ინფორმაციას ჩხაიძე-ჩიგოგიძის დაკავების შესახებ არ ადასტურებენ

სამართალი

ინფორმაციას ჩხაიძე-ჩიგოგიძის დაკავების შესახებ არ ადასტურებენ

13 ივნ. 2011, 08:28:29
(გურია ნიუსი) _ გასულ კვირას, საინფორმაციო სააგენტო "პირველის" მიერ გავრცელებული ინფორმაციის თანახმად, სამართალდამცველებმა თბილისის "შემოვლითი რკინიგზის" პროექტისთვის რელსების შემოტანის ტენდერში გამარჯვებული კომპანიის ხელმძღვანელი, პარლამენტარ მარიკა ვერულაშვილის მეუღლე სოსო ჩხაიძე და მისი პარტნიორი ვასილ ჩიგოგიძე დააკავეს.

_ დაკავების ზუსტი მიზეზი უცნობია, თუმცა, როგორც წყარო იტყობინება, მათი დაკავების ერთ-ერთ ვერსიად "შემოვლითი რკინიგზის" პროექტში ქალაქის მერის გიგი უგულავას და შს მინისტრ ვანო მერაბიშვილის ინტერესების დაპირისპირება სახელდება. თუმცა, როგორც "პირველს" თბილისის საქალაქო სასამართლოში განუცხადეს, "ამ სახელებისა და გვარების მქონე პირთა არც ერთი საქმე სასამართლოში არ შესულა", _ აღნიშნულია "პირველის" ინფორმაციაში.

საქართველოს ახალი შემოვლითი რკინიგზის პროექტს ტენდერში გამარჯვებული ქართულ-ჩინური კონსორციუმის წარმომადგენელი საქართველოში, სააქციო საზოგადოება "ხიდმშენი" ახორციელებს. პროექტი 2013 წელს უნდა დასრულდეს და მისი ღირებულება 170 მილიონი ევროა. აქედან 100 მილიონი ევრო "საქართველოს რკინიგზას" ევროპის რეკონსტრუქციისა და განვითარების ბანკმა სესხის სახით გამოუყო, ხოლო 70 მილიონ ევროს თავად შპს "საქართველოს რკინიგზა" გაიღებს.

_ ჩიგოგიძის და ჩხაიძის დაკავების შესახებ გავრცელებული ინფორმაციის გადამოწმებას "პირველი" "შემოვლითი რკინიგზის" პროექტის ტენდერში გამარჯვებულ კომპანიაშიც შეეცადა, თუმცა, როგორც ს/ს "ხიდმშენში" განაცხადეს, რელსების შეძენისთვის ტენდერის გამოცხადება მათ კომპეტენციაში არ შედის და ეს უფრო "საქართველოს რკინიგზის" ან პროექტში მონაწილე ჩინური კომპანიის პრეროგატივაა. თავის მხრივ, "საქართველოს რკინიგზამ" ტენდერში გამარჯვებულ ჩინურ კომპანიაში გადაგვამისამართა, თუმცა, კომპანიის წარმომადგენელმა (ვინმე "მისტერ ჯუმ") სრული სახელის გამხელაც კი არ ისურვა და სატელეფონო კომენტარის გაკეთებაზე უარი განაცხადა: "ტელეფონით ვერ გაგესაუბრებით. პირადად მობრძანდით. თუმცა, ჯერ საქართველოში ჩინეთის საელჩოში გაარკვიეთ, შემოგიშვებენ თუ არა, _ განუცხადა "პირველს" ბატონმა ჯუმ", _ ნათქვამია სააგენტოს მიერ გავრცელებულ ინფორმაციაში.

ვასილ ჩიგოგიძე, რომელიც ჩოხატაურის მუნიციპალიტეტის ყოფილი მაჟორიტარი დეპუტატი იყო საქართველოს პარლამენტში, ჩვენი წყაროს ინფორმაციით, ახლა დაკავებული არ არის. ყოფილმა დეპუტატმა სატელეფონო ზარს არ უპასუხა, თუმცა, მისმა მეგობრებმა ჩიგოგიძის დაკავების შესახებ გავრცელებული ინფორმაცია არ დაგვიდასტურეს. არ ადასტურებენ ინფორმაციას მარიკა ვერულაშვილის ქმრის, სოსო ჩხაიძის დაკავების შესახებაც _ პრეზიდენტის ფავორიტი პარლამენტარის გარემოცვა ჩვენთან პირად საუბრებში "პირველის" ინფორმაციას ჭორს უწოდებს.

