომ;

4) წინააღმდეგ შემთხვევაში შესაბამისმა თანამდებობის პირმა უნდა უზრუნველყოს მისი შესრულება, არ შესრულება უფლებამოსილების გადამეტებაა და დასჯადია.მით უმეტეს, როცა საკრებულოს აპარატის მუშაკები მატერიალურად მნიშვნელოვნად ზარალდებიან, რაც შესაბამისი უწყებების მსჯელობის საგანი უნდა გახდეს სამართლებრივ სახელმწიფოში;

5) ყველაფერს თავი რომ დავანებოთ, არალოგიკურია, როცა 2017 წლის მუშაობის შედეგებით რესპუბლიკაში ერთ-ერთ საუკეთესოდ მიჩნეული საკრებულოს აპარატის მუშაკები ვერ ღებულობენ თანამდებობრივი სარგოს 63%- იან დანამატსაც კი მაშინ, როცა ერთთვიანი მუშაობის გამო მერიის შესაბამის თანამშრომლებს ეძლევათ 100% -იანი დანამატი.

ერთი სიტყვით მერის ეს უკვე მეორე"ბრძნული" გადაწყვეტილებაა და კანონის მხრივ დასჯადი, საკრებულოს აპარატის მუშაკებისათვის სატირალი რომ არ იყოს ნამდვილად სასაცილოა. ისიც საკითხავია-რატომ უნდა გრძნობდეს ვიმე თავს კანონზე მაღლა, თუნდაც იგი არჩეული იყოს?!" _ წერს ყაზაიშვილი ფეისბუქის საკუთარ გვერდზე.

 შეგახსენებთ, რომ ოზურგეთის მუნიციპალიტეტის მერმა კონსტანტინე შარაშენიძემ ახალ წლამდე რამდენიმე დღით ადრე მერიის 18 თანამშრომელს პრემია მისცა.

შარაშენიძის #245 ბრძანების თანახმად, რომელიც 2017 წლის 27 დეკემბრით არის დათარიღებული, 18 თანამშრომლის პრემიებზე 18 560 ლარი გაიცა.

ოზურგეთის მუნიციპალიტეტის მერიის პროფესიულ საჯარო მოხელეებს, ზეგანაკვეთური სამუშაოების არასამუშაო და ღამის საათებში, დასვენებისა და უქმე დღეებში შესრულებისათვის მიეცათ 2017 წლის დეკემბრის თვის შრომის ანაზღაურებაზე სახელფასო დანამატი თანამდებობრივი სარგოს 100 % ოდენობით. სულ 18 საჯარო მოხელეს, რომლებმაც ქალაქ ოზურგეთისა და ოზურგეთის მუნიციპალიტეტების შერწყმის პროცესში, მობილობის რეჟიმში, სანიმუშოდ შეასრულეს დაკისრებული მოვალეობა, მათ შორის არიან საჯარო მოხელეთა შეფასების დროებითი კომისიის მიერ საუკეთესოდ შეფასებულ საჯარო მოხელეები,“ _ აღნიშნულია კონსტანტინე შარაშენიძის კომენტარში, რომელიც მან პრესსამსახურის საშუალებით  მოგვაწოდა.

აღსანიშნავია, რომ შარაშენიძე 30 დეკემბერს "გურია ნიუსის" კორესპონდენტთან საუბრისას ამბობდა, რომ პრემიები გაცემული არ ჰქონდა:

"ვინც დაიმსახურა, იმათ აუცილებლად მივცემთ დანამატს. 18 ადამიანი მიიღებს დანამატს ოზურგეთის მუნიციპალიტეტის მერიაში" _ მბობდა შარაშენიძე მაშინ, როცა პრემიები უკვე დარიგებული ჰქონდა, რასაც “გურია ნიუსის“ მიერ ოფიციალურად გამოთხოვილი დოკუმენტი ცხადჰყოფს.

მერმა მაშინ საკრებულოს თანამშრომელთა პრემირებაზეც გააკეთა კომენტარი და აღნიშნა, რომ საკრებულოდან დასაჯილდოვებელთა სიას ელოდებოდა.

ამავე დროს, კეთდებოდა განცხადებები, რომ პრემია-დანამატების გაცემის ინიციატორი ინიციატორი ოზურგეთის მუნიციპალიტეტის საკრებულოს თავმჯდომარე დავით დარჩია იყო, რომელსაც საკრებულო აპარატის ყველა თანამშრომლისთვის სურდა მიეცა პრემია-დანამატი, რაზეც ოზურგეთის მუნიციპალიტეტის მერი თანახმა არ იყო. არადა, როგორც აღმოჩნდა, შარაშენიძეს პრემიები უკვე გაცემული ჰქონდა.

ამ ყველაფრის პარალელურად კი მერიის საფინანსო სამსახურის უფროსი გია მამაკაიშვილი „გურია ნიუსისთვის“ მიცემულ ინტერვიუში ამტკიცებდა, რომ მერიაში პრემიების გაცემა არ იგეგმებოდა. არადა, როგორც გავარკვიეთ, შარაშენიძის მიერ პრემირებულთა სიაში პირველი სწორედ საფინანსო სამსახურის უფროსი იყო.

