IDFI გიორგი კლდიაშვილის საქმის ობიექტურ გამოძიებას მოითხოვს

gurianews.com

სამართალი

IDFI გიორგი კლდიაშვილის საქმის ობიექტურ გამოძიებას მოითხოვს

2015 იან 27 23:28:03

წლის 12 დეკემბერს საქართველოს შინაგან საქმეთა სამინისტროს კრიმინალური პოლიციის დეპარტამენტმა იარაღის უკანონო ტარების ბრალდებით დააკავა ინფორმაციის თავისუფლების განვითარების ინსტიტუტის დირექტორი გიორგი კლდიაშვილი. გიორგი კლდიაშვილი დააკავეს ცეცხლსასროლი იარაღის მართლსაწინააღმდეგო ტარების ბრალდებით, მიუხედავად იმისა, რომ იარაღი რეგისტრირებული იყო გიორგი კლდიაშვილს სახელზე, იყო დაშლილ მდგომარეობაში, ტყვიების გარეშე, მოთავსებული იყო ავტომანქანის საბარგულში და გიორგის ის გადაჰქონდა სახლში ოფიციალურ მაღაზიაში შეკეთების შემდგომ.

მას შემდგომ, რაც ადგილზევე გიორგი კლდიაშვილმა შსს-ის თანამშრომლებს წარუდგინა იარაღის რეგისტრაციის საბუთი, მათი პირველადი განმარტებით, ქმედება ადმინისტრაციულ სამართალდარღვევის ფარგლებს არ სცდებოდა და მას მხოლოდ ჯარიმის გადახდა მოუწევდა, რადგან გიორგი კლდიაშვილს არ გააჩნდა შსს-ის მომსახურების სააგენტოსგან ასაღები რეგისტრირებული იარაღის ხელოსნისგან სახლში გადატანის ნებართვა. თუმცა, მოგვიანებით იმავე დღეს, შინაგან საქმეთა სამინისტროს შენობაში დაკითხვის შემდგომ, გიორგი კლდიაშვილის წარედგინა ბრალი სისხლის სამართლის კოდექსის 236-ე მუხლის მე-2 ნაწილით (ცეცხლსასროლი იარაღის მართლსაწინააღმდეგო ტარება), რაც ითვალისწინებს ჯარიმას ან თავისუფლების აღკვეთას 3-5 წლამდე. 3 საათიანი დაკითხვის შემდგომ გიორგი კლდიაშვილი დააკავეს და გადაიყვანეს დროებითი მოთავსების იზოლატორში, ე.წ. “მოდულის“ შენობაში, სადაც მან 2 დღე დაჰყო.

აღსანიშნავია ის გარემოება, რომ გიორგი კლდიაშვილის ინფორმაციით, დაკავებისას შსს-ს წარმომადგენლებმა ჰკითხეს მისი ორგანიზაციის საქმიანობის შესახებ და იმ სამოქალაქო კამპანიაზე, რომლებშიც გიორგი კლდიაშვილი იყო ჩართული, მიანიშნეს კამპანია ,,ეს შენ გეხება“-ზე და უთხრეს თუ რატომ საუბრობდა უკანონო მოსმენებზე და რატომ შეჰყავდა ხალხი შეცდომაში.

სასამართლო სხდომაზე, რომელიც 2014 წლის 15 დეკემბერს გაიმართა, პროკურორმა ვერ დაასაბუთა გიორგი კლდიაშვილის 2 დღით დაკავების საფუძველი და აღნიშნულიდან გამომდინარე სასამართლომ განმარტა, რომ შსს-ს წამომადგენლებმა გიორგი კლდიაშვილის მიმართ დაარღვიეს საქართველოს სისხლის სამართლის საპროცესო კოდექსის 171-ე მუხლით გათვალისწინებული მოთხოვნები.

