მოწმემ ყოფილ პროკურორს ღიად დასდო ბრალი

სამართალი

მოწმემ ყოფილ პროკურორს ღიად დასდო ბრალი

2011 ივლ 8 10:07:21
(გურია ნიუსი, ლანჩხუთი) _ "ჩვენება, რომელიც ლევან გოგიჩაიშვილის წინააღმდეგ მივეცი, პროკურორმა დაწერა, ხოლო თუ ქაღალდზე ჩემი ხელმოწერა არ დაისმებოდა, დამემუქრა, რომ "შეუმსუბუქებელი სასჯელი მელოდებოდა, _ ამ სიტყვებით, მოწმემ სასამართლო პროცესზე ბრალი პროკურორს ღიად დასდო და მოსამართლის შეხსენებაზე, რომ ადრე მიცემული ჩვენების შეცვლისთვის დამატებითი წლების საპატიმროში გატარება ელოდა, ოპტიმისტურად უპასუხა: _ ცხოვრება გრძელდება!

ეს არის საქმე, რომლის განხილვაც, შესაძლოა, სტრასბურგში გაგრძელდეს, _ განსასჯელის დედა სწორედ ამის შესახებ საუბრობს. მანამდე კი, უზენაესმა სასამართლომ 2011 წლის 10 იანვრის განჩინებით, საქმე უკან დააბრუნა. უზენაესმა სასამართლომ ჩათვალა, რომ ქუთაისის სააპელაციო სასამართლოს მიერ, 2010 წლის 7 მაისს გამოტანილი განაჩენი უნდა გაუქმდეს, ხოლო საქმე მსჯავრდებულ ლევან გოგიჩაიშვილის მიმართ, ხელახლა განსახილველად უნდა დაუბრუნდეს ამავე სასამართლოს.

ეს საქმე ჩვენი მკითხველისთვის უკვე ცნობილია, მაგრამ კიდევ ერთხელ გავიხსენოთ მისი არსი; ლანჩხუთის მუნიციპალიტეტის სოფელ შრომისუბანში მცხოვრები ლევან გოგიჩაიშვილი პირობით სასჯელს იმის გამო იხდიდა, რომ, ბრალდების ვერსიით, "ნასვამ მდგომარეობაში მყოფმა, ბენზინგასამართ სადგურზე ავტომანქანაში საწვავი ჩაისხა და ფული არ გადაიხადა. ამასთან, რამდენიმე ხნის შემდეგ, სოფელ სუფსაში, ბ. კ.-სგან წამოიღო "ვაზ-2106" ავტომანქანის ძარა, რის საფასურადაც 200 კგ. თხილი უნდა მიეტანა".

როგორც მსჯავრდებულის დედა, ლილი გუჯაბიძე ამბობს, ოჯახში პრობლემები შეექმნათ, ლევანს ხელი შეეშალა და ვალი დროზე ვერ გადაიხადა: "200 კილოგრამი თხილის სანაცვლოდ, ორი საჟენი შეშა მივიტანეთ, თუმცა, უკვე გვიანი იყო _ გავიგეთ, რომ ლევანს უკვე ეძებდნენ. ჩემი შვილი შეშინდა და დაიმალა. სწორედ იმ პერიოდში, ჩოჩხათელი ხ. ც.-ის მანქანა ვიღაცამ გაიტაცა და ოდნავ მოგვიანებით გავიგეთ, რომ ამ საქმესაც ჩემს შვილს აბრალებდნენ. ლევანი ხელვაჩაურის რაიონში, ბიძაშვილების სახლში აიყვანეს და მოწმის ჩვენების საფუძველზე მიუსაჯეს 12 წელი დანაშაულისთვის, რომელიც მას არ ჩაუდენია. პროკურორი დაჟინებით ითხოვდა ასეთ განაჩენს და მოსამართლემაც მას მხარი აუბა. აშკარა იყო, რომ გამომძიებელი, პროკურორი და მოსამართლე თავიდანვე ცუდად განეწყვნენ ჩემი შვილის მიმართ. მოვითხოვ, ეს ხალხი დაისაჯოს კანონის შესაბამისად. არ შეიძლება, ვინმე პიროვნულად ამოიჩემონ გამომძიებელმა, პროკურორმა ან მოსამართლემ და გაუშვან ციხეში! მხოლოდ იმიტომ უნდოდათ ლევანის თავიდან მოშორება, რომ იგი, საღამოობით, სოფლის ახალგაზრდებთან ერთად იჯდა "ბირჟაზე". ამის გამოა ქვეყნის დამაქცეველი და ამიტომ უნდა დააბრალონ სხვის მიერ ჩადენილი დანაშაული?! სხვისი დანაშაულისთვის რატომ უნდა აგოს პასუხი? იმ პერიოდში სოფლის რწმუნებული ლომინეიშვილი გაქურდეს _ მისი სახლიდან ტელევიზორი მოიპარეს და ფაქტზე აყვანილი იქნა სწორედ ის პირი, რომელმაც ჩვენება მისცა ჩემი შვილის წინააღმდეგ," _ ამბობს განსასჯელის დედა.

