სახალხო დამცველის განცხადება „რუსთავი 2“-ის ქონების დაყადაღებასთან დაკავშირებით

gurianews.com

სამართალი

სახალხო დამცველის განცხადება „რუსთავი 2“-ის ქონების დაყადაღებასთან დაკავშირებით

2015 აგვ 14 17:44:56

მაღალი საჯარო ინტერესის გათვალისწინებით, სახალხო დამცველმა შეისწავლა „სამაუწყებლო კომპანია რუსთავი 2“–სა და მისი პარტნიორების წინააღმდეგ აღძრული სარჩელის საფუძველზე, თბილისის საქალაქო სასამართლოს სამოქალაქო საქმეთა კოლეგიის მიერ 2015 წლის 5 აგვისტოს მიღებული განჩინება.

განჩინების მიხედვით, სასამართლომ ყადაღა დაადო შპს „სამაუწყებლო კომპანია რუსთავი 2“-ის პარტნიორების წილებს; ყადაღა დაადო ტელეკომპანიის კუთვნილ თბილისში მდებარე ფართისა და მიწის ნაკვეთებს მასზე განთავსებული შენობა ნაგებობებით; ტელეკომპანიას აეკრძალა მოძრავი ნივთების, მათ შორის ტელე-რადიო სიხშირის გადამცემი მოწყობილობების, გენერატორების, ავტომობილების და ა.შ. გასხვისება/გაქირავება და ნებისმიერი სახით უფლებრივად დატვირთვა; ტელეკომპანიას და მის პარტნიორებს აეკრძალათ კომპანიის სახელით ვალდებულებების აღება, გენერალური სავაჭრო მინდობილობის გაცემა, წლიური შედეგების დამტკიცება, საზოგადოების რეორგანიზაცია და ლიკვიდაცია, წესდებაში ცვლილებების შეტანა, პარტნიორებისა და დირექტორებისათვის საწარმოს მართვისა და ხელმძღვანელობის, ლიცენზიის გასხვისების, ნებისმიერი სახით უფლებრივად დატვირთვის ჩათვლით; კომპანიის დირექტორებისათვის ქონების განკარგვა.

საკუთრების უფლების, ისევე როგორც გამოხატვის თავისუფლების დაცვა წარმოადგენს დემოკრატიული სახელმწიფოს ერთ-ერთ უმთავრეს მისიას. შეუძლებელია, სახელმწიფოს ჰქონდეს პრეტენზია თანამედროვე დასავლური დემოკრატიის ფასეულობებზე და იმავდროულად მისი ერთ-ერთი უმთავრესი პრიორიტეტი საკუთრების უფლებისა და გამოხატვის თავისუფლების დაცვა არ იყოს.

საკუთრების უფლების დაცვის უპირველესი გარანტი საქართველოს კონსტიტუციაა, რომლის 21-ე მუხლი აღიარებს და იცავს საკუთრებას. კონსტიტუციას უნდა შეესაბამებოდეს ქვეყნის საკანონმდებლო და კანონქვემდებარე აქტები, თანამდებობის პირებისა და საჯარო მოხელეების გადაწყვეტილებები და მოქმედებები. მიუხედავად საკუთრების უფლების დაცვის მაღალი სტანდარტისა, იგი არ წარმოადგენს აბსოლუტურ უფლებას. მისი შეზღუდვა შესაძლებელია კანონით დადგენილ შემთხვევებსა და კანონით განსაზღვრულ ფარგლებში. შეზღუდვის ერთ-ერთი ფორმა განსაზღვრულია საქართველოს საპროცესო კანონმდებლობით, სარჩელის უზრუნველყოფის სახით.

საპროცესო კანონმდებლობით დადგენილი აღნიშნული სტანდარტი უზრუნველყოფს სამართლიანი მართლმსაჯულების განხორციელებას და სამართლიანი სასამართლოს უფლების რეალიზებას, რაც უპირველესად ასევე კონსტიტუციის გარანტირებული უფლებაა.