ჩვენ ვეცადეთ ლანჩხუთელ სახელისუფლებო წყაროებთანაც გადაგვემოწმებინა ეს ინფორმაცია, მაგრამ, სამწუხაროდ, ახალი დეტალების გაგება ვერ შევძელით _ მათ დაკავების შესახებ ინფორმაცია კატეგორიულად უარყვეს, თუმცა, არ გამორიცხეს, რომ, შესაძლებელია, ხელისუფლების ერთ შტოს რაიმე პრობლემა შეექმნას. შეგახსენებთ, რომ გავრცელებული ინფორმაციით, სოსო ჩხაიძე, მარიკა ვერულაშვილის გავლენიანი სახელისუფლო კავშირების შედეგად, გურიის პოლიტიკაში ანგარიშგასაწევი ფიგურა გახდა _ სწორედ მის გუნდში მოიაზრებენ რევაზ ჩიტიძეს. თუ ჩვენი წყაროს ინფორმაცია სიმართლეს შეეფერება, შეგვიძლია, ვივარაუდოთ, რომ ლანჩხუთში ამ გუნდის გავლენები მნიშვნელოვნად შესუსტდება და კიდევ უფრო გაძლიერდება ისედაც საკმაოდ გავლენიანი ნიკოლაიშვილი-გოგუაძის გუნდი.

რაც შეეხებათ უშუალოდ ბიზნესმენებს, მათზე ის არის ცნობილი, რომ ისინი ქველმოქმედებით გამოირჩევიან, აქტიურად მონაწილეობენ ეკლესიის მშენებლობის ფინანსურ მხარდაჭერაში, ხოლო ის ფაქტი, რომ მათ საკმაოდ სერიოზული ტენდერი მოიგეს, ადასტურებს, რომ ბიზნესმენები სახელისუფლო მხარდაჭერით სარგებლობენ.

აღსანიშნავია, რომ საინფორმაციო სააგენტოების მიერ, ვასილ ჩიგოგიძის დაკავების შესახებ ინფორმაცია რამდენიმე თვის წინაც გავრცელდა. წყაროს ინფორმაციით, მაშინ ჩიგოგიძე სოლიდური თანხის გადახდის შემდეგ გამოუშვეს. თუმცა, როგორც ახლა, ეს ინფორმაცია ჩიგოგიძის საახლობლომ მაშინაც უარყო.