გიორგი კლდიაშვილის დაკავების შემდეგ სამოქალაქო საზოგადოების წარმომადგენლებმა და 50-ზე მეტმა არასამთავრობო ორგანიზაციამ, არასამთვრობოთ კოალიციებმა, გაავრცელეს განცხადებები და მოუწოდეს ხელისუფლებას: დაუყოვნებლივ შესწავლილი ყოფილიყო პოლიციელთა მოქმედების კანონიერება და შემწყდარიყო გიორგი კლდიაშვილის მიმართ დაწყებული სისხლისსამართლებრივი დევნა. მნიშნელოვანია აღინიშნოს, რომ განცხადება გაავრცელა აგრეთვე საქართველოს სახალხო დამცველმა, სადაც მან წინადადებით მიმართა საქართველოს მთავარ პროკურორს განხილულიყო გიორგი კლდიაშვილის წინააღმდეგ არსებული სისხლის სამართლის საქმის შეწყვეტის საკითხი.

აღსანიშნავია, რომ საზოგადოებრივი რეაქციის შემდგომ, პროკურატურამ შესთავაზა გიორგი კლდიაშვილს განრიდების გამოყენება, რაც ნიშნავდა იმას, რომ პროკურატურა სრულად შეწყვეტდა გიორგის მიმართ სისხლის სამართლებრივ დევნას თუ ის აღიარებდა სისხლის სამართლის დანაშაულს. გიორგი კლდიაშვილმა უარი განაცხადა განრიდების მიღებაზე, რადგან მის მიერ ჩადენილი ქმედება ატარებდა მხოლოდ ადმინისტრაციული სამართალდარღვევის ხასიათს.

მიუხედავად არასამთავრობო ორგანიზაციებისა და საქართველოს სახალხო დამცველის არაერთგზის მოწოდებისა, საქართველოს მთავარმა პროკურატურამ არ მოახდინა გიორგი კლდიაშვილის მიმართ წაყენებული ბრალდების კვალიფიკაციის ცვლილება და მას შემდეგ რაც გიორგი კლდიაშვილმა უარი თქვა განრიდებაზე საკუთარი პოზიციის დაცვა გადაწყვიტა სასამართლოში.

15 იანვარს, თბილისის საქალაქო სასამართლოში გამართულ წინასასამართლო სხდომაზე, მოსამართლე მერაბ ჯორბენაძის განჩინებით, შეწყდა გიორგი კლდიაშვილის მიმართ სისხლის სამართლის დევნა, რადგან მისი ქმედება შეიცავდა ადმინისტრაციული სამართალდარღვევის ნიშნებს. შესაბამისად, სასამართლომ სრულად გაიზიარა გიორგის ადვოკატების, ისევე როგორც არასამთავრობო ორგანიზაციებისა თუ სახალხო დამცველის მიერ პროკურატურის სახელზე გაგზავნილი რეკომენდაციები. რაც ყველაზე მნიშვნელოვანია, მოსამართლემ დაუშვებლად სცნო პროკურორის მიერ წარმოდგენილი ძირითადი მტკიცებულებების დიდი ნაწილი რადგან აღნიშნული მტკიცებულებები კანონმდებლობის დარღვევით იქნა მოპოვებული. კერძოდ, პროკურორის თენგიზ ხარებავას მიერ წარმოდგენილი იქნა იდენტური შინაარსის თუმცა განსხვავებულად დათარიღებული და შედგენილი დოკუმენტი, საგამოძიებო მოქმედებების დაწყების თაობაზე.

პირველი ინსტანციის ეს გადაწყვეტილება საქართველოს მთავარმა პროკურატურამ 20 იანვარს გაასაჩივრა უკვე თბილისის სააპელაციო სასამართლოში. 23 იანვარს თბილისის სააპელაციო სასამართლომ არ დააკმაყოფილა პროკურატურის საჩივარი და უცვლელად დატოვა პირველი ინსტანციის გადაწყვეტილება. აღნიშნული განჩინება საბოლოოა და გასაჩივრებას აღარ ექვემდებარება, რაც ნიშნავს იმას, რომ უკვე სასამართლოს ორმა ინსტანციამ არ დააკმაყოფილა პროკურატურის შუამდგომლობები და გიორგი კლდიაშვილი იქნა უდანაშაულოდ ცნობილი ცეცხლსასროლი იარაღის მართლსაწინააღმდეგო ტარების ბრალდებაში.

