საფინანსო-საბიუჯეტო კომიტეტმა სარატიფიკაციო დოკუმენტებს მხარი დაუჭირა


პოლიტიკა

საფინანსო-საბიუჯეტო კომიტეტმა სარატიფიკაციო დოკუმენტებს მხარი დაუჭირა

21 თებ. 2017, 18:29:14
საფინანსო-საბიუჯეტო კომიტეტმა, სხდომაზე, რამდენიმე ხელშეკრულება განიხილა. სარატიფიკაციო დოკუმენტები დეპუტატებს ფინანსთა მინისტრის მოადგილემ, გიორგი კაკაურიძემ გააცნო.
 
მომხსენებლის განცხადებით, „საქართველოს და ევროპის საინვესტიციო ბანკს (EIB) შორის ფინანსური ხელშეკრულება - „საქართველოს სოფლის მეურნეობის პროდუქციის წარმოების/გადამუშავების/რეალიზაციის ჯაჭვი" საქართველოში სოფლის მეურნეობის განვითარების ახალ შესაძლებლობებს იძლევა.
 
ხელშეკრულებით ბანკები, ევროპის საინვესტიციო ბანკის (EIB) მიერ გამოყოფილი სესხის ფარგლებში, სოფლის მეურნეობის სექტორში არსებულ პროექტებს სესხის სახით დააფინანსებენ. პროექტები მებაღეობის (მეთხილეობის ჩათვლით) და მეღვინეობის მიმართულებითაც დაფინანსდება და სოფლის მეურნეობის პროდუქციის შექმნის მთლიან ციკლს მოიცავს. პროგრამას სოფლის მეურნეობის პროდუქტების მართვის სააგენტო განახორციელებს.
 
„საქართველოსა და ევროპის რეკონსტრუქციისა და განვითარების ბანკს შორის (სადახლო-ბაგრატაშენის ხიდის პროექტი)" სასესხო შეთანხმების მიხედვით, EBRD-მა საქართველოს სესხის სახით, საქართველოსა და სომხეთის რესპუბლიკის სახელმწიფო საზღვრის სადახლო-ბაგრატაშენის სასაზღვრო გამტარ პუნქტზე ხიდის მშენებლობისთვის 6 მლნ. ევრო გამოუყო. სესხის ხანგრძლივობა 15 წელს შეადგენს.მათ შორის, 3 წელი შეღავათიანია, ხოლო საპროცენტო განაკვეთი ცვალებადია და დამოკიდებულია EURIBOR-ზე. პროექტს, საავტომობილო გზების დეპარტამენტი განახორციელებს.
 
საგრანტო შეთანხმების ფარგლებში, ამერიკის შეერთებული შტატების საერთაშორისო განვითარების სააგენტომ (USAID), საქართველოს, გრანტის სახით, დაახლოებით 1 მლნ. აშშ. დოლარი იმ პირობით გამოუყო, რომ ეს თანხა შესაძლოა გაზრდილიყო ან შემცირებულიყო. ხელშეკრულების თანახმად, საქართველოს თანამონაწილეობა დაახლოებით 333 ათას აშშ. დოლარს შეადგენდა, რომელიც ასევე, გრანტის თანხის გაზრდის ან შემცირების შესაბამისად შეიცვლებოდა.
ფინანსთა მინისტრის მოადგილის განმარტებით, წარმოდგენილი ცვლილებით USAID-ის მიერ გამოყოფილი საგრანტო თანხა 1 მლნ აშშ. დოლარით იზრდება. შესაბამისად, იზრდება საქართველოს თანამონაწილეობაც.
 
როგორც გიორგი კაკაურიძემ განაცხადა, აღნიშნული თანხებით აქტივობები სამოქალაქო საზოგადოების და მოწყვლადი მოსახლეობისთვის სამოქალაქო და ეკონომიკური სერვისების მიმართულებებით დაფინანსდება:
„დემოკრატიული კონტროლი და ბალანსი და ანგარიშვალდებული მმართველობა" განვითარების მიზნის შესახებ საგრანტო შეთანხმებაში" ცვლილება ნომერ ერთი", გრანტის მიმღებისა და USAID-ის გადაწყვეტილებით, გრანტის მთლიანი თანხის, დაახლოებით 6,52 მლნ. აშშ დოლარით გაზრდას ითვალისწინებს.
 
