"გამგეობა და გამგებელი რაღაცას "ცუღლუტობენ"

სამართალი

"გამგეობა და გამგებელი რაღაცას "ცუღლუტობენ"

18 იან. 2011, 23:32:54
ამბავი, რომლის შესახებაც უნდა გიამბოთ, ნაცნობი სიტუაციის უცნობ ფაქტებს ეხება. მოქმედება ოზურგეთის მუნიციპალიტეტის გამგეობაში ხდება. მონაწილეობენ: ყოფილი გამგებლები (ბუნებრივია, რომ მოქმედიც არ იქნება ამ შემთხვევაში უმოქმედო) და გამგეობის (შესაბამისად, ნაციონალური მოძრაობის) თანამშრომლები. ამოცანა მარტივია: შესადგენია დოკუმენტები, იურისტების შეფასებით _ გასაყალბებლები, მთავარი მოქმედი პირების თქმით, კი "არაფერი განსაკუთრებული არ არის გასაკეთებელი".
ასე არ ფიქრობს ოზურგეთის მუნიციპალიტეტის საკრებულოს ოპოზიციონერი წევრი თემურ სალუქვაძე, რომელმაც გამგეობის მიერ გათამაშებულ ამ სცენარში პროკურატურა ჩართო, პროკურატურამ კი ოზურგეთის რაიონული პოლიცია. საქმე ეხება ოზურგეთის რაიონული გამგეობის მიერ გამოცემულ #181 დადგენილებას (23 მაისი 2005 წელი), რომელიც სალუქვაძეს ორ ცალად აქვს _ ერთი სასამართლოდან არის ამოღებული, მეორე კი გამგეობიდან. ორივე დადგენილება ერთნაირია, "მცირეოდენი" შესწორებით. დადგენილება არასასოფლო-სამეურნეო დანიშნულების მიწის ნაკვეთების საკუთრებაში ან სარგებლობაში გადაცემაზე 2005 წლის 20 მაისის აუქციონის შედეგების დამტკიცებას ეხება. სასამართლოდან ამოღებული დადგენილებით (აუქციონის შედეგები შპს "ჭალასაყდარმა" გაასაჩივრა, დადგენილება, სხვა დოკუმენტაციასთან ერთად, სასამართლოში სარჩელს დაურთო და შესაბამისად, ეს დადგენილება ოფიციალურად ითვლება. ამის შესახებ ჟურნალისტურ მოკვლევას ჩვენ უახლოეს ნომერში შემოგთავაზებთ) ირკვევა, რომ აუქციონში 17-მა ადამიანმა მიიღო მონაწილეობა, ხოლო გამგეობიდან წამოღებული ოფიციალური დოკუმენტით აუქციონში მონაწილე 18 პირი ფიქსირდება. მეთვრამეტე ვინმე ლალი თავართქილაძეა, რომელსაც მიწა დაბა ურეკში აქვს შეძენილი. ორივე დადგენილებას ხელს ოზურგეთის იმდროინდელი გამგებელი და დღევანდელი გუბერნატორი ვალერი ჩიტაიშვილი აწერს.
გუბერნატორი ახლა ამბობს, რომ ამ საქმესთან კავშირი არ აქვს და პირდაპირ არა, თუმცა ირიბად ხელს იმდროინდელ კომისიის თავმჯდომარისკენ, ვანო ტაბატაძისკენ იშვერს. ტაბატაძე პრესასთან კავშირზე არ გამოდის, თუმცა როგორც ჩვენთვის ცნობილია, ის უკვე დაკითხეს სამართალდამცავებმა. წყაროს თქმით, არ არის გამორიცხული ბახმაროს მიწების მსგავსად, აქაც განტევების ვაცი "ლიფსიტა" აღმოჩნდეს, ოღონდ იმ სხვაობით, რომ აქაურ "ლიფსიტას" დოკუმენტზე ხელი აქვს მოწერილი, ჩოხატაურელს კი ბახმაროს მიწებთან მართლაც არაფერი ჰქონდა საერთო. არც ის არის გამორიცხული ეს საქმე საერთოდ მიფუჩეჩდეს, მით უმეტეს, რომ პროკურატურამ მის გამოძიებაზე უარი თქვა და ბურთიც და მოედანიც ოზურგეთის პოლიციის სამმართველოს გადაულოცა.