როგორც ცნობილია, მის მიმართ წაყენებული ბრალდების ფონზე, ეთიკური პრინციპებიდან გამომდინარე და ორგანიზაციის რეპუტაციის დაცვის მიზნით, სასამართლოს საბოლოო გადაწყვეტილებამდე, გიორგი კლდიაშვილმა საკუთარი განცხადებით შეიჩერა ინფორმაციის თავისუფლების განვითარების ინსტიტუტის დირექტორის უფლებამოსილება. მას შემდეგ, რაც სასამართლომ დაადასტურა მისი უდანაშაულობა და მოხდა გიორგი კლდიაშვილის მიმართ სისხლის სამართლის ბრალეულობის მოხსნა, IDFI-ის გამგეობის სხდომის გადაწყვეტილებით, გიორგი კლდიაშვილი კვლავ დანიშნულია ორგანიზაციის დირექტორის თანამდებობაზე.

ინფორმაციის თავისუფლების განვითარების ინსტიტუტს სურს მადლობა გადაუხადოს ყველა იმ ადამიანს და ორგანიზაციას, ვინც მხარში დაუდგა გიორგი კლდიაშვილს და ორგანიზაციას ამ რთული სამართლებრივი პროცესის დროს. განსაკუთრებული მადლობა გვინდა გადავუხადოთ ჩვენს პარტნიორ ორგანიზაციას საქართველოს ახალგაზრდა იურისტთა ასოციაციას და მის ადვოკატებს, ვინც დაიცვეს გიორგი კლდიაშვილის უფლებები.

ამავე დროს, კიდევ ერთხელ ხაზგასმით აღვნიშნავთ, რომ გიორგი კლდიაშვილის მიმართ წარმართული პროცესი გვაფიქრებინებს იმაზე, რომ სამართალდამცავი ორგანოების ზოგიერთი წარმომადგენლის მოქმედება მიზნად ისახავდა გიორგი კლდიაშვილის დაშინებას, პირადა მისი და IDFI-ის დისკრედიტაციას, IDFI საქმიანობაზე გავლენის მოხდენის მცდელობას.

ინფორმაციის თავისუფლების განვითარების ინსტიტუტი კიდევ ერთხელ მიმართავს საქართველოს შინაგან საქმეთა სამინისტროს და საქართველოს პროკურატურას და მოუწოდებს მათ: დაუყოვნებლივ იქნეს გამოძიებული გიორგი კლდიაშვილის უკანონოდ დაკავების, მასზე ზეწოლის და საქმის მასალების კანონდარღვევით შედგენის ფაქტები.