მერის მიერ დაჯილდოებული სხვა მოხელეების სია ასეთია:

ლაშა თავაძე _ ოზურგეთის მუნიციპალიტეტის მერიის სამართლებრივი უზრუნველყოფის და ზედამხედველობის სამსახურის უფროსი;  მიხეილ შილაკაძე _ ოზურგეთის მუნიციპალიტეტის მერიის სამართლებრივი უზრუნველყოფის და ზედამხედველობის სამსახურის სამართლებრივი უზრუნველყოფის განყოფილების უფროსი;  პავლე ჭყონია _ ოზურგეთის მუნიციპალიტეტის მერიის საფინანსო- საბიუჯეტო სამსახურის საბიუჯეტო განყოფილების უფროსი;  ნინო დარჩია _ ოზურგეთის მუნიციპალიტეტის მერიის საფინანსო-საბიუჯეტო სამსახურის სახაზინო მომსახურებისა და ბუღალტრული აღრიცხვის განყოფილების უფროსი;  დავით გორდელაძე _ ოზურგეთის მუნიციპალიტეტის მერიის საფინანსო- საბიუჯეტო სამსახურის მუნიციპალური შესყიდვების განყოფილების უფროსი;  თამარ ბაბილოძე _ ოზურგეთის მუნიციპალიტეტის მერიის საფინანსო- საბიუჯეტო სამსახურის საბიუჯეტო განყოფილების მე-3 რანგის პირველი კატეგორიის უფროსი სპეციალისტი; მარინა დარჩია _ ოზურგეთის მუნიციპალიტეტის მერიის საფინანსო- საბიუჯეტო სამსახურის სახაზინო მომსახურებისა და ბუღალტრული აღრიცხვის განყოფილების მე-3 რანგის პირველი კატეგორიის უფროსი სპეციალისტი;  ეკატერინე გეგიაძე _ ოზურგეთის მუნიციპალიტეტის მერიის საფინანსო- საბიუჯეტო სამსახურის სახაზინო მომსახურებისა და ბუღალტრული აღრიცხვის განყოფილების მე-3 რანგის პირველი კატეგორიის უფროსი სპეციალისტი;  მაკა ბეგიაშვილი _ ოზურგეთის მუნიციპალიტეტის მერიის საფინანსო- საბიუჯეტო სამსახურის სახაზინო მომსახურებისა და ბუღალტრული აღრიცხვის განყოფილების მე-3 რანგის პირველი კატეგორიის უფროსი სპეციალისტი;  დავით ღლონტი _ ოზურგეთის მუნიციპალიტეტის მერიის საფინანსო- საბიუჯეტო სამსახურის მუნიციპალური შესყიდვების განყოფილების მე-3 რანგის პირველი კატეგორიის უფროსი სპეციალისტი;  ნათია ვაშალომიძე _ ოზურგეთის მუნიციპალიტეტის მერიის სოციალურ და ჯანდაცვის საკითხთა სამსახურის სოციალური დაცვის განყოფილების უფროსი;  ქეთევან სანიკიძე _ ოზურგეთის მუნიციპალიტეტის მერიის სოციალურ და ჯანდაცვის საკითხთა სამსახურის სოციალური დაცვის განყოფილების მე-3 რანგის პირველი კატეგორიის უფროსი სპეციალისტი;  თემურ გიორგაძე _ ოზურგეთის მუნიციპალიტეტის მერიის არქტიტექტურის, სივრცითი მოწყობის, ინფრასტრუქტურის და კომუნალური სერვისების განვითარების სამსახურის ინფრასტრუქტურის განყოფილების უფროსი;  თემურ მურვანიძე _ ოზურგეთის მუნიციპალიტეტის მერიის არქტიტექტურის, სივრცითი მოწყობის, ინფრასტრუქტურის და კომუნალური სერვისების განვითარების სამსახურის კომუნალური სერვისების განვითარების და კეთილმოწყობის განყოფილების უფროსი;  მიხეილ შალამბერიძე _ ოზურგეთის მუნიციპალიტეტის მერიის არქტიტექტურის, სივრცითი მოწყობის, ინფრასტრუქტურის და კომუნალური სერვისების განვითარების სამსახურის კომუნალური სერვისების განვითარების და კეთილმოწყობის განყოფილების მე-3 რანგის პირველი კატეგორიის უფროსი სპეციალისტი;  კლიმენტი ცერცვაძე _ ოზურგეთის მუნიციპალიტეტის მერიის სამართლებრივი უზრუნველყოფის და ზედამხედველობის სამსახურის სამართლებრივი უზრუნველყოფის განყოფილების მე-3 რანგის პირველი კატეგორიის უფროსი სპეციალისტი;  მაია ინარიძე _ ოზურგეთის მუნიციპალიტეტის მერიის ადმინისტრაციული, მონაწილეობითი დაგეგმვის და კომუნიკაციის სამსახურის საქმისწარმოების განყოფილების უფროსი.

