“ შენ წაგართვი, ძმაო, რამე? _ გაზრდილი ხელფასები და დაპირისპირება საკრებულოზე

პოლიტიკა

“ შენ წაგართვი, ძმაო, რამე? _ გაზრდილი ხელფასები და დაპირისპირება საკრებულოზე

2018 იან 19 12:35:36

ოზურგეთის მუნიციპალიტეტის საკრებულოს რიგგარეშე სხდომა, რომელიც 18 იანვარს სასწრაფოდ მოიწვიეს, “ოცნებისა“ და „ნაციონალური მოძრაობის“ დეპუტატებს შორის ურთიერთდაპირისპირებისა და შეურაცხყოფის ფონზე წარიმართა.

სხდომაზე დღის წესრიგით გათვალისწინებულ ორ საკითხზე  საკრებულოს საფინანსო-საბიუჯეტო კომისიის ხელმძღვანელმა გიორგი ჩაგანავამ და მერიის ამავე სამსახურის უფროსმა გია მამაკაიშვილმა ისაუბრეს.

როგორც მათ  განმარტეს, საჯარო დაწესებულებები, საქართველოს კანონმდებლობით დადგენილი წესით, 2018 წლის 20 იანვრამდე საშტატო ნუსხებისა და თანამდებობრივი სარგოების, "საქართველოს 2018 წლის სახელმწიფო ბიუჯეტის შესახებ" კანონით გათვალისწინებული საბაზო თანამდებობრივი სარგოს მიხედვით დამტკიცებას უზრუნველყოფს.

ახალი საშტატო ნუსხის მიხედვით ოზურგეთის ჩინოვნიკების ხელფასი 2018 წლიდან ასე გამოიყურება:

_  საკრებულოს თავმჯდომარე _ 3000 ლარი, მოადგილე _ 2 600, ფრაქციის თავმჯდომარე _ 2000 ლარი, ფრაქციის თავმჯდომარის მოადგილე _ 1 500, აპარატის უფროსი _1 800, აპარატის უფროსის მოადგილე _ 1500 ლარი, უფროსი სპეციალისტი _1000 ლარი. მუნიციპალიტეტის მერი_ 3000 ლარი, პირველი მოადგილე _ 2 600, მეორე მოადგილე _ 2 400, სამსახურის უფროსი _ 2000 ლარი, განყოფილების უფროსი _ 1400 ლარი.

აღნიშნული საკითხის დამტკიცებამდე პროტესტი მხოლოდ “ნაციონალური მოძრაობის “ დეპუტატებმა  გამოთქვეს. მათი განცხადებით, ხელფასების მატება იმ მძიმე სოციალურ-ეკონომიკურ ფონზე, რაც ქვეყანაშია, სირცხვილია:

_  ქვეყანაში მძიმე ეკონომიკური და სოციალური პირობებია. ნაგავში ყოველდღე უამრავი ადამიანი იქექება, უჭირთ, ლუკმა-პური არ აქვთ და თქვენ ხელფასებს იმატებთ? ქვეყანაში სადაც დაბალი პენსიაა და მატება ამ მხრივ არ ჩანს, უხერხულია და მოსახლეობას პასუხი უნდა გასცეთ ამასთან დაკავშირებით, ხალხზე უნდა ვიზრუნოთ, თქვენ კი ხელფასებს იზრდით! _ამბობდნენ “ენმ“-ს დეპუტატები. მათ განცხადებას უმალვე მოჰყვა “ოცნების“ დეპუტატების პასუხი:

“აგრარულ საკითხთა და ქონების მართვის“ კომისიის ხელმძღვანელმა გოჩა კილაძემ  ქათამაძეს მიმართა: _ თქვენ წაგართვით, ძმაო რამე?

_ ხალხს ართმევთ, ხალს და ჯიბეში იდებთ!  არ მოგცათ მერმა პრემია და ხელფასებს იმატებთ!

_ ვინ კითხავს მერს პრემიების დარიგებას?! დაგანახებ მაგასაც თუ არ ავიღებთ! _ მაიმუნი კაცი ხარ შენ ქათამაძე!