ნახვა: 44


 ახალი ამბები
  • სპეცოპერაციამდე სუს-ი აჰმედ ჩატაევთან საიდუმლოდ თანამშრომლობდაკურიერმა ტერორიზმში ბრალდებული რამაზ მარგოშვილის ჩვენება მოიპოვა, საიდანაც ირკვევა, რომ ბერი გაბრიელ სალოსის ქუჩაზე ჩატარებულ სპეცოპერაციამდე სახელმწიფო უსაფრთხოების სამსახური აჰმედ ჩატაევთან საიდუმლოდ თანამშრომლობდა და სირიაში ე.წ. ისლამური სახელმწიფოს ლიდერს შუამავლებსაც უგზავნიდა. ჩვენების მიხედვით, სუს-ის კონტრტერორისტული დეპარტამენტის დირექტორმა, ირაკლი ჩიმაკაძემ და მისმა მოადგილემ, ხვიჩა ლორიამ, პანკისის ხეობიდან ჩამოსულ რამაზ მარგოშვილს დაავალეს, რომ სირიაში ჩასულიყო და საერთაშორისო ტერორისტად აღიარებულ ჩატაევს შეხვედროდა. ჩვენებაში ნათქვამია, რომ ე.წ. ისლამური სახელმწიფოს ერთ-ერთ გავლენიან ლიდერთან „ცალხელა აჰმედთან“ შესახვედრად გაგზავნილ პანკისელ რამაზ მარგოშვილს სუს-მა ფული მისცა. თანხა სახელმწიფო უსაფრთხოების სამსახურის სპეცსახსრებიდან ორჯერ გამოიყო. რამაზ მარგოშვილი ჩვენებაში ყვება, როგორ მოაწერინეს ხელი დოკუმენტზე და როგორ მიითვისეს სუს-ის მაღალჩნოსნებმა თანხის ნაწილი ადგილზევე. ბრალდებული რამაზ მარგოშვილი ჩვენებაში წერს, რომ სუს-ის მაღალჩინოსნების დავალებით, აჰმედ ჩატაევს სირიის ერთ-ერთ სოფელში შეხვდა და ქართული სპეცსამსახურების თხოვნა გადასცა - ჩატაევს სირიის ციხეებში ესპანელი რეჟისორები უნდა მოეძებნა და ისინი ტყვეობიდან დაეხსნა. "ცალხელა აჰმედი" სუს-ის მოთხოვნის შესრულებას ერთი პირობით დასთანხმდა, თუ ქართულ სპეცსამსახურები მას ქართველი ბიზნესმენისგან თანხის ამოღებაში დაეხმარებოდნენ. ბრალდებულ მარგოშვილის მტკიცებით, იმ დროისთვის ჩატაევის ვალი ბიზნესმენ ალექსანდრე თალაკვაძეს ჰქონდა. საუბარია 300 ათას დოლარზე. მარგოშვილის მტკიცებით, საქართველოში დაბრუნების შემდეგ სუს-ის მაღალჩინოსნები გააფრთხილა, რომ ჩატაევი თანხის დაბრუნებას ითხოვდა, თუ ფულს არ დაუბრუნებდნენ, კუთვნილი თანხის ამოსაღებად ის საქართველოში თავად ჩამოვიდოდა. მტკიცებულების სახით მარგოშვილმა ჩატაევის აუდიოჩანაწერი ქართულ სპეცსამსახურებს გადასცა. ბრალდებული ჩვენებაში წერს, რომ სუს-მა მოქმედება დაიწყო, თუმცა, გაირკვა, რომ მაღალჩინოსნების ჩატაევის ფულის მითვისებას თავად აპირებდნენ. ბიზნესმენი ალექსანდრე თალაკვაძე სუს-ის მაღალჩინოსნებთან შეხვედრას ვერ იხსენებს, თუმცა, ადასტურებს, რომ აჰმედ ჩატაევი მისი ახლო მეგობარი იყო. კურიერის მიერ მოპოვებული ჩვენების მიხედვით, აჰმედ ჩატაევის ვალი პანკისელ შავლეხ, იგივე შახი ქავთარაშვილსაც ჰქონდა. ე.წ. ისლამური სახელწიფოს ერთ-ერთი ლიდერი 30 ათასი დოლარის დაბრუნებას მასაც სთხოვდა. ჩვენებაში ბრალდებული თბილისში, გმირთა მოედანზე, ერთ-ერთ კონსპირაციულ ბინაში გამართულ შეხვედრას იხსენებს. მისი მტკიცებით, შეხვედრაზე სუს-მა უცხო ენაზე მოსაუბრე პირი მიიყვანა და მარგოშვილის სთხოვდა, მისი თანდასწრებით ჩატაევის გეგმებზე ელაპარაკა. ბრალდებულს ეჭვი აქვს, რომ ამ შეხვედრის ორგანიზებაში ქართულმა სპეცსამსახურებმა დიდი ფული აიღეს. საქმის პროკურორი ადასტურებს, რომ მარგოშვილის ჩვენების შემდეგ პროკურატურამ საგამოძიებო მოქმედებები დაიწყო, თუმცა, სახელმწიფო მბრალმდებელი დეტალებზე არ საუბრობს.  რამაზ მარგოშვილის ბრალდებებთან დაკავშირებით სახელმწიფო უსაფრთხოების სამსახურში კითხვებს არ პასუხობენ. წყარო: ... ...