სარჩელის უზრუნველყოფის შესახებ მოთხოვნის განხილვისას ერთმანეთს უპირისპირდება დავის აღმძვრელი მხარის საკუთრების უფლება (რომ დავის მის სასარგებლოდ გადაწყვეტის შემთხვევაში, სასამართლოს მიერ მიკუთვნებული სარგებელი არ დარჩეს მიუღებელი), მოპასუხე მხარის საკუთრების უფლება (რომ დავის მიმდინარეობისას არ შეეზღუდოს საკუთრებით სარგებლობის უფლება იმაზე მეტი მოცულობით, რაც აუცილებელია კონკრეტული მოთხოვნის დასაკმაყოფილებლად) და სამართლიანი სასამართლოს უფლება (რომ საქმე განხილული იყოს მხარეთა თანასწორობისა და შეჯიბრებითობის პრინციპზე დაფუძნებით და სასამართლოს თითოეული გადაწყვეტილება ემსახურებოდეს მხოლოდ კანონმდებლობით დაცული უფლებების რეალიზებას).

მართალია, საპროცესო კანონმდებლობა მოსარჩელე მხარისათვის არ აწესებს მტკიცების მაღალ სტანდარტს სარჩელის უზრუნველყოფის ღონისძიების გამოსაყენებლად და დასაბუთებულ ვარაუდს საკმარისად მიიჩნევს, თუმცა, უფლებათა ასეთი დაპირისპირების გათვალისწინებით, სასამართლო ვალდებულია დაიცვას თანაზომიერების პრინციპი - საკუთრების უფლება შეზღუდოს მხოლოდ იმ მოცულობით, რაც აუცილებელია მოსარჩელის მიერ მოთხოვნილი სარგებლის მისაღებად. ამასთან, ვარაუდი, რომელსაც მოსარჩელე გამოთქვამს, უნდა იყოს დასაბუთებული, დამყარებული რეალურ საფრთხეზე და არ უნდა წარმოადგენდეს მოპასუხის დასჯის მექანიზმს. სარჩელის უზრუნველყოფისათვის გამოყენებული საშუალება კი უნდა იყოს მისაღწევი მიზნის პროპორციული. თუკი სასამართლო რომელიმე მხარის უფლებას შეზღუდავს იმაზე მეტად, ვიდრე ეს აუცილებელია კონკრეტული ლეგიტიმური მიზნის მისაღწევად, წარმოიშვება საკუთრების უფლების დარღვევის რისკი რაც, თავის მხრივ, ეჭვქვეშ დააყენებს სასამართლოს, როგორც მართლმსაჯულების ინსტიტუციის სამართლიანობას.

იმის გამო, რომ ზღვარი საკუთრების უფლების კანონიერ შეზღუდვასა და ამ უფლების დარღვევას შორის უაღრესად მცირეა, სასამართლომ სარჩელის უზრუნველყოფის ღონისძიების გამოყენებისას განსაკუთრებული ყურადღებით უნდა შეისწავლოს სარგებელი, რასაც მიიღებს მოსარჩელე და ზარალი, რაც შესაძლოა მიადგეს მოპასუხეს. დავის მონაწილე ყველა მხარის დაცვა საკუთრების უფლების დარღვევისაგან მხოლოდ ასეთი ობიექტური შეფასების შედეგადაა შესაძლებელი.

უაღრესად მნიშვნელოვანია ის გარემოებაც, რომ მოპასუხე მხარე შპს „სამაუწყებლო კომპანია რუსთავი 2“ მაღალრეიტინგული მედიასაშუალებაა. შესაბამისად, თბილისის საქალაქო სასამართლოში წარმოებული აღნიშნული დავის შედეგი, დიდი ალბათობით, გავლენას მოახდენს არამხოლოდ მონაწილე მხარეებზე, არამედ მთლიანად სახელმწიფოზე. სამაუწყებლო კომპანია გამოხატვის თავისუფლების კონსტიტუციური უფლების რეალიზების ერთ-ერთ პლატფორმას წარმოადგენს და სხვა დავებისაგან განსხვავებით, სასამართლო მოცემულ შემთხვევაში დამატებითი რისკის წინაშე დგას - არ შეფერხდეს ტელეკომპანიის მაუწყებლობა, რასაც შესაძლოა მოყვეს გამოხატვის თავისუფლების კონსტიტუციური უფლების შეზღუდვა.