 ახალი ამბები
  • თბილისის საქალაქო სასამართლოდან პატიმარი გაიქცა თბილისის საქალაქო სასამართლოდან გაქცეულ პატიმართან დაკავშირებით პროკურატურამ გამოძიება დაიწყო. ამის შესახებ „გურია ნიუსს“ გენერალური პროკურატურაში განუცხადეს, თუმცა უწყებაში დამატებით დეტალებზე არ საუბრობენ. "მომხდარზე გამოძიება ორი მიმართულებითაა დაწყებული. პირველი - სისხლის სამართლის კოდექსის 342-ე მუხლის პირველი ნაწილით გათვალისწინებული დანაშაულისთვის, რაც სამსახურებრივი გულგრილობის ჩადენის ფაქტს გულისხმობს და მეორე - სისხლის სამართლის კოდექსის 379-ე მუხლის პირველი ნაწილით გათვალისწინებული დანაშაულისთვის, რაც ბრალდებულის/მსჯავრდებულის გაქცევას გულისხმობს და ისჯება თავისუფლების აღკვეთით ვადით 3-დან 6 წლამდე", - განაცხადეს პროკურატურაში. უწყების განმარტებით, ამ ეტაპზე ბრალი არც ერთი პოლიციელის მიმართ წარდგენილი არ არის. აღსანიშნავია, რომ მომხდარზე გამოძიებას - პოლიციელების მიერ გულგრილობის მიმართულებით პროკურატურა, პატიმრის გაქცევის კუთხით კი შინაგან საქმეთა სამინისტრო აწარმოებს. გავრცელებული ინფორმაციით, ქურდობის ფაქტზე ბრალდებული ზაალ ძაგანიშვილი პოლიციელებს გუშინ, სასამართლოს მიმდებარე ტერიტორიიდან გაექცა. ოჯახის მტკიცებით, 20 წლის ზაალ ძაგანიშვილი მანქანიდან მაშინ გაიპარა, როდესაც სამართალდამცველები სიგარეტის მოსაწევად იყვნენ ... ...
  • ტრაგედია ზუგდიდში _ მაშველებმა ბავშვის ცხედარი იპოვესმაშველებმა დარჩელში დაკარგული არასრულწლოვნის ცხედარი იპოვეს. ინფორმაციას ამის შესახებ საგანგებო სიტუაციების მართვის სამსახური ავრცელებს. ორდღიანი უწყვეტი საძიებო სამუშაოების შედეგად, ზუგდიდში, სოფელ დარჩელში დაკარგული არასრულწლოვნის ცხედარი მაშველებმა მდინარე ჯუმში, გაუჩინარების ადგილიდან 3 კმ-ში იპოვეს. საძიებო სამუშაოებში ჩართული იყვნენ სახანძრო-სამაშველო ჯგუფები სამეგრელო-ზემო სვანეთის, იმერეთის და აჭარის რეგიონებიდან. ოპერაციაში ასევე მონაწილეობდა განსაკუთრებულ საგანგებო სიტუაციებზე რეაგირების მთავარი სამმართველოს ჯგუფი თბილისიდან. მობილიზებული იყო დრონი და სამი ერთეული მცურავი საშუალება. წყლის ფსკერის დათვალიერება მიმდინარეობდა ექოლოტის საშუალებით. ადგილზე შექმნილი იყო სამუშაო შტაბი, საიდანაც ოპერაციის მონიტორინგი ხორციელდებოდა. დაკარგული არასრულწლოვნის შესახებ შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში შეტყობინება 13 ივლისს შევიდა, რის შემდეგაც საგანგებო სიტუაციების მართვის სამსახურმა მდინარე ჯუმში აქტიური საძიებო-სამაშველო ოპერაცია ... ...
  • „ვინ უნდა შემოგვთავაზონ ივანიშვილი-კობახიძის ტანდემმა ახალ სახეებად?“ _ ჭიჭინაძეპოლიტიკური მოძრაობა „ტრიბუნას“ ლიდერი, დავით ჭიჭინაძე „ქართულ ოცნებას“  2020 წელს რვაწლიანი მოღვაწეობის სამარცხვინო კრახს უწინასწარმეტყველებს. ჭიჭინაძის განცხადებით, „ოცნება“, თავისი ხელმძღვანელით,  ერთი დიდი უპირო ორგანიზაცია გახდა. „ილუზორულ სამყაროში გამოკეტილმა კობახიძემ „გაგვახარა“,  საარჩევნოდ თამამი დაპირებები გვექნებაო, მაგრამ სითამამეს წინ რა უდგას, შესრულებაა მთავარი. ან რა უნდა გვითხრას „ქართულმა ოცნებმ“ ახალი? რომ პანდემია დაამარცხეს? პანდემიასთან ერთად ქვეყანა დაამარცხეს! აბსოლუტურად გააღატაკეს ხალხი!  „ოცნება“, თავისი ხელმძღვანელით,  ერთი დიდი უპირო ორგანიზაცია გახდა. 2012 წლიდან პრაქტიკულად არცერთი დაპირება არ შესრულებულა. ივანიშვილმა კი, ცინიზმის უმაღლესი მწვერვალი გამოავლინა, როდესაც გამოაცხადა, ყველაფერი შეგისრულეთ და ამაზე კარგს ნუ ელოდებითო. მაგრამ! თუ პოლიტიკურ  ძალას არ შესწევს დაპირებების შესრულების უნარი, მისი ადგილი პოლიტიკაში არ არის!   მითუმეტეს სათავეში მმართველ გუნდად ყოფნა  აღარანაირ ლეგიტიმაციას არ ექვემდებარება. მოკლედ, პირადად მე, ვერც შემადგენლობაში ვხედავ დიდ ცვლილებებს და ვერც შინაარსობრივად. ან ვინ უნდა შემოგვთავაზონ ივანიშვილი-კობახიძის ტანდემმა ახალ სახეებად? მთელი ცხოვრება ორივე ილუზორულ სამყაროშია გამოკეტილი და თითქოს გადაბრუნებული ბინოკლით უყურებენ ადამიანებს, იმიტომ ეპატარავებათ ყველა. არადა ქვეყანას პოლიტიკოსები სჭირდება, ადამიანები, ვინც თავის თავზე პასუხისმგებლობას აიღებს; ვინც ამ აბსოლუტურ განუკითხაობას შეებრძოლება; ეკონომიკური სიდუხჭირიდან გამოსავალზე რეალურად იზრუნებს და არა მხოლოდ ტელეეთერებიდან; ვისაც რეალური ცოდნა ექნება და არა პოპულიზმზე მორგებული ე.წ. პოლიტელიტა... და არა ის მონები, რომლებითაც სავსეა დღეს „ქართული ოცნება“, _ აცხადებს დავით ... ...
  • საქართველოში კორონავირუსით დაავადების შემთხვევები გაიზარდა​​საქართველოში კორონავირუსის დადასტურებული შემთხვევა 1003-მდე გაიზარდა. მათ შორის გამოჯანმრთელებულია - 873 ადამიანი. ინფორმაცია stopcov.ge-ზე განახლდა. ბოლო მომაცემებით, საქართველოში კორონავირუსით გარდაცვლილია - 15 კარანტინის რეჟიმშია - 5640, სტაციონარში მეთვალყურეობის ქვეშ კი - 244 ადამიანი რჩება. უცხოეთიდან სამკურნალოდ გადმოყვანილია 31 საქართველოს მოქალაქე. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის ... ...
  • ოზურგეთში მაღაზია გაქურდესქურდობა მოხდა ოზურგეთში _ თაყაიშვილის ქუჩაზე მდებარე წვრილმანების მაღაზია გაქურდეს. როგორც მაღაზიის გამყიდველი ამბობს, წაღებულია 30-ლარამდე ხურდა ფული. ამ წუთებში ადგილზე პოლიცია იმყოფება. დაწყებულია ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...