  • ირაკლი კობახიძე: პრეზიდენტი ცდილობს, გამოგვიწვიოს ე.წ. კინკლაობაში„პრეზიდენტი ცდილობს, გამოგვიწვიოს ჩვენ ე.წ. კინკლაობაში. ჩვენი სურვილია, რომ ამ ყველაფერს არ ავყვეთ“,_ ასე გამოეხმაურა საქართველოს პარლამენტის თავმჯდომარე პრეზიდენტ გიორგი მარგველაშვილის განცხადებას მმართველი პარტიის მიერ საპრეზიდენტო კანდიდატის დასახელების შესახებ.  ირაკლი კობახიძის თქმით, მმართველ გუნდს აქვს განსაზღვრული ვადები და პრეზიდენტობის კანდიდატი ამ ვადებში დასახელდება.  „ჩვენ რა თქმა უნდა, გვაქვს განსაზღვრული ვადები, არის სამართლებრივი ვადები, პოლიტიკური ვადები და ამ ვადებში დასახელდება, ბუნებრივია, პრეზიდენტობის კანდიდატი. შესაბამისად, სპეკულაციები იმის თაობაზე, რომ ჩვენ ვიღაცას ვერ ვასახელებთ ან არ ვასახელებთ, ეს არის აბსოლუტურად არასწორი“, _ განაცხადა პარლამენტის თავმჯდომარემ. მისი შეფასებით, ღიმილისმომგვრელია ასეთი კომენტარები მაშინ, როდესაც თავად პრეზიდენტსაც არ გამოუცხადებია საკუთარი გადაწყვეტილება არჩევნებში მონაწილეობის შესახებ. მისი თქმით, „ქართული ოცნებისგან“ განსხვავებით, რომელიც ასეულობით წევრისგან შედგება, პრეზიდენტს კონსულტაციების გავლა არ სჭირდება და არჩევნებში მონაწილეობის შესახებ გადაწყვეტილება ერთპიროვნულად უნდა მიიღოს. „აბსოლუტურად ღიმილისმომგვრელია ასეთი კომენტარები იმ პირობებში, როდესაც პრეზიდენტი თავადაც არ აცხადებს საკუთარ გადაწყვეტილებას არჩევნებში მონაწილეობის თაობაზე. მას არ სჭირდება არავისთან კონსულტაციების გავლა, განსხვავებით მმართველი გუნდისგან, განსხვავებით „ქართული ოცნებისგან“, რომელიც შედგება უამრავი წევრისგან, მათ შორის, პოლიტიკური გუნდი არის წარმოდგენილი ასეულობით ადამიანით. ჩვენ გვჭირდება სერიოზული კონსულტაციების გავლა და ბუნებრივია, ასეთი კონსულტაციების საფუძველზე მივიღებთ გადაწყვეტილებას საპრეზიდენტო არჩევნებთან, კანდიდატთან დაკავშირებით. რაც შეეხება პრეზიდენტს, მან ერთპიროვნულად უნდა მიიღოს ეს გადაწყვეტილება. ის თავად არ აცხადებს საკუთარი გადაწყვეტილების თაობაზე და ჩვენ გვეუბნება, რომ ჩვენ ვერ წარვადგენთ საპრეზიდენტო კანდიდატს. ეს არის რა თქმა უნდა, ღიმილისმომგვრელი და ეს არის მარტივი სპეკულაციები. ასეთ კინკლაობაში, ბუნებრივია, ჩვენ არ გვინდა, რომ შევიდეთ და მოვუწოდებ პრეზიდენტსაც, რომ ნუ ეცდება ჩვენს გამოწვევას კინკლაობაში“, _ განაცხადა პარლამენტის თავმჯდომარემ. ჟურნალისტის კითხვის პასუხად, გეგმავს თუ არა მმართველი გუნდი საპრეზიდენტო არჩევნებში დეპუტატ სალომე ზურაბიშვილის კანდიდატურის მხარდაჭერას, ირაკლი კობახიძემ აღნიშნა, რომ განცხადება ნებისმიერ კანდიდატთან დაკავშირებით, კონსულტაციების შემდეგ გაკეთდება. „ჩვენ გვექნება კონსულტაციები საპრეზიდენტო არჩევნებთან, საპრეზიდენტო კანდიდატთან დაკავშირებით და ამის შემდეგ გაკეთდება ნებისმიერი განცხადება ნებისმიერ კანდიდატთან დაკავშირებით, ნებისმიერ კონკურენტთან დაკავშირებით. ეს არის ჩვენი პოზიცია. ჯერ ჩვენ უნდა გვქონდეს კონსულტაციები და ამის შემდეგ შეგვეძლება გარეთ განცხადების გაკეთდება“, _ განუცხადა პარლამენტის თავმჯდომარემ ... ...