საქართველოს სახალხო დამცველს მიაჩნია, რომ თბილისის საქალაქო სასამართლოს მიერ მიღებული განჩინება სრულად არ პასუხობს სამართლიანი სასამართლოს უზრუნველსაყოფად განსაზღვრულ სტანდარტებს, იმდენად რამდენადაც არ არის დასაბუთებული სარჩელის უზრუნველყოფის ერთდროულად რამდენიმე ზომის გამოყენების აუცილებლობა. დაუსაბუთებელია რატომ შეიზღუდა წესდებაში ცვლილებების შეტანა, როდესაც კომპანიის მთელი უძრავი და მოძრავი ქონება ისედაც დაყადაღებულია და მისი გასხვისების რისკი აღარ არსებობს; რას ემსახურება კომპანიის წლიური შედეგების დამტკიცების აკრძალვა; რატომ გაჩნდა კომპანიის დირექტორისათვის საწარმოს მართვისა და ხელმძღვანელობის უფლების სრულად შეზღუდვისა და ახალი ვალდებულებების აღების აკრძალვის აუცილებლობა, როდესაც ისედაც აკრძალულია უძრავი და მოძრავი ქონების განკარგვა.

სახალხო დამცველის შეფასებით, სასამართლომ შეზღუდა საკუთრების უფლება იმ მოცულობით, რამაც შესაძლოა ზიანი მიაყენოს სამაუწყებლო კომპანიის საქმიანობას. შესაძლოა შეაფერხოს ანაზღაურების გაცემა, ჟურნალისტების დასაქმება, ახალი გადაცემების ეთერში გაშვება, ტექნიკური ინვენტარის შეძენა ან შეცვლა, კომპანიის წინაშე ვალდებულ პირებთან ანგარიშსწორება და სხვა. ამასთან, სასამართლომ არ განმარტა რამდენად ემსახურება უფლების ამ მოცულობით შეზღუდვა მოსარჩელეთა ლეგიტიმური ინტერესების დაცვას და რატომ არ შეიძლებოდა იმავე მიზნის მიღწევა მოპასუხის საკუთრების უფლების ნაკლები შეზღუდვით. აღნიშნული მდგომარეობა შესაძლოა შემაფერხებელი იყოს სამაუწყებლო კომპანიის ფუნქციონირებისათვის და შესაბამისად, ქვეყანაში გამოხატვის თავისუფლების რეალიზებისა და მედია თავისუფლებისათვის, იმდენად რამდენადაც სასამართლო დავის დასრულებას არაერთი თვე და შეიძლება წელიც დასჭირდეს.

ზემოაღნიშნულიდან გამომდინარე, სახალხო დამცველს მიაჩნია, რომ სასამართლოს განჩინება სარჩელის უზრუნველყოფის ღონისძიების გამოყენების შესახებ, არღვევს უფლებათა შეზღუდვის თანაზომიერების პრინციპს. სასამართლომ საკუთრების უფლება შეზღუდა იმაზე მეტად, ვიდრე ამას მოითხოვს მოსარჩელის ლეგიტიმური მიზანი, რამაც, თავის მხრივ, შესაძლოა რეალური საფრთხე შეუქმნას დამოუკიდებელი ტელეკომპანიის მიერ გამოხატვის თავისუფლების რეალიზებას.

აღნიშნული დავა კიდევ ერთი გამოცდაა საქართველოს მართლმსაჯულებისათვის, რადგან ერთმანეთს კვეთს საკუთრების უფლების, გამოხატვის თავისუფლებისა და სამართლიანი სასამართლოს უფლება. შესაბამისად, უაღრესად მნიშვნელოვანია სასამართლო დავის დამოუკიდებელი და ობიექტური განხილვის პირობებში სანიმუშოდ გამჭვირვალედ, შეჯიბრებითობისა და თანასწორობის პრინციპების მაღალი სტანდარტის დაცვით წარმართვა.