ჩიტაიშვილის არა, თუმცა მისი კადრის, ავთო მექვაბიშვილის გამგებლობის პერიოდში გაკეთებული მორიგი სადაო დოკუმენტაცია ურეკის მიწებს ეხება. 2009 წლის 18 დეკემბერს, მექვაბიშვილმა საიჯარო ხელშეკრულება გაუფორმა მოქალაქე ციცინო ფუტკარაძის მიერ მინდობილობით წარმოდგენილ პირს დავით თოდრიას და 20 -წლიანი იჯარით გადასცა 320 კვმ მიწის ნაკვეთი. როგორც ზემოთ აღვნიშნეთ, ხელშეკრულება მინდობილობით აღჭურვილ პირთან 18 დეკემბერს არის გაფორმებული, მინდობილობა კი ფუტკარაძესა და თოდრიას შორის, ხელშეკრულების გაფორმებიდან ერთი კვირის შემდეგ _ 25 დეკემბერს. 
_ 2005 წელს, როცა დადგენილება გამოიცა, მე აქ არ ვმუშაობდი. როგორც ვხვდები, საქმე ტექნიკურ შეცდომასთან გვაქვს. სავარაუდოდ ამობეჭდვის დროს არის შეცდომა დაშვებული. ერთი ასლი დაიბეჭდა შეცდომით, მეორე გასწორდა და ორივე ვარიანტი ამობეჭდეს. როგორც ჩანს, ის გაატარეს და გაატანეს დაინტერესებულ პირს, რომელშიც შეცდომა იყო. მე როცა მუშაობა დავიწყე, ეს პროცესი დაწყებული არ იყო. არასდროს დამდგარა დღის წესრიგში, აქ რაღაც აკლიაო. შემთხვევით აღმოაჩინეს, რამდენადაც ვიცი, _ გვითხრა ოზურგეთის გამგეობის იურიდიული სამსახურის უფროსმა თეა ლომჯარიამ, რომელსაც ვალერი ჩიტაიშვილის კადრად მიიჩნევენ.
_ თქვენი მუშაობის დროს დაშვებულია საკმაოდ სერიოზული შეცდომა _ ფუტკარაძესთან გაფორმებულ ხელშეკრულებას ვგულისხმობთ. საეჭვოა, რომ თქვენს მიერ დაშვებული "ტექნიკური შეცდომები" მაინცდამაინც მიწებს ეხება და ისიც დაბა ურეკში... 
_ ეს საკითხი არავის გაუხდია სადაო. შეცდომა ნებისმიერ აქტში შეიძლება გაიპაროს(?!). თუმცა, მას ცუდი შედეგები არ მოყვება. 181-ე  დადგენილებაზე, ერთი შეხედვით, არა იურისტის თვალით, შესაძლებელია ვიფიქროთ რომ სისხლის სამართლის დანაშაულია, მაგრამ პირველი _ მე არც ვარ კომპეტენტური ამ საკითხზე ვისაუბრო, და მეორე _  ამაზე წინასწარი მოკვლევა დაწყებულია და სიმართლეს შესაბამისი ორგანოები დაადგენენ.
_ იურისტის თვალით საეჭვო არ არის ეს შეცდომები? როგორც ვიცით, ასეთი "ტექნიკური შეცდომებით" სავსე დოკუმენტები საკმაოდ ბევრია...
_ არა, მართლა არ არის საეჭვო. პრაქტიკაში ისეთი შემთხვევაც გვქონია, რომ დანიშვნის ბრძანებაშიც გაგვპარვია შეცდომა. კომპიუტერში უამრავი დოკუმენტი და ბრძანებაა. მათ ნიმუშზე კეთდება სხვები. აქ ხალხმრავლობაა და დაცული არ ხარ. შესაძლებელია, ვიღაც შემოვიდა შეკითხვით, ხან ჩვენ გაგვეპარა, მაგრამ ეს მის შინაარსს არაფერს უცვლის. მე 18-ს დავწერ თუ 28-ს, არ ცვლის შინაარსს.
