ნათია მოგელაძის უწყება დახმარებისთვის პროკურატურას მიმართავს

სამართალი

ნათია მოგელაძის უწყება დახმარებისთვის პროკურატურას მიმართავს

2012 ივნ 7 10:24:56

კონტროლის პალატის ფინანსური მონიტორინგის სამსახური მიიჩნევს, რომ "სახეზეა საქართველოს სისხლის სამართლის კოდექსის 1641 მუხლით გათვალისწინებული ამომრჩევლის მოსყიდვის დანაშაულის ნიშნები, რაც გამოიხატება საარჩევნო მიზნით, პირდაპირ ან არაპირდაპირ ფულის, ფასიანი ქაღალდის (მათ შორის, ფინანსური ინსტრუმენტის), სხვა ქონების, ქონებრივი უფლების, მომსახურების ან სხვა რაიმე უპირატესობის დაპირებაში.

ფინანსური მონიტორინგის სამსახური მიმართავს საქართველოს მთავარ პროკურატურას დაინტერესდეს აღნიშნული ფაქტით და კომპეტენციის ფარგლებში მოახდინოს მისი შესწავლა და რეაგირება".

იმავე დღეს, იმერეთის შს სამმართველოში დაიწყო ფლაერების დარიგების ფაქტზე გამოძიება, რის შესახებ საქართველოს გენერალურმა პროკურატურამ გაავრცელა განცხადება, სადაც ნათქვამია: "2012 წლის 5 ივნისს, მედია საშუალებებით გავრცელდა ინფორმაცია ქუთაისში პოლიტიკური პარტია „ქართული ოცნების" წარმომადგენელთა მხრიდან ამომრჩეველთათვის საარჩევნო ფლაერებზე დართული მნიშვნელოვანი მატერიალური ფასეულობების გადაცემის დაპირების შემცველი ბლანკების დარიგების შესახებ.

ვინაიდან აღნიშნული ქმედება შეიცავს დანაშაულის, კერძოდ, ამომრჩევლის მოსყიდვის ნიშნებს, ფაქტების შესწავლის მიზნით, გამოძიება დაწყებულია იმერეთის შინაგან საქმეთა სამინისტროს მთავარ სამმართველოში. საქართველოს სისხლის სამართლის საპროცესო კოდექსის შესაბამისად, გამოძიებას ზედამხედველობას უწევს პროკურატურა.

საქართველოს კანონმდებლობით გარანტირებულია გამოხატვის თავისუფლება და პოლიტიკური საქმიანობის უფლება. გამოძიების მიზანია დანაშაულებრივი ჩარევისაგან წინასაარჩევნო პროცესების დაცვა და პოლიტიკური პარტიებისა და მოქალაქეების საარჩევნო უფლებების უზრუნველყოფა".

მოისყიდა თუ არა კოალიცია "ქართულმა ოცნებამ" ამომრჩეველი, ამასთან დაკავშირებით "გურია ნიუსმა" განმარტების გაკეთება არასამთავრობო ორგანიზაციებს ახალგაზრდა იურისტთა ასოციაციას და კონსტიტუციის 42-ე მუხლს, ასევე "ქართული ოცნება _ დემოკრატიული საქართველოს" წევრს, იურისტ არჩილ კბილაშვილს თხოვა.

_ ბატონო არჩილ, რამდენად საფუძვლიანია კონტროლის პალატის მონიტორინგის სამსახურის ბრალდება, როცა ისინი "ქართულ ოცნებას" ამომრჩევლის მოსყიდვაში ადანაშაულებენ?