აღნიშნული სიის და შესაბამისი ბრძანების „გურია ნიუსის“ ვებგვერდზე გამოქვეყნებას დაპირისპირება მოჰყვა.  მუნიციპალიტეტის საკრებულოს თანამშრომლებს გაღიზიანება არც დაუმალავთ და შესაბამისი პირებისგან რეაგირებაც მოითხოვეს:

"მერმა არაფრად ჩააგდო მუნიციპალიტეტის საკრებულოს თავმჯდომარის _ უფლებამოსილი პირის კანონმდებლობის შესაბამისად გამოცემული და საჯაროდ გამოქვეყნებული ბრძანება და იგნორირება უყო რა საქართველოს ორგანული კანონის "ადგილობრივი თვითმმართველობის კოდექსის" 35- მუხლის პირველი პუნქტის "" ქვეპუნქტს, აშკარად გადაამეტა თავის უფლებამოსილებას, არ გასცა დანამატები საკრებულოს აპარატის საჯარო მოხელეებზე, რომლებისც მთელ გარდამავალ პერიოდში მუშაობდნენ და ეს მაშინ, როდესაც ბიუჯეტში შესაბამისი თანხებიც არსებობდა და აუცილებელი ხარჯები და ვალდებულებებიც გაწეული იყო.

რა, ოზურგეთის მოსახლეობა იმდენად მეტადაა გაჭივრებული ჩოხატაურისა და ლანჩხუთისაზე, რომ აქ არ შეიძლებოდა პრემია დანამატების გაცემა?! ეს ხალხის რჩეული მერის უკვე მეორე"მაღალკომპეტენტურობის" გამოვლინებაა, მერიის ერთ-ერთი სამსახურის უფროსის დანიშვნვა-განთავისუფლების "სკანდარიკოს" შემდეგ.

 ვიღაცამ რაღაცას, ვისაც ხელეწიფება, ხომ უნდა მიაქციოს ყურადღება?!" _ ეს კომენტარი ყაზაიშვილმა სოციალურ ქსელში დაწერა.

შარაშენიძის მიერ პრემიების გაცემაზე კომენტარი საკრებულოს თავმჯდომარემაც გააკეთა _ დავით დარჩიამ მერს საკრებულოს დისკრედიტაციაში დასდო ბრალი:
"მედიით გავრცელებული ინფორმაციისა და მერის 2017 წლის 27 დეკემბრის ბრძანების თანახმად, მერიის 18 თანამშრომელზე გაიცა სახლფასო დანამატი, თანამდებობრივი სარგოს 100 %-ის ოდენობით.

აღნიშნული საზოგადოებისთვის ცხადყოფს რეალურ ვითარებას. ასევე, ნათელს ფენს ერთ-ერთი მედიასაშაულებით გავრცელებულ ინფორმაციას, თითქოს მე, ოზურგეთის მუნიციპალიტეტის საკრებულოს თავმჯდომარე, ინიციატორი ვიყავი თანამშრომლებისთვის სახელფასო დანამატების გაცემისა, ხოლო მუნიციპალიტეტის მერი _ წინააღმდეგი.

ვფიქრობ, ადგილი აქვს პოლიტიკურ სპეკულაციას და საკრებულოს დისკრედიტაციას.

მე ჩავთვალე საჭიროდ და დღესაც მივიჩნევ, რომ საკრებულო იმსახურებს სახლეფასო დანამტს თანამდებობრივი სარგოს 63 %-ის ოდენობით.

ბოლო ერთი თვის განმავლობაში ჩატარდა საკრებულოს, კომისიების, ფრაქციების, ბიუროს 50-ამდე სხდომა. განხილული იქნა 70-მდე საკითხი.

საკრებულოს აპარატმა სრულად უზრუნველყო სხდომების გამართული ჩატარება. მოგეხსენებათ, საკრებულომ საქმინობის გამჭვირვალეობის მიმართულებით საქართველოში პირველი ადგილი დაიკავა _ ეს გახლავთ სწორედ მაღალი პროფესიული კადრებით დაკომპლექტებული აპარატის კარგი მუშაობის შედეგი.

აქვე თანამშრომლები ჩართული იყვნენ იმ მნიშვნელოვან პროცესში, რომელიც ორი მუნიციპალიტეტის შერწყმას, ქონების აღწერასა და გადაცემას გულისხმობს.

ყოველივე ზემოთქმულიდან გამომდინარე, დღესაც მიმაჩნია, რომ საკრებულოს თანამშრომლების გამოყოფა, რასაც საჯაროდ გაკეთებული განცხადებით ითხოვს მუნიციპალიტეტის მერი, ჩემის მხრიდან იქნებოდა ყველა ამ საქმიანობის არდანახვა და მართებულად ვერშეფასება. აქვე დავძენ, რომ საკრებულოს და ბიუროს არც ერთ წარმომადგენელს სახელფასო დანამატი არ მიუღიათ", _ აღნიშნა დავით დარჩიამ „გურია ნიუსისთვის“ მიწოდებულ ექსკლუზიურ კომენტარში.

დარჩიას თქმით, მერის გადაწყვეტილება და საკრებულოს თანამშრომლებისთვის პრემირებაზე უარის თქმა, მაშინ, როცა  შესაბამისი თანხა ბიუჯეტში გათვალისწინებული იყო,  უსამართლო და პოლიტიკურად მოტივირებულია, რასაც არ ეთანხმება შარაშენიძე.