გასულ კვირას, ქუთაისის სააპელაციო სასამართლოში პროცესი გაიმართა, სადაც მოწმის მიერ შეცვლილი ჩვენების გახმაურებამ ვითარება რადიკალურად შეცვალა _ სოფელ ჩოჩხათში, 2009 წლის 22 მარტს, "ვაზ2101" მარკის ავტომანქანა ამავე სოფლის მკვიდრის ეზოდან გაუჩინარდა. ამ ავტომობილის ფარულ დაუფლებაში სწორედ ლევან გოგიჩაიშვილს დასდეს ბრალი, რომელიც იმ დროისთვის მიმალვაში იმყოფებოდა _ სამართალდამცავები ეჭვმიტანილზე თაღლითობის ბრალდებით გამოძიებას აწარმოებდნენ. 2009 წლის 16 ივლისს, ძებნილი აიყვანეს და თაღლითობისა და ავტომანქანის მოპარვის ბრალდებით, 12 წლის ვადით თავისუფლების აღკვეთა მიუსაჯეს.

მსჯავრდებულის ადვოკატმა რაიონული სასამართლოს მიერ გამოტანილი განაჩენი სააპელაციო სასამართლოში გაასაჩივრა, თუმცა, საქმის არასწორად წარმართვის მოტივით, ადვოკატმა უზენაეს სასამართლოს მიმართა. პროკურორი შოთა ჩხაიძე უზენაესი სასამართლოსთვის გაგზავნილ წერილში წერს, რომ ამ საქმის ირგვლივ დაკითხული მოწმე _ ბ. სარიშვილი გოგიჩაიშვილის მხრიდან ზეწოლის ქვეშ იმყოფებოდა; რის გამოც, მან პირველი ჩვენება შეცვალა (სარიშვილმა ჯერ ბრალი დასდო გოგიჩაიშვილს, შემდეგ კი ჩვენება შეცვალა).

2011 წლის 10 იანვარს, საქართველოს უზენაესი სასამართლოს განჩინება მოვიდა: საკასაციო სასამართლო მივიდა იმ დასკვნამდე, რომ ქუთაისის სააპელაციო სასამართლოს მიერ 2010 წლის 7 მაისს გამოტანილი განაჩენი უნდა გაუქმდეს, ხოლო საქმე მსჯავრდებულ ლევან გოგიჩაიშვილის მიმართ, ხელახლა განსახილველად უნდა დაუბრუნდეს ამავე სასამართლოს.