_ ამომრჩევლის მოსყიდვა უნდა იყოს იდენტიფიცირებული. ანუ უნდა იყოს მომსყიდველი და ის, ვინც ყიდულობს. ამ შემთხვევაში, ეს ბარათები ერთგვარ სოციოლოგიურ გამოკვლევას ემსახურებოდა, რათა კოალიციამ თავის პრიორიტეტები ააგოს იმ ნიშნულებზე, რომელსაც მოსახლეობა დააფიქსირებს. იქ არავითარი სახელი, გვარი არ ფიგურირებდა, შეიძლება ვიღაცამ მიაწერა, მაგრამ, ყოველ შემთხვევაში ჩვენ სახელი, გვარი, საიდენტიფიკაციო ნომერი და მისამართი არ გვაინტერესებს. ასე თუ ვიმსჯელებთ, საუბარია მთელი საქართველოს მოსახელობის მოსყიდვაზე. ამ შემთხვევაში, ამას მოსყიდვა კი არა, საარჩევნო პროგრამა ჰქვია.

ამ საკითხის მიმართ მსგავსი განმარტება და დამოკიდებულება ღიმილს იწვევს. ეს არის ხელისუფლების შიში ბიძინა ივანიშვილის ხელისუფლებაში მოსვლისა.

_ კონტროლის პალატის მიმართვის შემდეგ, რა იურიდიული საფუძველი აქვს მთავარ პროკურატურას მოკვლევის დასაწყებად?

_ იურიდიული საფუძველი არ არსებობს. ჩვენ შეიძლება ვისაუბროთ იურიდიულ შედეგებზე. იდეაში, ნებისმიერ სისხლის სამართლის დანაშაულზე გამოძიება დადებით შემთხვევაში უნდა დასრულდეს იმით, რომ გაირკვეს, ვინ ჩაიდინა ეს დანაშაული და ვინ იქნა მოსყიდული, ანუ უნდა მოხდეს იდენტიფიცირება.

_ ხომ შეიძლება აღმოჩნდეს ისეთი ადამიანი, რომელმაც "ქართული ოცნების" მიერ დარიგებულ ბიულეტენში ოცნების ასახდენად პირადობის ნომერი ჩაწერა და მისი იდენტიფიცირება პრობლემა არ იქნება. ამ შემთხვევაში რა პასუხი ექნება კოალიცია "ქართულ ოცნებას"?

_ იმის გამო, რომ ზოგიერთმა ადამიანმა სახელი, გვარი და ტელეფონის ნომერი მიაწერა, ამაზე ჩემი დამნაშავეობა-უდანაშაულობა არ არის დამოკიდებული.

კონკრეტული ადამიანის მოთხოვნას ჩვენ იმიტომ კი არ ვსწავლობთ, რომ მას ბინა მივცეთ. არამედ მისი ტექსტიდან ჩვენთვის ცხადი ხდება, რა ტიპის სოციალურ პრობლემასთან გვაქვს საქმე. თუ ვინმე წერს, რომ მკურნალობა ან წამალი უნდა, ჩვენ წამალს კი არ ვაძლევთ. ვხვდებით, რომ ამ კატეგორიის ადამიანებს ჯანდაცვის ტიპის პრობლემებთან აქვთ საქმე. ეს არის ჩვენთვის გამოკვლევის და შესწავლის საგანი. დანაშაული იქნებოდა, თუ ის ჩვენგან მიიღებდა წამალს, ბინას და ა.შ.

_ დაახლოებით, რამდენი ადამიანია ამ ბუკლეტებში?

_ მე ნამდვილად არ ვიცი. ალბათ ეს იქნება ასეულ ათასობით. ვიცი, რომ ასეთი ბარათები ყველასთვის ხელმისაწვდომი იყო. უშუალოდ მის დახარისხებაში მონაწილეობა არ მიმიღია.

_ ქუთაისში დარიგებული ბუკლეტები _ "ჩვენ ვიწყებთ" და თბილისში 27 მაისის აქციამდე და აქციის დღეს დარიგებული ბუკლეტები ერთმანეთის იდენტურია. თქვენი აზრით, რატომ დაინტერესდა კონტროლის პალატა კოალიციის დარიგებული ბუკლეტით მხოლოდ მაშინ, როცა მისი დარიგება ქუთაისში დაიწყეს?