ოზურგეთის მუნიციპალიტეტის მერი ამბობს, რომ  მუნიციპალიტეტის საკრებულოს თავმჯდომარის მიერ მისი დადანაშაულება საკრებულოს დისკრედიტაციასა და პულიტიკურ სპეკულაციაში უსაფუძვლოა:

"2017 წლის 28 დეკემბერს, ოზურგეთის მუნიციპალიტეტის საკრებულომ ოზურგეთის მერიას მომართა წერილით ახალი წლის დღესასწაულთან დაკავშირებით, საკრებულოს აპარატში შრომითი ხელშეკრულებით დასაქმებული პირების, თანამდებობის პირებისა და აპარატის პროფესიული საჯარო მოხელეთა მიერ ზეგანაკვეთური სამუშაოების არასამუშაო, ღამის საათებში, დასვენებისა და უქმე დღეებში შესრულებისთვის, საკრებულოში დასაქმებულ ყველა თანამშრომელზე დანამატის გაცემის შესახებ.

გამომდინარე იქედან, რომ ეჭვს იწვევდა ოზურგეთის მუნიციპალიტეტის საკრებულოს ყველა თანამშრომლის მიერ 2017 წლის 27 ნოემბრიდან ერთი თვის ვადაში ზეგანაკვეთური სამუშაოების შესრულება, ასევე, ღამის საათებში, დასვენების და უქმე დღეებში საქმიანობას, მოხდა სიტყვიერი შეთანხმება საკრებულოს აპარატის უფროსთან, რომელსაც ჩვენთვის უნდა მოეწოდებინა მხოლოდ იმ თანამშრომელთა სახელობითი სია, რომლებმაც იმუშავეს ღამის საათებსა და არასამუშაო დღეებში.

საჯარო სამსახურის შესახებსაქართველოს კანონის 58- მუხლის შესაბამისად, ოზურგეთის მუნიციპალიტეტის საკრებულოს მოხელეებზე სახელფასო დანამატი შეიძლება გაიცეს ზემდგომი თანამდებობის პირის დავალებით შესრულებული ზეგანაკვეთური სამუშაოს შესაბამისად, ასევე ღამის საათებში, დასვენების და უქმე დღეს საქმიანობის გამო.

აქვე გაცნობებთ, რომ ჩვენ მიერ დანამატის გაცემა ოზურგეთის მუნიციპალიტეტის მერიის 18 თანამშრომელზე ეფუძნებოდა ზემოაღნიშნული კანონის საფუძველს, შესაბამისად, სამართლიანად მივიჩნიეთ იგივე პრინციპი გავრცელებულიყო საკრებულოს თანამშრომლების მიმართაც", _ აღნიშნულია შარაშენიძის მიერ "გურია ნიუსისთვის" გამოგზავნილ კომენტარში.

ოზურგეთის საკრებულოს თავმჯდომარე კი განმარტავს, რომ შარაშენიძის ეს კომენტარი საფუძველს მოკლებულია. მით უმეტეს, რომ ის თანამშრომლებისთვის არა თანამდებობრივი სარგოს 100%-ის მიცემას, არამედ 63%-ის მიცემას აპირებდა, რადგან საკრებულომ  ყველაზე მეტი იმუშავა და პრემიისთვის განკუთვნილი თანხა ყველა თანამშრომელზე თანაბრად გადანაწილდებოდა..