_ მაიმუნიც ხარ და უზრდელიც, შენ “ნაციონალების“ დროსაც კარგად იღებდი პრემიებს“, _ უპასუხა ქათამაძემ.

„ნაციონალებსა“ და „ოცნების“ დეპუტატებს შორის დაპირისპირება ურთიერთშეურაცხყოფაში გადაიზარდა.

დეპუტატები არჩევნების თემასაც შეეხნენ.

ფრაქცია “ქართული ოცნების“ თავმჯდომარემ გელა აროშიძემ ბესიკ ქათამაძე პოპულისტობაში დაადანაშაულა და მიმართა: _ არჩევნები დამთავრებულია და არჩეული ხარ, აღარ მოგცემენ აწი ხმას, დაჯექი“.

რაზეც “ენმ“-ს დეპუტატებმა უპასუხეს:

_ არჩევნების თემას როგორ ეხებით, არც გრცხვენიათ, როგორ არ ერიდებით ხალხს, კრიმინალები და ყაჩაღები გედგათ გვერდში!

_ თქვენ როგორ ლაპარაკობთ ხალხის ზრუნვაზე? თქვენ რომ გეზრუნათ, მაშინ ჩვენ ხელისუფლებაში კი არ ვიქნებოდით, _ უპასუხა გოჩა კილაძემ “ენმ“-ს დეპუტატებს.

_ ამ კანონის მიღება-არმიღებით მაინც ვერ შევცვლით ვერაფერს, ამიტომ მივიღოთ და დავამტკიცოთ. ვიცით, უამრავი გაჭირვებულია, მარტო ჩვენი სამეზობლო გვეყოფა. სამაგიეროდ, ამ კანონის მიღებით  საჯარო მოხელეები პრემია-დანამატს აღარ მიიღებს , _ მიმართა დეპუტატებს ოზურგეთის მუნიციპალიტეტის მერიის საფინანსო-საბიუჯეტო სამსახურის უფროსმა გია მამაკაიშვილმა.

აღსანიშნავია, რომ  ჩინოვნიკების ხელფასების მატებას ყველა  ოპოზიურმა კანდიდატმა _ მათ შორის “ევროპულმა საქართველომ“, ასევე “პატროტთა ალიანსის“ წარმომადგენლებმა დაუჭირეს მხარი.

ოზურგეთის მუნიციპალიტეტის საკრებულოში ოთხი კომისია და ასევე  ექვსი ფრაქციაა.

საკრებულოს თავმჯდომარის გიორგი ღურჯუმელიძის თქმით, საკრებულო უფლებამოსილია როგორც მერიის, ასევე, საკრებულოს თანამდებობის პირებზე საშტატო ნუსხა დაამტკიცოს.

ხმათა უმრავლესობით დამტკიცდა ,,ოზურგეთის მუნიციპალიტეტის მერიის თანამდებობის პირთა, სხვა მოსამსახურეთა, ასევე, საკრებულოს თანამდებობის პირთა და აპარატის პროფესიულ საჯარო მოხელეთა თანამდებობრივი სარგოების ოდენობების განსაზღვრისა და საშტატო ნუსხის დამტკიცების შესახებ“ ნორმატიული აქტები.

საჯარო დაწესებულებაში შრომის ანაზღაურების შესახებ საქართველოს კანონი  2018 წლის 1 იანვრიდან ამოქმედდა.