_ ეს კითხვა უნდა დაუსვათ იმ ადამიანს, ვინც ეს მოიფიქრა. შეიძლება ვიფიქროთ, რომ გარკვეულ კონიუნქტურაზეა აგებული. არ ვიცი, რამდენად სწორი ანალიზი იქნება, მაგრამ დაუშვათ, რომ 27 მაისის აქციაზე 150 ათასამდე ადამიანი მოვიდა. ხელისუფლებამ ეს დაინახა და ცდილობს ყველაფერი გააკეთოს იმისთვის, რომ რაიონებში აქციაზე ისეთი დიდი ტალღით არ მოვიდეს ადამიანებიDდა ერთი კვირის მერე გააკეთა განცხადება.

ყოველ შემთხვევაში, რატომ არ მოხდა 27-ში განცხადების გაკეთება და რატომ მოხდა დღეს, სხვა რამე უფრო ლოგიკური ახსნა ამისა არ გამაჩნია.

_ რას ემსახურება კოალიციის მხრიდან ბუკლეტების დარიგება და დარიგდება თუ არა პრაისლისტები სხვა ქალაქებში?

_ მე ორგანიზაციულ საკითხებს არ ვწყვეტ მაგრამ, თუ მსგავსი ბუკლეტი დარიგდება ამას მივესალმები. რადგან კიდევ ერთხელ გავიმეორებ, ეს არის სოციოლოგიური გამოკითხვა, რომელიც პოლიტიკურ კოალიციას ესაჭიროება რათა განსაზღვროს სამომავლო პრიორიტეტები.

ყველა პოლიტიკური კოალიცია ემსახურება საზოგადოების დაკვეთის შესრულებას. ამიტომ მისთვის სასარგებლოა, გაიგოს რას ითხოვს საზოგადოება, რა პრობლემა აქვს მას. სხვანაირად, პოლიტიკური პარტიების არსებობა ყოველგვარ საფუძველს მოკლებულია. ამიტომ, ბუნებრივია ასეთი ფორმით აზრის გამოკითხვის მიღება სრულიად ლეგალურია.

დიმიტრი ხაჩიძე, "კონსტიტუციის 42-ე მუხლის" წევრი.

_ როგორ შეაფასებთ კონტროლის პალატის ფინანსური მონიტორინგის სამსახურის მიმართვას, გენერალური პროკურატურისადმი? მონიტორინგის სამსახური არ საუბრობს იმაზე, რომ დანაშაული მოხდა, არამედ ამბობს, რომ არის დანაშაულის ნიშნები.

_ მე ჩემს პირად მოსაზრებას გეტყვით _ კონტროლის პალატა, რა თქმა უნდა, ვერ ისაუბრებს რომ ეს დანაშაულია, ეს პროკურატურის პრეროგატივაა, კონტროლის პალატას ამას არავინ ეკითხება. მე ვერ ვხედავ აქ დანაშაულს. ის, რომ მე ოცნება მაქვს, მაცივარი და სარეცხი მანქანა მქონდეს, ეს არ არის ჩემი მოსყიდვა. კანონით, დეკემბრის რედაქციით, მე თუ პოლიტიკურ პარტიასთან მივიდოდი და მოვითხოვდი, მაცივარი მინდა და მომეცით,-მეთქი, ეს დანაშაული იქნებოდა ჩემი მხრიდან. მაგრამ ჯერ ეს ფაქტია გამოსაკვლევი _ გადასცა მატერიალური სიკეთე ამომრჩეველს?! იყო მოსყიდვა?! ბუკლეტის გავრცელება არანაირად არ ნიშნავს ამომრჩევლის მოსყიდვის მცდელობას.

ეკა ფოფხაძე, ახალგაზრდა იურისტთა ასოციაციის აღმასრულებელი დირექტორი.

_ ქალბატონო ეკა თუ დადასტურდა რომ "ქართულმა ოცნებამ" მოისყიდა თუნდაც ერთი ამომრჩეველი. რა სანქციები ემუქრება პარტიას და კონკრეტულ პირს, რომელმაც მიიღო მატერიალური სიკეთე?