საქართველოს სახალხო დამცველი კვლავაც გააგრძელებს აღნიშნულ საქმესთან დაკავშირებული მოვლენების დაკვირვებას და მისი მანდატის ფარგლებში შესწავლას.




 ახალი ამბები
  • მამაოს შვილს ჩავუგდეთ დესიტ ტისიჩი - ახალი სკანდალური ჩანაწერიკურიერმა მირზა სუბელიანის საუბრის ახალი ფარული ჩანაწერი მოიპოვა - გლდანის ციხის სკანდალური აუდიომასალით დგინდება, რომ პროკურატურის ყოფილი მაღალჩინოსანი დავით სარალიძის მკვლელობის საქმის მოწმე მენაბდისგან სასურველი ჩვენებების მისაღებად ქუჩის და ეკლესიის ავტორიტეტებს იყენებდა. კურიერის მიერ მოპოვებულ სამსაათიანი ჩანაწერიდან ერთ-ერთი სკანდალური ნაწილი მოწმეების მოსყიდვას ეხება. დეკანოზ შიო მენაბდის შვილის ჩვენების შეცვლა 10 ათასად შეფასდა. სუბელიანის მარჯვენა ხელი - დავით ცუხიშვილი, ჩანაწერში ყვება, რომ ფული ეკლესიის შესაწირ ყუთში ჩააგდო. ცუხიშვილი - მოკლედ, ჩავაგდეთ დესიტ ტისიჩი ეკლესიაში, შესაწირში და ჩვენება შეიცვალა. მირზა სუბელიანი - მამაოს შვილზეა ლაპარაკი. ცუხიშვილი - ჰო, მამაოს შვილს ჩავუგდეთ დესიტ ტისიჩი. ბიძა მაგის, ბრალდებულის ბიძა ამერიკაშია, მილიონერია. ჩვენ, მთელი მამაოები, რა ვიცი, თუ ვინმე მამაო ავტორიტეტი იყო და ქუჩის ბიჭები და ყველა, ამან დაუბრუნა ეს ათი ათასი და თავის შვილს ჩვენება არ შეაცვლევინა. ათი ათასი ჩაუგდეს, რომ ჩვენება შეეცვალა. კურიერი ჯერ კიდევ ივლისის ბოლოს ყვებოდა, რომ დეკანოზ მენაბდის შვილმა წინასწარ და სასამართლო გამოძიებაში მიცემული ჩვენება დროებით საგამოძიებო კომისიასთან შეცვალა. გლდანის ციხის ფარული ჩანაწერიდან ირკვევა, რომ ხორავას ქუჩაზე მომხდარი მკვლელობის შემდეგ მოზარდებს შორის ახალი დაპირისპირების საფრთხე არსებობდა. მირზა სუბელიანის თავად ყვება, როგორ დაადეს პირველი ექსპერიმენტული სკოლის ერთ-ერთ მოსწავლეს დანა. მირზა სუბელიანი - პირველ სკოლაში აბაროტის მისაცემად რომ წავიდა, გასვიანის ბავშვი რო დაითრია, პროკურატურას ვის მივწერე... ცუხიშვილი - მაშინ მისწერე შენ... მირზა სუბელიანი - ერთ ჩემს მეგობრის შვილს დაადეს დანა. ამათმა ძმაკაცმა, დაღუპულების. ცუხიშვილი - აა, ჯერ კიდევ შაყულაშვილი იყო, ერთი კი არა, 7-8 ბიჭი მივწერეთ შაყულაშვილს, ვინც აბაროტზე დადიოდა. თბილისის ყოფილი პროკურორის, მიხეილ შაყულაშვილის, მიმართ მირზა სუბელიანს გაცილებით მძიმე ბრალდებები აქვს. რუსთავი2-ის მოპოვებული ჩანაწერებიდან ირკვევა, რომ მოზარდების მკვლელობის საქმის ფალსიფიცირებაში შაყულაშვილიც მონაწილეობდა. რამდენიმესაათიანი აუდიოფაილების გაშიფვრით დგინდება, რომ ხორავას საქმის გახსნის სქემა ასეთი იყო - პროკურატურა და