ნახვა: 745


 ახალი ამბები
  • NDI: 31% მათ შეხედულებებთან ყველაზე ახლოს მდგომ პარტიად "ქართული ოცნებას" ასახელებსNDI-ის კვლევის მიხედვით, გამოკითხულთა 31% -ისთვის, მათ შეხედულებებთან ყველაზე ახლოს მდგომ პარტიად "ქართული ოცნებას" ასახელებს. 10% ამბობს, რომ ასეთ პარტიად "ნაციონალური მოძრაობა" მიაჩნია. "ევროპულ საქართველოს" მხარი 4%-მა დაუჭირა, ხოლო "პატრიოტთა ალიანსს“ 3% ასახელებს. ამ კითხვაზე გამოკითხულთა 30% პასუხი არ გასცა. ეროვნულ-დემოკრატიულმა ინსტიტუტმა (NDI) კვლევის საველე სამუშაოები ჩატარდა 29 ნოემბერი-19 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2 298 პირისპირ ინტერვიუს წარმომადგენლობითი შერჩევის საფუძველზე. კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო. კვლევის ცდომილება ± 1.9%-ს ... ...
  • NDI-ს კვლევა: 27 % _ "ქართული ოცნება"; 10 _ % "ნაციონალური მოძრაობა"NDI-ს კითხვაზე, ხვალ რომ საპარლამენტო არჩევნები იყოს,  გამოკითხულთა 27 პროცენტი ამბობს, რომ ხმას „ქართულ ოცნებას“ მისცემდა; 10% მხარს „ნაციონალურ მოძრაობას“  დაუჭერდა; 3% _  “ევროპულ საქართველოს”, ხოლო 7% სხვა პარტიას. ორგანიზაციის ცნობით, გამოკითხულთა 24% ამბობს, რომ არც ერთ პარტიას არ მისცემდა ხმას;  15% გადაწყვეტილება მიღებული არა აქვს; ხოლო 13 %-მა კითხვას პასუხი არ გასცა. ეროვნულ-დემოკრატიულმა ინსტიტუტმა (NDI) კვლევის საველე სამუშაოები ჩატარდა 29 ნოემბერი-19 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2 298 პირისპირ ინტერვიუს წარმომადგენლობითი შერჩევის საფუძველზე. კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო. კვლევის ცდომილება ± 1.9%-ს შეადგენს. ამავე თემაზე: NDI-ს კვლევის პოლიტიკური ნაწილი: პარტიების რეიტინგები და ამომრჩევლის ... ...
  • NDI-ს კვლევის პოლიტიკური ნაწილი: პარტიების რეიტინგები და ამომრჩევლის მოლოდინიეროვნულ-დემოკრატიული ინსტიტუტისა (NDI) და CRRC საქართველოს მიერ დღეს გამოქვეყნებული კვლევის შედეგები აჩვენებს, რომ საქართველოში ამომრჩევლებსა და არჩეული თანამდებობის პირებს შორის მზარდი კომუნიკაციის პრობლემაა. მოსახლეობის უმეტესობა ელის, რომ პარლამენტის წევრი პარტიის (75 პროცენტი) და საკუთარ ინტერესებს (55 პროცენტი) დაიცავს, და არა მოქალაქეებისას (41 პროცენტი). ასეთი განწყობები განსაკუთრებით ჭარბობს თბილისში. ეროვნულ დემოკრატიული ინსტიტუტის მიერ გამოქვეყნებულ ინფორმაციაში აღნიშნულია, რომ “ქართული ოცნების” მხარდამჭერები პარლამენტისადმი უფრო პოზიტიური მოლოდინებით გამოირჩევიან. მათი 67 პროცენტი ფიქრობს, რომ დეპუტატები მოქალაქეების ინტერესებს დაიცავენ. გამოკითხვის შედეგები ასევე აჩვენებს, რომ მოქალაქეების პარლამენტთან კომუნიკაცია ძალიან დაბალია: მოსახლეობის 3 პროცენტზე ნაკლებს მიუმართავს თხოვნით პარლამენტარისთვის ან დასწრებია კომიტეტის სხდომას. თუმცა, მოსახლეობის 10 პროცენტი ამბობს, რომ დასწრებია პარლამენტის ან დეპუტატის მიერ ორგანიზებულ საჯარო შეხვედრას. მოსახლეობის მხოლოდ 24 პროცენტმა შეძლო სწორად დაესახელებინა პარლამენტში საკუთარი მაჟორიტარის ვინაობა, რაც გასული წლის მონაცემთან შედარებით 30 პროცენტით ნაკლებია. მოსახლეობის მხოლოდ ერთ მეოთხედს სმენია 2017 წლის ერთ-ერთი ყველაზე მნიშვნელოვანი საპარლამენტო ინიციატივის _ საკონსტიტუციო ცვლილებების პროცესის შესახებ. მათგან მხოლოდ 39 პროცენტი ამბობს, რომ საკმარისი ინფორმაცია აქვს ამ ცვლილებების შესახებ და მხოლოდ 6 პროცენტს მიაჩნია, რომ ცვლილებები სრულად ასახავს მოსახლეობის აზრს. “პარლამენტის წევრებს არაერთი შესაძლებლობა აქვთ, რათა მოსახლეობის მეტი ჩართულობა უზრუნველყონ და უკეთ წარმოაჩინონ თუ როგორ ემსახურებიან ამომრჩევლების ინტერესებს. ასეთი საშუალებებია: საჯარო შეხვედრები, ღია კარის საათები, პარლამენტის უფრო ღია დაწესებულებად ქცევა, სხვადასხვა საკომუნიკაციო სტრატეგიების შემუშავება, კანონშემოქმედების პროცესში მოსახლეობის ჩართვა და სხვა,”  _ განაცხადა ლორა თორნტონმა, NDI-ის საქართველოს ოფისის ხელმძღვანელმა. _ “სრულად პროპორციულ სისტემაზე გადასვლასთან ერთად ეს კიდევ უფრო მნიშვნელოვანი გახდება, რადგან საარჩევნო სისტემის ცვლილებას მაჟორიტარული ბიუროების გაუქმება მოყვება.” _ ამბობს თორნტონი. ორგანიზაციის ცნობით, პოლიტიკოსებისადმი ასეთი დაბალი მოლოდინების გათვალისწინებით, გასაკვირი არ არის, რომ მოსახლეობის მხოლოდ ნახევარი უჭერს მხარს რომელიმე პარტიას. ეს განსაკუთრებით