  • პოლიტიკური კურიოზი ისაა, რომ ამ თემაზე თავად მარგველაშვილი ლაპარაკობსსაპრეზიდენტო კანდიდატთან დაკავშირებით გიორგი მარგველშვილის განცხადებას მმართველ გუნდში ეხმაურებიან. როგორც საპარლამენტო უმრავლესობის წევრმა მამუკა მდინარეძემ ჟურნალისტებთან საუბრისას აღნიშნა, პოლიტიკური კურიოზია ის, რომ ამ თემაზე თავად მარგველაშვილი ლაპარაკობს. "გიორგი მარგველაშვილი რეალურად წინასაარჩევნო სტრესის ქვეშ იმყოფება და პოლიტიკური კურიოზია ის, რომ ამ თემაზე თავად მარგველაშვილი ლაპარაკობს. ჩვენ არაერთი ღირსეული კანდიდატი გვყავს, რომელთაგან შეიძლება ნებისმიერი დავასახელოთ, რომელიც უალტერნატივო იქნება და სწორედ ეს უალტერნატივობა აშინებს პრეზიდენტს, რომელსაც ვერ გადაუწყვეტია, იყაროს თუ არა კენჭი მომდევნო საპრეზიდენტო არჩევნებში. ეს არა მხოლოდ გამოძახილია, არამედ თვითონვე ამბობს, რომ ჯერ "ქართული ოცნების" გადაწყვეტილებას ელოდება და ამის შემდეგ გადაწყვეტს, შეიძლება იყაროს თუ არა კენჭი", - აღნიშნა ... ...
  • ჭე კლასი, ზურგზე დამღა - ოპოზიცია მთავრობის განახლებულ შემადგენლობას მხარს არ დაუჭერსსაკანონმდებლო ორგანოში 5 საათია, მამუკა ბახტაძესა და მინისტრობის კანდიდატებს უსმენენ. ოპოზიციამ მთავრობის განახლებულ შემადგენლობას შეკითხვები დაუსვა. კითხვა-პასუხის გამართვამდეც და მის შემდეგაც ოპოზიციის წარმომადგენლები აცხადებენ, რომ მთავრობის შემადგენლობას მხარს არ დაუჭერს. ხელისუფლების ოპონენტები განსაკუთრებით იუსტიციის მინისტრობის კანდიდატად თეა წულუკიანის წარდგენას აპროტესტებენ. „ქართული ოცნების გუნდი ყოველთვის თამაშობდა მეორე ლიგაში, არასდროს არ ჰყავდათ ვარსკვლავები და ხარისხიანი გუნდი, მაგრამ რაც წლები მიდის, დეკვალიფიკაციაა, მერე გადავიდნენ მესამეში, მეოთხეში, ახლა ეს გუნდი არის ყველაზე სუსტი და ფაქტობრივად, თამაშობენ ჭე-კლასში. რაც შეეხება თავად პერსონალურ შემადგენლობას, ფრთიანი ანგელოზებიც რომ იყვნენ, 11-დან 10, იქ, სადაც ჰყავთ წულუკიანი, მათ ყველას აქვს ზურგზე დამღა - 6-წლიანი წარუმატებლობისა, ერთი წვეთი ნავთობი აფუჭებს 25 ლიტრ წყალს,“ - განაცხადა ნაციონალური მოძრაობის წევრმა, რომან გოცირიძემ. ოპოზიციის წევრების თქმით, მამუკა ბახტაძის სიტყვით გამოსვლის ტექსტი ყოფილი პრემიერის, გიორგი კვირიკაშვილის, სამთავრობო პროგრამიდან არის გადმოტანილი.  „ჩვენ ვნახეთ პროგრამა, რომელიც ერთი მხრივ, პრაქტიკულად, გადმოწერილია წინა პროგრამებიდან, ხოლო სიახლეები, რომელიც დამატებულია, სრულიად გაუაზრებელი, მაგალითად, იმ ტიპის, როდესაც განათლების მინისტრის მთავარი პრიორიტეტი ზამთრის ოლიმპიადის ჩატარება იქნება საქართველოში, ჩვენ ვნახეთ შემადგენლობა, რომელიც ერთი მხრივ, შედგება სახეებისგან, რომლის ნახვაც საზოგადოებას მკაფიოდ აღარ უნდა მთავრობაში, ხოლო მეორე მხრივ, არიან სრულიად უცნობი სახეები და ადამიანები, რომლის შესახებაც საზოგადოებამ არაფერი იცის, ხვალინდელი დღიდან იქნებიან პასუხისმგებელი, ასობით ათას ოჯახის ცხოვრებაზე,“ - განაცხადა ევროპული საქართველოს ლიდერმა, დავით ბაქრაძემ. საპარლამენტო უმრავლესობა მამუკა ბახტაძის პარლამენტში სიტყვით გამოსვლით კმაყოფილია. მმართველი გუნდი აპირებს, რომ მთავრობის განახლებულ შემადგენლობას ნდობა გამოუცხადოს. „ახალი პრიორიტეტული მიმართულებების თაობაზე ისაუბრა, მე გამოვყოფდი მათ შორის მოქალაქეთა სოციალური დაცვისა და სამართლიანობის კომპონენტს, რომელიც გამოიხატა ჰუმანურ აქტში - საგადასახდო დავალინების ჩამოწერა 2011-2012 წლებში,“ _ განაცხადა ეკა ბესელიამ. წყარო: ... ...