_ თქვენი "ტექნიკური შეცდომები" ქმნის ეჭვს, რომ შესაძლოა, აქ კორუფციას ჰქონდეს ადგილი...
_  ეს მხოლოდ თქვენი ეჭვია და აბსოლუტურად მოკლებულია რეალობას, _ აღნიშნა ლომჯარიამ.
ეჭვები კი მართლაც ბევრია და ლოგიკური. მით უმეტეს, იმ ფონზე, რომ ყველა "ტექნიკური შეცდომის" მქონე დოკუმენტაცია ზღვისპირა ზოლის მიწებს ეხება. როგორც წყარომ გვითხრა, მსგავსი დოკუმენტაციებით არის გაცემული გრიგოლეთის მიწები, რომლის შესწავლაც ოზურგეთის პროკურატურამ უკვე დაიწყო და რაოდენ გასაკვირიც არ უნდა იყოს, დამნაშავეების იპოვა _ მყიდველები. ამ ადამიანებს არ იჭერენ, არც ჯარიმებს აწერენ _ მხოლოდ მიწებს ართმევენ, ამ სიტყვის პირდაპირი მნიშვნელობით (უთოფოდ დაწყებული ყაჩაღობის თემაზე  ჟურნალისტურ გამოძიებას ჩვენ უახლოეს ნომერში შემოგთავაზებთ).
_ საერთოდ, გამგეობის დოკუმენტების სიზუსტეზე, გამართულობას და სრულყოფილებაზე პასუხისმგებლობა, საბოლოო ჯამში, გამგებელს ეკისრება, რადგან ყველა ამ დოკუმენტს (ბრძანება იქნება იგი თუ ხელშეკრულება) თავად აწერს ხელს და მისი სახელით ფორმდება. შესაძლოა, მას ამ დოკუმენტების ტექსტის შედგენაში რომელიმე თანამშრომელი ეხმარებოდეს, მაგრამ ვიმეორებ, უშუალოდ დოკუმენტის ტექსტის, ასევე დოკუმენტის სავალდებულო რეკვიზიტების სისწორეზე, სრულყოფილებასა და გამართულობაზე პასუხისმგებელი თვითმმართველი ერთეულის აღმასრულებელი რგოლის ხელმძღვანელია. სხვათა შორის, საგანგებოდ უნდა გაესვას ხაზი იმ გარემოებასაც, რომ იმ თანამშრომლის ვინაობა, რომელიც დახმარებას უწევს გამგებელს ამ დოკუმენტების მომზადებაში, დაცულია გამხელისაგან აღმასრულებელი პრივილეგიით, საქართველოს ზოგადი ადმინისტრაციული კოდექსის 29-ე მუხლის შესაბამისად. როგორც წესი, კანონის ამ მოთხოვნის დარღვევა იწვევს გადაწყვეტილების მიღებაზე პასუხისმგებელი თანამდებობის პირის (კონკრეტულ შემთხვევაში _ გამგებლის) პასუხისმგებლობას. რაც შეეხება იმას, რომ გამგეობა ხშირად მის დოკუმენტებში დაფიქსირებულ სხვადასხვა უზუსტობებს "ტექნიკური ხასიათის შეცდომად" მიიჩნევს, ამასთან დაკავშირებით უნდა აღინიშნოს შემდეგი: რა თქმა უნდა, დოკუმენტის შედგენისას შეცდომის დაშვებისგან არავინაა დაცული, მაგრამ როდესაც ეს შეცდომები სისტემატურ ხასიათში გადადის, როდესაც გამგეობის ერთი და იმავე, ერთნაირი რეკვიზიტების მქონე ოფიციალური დოკუმენტის სათანადო წესით დამოწმებული ორი სხვადასხვა ასლის შინაარსს შორის არსებითი განსხვავებაა, თანაც, როდესაც ეს გადაწყვეტილება გამგეობის