საინტერესო მიგნებაა, თუ გავითვალისწინებთ, რომ გამოკითხვა არჩევნებიდან რამდენიმე კვირაში ჩატარდა და პარტიული მხარდაჭერის მონაცემები თითქმის უცვლელია წინა კვლევებთან შედარებით. შეკითხვაზე თუ “რომელია თქვენს შეხედულებებთან ყველაზე ახლოს მდგომი პარტია” 31 პროცენტმა დაასახელა “ქართული ოცნება”, 10 პროცენტმა - “ერთიანი ნაციონალური მოძრაობა”, 4 პროცენტმა - “ევროპული საქართველო”, 3 პროცენტმა კი - “პატრიოტთა ალიანსი”. პარტიების მხარდაჭერა კიდევ უფრო დაბალია ახალგაზრდებში. მსგავსი მონაცემებია კითხვაზე “ხვალ რომ საპარლამენტო არჩევნები ტარდებოდეს რომელ პარტიას მისცემდით ხმას”: 27 პროცენტი “ქართულ ოცნებას” ასახელებს, 10 პროცენტი - “ნაციონალურ მოძრაობას”, 3 პროცენტი კი - “ევროპულ საქართველოს”. “როგორც ჩანს, მოსახლეობა, განსაკუთრებით ახალგაზრდა ამომრჩევლები, ჯერ კიდევ მოლოდინის რეჟიმში არიან. ისინი ელიან თუ როდის შესთავაზებენ პარტიები დამაჯერებელ იდეებს იმასთან დაკავშირებით, თუ როგორ განსხვავდებიან სხვა პარტიებისგან და როგორ აპირებენ უკეთესი შედეგების მიღწევას. მანამდე კი, პარტიების მხარდაჭერის მონაცემებში დიდ ცვლილებებს ნაკლებად უნდა ველოდოთ,” - განაცხადა ლორა თორნტონმა. მოქალაქეები კვლავ უკმაყოფილონი არიან საჯარო და პოლიტიკურ ცხოვრებაში ქალების წინაშე არსებული ბარიერებით. მათ მიაჩნიათ, რომ პარლამენტსა და ადგილობრივ ხელისუფლებაში ძალიან ცოტა ქალია და მხარს უჭერენ გენდერული კვოტის შემოღებას (63 პროცენტი). უმეტესობა ასევე მიიჩნევს, რომ ოჯახში ძალადობა (81 პროცენტი) და ადრეული ქორწინება (72 პროცენტი) დღეს ქალებისთვის პრობლემას წარმოადგენს. მოსახლეობას საკმაოდ ფართოდ ესმის სექსუალური შევიწროების არსი. 80 პროცენტზე მეტი თანხმდება, რომ ადამიანისგან კარიერული წინსვლის სანაცვლოდ სექსუალური ხასიათის ქმედებების მოთხოვნა, სექსუალური შინაარსის კომენტარებით და სხვა ქცევებით სამსახურში არაკომფორტული და უხერხული გარემოს შექმნა და საზოგადოებრივ სივრცეში უცხო ადამიანზე განზრახ შეხება სექსუალური შევიწროებაა. მოქალაქეების უმრავლესობა (77 პროცენტი) მხარს უჭერს სექსუალური შევიწროების წინააღმდგე კანონის შემოღებას. “მოსახლეობა დიდი ხანია ითხოვს ქალების მეტ ჩართულობას პოლიტიკაში, თუმცა პოლიტიკოსები ამ მოთხოვნას ფეხს ვერ უწყობენ,” - განაცხადა ლორა თორნტონმა. მისივე თქმით, “სხვა ქვეყნების გამოცდილება აჩვენებს, რომ პოლიტიკაში მეტი ქალის ჩართვით იზრდება მოსახლეობის მიერ გამოკვეთილი ისეთი პრობლემების გადაჭრის ალბათობა, როგორიცაა ოჯახში ძალადობა და ადრეული ქორწინება.” NDI იკვლევს საზოგადოებრივ აზრს, რათა დაეხმაროს დაინტერესებულ მხარეებს, გაიგონ და გადაჭრან მოქალაქეებისთვის პრობლემატური საკითხები ზუსტ, მიუკერძოებელ და სტატისტიკურად სწორ მონაცემებზე დაყრდნობით. კვლევის მიზანია, ხელი შეუწყოს ისეთი პოლიტიკისა და მმართველობის ჩამოყალიბებას, რომელიც უფრო მეტად იქნება მორგებული მოსახლეობის საჭიროებებზე. პოლიტიკოსები მიიჩნევენ, რომ კვლევებიდან მიღებული ინფორმაცია ეხმარება მათ საქმიანობას და გამოთქვამენ სურვილს, კვლავაც გაგრძელდეს მსგავსი გამოკითხვები. აღნიშნული გამოკითხვა 2017 წლის 29 ნოემბერი - 19 დეკემბრის პერიოდში, საქართველოს მასშტაბით 2,298 პირისპირ ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 1.9 პროცენტი. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC ... ...
  • "ბიზნესსაქმიანობის დამფუძნებელი" დეპუტატი ჭიჭინაძე: "თითო კურსს ვსწავლობდი ბეჯითად 5 წელი"საპარლამენტო უმრავლესობის წევრმა დავით ჭიჭინაძემ გუშინ, სოფლის მცხოვრებლებთან დაკავშირებით განაცხადა, რომ “სწავლა რომ უყვარდეს, ის გლეხი არ იქნებოდა" და "სხვა ადგილს მიაგნებდა ამ ცხოვრებაში".როგორც აღმოჩნდა, სხვის უსწავლელობაზე მოსაუბრე ჭიჭინაძეს პარლამენტარობისას დიპლომიც არ ჰქონია. პარლამენტის ოფიციალურ ვებგვერდზე გამოქვეყნებული ინფორმაციით, ირკვევა, რომ  მეხუთე მოწვევის პარლამენტის (1999-2004) დეპუტატობის დროს  საქართველოს პოლიტექნიკური ინსტიტუტი დაუმთავრებელი ჰქონდა. ამ დროს ჭიჭინაძე პარლამენტში ბლოკ "საქართველოს აღორძინებას" წარმოდგენდა.ახლა ჭიჭინაძე "ქართულ ოცნებას" წარმოადგენს და ამჯერად განათლების გრაფაში უწერია: საგანმანათლებლო დაწესებულება _ საქართველოს ტექნიკური უნივერსიტეტი; სპეციალობა სამდინარო ნაგებობების ჰიდროტექნიკური მშენებლობა. თუმცა, როდის დაიწყო და დაასრულა სწავლა, მითითებული არაა.