  • "დადასტურდა, რომ კობალაძესთან ვიზიტით იმყოფებოდნენ პოლიციის წარმომადგენლები და მათ ეს ფაქტი დამალეს"20 წლის კოკა კობალაძის პოლიციელების მიერ შესაძლო ცემის ფაქტზე პარლამენტარების კითხვას შს მინისტრობის კანდიდატმა, გიორგი გახარიამ, საკანონმდებლო ორგანოში უპასუხა. მინისტრობის კანდიდატის ინფორმაციით, ამასთან დაკავშირებით გენერალური ინსპექციამ მოკვლევა დაიწყო და, თუ დადასტურდება, რომ სწორედ პოლიციელებმა სცემეს, მათ შსს-ს რიგებიდან გარიცხავენ. „მოგეხსენებათ, რომ ამ ახალგაზრდა ადამიანმა გააკეთა განცხადება, რომ მასთან ვიზიტით იმყოფებოდნენ პოლიციელები და მას მიაყენეს ფიზიკური შეურაცხყოფა. გენერალური ინსპექციის მუშაობის შედეგად, მართლაც დადასტურდა ფაქტი, რომ მასთან სტუმრად, ვიზიტით იმყოფებოდნენ პოლიციის წარმომადგენლები, კერძოდ, გლდანი-ნაძალადევის განყოფილების ორი თანამშრომელი, რომლებმაც ეს ვიზიტის ფაქტი დამალეს. ჩვენ მივიღეთ დისციპლინარული დასჯის უმკაცრესი ზომა და ეს ორი თანამშრომელი, მათი კონკრეტული, უშუალო ხელმძღვანელი და თბილისის პოლიციის გლდანი-ნაძალადევის სამმართველოს ხელმძღვანელი, რა თქმა უნდა, დათხოვილი იქნებიან შსს-ს რიგებიდან, რამეთუ მსგავსი საქციელის ჩამდენი ადამიანების, პოლიციელების ადგილი შსს-ში არ არის. ყველა მასალა, რომელიც იქნა მოპოვებული გენერალური ინსპექციის მიერ, გადაეცა მთავარ პროკურატურას და შსს სრულად ითანამშრომლებს გენერალურ პროკურორთან, თუ მსგავსი ფაქტი, რომელზეც ახალგაზრდა, კონკრეტულად კოკა კობალაძე მიუთითებს, დადასტურდება,“ - განაცხადა შს მინისტრმა. კობალაძის საქმესთან დაკავშირებით განცხადებას ავრცელბს შსს. უწყების ცნობით, პოლიციელთა მხრიდან შესაძლო დანაშაულის ჩადენის ფაქტზე გამოძიება მიმდინარეობს თბილისის პროკურატურაში "შინაგან საქმეთა სამინისტროს გენერალურმა ინსპექციამ მოქალაქე ა.კობალაძის საცხოვრებელ სახლში მომხდარ ინციდენტში სამართალდამცველთა შესაძლო მონაწილეობის ფაქტის შესწავლა მიღებული შეტყობინებისთანავე, ინტენსიურ რეჟიმში დაიწყო. მოკვლევის შედეგად დადგინდა, რომ საცხოვრებელ ბინაში შინაგან საქმეთა სამინისტროს, გლდანი-ნაძალადევის განყოფილების პოლიციის თანამშრომლები, უბნის ორი ინსპექტორ-გამომძიებელი იმყოფებოდა. თავად პოლიციელებმა დამალეს კობალაძეების ოჯახში ყოფნის ფაქტი. ვინაიდან შინაგან საქმეთა სამინისტროს აქვს საფუძვლიანი ეჭვები ბინაში პოლიციელთა ყოფნის ფაქტის დამალვის მოტივაციასთან დაკავშირებით, მათ მიმართ გამოყენებული იქნა დისციპლინური პასუხისმგებლობის უმკაცრესი ზომა - ორივე პოლიციელი დათხოვნილია შინაგან საქმეთა სამინისტროდან. ამასთან, სამსახურიდან გათავისუფლდნენ პოლიციელების უშუალო ხელმძღვანელი და ქალაქ თბილისისი პოლიციის დეპარტამენტის გლდანი ნაძალადევის სამმართველოს უფროსი. პოლიციელთა მხრიდან შესაძლო დანაშაულის ჩადენის ფაქტზე გამოძიება მიმდინარეობს თბილისის პროკურატურაში", _ ნათქვამია შსს-ს ... ...