_ თუ დადგინდა, რომ ამომრჩევლის მოსყიდვას აქვს ადგილი? ამას არეგულირებს სისხლის სამართლის კოდექსის 1641 მუხლი, სადაც აღნიშნულია, რომ ფაქტი იწვევს თვითონ ფიზიკური პირის პასუხისმგებლობას და არა პარტიის. ისჯება თავისუფლების აღკვეთით, ვადით სამ წლამდე ან ჯარიმით.

_ პარტიას რა სანქცია ემუქრება?

_ კანონში პარტიებთან დაკავშირებით აღნიშნულია რომ, თვითონ პარტია სისხლის სამართლის პასუხს არ აგებს.




 ახალი ამბები
  • მერი შავაძე: "როდესაც შვილის სიცოცხლეს ეხება საქმე, იქ უკვე სხვა დედა, სხვა ადამიანი ხდები"“რეპრესირებული ოჯახის შვილი ვარ, მაგრამ არასდროს დავცემულვართ სულიერად. ძალიან მშრომელი მშობლებში ოჯახში გავიზარდე და მეც მათგან ვისწავლე დაუღალავი შრომა“, _ გვიყვება თავის შესახებ ოზურგეთის მუნიციპალიტეტის სოფელ უკანავას (მთისპირი) მცხოვრები მერი შავაძე. მერი შავაძე მეუღლესთან, ჯემალთან და შვილთან _ თამუნასთან ერთად სოფლის ბოლოს, მთის ძირას ცხოვრობს. ქალაქიდან მოშორებით, შეიძლება ითქვას, სხვა სამყაროში. ჯემალს და მერის კიდევ ჰყავს ერთი შვილი, რამაზი, რომელიც ოჯახთან ერთად ბათუმში ცხოვრობს. დღეს მხოლოდ ქალბატონი მერის შესახებ მოგითხრობთ. ვთვლი, რომ ის ჩვენი დროის გმირია და თუ რატომ ვფიქრობ ასე, ამას წერილიდან შეიტყობთ. მერის ამბები სპონტანურად ჩავწერეთ. ხან _ ბოსტანში, ხან _ სამზარეულოში და ხან კიდევ ეზოში მოგვიწია მასთან გასაუბრება. ბავშვობა “ჩოხატაურის მუნიციპალიტეტის სოფელ ზოტში ვცხოვრობდით. ვიდრე ცოცხალი იყო ბებიაჩემი და ბაბუაჩემი გადასახადს იხდიდნენ, რადგან რეპრესირებული ოჯახის წევრები ვიყავით. ბაბუაჩემი 1941 წელს წაიყვანეს  ომში, ბებიაჩემი მარტო დარჩა ორ შვილთან ერთად. ჩვენს ოჯახს შუა აზიაში უპირებდნენ გადასახლებას, მაგრამ ბებიაჩემა იმდენი მოახერხა, დატოვეს. მამაცი ქალი იყო, წერა-კითხვა არ იცოდა. შვილებთან ერთად მუშაობდა ყოველდღე. მისი ნამუშევარის დიდ ნაწილს ხარკის სახით სახელმწიფოს უხდიდა. წლების შემდეგ გაირკვა, რომ ბაბუაჩემს ცოლად გერმანელი ქალი შეურთავს. ბაბუაჩემმა მითხრა, ომში სიცოცხლე გერმანელმა ქალებმა შეგვინარჩუნესო. გერმანიაში ორი შვილი შეეძინათ, შემდეგ ბაბუაჩემი შვილებთან ერთად ჩამოვიდა ზოტში. ბავშვები ბებიაჩემმა და მამიდაჩემმა გაზარდეს. რაც შეეხება ჩემს ბავშვობას, არანაირი გასართობი არ იყო ბავშვებისთვის... მახსოვს კვირაში ერთხელ კინო იყო სოფელში. ბავშვობიდან ვიყავი ბოსტანში, ყანაში, ვუვლიდი შინაურ ცხოველებს და ფრინველებს“. პირველი სიყვარული და ოჯახი... „მამაჩემის ბიძაშვილმა ცოლი მოიყვანა უკანავიდან. როდესაც სოფელში მოიყვანეს პატარძალი, იქ დავინახე ჯემალი და დაიწყო ჩვენი