შინაგან საქმეტა სამინისტრო აკეთებდნენ იმას, რასაც მირზა სუბელიანი იტყოდა, მასთან თანხმდებოდა მოწმეთა ჩვენებებიც. ჩანაწერით ირკვევა, რომ მითითებები, რომელსაც პროკურატურას მირზა სუბელიანი აძლევდა, პარალელურად მის ტელეფონში არქივდებოდა. მასალები ისეთი სკანდალურია, რომ შესაძლოა, თბილისი ყოფილი პროკურორის დაკავების საფუძველი გახდეს. მტკიცებულებები სუბელიანს საზღვარგარეთ ექსპერტიზაზე აქვს გატანილი. სუბელიანი - დაკავების წინა დღეს წაიღო ტელეფონი და გერმანიაშია. ბო...ლი ვიყო, ალტერნატიულ ექსპერტიზას ჩავატარებ და... მიშას კი არა, მთელ სამმართველოს დავაჭერინებ, ისეთი მიმოწერებია. კარგი, რაა, ეგ შემეშლებოდა ახლა მე. ვიქტორ ჯაფარიძე - შენი და შაყულაშვილი? მირზა სუბელიანი - აბა, რა! ვიქტორ ჯაფარიძე - ჩანაწერები? მირზა სუბელიანი - ყველაფერი, ძმაო, იმ დღის მომენტიდან. თხოვნები - აქეთ ამაში დამეხმარე, იმაში დამეხმარე... ვიქტორ ჯაფარიძე - მიშათი? მირზა სუბელიანი - აბა, რაა. მიშა რო... ვიქტორ ჯაფარიძე - მაგის დედა... მირზა სუბელიანი - მიშა რომ ლაპარაკობს და ტ..კს ათამაშებს. პირდაპირ მიმოწერებია. მაგაზე ვარ გაგიჟებული. თუ კაცი იმას არ ნახავს. შაყულაშვილის მიმართ უცენზურო სიტყვებს სუბელიანი ამ ჩანაწერში არაერთხელ იყენებს. პატიმარი არ მალავს, რომ გაბრაზებულია და რამდენიმესაათიანი საუბრისას არაერთხელ აფიქსირებს, რომ თბილისის ყოფილ პროკურორს, მისი საქციელის გამო ,პასუხს ციხიდან გამოსვლის შემდეგ მოსთხოვს. ყოფილ კოლეგებს და კარგ მეგობრებს შორის ურთიერთობა სუბელიანის დაკავების შემდეგ დაიძაბა. მას შემდეგ, რაც ორივე მათგანი ხორავას ქუჩის მკვლელობის საქმეზე დროებითმა საგამოძიებო კომისიამ გამოკითხა. გაირკვა, რომ დეპუტატების დასმულ ერთი და იგივე შეკითხვებს სუბელიანმა და შაყულაშვილმა რადიკალურად განსხვავებულად უპასუხეს. შაყულაშვილმა სუბელიანი ტყუილში საჯაროდ ამხილა. კურიერმა მოიპოვა არა მხოლოდ ციხის საკნის ჩანაწერები, არამედ სატელეფონო საუბრებიც, რომელიც პროკურატურის ყოფილ მაღალჩინოსანს ციხიდან ქართული ოცების დეპუტატ ვიქტორ ჯაფარიძესთან ჰქონდა. ამ ლაპარაკიდან ცნობილი ხდება, რომ შაყულაშვილის ჩვენების შინაარსი სუბელიანთან წინასწარ შეთანხმებული არ იყო. რატომ გაწირა თბილისის ყოფილმა პროკურორმა მეგობარი სუბელიანი, ჩანაწერებიდან ირკვევა, რომ ამ საკითხით დეპუტატი ჯაფარიძე არაერთხელ დაინტერესდა. ვიქტორ ჯაფარიძე - ამიხსენი, დედას გაფიცებ, შაყულაშვილმა რატომ ქნა ეს? შეეშინდა ვითომ? ცუხიშვილი - თემა არი ერთი, რაა, ვიღაცა ხო წავიდა დათმობაზე. არავინ არ წავიდა დათმობაზე. როგორც პროკურორმა, პროცესუალურად თავის თავი გადაირჩინა. ვიქტორ ჯაფარიძე - სამომავლოდ გააკეთა... ცუხიშვილი - იცი, რაა, 5 წლის მერე რომ ამოვარდეს, რომ მე ამასთან კომუნიკაცია მქონდა, მე პროცესუალურად დამიჭერენ. თავი დაიზღვია, საკუთარი ტ..