არქივი

ზაფრანი

ბავშვები ტყუილებს 6 თვიდან სწავლობენ

ბრიტანელმა სპეციალისტებმა აღმოაჩინეს, რომ ჩვილი...

საინტერესო ფაქტები, რომლებიც თქვენ არ იცით

პარალელური ხაზები კოსმოსში იკვეთება. ფენ-შუი...

რომელი ასტროლოგიური ქვა მოგიტანთ წარმატებებს

თევზების ზოდიაქოს ნიშნის ქვეშ დაბადებულებისთვის...

"ორქიდეა მაიმუნი"

ეს საოცარი "ორქიდეა მაიმუნი" საიდუმლოდ...

რა არ მოსწონთ კაცებს ქალებისაგან

მამაკაცებს ინსტიქტი, იმპულსი ამოძრავებთ, ქალები...
კარმიდამო ჩემი

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...

წიფლის წიწიბო

წიფელი ჩვენს ქვეყანაში ერთ-ერთი მძლავრი...

ჩეხური "კალაჩი"

ჩეხური სამზარეულო ლუდის გემრიელი მენიუსა...

როგორ ვიმკურნალოთ თაფლით

ხალხურ მედიცინაში არ მოიპოვება ისეთი...

პეტუნიას პოპულარობა და თავისებურება

ბოლო წლების განმავლობაში, ჩვენში განსაკუთრებული...

ალოეს სამკურნალო თვისებები

შესაძლოა, ალოეს დადებითი თვისებების შესახებ...

როგორ აღვიდგინოთ მხედველობა ნივრის დახმარებით

დროთა განმავლობაში, ადამიანის ჯანმრთელობის მდგომარეობა...

რატომ არ უნდა აადუღოთ წყალი ხელმეორედ

ფილმის ყურებაში ისე გაერთეთ, რომ...

"უთვალავ საქმეთაგან, სახარების გადაწერაა შვება"

ჩვენი სტატიის გმირი მრავალმხრივი ნიჭით...

როგორ ვებრძოლოთ პირუტყვის კანქვეშა ბორას

ზაფხულის პერიოდში განსაკუთრებით, მსხვილფეხა რქოსანი...

მეფუტკრის კალენდარი _ მაისი და ივნისი

მაისის შუა რიცხვებიდან დგება დიდი...