სიყვარულის ამბავი. წელიწადში ერთხელ ვნახულობდით ერთმანეთს. გაცნობიდან სამ წელში გავთხოვდი. მეათე კლასში ვიყავი, საგამოცდო ბილეთები მქონდა ხელში, როდესაც დავინიშნე ჯემალზე. პედაგოგიურზე ვაპირებდი ჩაბარებას, მაგრამ ოჯახის შექმნა გადავწყვიტე. შეგვეძინა ორი შვილი _ რამაზი და თამუნა". მერი შავაძე 2006 წელს „გურია ნიუსის“ რედაქციაში მოვიდა და თავისი მთავარი გასაჭირის გასაცნობად სახლში მიგვიწვია. „ყველაზე მძიმე პერიოდი გამოვიარეთ, ვიდრე თამუნა ეტლით მოსარგებლე გახდებოდა, ათასი პრობლემა იყო სოფელში და ეს ჩვენს ოჯახსაც შეეხო. 90-იანი წლები ყველას ახსოვს. მე და ჩემმა მეუღლემ სოფლის მეურნეობას მივყევით ხელი _ წელიწადში მარტო ათას ძირ ლობიოს ვუვლიდი, სიმინდის ყანა გვქონდა, შინაური ცხოველები. როდესაც ოჯახი შევქმენით უკანავაში დავსახლდით. ტყის პირას ქოხში ვცხოვრობდით. წლების შემდეგ პატარა სახლი ავაშენეთ. შემდეგ მოხდა უბედური შემთხვევა _ თამუნას ოთხივე კიდური პარალიზებული ჰქონდა (მოჭრილი ხის დაცემის შედეგად). მოტეხილი ჰქონდა კისერი, კერძოდ, მეხუთე და მეექვსე მალა. ქუთაისში ჩატარებული ოპერაციის შედეგად გადარჩა. ამის შესახებ ყველამ კარგად იცის. ახლაც სჭირდება დახმარება და რეაბილიტაციისთვის თურქეთში წასვლა, მაგრამ ამის საშუალება არ გვაქვს. წამებში შეიცვალა ჩემი ცხოვრება. ერთი თვე დამჭირდა გამეაზრებინა თამუნას ამბავი და შემდეგ შევუდექი აქტიურობას. 2006 წლიდან დღემდე ყველას შეძლებისდაგვარად ვაწუხებდი და ვაწუხებ. როდესაც შვილის სიცოცხლეს ეხება საქმე, იქ უკვე სხვა დედა, სხვა ადამიანი ხდები და ეს გრძნობა ენით აღუწერელი არის. იყო დრო, როდესაც ხელისუფლების წარმომადგენელს ვხვდებოდი, ფეხსაცმელიც არ მქონდა მთელი, შიგნით ცელოფანი მქონდა ჩაფენილი და ისე მივდიოდი სოფლიდან ქალაქში. რამდენჯერ ცხვირწინ მოუხურავთ ჩემთვის კარი, ამის გამო მიტირია, მაგრამ ეს ამბავი სახლში არ მითქვამს. ბევრჯერ დაგვხმარებია ხელისუფლება, პოლიტიკოსები, საზოგადოების წევრები. კეთილი ადამიანები არსებობენ და ამით გადავრჩით. ხშირად მქონია უიმედობის შეგრძნება, მაგრამ ისევ კეთილი ადამიანებს გამოვუყვანივარ მდგომარეობიდან". “როგორია ქალის ცხოვრება სოფლად?“ „იშვიათად მცალია მეზობელთან გადავიდე და ყავა დავლიო. დილა იწყება ჩემთვის 6 საათზე და არც ვიცი, როდის ვიძინებ. დილით ყავას დავლევ და შემდეგ, როდის ვჭამ საჭმელს, არ ვიცი. ბოსტანი მაქვს, ვუვლი ყვავილებს, ზაფხულიდან დღემდე ზამთრისთვის შესანახებს ვინახავ. მეტი, რა უნდა გავაკეთო, ერთმა ქალმა. ასეთია სოფლად მცხოვრების ქალის ბედი. მთავარია, ჯანმრთელობა და სხვას მე არაფერს ვნატრობ“. რაზე ოცნებობს მერი შავაძე? “თამუნიას ჯანმრთელობაზე ვოცნებობ, რომ ეტლით აღარ დადიოდეს. ჩემი ოცნება ეს არის. მინდა წავიყვანო თურქეთში და ჯანმრთელად მყავდეს ჩემი გოგო. მეტს არაფერს ვთხოვ ღმერთს, ყველაფრისთვის მადლობელი ვარ“. 