 ახალი ამბები
  • ფანჩატურში ახალი სკამი გაჩნდაქალაქ ოზურგეთში, ჭავჭავაძის ქუჩაზე ერთ-ერთი კორპუსის ეზოში მდებარე ფანჩატურიდან  ორი სკამი  და ერთი მაგიდა აიღეს _  ამის შესახებ ინფორმაცია “გურია ნიუსმა“ ამ კვირის დასაწყისში გაავრცელა. ხუთშაბათს ფანჩატურში ერთი სკამი გამოჩნდა. როგორც ჩვენთვის გახდა ცნობილი, სკამი ე.წ. ჭადრების ბაღიდან მოიტანეს ბავშვებმა. ამ ეტაპზე მარტო ერთი სკამია მოტანილი. სკამები და მაგიდა ადგილობრივებმა აიღეს.  “მოსვენება არ გვქონდა, დავისვენეთ, რაც ეს სკამები და მაგიდა ავიღეთ. დროებით შევინახეთ და გაზაფხულზე დავდგამთ. ის, რაც ხდებოდა ფაჩანტურში, ეს არის ჩვენთვის მიუღებელი. დაღამებამდე თამაშობდნენ ჩვენთვის უცნობი ბავშვები კარტს, იყო ყვირილი, ხმაური. ამასწინათ მაგიდას ცეცხლიც კი გაუკიდეს, რატომ და რისთვის, ვერ გავიგეთ. დილიდან საღამომდე აქ იყვნენ. სანაგვედ აქციეს ყველაფერი, შეგიძლიათ თქვენ თვითონაც ნახოთ და დარწმუნდეთ ჩვენს ნათქვამში“, _ გვითხრეს ადგილობრივებმა ... ...
  • გაერთიანებული წყალმომარაგების გურიის სერვისცენტრს ახალი ხელმძღვანელი ეყოლება"გურია ნიუსის" მიერ მოპოვებული ექსკლუზიური ინფორმაციის თანახმად, გაერთიანებული წყალმომარაგების გურიის სერვისცენტრს ახალი ხელმძღვანელი ეყოლება. ჩვენი ინფორმაციით, ამ პოსტზე, გიორგი ჩხაიძეს დავით ცერვაძე ჩაანაცვლებს ცერცვაძე გაერთიანებული წყალმომარაგების გურიის სერვისცენტრს წლების წინ ხელმძღვანელობდა. 2014 წლიდან დღემდე კი ოზურგეთის მუნიციპალიტეტის შპს "სატისის" დირექტორია. ცერვაძის დანიშვნის შესახებ ჩვენ მიერ მოპოვებული ინფორმაცია "გურია ნიუსთან" საუბრისას გაერთიანებული წყალმომარაგების სერვისცენტრის გენერალურმა დირექტორმა ეკა გალდავამც დაუდასტურა. გალდავამ, ასევე, დაგვიდასტურა ინფორმაცია, რომ კომპანიის გურიის სერვისცენტრში სხვა სტრუქტურული ცვლილებებიც ... ...
  • „თიბისი ბანკთან“ ასეთი სახის ურთიერთობა ეკონომიკას დააზარალებს“_ გია ჯანდიერი“ხელისუფლების მხრიდან ისეთ ბანკთან, როგორიც „თიბისია“ ასეთი სახის ურთიერთობა ქართული ეკონომიკისთვის და თავად „თიბისი ბანკის“ მომხმარებლებისთვის ძალიან ცუდია, რადგან მიმდინარე პროცესები „თიბისი ბანკსა“ და ეკონომიკას დააზარალებს“, _ აღნიშნა „გურია ნიუსთან“  „ახალი ეკონომიკური სკოლა_საქართველოს“ დამფუძნებელმა გია ჯანდიერმა.     მისივე თქმით, ეროვნული ბანკი ისეთ რისკზე არ წავიდოდა, რაც კანონს უზენაესობას კითხვის ნიშნის ქვეშ დააყენებს.  „ვნახოთ, მომავალში პროცესები როგორ განვითარდება. ჯერჯერობით, მხოლოდ ეჭვები არსებობს იმის შესახებ, რომ „თიბისი ბანკთან“ დაკავშირებული პროცესები პოლიტიკურად არის მოტივირებული, მაგრამ „ეროვნული ბანკი“ ისეთ რისკებზე არ წავიდოდა, რაც კანონის უზენაესობას კითხვის ნიშნის ქვეშ დააყენებს“, _  აღნიშნა ... ...