მითითებულია მხოლოდ ის, რომ პოლიტექნიკური ინსტიტუტის სტუდენტი 1983-1988 წლებში იყო.თავად „გურია ნიუსთან“ საუბრისას განმარტავს, რომ დიპლომი 2000 წელს აიღო. კითხვაზე, რატომ დასჭირდა სხვის განათლებაზე მოსაუბრე დეპუტატს 17 წელი დიპლომის ასაღებად, ასე გვპასუხობს:„თითო კურსს ვსწავლობდი ბეჯითად 5 წელი. კიდევ რა გაინტერესებთ? მე თქვენ სერიოზული ადამიანი მგონიხართ“._ ბატონო დავით, რას ხედავთ არასერიოზულს ჩვენს შეკითხვაში _ გვაინტერესებს, რატომ დაგჭირდათ 17 წელი დიპლომის ასაღებად... თქვენს ბიოგრაფიაში წერია, რომ სტუდენტი 1983 წლიდან 1988 წლამდე იყავით. ბიოგრაფიით ირკვევა, ასევე, რომ 1999 წელს, პარლამენტარობისას სასწავლებელი დამთავრებული არ გქონდათ და ახლა ამბობთ, 2000 წელს ავიღე დიპლომიო..._ თუ გნებავთ, „ქართული ოცნების“ საარჩევნო ჟურნალი აირეთ და იქაც წერია და არსად მე ეგ არ დამიმალია. 1988 წელს ქვეყანაში დაიწყო კოოპერაცია. მე ინსტიტუტი პრაქტიკულად დამთავრებული მქონდა. სამი წელი განაწილება იყო მაშინ საჭირო, რომ დიპლომი აგეღო. სხვებისგან განსხვავებით ვამჯობინე ბიზნესით დავკავებულიყავი და არა დიპლომის აღებით, _ ამბობს დავით ჭიჭინაძე.მისივე თქმით, 90-იან წლებში საქართველოში არ იმყოფებოდა და დიპლომი დაბრუნების შემდეგ აიღო:_ მივდიოდი-მოვდიოდი, სხვაგან ვმუშაობდი. ჩამოვედი 1999 წელს, აღვიდგინე თავი ჩვეულებრივად, გადავაბარე 12 გამოცდა სახალხოდ, სტუდენტებთან ერთად და დავიცავი დიპლომი._ შეგიძლიათ რამდენიმე თქვენი კურსელის ან იმ ადამიანის ვინაობა გვითხრათ, რომლებთანა ერთადაც სადიპლომო დაიცავით? თუ არ ვცდებით, ეს ის პერიოდია, როცა, როგორც ამბობენ დიპლომის ყიდვა ადვილი იყო... მეტი დამაჯერებლობისთვის გადავამოწმებთ დეტალებს, რადგან ეჭვები თქვენი დიპლომის ნამდვილობასთან დაკავშირებით უკვე გამოითქვა.._ რა ყიდვა, ვერ გავიგე _  4 წელი ვსწავლობდი. ის გავლილი მქონდა, მთელი კურსი დამთავრებული მქონდა. გასავლელი არაფერი მქონდა. მარტო დიპლომი მქონდა დასაცავი._ ბატონო დავით, პარლამენტის ვებგვერდზე გამოქვეყნებულ ინფორმაციაში, თქვენი სამუშაო გამოცდილების გრაფაში წერია, რომ 2004-2016 წლებში „ბიზნესსაქმიანობის დამფუძნებელი“ იყავით. იქნებ, განგვიმარტოთ რას ნიშნავს ბიზნესსაქმიანობის დამფუძნებელი..._ დამფუძნებელი არ იცით, რას ნიშნავს?_ ორგანიზაციის დამფუძნებლის მნიშვნელობა ვიცით, მაგრამ ბიზნესსაქმიანობის დამფუძნებლის არა და ამიტომაც გთხოვთ განმარტებას._ ასე არ წერია._ ზუსტად ასე წერია... სიტყვა-სიტყვით_ იქ წერია, ბიზნესსაქმიანობა._ არ იცით, რა წერია თქვენზე პარლამენტის ვებგვერდზე?_ გრაფაში ასეა _ ბიზნეს საქმიანობა, მძიმე, დამფუძნებელი. ეს იმიტომ, რომ ბიზნესსაქმიანობაში შეიძლება იყო დირექტორი, შეიძლება იყო მენეჯერი, შეიძლება იყო მუშა და არის კიდევ ერთი სტატუსი, როდესაც შენ ხარ დამფუძნებელი.  ის დამფუძნებელი დღესაც ვარ._ თქვენ გინახავთ, რა წერია პარლამენტის ვებგვერდზე?_ პარლამენტის ვებგვერდს მე არ ვკრიბავ.  იქ იყო ასეთი კითხვა _ 2004-2016 წელს რით ხარ დაკავებული, რა სტატუსით იყავი? ვიყავი დამფუძნებელი. და „გურია ნიუსს“ მეტი საქმე არ აქვს, ეტყობა. ქვეყანაში მე მგონი სერიოზული მოვლენები ხდება და ჩემი-სწავლა განათლებით ინტერესდებით._ განათლების საკითხზე გუშინ თქვენ ისაუბრეთ და ახლა მიგაჩნიათ ეს თემა უინტერესოთ როდესაც თქვენი, პარლამენტის  დეპუტატის განათლებით დავინტერესდით?_ დიპლომით არ განისაზღვრება ხოლმე განათლება. ხალხს ხუთ-ხუთი დიპლომი უდევს, მაგრამ უმუშევრები ზიან._ და ზოგი უდიპლომოდაც ხვდება პარლამენტში, ხომ?_ მერე რა, მაგალითები ბევრია უდიპლომოების. საერთოდ, ერთი რამ დაიმახსოვრეთ _ ინსტიტუტებში არ ასწავლიან წარმატების საიდუმლოს. სხვა რაღაცაა, სხვა რამე სჭირდება ადამიანს ცხოვრებაში, _ აღნიშნა ჭიჭინაძემ „გურია ნიუსთან“ საუბრისას და დასძინა, რომ თუკი მისი განათლების კომპეტენციაში ვინმეს ეჭვი შეეპარება, საუბრისთვის მზადაა. ამავე თემაზე: დავით ჭიჭინაძე: სწავლა რომ უყვარდეს, ის გლეხი არ იქნებოდა რა, ... ...
  • გუდაური-კობის გზის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აიკრძალასაავტომობილო გზების დეპარტამენტის ინფორმაციით, ინტენსიური თოვის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა  თავისუფალია. გუდაური(ფოსტა)–კობის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით. კმ134-კმ135 (დარიალის ხეობა) მონაკვეთზე ავტოტრანსპორტის მიმოსვლისას იკრძალება მათი ... ...