მომხსენებლის განმარტებით, ცვლილება განსახორციელებელ პროექტებში საქართველოს თანამონაწილეობის გაზრდასაც გამოიწვევს. პროექტების დაფინანსება რამდენიმე მიმართულებით არის განსაზღვრული: კანონის უზენაესობა და ადამიანის უფლებები, დემოკრატიული მმართველობა და სამოქალაქო საზოგადოება.
კომიტეტის დღევანდელ სხდომაზე მთავრობის მიერ რატიფიცირებისათვის წარმოდგენილი „ამერიკის შეერთებულ შტატებსა და საქართველოს შორის 2015 წლის 22 დეკემბრით დათარიღებული „ინკლუზიური და მდგრადი ეკონომიკური ზრდა" განვითარების მიზნის შესახებ საგრანტო შეთანხმებაში" ცვლილება ნომერი ერთი" განიხილეს.
 
ფინანსთა მინისტრის მოადგილემ გიორგი კაკაურიძემ კანონმდებლებს შეთანხმებაში განსახორციელებელი ცვლილების თაობაზე ინფორმაცია მიაწოდა. როგორც სხდომაზე აღინიშნა, პროექტის - „ინკლუზიური და მდგრადი ეკონომიკური ზრდა" მიზანია ეკონომიკური მართვისა და ხელმძღვანელობის გაუმჯობესება, გლობალური ბიზნეს სტანდარტების საყოველთაო დანერგვა, სამიზნე სექტორებში კონკურენტუნარიანობის გაზრდა, საქართველოს ბუნებრივი რესურსების ეფექტურად მართვა და მაღალი კომპეტენციის, ბაზარზე ორიენტირებული სამუშაო ადგილების შექმნა.
 
საგრანტო შეთანხმების ცვლილების მიხედვით, USAID-ის მიერ გამოყოფილი ჯამური თანხის 13,1 მლნ აშშ დოლარით გაზრდა იგეგმება, რაც შესაბამისად, 57,298,636 აშშ დოლარს მიაღწევს. ასევე იზრდება საგრანტო თანხის ოდენობაც - 14 მლნ 970 ათასი აშშ დოლარით. პროექტის ფარგლებში განსახორციელებელი მიმართულებები რჩება იგივე, რაც ძირითადი საგრანტო შეთანხმებით იყო განსაზღვრული. ამ პროექტის ფარგლებში დაგეგმილია აქტივობები შემდეგი მიმართულებებით: კონფლიქტების შემსუბუქება და შერიგება; განათლება; ინფრასტრუქტურა; სოფლის მეურნეობა; კერძო სექტორის კონკურენტუნარიანობა და გარემო. შესაბამისად, ყველა მათგანისათვის გამოყოფილი თანხების ოდენობა იზრდება. მომხსენებლის განცხადებით, მათ შორის, სოფლის მეურნეობის მიმართულებით განსახორციელებელი აქტივობებისათვის განსაზღვრული საგრანტო თანხა გაიზარდა ერთი მილიონ 700 ათასი აშშ დოლარის ოდენობით და 3 მლნ 260 ათასი აშშ დოლარი შეადგინა.
 
ცვლილება შედის „ამერიკის შეერთებულ შტატებსა და საქართველოს შორის 2015 წლის 22 დეკემბრით დათარიღებული „ინკლუზიური და მდგრადი ეკონომიკური ზრდა" განვითარების მიზნის შესახებ საგრანტო შეთანხმებაში".
 
მომხსენებლის განმარტებით, „ინკლუზიური და მდგრადი ეკონომიკური ზრდა" განვითარების მიზნით, ამერიკის შეერთებული შტატების საერთაშორისო განვითარების სააგენტომ (USAID) საქართველოს გრანტის სახით, დაახლოებით 13,1 მლნ. აშშ. დოლარი გამოუყო, რომელიც ასევე, შესაძლოა გაზრდილიყო ან შემცირებულიყო. ხელშეკრულების თანახმად, საქართველოს თანამონაწილეობა დაახლოებით 4,4 მლნ აშშ. დოლარს შეადგენდა, რომელიც ასევე, გრანტის თანხის გაზრდის ან შემცირების შესაბამისად შეიცვლება.
 
წარმოდგენილი ცვლილებით, USAID-ის მიერ საგრანტო თანხის ოდენობა, იზრდება 15 მლნ. დოლარით და რაც დაახლოებით 28 მლნ. აშშ. დოლარს შეადგენს.
 
გიორგი კაკაურიძის განმარტებით, პროექტს, დონორი მხარე, სახელმწიფო სტრუქტურებთან კოორდინაციით განახორციელებს.
 