  • გურული მონადირეების საპროტესტო შეკრებადღეს, თორმეტი საათისთვის მერიის შენობის მიმდებარედ არსებულ სკვერში ნადირობის მოყვარულმა გურულებმა მორიგი, წინასწარ დაანონსებული  აქცია გამართეს და ის რეგულაციები გააპროტესტეს, რომლითაც მათ კოლხეთის ეროვნული პარკის ტერიტორიაზე ნადირობა ეკრძალებათ. გარდა ნადირობისა, აქციაზე შეკრებილებმა, პარკის ტერიტორიაზე საშეშე მერქნის მოპოვების მხრივ შექმნილ პრობლემებზეც გააკეთეს აქცენტი. აქციის მონაწილეები, რომელთა შორის არალანჩხუთელებიც იმყოფებოდნენ, ერთხმად აღნიშნავდნენ, რომ ლანჩხუთის მუნიციპალიტეტის კუთვნილ ფართობზე  კოლხეთის ეროვნული პარკის ფორმირებამ უდიდესი პრობლემა შეუქმნა ნადირობის მოყვარულებს.  „სამინისტრომ თითქოს მოლაპარაკების გზა არჩია ჩვენთან ამ პრობლემის მოსაგვარებლად, რაც  ექვსი თვე მიმდინარეობდა, მაგრამ კონკრეტული შედეგი მაინც ვერ დაიდო. ჩვენ ვითხოვთ დაესვას ერთხელ და სამუდამოდ ყველაფერს წერტილი და ტრადიციული გამოყენების ზონაში სამომავლოდ დაიშვას ნადირობა გადამფრენ ფრინველებზე, კანონში შევიდეს ცვლილება; განისაზღვროს საშეშე მერქნის მოპოვების მიზნით, საშეშე მერქნის მოპოვების დროდ ზაფხულის პერიოდი, კლიმატური პირობებიდან გამომდინარე;  მოსახლეობის ინტერესებიდან გამომდინარე გადაიხედოს კოლხეთის ეროვნული პარკის, ლანჩხუთის ტერიტორიაზე მკაცრი და ტრადიციული ზონის საზღვრები;  გათვალისწინებულ იქნას ადგილობრივი მოსახლეობის ინტერესები, რომლებიც ეწევიან ფერმერულ საქმიანობას. ჩვენი ეს მოთხოვნა სოციალური ქსელის საშუალებითაც გავავრცელეთ რამდენიმე დღის წინ.  მთავრობის წარმომადგენლები  მოლაპარაკებების დროს კატეგორიულები არიან და დაცული ტერიტორიის  საზღვრების გადახედვაზე უარს ამბობენ. ამ ტერიტორიას სანადიროდ მარტო ადგილობრივები იყენებენ, აქ სანადიროდ ჩამოდიან ჩოხატაურიდან, ოზურგეთიდან, აჭარიდან და დასავლეთ საქართველოს სხვა რაიონებიდან. ამ დროს კი მთავრობა გვეუბნება, რომ ამ ადამიანებმა  ავდგეთ და თოფები ჩავალაგოთ. მიდა ვთქვა, რომ არც ერთი მოლაპარაკება, რომელიც აქამდე გვქონდა მთავრობასთან, არ იძლევა იმაზე ფიქრის საფუძველს, რომ ეს პრობლემა სამართლებრივი გზით მოგვარდება. გვეუბნებიან, მკაცრი ზონის საზღვრებს ვერ შევცვლით, ტრადიციული გამოყენების ზონაში ვერ დავუშვებთ ნადირობას და საერთოდ, უარს ამბობენ  კანონში ცვლილების შეტანაზე. თუკი ეს მოლაპარაკებები მთავრობასთან ისევ გაგრძელდება, მაშინ კეთილი ინებონ და ეს შეხვედრა საჯარო გახადონ, ღია ეთერის საშუალებით, რომ ყველამ დაინახოს რეალურად რას გვთავაზობენ“, _ აღნიშნა აქციის ერთ-ერთმა ორგანიზატორმა სულხან პატარაიამ. აქციის მონაწილეთა