მხრიდან მეტად მნიშვნელოვანი უძრავი ქონების განკარგვას უკავშირდება, ბუნებრივია, ამ დროს დაშვებული უზუსტობების არგუმენტირებისას "ტექნიკური ხასიათის შეცდომაზე" აპელირება, მსუბუქად რომ ვთქვათ, არასერიოზულია. მეტიც _ უკანონოა, თუნდაც მხოლოდ იმიტომ, რომ ასეთი მნიშვნელოვანი გადაწყვეტილების მიღებისას, გამგებელი, როგორც გადაწყვეტილების მიღებაზე პასუხისმგებელი თანამდებობის პირი, ვალდებულია უფრო მეტი ყურადღება და პასუხისმგებლობა გამოიჩინოს. არადა, გამგეობის ოფიციალურ დოკუმენტებში არაერთგზის დაფიქსირებული მსგავსი ტიპის (გამგეობის არგუმენტით) "ტექნიკური ხასიათის უზუსტობების" სიხშირე, ძალაუნებურად ბადებს (დიდი ალბათობით, არცთუ უსაფუძვლო) ეჭვს, რომ გამგეობა და გამგებელი რაღაცას "ცუღლუტობენ" და თუკი საქმეში კომპეტენტური სახელმწიფო ორგანოებიც "ჩაიჭვრეტენ", მთლად მხოლოდ "ჩიტი ბრდღვნად ღირს" ვარიანტიც არ უნდა შერჩეთ ხელში, _ თქვა ჩვენთან საუბრისას საქართველოს დემოკრატიული განვითარების კავშირის იურისტმა ირაკლი პაპავამ.




 ახალი ამბები
  • აუქციონი ოზურგეთში მცხოვრები ხარაბაძეების ოჯახისთვისქართველი მხატვარია ნინო ჩაკვეტაძე სოციალურ ქსელში განცხადებას ავრცელებს _ ის ოზურგეთში მცხოვრები ხარაბაძეების ოჯახის დასახმარებლად აუქციონს აწყობს.  “მეგობრებო, გამარჯობა! კვლავ დაგიბრუნდით საქველმოქმედო აუქციონით. დღევანდელ დღეს ვუძღვნით ოზურგეთის რაიონის სოფელ ბაღდადში მცხოვრებ სოციალურად დაუცველ ხარაბაძეების ოჯახს. ოჯახი უმძიმეს პირობებში ცხოვრობს _ წლინახევრის ბიჭს გაჭირვებაში ზრდიდნენ, დედა მეორე შვილზე მშობიარობისას გარდაიცვალა. ახალშობილს ჯანმრთელობის სერიოზული პრობლემები აქვს. დღევანდელ აუქციონზე გაიყიდება ილუსტრაცია ნოდარ დუმბაძის ლექსისთვის „ფისო“ _ მუყაო, აკრილი, 42/30 სმ. თანხა, რისი გადახდაც გსურთ ილუსტრაციის შესაძენად, დააფიქსირეთ კომენტარებში და აუცილებლად მოგვწერეთ პირადი შეტყობინების სახითაც. გარკვეული ხარვეზების გამო, ზოგიერთი კომენტარი დროულად არ ჩანს. ილუსტრაციის საწყისი ფასია 200 ლარი. აუქციონი დასრულდება დღეს, 22:00. თქვენი აქტიურობის იმედი მაქვს. ნინო“, _ წერს ნინო ... ...
  • ავტოსაგზაო შემთხვევას ბათუმში კაცი ემსხვერპლაავტოსაგზაო შემთხვევას ბათუმში ახალგაზრდა მამაკაცის სიცოცხლე ემსხვერპლა. ახალგაზრდა მამაკაცს ავტომობილი აეროპორტის გზატკეცილზე დაეჯახა. შსს-ს ინფორმაციით, გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების წესის დარღვევას ... ...