ფინანსთა მინისტრის მოადგილემ, ლაშა ხუციშვილმა კომიტეტის წევრებს საქართველოს მთავრობის მიერ რატიფიცირებისთვის წარმოდგენილი „საქართველოს მთავრობასა და ყირგიზეთის რესპუბლიკის მთავრობას შორის შემოსავლებზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ შეთანხმება გააცნო. მინისტრის მოადგილის განმარტებით, შეთანხმების მიზანს ქვეყანაში ინვესტიციების მოზიდვა და ეკონომიკური კავშირების გამყარება წარმოადგენს. „ორმაგი დაბეგვრის თავიდან აცილების შეთანხმების მიზანი საერთაშორისო ორმაგი დაბეგვრის გამორიცხვის მეშვეობით, საქონლის და მომსახურების გაცვლის, ასევე კაპიტალის და ადამიანების გადაადგილების ხელისშეწყობაა", - განაცხადა ლაშა ხუციშვილმა. შეთანხმება გადასახადების გადაუხდელობის და გადასახადისგან თავის არიდების აღკვეთასაც ითვალისწინებს.
 
დღესვე, საფინანსო-საბიუჯეტო კომიტეტის წევრებმა სტრატეგიული კვლევებისა და განვითარების ცენტრის მიერ წარმოდგენილი „რეგიონული განვითარებისა და მუნიციპალური დანიშნულების ფინანსების მართვის სისტემის ინსტიტუციონალიზაციის შესახებ" საკანონმდებლო წინადადება განიხილეს. დეპუტატებმა გამოთქვეს მოსაზრებები, საკანონმდებლო წინადადებასთან დაკავშირებით, ფინანსთა, იუსტიციის და რეგიონული განვითარებისა და ინფრასტრუქტურის სამინისტროების წარმომადგენელთა პოზიციებს გაეცნენ და საკითხს მხარი არ დაუჭირეს.
 
 