არქივი

ზაფრანი

ლიფტით კოსმოსში

არცთუ დიდი ხნის წინ ლონდონის...

საოცარი ხარცხვარი

გრენლანდიაში, ჩრდილოეთ კანადასა და ალასკაზე...

უცნაური იტალიური ქორწილი

იტალიურ სოფელ კაზალ-დი პრინჩიპეში უცნაური...

შინაური სირაქლემა

ავსტრალიელ ნენ ნიუბის რამდენიმე წლის...

"გონებაშეზღუდული" გენიოსი

დიდი ინგლისელი მეცნიერი ისააკ ნიუტონი...

თავბრუდამხვევი ქორწილი

ნიუიორკელებმა, სარა პეტიმ  და რობერტ...
კარმიდამო ჩემი

კარტოფილის სასწაულებრივი ძალა

კარტოფილი არა მარტო გემრიელი საკვებია,...

"შემოდგომის ყვავილებს ჩემში მზე შემოჰყავს!"

თითქოს ჩვეულებრივი და მაინც ყველასგან...

ჩაი _ მსოფლიო საუნჯე

ასე კარგად ნაცნობი ჩაის კულტურა,...

მცენარეთა დაცვისთვის ინტეგრირებული სისტემა უნდა ამოქმედდეს

სასოფლო-სამეურნეო კულტურების მავნე ორგანიზმებისგან დაცვა...

სამარხვო კერძი სოკოსგან პიურეთი

ნახევარი კილოგრამი სოკო და ორი...

სასარგებლო "სარეველები"

სასარგებლო "სარეველები" - აი, რა...

ცაცხვის სამკურნალო თვისებები

ცაცხვს სამკურნალო თვისებებს სძენს ბიოლოგიურად...

მეფუტკრე ქალის გზა _ უნდობლობიდან ძლიერი იმიჯის შექმნამდე

"მინდოდა მქონოდა ნატურალური თაფლი. ამიტომ...

როგორ გამოვიყვანოთ ცხოველი ტყავი

პატივცემულო რედაქცია, როგორც ვიცით, სამი...

დავთესოთ მწვანილეული და ცერცვი

ჩვენს მკითხველს მუდამ ვურჩევთ, რომ...