ის გადასარჩენად გააკეთეს ეს. მირზა სუბელიანი - ყველას ..-ზე კიდია საერთოდ, გაბოძემ რა გააკეთა, უარესი არ გააკეთა? ცუხიშვილი - რა შეიცვალა. რაც მაგან გააკეთა, რომ ამბობდა, მირზამაც თქვასო, შაყულაშვილს თავმოყვარეობა... თავი მოიჭრა. კაცი მეუბნება, აღშფოთებული მოვიდაო, ვეუბნები, სირცხვილი არ არის? მირზა სუბელიანი - ჯერ სად მიშვებ, რატომ მიშვებ, ხო ხვდები, როგორი მომენტია. მე არ მაქვს პრეტენზია, არც ირაკლისთან, არც მამუკა ვასაძესთან... გაბიტაშვილთან მაქვს შეკითხვები, თუ შაყულაშივლი და გაბოძეს თავისთავად ეგეთი თემაა. ჰოდა, რომ ვნახე 6 თვე ეს ყ..ბი იყო და... ეს პროკურორები დიდის ამბით მხვდებოდნენ, ეხლა მე დებილი ვიყავი და ჩამწერის გარეშე მივსულიყავი? ცუხიშვილი - შაყულაშვილი ვაჟკაცურად მოიქცაო... მირზა სუბელიანი - ირაკლისგან გამომდინარე მოიქცა კაცურად. მანდაც ეგეთი რაღაცა ხდებოდა. შაყულა და გაბიტა შეიკრნენ ირაკლის წინააღმდეგ. მე გეუბნები, ეგ 100 პროცენტია, რაა, გამორიცხული თემაა, მე ირაკლის რეაქციით ვხვდებოდი, რა ხდებოდა. იმან კიდევ, გახარიამ ვერ გაიგო, მე ირაკლი არა ვარო, რომ მითხრა, მაგას ეგონა შოთაძე. მე ირაკლი შოთაძე არ მყავდა მხედველობაში. ამავე ჩანაწერით ცნობილი ხდება, რომ მირზა სუბელიანს კომპრომატი არა მხოლოდ შაყულაშვილზე აქვს. მირზა სუბელიანი - მერაბ ფხაკაძის რამდენტომიანი მიმოწერა გვაქვს, რამდენი იქნება? ცუხიშვილი - დაახლოებით, ერთი 200 მესიჯამდე. მირზა სუბელიანი - ვინ ითხოვდა დახმარებას? ცუხიშვილი - დახმარებას ეგენი ითხოვდნენ. მირზა სუბელიანი - რომ მინდოდეს, ახლა ეგენი საქმის კურსში არ არიან, მე რა მაქვს. ცუხიშვილი - მირზა, ჩემპიონი ხარო, რომ არ უღალატეო... ჩანაწერების მიხედით, მირზა სუბელიანი ციხის საკნიდან მოზარდების მკვლელობის საქმის გამოძიებაში ჩართულ სხვა პირებსაც ემუქრება, მაგრამ ამ შემთხვევაში არა კომპრომატებით, არამედ ლიკვიდაციით. ამ შემთხვეაში საუბარია პოლიციის ერთ-ერთ მაღალჩინოსან გოჩა კასრაძეზე, რომელმაც, სუბელიანის მტკიცებით, მისი ოჯახის წევრები გაიტაცა და მშობლის თვალწინ სცემა. ამავე ჩანაწერით ცნობილი ხდება, რომ კასრაძის სისტემიდან გაშვება სუბელიანის ხელისუფლებასთან გარიგების ერთ-ერთი პირობა იყო. მირზა სუბელიანი უკმაყოფილო შინაგან საქმეთა მინისტრის პირველი მოადგილის ქმედებითაც. აუდიომასალაში ის არაერთხელ უთითებს, რომ საქმე