 ახალი ამბები
  • პაატა იმნაძე: საქართველომ „კოვაქს“ პლატფორმის მოთხოვნები შეასრულა საქართველომ „კოვაქს“ პლატფორმის მოთხოვნები შეასრულა და ყველანაირი ვაქცინის მისაღებად მზად ვართ - ამის შესახებ პაატა იმნაძემ „ქრონიკაში“ სატელეფონო ჩართვის დროს განაცხადა. დაავადებათა კონტროლის ეროვნული ცენტრის დირექტორის მოადგილის განცხადებით, საქართველო „ასტრაზენეკას“ ტიპის ვაქცინების მისაღებად ემზადება. „ძირითადად ვემზადებით, რომ „ასტრაზენეკა“ ტიპის ვაქცინები მივიღოთ, მაგრამ ის ჯერ არ არის „კოვაქს“ პლატფორმაზე. ყველა ტიპის ვაქცინის მისაღებად მზად ვართ, მთავარია როდის იქნება ეს მოწოდება. „კოვაქს“ პლატფორმასთან მოლაპარაკების პარალელურად ასევე გრძელდება ორმხრივი მოლაპარაკებები სხვადასხვა ქვეყანასთან. რა რაოდენობის ჩამოვა, ჯერ არ ვიცით. ეს ყველაფერი დამოკიდებულია იმაზე, რა შესაძლებლობები ექნება „კოვაქს“ პლატფორმას“, - განაცხადა პაატა იმნაძემ. ვაქცინაციის სამოქმედო გეგმაზე მუშაობა პრაქტიკულად დასრულებულია - გეგმის საბოლოო დეტალებთან დაკავშირებით პრემიერ-მინისტრ გიორგი გახარიას ხელმძღვანელობით მთავრობის ადმინისტრაციაში მორიგი სამუშაო შეხვედრა ... ...
  • ფოტორეპორტაჟი: „სამცხე-ჯავახეთი თოვლის სამოსელშია“დღეს,  საქართველოში, თითქმის, ყველგან თოვს, ოღონდ მეტ-ნაკლებად. ჩვენი მეგობარი, სპარტაკ გვრიტიშვილი სამცხე-ჯავახეთიდან  გვეხმიანება და ქათქათა ფოტორეპორტაჟს ... ...
  • შსს-მ გასულ წელს ფოთში მომხდარი მკვლელობისთვის ძებნილი პირი დააკავაშინაგან საქმეთა სამინისტროს სამეგრელო-ზემო სვანეთის პოლიციის და შიდა ქართლის პოლიციის დეპარტამენტების თანამშრომლებმა, ერთობლივად ჩატარებული კომპლექსური საგამოძიებო და ოპერატიული ღონისძიებების შედეგად, 2020 წელს ფოთში მომხდარი მკვლელობისთვის ძებნილი პირი - 1983 წელს დაბადებული ზ.ო. ქარელის მუნიციპალიტეტში დააკავეს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს. გამოძიებით დადგინდა, რომ 2020 წლის ივლისში, ზ.ო.-მ და მისმა თანამზრახველებმა 1976 წელს დაბადებულ ვ.ტ.-ს ფიზიკური შეურაცხყოფა მიაყენეს, შემდეგ თავისუფლება უკანონოდ აღუკვეთეს, ბასრი საგნისა და ცეცხლსასროლი იარაღის გამოყენებით, სიცოცხლისთვის საშიში ჭრილობები მიაყენეს და შემთხვევის ადგილიდან მიიმალნენ. მიღებული ჭრილობების შედეგად, ვ.ტ. კლინიკაში გარდაიცვალა. პოლიციამ, ცხელ კვალზე ჩატარებული ოპერატიული და საგამოძიებო ღონისძიებების შედეგად, მომხდარიდან მალევე, ჯერ სამი პირი, ხოლო მომდევნო დღეებში კიდევ ერთი პირი დააკავა. საქმეზე გამოძიება საქართველოს სისხლის სამართლის კოდექსის 109-ე მუხლის მე-2 ნაწილის "ე" ქვეპუნქტით და მე-3 ნაწილის "ბ" ქვეპუნქტით, 143-ე მუხლის მე-2 ნაწილის "გ" ქვეპუნქტით, ასევე, ამავე მუხლის მე-3 ნაწილის "ა" და "ე" ქვეპუნქტებით მიმდინარეობს, რაც დამამძიმებელ გარემოებაში განსაკუთრებული სისასტიკით ჯგუფურად ჩადენილ განზრახ მკვლელობას და თავისუფლების უკანონო აღკვეთას ... ...
  • "ეს არის მიზანმიმართული პროვოკაცია" _ სუს-ი განცხადებას ავრცელებს18 იანვარს, დაახლოებით 20:30 საათზე, ზუგდიდის მუნიციპალიტეტის სოფ. ხურჩას მიმდებარედ, საქართველოს ცენტრალური ხელისუფლების კონტროლირებად ტერიტორიაზე, რუსეთის საოკუპაციო ძალების წარმომადგენლებმა უკანონოდ დააკავეს საქართველოს 3 მოქალაქე. აღნიშნულთან დაკავშირებით საქართველოს სახელმწიფო უსაფრთხოების სამსახურის მიერ დაუყოვნებლივ გააქტიურდა ცხელი ხაზი და მოთხოვნილ იქნა უკანონოდ დაკავებული პირების დაუყოვნებილ გათავისუფლება. მყისიერად მოხდა პროცესში ჟენევის დისკუსიების თანათავმჯდომარეების ჩართვა. ოკუპირებული აფხაზეთის წარმომადგენელმა ცხელი ხაზით დაადასტურა ოკუპირებული აფხაზეთში მცხოვრები 3 პირის უკანონო დაკავების ფაქტი, ასევე ცხელი ხაზით საოკუპაციო რეჟიმის წარმომადგენელმა აღნიშნა, რომ აღნიშული პირები უკანონო პატიმრობაში აღარ იმყოფებიან. საოკუპაციო რეჟიმის მიერ განხორციელებული აღნიშნული ფაქტი წარმოადგენს მიზანმიმართულ პროვოკაციას, რომელიც მნიშვნელოვნად აზიანებს ადგილზე არსებულ უსაფრთხოების გარემოს და საფრთხეს უქმნის, როგორც ადგილობრივ მოსახლეობას ისე რეგიონში არსებულ ... ...
  • "ზვავის წარმოქმნის მხრივ, მაღალი რისკის ლოკაციას სამხედრო გზა წარმოადგენს"ზვავის წარმოქმნის მხრივ, მაღალი რისკის ერთ-ერთ ლოკაციას საქართველოს სამხედრო გზა წარმოადგენს.  ამის შესახებ გარემოს ეროვნული სააგენტოს მიერ გავრცელებულ ინფორმაციაშია ნათქვამი. უწყების ინფორმაციით, გუდაური-კობის გზის 14 კმ-იან მონაკვეთზე, ზვავსაშიშროების დროს, გადაადგილება მსუბუქი და მაღალი გამავლობის ავტომობილებით შეუძლებელია. გარემოს ეროვნული სააგენტოს სპეციალისტები კობი-გუდაურის სამხედრო გზაზე ზვავსაშიში ფერდობების მონიტორინგს თანამედროვე, სპეციალური სატრანსპორტო საშუალებით - თოვლმავალით (ბურანი) განახორციელებენ. „თოვლმავალის დახმარებით, გარემოს ეროვნული სააგენტოს სპეციალისტები ოპერატიულად შეაფასებენ არსებულ ვითარებას. გარემოს ეროვნული სააგენტოს სპეციალისტები საქართველოს სამხედრო გზის მომსახურებას ოპერატიულ რეჟიმში მუდმივად ახორციელებენ, რაც უსაფრთხო გადაადგილებას უზრუნველყოფს“,_ ნათქვამია ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....