  • 29 მაისიდან საზოგადოებრივ ტრანსპორტში მგზავრთა ნაკადი გაკონტროლდებასაზოგადოებრივი ტრანსპორტი 29 მაისიდან შეცვლილი პრინციპით იმუშავებს. როგორც თბილისის ვიცე-მერმა, ირაკლი ხმალაძემ ჟურნალისტებს განუცხადა, მგზავრთა რაოდენობა გაკონტროლდება ტრანსპორტში და გაჩერებებზე. „იქნება გარკვეული შეზღუდვები, მაგალითად, დაცული იქნება მძღოლი ბარიერით, სავალდებულო იქნება პირბადეების ტარება და ამას გააკონტროლებენ როგორც მუნიციპალური სამსახურები, ასევე საპატრულო პოლიციის ქვედანაყოფები, განსაკუთრებით მეტროში. ჩვენი თანამშრომლები იმოძრავებენ როგორც ტრანსპორტში, ასევე გაჩერებებზე. ახალი დავალებაა, რომ შეიძლება მოგვიწიოს რაოდენობრივი კონტროლის დაცვა, რათა არ მოხდეს საზოგადოებრივი ტრანსპორტის გადავსება“, _ განაცხადა ხმალაძემ. ხმალაძის განმარტებით კონტროლი იქნება მეტროში შეშვებაზე. ... ...
  • „ბახვი 2" ჰესზე გაცემული გარემოსდაცვითი გადაწყვეტილება უკანონოა - EMC სასამართლოს მიმართავს ადამიანის უფლებების სწავლების და მონიტორინგის ცენტრის (EMC) განცხადებით, „ბახვი 2" ჰესზე გაცემული გარემოსდაცვითი გადაწყვეტილება უკანონოა. EMC-მა ადგილობრივი გარემოსდაცვითი სათემო ორგანიზაცია "ეკოს" სახელით, ოზურგეთში, მდინარე ბახვისწყალზე დაგეგმილი ჰიდროელექტროსადგურის - ბახვი 2-ის მშენებლობისა და ექსპლუატაციის თაობაზე მიღებული გარემოსდაცვითი გადაწყვეტილების ბათილად ცნობის მოთხოვნით თბილისის საქალაქო სასამართლოს მიმართა. გარემოსდაცვითი გადაწყვეტილება საქართველოს გარემოს დაცვისა და სოფლის მეურნეობის მინისტრმა 2020 წლის 23 აპრილს, ქვეყანაში საგანგებო მდგომარეობის მოქმედების პირობებში მიიღო. გზშ-ის ანგარიშით დგინდება, რომ 36 მგვ-იანი სიმძლავრის დადგმული ჰიდროელექტროსადგურის მშენებლობისა და ექსპლუატაციის პროექტის განხორციელება დაგეგმილია ოზურგეთის მუნიციპალიტეტის სოფელ უკანავას მიმდებარე ტერიტორიაზე. პროექტი ითვალისწინებს არარეგულირებადი, დერივაციული ტიპის ჰიდროელექტროსადგურის მშენებლობას და ექსპლუატაციას. "ბახვი 2" ჰესის ინფრასტრუქტურული ობიექტები განთავსდება მდინარე ბახვისწყლის მარცხენა სანაპიროზე, "ბახვი 3" ჰესის სათავე ნაგებობიდან დაახლოებით 100 მეტრის დაშორებით ზედა ბიეფში, ზღვის დონიდან 1370-504 მეტრ ნიშნულებს შორის. პროექტის მიხედვით, ჰესის სათავე კვანძიდან უახლოესი დასახლებული პუნქტი კურორტი ბახმარო, მდებარეობს 6570 მეტრში, ჰესის ძალური კვანძიდან (ჰესის შენობა) უახლოესი საცხოვრებელი ზონა, სოფ. უკანავა დაცილებულია 2315 მეტრით, ხოლო სოფ. ვაკიჯვარი 3375 მეტრით, თუმცა უნდა აღინიშნოს, რომ გარდა პროექტით გათვალისიწნებულისა, ჰესის მშენებლობა ასევე ეხება ოზურგეთის მუნიციპალიტეტის სოფლებს - ვანისქედი, ოქროსქედი, უკანავა, ფამფალეთი, ბახვი, მთისპირი და მშვიდობაური - სადაც მდინარე ბახვისწყალი