15 ოქტომბერი სოფლად მცხოვრები ქალების საერთაშორისო დღეა! საქართველოში დასაქმებული ქალების 36% სოფლის მეურნეობითაა დაკავებული. გაეროს ქალთა ორგანიზაციის ინფორმაციით, მათი უმრავლესობა მცირე საოჯახო მეურნეობებში მუშაობს. მცირე მეურნეობების მხარდაჭერა სოფლად ქალების გაძლიერებას ... ...
  • საქართველოს ბანკის პარტნიორობით „უძრავი ქონებისა და სასტუმრო ბიზნესის საერთაშორისო ყოველწლიური ფორუმი“ იმართება (R)საქართველოს ბანკის პარტნიორობით, Property Georgia-ს, FIABCI Georgia-ს ინიციატივითა და ორგანიზებით 15-16 ოქტომბერს „უძრავი ქონებისა და სასტუმრო ბიზნესის საერთაშორისო ყოველწლიური ფორუმი „მდგრადი და მედეგი ქალაქების მშენებლობა“ იმართება. ფორუმის მიზანია, საქართველოს მსოფლიო რუკაზე პოზიციონირება მოხდეს, როგორც უძრავი ქონებისა და ტურიზმის, სასტუმრო ბიზნესის საერთაშორისო ლოკაცია. ფორუმზე განიხილება  ისეთი საკითხები, როგორიცაა: მდგრადი ქალაქების შექმნის ეკონომიკური შედეგები; ქალაქებში მდგრადი ურბანული ინფრასტრუქტურისა და ტურიზმის  განვითარება. ფორუმს 300-ზე მეტი დელეგატი და მსოფლიოს სხვადასხვა ქვეყნიდან მოწვეული 50-ზე მეტი ინვესტორი ესტუმრა, რომლებიც, თბილისთან ერთად, საქართველოს რამდენიმე რეგიონს მოინახულებენ. სტუმრობის მიზანია, ინვესტორები გაეცნონ უძრავი ქონებისა და ტურიზმის საუკეთესო შეთავაზებებს მთელი ქვეყნის მასშტაბით. ღონისძიებას საერთაშორისო მედიაპარტნიორობას გაუწევს Dow Jones/Mansion Global/FN. ფორუმს გააშუქებს წამყვანი და  გავლენიანი საერთაშორისო მედიასაშუალებები: BBC, CNN, Bloomberg. „მოხარული ვართ, ვიყოთ ასეთი საერთაშორისო და მასშტაბური ფორუმის გენერალური პარტნიორები, რომლის მიზანიცაა, ხელი შეუწყოს  საქართველოს მსოფლიო რუკაზე პოზიციონირებას, როგორც უძრავი ქონებისა და ტურიზმის, სასტუმრო ბიზნესის საერთაშორისო ლოკაციას. ამის დიდი პოტენციალი ნამდვილად აქვს ჩვენს ქვეყანას. საინტერესოა, რომ ფორუმის ფარგლებში  50-ზე მეტ ინვესტორს ექნება შესაძლებლობა, გაეცნონ ქართული უძრავი ქონების ბაზარს  და ტურიზმს.  ვფიქრობ, ეს არის ძალიან კარგი შესაძლებლობა, როგორც მათთვის, ისე ჩვენთვის, ქვეყნისთვის, რაც მნიშვნელოვნად გაზრდის საქართველოს ცნობადობას. ფორუმის მიმართ არის ძალიან დიდი ინტერესი, რაც  სასიხარულოა. მსგავსი ღონისძიებები  მნიშვნელოვანია, რათა რაც შეიძლება მეტ ადამიანს, მთელი მსოფლიოს მასშტაბით და  მეტ ინვესტორს,  არსებულსა თუ პოტენციურს, გავაცნოთ ის რეალური შესაძლებლობები, რაც ჩვენს ქვეყანას აქვს“, - განაცხადა საქართველოს ბანკის გენერალური დირექტორის მოადგილემ, გიორგი ფაილოძემ. ... ...
  • ოზურგეთში საყოველთა ჯვრისწერა გაიმართაქალაქ ოზურგეთში, ღმრთისმშომბლის მიძინების საკათედრო ტაძარში საყოველთაო ჯვრისწერა გაიმართა. ეს ღონისძიება საქართველოს კათოლიკოს-პატრიარქის კურთხევითა და საქართველოს ჩოხოსანთა ორგანიზაციის ორგანიზებით შედგა. ოზურგეთში საყოველთა ჯვრისწერა ჩოხოსანთა ორგანიზაციის წევრების თემურ სირაძისა და თამარ გიორგაძის ხელმძღვანელობით გაიმართა. ამჯერად, ჯვარი დაიწერეს წყვილებმა: ბადრი კვირკველიამ და ნანა სიხარულიძემ; გერონტი გიორგაძემ და სოფიო ტარიელაძემ; ჯემალ და ლენა შუკაკიძეებმა;  ავთანდილ ცეცხლაძემ და ნანული სურგულაძემ; გიორგი  და  მედეა მაღლაკელიძეებმა. მოქალაქეებს ჯვარი დეკანოზმა ერმოლაუსმა დაწერა. ორგანიზატორის თამუნა გიორგაძის თქმით, საყოველთა ჯვრისწრა მომავალშიც ... ...
  • "ჯადოსნური ახალი წელი აბუ დაბიში" _ ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის...15 ოქტომბრის 00:00:01 საათიდან 24 ნოემბრის 23:59:59 საათის ჩათვლით Apple Pay-ს საშუალებით Visa ბარათით განხორციელებული ტრანზაქციები ლიბერთის მომხმარებლისთვის მომგებიანია!  კამპანიის ფარგლებში კამპანიის პირობებით განსაზღვრული ყველა Visa ბარათის მფლობელი,  რომელიც კამპანიის პერიოდში გადაიხდის მინიმუმ 10 ლარს Apple Pay-ს საშუალებით მიიღებს ქეშბექს 10 ლარის ოდენობით პირველ გადახდაზე.   კამპანიის დასრულების შემდეგ გამოვლინდება გამარჯვებული, რომელიც მიიღებს სამოგზაურო პაკეტს აბუ დაბიში ახალი წლის ღამეს ბრუნო მარსის კონცერტზე დასასწრებად! კამპანიის გამარჯვებულს გამოავლენს ლიბერთი ბანკი მის ხელთ არსებული მონაცემების საფუძველზე და გამარჯვებულად ჩაითვლება კამპანიაში მონაწილე პირი, რომელსაც 15 ოქტომბრის 00:00:01 საათიდან 24 ნოემბრის 23:59:59 საათის ჩათვლით დაუფიქსირდება ბანკის Visa ბარათით განხორციელებული ყველაზე მეტი ტრანზაქცია Apple Pay-ს საშუალებით (თითო ტრანზაქცია - მინიმუმ 10 ლარი). სამოგზაურო პაკეტი მოიცავს:   5 დღიან საგზურს აბუ დაბიში, 5 ან მეტ ვარსკვლავიან სასტუმროში 2 ადამიანზე; ავიაბილეთებს; საახალწლო ვახშამს; 2 VIP ბილეთს ბრუნო მარსის კონცერტზე, 31 დეკემბერს  იხილეთ დეტალური წესები და პირობები ბმულზე: http://bit.ly/2OJOkCF  ლიბერთის მომხმარებლები, Apple Pay-ს მარტივი, უსაფრთხო და კონფიდენციალური გადახდის სისტემით მთელი ქვეყნის მასშტაბით, ლიბერთი ბანკის პარტნიორ ორგანიზაციებში 3 სექტემბრიდან უკვე სარგებლობენ. აქციის ფარგლებში ქეშბექის და სამოგზაურო პაკეტის მოგების შანსის მიღება3500-ზე მეტ უკონტაქტო ტერმინალზე გადახდისას არის შესაძლებელი. Apple Pay-ს გამოყენება და მასში ბარათების დამატება მარტივია. მაღაზიებში, Apple Pay-ს გამოყენება შესაძლებელია iPhone SE, iPhone 6 და მის შემდეგ გამოშვებული მოდელების, ასევე Apple Watch მოწყობილობების გამოყენებით.  გაიგე როგორ დაამატო ბარათი Apple ... ...
  • „დეპრესიას უმადურობა იწვევს“ - ფსიქოლოგი მარინა კაჭარავა„აზროვნების აკადემია“,  პროექტ  „სალონური საუბრების” ფარგლებში, სოციალურ ქსელში ამჯერად ფსიქოლოგ მარინა კაჭარავას ლექციას აქვეყნებს, რომელიც დერპესიულ აშლილობას ეხება: “ფსიქიატრების აზრი ძალიან უახლოვდება რელიგიურ მოსაზრებას, რომ უმადურება უდრის დეპრესიას. ამ დროს არ აქვს მნიშვნელობა, ბევრი გაქვს თუ ცოტა, ხახვის და პურის უმადური ხარ თუ სასახლეები გაქვს და ამის. ზოგადად, უმადურობა იწვევს დეპრესიას. აღმოჩნდა, რომ თავის ტვინში არის ოპიატური რეცეპტორები, სიამოვნების ჰორმონი, რომელიც თურმე გამომუშავდება მაშინ, როდესაც ხარ მადლიერი. როდესაც არ ხარ მადლიერი, ეს სიამოვნება დაკარგული გაქვს და მას ეძებ.  თუ ხარ მადლიერი იმის, რაც გაქვს, გაქვს სიმშვიდეც. სიმშვიდეც მადლიერებას მოაქვს და ანტიდეპრესანტიც ეგაა. ჩვენ კულტურალურად ძალიან დამძიმებულები და უმადურები ვართ. დაახლოებით 20 წლის წინ ამერიკელებთან ერთად ტრენინგზე ვისხედით და იქ იყო ასეთი სიტუაიცა. ყველა იწყებდა საუბარს ასე, გამარჯობა, მინდა მადლობა გადავუხადო ბებიას, რომელმაც ფუნთუშები დამიმზადა. მეორემ მადლობა მეზობელს გადაუხადა, რომელმაც გაუღიმა. მესამემ მადლობა გადაუხადა მზეს მზეს და მივხვდი, რომ აქ ხდება პოზიტივში საკუთარი თავის ამოქოქვა. ანუ დღეს ვიწყებთ პოზიტიურად იმით, რომ მადლობას ვუხდით ვინმეს და ეს თურმე ჩვენთვისვე არის კარგი. მადლობელი რომ ხარ უკვე ეს ჩემთვისაა კარგი და არა მისთვის, მისაც ... ...

არქივი

ზაფრანი

ყავა სიკვდილის რისკს ამცირებს

ცოტა ხნის წინ ესპანეთის ქალაქ...

ჩაის რეცეპტი, რომელიც სიგარეტის მოწევის სურვილს აქრობს

თუ სიგარეტისთვის თავის დანებება გინდათ,...

რომელი პროდუქტი არ უნდა შეინახოთ საყინულეში

მაცივრის საყინულეში ბევრ საკვებ პროდუქტებს...

როგორ ამოვიცნოთ გენმოდიფიცირებული პროდუქტი

საზიანოა თუ არა გენმოდიფიცერებული საკვები...

მარტივი მეთოდები ჯანმრთელობის შესამოწმებლად

თვალები _ მოშორდით მონიტორს 4-5 ნაბიჯით,...

ხილი, რომელსაც უნდა ვერიდოთ

სამწუხაროდ, ყველა ხილი ჩვენი ფიგურისთვის...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...