გადაწყვეტილებით, შემდგომში სწორედ პატარაია იქნება მათი ინტერესების გამომხატველი კომისიაში, რომელიც  კოლხეთის ეროვნულ პარკთან დაკავშირებით შექმნილია და მოლაპარაკებებს აწარმოებს სოფლის მეურნეობის სამინისტროსთან. მოგვიანებით, აქციის მონაწილეებს ლანჩხუთის მერის პირველი მოადგილე გოგი ფაცურია შეხვდა და გადაწყდა, რომ მონადირეების ჯგუფთან ერთად საქართველოს გარემოს დაცვის და სოფლის მეურნეობის სამინისტროში გაიმართება შეხვედრა, სადაც მოხდება  მათ მიერ წარმოდგენილი სხვადასხვა საკითხების ... ...
  • “მთელი ნასაკირალი გლოვობს“ - ავტოსაგზაო შემთხვევას 19 წლის გოგოს სიცოცხლე იმსხვერპლაერთი ადამიანის სიცოცხლე შეეწირა ჩაქვში მომხდარ ავტოსაგზაო შემთხვევას. 19 წლის ნათია ართმელიძე ოზურგეთის მუნიციპალიტეტის დაბა ნასაკირალიდან იყო. დაბა ნასაკირალის საჯარო სკოლის დამთავრების შემდეგ ბათუმში გააგრძელა უმაღლეს სასწავლებელში სწავლა. “მთელი ნასაკირალი გლოვობს, ყველანი დამწუხრებულები ვართ. წუხელ, გვიან გადმოასვენეს ნათია მშობლიურ დაბაში.  წარჩინებული მოსწავლე და სტუდენტი იყო", _  გვითხრა ოზურგეთის მუნიციპალიტეტის საკრებულოს წევრმა, ბესო ქათამაძემ. დაბა ნასაკირალის საჯარო სკოლის დირექტორის მოვალეობის შემსრულებელი ზაზა ცეცხლაძე ამბობს, რომ ნათია გამორჩეული და წარმატებული მოსწავლე იყო. “სკოლაში ძალიან აქტიური და წარჩინებული მოსწავლე იყო. პირველივე წელს ჩააბარა უმაღლეს სასწავლებელში. ყველანი გაოგნებული და დამწუხრებულები ვართ“, _ თქვა ზაზა ცეცხლაძემ. ამ ეტაპზე ავტოსაგზაო შემთხვევის დეტალებზე არავინ საუბრობს. “გურია ნიუსისთვის“ ცნობილი ხდება, რომ ნათია მეგობართან ერთად მტირალას მთაზე აპირებდა ასვლას, გზაში კი ავტოავარია მოხდა. ნათია ჰყავს დედა, მამა და ერთი და. შინაგან საქმეთა სამინისტროს პრესსამსახურში გვითხრეს, რომ გამოძიება "სისხლის სამართლის კოდექსის" 276-ე მუხლის მეხუთე ნაწილით დაიწყო, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია. “გურია ნიუსი“ მწუხარებას გამოხატავს მომხდარის გამო და უსამძიმრებს გარდაცვლილის ... ...

არქივი

ზაფრანი

ჰეგემონი ციფრები

ბედის ციფრის გამოთვლის ტექნიკა ჩვენი...

რატომ ეჩვენებათ მთვრალ მამაკაცებს ყველა ქალი ლამაზი

არსებობს ცნობილი რუსული გამოთქმა: ულამაზო...

დედამიწაზე ყველა ცოცხალი არსება გონიერი რომ გახდეს

ერთ მშვენიერ დღეს დედამიწაზე ყველა...

"ტატუ" იმუნურ სისტემას აუმჯობესებს

აქამდე ტატუს (სვირინგი) დანიშნულება, მხოლოდ...

როგორ გამოვიცნოთ პატიოსანი ადამიანი

ყველასთვის ცნობილია, რომ ბილწსიტყვაობა და...

როგორი მამაკაცი გჭირდებათ?

ქალების უმეტესობას მიაჩნია, რომ მამაკაცი,...
კარმიდამო ჩემი

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...