ჩაედინება. პროექტის განმახორციელებელი შპს "ჯორჯიან ჰაიდრო ფაუერის" მიერ დაფუძნებული და 100%-იანი წილის მფლობელი კომპანია შპს "ბახვი 2"-ია. მოსარჩელე მხარე მიიჩნევს, რომ გარემოსდაცვითი გადაწყვეტილება კანონის დარღვევით არის გამოცემული და მნიშვნელოვნად ეწინააღმდეგება ეროვნული და საერთაშორისო კანონმდებლობის მოთხოვნებს. გარემოზე ზემოქმედების შეფასების დოკუმენტი (გზშ) ჰიდროელექტროსადგურების მშენებლობისა და ექსპლუატაციის ეტაპზე უმნიშვნელოვანესი დოკუმენტია, რომელიც მოიცავს ინფორმაციას დაგეგმილი საქმიანობის განხორციელებისას გარემოზე შესაძლო ზემოქმედების შესახებ, მათ შორის, მოსახლეობაზე, ადამიანის ჯანმრთელობაზე, ბიომრავალფეროვნებაზე, წყალზე, ჰაერზე, ნიადაგზე, კლიმატზე, ლანდშაფტზე, კულტურულ მემკვიდრეობაზე და სხვა მატერიალურ ფასეულობებზე. მოცემულ შემთხვევაში, მოსარჩელე მხარე მიიჩნევს, რომ კომპანიის მიერ წარდგენილი გარემოზე ზემოქმედების შეფასების დოკუმენტი არ მოიცავს სრულყოფილ და ამომწურავ ინფორმაციას, არ ეფუძნება სრულყოფილ კვლევებს, მათ შორის, არ არის სრულყოფილად გამოკვლეული ფიზიკურ და სოციალურ გარემოზე ზემოქმედების ყველა ფაქტორი; არ არის გამოკვლეული და შეუფასებელი ჰესის მშენებლობისა და ექსპლუატაციის კუმულატიური ეფექტი, მისი მშენებლობისა და ექსპლუატაციის გავლენა კურორტ ბახმაროს ეკოსისტემაზე, ასევე, იმ სოფლებსა და მცხოვრებ მოსახლეობაზე, სადაც მდინარე ჩაედინება. გარდა ამისა, არსებითად პრობლემურად დგას, გადაწყვეტილების მიღების პროცესში, საზოგადოების მონაწილეობის საკითხი, რამდენადაც გარემოსდაცვითი გადაწყვეტილება სამინისტროს მხრიდან ადგილობრივი მოსახლეობის სათანადო ინფორმირებისა და რეალური მონაწილეობითი პროცესის გარეშე განხორციელდა, რაც ადგილობრივ მოსახლეობას და გარემოს გამოუსწორებელი ზიანის რისკის ქვეშ აყენებს. ორგანიზაციამ გარემოსდაცვითი გადაწყვეტილების ბათილად ცნობის მოთხოვნით თბილისის საქალაქო სასამართლოს უკვე მიმართა და იმედს გამოთქვამს, რომ სასამართლო იქნება ოზურგეთის მოსახლეობისა და სხვა დაინტერესებული პირებისათვის უფლების დაცვისა და აღმასრულებელი ხელისუფლების მხრიდან ჰიდრორესურსების მართვის რეალური კონტროლის მექანიზმი. ... ...
  • რატომ გამოიძახეს თბილისში, ერთ-ერთ საცხოვრებელ კორპუსში მეხანძრე-მაშველებითბილისში, ვაზისუბანში მდებარე ერთ-ერთ საცხოვრებელ კორპუსში სახნძრო-სამაშველო სამსახური გამოიძახეს. ადგილობრივი მაცხოვრებლების თქმით, მეხანძრეები იმ მიზეზით გამოიძახეს, რომ სადარბაზოში დენის მრიცხველებთან კვამლის სუნი იდგა. როგორც საგანგებო სიტუაციების მართვის სამსახურში „გურია ნიუსს“ განუცხადეს, შემთხვევის ადგილზე მისულ მეხანძრეებს სერიოზული არაფერი ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

რას ფიქრობთ სოფლის მეურნეობის დახმარების პროგრამაზე?