მან გახსნა, თუმცა, მის დამსახურებებს სათანადოდ არ აფასებენ. ჩანაწერის მიხედვით სუბელიანი დარწმუნებულია, რომ მისთვის მიცემული პირობები უკვე დარღვეულია. ამ აუდიომასალის კიდევ ერთი საინტერესო მონაკვეთი მერაბ მორჩაძესთან სუბელიანის ურთიერთობას უკავშირდება. ჩანაწერით ცნობილი ხდება, რომ ერთი და იგივე საქმეზე ბრალდებული სუბელიანი და მორჩაძე გარკვეული პერიოდი ერთ საკანში ჰყავდათ მოთავსებული. წყარო: ... ...
  • “ნაცმოძრაობის“ წევრი დავით მჟავანაძე დააჯარიმეს“ერთიანი ნაციონალური მოძრაობის“ ოზურგეთის რაიონული ორგანიზაციის თავმჯდომარე და ოზურგეთის მუნიციპალიტეტის საკრებულოს წევრი დავით მჟავანაძემ 500 ლარით დააჯარიმეს. ამ ინფორმაციას თავად მჟავანაძე ავრცელებს. დავით მჟავანიძის ინფორმაციით, ის დააჯარიმეს იმის გამო, რომ ბიძინა ივანიშვილის რეზინდეციასთან, შეკვეთილში ასფალტაზე გააკეთა წარწერა 41 ალი ბიძინა, 40 ... ...
  • "გარეთ ვაფშე დანძრ...ლი გაქვთ" _ პროკურატურა კიდევ ერთ ფარულ ჩანაწერს ავრცელებს მთავარი პროკურატურა ახალ ფარულ ჩანა წერს ავრცელებს. უწყების ცნობით, საუბარი ციხეში, 10 სექტემბერსაა ჩაწერილი: "მთავარი პროკურატურა დაპირებისამებრ, კვლავ განაგრძობს საზოგადოების ინფორმირებას იმ სისხლის სამართლის საქმის გამოძიების შესახებ, რომელიც პირადი ცხოვრების საიდუმლოს უკანონოდ მოპოვებისა და შენახვის, აგრეთვე, პატიმრობაში მყოფი პირის კერძო საუბრის უნებართვო ჩაწერის, ჩანაწერის უკანონოდ შენახვისა და ხელმისაწვდომობის უზრუნველყოფის, იძულების და სამსახურებრივი უფლებამოსილების შესაძლო გადამეტების ფაქტებზე ამა წლის 12 ოქტომბერს დაიწყო.  მაღალი საზოგადოებრივი ინტერესის გათვალისწინებით, პროკურატურა ასაჯაროებს 2018 წლის 10 სექტემბრის ფარულ აუდიოჩანაწერს, რომელიც მოქალაქე ი.პ-სგან ამოღებული მეხსიერების ბარათიდან ერთ-ერთია და სავარაუდოდ, საქართველოს სასჯელაღსრულების სისტემის ერთ-ერთ დაწესებულებაშია ჩაწერილი.  ამ დროისთვის, გამოძიების ფარგლებში, გამოკითხულები არიან სპეციალური პენიტენციური სამსახურის თანამშრომელი ი.პ., ვიქტორ ჯაფარ6იძე და დავით ცუხიშვილი.  მირზა სუბელიანმა კი კითხვების ნაწილის პასუხის გაცემისგან ამ ეტაპისთვის თავი შეიკავა.  ამასთან, გამოძიება გრძელდება დანაშაულთან შემხებლობაში მყოფი ყველა პირის გამოსავლენად, ასევე მედიასაშუალებით გავრცელებულ ფარულ აუდიოჩანაწერში გახმოვანებულ შესაძლო დანაშაულებრივ ფაქტებთან დაკავშირებით."-აღნიშნულია ... ...