ამ საქმის ირგვლივ დაკითხული მთავარი მოწმე ბაჩუკი სარიშვილია. მან გამოძიებას ორი ერთმანეთისგან სრულიად განსხვავებული ჩვენება მისცა _ ამჟამად პატიმრობაში მყოფი სარიშვილი პირველ ჩვენებაში ამბობს, რომ ამ საქმეში გოგიჩაიშვილი ფიგურირებს, თუმცა, მოგვიანებით, მან სასამართლოს განუცხადა, რომ მის მიერ "დადანაშაულებული" მხოლოდ მსხვერპლია. სწორედ ამიტომ, საპელაციო სასამართლომ გადაწყვიტა, გაირკვეს ლევან გოგიჩაიშვილის ბრალეულობა თუ უდანაშაულობა ქურდობის ბრალდების ნაწილში.

ბოლო პროცესზე, მოსამართლის, პროკურორის, ადვოკატის, პატიმრისა და მისი ახლობლების წინაშე, მოწმის სტატუსით წარსდგა ამჟამად პატიმრობაში მყოფი სარიშვილი, რომლის ჩვენება გადამწყვეტი უნდა აღმოჩნდეს ბრალდებულ გოგიჩაიშვილის საქმეში. მოწმემ პროცესზე აღიარა, რომ ლევან გოგიჩაიშვილი სრულიად უდანაშაულოა; მეტიც, პატიმარმა პროკურორის მხრიდან ზეწოლის ფაქტზე ისაუბრა და მას ბრალი ღიად დასდო: "ჩვენება, რომელიც ლ. გოგიჩაიშვილის წინააღმდეგ მივეცი, ის "სიმართლე" იყო, რომელიც პროკურორმა დაწერა. თუ ქაღალდზე ჩემი ხელმოწერა არ დაისმებოდა, დამემუქრა, რომ "შეუმსუბუქებელი სასჯელი მელოდებოდა", _ ამბობს სარიშვილი.

სასამართლო პროცესმა, ერთი მოწმის მონაწილეობით, დაახლოებით ერთი საათი გასტანა _ მოწმის ჩვენების მიცემის შემდეგ, მოსამართლემ სარიშვილს, რომელმაც გოგიჩაიშვილისთვის გადაბრალებული დანაშაული აღიარა, მოსალოდნელი დამატებითი რამდენიმეწლიანი სასჯელის შესახებ შეახსენა. თუმცა, სარიშვილმა უკან არ დაიხია და მოსამართლეს სწრაფი პასუხი გასცა: _ ცხოვრება გრძელდება!

ამ სიტყვებს გისოსებს მიღმა მყოფი ლევან გოგიჩაიშვილის ემოციური ფრაზები მოჰყვა: "მე უდანაშაულოდ დამადანაშაულეთ და თუ კაცი დამნაშავეა და აღიარებს, რაღა გინდათ!!!"




 ახალი ამბები
  • ოჯახური კონფლიქტის ნიადაგზე შვილმა მამა მოკლაშინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 2002 წელს დაბადებული ჯ.კ., ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით დააკავეს. დანაშაული 13-დან 17 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ საჩხერის მუნიციპალიტეტის სოფელ ჭალაში მცხოვრებმა არასრულწლოვანმა, საკუთარ საცხოვრებელ სახლში, ოჯახური კონფლიქტის ნიადაგზე წარმოქმნილი ურთიერთშელაპარაკების შედეგად, მამას - 1969 წელს დაბადებულ გ.კ.-ს სანადირო თოფიდან გასროლით სასიკვდილო ჭრილობა მიაყენა. დაჭრილი მამაკაცი შემთხვევის ადგილზე გარდაიცვალა. ჯ.კ.-მ, კვალის დაფარვის მიზნით, მოკლული მამის ცხედარი ეზოში მდებარე დამხმარე სათავსოს სარდაფში გადამალა. ასევე, დადგინდა, რომ მომხდარი ფაქტის დროს მამა-შვილი სახლში მარტო იმყოფებოდა. სამართალდამცველებმა, ჩატარებული ოპერატიულ-საგამოძიებო მოქმედებების შედეგად, ბრალდებული საკუთარ საცხოვრებელ სახლში, მალევე დააკავეს. პოლიციამ დანაშაულის ჩადენის იარაღი - თოფი ნივთმტკიცებად ამოიღო. დაკავებული დანაშაულს აღიარებს. გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სსკ-ის 109-ე მუხლის მე-2 ნაწილის „ვ“ ქვეპუნქტით ... ...
  • აჭარის მაუწყებლის დირექტორის მოადგილის კონკურსი დახურესამ წუთებში აჭარის მაუწყებლის დირექტორის მოადგილის კონკურსი დახურულ კარს მიღმა მიმდინარეობს. პროცესში მონაწილეობს სამი კონკურსანტი, მათ შორის ორი ტელევიზიის  თანამშრომელი ემზარ დიასამიძე და ფირუზ ბოლქვაძე. მესამე მონაწილეა ჟურნალისტი ვახო ხუზმიაშვილი. ამ ეტაპზე გასაუბრებას პირველი კანდიდატი გადის. შესარჩევი კომისიის წვერების უმრავლესობა მაუწყებლის თანამშრომელია ერთი კი ხელოვნების უნივერსიტეტის რექტორი. დღის ბოლომდე გახდება ცნობილი, ვისზე გააკეთებს არჩევანს კომისია. წყარო: ... ...
  • გახარია: "მერაბიშვილი არ იყო და ვერ იქნებოდა პოლიტიკური პატიმარი""ვანო მერაბიშვილი არ იყო და ვერ იქნებოდა პოლიტიკური პატიმარი"_ ასე უპასუხა პრემიერ-მინისტრმა, გიორგი გახარიამ ჟურნალისტების მიერ დასმულ კითხვას ვანო  მერაბიშვილის შესახებ. ცნობისთვის,  ყოფილმა პრემიერ-მინისტრმა ვანო მერაბიშვილმა სასჯელაღსრულების დაწესებულება გუშინ დატოვა. როგორც მან განაცხადა დღევანდელი ხელისუფლების დამხობის შემდეგ, პოლიტპატიმრებისთვის ამ ციხის კარი ფართოდ ... ...
  • შინაგან საქმეთა მინისტრი: რუსეთის კვალი იყო ამ ყველაფერშიშინაგან საქმეთა მინისტრმა ვახტანგ გომელაურმა ბათუმში, პოლიციელების დაჯილდოების ცერემონიის შემდეგ, ჟურნალისტების კითხვებს უპასუხა და ოქტომბერში განხორციელებულ კიბერშეტევასთან დაკავშირებით  კომენტარი გააკეთა. „ეს მნიშვნელოვანი თემაა.  ეს მოხდა ოქტომბერში. ყველამ გაიგო. დიდი შეტევა იყო კიბერმიმართულებით. ვიმუშავეთ ჩვენს კოლეგებთან, ჩვენს პარტნიორებთან ერთად, ამას ძალიან დიდი დრო დასჭირდა. ამ საკითხთან დაკავშირებით  ოფიციალური განცხადება  უკვე გაკეთდა. რა თქმა უნდა, განცხადება გავაკეთეთ ღიად, არ დაგვიმალია, საიდან იყო, საიდან მოდიოდა. გითხარით, რომ რუსეთის კვალი იყო ამ ყველაფერში. 21-ე საუკუნეა და ეს თემა, რა თქმა უნდა, პოპულარულია, სამწუხაროდ, მსოფლიოში, არა მარტო საქართველოში, დიდ ქვეყნებშიც,  როგორებიცაა: ამერიკის შეერთებული შტატები, ბრიტანეთი, ევროპის დიდი ქვეყნები. ეს საფრთხეები უფრო და უფრო იზრდება, რაც უფრო ვითარდება ტექნოლოგიები. ჩვენ ვმუშაობთ პარტნიორებთან ერთად, რომ გავაუმჯობესოთ და უფრო მეტი კონტროლი იყოს, რათა არ მოხდეს ასეთი კიბერშეტევა. თუ მოხდება, მოხდეს იქვე ჩაკეტვა, ასე ვთქვათ, არ შემოვიდეს სივრცეში და არ დააზიანოს ესა თუ ის მიმართულება“,_ განაცხადა ვახტანგ ... ...
  • გალტ ენდ თაგარტი Global Finance -მა საქართველოში საუკეთესო საინვესტიციო ბანკად აღიარაგალტ & თაგარტმა Global Finance-ის ჯილდოს „საუკეთესო საინვესტიციო ბანკი საქართველოში 2020 წელს“ მიღების შესახებ განაცხადა. აღნიშნული ჯილდოს მფლობელი გალტ & თაგარტი ზედიზედ მეექვსედ გახდა.   „Global Finance-ის აღნიშნული ჯილდო არის კომპანიის მიღწევების დასტური და კიდევ ერთხელ აღნიშნავს „გალტ & თაგარტ“-ის წამყვან როლს საქართველოს საინვესტიციო საბანკო სფეროში. გალტ & თაგარტი სთავაზობს მის კლიენტებს საინვესტიციო საბანკო მომსახურების სრულ სპექტრს, როგორც ადგილობრივ, ისე საერთაშორისო ტრანზაქციებზე“,- განაცხადა გალტ & თაგარტის მმართველმა დირექტორმა, ოთარ შარიქაძემ. "საინვესტიციო საბანკო საქმე მნიშვნელოვან როლს ასრულებს გლობალური ეკონომიკის წინსვლასა და განვითარებაში. ჩვენი ვაჯილდოებთ ხარისხიანი და  ინოვაციური გარიგებების დადებით გამორჩეულ იმ საინვესტიციო ბანკებს, რომლებიც აკმაყოფილებენ მომხმარებლის მუდმივ რეჟიმში ცვალებად საჭიროებებსა და მოთხოვნებს", - განაცხადა Global Finance-ის გამომცემელმა და მთავარმა რედაქტორმა, ჯოზეფ დ. ჯიარაფუტომ. ჟურნალმა Global Finance-მა, მე-21-ედ გამოავლინა მსოფლიოს საუკეთესო საინვესტიციო ბანკები ქვეყნების, რეგიონებისა და სექტორების მიხედვით. Global Finance-ის რედაქტორებმა, ინდუსტრიის ექსპერტებთან ერთად, გამარჯვებულთა გამოსავლენად შემდეგი კრიტერიუმები გამოიყენეს: ბაზრის წილი, გარიგებების სტრუქტურირების შესაძლებლობები, დისტრიბუციის ქსელი, სერვისი, რჩევები, ფასები, ინოვაცია, რეპუტაცია და სხვა.   Global Finance 1987 წელს დაფუძნდა და 50,050 ეგზემპლარს გამოსცემს, რომელსაც 189 ქვეყანაში ყავს მკითხველი. Global Finance-ს კითხულობენ სამეთვალყურეო საბჭოს თავმჯდომარეები, კომპანიების პრეზიდენტები, გენერალური დირექტორები და ფინანსური დირექტორები, ასევე ფინანსურ სფეროში მოღვაწე სხვა ტოპ მენეჯერები, რომლებიც გადაწყვეტილებებს იღებენ ინვესტიციების განხორციელებასა და სტრატეგიაზე, მულტიეროვნულ კომპანიებში და ფინანსურ ინსტიტუტებში. ჟურნალის ვებგვერდი GFmag.com აქვეყნებს ანალიტიკასა და სტატიებს და წარმოადგენს 32 წლიან გამოცდილებას საერთაშორისო ფინანსურ ბაზრებზე. Global Finance-ის სათავო ოფისი მდებარეობს ნიუ იორკში, ასევე აქვს ოფისები ლონდონსა და მილანში. ... ...

არქივი

ზაფრანი

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...