  • გირჩის პრეზიდენტობის კანდიდატი დააკავესგირჩის პრეზიდენტობის კანდიდატი, ზურაბ ჯაფარიძე,  დააკავეს. სამართალდამცველებმა ზურაბ ჯაფარიძე მას შემდეგ დააკავეს, რაც პრეზიდენტობის კანდიდატმა მეგობარს ჯოინთი აჩუქა. „ჯიბეში მაქვს სამი ცალი ჯოინთი და ეს არის გასაღება, რომ იცოდეთ. ამის გამო ადამიანებს სვამენ ციხეში, სრული სიგიჟე არის, ხომ გესმით. მე ყოველ დღე ხალხს ვჩუქნი მოსაწევს... ყოველ დღე ვჩუქნი, ყოველ დღე ამ სახელმწიფოს გადმოსახედიდან მე მაქვს შეხება ვითომ კრიმინალებთან, მე ვჩუქნი ყოველ დღე ვიღაცებს მოსაწევს, როგორც ახლა ეს გავაკეთე. ამის გამო ადამიანები არ უნდა ისჯებოდნენ, თუ მე დღეს ვერ დამიჭერენ ამის გამო, იმის გამო, რომ მე ვარ პოლიტიკოსი, იმის გამო, რომ ცნობადი სახე და ბოდვები, რომ ვარ საპრეზიდენტო კანდიდატი და ვითომ რაღაც პოლიტიკური იმუნიტეტი მაქვს, ვერ უნდა დაიჭირონ ვერავინ,“ - განაცხადა ზურაბ ჯაფარიძემ. საგამოძიებო უწყების წარმომადგენლის თქმით, ზურაბ ჯაფარიძე წინა დღეებში გაკეთებული განცხადებების საფუძველზე დაწყებული გამოძიების ფარგლებში გადაიყვანეს შსს-ში. დედაენის ბაღთან კიდევ 8 პირი დააკავეს. დღეს დილით კი, სამართალდამცველებმა გირჩის წევრები, ვახო მეგრელიშვილი და იაგო ხვიჩია, დედაენის ბაღთან ... ...
  • ნიკა გვარამია ნინო წილოსანს: შენზე რომ მოვყვე აქეთური და იქეთური სა მიდიხარ მერე?რუსთავი 2-ის გენერალური დირექტორი ნიკა გვარამია ლანჩხუთისა და ჩოხატაურის გაერთიანებული ოლქის მაჟორიტარ დეპუტატს ნინო წილოსანს სოციალურ ქსელში უპირისპირდება: "ესე იგი, რას არ გაიგებ კაცი. ლანჩხუთში, მაჟორიტარ ნინო წილოსანს და მისი აპარატის უფროსს, ყოფილ სუპერკორუმპირებულ შევარდნაძის მოსამართლე მაგული კუნჭულიას, თეატრში დაუსვამთ პატიოსანი ლანჩხუთელები და ჩემზე უბაასიათ, რა მონსტრი ვარ და არარაობა. ძვირფასო ნინო, მერომ დავსვა ახლა ხალხი, ოღონდ ლანჩხუთში და თეატრში კი არა, მთელ საქართველოში ტვეკრანებთან და მოვყვე შენზე აქეთური და იქეთური, სა მიდიხარ მერე?  აქამდე გინდობდი ოჯახის ხათრით და შეტევაზე შენ გადმოსულხარ პირველი. კაი გენაცვალე , _ წერს ... ...

არქივი

ზაფრანი

„უიღბლო“ ამერიკელი

კონექტიკუტის შტატში მცხოვრებმა ჩარლზ დადლიმ...

ახლო მეგობარი მოდელები

რატომღაც მივეჩვიეთ, რომ სამოდელო ბიზნესში...

რა დაგიცავთ ავი თვალისგან

ვერძმა სამოსში აუცილებლად უნდა შეიტანოს...

რატომ ტირიან მამაკაცები საკუთარ ქორწილში

მამაკაცები ხშირად მალავენ გრძნობებს, ალბათ...

დილით დასვენებულმა რომ გაიღვიძოთ…

ორგანიზმი ძილის დროს ახალგაზრდავდება, დუნდება...

ადამიანის იღბალი და მობილური ტელეფონის ნომერი

რიცხვების მაგია უძველესი დროიდან იღებს...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნებზე?